शम्बूक-वध

श्लोक 1 (uttara.76.1)

तस्य तद्वचनं श्रुत्वा रामस्याक्लिष्टकर्मणः । अवाक्छिरास्तथाभूत्वा वाक्यमेतदुवाच ह ।। ७.७६.१ ।।

tasya tadvacanaṃ śrutvā rāmasyākliṣṭakarmaṇaḥ | avākchirāstathābhūtvā vākyametaduvāca ha || 7.76.1 ||

अथक कर्मों वाले राम की वह बात सुनकर, वह पूर्ववत् सिर झुकाए हुए ही यह वचन बोला।

श्लोक 2 (uttara.76.2)

शूद्रयोन्यां प्रसूतो ऽस्मि शम्बूको नाम नामतः । देवत्वं पार्थये राम सशरीरो महायशः ।। ७.७६.२ ।।

śūdrayonyāṃ prasūto 'smi śambūko nāma nāmataḥ | devatvaṃ pārthaye rāma saśarīro mahāyaśaḥ || 7.76.2 ||

मैं शूद्र योनि में उत्पन्न हूँ, नाम से शम्बूक कहलाता हूँ। हे राम! मैं अपने इसी शरीर के साथ महायशस्वी देवत्व पाने की कामना करता हूँ।

श्लोक 3 (uttara.76.3)

न मिथ्या ऽहं वदे राम देवलोकजिगीषया । शूद्रं मां विद्धि काकुत्स्थ तप उग्रं समास्थितम् ।। ७.७६.३ ।।

na mithyā 'haṃ vade rāma devalokajigīṣayā | śūdraṃ māṃ viddhi kākutstha tapa ugraṃ samāsthitam || 7.76.3 ||

हे राम! मैं देवलोक जीतने की इच्छा से झूठ नहीं बोल रहा। हे काकुत्स्थ! मुझे शूद्र जानिए, जो घोर तप में स्थित है।

श्लोक 4 (uttara.76.4)

भाषतस्तस्य शूद्रस्य खड्गं सुरुचिरप्रभम् । निष्कृष्य कोशाद्विमलं शिरश्चिच्छेद राघवः ।। ७.७६.४ ।।

bhāṣatastasya śūdrasya khaḍgaṃ suruciraprabham | niṣkṛṣya kośādvimalaṃ śiraściccheda rāghavaḥ || 7.76.4 ||

उस शूद्र के बोलते-बोलते ही राघव ने म्यान से चमकीली, निर्मल तलवार खींचकर उसका सिर काट डाला।

श्लोक 5 (uttara.76.5)

तस्मिञ्छूद्रे हते देवाः सेन्द्राः साग्निपुरोगमाः । साधु साध्विति काकुत्स्थं प्रशशंसुर्मुहुर्मुहुः ।। ७.७६.५ ।।

tasmiñchūdre hate devāḥ sendrāḥ sāgnipurogamāḥ | sādhu sādhviti kākutsthaṃ praśaśaṃsurmuhurmuhuḥ || 7.76.5 ||

उस शूद्र के मारे जाने पर इन्द्र सहित तथा अग्नि के नेतृत्व में आए देवताओं ने बार-बार "साधु, साधु" कहकर काकुत्स्थ की प्रशंसा की।

श्लोक 6 (uttara.76.6)

पुष्पवृष्टिर्महत्यासीद्दिव्यानां सुसुगन्धिनाम् । पुष्पाणां वायुमुक्तानां सर्वतः प्रपपात ह ।। ७.७६.६ ।।

puṣpavṛṣṭirmahatyāsīddivyānāṃ susugandhinām | puṣpāṇāṃ vāyumuktānāṃ sarvataḥ prapapāta ha || 7.76.6 ||

चारों ओर से वायु द्वारा प्रेरित दिव्य, सुगन्धित पुष्पों की महान वर्षा हुई।

श्लोक 7 (uttara.76.7)

सुप्रीताश्चाब्रुवन्रामं देवाः सत्यपराक्रमम् । सुरकार्यमिदं सौम्य सुकृतं ते महामते ।। ७.७६.७ ।।

suprītāścābruvanrāmaṃ devāḥ satyaparākramam | surakāryamidaṃ saumya sukṛtaṃ te mahāmate || 7.76.7 ||

अत्यन्त प्रसन्न देवताओं ने सत्य-पराक्रमी राम से कहा — "हे सौम्य, हे महामते! तुमने देवताओं का यह कार्य भली-भाँति सम्पन्न किया है।"

श्लोक 8 (uttara.76.8)

गृहाण च वरं सौम्य यत्त्वमिच्छस्यरिन्दम । स्वर्गभाङ्नहि शूद्रो ऽयं त्वत्कृते रघुनन्दन ।। ७.७६.८ ।।

gṛhāṇa ca varaṃ saumya yattvamicchasyarindama | svargabhāṅnahi śūdro 'yaṃ tvatkṛte raghunandana || 7.76.8 ||

"हे सौम्य, हे शत्रुदमन! जो चाहो वर माँग लो, क्योंकि हे रघुनन्दन! तुम्हारे कारण यह शूद्र स्वर्गभागी नहीं होगा।"

श्लोक 9 (uttara.76.9)

देवानां भाषितं श्रुत्वा राघवः सुसमाहितः । उवाच प्राञ्जलिर्वाक्यं सहस्राक्षं पुरन्दरम् ।। ७.७६.९ ।।

devānāṃ bhāṣitaṃ śrutvā rāghavaḥ susamāhitaḥ | uvāca prāñjalirvākyaṃ sahasrākṣaṃ purandaram || 7.76.9 ||

देवताओं की बात सुनकर, पूर्ण संयत राघव ने हाथ जोड़कर सहस्राक्ष पुरन्दर (इन्द्र) से यह वचन कहा।

श्लोक 10 (uttara.76.10)

यदि देवाः प्रसन्ना मे द्विजपुत्रः स जीवतु । दिशन्तु वरमेतं मे इप्सितं परमं मम ।। ७.७६.१० ।।

yadi devāḥ prasannā me dvijaputraḥ sa jīvatu | diśantu varametaṃ me ipsitaṃ paramaṃ mama || 7.76.10 ||

"यदि देवता मुझसे प्रसन्न हैं, तो वह ब्राह्मण-पुत्र जीवित हो जाए। वे मुझे मेरी यही परम अभीष्ट वर प्रदान करें।"

श्लोक 11 (uttara.76.11)

ममापचाराद्यातो ऽसौ ब्राह्मणस्यैकपुत्रकः । अप्राप्तकालः कालेन नीतो वैवस्वतक्षयम् ।। ७.७६.११ ।।

mamāpacārādyāto 'sau brāhmaṇasyaikaputrakaḥ | aprāptakālaḥ kālena nīto vaivasvatakṣayam || 7.76.11 ||

"मेरे ही अपराध के कारण उस ब्राह्मण का इकलौता पुत्र, जिसका अभी समय नहीं आया था, असमय ही काल द्वारा वैवस्वत (यम) के धाम पहुँचा दिया गया।"

श्लोक 12 (uttara.76.12)

तं जीवयथ भद्रं वो नानृतं कर्तुमर्हथ । द्विजस्य संश्रुतो ऽर्थो मे जीवयिष्यामि ते सुतम् ।। ७.७६.१२ ।।

taṃ jīvayatha bhadraṃ vo nānṛtaṃ kartumarhatha | dvijasya saṃśruto 'rtho me jīvayiṣyāmi te sutam || 7.76.12 ||

"उसे जीवित करो, तुम्हारा कल्याण हो; तुम्हें मेरी बात झूठी नहीं करनी चाहिए, क्योंकि मैंने ब्राह्मण से प्रतिज्ञा की थी कि उसके पुत्र को जीवित करूँगा।"

श्लोक 13 (uttara.76.13)

राघवस्य तु तद्वाक्यं श्रुत्वा विबुधसत्तमाः । प्रत्युचू राघवं प्रीता देवाः प्रीतिसमन्वितम् ।। ७.७६.१३ ।।

rāghavasya tu tadvākyaṃ śrutvā vibudhasattamāḥ | pratyucū rāghavaṃ prītā devāḥ prītisamanvitam || 7.76.13 ||

राघव की यह बात सुनकर उत्तम देवगण प्रसन्न होकर, प्रसन्नचित्त राघव को यह उत्तर देने लगे।

श्लोक 14 (uttara.76.14)

निर्वृतो भव काकुत्स्थ सो ऽस्मिन्नहनि बालकः । जीवितं प्राप्तवान्भूयः समेतश्चापि बन्धुभिः ।। ७.७६.१४ ।।

nirvṛto bhava kākutstha so 'sminnahani bālakaḥ | jīvitaṃ prāptavānbhūyaḥ sametaścāpi bandhubhiḥ || 7.76.14 ||

"हे काकुत्स्थ! निश्चिन्त हो जाओ। वह बालक इसी दिन पुनः जीवन पा चुका है और अपने बन्धुजनों से मिल भी चुका है।"

श्लोक 15 (uttara.76.15)

यस्मिन्मुहूर्ते काकुत्स्थ शूद्रो ऽयं विनिपातितः । तस्मिन्मुहूर्ते बालो ऽसौ जीवेन समयुज्यत ।। ७.७६.१५ ।।

yasminmuhūrte kākutstha śūdro 'yaṃ vinipātitaḥ | tasminmuhūrte bālo 'sau jīvena samayujyata || 7.76.15 ||

"हे काकुत्स्थ! जिस क्षण यह शूद्र मारा गया, उसी क्षण वह बालक पुनः जीवन से युक्त हो गया।"

श्लोक 16 (uttara.76.16)

स्वस्ति प्राप्नुहि भद्रं ते साधु याम नरर्षभ । अगस्त्यस्याश्रमपदं द्रष्टुमिच्छाम राघव ।। ७.७६.१६ ।।

svasti prāpnuhi bhadraṃ te sādhu yāma nararṣabha | agastyasyāśramapadaṃ draṣṭumicchāma rāghava || 7.76.16 ||

"तुम्हारा कल्याण हो, तुम्हारा भला हो। हे नरश्रेष्ठ! अब हम भली भाँति चलें। हे राघव! हम अगस्त्य के आश्रम को देखना चाहते हैं।"

श्लोक 17 (uttara.76.17)

तस्य दीक्षा समाप्ता हि ब्रह्मर्षेः सुमहाद्युतेः । द्वादशं हि गतं वर्षं जलशय्यां समासतः ।। ७.७६.१७ ।।

tasya dīkṣā samāptā hi brahmarṣeḥ sumahādyuteḥ | dvādaśaṃ hi gataṃ varṣaṃ jalaśayyāṃ samāsataḥ || 7.76.17 ||

"उस महातेजस्वी ब्रह्मर्षि की दीक्षा अब पूर्ण हो चुकी है, क्योंकि जलशय्या पर व्रत करते हुए उन्हें बारहवाँ वर्ष बीत चुका है।"

श्लोक 18 (uttara.76.18)

काकुत्स्थ तद्गमिष्यामो मुनिं समभिनन्दितुम् । त्वं चाप्यागच्छ भद्रं ते द्रष्टुं तमृषिसत्तमम् ।। ७.७६.१८ ।।

kākutstha tadgamiṣyāmo muniṃ samabhinanditum | tvaṃ cāpyāgaccha bhadraṃ te draṣṭuṃ tamṛṣisattamam || 7.76.18 ||

"हे काकुत्स्थ! अतः हम उस मुनि को बधाई देने चलेंगे। तुम्हारा कल्याण हो, तुम भी उस श्रेष्ठ ऋषि को देखने आओ।"

श्लोक 19 (uttara.76.19)

स तथेति प्रतिज्ञाय देवानां रघुनन्दनः । आरुरोह विमानं तं पुष्पकं हेमभूषितम् ।। ७.७६.१९ ।।

sa tatheti pratijñāya devānāṃ raghunandanaḥ | āruroha vimānaṃ taṃ puṣpakaṃ hemabhūṣitam || 7.76.19 ||

"ऐसा ही हो" कहकर देवताओं को वचन देकर रघुनन्दन ने उस स्वर्ण से अलंकृत पुष्पक विमान पर आरोहण किया।

श्लोक 20 (uttara.76.20)

ततो देवाः प्रयातास्ते विमानैर्बहुविस्तरैः । रामो ऽप्यनुजगामाशु कुम्भयोनेस्तपोवनम् ।। ७.७६.२० ।।

tato devāḥ prayātāste vimānairbahuvistaraiḥ | rāmo 'pyanujagāmāśu kumbhayonestapovanam || 7.76.20 ||

तब वे देवता अपने विशाल विमानों में चले गए, और राम भी शीघ्र ही कुम्भयोनि (अगस्त्य) के तपोवन की ओर उनके पीछे गए।

श्लोक 21 (uttara.76.21)

दृष्ट्वा तु देवान्सम्प्राप्तानगस्त्यस्तपसां निधिः । अर्चयामास धर्मात्मा सर्वांस्तानविशेषतः ।। ७.७६.२१ ।।

dṛṣṭvā tu devānsamprāptānagastyastapasāṃ nidhiḥ | arcayāmāsa dharmātmā sarvāṃstānaviśeṣataḥ || 7.76.21 ||

देवताओं को आया देखकर तपोनिधि, धर्मात्मा अगस्त्य ने उन सबका बिना किसी भेदभाव के सत्कार किया।

श्लोक 22 (uttara.76.22)

प्रतिगृह्य ततः पूजां सम्पूज्य च महामुनिम् । जग्मुस्ते त्रिदशा हृष्टा नाकपृष्ठं सहानुगैः ।। ७.७६.२२ ।।

pratigṛhya tataḥ pūjāṃ sampūjya ca mahāmunim | jagmuste tridaśā hṛṣṭā nākapṛṣṭhaṃ sahānugaiḥ || 7.76.22 ||

उनकी पूजा (सत्कार) ग्रहण कर तथा महामुनि का सत्कार कर वे देवगण अपने अनुचरों के साथ प्रसन्नतापूर्वक स्वर्ग को चले गए।

श्लोक 23 (uttara.76.23)

गतेषु तेषु काकुत्स्थः पुष्पकादवरुह्य च । ततो ऽभिवादयामास ह्यगस्त्यमृषिसत्तमम् ।। ७.७६.२३ ।।

gateṣu teṣu kākutsthaḥ puṣpakādavaruhya ca | tato 'bhivādayāmāsa hyagastyamṛṣisattamam || 7.76.23 ||

उनके चले जाने पर काकुत्स्थ पुष्पक से उतरे और तब श्रेष्ठ ऋषि अगस्त्य को प्रणाम किया।

श्लोक 24 (uttara.76.24)

सो ऽभिवाद्य महात्मानं ज्वलन्तमिव तेजसा । आतिथ्यं परमं प्राप्य निषसाद नराधिपः ।। ७.७६.२४ ।।

so 'bhivādya mahātmānaṃ jvalantamiva tejasā | ātithyaṃ paramaṃ prāpya niṣasāda narādhipaḥ || 7.76.24 ||

तेज से मानो प्रज्वलित उस महात्मा को प्रणाम कर और उत्तम आतिथ्य पाकर राजा (राम) बैठ गए।

श्लोक 25 (uttara.76.25)

तमुवाच महातेजाः कुम्भयोनिर्महातपाः । स्वागतं ते नरश्रेष्ठ दिष्ट्या प्राप्तो ऽसि राघव ।। ७.७६.२५ ।।

tamuvāca mahātejāḥ kumbhayonirmahātapāḥ | svāgataṃ te naraśreṣṭha diṣṭyā prāpto 'si rāghava || 7.76.25 ||

महातेजस्वी, महातपस्वी कुम्भयोनि ने उनसे कहा — "हे नरश्रेष्ठ! तुम्हारा स्वागत है। हे राघव! सौभाग्य से तुम यहाँ आए हो।"

श्लोक 26 (uttara.76.26)

त्वं मे बहुमतो राम गुणैर्बहुभिरुत्तमैः । अतिथिः पूजनीयश्च मम नित्यं हृदि स्थितः ।। ७.७६.२६ ।।

tvaṃ me bahumato rāma guṇairbahubhiruttamaiḥ | atithiḥ pūjanīyaśca mama nityaṃ hṛdi sthitaḥ || 7.76.26 ||

"हे राम! तुम अपने अनेक उत्तम गुणों के कारण मेरे लिए अत्यन्त आदरणीय हो। तुम पूजनीय अतिथि हो और सदैव मेरे हृदय में बसे हो।"

श्लोक 27 (uttara.76.27)

सुरा हि कथयन्ति त्वामागतं शूद्रघातिनम् । ब्राह्मणस्य तु धर्मेण त्वया जीवापितः सुतः ।। ७.७६.२७ ।।

surā hi kathayanti tvāmāgataṃ śūdraghātinam | brāhmaṇasya tu dharmeṇa tvayā jīvāpitaḥ sutaḥ || 7.76.27 ||

"देवताओं ने बताया है कि तुम शूद्र का वध कर आए हो, और धर्मानुसार तुमने ब्राह्मण के पुत्र को जीवित कर दिया है।"

श्लोक 28 (uttara.76.28)

उष्यतां चेह रजनी सकाशे मम राघव । प्रभाते पुष्पकेण त्वं गन्ता ऽसि पुरमेव हि ।। ७.७६.२८ ।।

uṣyatāṃ ceha rajanī sakāśe mama rāghava | prabhāte puṣpakeṇa tvaṃ gantā 'si purameva hi || 7.76.28 ||

"हे राघव! आज की रात्रि यहीं मेरे पास व्यतीत करो। प्रातःकाल तुम पुष्पक से सीधे नगर को चले जाना।"

श्लोक 29 (uttara.76.29)

त्वं हि नारायणः श्रीमांस्त्वयि सर्वं प्रतिष्ठितम् । त्वं प्रभुः सर्वदेवानां पुरुषस्त्वं सनातनः ।। ७.७६.२९ ।।

tvaṃ hi nārāyaṇaḥ śrīmāṃstvayi sarvaṃ pratiṣṭhitam | tvaṃ prabhuḥ sarvadevānāṃ puruṣastvaṃ sanātanaḥ || 7.76.29 ||

"तुम ही श्रीमान् नारायण हो, तुम्हीं में सब कुछ प्रतिष्ठित है। तुम ही सब देवताओं के स्वामी हो, तुम ही सनातन पुरुष हो।"

श्लोक 30 (uttara.76.30)

इदं चाभरणं सौम्य निर्मितं विश्वकर्मणा । दिव्यं दिव्येन वपुषा दीप्यमानं स्वतेजसा । प्रतिगृह्णीष्व काकुत्स्थ मत्प्रियं कुरु राघव ।। ७.७६.३० ।।

idaṃ cābharaṇaṃ saumya nirmitaṃ viśvakarmaṇā | divyaṃ divyena vapuṣā dīpyamānaṃ svatejasā | pratigṛhṇīṣva kākutstha matpriyaṃ kuru rāghava || 7.76.30 ||

"हे सौम्य! यह आभूषण विश्वकर्मा द्वारा निर्मित है — दिव्य, दिव्य रूप वाला, अपने ही तेज से देदीप्यमान। हे काकुत्स्थ! इसे स्वीकार करो, हे राघव, मुझे प्रसन्न करो।"

श्लोक 31 (uttara.76.31)

दत्तस्य हि पुनर्दाने सुमहत्फलमुच्यते । भरणे हि भवान् शक्तः सेन्द्राणां मरुतामपि ।। ७.७६.३१ ।।

dattasya hi punardāne sumahatphalamucyate | bharaṇe hi bhavān śaktaḥ sendrāṇāṃ marutāmapi || 7.76.31 ||

"क्योंकि दिए हुए को पुनः देने का महान फल कहा गया है। और तुम इन्द्र सहित मरुद्गणों का भी भरण-पोषण करने में समर्थ हो।"

श्लोक 32 (uttara.76.32)

त्वं हि शक्तस्तारयितुं सेन्द्रानपि दिवौकसः । तस्मात्प्रदास्ये विधिवत्तत्प्रतीच्छ नराधिप ।। ७.७६.३२ ।।

tvaṃ hi śaktastārayituṃ sendrānapi divaukasaḥ | tasmātpradāsye vidhivattatpratīccha narādhipa || 7.76.32 ||

"तुम तो इन्द्र सहित स्वर्गवासियों को भी तार सकने में समर्थ हो। अतः मैं इसे विधिपूर्वक तुम्हें प्रदान करता हूँ, हे नराधिप, इसे स्वीकार करो।"

श्लोक 33 (uttara.76.33)

दिव्यमाभरणं चित्रं प्रदीप्तमिव भास्करम् ।। ७.७६.३३ ।।

divyamābharaṇaṃ citraṃ pradīptamiva bhāskaram || 7.76.33 ||

वह विचित्र दिव्य आभूषण मानो प्रज्वलित सूर्य के समान चमक रहा था।

श्लोक 34 (uttara.76.34)

अथोवाच महात्मानमिक्ष्वाकूणां महारथः । रामो मतिमतां श्रेष्ठः क्षत्रधर्ममनुस्मरन् ।। ७.७६.३४ ।।

athovāca mahātmānamikṣvākūṇāṃ mahārathaḥ | rāmo matimatāṃ śreṣṭhaḥ kṣatradharmamanusmaran || 7.76.34 ||

तब इक्ष्वाकुवंशी महारथी, बुद्धिमानों में श्रेष्ठ राम ने क्षत्रिय-धर्म का स्मरण करते हुए उस महात्मा से कहा।

श्लोक 35 (uttara.76.35)

प्रतिग्रहो ऽयं भगवन्ब्राह्मणस्याविगर्हितः । गृह्णीयां क्षत्रियो ऽहं वै कथं ब्राह्मणपुङ्गव ।। ७.७६.३५ ।।

pratigraho 'yaṃ bhagavanbrāhmaṇasyāvigarhitaḥ | gṛhṇīyāṃ kṣatriyo 'haṃ vai kathaṃ brāhmaṇapuṅgava || 7.76.35 ||

"हे भगवन्! भेंट का स्वीकार करना ब्राह्मण के लिए अनिन्दित है, परन्तु हे ब्राह्मणश्रेष्ठ, मैं क्षत्रिय होकर इसे कैसे ग्रहण करूँ?"

श्लोक 36 (uttara.76.36)

ब्राह्मणेन विशेषेण दत्तं तद्वक्तुमर्हसि । एवमुक्तस्तु रामेण प्रत्युवाच महानृषिः ।। ७.७६.३६ ।।

brāhmaṇena viśeṣeṇa dattaṃ tadvaktumarhasi | evamuktastu rāmeṇa pratyuvāca mahānṛṣiḥ || 7.76.36 ||

"यह विशेष रूप से एक ब्राह्मण द्वारा ही क्यों दिया जा रहा है, यह मुझे बताने की कृपा करें।" राम के इस प्रकार कहने पर महर्षि ने उत्तर दिया।

श्लोक 37 (uttara.76.37)

आसन्कृतयुगे राम ब्रह्मभूते पुरायुगे । अपार्थिवाः प्रजाः सर्वाः सुराणां तु शतक्रतुः ।। ७.७६.३७ ।।

āsankṛtayuge rāma brahmabhūte purāyuge | apārthivāḥ prajāḥ sarvāḥ surāṇāṃ tu śatakratuḥ || 7.76.37 ||

"हे राम! सत्ययुग में, उस पूर्व ब्रह्ममय युग में, समस्त प्रजाएँ राजाविहीन थीं, किन्तु देवताओं के स्वामी शतक्रतु (इन्द्र) थे।"

श्लोक 38 (uttara.76.38)

ताः प्रजा देवदेवेशं राजार्थं समुपाद्रवन् । सुराणां स्थापितो राजा त्वया देव शतक्रतुः ।। ७.७६.३८ ।।

tāḥ prajā devadeveśaṃ rājārthaṃ samupādravan | surāṇāṃ sthāpito rājā tvayā deva śatakratuḥ || 7.76.38 ||

वे प्रजाएँ राजा की प्राप्ति हेतु देवाधिदेव के पास गईं और कहा — "हे देव! आपने देवताओं के लिए शतक्रतु को राजा के रूप में स्थापित किया है —"

श्लोक 39 (uttara.76.39)

प्रयच्छ नो हि लोकेश पार्थिवं नरपुङ्गवम् । यस्मै पूजां प्रयुञ्जाना धूतपापाश्चरेमहि । न वसामो विना राज्ञा एष नो निश्चयः परः ।। ७.७६.३९ ।।

prayaccha no hi lokeśa pārthivaṃ narapuṅgavam | yasmai pūjāṃ prayuñjānā dhūtapāpāścaremahi | na vasāmo vinā rājñā eṣa no niścayaḥ paraḥ || 7.76.39 ||

"— हे लोकेश! हमें भी एक पार्थिव नरश्रेष्ठ राजा दीजिए, जिसकी पूजा-सेवा करते हुए हम पापरहित होकर विचरण करें। हम राजा के बिना नहीं रहेंगे — यही हमारा अन्तिम निश्चय है।"

श्लोक 40 (uttara.76.40)

प्रजानां वचनं श्रुत्वा निश्चयित्वा ऽर्थमुत्तमम् ।। ७.७६.४० ।।

prajānāṃ vacanaṃ śrutvā niścayitvā 'rthamuttamam || 7.76.40 ||

प्रजाओं की यह बात सुनकर तथा उत्तम उपाय का निश्चय करके —

श्लोक 41 (uttara.76.41)

ततो ब्रह्मा सुरश्रेष्ठो लोकपालान्सवासवान् । समाहूयाब्रवीत्सर्वांस्तेजोभागान्प्रयच्छत ।। ७.७६.४१ ।।

tato brahmā suraśreṣṭho lokapālānsavāsavān | samāhūyābravītsarvāṃstejobhāgānprayacchata || 7.76.41 ||

— तब देवश्रेष्ठ ब्रह्मा ने वासव सहित लोकपालों को बुलाकर सबसे कहा — "अपने-अपने तेज का अंश प्रदान करो।"

श्लोक 42 (uttara.76.42)

ततो ददुर्लोकपालाः सर्वे भागान्स्वतेजसः । अक्षुपच्च ततो ब्रह्मा यतो जातः क्षुपो नृपः ।। ७.७६.४२ ।।

tato dadurlokapālāḥ sarve bhāgānsvatejasaḥ | akṣupacca tato brahmā yato jātaḥ kṣupo nṛpaḥ || 7.76.42 ||

तब सभी लोकपालों ने अपने-अपने तेज का अंश दिया, और उससे ब्रह्मा ने सृष्टि की, जिससे राजा क्षुप उत्पन्न हुए।

श्लोक 43 (uttara.76.43)

तं ब्रह्मा लोकपालानां सहांशैः समयोजयत् । ततो ददौ नृपं तासां प्रजानामीश्वरं क्षुपम् ।। ७.७६.४३ ।।

taṃ brahmā lokapālānāṃ sahāṃśaiḥ samayojayat | tato dadau nṛpaṃ tāsāṃ prajānāmīśvaraṃ kṣupam || 7.76.43 ||

ब्रह्मा ने उन्हें लोकपालों के अंशों से युक्त किया और फिर उन प्रजाओं को उनके स्वामी राजा क्षुप को प्रदान कर दिया।

श्लोक 44 (uttara.76.44)

तत्रैन्द्रेण च भागेन महीमाज्ञापयन्नृपः । वारुणेन तु भागेन वपुः पुष्यति पार्थिवः ।। ७.७६.४४ ।।

tatraindreṇa ca bhāgena mahīmājñāpayannṛpaḥ | vāruṇena tu bhāgena vapuḥ puṣyati pārthivaḥ || 7.76.44 ||

उस राजा ने इन्द्र के अंश से पृथ्वी पर शासन किया, तथा वरुण के अंश से अपनी काया का पोषण किया।

श्लोक 45 (uttara.76.45)

कौबेरेण तु भागेन वित्तमासां ददौ तदा । यस्तु याम्यो ऽभवद्भागस्तेन शास्ति स्म स प्रजाः ।। ७.७६.४५ ।।

kauvereṇa tu bhāgena vittamāsāṃ dadau tadā | yastu yāmyo 'bhavadbhāgastena śāsti sma sa prajāḥ || 7.76.45 ||

कुबेर के अंश से उसने उन प्रजाओं को धन प्रदान किया, तथा यम से प्राप्त अंश से वह प्रजाओं पर शासन करता था।

श्लोक 46 (uttara.76.46)

तत्रैन्द्रेण नरश्रेष्ठ भागेन रघुनन्दन । प्रतिगृह्णीष्व भद्रं ते तारणार्थं मम प्रभो ।। ७.७६.४६ ।।

tatraindreṇa naraśreṣṭha bhāgena raghunandana | pratigṛhṇīṣva bhadraṃ te tāraṇārthaṃ mama prabho || 7.76.46 ||

"अतः हे नरश्रेष्ठ, हे रघुनन्दन! उस इन्द्र के अंश सहित इसे स्वीकार करो। हे प्रभो! तुम्हारा कल्याण हो, यह मेरी तारण-मुक्ति के लिए है।"

श्लोक 47 (uttara.76.47)

तस्य तद्वचनं श्रुत्वा ऋषेः परमधार्मिकम् । तद्रामः प्रतिजग्राह मुनेराभरणं वरम् ।। ७.७६.४७ ।।

tasya tadvacanaṃ śrutvā ṛṣeḥ paramadhārmikam | tadrāmaḥ pratijagrāha muner ābharaṇaṃ varam || 7.76.47 ||

उस ऋषि के परम धर्मयुक्त वचन को सुनकर राम ने मुनि के उस श्रेष्ठ आभूषण को स्वीकार कर लिया।

श्लोक 48 (uttara.76.48)

प्रतिगृह्य ततो रामस्तदाभरणमुत्तमम् । आगमं तस्य दीप्तस्य प्रष्टुमेवोपचक्रमे ।। ७.७६.४८ ।।

pratigṛhya tato rāmastadābharaṇamuttamam | āgamaṃ tasya dīptasya praṣṭumevopacakrame || 7.76.48 ||

उस उत्तम आभूषण को स्वीकार कर राम उस देदीप्यमान वस्तु के आगमन (उत्पत्ति) के विषय में पूछने लगे।

श्लोक 49 (uttara.76.49)

अत्यद्भुतमिदं दिव्यं वपुषा युक्तमुत्तमम् । कथं वा भगवता प्राप्तं कुतो वा केन वा हृतम् ।। ७.७६.४९ ।।

atyadbhutamidaṃ divyaṃ vapuṣā yuktamuttamam | kathaṃ vā bhagavatā prāptaṃ kuto vā kena vā hṛtam || 7.76.49 ||

"यह अत्यन्त अद्भुत, दिव्य तथा उत्तम रूप से युक्त है। हे भगवन्! यह आपको कैसे प्राप्त हुआ, कहाँ से और किसके द्वारा लाया गया?"

श्लोक 50 (uttara.76.50)

कुतूहलितया ब्रह्मन्पृच्छामि त्वां महायशः । आश्चर्याणां बहूनां हि निधिः परमको भवान् ।। ७.७६.५० ।।

kutūhalitayā brahmanpṛcchāmi tvāṃ mahāyaśaḥ | āścaryāṇāṃ bahūnāṃ hi nidhiḥ paramako bhavān || 7.76.50 ||

"हे ब्रह्मन्! कुतूहलवश मैं आपसे पूछ रहा हूँ, हे महायशस्वी! आप तो अनेक आश्चर्यों के परम भण्डार हैं।"

श्लोक 51 (uttara.76.51)

एवं ब्रुवति काकुत्स्थे मुनिर्वाक्यमथाब्रवीत् । शृणु राम यथावृत्तं पुरा त्रेतायुगे युगे ।। ७.७६.५१ ।।

evaṃ bruvati kākutsthe munirvākyamathābravīt | śṛṇu rāma yathāvṛttaṃ purā tretāyuge yuge || 7.76.51 ||

काकुत्स्थ के इस प्रकार कहने पर मुनि ने यह वचन कहा — "हे राम! सुनो, यह पूर्वकाल त्रेतायुग में जैसे घटित हुआ था।"

श्लोक 52 (uttara.76.52)

रमणीयप्रदेशे ऽस्मिन् वने यद्दृष्टवानहम् । आश्चर्यं मे महाबाहो दानमाश्रित्य केवलम् ।। ७.७६.५२ ।।

ramaṇīyapradeśe 'smin vane yaddṛṣṭavānaham | āścaryaṃ me mahābāho dānamāśritya kevalam || 7.76.52 ||

"हे महाबाहो! इस रमणीय वन-प्रदेश में मैंने जो देखा, वह केवल दान के आश्रित एक आश्चर्य ही था।"