लक्ष्मण की वापसी और राम को सांत्वना

श्लोक 1 (uttara.52.1)

तत्र तां रजनीमुष्य केशिन्यां रघुनन्दनः । प्रभाते पुनरुत्थाय लक्ष्मणः प्रययौ तदा ।। 52.1 ।।

tatra tāṃ rajanīmuṣya keśinyāṃ raghunandanaḥ | prabhāte punarutthāya lakṣmaṇaḥ prayayau tadā || 52.1 ||

वहाँ केशिनी के तट पर वह रात्रि बिताकर, प्रातःकाल फिर उठकर रघुनन्दन लक्ष्मण आगे चल पड़े।

श्लोक 2 (uttara.52.2)

ततो ऽर्धदिवसे प्राप्ते प्रविवेश महारथः । अयोध्यां रत्नसम्पूर्णां हृष्टपुष्टजनावृताम् ।। 52.2 ।।

tato 'rdhadivase prāpte praviveśa mahārathaḥ | ayodhyāṃ ratnasampūrṇāṃ hṛṣṭapuṣṭajanāvṛtām || 52.2 ||

तत्पश्चात् मध्याह्न होने पर वह महारथी, रत्नों से परिपूर्ण तथा हृष्ट-पुष्ट जनों से भरी हुई अयोध्या में प्रविष्ट हुए।

श्लोक 3 (uttara.52.3)

सौमित्रिस्तु परं दैन्यं जगाम सुमहामतिः । रामपादौ समासाद्य वक्ष्यामि किमहं गतः ।। 52.3 ।।

saumitristu paraṃ dainyaṃ jagāma sumahāmatiḥ | rāmapādau samāsādya vakṣyāmi kimahaṃ gataḥ || 52.3 ||

किन्तु महाबुद्धिमान् सौमित्र अत्यंत दीनता को प्राप्त हो गए, यह सोचते हुए कि राम के चरणों में पहुँचकर वे क्या कहेंगे, कहाँ गए थे।

श्लोक 4 (uttara.52.4)

तस्यैवं चिन्तयानस्य भवनं शशिसन्निभम् । रामस्य परमोदारं पुरस्तान्समदृश्यत ।। 52.4 ।।

tasyaivaṃ cintayānasya bhavanaṃ śaśisannibham | rāmasya paramodāraṃ purastānsamadṛśyata || 52.4 ||

इस प्रकार सोचते हुए उन्हें सामने राम का चंद्रमा के समान उज्ज्वल और अत्यंत भव्य भवन दिखाई दिया।

श्लोक 5 (uttara.52.5)

राज्ञस्तु भवनद्वारि सो ऽवतीर्य रथोत्तमात् । अवाङ्मुखो दीनमनाः प्रविवेशानिवारितः ।। 52.5 ।।

rājñastu bhavanadvāri so 'vatīrya rathottamāt | avāṅmukho dīnamanāḥ praviveśānivāritaḥ || 52.5 ||

राजा के उस भवन के द्वार पर अपने उत्तम रथ से उतरकर, नीचा मुख किए हुए दीन-मन से, बिना किसी रोक-टोक के वे भीतर प्रविष्ट हुए।

श्लोक 6 (uttara.52.6)

स दृष्ट्वा राघवं दीनमासीनं परमासने । नेत्राभ्यामश्रुपूर्णाभ्यां ददर्शाग्रजमग्रतः ।। 52.6 ।।

sa dṛṣṭvā rāghavaṃ dīnamāsīnaṃ paramāsane | netrābhyāmaśrupūrṇābhyāṃ dadarśāgrajamagrataḥ || 52.6 ||

उसने राघव को दीन होकर उत्तम आसन पर बैठे देखा, और अश्रुपूर्ण नेत्रों से अपने बड़े भाई को सामने देखा।

श्लोक 7 (uttara.52.7)

जग्राह चरणौ तस्य लक्ष्मणो दीनचेतनः । उवाच दीनया वाचा प्राञ्जलिः सुसमाहितः ।। 52.7 ।।

jagrāha caraṇau tasya lakṣmaṇo dīnacetanaḥ | uvāca dīnayā vācā prāñjaliḥ susamāhitaḥ || 52.7 ||

दीन हृदय हुए लक्ष्मण ने उनके चरण पकड़ लिए, और हाथ जोड़कर, पूर्णतः संयत होकर, दीन वाणी में कहा।

श्लोक 8 (uttara.52.8)

आर्यस्याज्ञां पुरस्कृत्य विसृज्य जनकात्मजाम् । गङ्गातीरे यथोद्दिष्टे वाल्मीकेराश्रमे शुचौ ।। 52.8 ।।

āryasyājñāṃ puraskṛtya visṛjya janakātmajām | gaṅgātīre yathoddiṣṭe vālmīkerāśrame śucau || 52.8 ||

"आर्य की आज्ञा को शिरोधार्य कर, गंगा के तट पर, जैसा निर्देश दिया गया था, उसी के अनुसार वाल्मीकि के पवित्र आश्रम में जानकी को छोड़कर,

श्लोक 9 (uttara.52.9)

तत्र तां च शुभाचारामाश्रमान्ते यशस्विनीम् । पुनरप्यागतो वीर पादमूलमुपासितुम् ।। 52.9 ।।

tatra tāṃ ca śubhācārāmāśramānte yaśasvinīm | punarapyāgato vīra pādamūlamupāsitum || 52.9 ||

और उस शुभ आचरण वाली, यशस्विनी सीता को उस आश्रम के समीप छोड़कर, हे वीर! मैं फिर से आपके चरणों की सेवा करने के लिए लौट आया हूँ।"

श्लोक 10 (uttara.52.10)

मा शुचः पुरुषव्याघ्र कालस्य गतिरीदृशी । त्वद्विधा न हि शोचन्ति बुद्धिमन्तो मनस्विनः ।। 52.10 ।।

mā śucaḥ puruṣavyāghra kālasya gatirīdṛśī | tvadvidhā na hi śocanti buddhimanto manasvinaḥ || 52.10 ||

"हे पुरुषव्याघ्र! शोक मत करो, काल की गति ऐसी ही होती है। तुम्हारे जैसे बुद्धिमान् और मनस्वी पुरुष शोक नहीं किया करते।

श्लोक 11 (uttara.52.11)

सर्वे क्षयान्ता निचयाः पतनान्ताः समुच्छ्रयाः । संयोगा विप्रयोगान्ता मरणान्तं च जीवितम् ।। 52.11 ।।

sarve kṣayāntā nicayāḥ patanāntāḥ samucchrayāḥ | saṃyogā viprayogāntā maraṇāntaṃ ca jīvitam || 52.11 ||

सारे संचय क्षय में अंत होते हैं, सारी उन्नतियाँ पतन में अंत होती हैं, सारे संयोग वियोग में अंत होते हैं, और जीवन मृत्यु में अंत होता है।

श्लोक 12 (uttara.52.12)

तस्मात्पुत्रेषु दारेषु मित्रेषु च धनेषु च । नातिप्रसङ्गः कर्तव्यो विप्रयोगो हि तैर्ध्रुवम् ।। 52.12 ।।

tasmātputreṣu dāreṣu mitreṣu ca dhaneṣu ca | nātiprasaṅgaḥ kartavyo viprayogo hi tairdhruvam || 52.12 ||

इसलिए पुत्रों में, पत्नी में, मित्रों में और धन में अत्यधिक आसक्ति नहीं करनी चाहिए, क्योंकि उनसे वियोग निश्चित है।

श्लोक 13 (uttara.52.13)

शक्तस्त्वमात्मना ऽ ऽत्मानं विनेतुं मनसैव हि । लोकान्सर्वांश्च काकुत्स्थ किं पुनः शोकमात्मनः ।। 52.13 ।।

śaktastvamātmanā 'tmānaṃ vinetuṃ manasaiva hi | lokānsarvāṃśca kākutstha kiṃ punaḥ śokamātmanaḥ || 52.13 ||

हे काकुत्स्थ! आप स्वयं अपने मन से न केवल अपने-आपको, बल्कि समस्त लोकों को भी अनुशासित करने में समर्थ हैं, फिर अपने शोक की तो बात ही क्या?

श्लोक 14 (uttara.52.14)

नेदृशेषु विमुह्यन्ति त्वद्विधाः पुरुषर्षभाः । अपवादः स किल ते पुनरेष्यति राघव ।। 52.14 ।।

nedṛśeṣu vimuhyanti tvadvidhāḥ puruṣarṣabhāḥ | apavādaḥ sa kila te punareṣyati rāghava || 52.14 ||

पुरुषों में श्रेष्ठ आप जैसे लोग ऐसी बातों में मोहित नहीं होते। हे राघव! वह अपवाद तो निश्चय ही फिर लौट आएगा।

श्लोक 15 (uttara.52.15)

यदर्थं मैथिली त्यक्ता अपवादभयान्नृप । सो ऽपवादः पुरे राजन्भविष्यति न संशयः ।। 52.15 ।।

yadarthaṃ maithilī tyaktā apavādabhayānnṛpa | so 'pavādaḥ pure rājanbhaviṣyati na saṃśayaḥ || 52.15 ||

हे राजन्! जिस अपवाद के भय से मैथिली को त्यागा गया, वह अपवाद तो नगर में फिर भी होगा ही, इसमें कोई संशय नहीं।

श्लोक 16 (uttara.52.16)

स त्वं पुरुषशार्दूल धैर्येण सुसमाहितः । त्यजैनां दुर्बलां बुद्धिं सन्तापं मा कुरुष्व ह ।। 52.16 ।।

sa tvaṃ puruṣaśārdūla dhairyeṇa susamāhitaḥ | tyajaināṃ durbalāṃ buddhiṃ santāpaṃ mā kuruṣva ha || 52.16 ||

इसलिए हे पुरुषश्रेष्ठ! आप धैर्य से पूर्णतः संयत रहें, इस दुर्बल बुद्धि को त्याग दें, और संताप न करें।"

श्लोक 17 (uttara.52.17)

एवमुक्तः स काकुत्स्थो लक्ष्मणेन महात्मना । उवाच परया प्रीत्या सौमित्रिं मित्रवत्सलः ।। 52.17 ।।

evamuktaḥ sa kākutstho lakṣmaṇena mahātmanā | uvāca parayā prītyā saumitriṃ mitravatsalaḥ || 52.17 ||

महात्मा लक्ष्मण के इस प्रकार कहने पर, मित्रवत्सल काकुत्स्थ ने परम प्रेम के साथ सौमित्र से कहा।

श्लोक 18 (uttara.52.18)

एवमेतन्नरश्रेष्ठ यथा वदसि लक्ष्मण । परितोषश्च मे वीर मम कार्यानुशासने ।। 52.18 ।।

evametannaraśreṣṭha yathā vadasi lakṣmaṇa | paritoṣaśca me vīra mama kāryānuśāsane || 52.18 ||

"हे नरश्रेष्ठ लक्ष्मण! जैसा तुम कहते हो, वैसा ही है। हे वीर! अपने कर्तव्य के पालन में तुमने मुझे संतोष भी दिया है।

श्लोक 19 (uttara.52.19)

निवृत्तिश्चागता सौम्य सन्तापश्च निराकृतः । भवद्वाक्यैः सुरुचिरैरनुनीतो ऽस्मि लक्ष्मण ।। 52.19 ।।

nivṛttiścāgatā saumya santāpaśca nirākṛtaḥ | bhavadvākyaiḥ surucirairanunīto 'smi lakṣmaṇa || 52.19 ||

हे सौम्य! अब मेरे मन में शांति आ गई है, और संताप दूर हो गया है। हे लक्ष्मण! तुम्हारे इन अत्यंत सुंदर वचनों से मैं सांत्वना पा गया हूँ।"