राजा नृग की कथा

श्लोक 1 (uttara.53.1)

लक्ष्मणस्य तु तद्वाक्यं निशम्य परमाद्भुतम् । सुप्रीतश्चाभवद्रामो वाक्यमेतदुवाच ह ।। 53.1 ।।

lakṣmaṇasya tu tadvākyaṃ niśamya paramādbhutam | suprītaścābhavadrāmo vākyametaduvāca ha || 53.1 ||

लक्ष्मण के उस अत्यंत अद्भुत वचन को सुनकर राम अत्यंत प्रसन्न हुए, और यह वचन कहने लगे।

श्लोक 2 (uttara.53.2)

दुर्लभस्त्वीदृशो बन्धुरस्मिन्काले विशेषतः । यादृशस्त्वं महाबुद्धेर्मम सौम्य मनो ऽनुगः ।। 53.2 ।।

durlabhastvīdṛśo bandhurasminkāle viśeṣataḥ | yādṛśastvaṃ mahābuddhermama saumya mano 'nugaḥ || 53.2 ||

हे सौम्य! ऐसा भाई पाना दुर्लभ है, विशेषकर इस समय में, जैसे तुम - महाबुद्धिमान् और मेरे मन का अनुसरण करने वाले।

श्लोक 3 (uttara.53.3)

यच्च मे हृदये किञ्चिद्वर्तते शुभलक्षण । तन्निशामय च श्रुत्वा कुरुष्व वचनं मम ।। 53.3 ।।

yacca me hṛdaye kiñcidvartate śubhalakṣaṇa | tanniśāmaya ca śrutvā kuruṣva vacanaṃ mama || 53.3 ||

हे शुभलक्षण! जो कुछ मेरे हृदय में है, उसे ध्यानपूर्वक सुनो, और सुनकर मेरे वचन का पालन करो।

श्लोक 4 (uttara.53.4)

चत्वारो दिवसाः सौम्य कार्यं पौरजनस्य वै । अकुर्वाणस्य सौमित्रे तन्मे मर्माणि कृन्तति ।। 53.4 ।।

catvāro divasāḥ saumya kāryaṃ paurajanasya vai | akurvāṇasya saumitre tanme marmāṇi kṛntati || 53.4 ||

हे सौम्य सौमित्रे! चार दिन हो गए हैं जब मैंने नगरवासियों के कार्य नहीं किए हैं; यह बात मेरे मर्मस्थल को काट रही है।

श्लोक 5 (uttara.53.5)

आहूयन्तां प्रकृतयः पुरोधा मन्त्रिणस्तथा । कार्यार्थिनश्च पुरुषाः स्त्रियश्च पुरुषर्षभ ।। 53.5 ।।

āhūyantāṃ prakṛtayaḥ purodhā mantriṇastathā | kāryārthinaśca puruṣāḥ striyaśca puruṣarṣabha || 53.5 ||

हे पुरुषर्षभ! प्रजाजनों को, पुरोहित को, मंत्रियों को, तथा कार्य के अभिलाषी स्त्री-पुरुषों को बुलवाया जाए।

श्लोक 6 (uttara.53.6)

पौरकार्याणि यो राजा न करोति दिने दिने । संवृते नरके घोरे पतितो नात्र संशयः ।। 53.6 ।।

paurakāryāṇi yo rājā na karoti dine dine | saṃvṛte narake ghore patito nātra saṃśayaḥ || 53.6 ||

जो राजा प्रजा के कार्यों को प्रतिदिन नहीं करता, वह घोर, बंद नरक में गिर चुका है - इसमें कोई संदेह नहीं।

श्लोक 7 (uttara.53.7)

श्रूयते हि पुरा राजा नृगो नाम महायशाः । बभूव पृथिवीपालो ब्रह्मण्यः सत्यवाक् शुचिः ।। 53.7 ।।

śrūyate hi purā rājā nṛgo nāma mahāyaśāḥ | babhūva pṛthivīpālo brahmaṇyaḥ satyavāk śuciḥ || 53.7 ||

सुना जाता है कि पूर्वकाल में नृग नामक एक अत्यंत यशस्वी राजा हुए थे, जो पृथ्वी के पालक, ब्राह्मणों के हितैषी, सत्यवादी और पवित्र थे।

श्लोक 8 (uttara.53.8)

स कदाचिद्गवां कोटीः सवत्साः स्वर्णभूषिताः । नृदेवो भूमिदेवेभ्यः पुष्करेषु ददौ नृपः ।। 53.8 ।।

sa kadācidgavāṃ koṭīḥ savatsāḥ svarṇabhūṣitāḥ | nṛdevo bhūmidevebhyaḥ puṣkareṣu dadau nṛpaḥ || 53.8 ||

उस राजा ने, जो मनुष्यों में देवता के समान थे, एक बार पुष्कर तीर्थ में सुवर्ण-भूषित, बछड़ों सहित करोड़ों गौएँ ब्राह्मणों को दान में दीं।

श्लोक 9 (uttara.53.9)

ततः सङ्गाद्गता धेनुः सवत्सा स्पर्शिता ऽनघ । ब्राह्मणस्याहिताग्नेश्च दरिद्रस्योञ्छवर्तिनः ।। 53.9 ।।

tataḥ saṅgādgatā dhenuḥ savatsā sparśitā 'nagha | brāhmaṇasyāhitāgneśca daridrasyoñchavartinaḥ || 53.9 ||

हे निष्पाप! उसी भीड़ में एक बछड़े सहित गाय, जो एक निर्धन, अग्निहोत्री, बालोंछ-वृत्ति से जीवन-यापन करने वाले ब्राह्मण की थी, इस दान में सम्मिलित होकर छू ली गई।

श्लोक 10 (uttara.53.10)

स नष्टां गां क्षुधार्तो वै अन्विषंस्तत्र तत्र च । नापश्यत्सर्वराज्येषु संवत्सरगणान्बहून् ।। 53.10 ।।

sa naṣṭāṃ gāṃ kṣudhārto vai anviṣaṃstatra tatra ca | nāpaśyatsarvarājyeṣu saṃvatsaragaṇānbahūn || 53.10 ||

क्षुधा से पीड़ित होकर वह ब्राह्मण अपनी खोई हुई गाय को यहाँ-वहाँ ढूँढ़ता रहा, परन्तु अनेक वर्षों तक सभी राज्यों में उसे कहीं नहीं देख सका।

श्लोक 11 (uttara.53.11)

ततः कनखलं गत्वा जीर्णवत्सां निरामयाम् । ददर्श गां स्वकां धेनुं ब्राह्मणस्य निवेशने ।। 53.11 ।।

tataḥ kanakhalaṃ gatvā jīrṇavatsāṃ nirāmayām | dadarśa gāṃ svakāṃ dhenuṃ brāhmaṇasya niveśane || 53.11 ||

तत्पश्चात् कनखल जाकर, अपनी उस गाय को, जिसका बछड़ा अब बूढ़ा हो चुका था किन्तु वह स्वयं निरोग थी, उसने एक ब्राह्मण के घर में देखा।

श्लोक 12 (uttara.53.12)

अथ तां नामधेयेन स्वकेनोवाच स द्विजः । आगच्छ शबलेत्येवं सा तु शुश्राव गौः स्वरम् ।। 53.12 ।।

atha tāṃ nāmadheyena svakenovāca sa dvijaḥ | āgaccha śabaletyevaṃ sā tu śuśrāva gauḥ svaram || 53.12 ||

तब उस ब्राह्मण ने उसे उसके अपने नाम से पुकारा, "आओ शबले!" - और उस गाय ने वह स्वर सुना।

श्लोक 13 (uttara.53.13)

तस्य तं स्वरमाज्ञाय क्षुधार्तस्य द्विजस्य वै । अन्वगात्पृष्ठतः सा गौर्गच्छन्तं पावकोपमम् ।। 53.13 ।।

tasya taṃ svaramājñāya kṣudhārtasya dvijasya vai | anvagātpṛṣṭhataḥ sā gaurgacchantaṃ pāvakopamam || 53.13 ||

उस क्षुधा से पीड़ित ब्राह्मण के उस स्वर को पहचानकर, अग्नि के समान तेजस्वी उस चलते हुए ब्राह्मण के पीछे-पीछे वह गाय चल पड़ी।

श्लोक 14 (uttara.53.14)

यो ऽपि पालयते विप्रः सो ऽपि गामन्वगाद्द्रुतम् । गत्वा तमृषिमाचष्ट मम गौरिति सत्वरम् ।। 53.14 ।।

yo 'pi pālayate vipraḥ so 'pi gāmanvagāddrutam | gatvā tamṛṣimācaṣṭa mama gauriti satvaram || 53.14 ||

जो ब्राह्मण उस गाय का पालन कर रहा था, वह भी शीघ्रता से उस गाय के पीछे दौड़ा, और उस ऋषि के पास जाकर तुरन्त कह उठा, "यह गाय मेरी है!"

श्लोक 15 (uttara.53.15)

स्पर्शिता राजसिंहेन मम दत्ता नृगेण ह । तयोर्ब्राह्मणयोर्वादो महानासीद्विपश्चितोः ।। 53.15 ।।

sparśitā rājasiṃhena mama dattā nṛgeṇa ha | tayorbrāhmaṇayorvādo mahānāsīdvipaścitoḥ || 53.15 ||

"इसे राजसिंह नृग ने छुआया और मुझे दान में दी है" - इस प्रकार उन दोनों विद्वान् ब्राह्मणों में भारी विवाद हो गया।

श्लोक 16 (uttara.53.16)

विवदन्तौ ततो ऽन्योन्यं दातारमभिजग्मतुः । तौ राजभवनद्वारि न प्राप्तौ नृगशासनम् ।। 53.16 ।।

vivadantau tato 'nyonyaṃ dātāramabhijagmatuḥ | tau rājabhavanadvāri na prāptau nṛgaśāsanam || 53.16 ||

परस्पर विवाद करते हुए वे दोनों उस दानदाता राजा नृग के पास गए, किन्तु राजभवन के द्वार पर उन्हें नृग से भेंट की अनुमति नहीं मिली।

श्लोक 17 (uttara.53.17)

अहोरात्राण्यनेकानि वसन्तौ क्रोधमीयतुः । ऊचतुश्च महात्मानौ तावुभौ द्विजसत्तमौ । क्रुद्धौ परमसम्प्राप्तौ वाक्यं घोराभिसंहितम् ।। 53.17 ।।

ahorātrāṇyanekāni vasantau krodhamīyatuḥ | ūcatuśca mahātmānau tāvubhau dvijasattamau | kruddhau paramasamprāptau vākyaṃ ghorābhisaṃhitam || 53.17 ||

वहाँ अनेक दिन-रात रहते हुए वे दोनों क्रोधित हो गए, और अत्यंत क्रुद्ध होकर वे दोनों महात्मा, श्रेष्ठ ब्राह्मण, एक भयानक वचन कहने लगे।

श्लोक 18 (uttara.53.18)

अर्थिनां कार्यसिद्ध्यर्थं यस्मात्त्वं नैषि दर्शनम् । अदृश्यः सर्वभूतानां कृकलासो भविष्यसि ।। 53.18 ।।

arthināṃ kāryasiddhyarthaṃ yasmāttvaṃ naiṣi darśanam | adṛśyaḥ sarvabhūtānāṃ kṛkalāso bhaviṣyasi || 53.18 ||

"चूँकि तुम याचकों के कार्य की सिद्धि के लिए दर्शन नहीं देते, इसलिए तुम सब प्राणियों के लिए अदृश्य गिरगिट बन जाओगे।

श्लोक 19 (uttara.53.19)

बहुवर्षसहस्राणि बहुवर्षशतानि च । श्वभ्रे ऽस्मिन् कृकलासो वै दीर्घकालं वसिष्यसि ।। 53.19 ।।

bahuvarṣasahasrāṇi bahuvarṣaśatāni ca | śvabhre 'smin kṛkalāso vai dīrghakālaṃ vasiṣyasi || 53.19 ||

अनेक हजार वर्षों और अनेक सौ वर्षों तक, तुम इस बिल में गिरगिट बनकर दीर्घकाल तक रहोगे।"

श्लोक 20 (uttara.53.20)

उत्पत्स्यते हि लोके ऽस्मिन्यदूनां कीर्तिवर्धनः । वासुदेव इति ख्यातो विष्णुः पुरुषविग्रहः ।। 53.20 ।।

utpatsyate hi loke 'sminyadūnāṃ kīrtivardhanaḥ | vāsudeva iti khyāto viṣṇuḥ puruṣavigrahaḥ || 53.20 ||

"इस लोक में यदुवंशियों की कीर्ति बढ़ाने वाले, वासुदेव नाम से विख्यात, मनुष्य-रूपधारी विष्णु उत्पन्न होंगे,

श्लोक 21 (uttara.53.21)

स ते मोक्षयिता राजंस्तस्माच्छापाद्भविष्यति । कृता च तेन कालेन निष्कृतिस्ते भविष्यति ।। 53.21 ।।

sa te mokṣayitā rājaṃstasmācchāpādbhaviṣyati | kṛtā ca tena kālena niṣkṛtiste bhaviṣyati || 53.21 ||

वही, हे राजन्, तुम्हें उस शाप से मुक्त करने वाला होगा, और उस समय के आने पर तुम्हारा उद्धार भी हो जाएगा।

श्लोक 22 (uttara.53.22)

भारावतरणार्थं हि नरनारायणावुभौ । उत्पत्स्येते महावीर्यौ कलौ युग उपस्थिते ।। 53.22 ।।

bhārāvataraṇārthaṃ hi naranārāyaṇāvubhau | utpatsyete mahāvīryau kalau yuga upasthite || 53.22 ||

पृथ्वी के भार को उतारने के लिए ही, नर और नारायण - दोनों महापराक्रमी - कलियुग के समीप आने पर उत्पन्न होंगे।"

श्लोक 23 (uttara.53.23)

एवं तौ शापमुत्सृज्य ब्राह्मणौ विगतज्वरौ । तां गां हि दुर्बलां वृद्धां ददतुर्ब्राह्मणाय वै ।। 53.23 ।।

evaṃ tau śāpamutsṛjya brāhmaṇau vigatajvarau | tāṃ gāṃ hi durbalāṃ vṛddhāṃ dadaturbrāhmaṇāya vai || 53.23 ||

इस प्रकार शाप देकर, अपने संताप से मुक्त हुए वे दोनों ब्राह्मण उस दुर्बल, वृद्ध गाय को उसके वास्तविक स्वामी ब्राह्मण को दे दिए।

श्लोक 24 (uttara.53.24)

एवं स राजा तं शापमुपभुङ्क्ते सुदारुणम् ।। 53.24 ।।

evaṃ sa rājā taṃ śāpamupabhuṅkte sudāruṇam || 53.24 ||

इस प्रकार वह राजा उस अत्यंत भयंकर शाप को भोग रहा है।

श्लोक 25 (uttara.53.25)

कार्यार्थिनां विमर्दो हि राज्ञां दोषाय कल्पते । तच्छीघ्रं दर्शनं मह्यमभिवर्तन्तु कार्यिणः ।। 53.25 ।।

kāryārthināṃ vimardo hi rājñāṃ doṣāya kalpate | tacchīghraṃ darśanaṃ mahyamabhivartantu kāryiṇaḥ || 53.25 ||

याचकों को कष्ट पहुँचाना राजाओं के लिए दोष का कारण बनता है। इसलिए जिन्हें भी कोई कार्य है, वे शीघ्र ही मेरे पास दर्शन के लिए आएँ।

श्लोक 26 (uttara.53.26)

सुकृतस्य हि कार्यस्य फलं नापैति पार्थिवः । तस्माद्गच्छ प्रतीक्षस्व सौमित्रे कार्यवाञ्जनः ।। 53.26 ।।

sukṛtasya hi kāryasya phalaṃ nāpaiti pārthivaḥ | tasmādgaccha pratīkṣasva saumitre kāryavāñjanaḥ || 53.26 ||

राजा कभी सुकृत कार्य के फल से वंचित नहीं होता। इसलिए हे सौमित्रे! जाओ, और देखो कि कार्य लेकर आए हुए लोग प्रतीक्षा कर रहे हैं।"