राम द्वारा तपस्वी की खोज

श्लोक 1 (uttara.75.1)

नारदस्य तु तद्वाक्यं श्रुत्वा ऽमृतमयं तदा । प्रहर्षमतुलं लेभे लक्ष्मणं चेदमब्रवीत् ।। 75.1 ।।

nāradasya tu tadvākyaṃ śrutvā 'mṛtamayaṃ tadā | praharṣamatulaṃ lebhe lakṣmaṇaṃ cedamabravīt || 75.1 ||

नारद के उस अमृतमय वचन को सुनकर राम को उस समय अत्यंत हर्ष हुआ और उन्होंने लक्ष्मण से यह कहा।

श्लोक 2 (uttara.75.2)

गच्छ सौम्य द्विजश्रेष्ठं समाश्वासय सुव्रतम् । बालस्य तु शरीरं तत्तैलद्रोण्यां निधापय ।। 75.2 ।।

gaccha saumya dvijaśreṣṭhaṃ samāśvāsaya suvratam | bālasya tu śarīraṃ tattailadroṇyāṃ nidhāpaya || 75.2 ||

"हे सौम्य! जाओ और उस सुव्रत श्रेष्ठ ब्राह्मण को सांत्वना दो; और उस बालक के शरीर को तेल की कुण्डी में रख दो।"

श्लोक 3 (uttara.75.3)

गन्धैश्च परमोदारैस्तैलैश्चापि सुगन्धिभिः । यथा न क्षीयते बालस्तथा सौम्य विधीयताम् ।। 75.3 ।।

gandhaiśca paramodāraistailaiścāpi sugandhibhiḥ | yathā na kṣīyate bālastathā saumya vidhīyatām || 75.3 ||

"उत्तम सुगंधित द्रव्यों तथा सुगंधित तेलों द्वारा, हे सौम्य! ऐसी व्यवस्था करो कि बालक का शरीर क्षीण न हो।"

श्लोक 4 (uttara.75.4)

यथा शरीरो बालस्य गुप्तः सन् शिष्टकर्मणः । विपत्तिः परिभेदो वा न भवेच्च तथा कुरु ।। 75.4 ।।

yathā śarīro bālasya guptaḥ san śiṣṭakarmaṇaḥ | vipattiḥ paribhedo vā na bhavecca tathā kuru || 75.4 ||

"ऐसा करो कि बालक का शरीर सुरक्षित रहते हुए, उचित संस्कार होने तक, उसमें कोई विपत्ति या क्षति न आए।"

श्लोक 5 (uttara.75.5)

एवमादिश्य काकुत्स्थो लक्ष्मणं शुभलक्षणम् । मनसा पुष्पकं दध्यावागच्छेति महायशाः ।। 75.5 ।।

evamādiśya kākutstho lakṣmaṇaṃ śubhalakṣaṇam | manasā puṣpakaṃ dadhyāvāgaccheti mahāyaśāḥ || 75.5 ||

शुभलक्षण लक्ष्मण को इस प्रकार आदेश देकर महायशस्वी काकुत्स्थ ने मन में पुष्पक विमान का स्मरण किया कि वह आ जाए।

श्लोक 6 (uttara.75.6)

इङ्गितं स तु विज्ञाय पुष्पको हेमभूषितः । आजगाम मुहूर्तेन समीपे राघवस्य वै ।। 75.6 ।।

iṅgitaṃ sa tu vijñāya puṣpako hemabhūṣitaḥ | ājagāma muhūrtena samīpe rāghavasya vai || 75.6 ||

उस अभिप्राय को जानकर स्वर्णभूषित पुष्पक विमान क्षणभर में ही राघव के समीप आ पहुँचा।

श्लोक 7 (uttara.75.7)

सो ऽब्रवीत्प्रणतो भूत्वा अयमस्मि नराधिप । वश्यस्तव महाबाहो किङ्करः समुपस्थितः ।। 75.7 ।।

so 'bravītpraṇato bhūtvā ayamasmi narādhipa | vaśyastava mahābāho kiṅkaraḥ samupasthitaḥ || 75.7 ||

प्रणत होकर उसने कहा — "हे नराधिप! मैं उपस्थित हूँ। हे महाबाहो! आपका आज्ञाकारी सेवक आपके सम्मुख उपस्थित है।"

श्लोक 8 (uttara.75.8)

भाषितं रुचिरं श्रुत्वा पुष्पकस्य नराधिपः । अभिवाद्य महर्षींस्तान् विमानं सो ऽध्यरोहत ।। 75.8 ।।

bhāṣitaṃ ruciraṃ śrutvā puṣpakasya narādhipaḥ | abhivādya maharṣīṃstān vimānaṃ so 'dhyarohata || 75.8 ||

पुष्पक की उस मधुर वाणी को सुनकर नराधिप राम ने उन महर्षियों को प्रणाम करके उस विमान पर आरोहण किया।

श्लोक 9 (uttara.75.9)

धनुर्गृहीत्वा तूणी च खड्गं च रुचिरप्रभम् । निक्षिप्य नगरे वीरौ सौमित्रिभरतावुभौ ।। 75.9 ।।

dhanurgṛhītvā tūṇī ca khaḍgaṃ ca ruciraprabham | nikṣipya nagare vīrau saumitribharatāvubhau || 75.9 ||

धनुष, तरकश तथा दीप्तिमान खड्ग को धारण करके उन्होंने दोनों वीरों — सौमित्रि (लक्ष्मण) और भरत — को नगर में ही छोड़ दिया।

श्लोक 10 (uttara.75.10)

प्रायात्प्रतीचीं हरितं विचिन्वंश्च ततस्ततः । उत्तरामगमच्छ्रीमान्दिशं हिमवता वृताम् ।। 75.10 ।।

prāyātpratīcīṃ haritaṃ vicinvaṃśca tatastataḥ | uttarāmagamacchrīmāndiśaṃ himavatā vṛtām || 75.10 ||

वे पश्चिम दिशा की ओर गए, इधर-उधर खोजते हुए; फिर वह श्रीमान हिमालय से घिरी उत्तर दिशा की ओर गए।

श्लोक 11 (uttara.75.11)

अपश्यमानस्तत्रापि स्वल्पमप्यथ दुष्कृतम् । पूर्वामपि दिशं सर्वामथो ऽपश्यन्नराधिपः ।। 75.11 ।।

apaśyamānastatrāpi svalpamapyatha duṣkṛtam | pūrvāmapi diśaṃ sarvāmatho 'paśyannarādhipaḥ || 75.11 ||

वहाँ भी तनिक भी दुष्कर्म न देखते हुए, नराधिप राम ने फिर संपूर्ण पूर्व दिशा को भी देखा।

श्लोक 12 (uttara.75.12)

प्रविशुद्धसमाचारामादर्शतलनिर्मलाम् । पुष्पकस्थो महाबाहुस्तदापश्यन्नराधिपः ।। 75.12 ।।

praviśuddhasamācārāmādarśatalanirmalām | puṣpakastho mahābāhustadāpaśyannarādhipaḥ || 75.12 ||

पुष्पक पर बैठे हुए महाबाहु नराधिप ने उस दिशा को अत्यंत शुद्धाचार वाली और दर्पणतल के समान निर्मल देखा।

श्लोक 13 (uttara.75.13)

दक्षिणां दिशमाक्रामत्ततो राजर्षिनन्दनः । शैवलस्योत्तरे पार्श्वे ददर्श सुमहत्सरः ।। 75.13 ।।

dakṣiṇāṃ diśamākrāmattato rājarṣinandanaḥ | śaivalasyottare pārśve dadarśa sumahatsaraḥ || 75.13 ||

तत्पश्चात् उस राजर्षिनन्दन ने दक्षिण दिशा की ओर प्रयाण किया और शैवल के उत्तर भाग में एक अत्यंत विशाल सरोवर देखा।

श्लोक 14 (uttara.75.14)

तस्मिन्सरसि तप्यन्तं तापसं सुमहत्तपः । ददर्श राघवः श्रीमाँल्लम्बमानमधोमुखम् ।। 75.14 ।।

tasminsarasi tapyantaṃ tāpasaṃ sumahattapaḥ | dadarśa rāghavaḥ śrīmā~llambamānamadhomukham || 75.14 ||

उस सरोवर में श्रीमान राघव ने एक तपस्वी को अत्यंत घोर तप करते हुए, सिर नीचे किए हुए लटकते हुए देखा।

श्लोक 15 (uttara.75.15)

राघवस्तमुपागम्य तप्यन्तं तप उत्तमम् । उवाच स तदा वाक्यं धन्यस्त्वमसि सुव्रत ।। 75.15 ।।

rāghavastamupāgamya tapyantaṃ tapa uttamam | uvāca sa tadā vākyaṃ dhanyastvamasi suvrata || 75.15 ||

राघव उस उत्तम तप करने वाले के पास जाकर तब यह वचन बोले — "हे सुव्रत! तुम धन्य हो।"

श्लोक 16 (uttara.75.16)

कस्यां योन्यां तपोवृद्ध वर्तसे दृढविक्रम । कौतूहलात्त्वां पृच्छामि रामो दाशरथिर्ह्यहम् ।। 75.16 ।।

kasyāṃ yonyāṃ tapovṛddha vartase dṛḍhavikrama | kautūhalāttvāṃ pṛcchāmi rāmo dāśarathirhyaham || 75.16 ||

"हे तपोवृद्ध! हे दृढ़विक्रम! तुम किस योनि (जाति) में उत्पन्न हुए हो? मैं कौतूहलवश तुमसे पूछ रहा हूँ — मैं दशरथपुत्र राम हूँ।"

श्लोक 17 (uttara.75.17)

को ऽर्थो मनीषितस्तुभ्यं स्वर्गलाभः परो ऽथवा । वराश्रयो यदर्थं त्वं तपस्यसि सुदुष्करम् । यमाश्रित्य तपस्तप्तं श्रोतुमिच्छामि तापस ।। 75.17 ।।

ko 'rtho manīṣitastubhyaṃ svargalābhaḥ paro 'thavā | varāśrayo yadarthaṃ tvaṃ tapasyasi suduṣkaram | yamāśritya tapastaptaṃ śrotumicchāmi tāpasa || 75.17 ||

"तुम्हारे मन में क्या उद्देश्य है — स्वर्गलाभ अथवा कोई अन्य श्रेष्ठ वरदान — जिसके लिए तुम यह अत्यंत दुष्कर तप कर रहे हो? हे तापस! मैं यह सुनना चाहता हूँ कि किस आश्रय से यह तप किया जा रहा है।"

श्लोक 18 (uttara.75.18)

ब्राह्मणो वा ऽसि भद्रं ते क्षत्रियो वा ऽसि दुर्जयः । वैश्यस्तृतीयवर्णो वा शूद्रो वा सत्यवाग्भव ।। 75.18 ।।

brāhmaṇo vā 'si bhadraṃ te kṣatriyo vā 'si durjayaḥ | vaiśyastṛtīyavarṇo vā śūdro vā satyavāgbhava || 75.18 ||

"क्या तुम ब्राह्मण हो — तुम्हारा कल्याण हो — अथवा अजेय क्षत्रिय हो? अथवा तीसरे वर्ण के वैश्य हो, या शूद्र हो? सत्य बोलो।"

श्लोक 19 (uttara.75.19)

इत्येवमुक्तः स नराधिपेन ह्यवाक्छिरा दाशरथाय तस्मै । उवाच जातिं नृपपुङ्गवाय यत्कारणे चैव तपःप्रयत्नः ।। 75.19 ।।

ityevamuktaḥ sa narādhipena hyavākchirā dāśarathāya tasmai | uvāca jātiṃ nṛpapuṅgavāya yatkāraṇe caiva tapaḥprayatnaḥ || 75.19 ||

लोकाधिपति राम द्वारा इस प्रकार पूछे जाने पर उसने सिर झुकाए हुए उन दशरथनन्दन नृपश्रेष्ठ को अपनी जाति तथा जिस कारण से वह तपस्या का प्रयत्न कर रहा था, वह बता दिया।