ययाति का शाप

श्लोक 1 (uttara.58.1)

एवं ब्रुवति रामे तु लक्ष्मणः परवीरहा । प्रत्युवाच महात्मानं ज्वलन्तमिव तेजसा ।। 58.1 ।।

evaṃ bruvati rāme tu lakṣmaṇaḥ paravīrahā | pratyuvāca mahātmānaṃ jvalantamiva tejasā || 58.1 ||

राम के इस प्रकार कहते रहने पर, शत्रुवीरनाशक लक्ष्मण ने तेज से मानो प्रज्वलित हो रहे उस महात्मा को उत्तर दिया।

श्लोक 2 (uttara.58.2)

महदद्भुतमाश्चर्यं विदेहस्य पुरातनम् । निर्वृत्तं राजशार्दूल वसिष्ठस्य निमेस्सह ।। 58.2 ।।

mahadadbhutamāścaryaṃ videhasya purātanam | nirvṛttaṃ rājaśārdūla vasiṣṭhasya nimessaha || 58.2 ||

"हे राजशार्दूल! विदेहराज से संबंधित यह अत्यंत महान, अद्भुत और आश्चर्यजनक घटना, जो वसिष्ठ और निमि के साथ प्राचीनकाल में घटित हुई थी।

श्लोक 3 (uttara.58.3)

निमिस्तु क्षत्रियः शूरो विशेषेण च दीक्षितः । न क्षमां कृतवान्राजा वसिष्ठस्य महात्मनः ।। 58.3 ।।

nimistu kṣatriyaḥ śūro viśeṣeṇa ca dīkṣitaḥ | na kṣamāṃ kṛtavānrājā vasiṣṭhasya mahātmanaḥ || 58.3 ||

किन्तु निमि, जो एक शूरवीर क्षत्रिय था और विशेषरूप से दीक्षा में स्थित था, उस राजा ने महात्मा वसिष्ठ के प्रति क्षमा नहीं दिखाई।"

श्लोक 4 (uttara.58.4)

एवमुक्तस्तु तेनायं श्रीमान् क्षत्रियपुङ्गवः । उवाच लक्ष्मणं वाक्यं सर्वशास्त्रविशारदम् ।। 58.4 ।।

evamuktastu tenāyaṃ śrīmān kṣatriyapuṅgavaḥ | uvāca lakṣmaṇaṃ vākyaṃ sarvaśāstraviśāradam || 58.4 ||

उसके इस प्रकार कहने पर, उन श्रीमान् क्षत्रियश्रेष्ठ (राम) ने सर्वशास्त्रविशारद लक्ष्मण से यह वचन कहा।

श्लोक 5 (uttara.58.5)

रामो रमयतां श्रेष्ठो भ्रातरं दीप्ततेजसम् । न सर्वत्र क्षमा वीर पुरुषेषु प्रदृश्यते ।। 58.5 ।।

rāmo ramayatāṃ śreṣṭho bhrātaraṃ dīptatejasam | na sarvatra kṣamā vīra puruṣeṣu pradṛśyate || 58.5 ||

आनंद देने वालों में श्रेष्ठ राम ने तेजस्वी भाई से कहा - "हे वीर! क्षमा सभी पुरुषों में सर्वत्र नहीं देखी जाती।

श्लोक 6 (uttara.58.6)

सौमित्रे दुःसहो रोषो यथा क्षान्तो ययातिना । सत्त्वानुगं पुरस्कृत्य तन्निबोध समाहितः ।। 58.6 ।।

saumitre duḥsaho roṣo yathā kṣānto yayātinā | sattvānugaṃ puraskṛtya tannibodha samāhitaḥ || 58.6 ||

हे सौमित्रे! ध्यानपूर्वक सुनो कि किस प्रकार सात्त्विकता को प्रधान मानकर ययाति ने असह्य क्रोध को सहन किया था।

श्लोक 7 (uttara.58.7)

नहुषस्य सुतो राजा ययातिः पौरवर्धनः । तस्य भार्याद्वयं सौम्य रूपेणाप्रतिमं भुवि ।। 58.7 ।।

nahuṣasya suto rājā yayātiḥ pauravardhanaḥ | tasya bhāryādvayaṃ saumya rūpeṇāpratimaṃ bhuvi || 58.7 ||

नहुष के पुत्र राजा ययाति पौरववंश के वर्धनकर्ता थे। हे सौम्य! उनकी दो पत्नियाँ थीं, जो पृथ्वी पर रूप में अनुपम थीं।

श्लोक 8 (uttara.58.8)

एका तु तस्य राजर्षेर्नाहुषस्य पुरस्कृता । शर्मिष्ठा नाम दैतेयी दुहिता वृषपर्वणः ।। 58.8 ।।

ekā tu tasya rājarṣernāhuṣasya puraskṛtā | śarmiṣṭhā nāma daiteyī duhitā vṛṣaparvaṇaḥ || 58.8 ||

उस राजर्षि नाहुष की एक प्रमुख पत्नी शर्मिष्ठा नामक थी, जो दैत्यराज वृषपर्वा की पुत्री थी।

श्लोक 9 (uttara.58.9)

अन्या तूशनसः पत्नी ययातेः पुरुषर्षभ । न तु सा दयिता राज्ञो देवयानी सुमध्यमा ।। 58.9 ।।

anyā tūśanasaḥ patnī yayāteḥ puruṣarṣabha | na tu sā dayitā rājño devayānī sumadhyamā || 58.9 ||

हे पुरुषर्षभ! दूसरी थी उशना (शुक्राचार्य) की सुमध्यमा पुत्री देवयानी, जो ययाति की पत्नी थी; परन्तु वह राजा की प्रिय नहीं थी।

श्लोक 10 (uttara.58.10)

तयोः पुत्रौ तु सम्भूतौ रूपवन्तौ समाहितौ । शर्मिष्ठा ऽजनयत्पूरुं देवयानी यदुं तदा ।। 58.10 ।।

tayoḥ putrau tu sambhūtau rūpavantau samāhitau | śarmiṣṭhā 'janayatpūruṃ devayānī yaduṃ tadā || 58.10 ||

उन दोनों से दो रूपवान और संयत पुत्र उत्पन्न हुए: शर्मिष्ठा ने पूरु को जन्म दिया, और देवयानी ने उस समय यदु को।

श्लोक 11 (uttara.58.11)

पूरुस्तु दयितो राज्ञो गुणैर्मातृकृतेन च । ततो दुःखसमाविष्टो यदुर्मातरमब्रवीत् ।। 58.11 ।।

pūrustu dayito rājño guṇairmātṛkṛtena ca | tato duḥkhasamāviṣṭo yadurmātaramabravīt || 58.11 ||

पूरु राजा का प्रिय था, अपने गुणों के कारण भी और अपनी माता के प्रभाव के कारण भी। तब दुःख से व्याकुल यदु ने अपनी माता से कहा।

श्लोक 12 (uttara.58.12)

भार्गवस्य कुले जाता देवस्याक्लिष्टकर्मणः । सहसे हृद्गतं दुःखमवमानं च दुःसहम् ।। 58.12 ।।

bhārgavasya kule jātā devasyākliṣṭakarmaṇaḥ | sahase hṛdgataṃ duḥkhamavamānaṃ ca duḥsaham || 58.12 ||

"भार्गव के अक्लिष्टकर्मा देव के कुल में जन्मी हुई तुम, हृदय में स्थित दुःख और असह्य अपमान को सहन करती हो।

श्लोक 13 (uttara.58.13)

आवां च सहितौ देवि प्रविशाव हुताशनम् । राजा तु रमतां सार्धं दैत्यपुत्र्या बहुक्षपाः ।। 58.13 ।।

āvāṃ ca sahitau devi praviśāva hutāśanam | rājā tu ramatāṃ sārdhaṃ daityaputryā bahukṣapāḥ || 58.13 ||

हे देवि! हम दोनों साथ मिलकर अग्नि में प्रवेश कर लें। और राजा दैत्यकन्या के साथ अनेक रात्रियों तक रमण करते रहें।

श्लोक 14 (uttara.58.14)

यदि वा सहनीयं ते मामनुज्ञातुमर्हसि । क्षम त्वं न क्षमिष्ये ऽहं मरिष्यामि न संशयः ।। 58.14 ।।

yadi vā sahanīyaṃ te māmanujñātumarhasi | kṣama tvaṃ na kṣamiṣye 'haṃ mariṣyāmi na saṃśayaḥ || 58.14 ||

अथवा यदि तुम इसे सहन कर सकती हो, तो मुझे आज्ञा देना उचित है; तुम क्षमा करो, मैं नहीं करूँगा; मैं निःसंदेह मर जाऊँगा।"

श्लोक 15 (uttara.58.15)

पुत्रस्य भाषितं श्रुत्वा परमार्तस्य रोदतः । देवयानी तु सङ्क्रुद्धा सस्मार पितरं तदा ।। 58.15 ।।

putrasya bhāṣitaṃ śrutvā paramārtasya rodataḥ | devayānī tu saṅkruddhā sasmāra pitaraṃ tadā || 58.15 ||

अपने अत्यंत दुःखी और रोते हुए पुत्र के वचन सुनकर, देवयानी क्रोधित होकर तब अपने पिता का स्मरण करने लगी।

श्लोक 16 (uttara.58.16)

इङ्गितं तदभिज्ञाय दुहितुर्भार्गवस्तदा । आगतस्त्वरितं तत्र देवयानी तु यत्र सा ।। 58.16 ।।

iṅgitaṃ tadabhijñāya duhiturbhārgavastadā | āgatastvaritaṃ tatra devayānī tu yatra sā || 58.16 ||

अपनी पुत्री के उस संकेत को समझकर, भार्गव तब शीघ्रता से वहाँ आए जहाँ देवयानी थी।

श्लोक 17 (uttara.58.17)

दृष्ट्वा चाप्रकृतिस्थां तामप्रहृष्टामचेतनाम् । पिता दुहितरं वाक्यं किमेतदिति चाब्रवीत् ।। 58.17 ।।

dṛṣṭvā cāprakṛtisthāṃ tāmaprahṛṣṭāmacetanām | pitā duhitaraṃ vākyaṃ kimetaditi cābravīt || 58.17 ||

उसे स्वाभाविक स्थिति में न पाकर, अप्रसन्न और व्याकुल देखकर, पिता ने पुत्री से पूछा, "यह क्या है?"

श्लोक 18 (uttara.58.18)

पृच्छन्तमसकृत्तं वै भार्गवं दीप्ततेजसम् । देवयानी तु सङ्क्रुद्धा पितरं वाक्यमब्रवीत् ।। 58.18 ।।

pṛcchantamasakṛttaṃ vai bhārgavaṃ dīptatejasam | devayānī tu saṅkruddhā pitaraṃ vākyamabravīt || 58.18 ||

बार-बार पूछते हुए उन तेजस्वी भार्गव से, क्रोधित देवयानी ने अपने पिता से यह वचन कहा।

श्लोक 19 (uttara.58.19)

अहमग्निं विषं तीक्ष्णमपो वा मुनिसत्तम । भक्षयिष्ये प्रवेक्ष्यामि न तु शक्ष्यामि जीवितुम् ।। 58.19 ।।

ahamagniṃ viṣaṃ tīkṣṇamapo vā munisattama | bhakṣayiṣye pravekṣyāmi na tu śakṣyāmi jīvitum || 58.19 ||

"हे मुनिसत्तम! मैं अग्नि, तीक्ष्ण विष अथवा जल का सेवन करूँगी या उसमें प्रवेश करूँगी, परन्तु अब जीवित नहीं रह सकूँगी।

श्लोक 20 (uttara.58.20)

न मां त्वमवजानीषे दुःखितामवमानिताम् । वृक्षस्यावज्ञया ब्रह्मंश्छिद्यन्ते वृक्षजीविनः ।। 58.20 ।।

na māṃ tvamavajānīṣe duḥkhitāmavamānitām | vṛkṣasyāvajñayā brahmaṃśchidyante vṛkṣajīvinaḥ || 58.20 ||

तुम नहीं जानते कि मैं कितनी दुःखी और अपमानित हूँ। हे ब्रह्मन्! वृक्ष की उपेक्षा से वृक्ष पर जीवित रहने वाले भी नष्ट हो जाते हैं।

श्लोक 21 (uttara.58.21)

अवज्ञया च राजर्षिः परिभूय च भार्गव । मय्यवज्ञां प्रयुङ्क्ते हि न च मां बहु मन्यते ।। 58.21 ।।

avajñayā ca rājarṣiḥ paribhūya ca bhārgava | mayyavajñāṃ prayuṅkte hi na ca māṃ bahu manyate || 58.21 ||

हे भार्गव! वह राजर्षि अवज्ञा और तिरस्कार करते हुए मेरे प्रति उपेक्षा का व्यवहार करता है और मुझे अधिक महत्व नहीं देता।"

श्लोक 22 (uttara.58.22)

तस्यास्तद्वचनं श्रुत्वा कोपेनाभिपरिप्लुतः । व्याहर्तुमुपचक्राम भार्गवो नहुषात्मजम् ।। 58.22 ।।

tasyāstadvacanaṃ śrutvā kopenābhipariplutaḥ | vyāhartumupacakrāma bhārgavo nahuṣātmajam || 58.22 ||

उसके इस वचन को सुनकर, क्रोध से अभिभूत हुए भार्गव ने नहुषपुत्र (ययाति) के प्रति शाप देना आरम्भ किया।

श्लोक 23 (uttara.58.23)

यस्मान्मामवजानीषे नाहुष त्वं दुरात्मवान् । जरया परया जीर्णः शैथिल्यमुपयास्यसि ।। 58.23 ।।

yasmānmāmavajānīṣe nāhuṣa tvaṃ durātmavān | jarayā parayā jīrṇaḥ śaithilyamupayāsyasi || 58.23 ||

"हे नाहुषपुत्र! चूँकि तुम मेरी अवहेलना करते हो, अतः तुम अत्यंत जरा से जीर्ण होकर शिथिलता को प्राप्त होगे।"

श्लोक 24 (uttara.58.24)

एवमुक्त्वा दुहितरं समाश्वास्य च भार्गवः । पुनर्जगाम ब्रह्मर्षिर्भवनं स्वं महायशाः ।। 58.24 ।।

evamuktvā duhitaraṃ samāśvāsya ca bhārgavaḥ | punarjagāma brahmarṣirbhavanaṃ svaṃ mahāyaśāḥ || 58.24 ||

यह कहकर और अपनी पुत्री को सांत्वना देकर, महायशस्वी ब्रह्मर्षि भार्गव पुनः अपने भवन को लौट गए।

श्लोक 25 (uttara.58.25)

स एवमुक्त्वा द्विजपुङ्गवाग्र्यः सुतां समाश्वास्य च देवयानीम् । पुनर्ययौ सूर्यसमानतेजा दत्त्वा च शापं नहुषात्मजाय ।। 58.25 ।।

sa evamuktvā dvijapuṅgavāgryaḥ sutāṃ samāśvāsya ca devayānīm | punaryayau sūryasamānatejā dattvā ca śāpaṃ nahuṣātmajāya || 58.25 ||

इस प्रकार कहकर, और अपनी पुत्री देवयानी को सांत्वना देकर, वे द्विजश्रेष्ठ, सूर्य के समान तेजस्वी भार्गव, नहुषपुत्र को शाप देकर पुनः चले गए।