शव-भक्षी दिव्य पुरुष की कथा

श्लोक 1 (uttara.77.1)

पुरा त्रेतायुगे राम बभूव बहुविस्तरम् । समन्ताद्योजनशतं विमृगं पक्षिवर्जितम् ।। ७.७७.१ ।।

purā tretāyuge rāma babhūva bahuvistaram | samantādyojanaśataṃ vimṛgaṃ pakṣivarjitam || 7.77.1 ||

"हे राम! पूर्वकाल त्रेतायुग में एक विस्तृत वन था, जो चारों ओर सौ योजन तक मृगों और पक्षियों से रहित था।"

श्लोक 2 (uttara.77.2)

तस्मिन्निर्मानुषे ऽरण्ये कुर्वाणस्तप उत्तमम् । अहमाक्रमितुं सौम्य तदरण्यमुपागमम् ।। ७.७७.२ ।।

tasminnirmānuṣe 'raṇye kurvāṇastapa uttamam | ahamākramituṃ saumya tadaraṇyamupāgamam || 7.77.2 ||

"उस मनुष्यरहित वन में उत्तम तप करते हुए, हे सौम्य! मैं उस वन में प्रवेश करने के लिए वहाँ पहुँचा था।"

श्लोक 3 (uttara.77.3)

तस्य रूपमरण्यस्य निर्देष्टुं न शशाक ह । फलमूलैः सुखास्वादैर्बहुरूपैश्च पादपैः ।। ७.७७.३ ।।

tasya rūpamaraṇyasya nirdeṣṭuṃ na śaśāka ha | phalamūlaiḥ sukhāsvādairbahurūpaiśca pādapaiḥ || 7.77.3 ||

"उस वन के स्वरूप का वर्णन कर पाना कठिन था — वहाँ सुस्वादु फल-मूल तथा नाना प्रकार के वृक्ष थे।"

श्लोक 4 (uttara.77.4)

तस्यारण्यस्य मध्ये तु सरो योजनमायतम् । हंसकारण्डवाकीर्णं चक्रवाकोपशोभितम् ।। ७.७७.४ ।।

tasyāraṇyasya madhye tu saro yojanamāyatam | haṃsakāraṇḍavākīrṇaṃ cakravākopaśobhitam || 7.77.4 ||

"उस वन के बीचोंबीच एक योजन विस्तार वाला सरोवर था, जो हंसों और कारण्डवों से भरा तथा चक्रवाक पक्षियों से सुशोभित था।"

श्लोक 5 (uttara.77.5)

पद्मोत्पलसमाकीर्णं समतिक्रान्तशैवलम् । तदाश्चर्यमिवात्यर्थं सुखास्वादमनुत्तमम् ।। ७.७७.५ ।।

padmotpalasamākīrṇaṃ samatikrāntaśaivalam | tadāścaryamivātyarthaṃ sukhāsvādamanuttamam || 7.77.5 ||

"वह कमल-कुमुदों से भरा हुआ, काई से रहित था, अत्यन्त आश्चर्यजनक तथा उसका जल अत्यन्त सुस्वादु था।"

श्लोक 6 (uttara.77.6)

अरजस्कं तथा ऽक्षोभ्यं श्रीमत्पक्षिगणायुतम् । समीपे तस्य सरसो महदद्भुतमाश्रमम् ।। ७.७७.६ ।।

arajaskaṃ tathā 'kṣobhyaṃ śrīmatpakṣigaṇāyutam | samīpe tasya saraso mahadadbhutamāśramam || 7.77.6 ||

"वह धूलिरहित, अक्षुब्ध तथा शोभायमान पक्षि-समूहों से युक्त था। उस सरोवर के समीप एक महान, अद्भुत आश्रम था।"

श्लोक 7 (uttara.77.7)

पुराणं पुण्यमत्यर्थं तपस्विजनवर्जितम् । तत्राहमवसं रात्रिं नैदाघीं पुरुषर्षभ ।। ७.७७.७ ।।

purāṇaṃ puṇyamatyarthaṃ tapasvijanavarjitam | tatrāhamavasaṃ rātriṃ naidāghīṃ puruṣarṣabha || 7.77.7 ||

"वह अत्यन्त प्राचीन और पवित्र था, किन्तु तपस्वियों से रहित था। हे पुरुषर्षभ! वहाँ मैंने ग्रीष्म की एक रात्रि व्यतीत की।"

श्लोक 8 (uttara.77.8)

प्रभाते काल्यमुत्थाय सरस्तदुपचक्रमे । अथापश्यं शवं तत्र सुपुष्टमजरं क्वचित् ।। ७.७७.८ ।।

prabhāte kālyamutthāya sarastadupacakrame | athāpaśyaṃ śavaṃ tatra supuṣṭamajaraṃ kvacit || 7.77.8 ||

"प्रातःकाल शीघ्र उठकर मैं उस सरोवर की ओर गया। तब वहाँ मैंने एक स्थान पर सुपुष्ट, अजीर्ण (न सड़ा हुआ) शव देखा।"

श्लोक 9 (uttara.77.9)

पङ्किभेदेन पुष्टाङ्गं समाश्रितसरोवरम् । तिष्ठन्तं परया लक्ष्म्या तस्मिंस्तोयाशये नृप ।। ७.७७.९ ।।

paṅkibhedena puṣṭāṅgaṃ samāśritasarovaram | tiṣṭhantaṃ parayā lakṣmyā tasmiṃstoyāśaye nṛpa || 7.77.9 ||

"वह पुष्ट अंगों वाला शव सरोवर के समीप ही टिका हुआ था, हे राजन्, उस जलाशय में परम शोभा के साथ पड़ा हुआ था।"

श्लोक 10 (uttara.77.10)

तमर्थं चिन्तयानो ऽहं मुहूर्तं तत्र राघव । उषितो ऽस्मि सरस्तीरे किन्न्विदं स्यादिति प्रभो ।। ७.७७.१० ।।

tamarthaṃ cintayāno 'haṃ muhūrtaṃ tatra rāghava | uṣito 'smi sarastīre kinnvidaṃ syāditi prabho || 7.77.10 ||

"हे राघव! उस बात पर विचार करते हुए मैं क्षणभर वहाँ, सरोवर के तट पर, यह सोचते हुए ठहरा रहा कि हे प्रभो, यह क्या हो सकता है।"

श्लोक 11 (uttara.77.11)

अथापश्यं मुहूर्तेन दिव्यमद्भुतदर्शनम् । विमानं परमोदारं हंसयुक्तं मनोजवम् ।। ७.७७.११ ।।

athāpaśyaṃ muhūrtena divyamadbhutadarśanam | vimānaṃ paramodāraṃ haṃsayuktaṃ manojavam || 7.77.11 ||

"तभी क्षणभर में मैंने एक दिव्य, अद्भुत दर्शन वाला, अत्यन्त भव्य, हंसों से युक्त, मन के समान वेगवान विमान देखा।"

श्लोक 12 (uttara.77.12)

अत्यर्थं स्वर्गिणं त विमाने रघुनन्दन । उपास्ते ऽप्सरसां वीर सहस्रं दिव्यभूषणम् ।। ७.७७.१२ ।।

atyarthaṃ svargiṇaṃ ta vimāne raghunandana | upāste 'psarasāṃ vīra sahasraṃ divyabhūṣaṇam || 7.77.12 ||

"हे रघुनन्दन! उस विमान में विराजमान उस तेजस्वी स्वर्गवासी की, हे वीर, दिव्य आभूषणों से युक्त एक सहस्र अप्सराएँ सेवा कर रही थीं।"

श्लोक 13 (uttara.77.13)

गायन्ति दिव्यगेयानि वादयन्ति तथा ऽपराः । क्ष्वेलयन्ति तथा चान्या नृत्यन्ति च तथा ऽपराः ।। ७.७७.१३ ।।

gāyanti divyageyāni vādayanti tathā 'parāḥ | kṣvelayanti tathā cānyā nṛtyanti ca tathā 'parāḥ || 7.77.13 ||

"कुछ दिव्य गीत गा रही थीं, कुछ वाद्य बजा रही थीं, कुछ और क्रीड़ा-कौतुक कर रही थीं, तथा कुछ नृत्य कर रही थीं।"

श्लोक 14 (uttara.77.14)

अपराश्चन्द्ररश्म्याभैर्हेमदण्डैश्च चामरैः । दोधूयुर्वदनं तस्य पुण्डरीकनिभेक्षणम् ।। ७.७७.१४ ।।

aparāścandraraśmyābhairhemadaṇḍaiśca cāmaraiḥ | dodhūyurvadanaṃ tasya puṇḍarīkanibhekṣaṇam || 7.77.14 ||

"अन्य अप्सराएँ चन्द्रकिरणों के समान चमकते सुनहरे दण्डों वाले चँवरों से उसके कमलनयन मुख को झला रही थीं।"

श्लोक 15 (uttara.77.15)

ततः सिंहासनं त्यक्त्वा मेरुकूटमिवांशुमान् । पश्यतो मे तदा राम विमानादवरुह्य च । तं शवं भक्षयामास स स्वर्गी रघुनन्दन ।। ७.७७.१५ ।।

tataḥ siṃhāsanaṃ tyaktvā merukūṭamivāṃśumān | paśyato me tadā rāma vimānādavaruhya ca | taṃ śavaṃ bhakṣayāmāsa sa svargī raghunandana || 7.77.15 ||

"तब मेरु-शिखर से उतरते सूर्य के समान अपने सिंहासन को छोड़कर, हे राम, मेरे देखते-देखते ही, हे रघुनन्दन, वह स्वर्गवासी विमान से उतरकर उस शव को खाने लगा।"

श्लोक 16 (uttara.77.16)

तथा भुक्त्वा यथाकामं मांसं बहु सुपीवरम् । अवतीर्य सरः स्वर्गी संस्प्रष्टुमुपचक्रमे ।। ७.७७.१६ ।।

tathā bhuktvā yathākāmaṃ māṃsaṃ bahu supīvaram | avatīrya saraḥ svargī saṃspraṣṭumupacakrame || 7.77.16 ||

"इस प्रकार उस भरपूर, सुपुष्ट मांस को इच्छानुसार खाकर वह स्वर्गवासी सरोवर में उतरकर उसका स्पर्श (आचमन) करने लगा।"

श्लोक 17 (uttara.77.17)

उपस्पृश्य यथान्यायं स स्वर्गी रघुपुङ्गव । आरोढुमुपचक्राम विमानवरमुत्तमम् ।। ७.७७.१७ ।।

upaspṛśya yathānyāyaṃ sa svargī raghupuṅgava | āroḍhumupacakrāma vimānavaramuttamam || 7.77.17 ||

"हे रघुपुंगव! विधिपूर्वक आचमन कर वह स्वर्गवासी अपने उस सर्वोत्तम विमान पर पुनः चढ़ने लगा।"

श्लोक 18 (uttara.77.18)

तमहं देवसङ्काशमारोहन्तमुदीक्ष्य वै । अथाहमब्रुवं वाक्यं स्वर्गिणं पुरुषर्षभ ।। ७.७७.१८ ।।

tamahaṃ devasaṅkāśamārohantamudīkṣya vai | athāhamabruvaṃ vākyaṃ svargiṇaṃ puruṣarṣabha || 7.77.18 ||

"हे पुरुषर्षभ! उस देवतुल्य पुरुष को चढ़ते हुए देखकर मैंने उस स्वर्गवासी से यह वचन कहा।"

श्लोक 19 (uttara.77.19)

को भवान्देवसङ्काश आहारश्च विगर्हितः । त्वयेदं भुज्यते सौम्य किमर्थं वक्तुमर्हसि ।। ७.७७.१९ ।।

ko bhavāndevasaṅkāśa āhāraśca vigarhitaḥ | tvayedaṃ bhujyate saumya kimarthaṃ vaktumarhasi || 7.77.19 ||

"'हे देवतुल्य! आप कौन हैं, और यह निन्दित आहार आप क्यों ग्रहण कर रहे हैं, हे सौम्य? आपको इसका कारण बताना चाहिए।'"

श्लोक 20 (uttara.77.20)

कस्य स्यादीदृशो भाव आहारो देवसम्मतः । आश्चर्यं वर्तते सौम्य श्रोतुमिच्छामि तत्त्वतः ।। ७.७७.२० ।।

kasya syādīdṛśo bhāva āhāro devasammataḥ | āścaryaṃ vartate saumya śrotumicchāmi tattvataḥ || 7.77.20 ||

"'किसकी ऐसी स्थिति हो सकती है — देवताओं से सम्मानित होकर भी ऐसा आहार? हे सौम्य, यह आश्चर्य है; मैं इसका यथार्थ सुनना चाहता हूँ।'"

श्लोक 21 (uttara.77.21)

नाहमौपयिकं मन्ये तव भक्ष्यमिदं शवम् ।। ७.७७.२१ ।।

nāhamaupayikaṃ manye tava bhakṣyamidaṃ śavam || 7.77.21 ||

"'मैं इस शव को आपके योग्य भोजन नहीं मानता।'"

श्लोक 22 (uttara.77.22)

इत्येवमुक्तः स नरेन्द्र नाकी कौतूहलात्सूनृतया गिरा च । श्रुत्वा च वाक्यं मम सर्वमेतत्सर्वं तथा चाकथयन्ममेति ।। ७.७७.२२ ।।

ityevamuktaḥ sa narendra nākī kautūhalātsūnṛtayā girā ca | śrutvā ca vākyaṃ mama sarvametatsarvaṃ tathā cākathayanmameti || 7.77.22 ||

"हे नरेन्द्र! इस प्रकार कुतूहलवश कही गई मेरी इस समस्त मृदु वाणी को सुनकर, उस स्वर्गवासी ने मुझे यह सब वैसा ही कह सुनाया, जैसा मैं अब तुमसे कह रहा हूँ।"