शत्रुघ्न द्वारा लवण को ललकारना

श्लोक 1 (uttara.68.1)

कथां कथयतां तेषां जयं चाकाङ्क्षतां शुभम् । व्यतीता रजनी शीघ्रं शत्रुघ्नस्य महात्मनः ।। 68.1 ।।

kathāṃ kathayatāṃ teṣāṃ jayaṃ cākāṅkṣatāṃ śubham | vyatītā rajanī śīghraṃ śatrughnasya mahātmanaḥ || 68.1 ||

इस प्रकार कथाएँ कहते और शुभ विजय की कामना करते हुए, महात्मा शत्रुघ्न की वह रात्रि शीघ्र ही बीत गई।

श्लोक 2 (uttara.68.2)

ततः प्रभाते विमले तस्मिन्काले स राक्षसः । निर्गतस्तु पुराद्धीरो भक्ष्याहारप्रचोदितः ।। 68.2 ।।

tataḥ prabhāte vimale tasminkāle sa rākṣasaḥ | nirgatastu purāddhīro bhakṣyāhārapracoditaḥ || 68.2 ||

तत्पश्चात् उस निर्मल प्रभात-काल में, वह साहसी राक्षस भोजन की खोज में प्रेरित होकर नगर से बाहर निकला।

श्लोक 3 (uttara.68.3)

एतस्मिन्नन्तरे वीरः शत्रुघ्नो यमुनां नदीम् । तीर्त्वा मधुपुरद्वारि धनुष्पाणिरतिष्ठत ।। 68.3 ।।

etasminnantare vīraḥ śatrughno yamunāṃ nadīm | tīrtvā madhupuradvāri dhanuṣpāṇiratiṣṭhata || 68.3 ||

इसी बीच वीर शत्रुघ्न यमुना नदी को पार करके, धनुष हाथ में लिए मधुपुरी के द्वार पर जा खड़े हुए।

श्लोक 4 (uttara.68.4)

ततो ऽर्धदिवसे प्राप्ते क्रूरकर्मा स राक्षसः । आगच्छद्बहुसाहस्रं प्राणिनां भारमुद्वहन् ।। 68.4 ।।

tato 'rdhadivase prāpte krūrakarmā sa rākṣasaḥ | āgacchadbahusāhasraṃ prāṇināṃ bhāramudvahan || 68.4 ||

तब मध्याह्न होने पर, वह क्रूरकर्मा राक्षस हजारों प्राणियों का भार ढोता हुआ वहाँ आया।

श्लोक 5 (uttara.68.5)

ततो ददर्श शत्रुघ्नं स्थितं द्वारि धृतायुधम् । तमुवाच ततो रक्षः किमनेन करिष्यसि ।। 68.5 ।।

tato dadarśa śatrughnaṃ sthitaṃ dvāri dhṛtāyudham | tamuvāca tato rakṣaḥ kimanena kariṣyasi || 68.5 ||

तब उसने द्वार पर शस्त्र धारण किए खड़े शत्रुघ्न को देखा। उस राक्षस ने उससे कहा -- "इस अस्त्र से तू क्या करेगा?

श्लोक 6 (uttara.68.6)

ईदृशानां सहस्राणि सायुधानां नराधम । भक्षितानि मया रोषात्कालमाकाङ्क्षसे नु किम् ।। 68.6 ।।

īdṛśānāṃ sahasrāṇi sāyudhānāṃ narādhama | bhakṣitāni mayā roṣātkālamākāṅkṣase nu kim || 68.6 ||

हे नराधम! ऐसे सशस्त्र हजारों लोगों को मैंने क्रोधवश खा लिया है। क्या तू भी अपनी मृत्यु का समय ही चाहता है?

श्लोक 7 (uttara.68.7)

आहारश्चास्य सम्पूर्णो ममायं पुरुषाधम । स्वयं प्रविष्टो ऽद्य मुखं कथमासाद्य दुर्मते ।। 68.7 ।।

āhāraścāsya sampūrṇo mamāyaṃ puruṣādhama | svayaṃ praviṣṭo 'dya mukhaṃ kathamāsādya durmate || 68.7 ||

हे पुरुषाधम! मेरा आहार पहले ही पूर्ण हो चुका है, फिर भी हे दुर्बुद्धे! तू आज स्वयं ही यहाँ आकर मेरे मुख में समाने चला है, यह कैसे हुआ?

श्लोक 8 (uttara.68.8)

तस्यैवं भाषमाणस्य हसतश्च मुहुर्मुहुः । शत्रुघ्नो वीर्यसम्पन्नो रोषादश्रूण्यवासृजत् ।। 68.8 ।।

tasyaivaṃ bhāṣamāṇasya hasataśca muhurmuhuḥ | śatrughno vīryasampanno roṣādaśrūṇyavāsṛjat || 68.8 ||

इस प्रकार बार-बार हँसते हुए बोलते जा रहे उस राक्षस को देखकर, पराक्रमी शत्रुघ्न ने क्रोध से आँसू बहाए।

श्लोक 9 (uttara.68.9)

तस्य रोषाभिभूतस्य शत्रुघ्नस्य महात्मनः । तेजोमया मरीच्यस्तु सर्वगात्रैर्विनिष्पतन् ।। 68.9 ।।

tasya roṣābhibhūtasya śatrughnasya mahātmanaḥ | tejomayā marīcyastu sarvagātrairviniṣpatan || 68.9 ||

क्रोध से आविष्ट हुए महात्मा शत्रुघ्न के सम्पूर्ण अंगों से तेजोमय किरणें निकलने लगीं।

श्लोक 10 (uttara.68.10)

उवाच च सुसङ्क्रुद्धः शत्रुघ्नस्तं निशाचरम् । योद्धुमिच्छामि दुर्बुद्धे द्वन्द्वयुद्धं त्वया सह ।। 68.10 ।।

uvāca ca susaṅkruddhaḥ śatrughnastaṃ niśācaram | yoddhumicchāmi durbuddhe dvandvayuddhaṃ tvayā saha || 68.10 ||

अत्यन्त क्रुद्ध हुए शत्रुघ्न ने उस निशाचर से कहा -- "हे दुर्बुद्धे! मैं तुझसे द्वन्द्वयुद्ध करना चाहता हूँ।

श्लोक 11 (uttara.68.11)

पुत्रो दशरथस्याहं भ्राता रामस्य धीमतः । शत्रुघ्नो नित्यशत्रुघ्नो वधाकाङ्क्षी तवागतः ।। 68.11 ।।

putro daśarathasyāhaṃ bhrātā rāmasya dhīmataḥ | śatrughno nityaśatrughno vadhākāṅkṣī tavāgataḥ || 68.11 ||

मैं राजा दशरथ का पुत्र और बुद्धिमान् राम का भाई हूँ; मेरा नाम शत्रुघ्न है, मैं सदा शत्रुओं का नाश करने वाला हूँ, और तेरा वध करने की इच्छा से यहाँ आया हूँ।

श्लोक 12 (uttara.68.12)

तस्य मे युद्धकामस्य द्वन्द्वयुद्धं प्रदीयताम् । शत्रुस्त्वं सर्वभूतानां न मे जीवन्गमिष्यसि ।। 68.12 ।।

tasya me yuddhakāmasya dvandvayuddhaṃ pradīyatām | śatrustvaṃ sarvabhūtānāṃ na me jīvangamiṣyasi || 68.12 ||

युद्ध की इच्छा रखने वाले मुझे द्वन्द्वयुद्ध प्रदान कर। तू समस्त प्राणियों का शत्रु है; मेरे सामने से जीवित नहीं जा सकेगा।

श्लोक 13 (uttara.68.13)

तस्मिंस्तथा ब्रुवाणे तु राक्षसः प्रहसन्निव । प्रत्युवाच नरश्रेष्ठं दिष्ट्या प्राप्तो ऽसि दुर्मते ।। 68.13 ।।

tasmiṃstathā bruvāṇe tu rākṣasaḥ prahasanniva | pratyuvāca naraśreṣṭhaṃ diṣṭyā prāpto 'si durmate || 68.13 ||

उसके इस प्रकार कहने पर, वह राक्षस मानो हँसता हुआ उस नरश्रेष्ठ से बोला -- "हे दुर्बुद्धे! सौभाग्य से तू आज यहाँ आ पहुँचा है।

श्लोक 14 (uttara.68.14)

मम मातृष्वसुर्भ्राता रावणो राक्षसाधिपः । हतो रामेण दुर्बुद्धे स्त्रीहेतोः पुरुषाधम ।। 68.14 ।।

mama mātṛṣvasurbhrātā rāvaṇo rākṣasādhipaḥ | hato rāmeṇa durbuddhe strīhetoḥ puruṣādhama || 68.14 ||

राक्षसराज रावण मेरी मौसी का भाई था, हे दुर्बुद्धे पुरुषाधम! उसे राम ने एक स्त्री के कारण मार डाला था।

श्लोक 15 (uttara.68.15)

तच्च सर्वं मया क्षान्तं रावणस्य कुलक्षयम् । अवज्ञां पुरतः कृत्वा मया यूयं विशेषतः ।। 68.15 ।।

tacca sarvaṃ mayā kṣāntaṃ rāvaṇasya kulakṣayam | avajñāṃ purataḥ kṛtvā mayā yūyaṃ viśeṣataḥ || 68.15 ||

उस सब को -- रावण के कुल के उस विनाश को -- मैंने सहन कर लिया था; तुम लोगों की उस अवज्ञा को हृदय में रखकर भी मैंने उसे विशेष रूप से सहन किया।

श्लोक 16 (uttara.68.16)

निहताश्च हि मे सर्वे परिभूतास्तृणं यथा । भूताश्चैव भविष्याश्च यूयं च पुरुषाधमाः ।। 68.16 ।।

nihatāśca hi me sarve paribhūtāstṛṇaṃ yathā | bhūtāścaiva bhaviṣyāśca yūyaṃ ca puruṣādhamāḥ || 68.16 ||

क्योंकि मेरे वे सभी स्वजन मारे जा चुके, तृण के समान तिरस्कृत हुए -- जो हुए और जो होंगे, वे सब, और तुम भी, हे पुरुषाधमो!

श्लोक 17 (uttara.68.17)

तस्य ते युद्धकामस्य युद्धं दास्यामि दुर्मते । तिष्ठं त्वं च मुहूर्तं तु यावदायुधमानये । ईप्सितं यादृशं तुभ्यं सज्जये यावदायुधम् ।। 68.17 ।।

tasya te yuddhakāmasya yuddhaṃ dāsyāmi durmate | tiṣṭhaṃ tvaṃ ca muhūrtaṃ tu yāvadāyudhamānaye | īpsitaṃ yādṛśaṃ tubhyaṃ sajjaye yāvadāyudham || 68.17 ||

हे दुर्बुद्धे! युद्ध चाहने वाले तुझे मैं युद्ध दूँगा; किन्तु तू क्षणभर ठहर, जब तक मैं अपना शस्त्र ले आऊँ; तेरी इच्छा के अनुरूप जो भी अस्त्र हो, उसे लेकर मैं सज्ज हो जाऊँ।

श्लोक 18 (uttara.68.18)

तमुवाचाशु शत्रुघ्नः क्व मे जीवन्गमिष्यसि । शत्रुर्यदृच्छया दृष्टो न मोक्तव्यः कृतात्मना ।। 68.18 ।।

tamuvācāśu śatrughnaḥ kva me jīvangamiṣyasi | śatruryadṛcchayā dṛṣṭo na moktavyaḥ kṛtātmanā || 68.18 ||

शत्रुघ्न ने तुरन्त उससे कहा -- "मुझसे बचकर तू जीवित कहाँ जाएगा? आत्मसंयमी पुरुष को संयोगवश दिखाई पड़े हुए शत्रु को कभी नहीं छोड़ना चाहिए।

श्लोक 19 (uttara.68.19)

यो हि विक्लवया बुद्ध्या प्रसरं शत्रवे ददौ । स हतो मन्दबुद्धित्वाद्यथा कापुरुषस्तथा ।। 68.19 ।।

yo hi viklavayā buddhyā prasaraṃ śatrave dadau | sa hato mandabuddhitvādyathā kāpuruṣastathā || 68.19 ||

जो व्यक्ति चंचल बुद्धि के कारण शत्रु को बच निकलने का अवसर दे देता है, वह अपनी मन्दबुद्धि के कारण उसी प्रकार मारा जाता है, जैसे कोई कायर पुरुष मारा जाता है।

श्लोक 20 (uttara.68.20)

तस्मात्सुदृष्टं कुरु जीवलोकं शरैः शितैस्त्वां विविधैर्नयामि । यमस्य गेहाभिमुखं हि पापं रिपुं त्रिलोकस्य च राघवस्य ।। 68.20 ।।

tasmātsudṛṣṭaṃ kuru jīvalokaṃ śaraiḥ śitaistvāṃ vividhairnayāmi | yamasya gehābhimukhaṃ hi pāpaṃ ripuṃ trilokasya ca rāghavasya || 68.20 ||

अतः तू इस जीवलोक को भली-भाँति देख ले, क्योंकि मैं अपने अनेक तीक्ष्ण बाणों से तुझे -- जो पापी, त्रिलोक और राघव का शत्रु है -- यमराज के धाम की ओर ले जा रहा हूँ।"