लवण की उत्पत्ति

श्लोक 1 (uttara.61.1)

एवं ब्रुवद्भिर्ऋषिभिः काकुत्स्थो वाक्यमब्रवीत् । किं कार्यं ब्रूत मुनयो भयं तावदपैतु वः ।। 61.1 ।।

evaṃ bruvadbhirṛṣibhiḥ kākutstho vākyamabravīt | kiṃ kāryaṃ brūta munayo bhayaṃ tāvadapaitu vaḥ || 61.1 ||

इस प्रकार बोलते हुए ऋषियों से काकुत्स्थ (राम) ने कहा, "हे मुनियो! बताइए क्या कार्य है, आप लोगों का भय दूर हो।"

श्लोक 2 (uttara.61.2)

तथा ब्रुवति काकुत्स्थे भार्गवो वाक्यमब्रवीत् । भयानां शृणु यन्मूलं देशस्य च नरेश्वर ।। 61.2 ।।

tathā bruvati kākutsthe bhārgavo vākyamabravīt | bhayānāṃ śṛṇu yanmūlaṃ deśasya ca nareśvara || 61.2 ||

काकुत्स्थ के ऐसा कहने पर भार्गव मुनि ने कहा, "हे नरेश्वर! सुनिए, इस देश के भय का मूल कारण क्या है।"

श्लोक 3 (uttara.61.3)

पूर्वं कृतयुगे राजन्दैतेयः सुमहाबलः । लोलापुत्रो ऽभवज्ज्येष्ठो मधुर्नाम महासुरः ।। 61.3 ।।

pūrvaṃ kṛtayuge rājandaiteyaḥ sumahābalaḥ | lolāputro 'bhavajjyeṣṭho madhurnāma mahāsuraḥ || 61.3 ||

हे राजन्! पूर्वकाल में कृतयुग में लोला के ज्येष्ठ पुत्र के रूप में महाबलशाली मधु नामक एक महान् दैत्य हुआ।

श्लोक 4 (uttara.61.4)

ब्रह्मण्यश्च शरण्यश्च बुद्ध्या च परिनिष्ठितः । सुरैश्च परमोदारैः प्रीतिस्तस्यातुला ऽभवत् ।। 61.4 ।।

brahmaṇyaśca śaraṇyaśca buddhyā ca pariniṣṭhitaḥ | suraiśca paramodāraiḥ prītistasyātulā 'bhavat || 61.4 ||

वह ब्राह्मणभक्त, शरणागतवत्सल और बुद्धि में स्थिर था; परम उदार देवताओं का भी उसके प्रति अनुपम स्नेह था।

श्लोक 5 (uttara.61.5)

स मधुर्वीर्यसम्पन्नो धर्मे च सुसमाहितः । बहुवर्षसहस्राणि रुद्रप्रीत्या ऽकरोत्तपः ।। 61.5 ।।

sa madhurvīryasampanno dharme ca susamāhitaḥ | bahuvarṣasahasrāṇi rudraprītyā 'karottapaḥ || 61.5 ||

वह मधु पराक्रम से सम्पन्न और धर्म में सुदृढ़ था; उसने भगवान् रुद्र को प्रसन्न करने के लिए अनेक सहस्र वर्षों तक तपस्या की।

श्लोक 6 (uttara.61.6)

रुद्रः प्रीतो ऽभवत्तस्मै वरं दातुं ययौ च सः । बहुमानाच्च रुद्रेण दत्तस्तस्याद्भुतो वरः ।। 61.6 ।।

rudraḥ prīto 'bhavattasmai varaṃ dātuṃ yayau ca saḥ | bahumānācca rudreṇa dattastasyādbhuto varaḥ || 61.6 ||

रुद्र उससे प्रसन्न हुए और वरदान देने आए; रुद्र ने बड़े सम्मान के साथ उसे एक अद्भुत वर दिया।

श्लोक 7 (uttara.61.7)

शूलं शूलाद्विनिष्कृष्य महावीर्यं महाप्रभम् । ददौ महात्मा सुप्रीतो वाक्यं चैतदुवाच ह ।। 61.7 ।।

śūlaṃ śūlādviniṣkṛṣya mahāvīryaṃ mahāprabham | dadau mahātmā suprīto vākyaṃ caitaduvāca ha || 61.7 ||

अत्यन्त प्रसन्न महात्मा रुद्र ने अपने त्रिशूल में से एक महापराक्रमी, महातेजस्वी शूल निकालकर उसे दिया और यह वचन कहा।

श्लोक 8 (uttara.61.8)

त्वयायमतुलो धर्मो मत्प्रसादकरः कृतः । प्रीत्या परमया युक्तो ददाम्यायुधमुत्तमम् ।। 61.8 ।।

tvayāyamatulo dharmo matprasādakaraḥ kṛtaḥ | prītyā paramayā yukto dadāmyāyudhamuttamam || 61.8 ||

"तुमने अनुपम धर्माचरण से मुझे प्रसन्न किया है; अतः परम प्रेम से युक्त होकर मैं तुम्हें यह उत्तम आयुध देता हूँ।

श्लोक 9 (uttara.61.9)

यावत्सुरैश्च विप्रैश्च न विरुध्येर्महासुर । तावच्छूलं तवेदं स्यादन्यथा नाशमेप्यति ।। 61.9 ।।

yāvatsuraiśca vipraiśca na virudhyermahāsura | tāvacchūlaṃ tavedaṃ syādanyathā nāśamepyati || 61.9 ||

हे महासुर! जब तक तुम देवताओं और ब्राह्मणों के विरुद्ध आचरण नहीं करोगे, तब तक यह शूल तुम्हारे पास रहेगा; अन्यथा यह नष्ट हो जाएगा।

श्लोक 10 (uttara.61.10)

यश्च त्वामभियुञ्जीत युद्धाय विगतज्वरः । तं शूलो भस्मसात्कृत्वा पुनरेष्यति ते करम् ।। 61.10 ।।

yaśca tvāmabhiyuñjīta yuddhāya vigatajvaraḥ | taṃ śūlo bhasmasātkṛtvā punareṣyati te karam || 61.10 ||

जो भी निर्भय होकर तुमसे युद्ध करने आएगा, उसे यह शूल भस्म करके पुनः तुम्हारे हाथ में लौट आएगा।"

श्लोक 11 (uttara.61.11)

एवं रुद्राद्वरं लब्ध्वा भूय एव महासुरः । प्रणिपत्य महादेवं वाक्यमेतदुवाच ह ।। 61.11 ।।

evaṃ rudrādvaraṃ labdhvā bhūya eva mahāsuraḥ | praṇipatya mahādevaṃ vākyametaduvāca ha || 61.11 ||

इस प्रकार रुद्र से वर पाकर उस महासुर ने पुनः महादेव को प्रणाम करके यह वचन कहा।

श्लोक 12 (uttara.61.12)

भगवन्मम वंशस्य शूलमेतदनुत्तमम् । भवेत्तु सततं देव सुराणामीश्वरो ह्यसि ।। 61.12 ।।

bhagavanmama vaṃśasya śūlametadanuttamam | bhavettu satataṃ deva surāṇāmīśvaro hyasi || 61.12 ||

"हे भगवन्! यह अनुपम शूल सदा मेरे वंश का ही बना रहे, हे देव! क्योंकि आप देवताओं के भी ईश्वर हैं।"

श्लोक 13 (uttara.61.13)

तं ब्रुवाणं मधुं देवः सर्वभूतपतिः शिवः । प्रत्युवाच महातेजा नैतदेवं भविष्यति ।। 61.13 ।।

taṃ bruvāṇaṃ madhuṃ devaḥ sarvabhūtapatiḥ śivaḥ | pratyuvāca mahātejā naitadevaṃ bhaviṣyati || 61.13 ||

इस प्रकार कहते हुए मधु से समस्त प्राणियों के स्वामी महातेजस्वी शिवजी ने उत्तर दिया, "ऐसा नहीं होगा।

श्लोक 14 (uttara.61.14)

मा भूत्ते विफला वाणी मत्प्रसादकृता शुभा । भवतः पुत्रमेकं तु शूलमेतद्भजिष्यते ।। 61.14 ।।

mā bhūtte viphalā vāṇī matprasādakṛtā śubhā | bhavataḥ putramekaṃ tu śūlametadbhajiṣyate || 61.14 ||

मेरी कृपा से कही गई तुम्हारी यह शुभ वाणी व्यर्थ न हो; परन्तु यह शूल तुम्हारे केवल एक पुत्र तक ही रहेगा।

श्लोक 15 (uttara.61.15)

यावत्करस्थः शूलो ऽयं भविष्यति सुतस्य ते । अवध्यः सर्वभूतानां शूलहस्तो भविष्यति ।। 61.15 ।।

yāvatkarasthaḥ śūlo 'yaṃ bhaviṣyati sutasya te | avadhyaḥ sarvabhūtānāṃ śūlahasto bhaviṣyati || 61.15 ||

जब तक यह शूल तुम्हारे उस पुत्र के हाथ में रहेगा, तब तक शूल धारण करने वाला वह समस्त प्राणियों के लिए अवध्य रहेगा।"

श्लोक 16 (uttara.61.16)

एवं मधुर्वरं लब्ध्वा देवात्सुमहदद्भुतम् । भवनं सो ऽसुरश्रेष्ठः कारयामास सुप्रभम् ।। 61.16 ।।

evaṃ madhurvaraṃ labdhvā devātsumahadadbhutam | bhavanaṃ so 'suraśreṣṭhaḥ kārayāmāsa suprabham || 61.16 ||

इस प्रकार देवता से यह महान् अद्भुत वर पाकर उस असुरश्रेष्ठ मधु ने एक अत्यन्त सुन्दर भवन बनवाया।

श्लोक 17 (uttara.61.17)

तस्य पत्नी महाभागा प्रिया कुम्भीनसीति या । विश्वावसोरपत्यं सा ह्यनलायां महाप्रभा ।। 61.17 ।।

tasya patnī mahābhāgā priyā kumbhīnasīti yā | viśvāvasorapatyaṃ sā hyanalāyāṃ mahāprabhā || 61.17 ||

उसकी अत्यन्त भाग्यशालिनी प्रिय पत्नी कुम्भीनसी थी, जो विश्वावसु की पुत्री और अनला के गर्भ से उत्पन्न महातेजस्विनी थी।

श्लोक 18 (uttara.61.18)

तस्याः पुत्रो महावीर्यो लवणो नाम दारुणः । बाल्यात्प्रभृति दुष्टात्मा पापान्येव समाचरत् ।। 61.18 ।।

tasyāḥ putro mahāvīryo lavaṇo nāma dāruṇaḥ | bālyātprabhṛti duṣṭātmā pāpānyeva samācarat || 61.18 ||

उसका पुत्र महापराक्रमी और भयंकर लवण नामक था; वह बचपन से ही दुष्ट स्वभाव का था और सदा पाप ही करता था।

श्लोक 19 (uttara.61.19)

तं पुत्रं दुर्विनीतं तु दृष्ट्वा क्रोधसमन्वितः । मधुः स शोकमापेदे न चैनं किञ्चिदब्रवीत् ।। 61.19 ।।

taṃ putraṃ durvinītaṃ tu dṛṣṭvā krodhasamanvitaḥ | madhuḥ sa śokamāpede na cainaṃ kiñcidabravīt || 61.19 ||

अपने उस उद्दण्ड पुत्र को देखकर मधु क्रोध से भर उठा और शोकमग्न हो गया, परन्तु उससे कुछ नहीं कहा।

श्लोक 20 (uttara.61.20)

स विहाय त्विमं लोकं प्रविष्टो वरुणालयम् । शूलं निवेश्य लवणे वरं तस्मै न्यवेदयत् ।। 61.20 ।।

sa vihāya tvimaṃ lokaṃ praviṣṭo varuṇālayam | śūlaṃ niveśya lavaṇe varaṃ tasmai nyavedayat || 61.20 ||

अन्ततः वह इस लोक को त्यागकर वरुण के धाम में प्रवेश कर गया; परन्तु शूल को लवण में स्थापित कर वह वरदान उसे सौंप गया।

श्लोक 21 (uttara.61.21)

स प्रभावेण शूलस्य दौरात्म्येनात्मनस्तथा । सन्तापयति लोकांस्त्रीन्विशेषेण च तापसान् ।। 61.21 ।।

sa prabhāveṇa śūlasya daurātmyenātmanastathā | santāpayati lokāṃstrīnviśeṣeṇa ca tāpasān || 61.21 ||

वह शूल के प्रभाव से और अपनी दुष्टता से भी तीनों लोकों को संतप्त करता है, विशेषकर तपस्वियों को।

श्लोक 22 (uttara.61.22)

एवंप्रभावो लवणः शूलं चैव तथाविधम् । श्रुत्वा प्रमाणं काकुत्स्थ त्वं हि नः परमा गतिः ।। 61.22 ।।

evaṃprabhāvo lavaṇaḥ śūlaṃ caiva tathāvidham | śrutvā pramāṇaṃ kākutstha tvaṃ hi naḥ paramā gatiḥ || 61.22 ||

हे काकुत्स्थ! ऐसे प्रभावशाली लवण और उसके ऐसे शूल की बात सुनकर हमें विश्वास है कि आप ही हमारे परम आश्रय हैं।

श्लोक 23 (uttara.61.23)

बहवः पार्थिवा राम भयार्तैर्ऋषिभिः पुरा । अभयं याचिता वीर त्रातारं न च विद्महे ।। 61.23 ।।

bahavaḥ pārthivā rāma bhayārtairṛṣibhiḥ purā | abhayaṃ yācitā vīra trātāraṃ na ca vidmahe || 61.23 ||

हे राम! पहले भय से पीड़ित ऋषियों ने अनेक राजाओं से अभय माँगा था, परन्तु हे वीर! हमें कोई रक्षक नहीं मिला।

श्लोक 24 (uttara.61.24)

ते वयं रावणं श्रुत्वा हतं सबलवाहनम् । त्रातारं विद्महे तात नान्यं भुवि नराधिपम् । तत्परित्रातुमिच्छामो लवणाद्भयपीडितान् ।। 61.24 ।।

te vayaṃ rāvaṇaṃ śrutvā hataṃ sabalavāhanam | trātāraṃ vidmahe tāta nānyaṃ bhuvi narādhipam | tatparitrātumicchāmo lavaṇādbhayapīḍitān || 61.24 ||

अब हमने सुना है कि रावण अपनी सेना और वाहनों सहित मारा जा चुका है; अतः हे तात! हम पृथ्वी पर आपके अतिरिक्त किसी और राजा को रक्षक नहीं मानते। हम चाहते हैं कि लवण के भय से पीड़ित हम लोगों की आप रक्षा करें।

श्लोक 25 (uttara.61.25)

इति राम निवेदितं तु ते भयजं कारणमुत्थितं च यत् । विनिवारयितुं भवान्क्षमः कुरु तं काममहीनविक्रम ।। 61.25 ।।

iti rāma niveditaṃ tu te bhayajaṃ kāraṇamutthitaṃ ca yat | vinivārayituṃ bhavānkṣamaḥ kuru taṃ kāmamahīnavikrama || 61.25 ||

हे राम! इस प्रकार जो भययुक्त कारण उत्पन्न हुआ है, वह हमने आपसे निवेदन किया; हे अक्षीणपराक्रम! आप इसे दूर करने में समर्थ हैं, कृपया हमारी यह इच्छा पूर्ण करें।