ययाति का पुनः यौवन-प्राप्ति

श्लोक 1 (uttara.59.1)

श्रुत्वा तूशनसं क्रुद्धं तदार्तो नहुषात्मजः । जरां परमिकां प्राप्य यदुं वचनमब्रवीत् ।। 59.1 ।।

śrutvā tūśanasaṃ kruddhaṃ tadārto nahuṣātmajaḥ | jarāṃ paramikāṃ prāpya yaduṃ vacanamabravīt || 59.1 ||

उशना (शुक्राचार्य) को क्रोधित सुनकर, अत्यंत जरा को प्राप्त हुए, व्याकुल नहुषपुत्र ययाति ने यदु से यह वचन कहा।

श्लोक 2 (uttara.59.2)

यदो त्वमसि धर्मज्ञो मदर्थं प्रतिगृह्यताम् । जरां परमिकां पुत्र भोगै रंस्ये महायशः ।। 59.2 ।।

yado tvamasi dharmajño madarthaṃ pratigṛhyatām | jarāṃ paramikāṃ putra bhogai raṃsye mahāyaśaḥ || 59.2 ||

"हे यदु! तुम धर्मज्ञ हो; मेरे लिए इस अत्यंत जरा को ग्रहण करो। हे पुत्र! तब मैं महायशस्वी होकर भोगों से रमण करूँगा।

श्लोक 3 (uttara.59.3)

न तावत्कृतकृत्यो ऽस्मि विषयेषु नरर्षभ । अनुभूय तदा कामं ततः प्राप्स्याम्यहं जराम् ।। 59.3 ।।

na tāvatkṛtakṛtyo 'smi viṣayeṣu nararṣabha | anubhūya tadā kāmaṃ tataḥ prāpsyāmyahaṃ jarām || 59.3 ||

हे नरर्षभ! अभी तक मैं विषयों के भोग में कृतकृत्य नहीं हुआ हूँ; तब इच्छानुसार भोग करके, मैं पश्चात् पुनः जरा ग्रहण कर लूँगा।"

श्लोक 4 (uttara.59.4)

यदुस्तद्वचनं श्रुत्वा प्रत्युवाच नरर्षभम् । पुत्रस्ते दयितः पूरुः प्रतिगृह्णातु वै जराम् ।। 59.4 ।।

yadustadvacanaṃ śrutvā pratyuvāca nararṣabham | putraste dayitaḥ pūruḥ pratigṛhṇātu vai jarām || 59.4 ||

यह वचन सुनकर यदु ने नरर्षभ (ययाति) को उत्तर दिया - "आपका प्रिय पुत्र पूरु ही इस जरा को ग्रहण करे।"

श्लोक 5 (uttara.59.5)

बहिष्कृतो ऽहमर्थेषु सन्निकर्षाच्च पार्थिव । प्रतिगृह्णातु वै राजन् कः सहाश्नाति भोजनम् ।। 59.5 ।।

bahiṣkṛto 'hamartheṣu sannikarṣācca pārthiva | pratigṛhṇātu vai rājan kaḥ sahāśnāti bhojanam || 59.5 ||

"हे राजन्! निकटता होते हुए भी मुझे धन-सम्पत्ति से बहिष्कृत किया गया है। हे राजन्! वही इसे ग्रहण करे - भला मुझ जैसे बहिष्कृत के साथ कौन भोजन करता है?"

श्लोक 6 (uttara.59.6)

तस्य तद्वचनं श्रुत्वा राजा पूरुमथाब्रवीत् । इयं जरा महाबाहो मदर्थं प्रतिगृह्यताम् ।। 59.6 ।।

tasya tadvacanaṃ śrutvā rājā pūrumathābravīt | iyaṃ jarā mahābāho madarthaṃ pratigṛhyatām || 59.6 ||

उसका यह वचन सुनकर राजा ने तब पूरु से कहा - "हे महाबाहो! मेरे लिए इस जरा को ग्रहण करो।"

श्लोक 7 (uttara.59.7)

नाहुषेणैवमुक्तस्तु पूरुः प्राञ्जलिरब्रवीत् । धन्यो ऽस्म्यनुगृहीतो ऽस्मि शासने ऽस्मि तव स्थितः ।। 59.7 ।।

nāhuṣeṇaivamuktastu pūruḥ prāñjalirabravīt | dhanyo 'smyanugṛhīto 'smi śāsane 'smi tava sthitaḥ || 59.7 ||

नहुषपुत्र द्वारा इस प्रकार कहे जाने पर, पूरु ने हाथ जोड़कर कहा - "मैं धन्य हूँ, अनुगृहीत हूँ; मैं आपकी आज्ञा में स्थित हूँ।"

श्लोक 8 (uttara.59.8)

पूरोर्वचनमाज्ञाय नाहुषः परया मुदा । प्रहर्षमतुलं लेभे जरां सङ्क्रामयच्च ताम् ।। 59.8 ।।

pūrorvacanamājñāya nāhuṣaḥ parayā mudā | praharṣamatulaṃ lebhe jarāṃ saṅkrāmayacca tām || 59.8 ||

पूरु के वचन को समझकर नहुषपुत्र ने अत्यंत हर्षित होकर अनुपम प्रसन्नता प्राप्त की, और अपनी वह जरा उसमें संक्रमित कर दी।

श्लोक 9 (uttara.59.9)

ततः स राजा तरुणः प्राप्य यज्ञान्सहस्रशः । बहुवर्षसहस्राणि पालयामास मेदिनीम् ।। 59.9 ।।

tataḥ sa rājā taruṇaḥ prāpya yajñānsahasraśaḥ | bahuvarṣasahasrāṇi pālayāmāsa medinīm || 59.9 ||

तत्पश्चात् वह राजा तरुण होकर, सहस्रों यज्ञ करते हुए, अनेक सहस्र वर्षों तक पृथ्वी का पालन करता रहा।

श्लोक 10 (uttara.59.10)

अथ दीर्घस्य कालस्य राजा पूरुमथाब्रवीत् । आनयस्व जरां पुत्र न्यासं निर्यातयस्व मे ।। 59.10 ।।

atha dīrghasya kālasya rājā pūrumathābravīt | ānayasva jarāṃ putra nyāsaṃ niryātayasva me || 59.10 ||

तत्पश्चात् दीर्घ काल के बाद राजा ने पूरु से कहा - "हे पुत्र! वह जरा वापस लाओ; मेरी धरोहर मुझे लौटा दो।

श्लोक 11 (uttara.59.11)

न्यासभूता मया पुत्र त्वयि सङ्क्रामिता जरा । तस्मात्प्रतिग्रहीष्यामि तां जरां मा व्यथां कृथाः ।। 59.11 ।।

nyāsabhūtā mayā putra tvayi saṅkrāmitā jarā | tasmātpratigrahīṣyāmi tāṃ jarāṃ mā vyathāṃ kṛthāḥ || 59.11 ||

हे पुत्र! जो जरा मैंने तुझ में संक्रमित की थी, वह धरोहर के समान थी; अतः मैं वह जरा वापस ले लूँगा; तुम व्याकुल मत हो।

श्लोक 12 (uttara.59.12)

प्रीतश्चास्मि महाबाहो शासनस्य प्रतिग्रहात् । त्वां चाहमभिषेक्ष्यामि प्रीतियुक्तो नराधिपम् ।। 59.12 ।।

prītaścāsmi mahābāho śāsanasya pratigrahāt | tvāṃ cāhamabhiṣekṣyāmi prītiyukto narādhipam || 59.12 ||

और हे महाबाहो! तुमने मेरी आज्ञा का पालन किया, इससे मैं प्रसन्न हूँ; और प्रेमपूर्वक मैं तुम्हें राजा के पद पर अभिषिक्त करूँगा।"

श्लोक 13 (uttara.59.13)

एवमुक्त्वा सुतं पूरुं ययातिर्नहुषात्मजः । देवयानीसुतं क्रुद्धो राजा वाक्यमुवाच ह ।। 59.13 ।।

evamuktvā sutaṃ pūruṃ yayātirnahuṣātmajaḥ | devayānīsutaṃ kruddho rājā vākyamuvāca ha || 59.13 ||

अपने पुत्र पूरु से इस प्रकार कहकर, नहुषपुत्र राजा ययाति ने क्रोधित होकर देवयानी के पुत्र (यदु) से यह वचन कहा।

श्लोक 14 (uttara.59.14)

राक्षसस्त्वं मया जातः पुत्ररूपो दुरासदः । प्रतिहंसि ममाज्ञां यत् प्रजार्थे विफलो भव ।। 59.14 ।।

rākṣasastvaṃ mayā jātaḥ putrarūpo durāsadaḥ | pratihaṃsi mamājñāṃ yat prajārthe viphalo bhava || 59.14 ||

"तू मुझसे राक्षस रूप में, दुर्दम्य पुत्ररूप में उत्पन्न हुआ है; चूँकि तू मेरी आज्ञा का उल्लंघन करता है, इसलिए तू संतान के विषय में निष्फल हो जा।

श्लोक 15 (uttara.59.15)

पितरं गुरुभूतं मां यस्मात्त्वमवमन्यसे । राक्षसान्यातुधानांस्त्वं जनयिष्यसि दारुणान् ।। 59.15 ।।

pitaraṃ gurubhūtaṃ māṃ yasmāttvamavamanyase | rākṣasānyātudhānāṃstvaṃ janayiṣyasi dāruṇān || 59.15 ||

चूँकि तू अपने गुरुतुल्य पिता का, अर्थात् मेरा, अनादर करता है, इसलिए तू भयंकर राक्षसों और यातुधानों को जन्म देगा।

श्लोक 16 (uttara.59.16)

न तु सोमकुलोत्पन्ने वंशे स्थास्यति दुर्मतेः । वंशो ऽपि भवतस्तुल्यो दुर्विनीतो भविष्यति ।। 59.16 ।।

na tu somakulotpanne vaṃśe sthāsyati durmateḥ | vaṃśo 'pi bhavatastulyo durvinīto bhaviṣyati || 59.16 ||

हे दुर्मते! तेरा वंश सोमवंश में स्थापित नहीं रह सकेगा; तेरे समान ही तेरा वंश भी उद्दंड होगा।"

श्लोक 17 (uttara.59.17)

तमेवमुक्त्वा राजर्षिः पूरुं राज्यविवर्धनम् । अभिषेकेण सम्पूज्य आश्रमं प्रविवेश ह ।। 59.17 ।।

tamevamuktvā rājarṣiḥ pūruṃ rājyavivardhanam | abhiṣekeṇa sampūjya āśramaṃ praviveśa ha || 59.17 ||

यह कहकर उस राजर्षि ने राज्यवर्धक पूरु को अभिषेक द्वारा सम्मानित करके, आश्रम में प्रवेश किया।

श्लोक 18 (uttara.59.18)

ततः कालेन महता दिष्टान्तमुपजग्मिवान् । त्रिदिवं सङ्गतो राजा ययातिर्नहुषात्मजः ।। 59.18 ।।

tataḥ kālena mahatā diṣṭāntamupajagmivān | tridivaṃ saṅgato rājā yayātirnahuṣātmajaḥ || 59.18 ||

तत्पश्चात् दीर्घकाल के बाद, दैव द्वारा निर्धारित अन्त को प्राप्त होकर, राजा ययाति, नहुषपुत्र, स्वर्ग को प्राप्त हुए।

श्लोक 19 (uttara.59.19)

पूरुश्चकार तद्राज्यं धर्मेण महता वृतः । प्रतिष्ठाने पुरवरे काशिराज्ये महायशाः ।। 59.19 ।।

pūruścakāra tadrājyaṃ dharmeṇa mahatā vṛtaḥ | pratiṣṭhāne puravare kāśirājye mahāyaśāḥ || 59.19 ||

महायशस्वी पूरु ने महान धर्म से युक्त होकर, प्रतिष्ठान नामक श्रेष्ठ नगर में, काशिराज्य में उस राज्य का शासन किया।

श्लोक 20 (uttara.59.20)

यदुस्तु जनयामास यातुधानान्सहस्रशः । पुरे क्रौञ्चवने दुर्गे राजवंशबहिष्कृतः ।। 59.20 ।।

yadustu janayāmāsa yātudhānānsahasraśaḥ | pure krauñcavane durge rājavaṃśabahiṣkṛtaḥ || 59.20 ||

और यदु, राजवंश से बहिष्कृत होकर, दुर्गम क्रौंचवन नगर में सहस्रों यातुधानों (राक्षसों) को उत्पन्न करता रहा।

श्लोक 21 (uttara.59.21)

एष तूशनसा मुक्तः शापोत्सर्गो ययातिना । धारितः क्षत्रधर्मेण यन्निमिश्च न चक्षमे ।। 59.21 ।।

eṣa tūśanasā muktaḥ śāpotsargo yayātinā | dhāritaḥ kṣatradharmeṇa yannimiśca na cakṣame || 59.21 ||

उशना द्वारा दिए गए इस शाप को ययाति ने क्षत्रियधर्म के अनुसार सहन किया - वही बात है जिसे निमि ने क्षमा नहीं किया था।

श्लोक 22 (uttara.59.22)

एतत्ते सर्वमाख्यातं दर्शनं सर्वकारिणाम् । अनुवर्तामहे सौम्य दोषो न स्याद्यथा नृगे ।। 59.22 ।।

etatte sarvamākhyātaṃ darśanaṃ sarvakāriṇām | anuvartāmahe saumya doṣo na syādyathā nṛge || 59.22 ||

यह सब तुम्हें बता दिया गया - समस्त कर्ता पुरुषों की यह रीति है। हे सौम्य! हम इसका अनुसरण करें, जिससे नृग के समान दोष न लगे।

श्लोक 23 (uttara.59.23)

इति कथयति रामे चन्द्रतुल्यानने च प्रविरलतरतारं व्योम जज्ञे तदानीम् । अरुणकिरणरक्ता दिग्बभौ चैव पूर्वा कुसुमरसविमुक्तं वस्त्रमाकुण्ठितेव ।। 59.23 ।।

iti kathayati rāme candratulyānane ca praviralataratāraṃ vyoma jajñe tadānīm | aruṇakiraṇaraktā digbabhau caiva pūrvā kusumarasavimuktaṃ vastramākuṇṭhiteva || 59.23 ||

इस प्रकार चंद्रमुख राम के कथा कहते-कहते, उस समय आकाश में तारे विरल हो गए; और पूर्व दिशा अरुण किरणों से रक्तवर्ण होकर ऐसी सुशोभित होने लगी मानो पुष्परस से मुक्त कोई वस्त्र धीरे-धीरे खुल रहा हो।