ब्राह्मण का पुत्र-शोक

श्लोक 1 (uttara.73.1)

प्रस्थाप्य तु स शत्रुघ्नं भ्रातृभ्यां सह राघवः । प्रमुमोद सुखी राज्यं धर्मेण परिपालयन् ।। 73.1 ।।

prasthāpya tu sa śatrughnaṃ bhrātṛbhyāṃ saha rāghavaḥ | pramumoda sukhī rājyaṃ dharmeṇa paripālayan || 73.1 ||

भाइयों सहित शत्रुघ्न को विदा करके राघव धर्मपूर्वक राज्य का पालन करते हुए सुखपूर्वक आनंदित रहने लगे।

श्लोक 2 (uttara.73.2)

ततः कतिपयाहःसु वृद्धो जानपदो द्विजः । मृतं बालमुपादाय राजद्वारमुपागमत् ।। 73.2 ।।

tataḥ katipayāhaḥsu vṛddho jānapado dvijaḥ | mṛtaṃ bālamupādāya rājadvāramupāgamat || 73.2 ||

तत्पश्चात् कुछ दिनों बाद एक वृद्ध ग्रामीण ब्राह्मण अपने मृत बालक को लेकर राजद्वार पर आया।

श्लोक 3 (uttara.73.3)

रुदन्बहुविधा वाचः स्नेहदुःखसमन्विताः । असकृत्पुत्र पुत्रेति वाक्यमेतदुवाच ह ।। 73.3 ।।

rudanbahuvidhā vācaḥ snehaduḥkhasamanvitāḥ | asakṛtputra putreti vākyametaduvāca ha || 73.3 ||

वह रोता हुआ, स्नेह और दुःख से भरे अनेक प्रकार के वचन बोलता हुआ, बार-बार "हे पुत्र! हे पुत्र!" ऐसा कहने लगा।

श्लोक 4 (uttara.73.4)

किं नु मे दुष्कृतं कर्म पुरा देहान्तरे कृतम् । यदहं पुत्रमेकं त्वां पश्यामि निधनं गतम् ।। 73.4 ।।

kiṃ nu me duṣkṛtaṃ karma purā dehāntare kṛtam | yadahaṃ putramekaṃ tvāṃ paśyāmi nidhanaṃ gatam || 73.4 ||

"हे पुत्र! मैंने पूर्वजन्म में ऐसा कौन-सा पाप कर्म किया था, जिसके कारण मुझे अपने एकमात्र पुत्र तुम्हें मृत्यु को प्राप्त हुआ देखना पड़ रहा है?"

श्लोक 5 (uttara.73.5)

अप्राप्तयौवनं बालं पञ्चवर्षसहस्रकम् । अकाले कालमापन्नं मम दुःखाय पुत्रक ।। 73.5 ।।

aprāptayauvanaṃ bālaṃ pañcavarṣasahasrakam | akāle kālamāpannaṃ mama duḥkhāya putraka || 73.5 ||

"हे पुत्र! तुम अभी पाँच हज़ार वर्ष के ही बालक थे, यौवन को प्राप्त भी नहीं हुए थे, कि असमय में ही मृत्यु को प्राप्त हो गए — यह मेरे लिए महान दुःख का कारण है।"

श्लोक 6 (uttara.73.6)

अल्पैरहोभिर्निधनं गमिष्यामि न संशयः । अहं च जननी चैव तव शोकेन पुत्रक ।। 73.6 ।।

alpairahobhirnidhanaṃ gamiṣyāmi na saṃśayaḥ | ahaṃ ca jananī caiva tava śokena putraka || 73.6 ||

"हे पुत्रक! तुम्हारे शोक से मैं और तुम्हारी माता, दोनों थोड़े ही दिनों में निःसंदेह मृत्यु को प्राप्त हो जाएँगे।"

श्लोक 7 (uttara.73.7)

न स्मराम्यनृतं ह्युक्तं न च हिंसां स्मराम्यहम् । सर्वेषां प्राणिनां पापं कृतं नैव स्मराम्यहम् ।। 73.7 ।।

na smarāmyanṛtaṃ hyuktaṃ na ca hiṃsāṃ smarāmyaham | sarveṣāṃ prāṇināṃ pāpaṃ kṛtaṃ naiva smarāmyaham || 73.7 ||

"मुझे स्मरण नहीं कि मैंने कभी असत्य वचन कहा हो, न ही मुझे कोई हिंसा स्मरण है; किसी भी प्राणी के प्रति कोई पाप किया हो, यह भी मुझे स्मरण नहीं है।"

श्लोक 8 (uttara.73.8)

केनाद्य दुष्कृतेनायं बाल एव ममात्मजः । अकृत्वा पितृकार्याणि गतो वैवस्वतक्षयम् ।। 73.8 ।।

kenādya duṣkṛtenāyaṃ bāla eva mamātmajaḥ | akṛtvā pitṛkāryāṇi gato vaivasvatakṣayam || 73.8 ||

"किस पाप के कारण आज मेरा यह पुत्र, बालक अवस्था में ही, पितृकार्यों को किए बिना ही वैवस्वत (यमराज) के धाम को चला गया?"

श्लोक 9 (uttara.73.9)

नेदृशं दृष्टपूर्वं मे श्रुतं वा घोरदर्शनम् । मृत्युरप्राप्तकालानां रामस्य विषये यथा ।। 73.9 ।।

nedṛśaṃ dṛṣṭapūrvaṃ me śrutaṃ vā ghoradarśanam | mṛtyuraprāptakālānāṃ rāmasya viṣaye yathā || 73.9 ||

"जैसा भयंकर दृश्य आज राम के राज्य में देखने को मिला है — असमय मृत्यु — ऐसा मैंने पहले न कभी देखा, न सुना।"

श्लोक 10 (uttara.73.10)

रामस्य दुष्कृतं किञ्चिन्महदस्ति न संशयः । यथा हि विषयस्थानां बालानां मृत्युरागतः ।। 73.10 ।।

rāmasya duṣkṛtaṃ kiñcinmahadasti na saṃśayaḥ | yathā hi viṣayasthānāṃ bālānāṃ mṛtyurāgataḥ || 73.10 ||

"निश्चय ही राम में कोई-न-कोई महान दोष है, क्योंकि उनके राज्य में रहने वाले बालकों को मृत्यु आ रही है।"

श्लोक 11 (uttara.73.11)

नह्यन्यविषयस्थानां बालानां मृत्युतो भयम् । त्वं राजञ्जीवयस्वैनं बालं मृत्युवशं गतम् ।। 73.11 ।।

nahyanyaviṣayasthānāṃ bālānāṃ mṛtyuto bhayam | tvaṃ rājañjīvayasvainaṃ bālaṃ mṛtyuvaśaṃ gatam || 73.11 ||

"अन्य राज्यों में रहने वाले बालकों को मृत्यु का भय नहीं होता। हे राजन्! मृत्यु के वश में गए इस बालक को जीवित कीजिए।"

श्लोक 12 (uttara.73.12)

राजद्वारि मरिष्यामि पत्न्या सार्धमनाथवत् । ब्रह्महत्यां ततो राम समुपेत्य सुखी भव ।। 73.12 ।।

rājadvāri mariṣyāmi patnyā sārdhamanāthavat | brahmahatyāṃ tato rāma samupetya sukhī bhava || 73.12 ||

"अन्यथा मैं अपनी पत्नी सहित इसी राजद्वार पर अनाथ की भाँति प्राण त्याग दूँगा; फिर हे राम! ब्रह्महत्या के भागी होकर तुम सुखी रहना!"

श्लोक 13 (uttara.73.13)

भ्रातृभिः सहितो राजन्दीर्घमायुरवाप्स्यसि । उषिताः स्म सुखं राज्ये तवास्मिन्सुमहाबल ।। 73.13 ।।

bhrātṛbhiḥ sahito rājandīrghamāyuravāpsyasi | uṣitāḥ sma sukhaṃ rājye tavāsminsumahābala || 73.13 ||

"हे राजन्! भाइयों सहित तुम दीर्घायु प्राप्त करोगे। हे महाबल! हम तुम्हारे इस राज्य में सुखपूर्वक निवास करते रहे हैं।"

श्लोक 14 (uttara.73.14)

इदं तु पतितं तस्मात्तव राम वशे स्थिताः । कालस्य वशमापन्नाः स्वल्पं हि नहि नः सुखम् ।। 73.14 ।।

idaṃ tu patitaṃ tasmāttava rāma vaśe sthitāḥ | kālasya vaśamāpannāḥ svalpaṃ hi nahi naḥ sukham || 73.14 ||

"किन्तु अब यह विपत्ति आ पड़ी है; इसलिए हे राम! तुम्हारे अधीन रहने वाले हम लोग, काल के वश में पड़कर, अब सुख से रहित-से हो गए हैं।"

श्लोक 15 (uttara.73.15)

सम्प्रत्यनाथो विषय इक्ष्वाकूणां महात्मनाम् । रामं नाथमिहासाद्य बालान्तकरणं ध्रुवम् ।। 73.15 ।।

sampratyanātho viṣaya ikṣvākūṇāṃ mahātmanām | rāmaṃ nāthamihāsādya bālāntakaraṇaṃ dhruvam || 73.15 ||

"इक्ष्वाकुवंशी महात्माओं का यह राज्य अब मानो अनाथ हो गया है — यहाँ राम को स्वामी पाकर भी बालकों का विनाश निश्चित हो रहा है।"

श्लोक 16 (uttara.73.16)

राजदोषैर्विपद्यन्ते प्रजा ह्यविधिपालिताः । असद्वृत्ते तु नृपतावकाले म्रियते जनः ।। 73.16 ।।

rājadoṣairvipadyante prajā hyavidhipālitāḥ | asadvṛtte tu nṛpatāvakāle mriyate janaḥ || 73.16 ||

"राजा के दोषों से ही प्रजा अनुचित रीति से पालित होकर विनष्ट होती है; जब राजा का आचरण असत् होता है, तब लोग असमय में ही मर जाते हैं।"

श्लोक 17 (uttara.73.17)

यद्वा पुरेष्वयुक्तानि जना जनपदेषु च । कुर्वते न च रक्षा ऽस्ति तदा कालकृतं भयम् ।। 73.17 ।।

yadvā pureṣvayuktāni janā janapadeṣu ca | kurvate na ca rakṣā 'sti tadā kālakṛtaṃ bhayam || 73.17 ||

"अथवा जब नगरों और जनपदों में लोग अनुचित कार्य करते हैं और उनकी कोई रक्षा नहीं होती, तब कालजनित भय उत्पन्न होता है।"

श्लोक 18 (uttara.73.18)

सुव्यक्तं राजदोषो हि भविष्यति न संशयः । पुरे जनपदे चापि ततो बालवधो ह्ययम् ।। 73.18 ।।

suvyaktaṃ rājadoṣo hi bhaviṣyati na saṃśayaḥ | pure janapade cāpi tato bālavadho hyayam || 73.18 ||

"यह स्पष्ट है कि निश्चय ही राजा का कोई दोष है, चाहे नगर में हो या जनपद में, जिसके कारण यह बालवध हुआ है।"

श्लोक 19 (uttara.73.19)

एवं बहुविधैर्वाक्यैरुपरुध्य मुहुर्मुहुः । राजानं दुःखसन्तप्तः सुतं तमुपगूहते ।। 73.19 ।।

evaṃ bahuvidhairvākyairuparudhya muhurmuhuḥ | rājānaṃ duḥkhasantaptaḥ sutaṃ tamupagūhate || 73.19 ||

इस प्रकार बार-बार अनेक प्रकार के वचनों से राजा को झकझोरते हुए, वह दुःख-संतप्त ब्राह्मण अपने पुत्र को हृदय से लगा लेता है।