गंगा-यात्रा

श्लोक 1 (uttara.46.1)

ततो रजन्यां व्युष्टायां लक्ष्मणो दीनचेतनः । सुमन्त्रमब्रवीद्वाक्यं मुखेन परिशुष्यता ।। 46.1 ।।

tato rajanyāṃ vyuṣṭāyāṃ lakṣmaṇo dīnacetanaḥ | sumantramabravīdvākyaṃ mukhena pariśuṣyatā || 46.1 ||

तत्पश्चात् रात्रि बीत जाने पर, दुःखी मन वाले लक्ष्मण ने मुख के सूख जाने पर भी सुमन्त्र से यह वचन कहा।

श्लोक 2 (uttara.46.2)

सारथे तुरगाञ्छीघ्रं योजयस्व रथोत्तमे । स्वास्तीर्णं राजभवनात्सीतायाश्चासनं कुरु ।। 46.2 ।।

sārathe turagāñchīghraṃ yojayasva rathottame | svāstīrṇaṃ rājabhavanātsītāyāścāsanaṃ kuru || 46.2 ||

"हे सारथे! शीघ्र ही उत्तम रथ में घोड़ों को जोतो, और राजभवन से सीता के लिए सुसज्जित आसन ले आओ।"

श्लोक 3 (uttara.46.3)

सीता हि राजवचनादाश्रमं पुण्यकर्मणाम् । मया नेया महर्षीणां शीघ्रमानीयतां रथः ।। 46.3 ।।

sītā hi rājavacanādāśramaṃ puṇyakarmaṇām | mayā neyā maharṣīṇāṃ śīghramānīyatāṃ rathaḥ || 46.3 ||

"क्योंकि राजा की आज्ञा से सीता को महर्षियों के उस पुण्यकर्मी आश्रम तक मुझे ले जाना है; शीघ्र रथ लाया जाए।"

श्लोक 4 (uttara.46.4)

सुमन्त्रस्तु तथेत्युक्त्वा युक्तं परमवाजिभिः । रथं सुरुचिरप्रख्यं स्वास्तीर्णं सुखशय्यया ।। 46.4 ।।

sumantrastu tathetyuktvā yuktaṃ paramavājibhiḥ | rathaṃ suruciraprakhyaṃ svāstīrṇaṃ sukhaśayyayā || 46.4 ||

सुमन्त्र ने "ऐसा ही हो" कहकर, उत्तम अश्वों से युक्त, अत्यन्त सुन्दर तथा सुखद शय्या से सुसज्जित उस रथ को ले आये।

श्लोक 5 (uttara.46.5)

आनीयोवाच सौमित्रिं मित्राणां मानवर्धनम् । रथो ऽयं समनुप्राप्तो यत्कार्यं क्रियतां प्रभो ।। 46.5 ।।

ānīyovāca saumitriṃ mitrāṇāṃ mānavardhanam | ratho 'yaṃ samanuprāpto yatkāryaṃ kriyatāṃ prabho || 46.5 ||

उसे लाकर उन्होंने मित्रों का सम्मान बढ़ाने वाले सौमित्रि से कहा, "हे प्रभो! यह रथ आ गया है; जो कार्य करना हो, वह कीजिए।"

श्लोक 6 (uttara.46.6)

एवमुक्तः सुमन्त्रेण राजवेश्मनि लक्ष्मणः । प्रविश्य सीतामासाद्य व्याजहार नरर्षभः ।। 46.6 ।।

evamuktaḥ sumantreṇa rājaveśmani lakṣmaṇaḥ | praviśya sītāmāsādya vyājahāra nararṣabhaḥ || 46.6 ||

सुमन्त्र द्वारा इस प्रकार कहे जाने पर, नरश्रेष्ठ लक्ष्मण ने राजभवन में प्रवेश करके सीता के पास जाकर यह कहा।

श्लोक 7 (uttara.46.7)

त्वया किलैष नृपतिर्वरं वै याचितः प्रभुः । नृपेण च प्रतिज्ञातमाज्ञप्तश्चाश्रमं प्रति ।। 46.7 ।।

tvayā kilaiṣa nṛpatirvaraṃ vai yācitaḥ prabhuḥ | nṛpeṇa ca pratijñātamājñaptaścāśramaṃ prati || 46.7 ||

"तुमने ही तो इस राजा प्रभु से एक वर मांगा था; राजा ने भी उसे स्वीकार किया है, और मुझे आश्रम के विषय में आज्ञा दी है।

श्लोक 8 (uttara.46.8)

गङ्गीतीरे मया देवि ऋषीणामाश्रमाञ्छुभान् । शीघ्रं गत्वा तु वैदेहि शासनात्पार्थिवस्य नः । अरण्ये मुनिभिर्जुष्टे अपनेया भविष्यसि ।। 46.8 ।।

gaṅgītīre mayā devi ṛṣīṇāmāśramāñchubhān | śīghraṃ gatvā tu vaidehi śāsanātpārthivasya naḥ | araṇye munibhirjuṣṭe apaneyā bhaviṣyasi || 46.8 ||

हे देवी! गंगा के तट पर स्थित ऋषियों के उन शुभ आश्रमों में, हे वैदेही! शीघ्र जाकर, हमारे राजा की आज्ञा से, मुनियों से सेवित उस वन में तुम्हें ले जाना है।"

श्लोक 9 (uttara.46.9)

एवमुक्ता तु वैदेही लक्ष्मणेन महात्मना । प्रहर्षमतुलं लेभे गमनं चाप्यरोचयत् ।। 46.9 ।।

evamuktā tu vaidehī lakṣmaṇena mahātmanā | praharṣamatulaṃ lebhe gamanaṃ cāpyarocayat || 46.9 ||

महात्मा लक्ष्मण के इस प्रकार कहने पर वैदेही को अतुलनीय हर्ष हुआ, और उन्होंने उस यात्रा को सहर्ष स्वीकार किया।

श्लोक 10 (uttara.46.10)

वासांसि च महार्हाणि रत्नानि विविधानि च । गृहीत्वा तानि वैदेही गमनायोपचक्रमे ।। 46.10 ।।

vāsāṃsi ca mahārhāṇi ratnāni vividhāni ca | gṛhītvā tāni vaidehī gamanāyopacakrame || 46.10 ||

बहुमूल्य वस्त्रों तथा विविध रत्नों को लेकर वैदेही यात्रा की तैयारी करने लगीं।

श्लोक 11 (uttara.46.11)

इमानि मुनिपत्नीनां दास्याम्याभरणान्यहम् । वस्त्राणि च महार्हाणि धनानि विविधानि च ।। 46.11 ।।

imāni munipatnīnāṃ dāsyāmyābharaṇānyaham | vastrāṇi ca mahārhāṇi dhanāni vividhāni ca || 46.11 ||

"ये आभूषण मैं मुनियों की पत्नियों को दूंगी, तथा बहुमूल्य वस्त्र और विविध प्रकार का धन भी।"

श्लोक 12 (uttara.46.12)

सौमित्रिस्तु तथेत्युक्त्वा रथमारोप्य मैथिलीम् । प्रययौ शीघ्रतुरगै रामस्याज्ञामनुस्मरन् ।। 46.12 ।।

saumitristu tathetyuktvā rathamāropya maithilīm | prayayau śīghraturagai rāmasyājñāmanusmaran || 46.12 ||

सौमित्रि ने "ऐसा ही हो" कहकर मैथिली को रथ पर बिठाया, और राम की आज्ञा का स्मरण करते हुए शीघ्रगामी घोड़ों के साथ प्रस्थान किया।

श्लोक 13 (uttara.46.13)

अब्रवीच्च तदा सीता लक्ष्मणं लक्ष्मिवर्धनम् । अशुभानि बहून्येव पश्यामि रघुनन्दन ।। 46.13 ।।

abravīcca tadā sītā lakṣmaṇaṃ lakṣmivardhanam | aśubhāni bahūnyeva paśyāmi raghunandana || 46.13 ||

तब सीता ने शोभा बढ़ाने वाले लक्ष्मण से कहा, "हे रघुनन्दन! मुझे बहुत से अशुभ लक्षण दिखाई दे रहे हैं।

श्लोक 14 (uttara.46.14)

नयनं मे स्फुरत्यद्य गात्रोत्कम्पश्च जायते । हृदयं चैव सौमित्रे अस्वस्थमिव लक्षये ।। 46.14 ।।

nayanaṃ me sphuratyadya gātrotkampaśca jāyate | hṛdayaṃ caiva saumitre asvasthamiva lakṣaye || 46.14 ||

आज मेरी आँख फड़क रही है, तथा शरीर में कम्पन हो रहा है; हे सौमित्रे! मेरा हृदय भी मानो अस्वस्थ-सा जान पड़ता है।

श्लोक 15 (uttara.46.15)

औत्सुक्यं परमं चापि अधृतिश्च परा मम । शून्यामेव च पश्यामि पृथिवीं पृथुलोचन ।। 46.15 ।।

autsukyaṃ paramaṃ cāpi adhṛtiśca parā mama | śūnyāmeva ca paśyāmi pṛthivīṃ pṛthulocana || 46.15 ||

मुझमें अत्यन्त व्याकुलता तथा परम अधीरता है; और हे विशाललोचन! मुझे यह सम्पूर्ण पृथ्वी शून्य-सी दिखाई दे रही है।

श्लोक 16 (uttara.46.16)

अपि स्वस्ति भवेत्तस्य भ्रातुस्ते भ्रातृवत्सल । श्वश्रूणां चैव मे वीर सर्वासामविशेषतः ।। 46.16 ।।

api svasti bhavettasya bhrātuste bhrātṛvatsala | śvaśrūṇāṃ caiva me vīra sarvāsāmaviśeṣataḥ || 46.16 ||

हे भ्रातृवत्सल! तुम्हारे उस भाई का कल्याण हो, तथा हे वीर! मेरी सभी सासुओं का भी, बिना किसी भेद के, कल्याण हो।

श्लोक 17 (uttara.46.17)

पुरे जनपदे चैव कुशलं प्राणिनामपि । इत्यञ्जलिकृता सीता देवता अभ्ययाचत ।। 46.17 ।।

pure janapade caiva kuśalaṃ prāṇināmapi | ityañjalikṛtā sītā devatā abhyayācata || 46.17 ||

"तथा नगर और जनपद में, और सभी प्राणियों का भी कुशल हो।" इस प्रकार हाथ जोड़कर सीता ने देवताओं से प्रार्थना की।

श्लोक 18 (uttara.46.18)

लक्ष्मणो ऽर्थं ततः श्रुत्वा शिरसा वन्द्य मैथिलीम् । शिवमित्यब्रवीद्धृष्टो हृदयेन विशुष्यता ।। 46.18 ।।

lakṣmaṇo 'rthaṃ tataḥ śrutvā śirasā vandya maithilīm | śivamityabravīddhṛṣṭo hṛdayena viśuṣyatā || 46.18 ||

यह सुनकर लक्ष्मण ने सिर झुकाकर मैथिली को प्रणाम किया, और हृदय के भीतर ही भीतर सूखते हुए भी, ऊपर से प्रसन्न होकर "कल्याण हो" ऐसा कहा।

श्लोक 19 (uttara.46.19)

ततो वासमुपागम्य गोमतीतीर आश्रमे । प्रभाते पुनरुत्थाय सौमित्रिः सूतमब्रवीत् ।। 46.19 ।।

tato vāsamupāgamya gomatītīra āśrame | prabhāte punarutthāya saumitriḥ sūtamabravīt || 46.19 ||

तत्पश्चात् गोमती नदी के तट पर स्थित आश्रम में रात्रि विश्राम करके, तथा प्रातःकाल पुनः उठकर सौमित्रि ने सारथी से कहा।

श्लोक 20 (uttara.46.20)

योजयस्व रथं शीघ्रमद्य भागीरथीजलम् । शिरसा धारयिष्यामि त्र्यम्बकः पर्वते यथा ।। 46.20 ।।

yojayasva rathaṃ śīghramadya bhāgīrathījalam | śirasā dhārayiṣyāmi tryambakaḥ parvate yathā || 46.20 ||

"रथ को शीघ्र जोतो; आज हम भागीरथी (गंगा) के जल तक पहुँचेंगे। मैं उसे अपने सिर पर उसी प्रकार धारण करूँगा, जैसे पर्वत पर त्र्यम्बक (शिव) ने धारण किया था।"

श्लोक 21 (uttara.46.21)

सो ऽश्वान् रज्वाथ चतुरो रथे युङ्क्त्वा मनोजवान् । आरोहस्वेति वैदेहीं सूतः प्राञ्जलिरब्रवीत् ।। 46.21 ।।

so 'śvān rajvātha caturo rathe yuṅktvā manojavān | ārohasveti vaidehīṃ sūtaḥ prāñjalirabravīt || 46.21 ||

उस समय सारथी ने चार मनोवेगी घोड़ों को लगाम से रथ में जोतकर, हाथ जोड़कर वैदेही से कहा, "आप रथ पर आरूढ़ हों।"

श्लोक 22 (uttara.46.22)

सा तु सूतस्य वचनादारुरोह रथोत्तमम् । सीता सौमित्रिणा सार्धं सुमन्त्रेण च धीमता ।। 46.22 ।।

sā tu sūtasya vacanādāruroha rathottamam | sītā saumitriṇā sārdhaṃ sumantreṇa ca dhīmatā || 46.22 ||

सारथी के वचन से सीता, सौमित्रि तथा बुद्धिमान् सुमन्त्र के साथ, उस उत्तम रथ पर आरूढ़ हुईं।

श्लोक 23 (uttara.46.23)

आससाद विशालाक्षी गङ्गां पापविनाशिनीम् । अथार्धदिवसं गत्वा भागीरथ्या जलाशयम् ।। 46.23 ।।

āsasāda viśālākṣī gaṅgāṃ pāpavināśinīm | athārdhadivasaṃ gatvā bhāgīrathyā jalāśayam || 46.23 ||

वह विशाल नेत्रों वाली सीता पापनाशिनी गंगा तक पहुँचीं; आधे दिन तक यात्रा करके वे भागीरथी के जलाशय तक पहुँचे।

श्लोक 24 (uttara.46.24)

निरीक्ष्य लक्ष्मणो दीनः प्ररुरोद महास्वनः ।। 46.24 ।।

nirīkṣya lakṣmaṇo dīnaḥ praruroda mahāsvanaḥ || 46.24 ||

उसे देखकर दुःखी लक्ष्मण ऊँचे स्वर में रो पड़े।

श्लोक 25 (uttara.46.25)

सीता तु परमायत्ता दृष्ट्वा लक्ष्मणमातुरम् । उवाच वाक्यं धर्मज्ञ किमिदं रुद्यते त्वया ।। 46.25 ।।

sītā tu paramāyattā dṛṣṭvā lakṣmaṇamāturam | uvāca vākyaṃ dharmajña kimidaṃ rudyate tvayā || 46.25 ||

किन्तु अत्यन्त व्याकुल सीता ने व्याकुल लक्ष्मण को देखकर यह वचन कहा, "हे धर्मज्ञ! तुम क्यों रो रहे हो?

श्लोक 26 (uttara.46.26)

जाह्नवीतीरमासाद्य चिराभिलषितं मम । हर्षकाले किमर्थं मां विषादयसि लक्ष्मण ।। 46.26 ।।

jāhnavītīramāsādya cirābhilaṣitaṃ mama | harṣakāle kimarthaṃ māṃ viṣādayasi lakṣmaṇa || 46.26 ||

"जाह्नवी (गंगा) के उस तट पर पहुँचकर, जिसकी मुझे बहुत दिनों से अभिलाषा थी — इस हर्ष के अवसर पर, हे लक्ष्मण! तुम मुझे विषाद में क्यों डाल रहे हो?

श्लोक 27 (uttara.46.27)

नित्यं त्वं रामपार्श्वेषु वर्तसे पुरुषर्षभ । कच्चिद्विनाकृतस्तेन द्विरात्रं शोकमागतः ।। 46.27 ।।

nityaṃ tvaṃ rāmapārśveṣu vartase puruṣarṣabha | kaccidvinākṛtastena dvirātraṃ śokamāgataḥ || 46.27 ||

हे पुरुषश्रेष्ठ! तुम सदा राम के समीप रहते हो; क्या दो रात्रि उनसे बिछड़े रहने के कारण ही तुम्हें यह शोक हुआ है?

श्लोक 28 (uttara.46.28)

ममापि दयितो रामो जीवितादपि लक्ष्मण । न चाहमेवं शोचामि मैवं त्वं बालिशो भव ।। 46.28 ।।

mamāpi dayito rāmo jīvitādapi lakṣmaṇa | na cāhamevaṃ śocāmi maivaṃ tvaṃ bāliśo bhava || 46.28 ||

हे लक्ष्मण! मुझे भी राम प्राणों से भी अधिक प्रिय हैं, फिर भी मैं इस प्रकार शोक नहीं करती; तुम भी ऐसे बालकों-जैसे मत बनो।"

श्लोक 29 (uttara.46.29)

तारयस्व च मां गङ्गां दर्शयस्व च तापसान् । ततो मुनिभ्यो दास्यामि वासांस्याभरणानि च ।। 46.29 ।।

tārayasva ca māṃ gaṅgāṃ darśayasva ca tāpasān | tato munibhyo dāsyāmi vāsāṃsyābharaṇāni ca || 46.29 ||

"मुझे गंगा के पार ले चलो, और तपस्वियों के दर्शन कराओ; उसके बाद मैं मुनियों को वस्त्र और आभूषण भेंट करूँगी।

श्लोक 30 (uttara.46.30)

ततः कृत्वा महर्षीणां यथार्हमभिवादनम् । तत्र चैकां निशामुष्य यास्यामस्तां पुरीं पुनः ।। 46.30 ।।

tataḥ kṛtvā maharṣīṇāṃ yathārhamabhivādanam | tatra caikāṃ niśāmuṣya yāsyāmastāṃ purīṃ punaḥ || 46.30 ||

फिर महर्षियों को यथोचित प्रणाम करके, तथा वहाँ एक रात्रि व्यतीत करके, हम पुनः उसी नगर को लौट चलेंगे।

श्लोक 31 (uttara.46.31)

ममापि पद्मपत्राक्षं सिंहोरस्कं कृशोदरम् । त्वरते हि मनो द्रष्टुं रामं रमयतां वरम् ।। 46.31 ।।

mamāpi padmapatrākṣaṃ siṃhoraskaṃ kṛśodaram | tvarate hi mano draṣṭuṃ rāmaṃ ramayatāṃ varam || 46.31 ||

मेरा मन भी कमल-पत्र के समान नेत्रों वाले, सिंह के समान वक्षस्थल वाले, कृशोदर तथा आनन्द देने वालों में श्रेष्ठ राम को देखने के लिए शीघ्रता कर रहा है।"

श्लोक 32 (uttara.46.32)

तस्यास्तद्वचनं श्रुत्वा प्रमृज्य नयने शुभे । नाविकानाह्वयामास लक्ष्मणः परवीरहा ।। 46.32 ।।

tasyāstadvacanaṃ śrutvā pramṛjya nayane śubhe | nāvikānāhvayāmāsa lakṣmaṇaḥ paravīrahā || 46.32 ||

उसके इस वचन को सुनकर, अपने सुन्दर नेत्रों को पोंछकर, शत्रुवीरों का नाश करने वाले लक्ष्मण ने नाविकों को बुलाया।

श्लोक 33 (uttara.46.33)

इयं च सज्जा नौश्चेति दाशाः प्राञ्जलयो ऽब्रुवन् ।। 46.33 ।।

iyaṃ ca sajjā nauśceti dāśāḥ prāñjalayo 'bruvan || 46.33 ||

"यह नाव तैयार है," ऐसा नाविकों ने हाथ जोड़कर कहा।

श्लोक 34 (uttara.46.34)

तितीर्षुर्लक्ष्मणो गङ्गां शुभां नावमुपारुहत् । गङ्गां सन्तारयामास लक्ष्मणस्तां समाहितः ।। 46.34 ।।

titīrṣurlakṣmaṇo gaṅgāṃ śubhāṃ nāvamupāruhat | gaṅgāṃ santārayāmāsa lakṣmaṇastāṃ samāhitaḥ || 46.34 ||

गंगा पार करने की इच्छा से लक्ष्मण उस सुन्दर नाव पर चढ़े; और संयत मन वाले लक्ष्मण ने उन्हें (सीता को) गंगा के पार पहुँचाया।