कुश और लव का जन्म

श्लोक 1 (uttara.66.1)

यामेव रात्रिं शत्रुघ्नः पर्णशालामुपाविशत् । तामेव रात्रिं सीतापि प्रसूता दारकद्वयम् ।। 66.1 ।।

yāmeva rātriṃ śatrughnaḥ parṇaśālāmupāviśat | tāmeva rātriṃ sītāpi prasūtā dārakadvayam || 66.1 ||

उसी रात्रि में जब शत्रुघ्न ने पर्णशाला में प्रवेश किया, उसी रात्रि सीता ने भी दो पुत्रों को जन्म दिया।

श्लोक 2 (uttara.66.2)

ततो ऽर्धरात्रसमये बालका मुनिदारकाः । वाल्मीकेः प्रियमाचख्युः सीतायाः प्रसवं शुभम् ।। 66.2 ।।

tato 'rdharātrasamaye bālakā munidārakāḥ | vālmīkeḥ priyamācakhyuḥ sītāyāḥ prasavaṃ śubham || 66.2 ||

तत्पश्चात् अर्धरात्रि के समय मुनि-कुमारों ने वाल्मीकि को यह प्रिय समाचार सुनाया -- सीता का शुभ प्रसव हो गया है।

श्लोक 3 (uttara.66.3)

भगवन्रामपत्नी सा प्रसूता दारकद्वयम् । ततो रक्षां महातेजः कुरु भूतविनाशिनीम् ।। 66.3 ।।

bhagavanrāmapatnī sā prasūtā dārakadvayam | tato rakṣāṃ mahātejaḥ kuru bhūtavināśinīm || 66.3 ||

"हे भगवन्! राम की उस पत्नी ने दो पुत्रों को जन्म दिया है; अतः हे महातेजस्वी! भूतों का नाश करने वाली रक्षा-विधि कीजिए।"

श्लोक 4 (uttara.66.4)

तेषां तद्वचनं श्रुत्वा महर्षिः समुपागमत् । बालचन्द्रप्रतीकाशौ देवपुत्रौ महौजसौ ।। 66.4 ।।

teṣāṃ tadvacanaṃ śrutvā maharṣiḥ samupāgamat | bālacandrapratīkāśau devaputrau mahaujasau || 66.4 ||

उनका यह वचन सुनकर महर्षि वहाँ आ पहुँचे, जहाँ बाल-चन्द्रमा के समान कान्तिमान् और महातेजस्वी वे दोनों देवपुत्र-सम कुमार थे।

श्लोक 5 (uttara.66.5)

जगाम तत्र हृष्टात्मा ददर्श च कुमारकौ । भूतघ्नीं चाकरोत्ताभ्यां रक्षां रक्षोविनाशिनीम् ।। 66.5 ।।

jagāma tatra hṛṣṭātmā dadarśa ca kumārakau | bhūtaghnīṃ cākarottābhyāṃ rakṣāṃ rakṣovināśinīm || 66.5 ||

वे प्रसन्नचित्त होकर वहाँ गए और उन दोनों कुमारों को देखा, तथा उनके लिए भूत-प्रेतों और राक्षसों का नाश करने वाली रक्षा-विधि की।

श्लोक 6 (uttara.66.6)

कुशमुष्टिमुपादाय लवं चैव तु स द्विजः । वाल्मीकिः प्रददौ ताभ्यां रक्षां भूतविनाशिनीम् ।। 66.6 ।।

kuśamuṣṭimupādāya lavaṃ caiva tu sa dvijaḥ | vālmīkiḥ pradadau tābhyāṃ rakṣāṃ bhūtavināśinīm || 66.6 ||

उस ब्राह्मण वाल्मीकि ने कुश की एक मुट्ठी तथा लव नामक तृण लेकर, उन दोनों को भूत-नाशिनी रक्षा प्रदान की।

श्लोक 7 (uttara.66.7)

यस्तयोः पूर्वजो जातः स कुशैर्मन्त्रसत्कृतैः । निर्मार्जनीयस्तु तदा कुश इत्यस्य नाम तत् ।। 66.7 ।।

yastayoḥ pūrvajo jātaḥ sa kuśairmantrasatkṛtaiḥ | nirmārjanīyastu tadā kuśa ityasya nāma tat || 66.7 ||

उन दोनों में से जो पहले जन्मा, उसे मन्त्रों से अभिमन्त्रित कुश-तृण से शुद्ध किया गया; अतः उसका नाम "कुश" रखा गया।

श्लोक 8 (uttara.66.8)

यश्चावरो भवेत्ताभ्यां लवेन स समाहितः । निर्मार्जनीयो वृद्धाभिर्लव इत्येव नामतः ।। 66.8 ।।

yaścāvaro bhavettābhyāṃ lavena sa samāhitaḥ | nirmārjanīyo vṛddhābhirlava ityeva nāmataḥ || 66.8 ||

और जो उनमें छोटा था, उसे वृद्ध स्त्रियों ने लव-तृण से एकाग्रचित्त होकर शुद्ध किया; इसीलिए उसका नाम "लव" पड़ा।

श्लोक 9 (uttara.66.9)

एवं कुशलवौ नाम्ना तावुभौ यमजातकौ । मत्कृताभ्यां च नामभ्यां ख्यातियुक्तौ भविष्यतः ।। 66.9 ।।

evaṃ kuśalavau nāmnā tāvubhau yamajātakau | matkṛtābhyāṃ ca nāmabhyāṃ khyātiyuktau bhaviṣyataḥ || 66.9 ||

इस प्रकार वे दोनों जुड़वाँ बालक "कुश" और "लव" नाम से पुकारे जाने लगे; मेरे द्वारा दिए गए इन्हीं नामों से वे संसार में विख्यात होंगे।

श्लोक 10 (uttara.66.10)

तां रक्षां जगृहुस्ताश्च मुनिहस्तात्समाहिताः । अकुर्वंश्च ततो रक्षां तयोर्विगतकल्मषाः ।। 66.10 ।।

tāṃ rakṣāṃ jagṛhustāśca munihastātsamāhitāḥ | akurvaṃśca tato rakṣāṃ tayorvigatakalmaṣāḥ || 66.10 ||

उन स्त्रियों ने एकाग्रचित्त होकर मुनि के हाथ से वह रक्षा-सूत्र ग्रहण किया, और निष्पाप होकर उन दोनों बालकों की रक्षा करने लगीं।

श्लोक 11 (uttara.66.11)

तथा तां क्रियमाणां च वृद्धाभिर्जन्म नाम च । सङ्कीर्तनं च रामस्य सीतायाः प्रसवौ शुभौ ।। 66.11 ।।

tathā tāṃ kriyamāṇāṃ ca vṛddhābhirjanma nāma ca | saṅkīrtanaṃ ca rāmasya sītāyāḥ prasavau śubhau || 66.11 ||

इस प्रकार वृद्ध स्त्रियों द्वारा उस रक्षा-विधि के सम्पन्न होने के साथ ही, उनके जन्म और नामकरण की, तथा राम के गुणों की चर्चा भी होने लगी -- सीता के इस शुभ द्विविध प्रसव के अवसर पर।

श्लोक 12 (uttara.66.12)

अर्धरात्रे तु शत्रुघ्नः शुश्राव सुमहत्प्रियम् । पर्णशालां ततो गत्वा मातर्दिष्ट्येति चाब्रवीत् ।। 66.12 ।।

ardharātre tu śatrughnaḥ śuśrāva sumahatpriyam | parṇaśālāṃ tato gatvā mātardiṣṭyeti cābravīt || 66.12 ||

आधी रात के समय शत्रुघ्न ने यह अत्यन्त प्रिय समाचार सुना। तब वे पर्णशाला में जाकर बोले -- "हे माता! यह बड़े सौभाग्य की बात है।"

श्लोक 13 (uttara.66.13)

तथा तस्य प्रहृष्टस्य शत्रुघ्नस्य महात्मनः । व्यतीता वार्षिकी रात्रिः श्रावणी लघुविक्रमः ।। 66.13 ।।

tathā tasya prahṛṣṭasya śatrughnasya mahātmanaḥ | vyatītā vārṣikī rātriḥ śrāvaṇī laghuvikramaḥ || 66.13 ||

इस प्रकार अत्यन्त हर्षित हुए महात्मा शत्रुघ्न की वह वर्षा ऋतु की श्रावणी रात्रि शीघ्रता से बीत गई।

श्लोक 14 (uttara.66.14)

प्रभाते सुमहावीर्यः कृत्वा पौर्वाह्णिकीं क्रियाम् । मुनिं प्राञ्जलिरामन्त्र्य ययौ पश्चान्मुखः पुनः ।। 66.14 ।।

prabhāte sumahāvīryaḥ kṛtvā paurvāhṇikīṃ kriyām | muniṃ prāñjalirāmantrya yayau paścānmukhaḥ punaḥ || 66.14 ||

प्रातःकाल होने पर उस महापराक्रमी ने पूर्वाह्न की नित्यक्रिया सम्पन्न की, फिर हाथ जोड़कर मुनि से विदा ली, और पुनः पश्चिम दिशा की ओर मुख करके प्रस्थान किया।

श्लोक 15 (uttara.66.15)

स गत्वा यमुनातीरं सप्तरात्रोषितः पथि । ऋषीणां पुण्यकीर्तीनामाश्रमे वासमभ्ययात् ।। 66.15 ।।

sa gatvā yamunātīraṃ saptarātroṣitaḥ pathi | ṛṣīṇāṃ puṇyakīrtīnāmāśrame vāsamabhyayāt || 66.15 ||

वे यमुना के तट पर पहुँचे, और मार्ग में सात रात्रियाँ व्यतीत करते हुए पुण्यकीर्ति ऋषियों के आश्रम में निवास करने लगे।

श्लोक 16 (uttara.66.16)

स तत्र मुनिभिः सार्धं भार्गवप्रमुखैर्नृपः । कथाभिरभिरूपाभिर्वासं चक्रे महायशाः ।। 66.16 ।।

sa tatra munibhiḥ sārdhaṃ bhārgavapramukhairnṛpaḥ | kathābhirabhirūpābhirvāsaṃ cakre mahāyaśāḥ || 66.16 ||

वहाँ वे महायशस्वी राजा भृगुवंशी मुनियों आदि के साथ सुन्दर कथाओं में समय बिताते रहे।

श्लोक 17 (uttara.66.17)

स काञ्चनाद्यैर्मुनिभिः समेतो रघुप्रवीरो रजनीं तदानीम् । कथाप्रकारैर्बहुभिर्महात्मा विरामयामास नरेन्द्रसूनुः ।। 66.17 ।।

sa kāñcanādyairmunibhiḥ sameto raghupravīro rajanīṃ tadānīm | kathāprakārairbahubhirmahātmā virāmayāmāsa narendrasūnuḥ || 66.17 ||

काञ्चन आदि मुनियों के साथ मिलकर, रघुकुल के उस वीर, उस महात्मा नरेन्द्र-पुत्र ने, उस रात्रि को बहुविध कथाओं द्वारा व्यतीत किया।