लक्ष्मण का सत्य-कथन

श्लोक 1 (uttara.47.1)

अथ नावं सुविस्तीर्णां नैषादीं राघवानुजः । आरुरोह समायुक्तां पूर्वमारोप्य मैथिलीम् ।। 47.1 ।।

atha nāvaṃ suvistīrṇāṃ naiṣādīṃ rāghavānujaḥ | āruroha samāyuktāṃ pūrvamāropya maithilīm || 47.1 ||

तत्पश्चात् राघव के छोटे भाई (लक्ष्मण) ने निषादों की उस सुविस्तृत, सुसज्जित नाव पर, पहले मैथिली को बिठाकर, स्वयं आरोहण किया।

श्लोक 2 (uttara.47.2)

सुमन्त्रं चैव सरथं स्थीयतामिति लक्ष्मणः । उवाच शोकसन्तप्तः प्रयाहीति च नाविकम् ।। 47.2 ।।

sumantraṃ caiva sarathaṃ sthīyatāmiti lakṣmaṇaḥ | uvāca śokasantaptaḥ prayāhīti ca nāvikam || 47.2 ||

शोक से संतप्त लक्ष्मण ने रथ सहित सुमन्त्र से "यहीं ठहरो" कहा, और नाविक से "चलो" कहा।

श्लोक 3 (uttara.47.3)

ततस्तीरमुपागम्य भागीरथ्याः स लक्ष्मणः । उवाच मैथिलीं वाक्यं प्राञ्जलिर्बाष्पसम्प्लुतः ।। 47.3 ।।

tatastīramupāgamya bhāgīrathyāḥ sa lakṣmaṇaḥ | uvāca maithilīṃ vākyaṃ prāñjalirbāṣpasamplutaḥ || 47.3 ||

तत्पश्चात् भागीरथी के तट पर पहुँचकर, लक्ष्मण ने हाथ जोड़कर, अश्रुओं से भीगे हुए, मैथिली से यह वचन कहा।

श्लोक 4 (uttara.47.4)

हृद्गतं मे महच्छल्यं यस्मादार्येण धीमता । अस्मिन्निमित्ते वैदेहि लोकस्य वचनीकृतः ।। 47.4 ।।

hṛdgataṃ me mahacchalyaṃ yasmādāryeṇa dhīmatā | asminnimitte vaidehi lokasya vacanīkṛtaḥ || 47.4 ||

"हे वैदेहि! मेरे हृदय में एक बड़ी पीड़ा (शल्य) है, क्योंकि इस कारण से बुद्धिमान् आर्य (राम) लोगों की निन्दा के पात्र बन गये हैं।

श्लोक 5 (uttara.47.5)

श्रेयो हि मरणं मे ऽद्य मृत्युर्वा यत्परं भवेत् । न चास्मिन्नीदृशे कार्ये नियोज्यो लोकनिन्दिते ।। 47.5 ।।

śreyo hi maraṇaṃ me 'dya mṛtyurvā yatparaṃ bhavet | na cāsminnīdṛśe kārye niyojyo lokanindite || 47.5 ||

"मेरे लिए आज मर जाना ही श्रेयस्कर है, अथवा जो भी परम मृत्यु हो; किन्तु लोकनिन्दित ऐसे इस कार्य में नियुक्त होना उचित नहीं है।

श्लोक 6 (uttara.47.6)

प्रसीद च न मे पापं कर्तुमर्हसि शोभने । इत्यञ्जलिकृतो भूमौ निपपात स लक्ष्मणः ।। 47.6 ।।

prasīda ca na me pāpaṃ kartumarhasi śobhane | ityañjalikṛto bhūmau nipapāta sa lakṣmaṇaḥ || 47.6 ||

और हे शोभने! तुम प्रसन्न होओ, मुझे पापी मत समझो।" ऐसा कहकर लक्ष्मण हाथ जोड़े हुए भूमि पर गिर पड़े।

श्लोक 7 (uttara.47.7)

रुदन्तं प्राञ्जलिं दृष्ट्वा काङ्क्षन्तं मृत्युमात्मनः । मैथिली भृशसंविग्ना लक्ष्मणं वाक्यमब्रवीत् ।। 47.7 ।।

rudantaṃ prāñjaliṃ dṛṣṭvā kāṅkṣantaṃ mṛtyumātmanaḥ | maithilī bhṛśasaṃvignā lakṣmaṇaṃ vākyamabravīt || 47.7 ||

उसे रोते हुए, हाथ जोड़े हुए, तथा अपनी मृत्यु की कामना करते हुए देखकर, अत्यन्त व्याकुल मैथिली ने लक्ष्मण से यह कहा।

श्लोक 8 (uttara.47.8)

किमिदं नावगच्छामि ब्रूहि तत्त्वेन लक्ष्मण । पश्यामि त्वां न च स्वस्थमपि क्षेमं महीपतेः ।। 47.8 ।।

kimidaṃ nāvagacchāmi brūhi tattvena lakṣmaṇa | paśyāmi tvāṃ na ca svasthamapi kṣemaṃ mahīpateḥ || 47.8 ||

"मैं समझ नहीं पा रही कि यह क्या है; हे लक्ष्मण! सच-सच बताओ। मैं देख रही हूँ कि तुम स्वस्थ नहीं हो, और यह भी नहीं जानती कि राजा कुशल हैं या नहीं।

श्लोक 9 (uttara.47.9)

शापितो ऽसि नरेन्द्रेण यत्त्वं सन्तापमागतः । तद्ब्रूयाः सन्निधौ मह्यमहमाज्ञापयामि ते ।। 47.9 ।।

śāpito 'si narendreṇa yattvaṃ santāpamāgataḥ | tadbrūyāḥ sannidhau mahyamahamājñāpayāmi te || 47.9 ||

"यदि राजा ने तुम्हें शपथ भी दिलाई हो, जिससे तुम इतने संतप्त हो, तो भी मेरे समक्ष वह बताओ; मैं तुम्हें आज्ञा देती हूँ।

श्लोक 10 (uttara.47.10)

वैदेह्या चोद्यमानस्तु लक्ष्मणो दीनचेतनः । अवाङ्मुखो बाष्पकलं वाक्यमेतदुवाच ह ।। 47.10 ।।

vaidehyā codyamānastu lakṣmaṇo dīnacetanaḥ | avāṅmukho bāṣpakalaṃ vākyametaduvāca ha || 47.10 ||

वैदेही द्वारा इस प्रकार पूछे जाने पर, दुःखी मन वाले लक्ष्मण ने मुख नीचा किये हुए, अश्रुगद्गद वाणी में यह वचन कहा।

श्लोक 11 (uttara.47.11)

श्रुत्वा परिषदो मध्ये ह्यपवादं सुदारुणम् । पुरे जनपदे चैव त्वत्कृते जनकात्मजे । रामः सन्तप्तहृदयो मा निवेद्य गृहं गतः ।। 47.11 ।।

śrutvā pariṣado madhye hyapavādaṃ sudāruṇam | pure janapade caiva tvatkṛte janakātmaje | rāmaḥ santaptahṛdayo mā nivedya gṛhaṃ gataḥ || 47.11 ||

"हे जनकात्मजे! सभा के बीच नगर और जनपद में तुम्हारे विषय में फैली हुई अत्यन्त भयंकर निन्दा को सुनकर, संतप्त हृदय वाले राम मुझे बिना कुछ बताये अपने भवन को चले गये।

श्लोक 12 (uttara.47.12)

न तानि वचनीयानि मया देवि तवाग्रतः । यानि राज्ञा हृदि न्यस्तान्यमर्षात्पृष्ठतः कृतः ।। 47.12 ।।

na tāni vacanīyāni mayā devi tavāgrataḥ | yāni rājñā hṛdi nyastānyamarṣātpṛṣṭhataḥ kṛtaḥ || 47.12 ||

"हे देवी! राजा ने क्रोधवश जो बातें मेरे हृदय में डालीं, और जिनके कारण मुझे पीछे हटना पड़ा, वे बातें तुम्हारे सामने कहने योग्य नहीं हैं।

श्लोक 13 (uttara.47.13)

सा त्वं त्यक्ता नृपतिना निर्दोषा मम सन्निधौ । पौरापवादभीतेन ग्राह्यं देवि न ते ऽन्यथा ।। 47.13 ।।

sā tvaṃ tyaktā nṛpatinā nirdoṣā mama sannidhau | paurāpavādabhītena grāhyaṃ devi na te 'nyathā || 47.13 ||

"तुम निर्दोष हो, फिर भी नगरवासियों की निन्दा से भयभीत राजा ने मेरे समक्ष तुम्हें त्याग दिया है; हे देवी! इसे किसी अन्य प्रकार से मत समझो।

श्लोक 14 (uttara.47.14)

आश्रमान्तेषु च मया त्यक्तव्या त्वं भविष्यसि । राज्ञः शासनमाज्ञाय तवेदं किल दौर्हृदम् ।। 47.14 ।।

āśramānteṣu ca mayā tyaktavyā tvaṃ bhaviṣyasi | rājñaḥ śāsanamājñāya tavedaṃ kila daurhṛdam || 47.14 ||

"और मुझे तुम्हें आश्रमों के समीप छोड़ना है। राजा की इस आज्ञा को जानकर, यह वास्तव में तुम्हारा दुर्भाग्य ही है।

श्लोक 15 (uttara.47.15)

तदेतज्जाह्नवीतीरे ब्रह्मर्षीणां तपोवनम् । पुण्यं च रमणीयं च मा विषादं कृथाः शुभे ।। 47.15 ।।

tadetajjāhnavītīre brahmarṣīṇāṃ tapovanam | puṇyaṃ ca ramaṇīyaṃ ca mā viṣādaṃ kṛthāḥ śubhe || 47.15 ||

"जाह्नवी के इस तट पर स्थित यह ब्रह्मर्षियों का तपोवन पवित्र और रमणीय है; हे शुभे! विषाद मत करो।

श्लोक 16 (uttara.47.16)

राज्ञो दशरथस्येष्टः पितुर्मे मुनिपुङ्गवः । सखा परमको विप्रो वाल्मीकिः सुमहायशाः ।। 47.16 ।।

rājño daśarathasyeṣṭaḥ piturme munipuṅgavaḥ | sakhā paramako vipro vālmīkiḥ sumahāyaśāḥ || 47.16 ||

"राजा दशरथ, मेरे पिता, को प्रिय, मुनियों में श्रेष्ठ, परम मित्र, अत्यन्त यशस्वी वह ब्राह्मण वाल्मीकि हैं।

श्लोक 17 (uttara.47.17)

पादच्छायामुपागम्य सुखमस्य महात्मनः । उपवासपरैकाग्रा वस त्वं जनकात्मजे ।। 47.17 ।।

pādacchāyāmupāgamya sukhamasya mahātmanaḥ | upavāsaparaikāgrā vasa tvaṃ janakātmaje || 47.17 ||

"इन महात्मा के चरणों की छाया में जाकर, हे जनकात्मजे! सुखपूर्वक तथा एकाग्रचित्त होकर उपवास में रहते हुए निवास करो।

श्लोक 18 (uttara.47.18)

पतिव्रतात्वमास्थाय रामं कृत्वा सदा हृदि । श्रेयस्ते परमं देवि तथा कृत्वा भविष्यति ।। 47.18 ।।

pativratātvamāsthāya rāmaṃ kṛtvā sadā hṛdi | śreyaste paramaṃ devi tathā kṛtvā bhaviṣyati || 47.18 ||

"पतिव्रता-धर्म का पालन करते हुए, राम को सदा हृदय में धारण करके — हे देवी! ऐसा करने से तुम्हारा परम कल्याण होगा।"