भरत द्वारा राम को राजसूय-यज्ञ से निवृत्त करना

श्लोक 1 (uttara.83.1)

तच्छ्रुत्वा भाषितं तस्य रामस्याक्लिष्ट कर्मणः । द्वास्स्थः कुमारावाहूय राघवाय न्यवेदयत् ।। ७.८३.१ ।।

tacchrutvā bhāṣitaṃ tasya rāmasyākliṣṭa karmaṇaḥ | dvāssthaḥ kumārāvāhūya rāghavāya nyavedayat || 7.83.1 ||

अक्लिष्टकर्मा राम का वह वचन सुनकर, द्वारपाल ने दोनों राजकुमारों को बुलाकर राघव को यह सूचना दी।

श्लोक 2 (uttara.83.2)

दृष्ट्वा तु राघवः प्राप्तौ प्रियौ भरतलक्ष्मणौ । परिष्वज्य तदा रामो वाक्यमेतदुवाच ह ।। ७.८३.२ ।।

dṛṣṭvā tu rāghavaḥ prāptau priyau bharatalakṣmaṇau | pariṣvajya tadā rāmo vākyametaduvāca ha || 7.83.2 ||

अपने प्रिय भरत और लक्ष्मण को आया देखकर, राघव ने उन्हें गले लगाया और तब यह वचन कहा।

श्लोक 3 (uttara.83.3)

कृतं मया यथा तथ्यं द्विजकार्यमनुत्तमम् । धर्मसेतुमथो भूयः कर्तुमिच्छामि राघवौ ।। ७.८३.३ ।।

kṛtaṃ mayā yathā tathyaṃ dvijakāryamanuttamam | dharmasetumatho bhūyaḥ kartumicchāmi rāghavau || 7.83.3 ||

"मैंने यथार्थ रूप से ब्राह्मणों का सर्वोत्तम कार्य पूर्ण कर लिया है; हे राघवद्वय! अब मैं पुनः एक धर्मसेतु स्थापित करना चाहता हूँ।"

श्लोक 4 (uttara.83.4)

अक्षय्यश्चाव्ययश्चैव धर्मसेतुर्मतो मम । धर्मप्रसाधकं ह्येतत् सर्वपापप्रणाशनम् ।। ७.८३.४ ।।

akṣayyaścāvyayaścaiva dharmaseturmato mama | dharmaprasādhakaṃ hyetat sarvapāpapraṇāśanam || 7.83.4 ||

"मेरी दृष्टि में यह धर्मसेतु अक्षय और अविनाशी है; क्योंकि यह धर्म को सिद्ध करने वाला और समस्त पापों का नाश करने वाला है।"

श्लोक 5 (uttara.83.5)

युवाभ्यामात्मभूताभ्यां राजसूयमनुत्तमम् । सहितो यष्टुमिच्छामि तत्र धर्मो हि शाश्वतः ।। ७.८३.५ ।।

yuvābhyāmātmabhūtābhyāṃ rājasūyamanuttamam | sahito yaṣṭumicchāmi tatra dharmo hi śāśvataḥ || 7.83.5 ||

"तुम दोनों के साथ, जो मेरे ही स्वरूप हो, मैं उस सर्वोत्तम राजसूय यज्ञ को करना चाहता हूँ; क्योंकि उसमें शाश्वत धर्म निहित है।"

श्लोक 6 (uttara.83.6)

इष्ट्वा तु राजसूयेन मित्रः शत्रुनिबर्हणः । सुहुतेन सुयज्ञेन वरुणत्वमुपागमत् ।। ७.८३.६ ।।

iṣṭvā tu rājasūyena mitraḥ śatrunibarhaṇaḥ | suhutena suyajñena varuṇatvamupāgamat || 7.83.6 ||

"शत्रुनाशक मित्र ने राजसूय यज्ञ का, उस भलीभाँति हुत उत्तम यज्ञ द्वारा, अनुष्ठान करके वरुणत्व प्राप्त किया था।"

श्लोक 7 (uttara.83.7)

सोमश्च राजसूयेन इष्ट्वा धर्मेण धर्मवित् । प्राप्तश्च सर्वलोकेषु कीर्तिस्थानं च शाश्वतम् ।। ७.८३.७ ।।

somaśca rājasūyena iṣṭvā dharmeṇa dharmavit | prāptaśca sarvalokeṣu kīrtisthānaṃ ca śāśvatam || 7.83.7 ||

"और धर्मवेत्ता सोम ने भी राजसूय यज्ञ का धर्मपूर्वक अनुष्ठान करके समस्त लोकों में शाश्वत कीर्ति का स्थान प्राप्त किया।"

श्लोक 8 (uttara.83.8)

अस्मिन्नहनि यच्छ्रेयश्चिन्त्यतां तन्मया सह । हितं चायतियुक्तं च प्रयतौ कर्तुमर्हथः ।। ७.८३.८ ।।

asminnahani yacchreyaścintyatāṃ tanmayā saha | hitaṃ cāyatiyuktaṃ ca prayatau kartumarhathaḥ || 7.83.8 ||

"आज ही मेरे साथ यह विचार करो कि क्या श्रेयस्कर है; तुम दोनों प्रयत्नपूर्वक जो हितकारी और भविष्य के लिए उपयुक्त हो, उसका निश्चय करो।"

श्लोक 9 (uttara.83.9)

श्रुत्वा तु राघवस्यैतद्वाक्यं वाक्यविशारदः । भरतः प्राञ्जलिर्भूत्वा वाक्यमेतदुवाच ह ।। ७.८३.९ ।।

śrutvā tu rāghavasyaitadvākyaṃ vākyaviśāradaḥ | bharataḥ prāñjalirbhūtvā vākyametaduvāca ha || 7.83.9 ||

राघव के इस वचन को सुनकर, वाक्यकुशल भरत ने हाथ जोड़कर यह वचन कहा।

श्लोक 10 (uttara.83.10)

त्वयि धर्मः परः साधो त्वयि सर्वा वसुन्धरा । प्रतिष्ठिता महाबाहो यशश्चामितविक्रम ।। ७.८३.१० ।।

tvayi dharmaḥ paraḥ sādho tvayi sarvā vasundharā | pratiṣṭhitā mahābāho yaśaścāmitavikrama || 7.83.10 ||

"हे साधु! आप में ही परम धर्म प्रतिष्ठित है; हे महाबाहो! आप में ही समस्त पृथ्वी और यश भी प्रतिष्ठित हैं, हे अमित पराक्रमी!"

श्लोक 11 (uttara.83.11)

महीपालाश्च सर्वे त्वां प्रजापतिमिवामराः । निरीक्षन्ते महात्मानं लोकानाथं यथा वयम् ।। ७.८३.११ ।।

mahīpālāśca sarve tvāṃ prajāpatimivāmarāḥ | nirīkṣante mahātmānaṃ lokānāthaṃ yathā vayam || 7.83.11 ||

"और समस्त भूपाल आपको, हे महात्मन्! उसी प्रकार देखते हैं जैसे देवगण प्रजापति को, और हम आपको लोकनाथ की भाँति देखते हैं।"

श्लोक 12 (uttara.83.12)

पुत्राश्च पितृवद्राजन्पश्यन्ति त्वां महाबल । पृथिव्या गतिभूतो ऽसि प्राणिनामपि राघव ।। ७.८३.१२ ।।

putrāśca pitṛvadrājanpaśyanti tvāṃ mahābala | pṛthivyā gatibhūto 'si prāṇināmapi rāghava || 7.83.12 ||

"हे महाबल राजन्! प्रजाएँ आपको पिता के समान देखती हैं; हे राघव! आप पृथ्वी के और समस्त प्राणियों के भी आश्रय बन गये हैं।"

श्लोक 13 (uttara.83.13)

स त्वमेवंविधं यज्ञमाहर्तासि कथं नृप । पृथिव्यां राजवंशानां विनाशो यत्र दृश्यते ।। ७.८३.१३ ।।

sa tvamevaṃvidhaṃ yajñamāhartāsi kathaṃ nṛpa | pṛthivyāṃ rājavaṃśānāṃ vināśo yatra dṛśyate || 7.83.13 ||

"हे राजन्! ऐसे यज्ञ को आप कैसे सम्पन्न करेंगे, जिसमें पृथ्वी के राजवंशों का विनाश देखा जाता है?"

श्लोक 14 (uttara.83.14)

पृथिव्यां ये च पुरुषा राजन्पौरुषमागताः । सर्वेषां भविता तत्र सङ्क्षयः सर्वकोपजः ।। ७.८३.१४ ।।

pṛthivyāṃ ye ca puruṣā rājanpauruṣamāgatāḥ | sarveṣāṃ bhavitā tatra saṅkṣayaḥ sarvakopajaḥ || 7.83.14 ||

"हे राजन्! पृथ्वी पर जितने भी पुरुष अपने पौरुष से प्रतिष्ठा को प्राप्त हैं, उस यज्ञ में सबका सर्वनाशकारी क्रोध से उत्पन्न विनाश हो जाएगा।"

श्लोक 15 (uttara.83.15)

स त्वं पुरुषशार्दूल गुणैरतुलविक्रम । पृथिवीं नार्हसे हन्तुं वशे हि तव वर्तते ।। ७.८३.१५ ।।

sa tvaṃ puruṣaśārdūla guṇairatulavikrama | pṛthivīṃ nārhase hantuṃ vaśe hi tava vartate || 7.83.15 ||

"हे पुरुषशार्दूल! अपने गुणों में अतुल पराक्रमी आप, पृथ्वी का विनाश करने योग्य नहीं हैं, क्योंकि वह पहले से ही आपके अधीन है।"

श्लोक 16 (uttara.83.16)

भरतस्य तु तद्वाक्यं श्रुत्वा ऽमृतमयं तदा । प्रहर्षमतुलं लेभे रामः सत्यपराक्रमः ।। ७.८३.१६ ।।

bharatasya tu tadvākyaṃ śrutvā 'mṛtamayaṃ tadā | praharṣamatulaṃ lebhe rāmaḥ satyaparākramaḥ || 7.83.16 ||

भरत के उस अमृततुल्य वचन को सुनकर, सत्यपराक्रमी राम को तब अतुल हर्ष प्राप्त हुआ।

श्लोक 17 (uttara.83.17)

उवाच च शुभं वाक्यं कैकेय्यानन्दवर्धनम् । प्रीतो ऽस्मि परितुष्टो ऽस्मि तवाद्य वचने ऽनघ ।। ७.८३.१७ ।।

uvāca ca śubhaṃ vākyaṃ kaikeyyānandavardhanam | prīto 'smi parituṣṭo 'smi tavādya vacane 'nagha || 7.83.17 ||

और उन्होंने कैकेयी के आनन्द को बढ़ाने वाले भरत से यह शुभ वचन कहा, "हे निष्पाप! आज तुम्हारे वचन से मैं प्रसन्न हूँ, मैं संतुष्ट हूँ।"

श्लोक 18 (uttara.83.18)

इदं वचनमक्लीबं त्वया धर्मसमाहितम् । व्याहृतं पुरुषव्याघ्र पृथिव्याः परिपालनम् ।। ७.८३.१८ ।।

idaṃ vacanamaklībaṃ tvayā dharmasamāhitam | vyāhṛtaṃ puruṣavyāghra pṛthivyāḥ paripālanam || 7.83.18 ||

"हे पुरुषव्याघ्र! तुमने धर्म से युक्त यह अकातर वचन कहा है, जो पृथ्वी के परिपालन के विषय में है।"

श्लोक 19 (uttara.83.19)

एष्यदस्मदभिप्रायाद्राजसूयात्क्रतूत्तमात् । निवर्तयामि धर्मज्ञ तव सुव्याहृतेन च ।। ७.८३.१९ ।।

eṣyadasmadabhiprāyādrājasūyātkratūttamāt | nivartayāmi dharmajña tava suvyāhṛtena ca || 7.83.19 ||

"हे धर्मज्ञ! तुम्हारे इस सुभाषित वचन से मैं अपने संकल्प से -- उस सर्वोत्तम राजसूय यज्ञ से -- निवृत्त होता हूँ।"

श्लोक 20 (uttara.83.20)

लोकपीडाकरं कर्म न कर्तव्यं विचक्षणैः । बालानां तु शुभं वाक्यं ग्राह्य लक्ष्मणपूर्वज । तस्माच्छृणोमि ते वाक्यं साधु युक्तं महामते ।। ७.८३.२० ।।

lokapīḍākaraṃ karma na kartavyaṃ vicakṣaṇaiḥ | bālānāṃ tu śubhaṃ vākyaṃ grāhya lakṣmaṇapūrvaja | tasmācchṛṇomi te vākyaṃ sādhu yuktaṃ mahāmate || 7.83.20 ||

"जो कर्म लोगों को पीड़ा देनेवाला हो, वह विवेकी पुरुषों को नहीं करना चाहिए; परन्तु बालकों का भी शुभ वचन ग्रहण करने योग्य होता है, हे लक्ष्मणपूर्वज! इसीलिए, हे महामते! मैं तुम्हारे इस उत्तम और युक्तियुक्त वचन को स्वीकार करता हूँ।"