लक्ष्मण द्वारा अश्वमेध का परामर्श

श्लोक 1 (uttara.84.1)

तथोक्तवति रामे तु भरते च महात्मनि । लक्ष्मणो ऽथ शुभं वाक्यमुवाच रघुनन्दनम् ।। ७.८४.१ ।।

tathoktavati rāme tu bharate ca mahātmani | lakṣmaṇo 'tha śubhaṃ vākyamuvāca raghunandanam || 7.84.1 ||

राम के इस प्रकार कहने पर और महात्मा भरत के भी बोल चुकने पर, लक्ष्मण ने रघुनन्दन से यह शुभ वचन कहा।

श्लोक 2 (uttara.84.2)

अश्वमेधो महायज्ञः पावनः सर्वपाप्मनाम् । पावनस्तव दुर्धर्षो रोचतां रघुनन्दन ।। ७.८४.२ ।।

aśvamedho mahāyajñaḥ pāvanaḥ sarvapāpmanām | pāvanastava durdharṣo rocatāṃ raghunandana || 7.84.2 ||

"अश्वमेध एक महायज्ञ है, समस्त पापों को शुद्ध करने वाला; हे रघुनन्दन! वह दुर्धर्ष और पवित्र यज्ञ आपको रुचिकर हो।"

श्लोक 3 (uttara.84.3)

श्रूयते हि पुरावृत्तं वासवे सुमहात्मनि । ब्रह्महत्यावृतः शक्रो हयमेधेन पावितः ।। ७.८४.३ ।।

śrūyate hi purāvṛttaṃ vāsave sumahātmani | brahmahatyāvṛtaḥ śakro hayamedhena pāvitaḥ || 7.84.3 ||

"सुना जाता है कि प्राचीनकाल में महात्मा वासव (इन्द्र) के विषय में यह घटना घटी थी -- ब्रह्महत्या से आवृत शक्र हयमेध यज्ञ द्वारा पवित्र हुए थे।"

श्लोक 4 (uttara.84.4)

पुरा किल महाबाहो देवासुरसमागमे । वृत्रो नाम महानासीद्दैतेयो लोकसम्मतः ।। ७.८४.४ ।।

purā kila mahābāho devāsurasamāgame | vṛtro nāma mahānāsīddaiteyo lokasammataḥ || 7.84.4 ||

"हे महाबाहो! प्राचीनकाल में, देवासुर-संग्राम के समय, वृत्र नामक एक महान् दैत्य था, जो सब लोकों में सम्मानित था।"

श्लोक 5 (uttara.84.5)

विस्तीर्णो योजनशतमुच्छ्रितस्त्रिगुणं ततः । अनुरागेण लोकांस्त्रीन्स्नेहात्पश्यति सर्वतः ।। ७.८४.५ ।।

vistīrṇo yojanaśatamucchritastriguṇaṃ tataḥ | anurāgeṇa lokāṃstrīnsnehātpaśyati sarvataḥ || 7.84.5 ||

वह सौ योजन तक विस्तृत और उससे तीन गुना ऊँचा था; वह प्रेमपूर्वक स्नेह से तीनों लोकों को सब ओर से देखता था।

श्लोक 6 (uttara.84.6)

धर्मज्ञश्च कृतज्ञश्च बुद्ध्या च परिनिष्ठितः । शशास पृथिवीं स्फीतां धर्मेण सुसमाहितः ।। ७.८४.६ ।।

dharmajñaśca kṛtajñaśca buddhyā ca pariniṣṭhitaḥ | śaśāsa pṛthivīṃ sphītāṃ dharmeṇa susamāhitaḥ || 7.84.6 ||

धर्म को जानने वाला, कृतज्ञ, और बुद्धि में निष्ठावान् वह, समाहितचित्त होकर धर्मपूर्वक समृद्ध पृथ्वी का शासन करता था।

श्लोक 7 (uttara.84.7)

तस्मिन्प्रशासति तदा सर्वकामदुघा मही । रसवन्ति प्रभूनानि मूलानि च फलानि च ।। ७.८४.७ ।।

tasminpraśāsati tadā sarvakāmadughā mahī | rasavanti prabhūnāni mūlāni ca phalāni ca || 7.84.7 ||

उसके शासन में उस समय पृथ्वी सब कामनाओं को पूर्ण करनेवाली कामधेनु के समान हो गयी थी, और उसके मूल तथा फल रसयुक्त एवं प्रचुर थे।

श्लोक 8 (uttara.84.8)

अकृष्टपच्या पृथिवी सुसम्पन्ना महात्मनः । स राज्यं तादृशं भुङ्क्ते स्फीतमद्भुतदर्शनम् ।। ७.८४.८ ।।

akṛṣṭapacyā pṛthivī susampannā mahātmanaḥ | sa rājyaṃ tādṛśaṃ bhuṅkte sphītamadbhutadarśanam || 7.84.8 ||

उस महात्मा की पृथ्वी बिना जोते ही फसल पका देती थी और अत्यन्त समृद्ध थी; वह ऐसे ही समृद्ध और अद्भुत दिखने वाले राज्य का उपभोग करता था।

श्लोक 9 (uttara.84.9)

तस्य बुद्धिः समुप्तन्ना तपः कुर्यामनुत्तमम् । तपो हि परमं श्रेयः सम्मोहमितरत्सुखम् ।। ७.८४.९ ।।

tasya buddhiḥ samuptannā tapaḥ kuryāmanuttamam | tapo hi paramaṃ śreyaḥ sammohamitaratsukham || 7.84.9 ||

उसके मन में यह विचार उत्पन्न हुआ, "मैं परम तप करूँ"; क्योंकि तप ही परम श्रेय है, अन्य सब सुख तो केवल मोह है।

श्लोक 10 (uttara.84.10)

स निक्षिप्य सुतं ज्येष्ठं पौरेषु मधुरेश्वरम् । तप उग्रं समातिष्ठत्तापयन्सर्वदेवताः ।। ७.८४.१० ।।

sa nikṣipya sutaṃ jyeṣṭhaṃ paureṣu madhureśvaram | tapa ugraṃ samātiṣṭhattāpayansarvadevatāḥ || 7.84.10 ||

अपने ज्येष्ठ पुत्र को नगरवासियों पर मधुरा का स्वामी बनाकर छोड़, उसने घोर तप आरम्भ किया, जिससे समस्त देवता संतप्त हो उठे।

श्लोक 11 (uttara.84.11)

तपस्तप्यति वृत्रे तु वासवः परमार्तवत् । विष्णुं समुपसङ्क्रम्य वाक्यमेतदुवाच ह ।। ७.८४.११ ।।

tapastapyati vṛtre tu vāsavaḥ paramārtavat | viṣṇuṃ samupasaṅkramya vākyametaduvāca ha || 7.84.11 ||

जब वृत्र तप कर रहा था, तब वासव (इन्द्र) अत्यन्त व्याकुल होकर विष्णु के पास गये और यह वचन कहा।

श्लोक 12 (uttara.84.12)

तपस्यता महाबाहो लोकाः वृत्रेण निर्जिताः । बलवान्स हि धर्मात्मा नैनं शक्ष्यामि शासितुम् ।। ७.८४.१२ ।।

tapasyatā mahābāho lokāḥ vṛtreṇa nirjitāḥ | balavānsa hi dharmātmā nainaṃ śakṣyāmi śāsitum || 7.84.12 ||

"हे महाबाहो! तप करते हुए वृत्र ने समस्त लोकों को जीत लिया है; वह बलवान् और धर्मात्मा है, मैं उसे रोक सकने में समर्थ नहीं हूँ।"

श्लोक 13 (uttara.84.13)

यद्यसौ तप आतिष्ठेद्भूय एवासुरेश्वर । यावल्लोका धरिष्यन्ति तावदस्य वशानुगाः ।। ७.८४.१३ ।।

yadyasau tapa ātiṣṭhedbhūya evāsureśvara | yāvallokā dhariṣyanti tāvadasya vaśānugāḥ || 7.84.13 ||

"हे असुरेश्वर! यदि यह और भी तप करता रहा, तो जब तक लोक स्थित रहेंगे, तब तक वे इसी के अधीन रहेंगे।"

श्लोक 14 (uttara.84.14)

तं चैनं परमोदारमुपेक्षसि महाबलम् । क्षणं हि न भवेद्वृत्रः क्रुद्धे त्वयि सुरेश्वर ।। ७.८४.१४ ।।

taṃ cainaṃ paramodāramupekṣasi mahābalam | kṣaṇaṃ hi na bhavedvṛtraḥ kruddhe tvayi sureśvara || 7.84.14 ||

"और यदि आप इस परम उदार, महाबली को उपेक्षित करें -- परन्तु हे सुरेश्वर! आपके क्रुद्ध होने पर वृत्र एक क्षण भी नहीं टिक सकता।"

श्लोक 15 (uttara.84.15)

यदा हि प्रीतिसंयोगं त्वया विष्णो समागतः । तदाप्रभृति लोकानां नाथत्वमुपलब्धवान् ।। ७.८४.१५ ।।

yadā hi prītisaṃyogaṃ tvayā viṣṇo samāgataḥ | tadāprabhṛti lokānāṃ nāthatvamupalabdhavān || 7.84.15 ||

"हे विष्णु! जब से यह आपके साथ प्रीतिपूर्ण सम्बन्ध में आया, तभी से इसने लोकों का स्वामित्व प्राप्त कर लिया है।"

श्लोक 16 (uttara.84.16)

स त्वं प्रसादं लोकानां कुरुष्व सुसमाहितः । त्वत्कृतेन हि सर्वं स्याप्रशान्तमरुजं जगत् ।। ७.८४.१६ ।।

sa tvaṃ prasādaṃ lokānāṃ kuruṣva susamāhitaḥ | tvatkṛtena hi sarvaṃ syāpraśāntamarujaṃ jagat || 7.84.16 ||

"अतः आप समाहितचित्त होकर लोकों पर कृपा कीजिए; क्योंकि आपके ही करने से यह सम्पूर्ण जगत् शान्त और रोगरहित हो सकता है।"

श्लोक 17 (uttara.84.17)

इमे हि सर्वे विष्णो त्वां निरीक्षन्ते दिवौकसः । वृत्रघातेन महता तेषां साह्यं कुरुष्व ह ।। ७.८४.१७ ।।

ime hi sarve viṣṇo tvāṃ nirīkṣante divaukasaḥ | vṛtraghātena mahatā teṣāṃ sāhyaṃ kuruṣva ha || 7.84.17 ||

"हे विष्णु! ये सब देवगण आपकी ही ओर देख रहे हैं; वृत्र के महान् वध द्वारा इनकी सहायता कीजिए।"

श्लोक 18 (uttara.84.18)

त्वया हि नित्यशः साह्यं कृतमेषां महात्मनाम् । असह्यमिदमन्येषामगतीनां गतिर्भवान् ।। ७.८४.१८ ।।

tvayā hi nityaśaḥ sāhyaṃ kṛtameṣāṃ mahātmanām | asahyamidamanyeṣāmagatīnāṃ gatirbhavān || 7.84.18 ||

"आपने ही सदा इन महात्माओं की सहायता की है; यह कार्य अन्यों के लिए असह्य है -- आप ही शरणहीनों की शरण हैं।"