शत्रुघ्न की राम से भेंट

श्लोक 1 (uttara.72.1)

तं शयानं नरव्याघ्रं निद्रा नाभ्यागमत्तदा । चिन्तयन्तमनेकार्थं रामगीतमनुत्तमम् ।। 72.1 ।।

taṃ śayānaṃ naravyāghraṃ nidrā nābhyāgamattadā | cintayantamanekārthaṃ rāmagītamanuttamam || 72.1 ||

उस नरव्याघ्र शत्रुघ्न को उस समय शयन करते हुए भी नींद नहीं आई, क्योंकि वे उस अनुपम रामगीत के अनेक भावों का बार-बार चिंतन कर रहे थे।

श्लोक 2 (uttara.72.2)

तस्य शब्दं सुमधुरं तन्त्रीलयसमन्वितम् । श्रुत्वा रात्रिर्जगामाशु शत्रुघ्नस्य महात्मनः ।। 72.2 ।।

tasya śabdaṃ sumadhuraṃ tantrīlayasamanvitam | śrutvā rātrirjagāmāśu śatrughnasya mahātmanaḥ || 72.2 ||

उस अत्यंत मधुर तथा वीणा की लय से युक्त स्वर को सुनते-सुनते महात्मा शत्रुघ्न की वह रात्रि शीघ्र ही बीत गई।

श्लोक 3 (uttara.72.3)

तस्यां निशायां व्युष्टायां कृत्वा पौर्वाह्णिकं क्रमम् । उवाच प्राञ्जलिर्वाक्यं शत्रुघ्नो मुनिपुङ्गवम् ।। 72.3 ।।

tasyāṃ niśāyāṃ vyuṣṭāyāṃ kṛtvā paurvāhṇikaṃ kramam | uvāca prāñjalirvākyaṃ śatrughno munipuṅgavam || 72.3 ||

वह रात्रि बीत जाने पर प्रातःकालीन नित्यकर्म पूर्ण करके शत्रुघ्न ने हाथ जोड़कर मुनिश्रेष्ठ वाल्मीकि से यह वचन कहा।

श्लोक 4 (uttara.72.4)

भगवन्द्रष्टुमिच्छामि राघवं रघुनन्दनम् । त्वया ऽनुज्ञातुमिच्छामि सहैभिः संशितव्रतैः ।। 72.4 ।।

bhagavandraṣṭumicchāmi rāghavaṃ raghunandanam | tvayā 'nujñātumicchāmi sahaibhiḥ saṃśitavrataiḥ || 72.4 ||

"हे भगवन्! मैं रघुनन्दन राघव के दर्शन करना चाहता हूँ। इन दृढ़व्रती साथियों के साथ मैं आपकी अनुमति चाहता हूँ।"

श्लोक 5 (uttara.72.5)

इत्येवंवादिनं तं तु शत्रुघ्नं शत्रुतापनम् । वाल्मीकिः सम्परिष्वज्य विससर्ज च राघवम् ।। 72.5 ।।

ityevaṃvādinaṃ taṃ tu śatrughnaṃ śatrutāpanam | vālmīkiḥ sampariṣvajya visasarja ca rāghavam || 72.5 ||

शत्रुतापन शत्रुघ्न के इस प्रकार कहने पर वाल्मीकि ने उन्हें भलीभाँति आलिंगन करके राघव के पास जाने की अनुमति दे दी।

श्लोक 6 (uttara.72.6)

सो ऽभिवाद्य मुनिश्रेष्ठं रथमारुह्य सुप्रभम् । अयोध्यामगमत्तूर्णं राघवोत्सुकदर्शनः ।। 72.6 ।।

so 'bhivādya muniśreṣṭhaṃ rathamāruhya suprabham | ayodhyāmagamattūrṇaṃ rāghavotsukadarśanaḥ || 72.6 ||

मुनिश्रेष्ठ को प्रणाम करके तथा अपने सुंदर रथ पर आरूढ़ होकर वे राघव के दर्शन की उत्सुकता से शीघ्र ही अयोध्या की ओर चल पड़े।

श्लोक 7 (uttara.72.7)

स प्रविष्टः पुरीं रम्यां श्रीमानिक्ष्वाकुनन्दनः । प्रविवेश महाबाहुर्यत्र रामो महाद्युतिः ।। 72.7 ।।

sa praviṣṭaḥ purīṃ ramyāṃ śrīmānikṣvākunandanaḥ | praviveśa mahābāhuryatra rāmo mahādyutiḥ || 72.7 ||

उस श्रीमान इक्ष्वाकुनन्दन ने उस रम्य नगरी में प्रवेश किया और वह महाबाहु वहाँ गए, जहाँ महातेजस्वी राम विराजमान थे।

श्लोक 8 (uttara.72.8)

स रामं मन्त्रिमध्यस्थं पूर्णचन्द्रनिभाननम् । पश्यन्नमरमध्यस्थं सहस्रनयनं यथा ।। 72.8 ।।

sa rāmaṃ mantrimadhyasthaṃ pūrṇacandranibhānanam | paśyannamaramadhyasthaṃ sahasranayanaṃ yathā || 72.8 ||

उन्होंने राम को मंत्रियों के मध्य पूर्णचन्द्र के समान मुखवाला देखा, मानो देवताओं के मध्य सहस्रनेत्रधारी इन्द्र विराजमान हों।

श्लोक 9 (uttara.72.9)

सो ऽभिवाद्य महात्मानं ज्वलन्तमिव तेजसा । उवाच प्राञ्जलिर्वाक्यं रामं सत्यपराक्रमम् ।। 72.9 ।।

so 'bhivādya mahātmānaṃ jvalantamiva tejasā | uvāca prāñjalirvākyaṃ rāmaṃ satyaparākramam || 72.9 ||

तेज से मानो प्रज्वलित उस महात्मा को प्रणाम करके उन्होंने हाथ जोड़कर सत्यपराक्रमी राम से यह वचन कहा।

श्लोक 10 (uttara.72.10)

यदाज्ञप्तं महाराज सर्वं तत्कृतवानहम् । हतः स लवणः पापः पुरी चास्य निवेशिता ।। 72.10 ।।

yadājñaptaṃ mahārāja sarvaṃ tatkṛtavānaham | hataḥ sa lavaṇaḥ pāpaḥ purī cāsya niveśitā || 72.10 ||

"हे महाराज! आपने जो आज्ञा दी थी, वह सब मैंने पूर्ण कर दिया है। वह पापी लवण मारा जा चुका है और उसकी नगरी बसा दी गई है।"

श्लोक 11 (uttara.72.11)

द्वादशैते गता वर्षास्त्वां विना रघुनन्दन । नोत्सहेयमहं वस्तुं त्वया विरहितो नृप ।। 72.11 ।।

dvādaśaite gatā varṣāstvāṃ vinā raghunandana | notsaheyamahaṃ vastuṃ tvayā virahito nṛpa || 72.11 ||

"हे रघुनन्दन! आपके बिना ये बारह वर्ष बीत गए हैं। हे नृप! आपसे बिछुड़कर अब मुझमें और रहने का साहस नहीं है।"

श्लोक 12 (uttara.72.12)

स मे प्रसादं काकुत्स्थ कुरुष्वामितविक्रम । मातृहीनो यथा वत्सो न चिरं प्रवसाम्यहम् ।। 72.12 ।।

sa me prasādaṃ kākutstha kuruṣvāmitavikrama | mātṛhīno yathā vatso na ciraṃ pravasāmyaham || 72.12 ||

"इसलिए हे अमितविक्रम काकुत्स्थ! मुझ पर यह कृपा कीजिए — जैसे मातृहीन बछड़ा अधिक समय तक दूर नहीं रह सकता, वैसे ही मैं भी अधिक समय तक प्रवास नहीं करना चाहता।"

श्लोक 13 (uttara.72.13)

एवं ब्रुवाणं शत्रुघ्नं परिष्वज्येदमब्रवीत् । मा विषादं कृथाः शूर नैतत्क्षत्रियचेष्टितम् ।। 72.13 ।।

evaṃ bruvāṇaṃ śatrughnaṃ pariṣvajyedamabravīt | mā viṣādaṃ kṛthāḥ śūra naitatkṣatriyaceṣṭitam || 72.13 ||

इस प्रकार कहते हुए शत्रुघ्न को आलिंगन करके राम ने कहा — "हे शूर! विषाद मत करो, यह क्षत्रिय का आचरण नहीं है।"

श्लोक 14 (uttara.72.14)

नावसीदन्ति राजानो विप्रवासेषु राघव । प्रजा नः परिपाल्या हि क्षत्रधर्मेण राघव ।। 72.14 ।।

nāvasīdanti rājāno vipravāseṣu rāghava | prajā naḥ paripālyā hi kṣatradharmeṇa rāghava || 72.14 ||

"हे राघव! राजा लोग प्रवास में विषण्ण नहीं होते; हे राघव! हमें क्षत्रियधर्म के अनुसार प्रजा का पालन करना ही होता है।"

श्लोक 15 (uttara.72.15)

काले काले तु मां वीर अयोध्यामवलोकितुम् । आगच्छ त्वं नरश्रेष्ठ गन्तासि च पुरं तव ।। 72.15 ।।

kāle kāle tu māṃ vīra ayodhyāmavalokitum | āgaccha tvaṃ naraśreṣṭha gantāsi ca puraṃ tava || 72.15 ||

"किन्तु हे वीर! हे नरश्रेष्ठ! समय-समय पर मुझसे मिलने अयोध्या आते रहना, और फिर तुम अपनी नगरी को लौट जाना।"

श्लोक 16 (uttara.72.16)

ममापि त्वं सुदयितः प्राणैरपि न संशयः । अवश्यं करणीयं च राज्यस्य परिपालनम् ।। 72.16 ।।

mamāpi tvaṃ sudayitaḥ prāṇairapi na saṃśayaḥ | avaśyaṃ karaṇīyaṃ ca rājyasya paripālanam || 72.16 ||

"मुझे भी तुम प्राणों से भी अधिक प्रिय हो, इसमें संदेह नहीं; किन्तु राज्य का पालन अवश्य ही करना चाहिए।"

श्लोक 17 (uttara.72.17)

तस्मात्त्वं वस काकुत्स्थ सप्तरात्रमिहावस । ऊर्ध्वं गन्तासि मधुरां सभृत्यबलवाहनः ।। 72.17 ।।

tasmāttvaṃ vasa kākutstha saptarātramihāvasa | ūrdhvaṃ gantāsi madhurāṃ sabhṛtyabalavāhanaḥ || 72.17 ||

"अतः हे काकुत्स्थ! यहीं सात रात्रियों तक निवास करो; उसके पश्चात् अपने सेवकों, सेना और वाहनों सहित मधुरा (मथुरा) को चले जाना।"

श्लोक 18 (uttara.72.18)

रामस्यैतद्वचः श्रुत्वा धर्मयुक्तं मनोगतम् । शत्रुघ्नो दीनया वाचा बाढमित्येव चाब्रवीत् ।। 72.18 ।।

rāmasyaitadvacaḥ śrutvā dharmayuktaṃ manogatam | śatrughno dīnayā vācā bāḍhamityeva cābravīt || 72.18 ||

राम के इस धर्मयुक्त और हृदयस्पर्शी वचन को सुनकर शत्रुघ्न ने दीन वाणी में केवल इतना ही कहा — "ऐसा ही होगा।"

श्लोक 19 (uttara.72.19)

सप्तरात्रं च काकुत्स्थो राघवस्य यथाज्ञया । उष्य तत्र महेष्वासो गमनायोपचक्रमे ।। 72.19 ।।

saptarātraṃ ca kākutstho rāghavasya yathājñayā | uṣya tatra maheṣvāso gamanāyopacakrame || 72.19 ||

राघव की आज्ञानुसार वे महाधनुर्धर काकुत्स्थ (शत्रुघ्न) वहाँ सात रात्रियों तक निवास करके प्रस्थान की तैयारी करने लगे।

श्लोक 20 (uttara.72.20)

आमन्त्र्य तु महात्मानं रामं सत्यपराक्रमम् । भरतं लक्ष्मणं चैव महारथमुपारुहत् ।। 72.20 ।।

āmantrya tu mahātmānaṃ rāmaṃ satyaparākramam | bharataṃ lakṣmaṇaṃ caiva mahārathamupāruhat || 72.20 ||

महात्मा सत्यपराक्रमी राम, भरत और लक्ष्मण से विदा लेकर वे अपने विशाल रथ पर आरूढ़ हुए।

श्लोक 21 (uttara.72.21)

दूरमाभ्यामनुगतो लक्ष्मणेन महात्मना । भरतेन च शत्रुघ्नो जगामाशु पुरं ततः ।। 72.21 ।।

dūramābhyāmanugato lakṣmaṇena mahātmanā | bharatena ca śatrughno jagāmāśu puraṃ tataḥ || 72.21 ||

महात्मा लक्ष्मण और भरत द्वारा बहुत दूर तक पहुँचाए जाने के पश्चात् शत्रुघ्न वहाँ से शीघ्र ही अपनी नगरी को चले गए।