विष्णु की त्रिविध युक्ति: वृत्रवध

श्लोक 1 (uttara.85.1)

लक्ष्मणस्य तु तद्वाक्यं श्रुत्वा शत्रुनिबर्हणः । वृत्रघातमशेषेण कथयेत्याह सुव्रत ।। ७.८५.१ ।।

lakṣmaṇasya tu tadvākyaṃ śrutvā śatrunibarhaṇaḥ | vṛtraghātamaśeṣeṇa kathayetyāha suvrata || 7.85.1 ||

लक्ष्मण के उस वचन को सुनकर, शत्रुनाशक राम ने कहा, "हे सुव्रत! वृत्रवध की कथा सम्पूर्ण रूप से कहो।"

श्लोक 2 (uttara.85.2)

राघवेणैवमुक्तस्तु सुमित्रानन्दवर्धनः । भूय एव कथां दिव्यां कथयामास सुव्रतः ।। ७.८५.२ ।।

rāghaveṇaivamuktastu sumitrānandavardhanaḥ | bhūya eva kathāṃ divyāṃ kathayāmāsa suvrataḥ || 7.85.2 ||

राघव द्वारा इस प्रकार कहे जाने पर, सुमित्रा के आनन्द को बढ़ाने वाले सुव्रत लक्ष्मण ने वह दिव्य कथा पुनः विस्तार से कही।

श्लोक 3 (uttara.85.3)

सहस्राक्षवचः श्रुत्वा सर्वेषां च दिवौकसाम् । विष्णुर्देवानुवाचेदं सर्वानिन्द्रपुरोगमान् ।। ७.८५.३ ।।

sahasrākṣavacaḥ śrutvā sarveṣāṃ ca divaukasām | viṣṇurdevānuvācedaṃ sarvānindrapurogamān || 7.85.3 ||

सहस्राक्ष (इन्द्र) के तथा समस्त देवताओं के वचन सुनकर, विष्णु ने इन्द्र-प्रमुख उन सभी देवों से यह कहा।

श्लोक 4 (uttara.85.4)

पूर्वं सौहृदबद्धो ऽस्मि वृत्रस्य ह महात्मनः । तेन युष्मत्प्रियार्थं हि नाहं हन्मि महासुरम् ।। ७.८५.४ ।।

pūrvaṃ sauhṛdabaddho 'smi vṛtrasya ha mahātmanaḥ | tena yuṣmatpriyārthaṃ hi nāhaṃ hanmi mahāsuram || 7.85.4 ||

"मैं पूर्व से ही महात्मा वृत्र से मैत्री के बन्धन में बँधा हूँ; इसीलिए, तुम्हारे प्रिय के लिए भी, मैं स्वयं उस महासुर का वध नहीं करूँगा।"

श्लोक 5 (uttara.85.5)

अवश्यं करणीयं च भवतां सुखमुत्तमम् । तस्मादुपायमाख्यास्ये येन वृत्रो निहन्यते ।। ७.८५.५ ।।

avaśyaṃ karaṇīyaṃ ca bhavatāṃ sukhamuttamam | tasmādupāyamākhyāsye yena vṛtro nihanyate || 7.85.5 ||

"किन्तु तुम्हारा परम सुख अवश्य ही सिद्ध करना चाहिए; इसलिए मैं वह उपाय बताता हूँ, जिससे वृत्र का वध हो सके।"

श्लोक 6 (uttara.85.6)

त्रिधाभूतं करिष्यामि ह्यात्मानं सुरसत्तमाः । तेन वृत्रं सहस्राक्षो वधिष्यति न संशयः ।। ७.८५.६ ।।

tridhābhūtaṃ kariṣyāmi hyātmānaṃ surasattamāḥ | tena vṛtraṃ sahasrākṣo vadhiṣyati na saṃśayaḥ || 7.85.6 ||

"हे सुरसत्तमो! मैं अपने आपको तीन रूपों में विभाजित करूँगा; उसी से सहस्राक्ष वृत्र का वध करेगा, इसमें कोई संशय नहीं है।"

श्लोक 7 (uttara.85.7)

एकांशो वासवं यातु द्वितीयो वज्रमेव तु । तृतीयो भूतलं शक्रस्तदा वृत्रं वधिष्यति ।। ७.८५.७ ।।

ekāṃśo vāsavaṃ yātu dvitīyo vajrameva tu | tṛtīyo bhūtalaṃ śakrastadā vṛtraṃ vadhiṣyati || 7.85.7 ||

"एक अंश वासव में प्रवेश करे, दूसरा वज्र में, और तीसरा पृथ्वी में; तब शक्र वृत्र का वध कर सकेंगे।"

श्लोक 8 (uttara.85.8)

तथा ब्रुवति देवेशे देवा वाक्यमथाब्रुवन् । एवमेतन्न सन्देहो यथा वदसि दैत्यहन् ।। ७.८५.८ ।।

tathā bruvati deveśe devā vākyamathābruvan | evametanna sandeho yathā vadasi daityahan || 7.85.8 ||

देवेश के इस प्रकार कहने पर, देवताओं ने यह वचन कहा, "हे दैत्यहन्ता! ऐसा ही होगा, जैसा आप कहते हैं, इसमें कोई संदेह नहीं।"

श्लोक 9 (uttara.85.9)

भद्रं ते ऽस्तु गमिष्यामो वृत्रासुरवधैषिणः । भजस्व परमोदार वासवं स्वेन तेजसा ।। ७.८५.९ ।।

bhadraṃ te 'stu gamiṣyāmo vṛtrāsuravadhaiṣiṇaḥ | bhajasva paramodāra vāsavaṃ svena tejasā || 7.85.9 ||

"आपका कल्याण हो; हम वृत्रासुर के वध की कामना से जाते हैं; हे परम उदार! आप अपने तेज से वासव का आश्रय बनिए।"

श्लोक 10 (uttara.85.10)

ततः सर्वे महात्मानः सहस्राक्षपुरोगमाः । तदारण्यमुपाक्रामन्यत्र वृत्रो महासुरः ।। ७.८५.१० ।।

tataḥ sarve mahātmānaḥ sahasrākṣapurogamāḥ | tadāraṇyamupākrāmanyatra vṛtro mahāsuraḥ || 7.85.10 ||

तब सहस्राक्ष को आगे करके वे सभी महात्मा देव, उस वन की ओर बढ़े, जहाँ महासुर वृत्र स्थित था।

श्लोक 11 (uttara.85.11)

ते पश्यंस्तेजसा भूतं तप्यन्तमसुरोत्तमम् । पिबन्तमिव लोकांस्त्रीन्निर्दहन्तमिवाम्बरम् ।। ७.८५.११ ।।

te paśyaṃstejasā bhūtaṃ tapyantamasurottamam | pibantamiva lokāṃstrīnnirdahantamivāmbaram || 7.85.11 ||

उन्होंने उस असुरश्रेष्ठ को तेज से युक्त, तप करते हुए देखा -- मानो वह तीनों लोकों को पी रहा हो, मानो आकाश को जला रहा हो।

श्लोक 12 (uttara.85.12)

दृष्ट्वैव चासुरश्रेष्ठं देवास्त्रासमुपागमन् । कथमेनं वधिष्यामः कथं न स्यात्पराजयः ।। ७.८५.१२ ।।

dṛṣṭvaiva cāsuraśreṣṭhaṃ devāstrāsamupāgaman | kathamenaṃ vadhiṣyāmaḥ kathaṃ na syātparājayaḥ || 7.85.12 ||

उस असुरश्रेष्ठ को देखते ही देवगण भयभीत हो गये -- "हम इसका वध कैसे करें? हमारी पराजय कैसे न हो?"

श्लोक 13 (uttara.85.13)

तेषां चिन्तयतां तत्र सहस्राक्षः पुरन्दरः । वज्रं प्रगृह्य पाणिभ्यां प्राहिणोद्वृत्रमूर्धनि ।। ७.८५.१३ ।।

teṣāṃ cintayatāṃ tatra sahasrākṣaḥ purandaraḥ | vajraṃ pragṛhya pāṇibhyāṃ prāhiṇodvṛtramūrdhani || 7.85.13 ||

उनके इस प्रकार सोच-विचार करने के समय, सहस्राक्ष पुरन्दर ने दोनों हाथों से वज्र को पकड़कर वृत्र के मस्तक पर फेंका।

श्लोक 14 (uttara.85.14)

कालाग्निनेव घोरेण तप्तेनैव महार्चिषा । पतता वृत्रशिरसा जगत्त्रासमुपागमत् ।। ७.८५.१४ ।।

kālāgnineva ghoreṇa taptenaiva mahārciṣā | patatā vṛtraśirasā jagattrāsamupāgamat || 7.85.14 ||

जैसे प्रलयकाल की भीषण अग्नि की महान् ज्वाला से संतप्त हो, वृत्र का सिर गिरने लगा, और उससे सारा जगत् भय से भर गया।

श्लोक 15 (uttara.85.15)

असम्भाव्यं वधं तस्य वृत्रस्य विबुधाधिपः । चिन्तयानो जगामाशु लोकस्यान्तं महायशाः ।। ७.८५.१५ ।।

asambhāvyaṃ vadhaṃ tasya vṛtrasya vibudhādhipaḥ | cintayāno jagāmāśu lokasyāntaṃ mahāyaśāḥ || 7.85.15 ||

उस वृत्र के असम्भव वध पर विचार करते हुए, महायशस्वी देवाधिप (इन्द्र) शीघ्र ही लोक की सीमा की ओर चले गये।

श्लोक 16 (uttara.85.16)

तमिन्द्रं ब्रह्महत्याशु गच्छन्तमनुगच्छति । अपतच्चास्य गात्रेषु तमिन्द्रं दुःखमाविशत् ।। ७.८५.१६ ।।

tamindraṃ brahmahatyāśu gacchantamanugacchati | apataccāsya gātreṣu tamindraṃ duḥkhamāviśat || 7.85.16 ||

ब्रह्महत्या शीघ्र ही उस भागते हुए इन्द्र का पीछा करने लगी और उनके अंगों पर आ गिरी; उस इन्द्र को दुःख ने घेर लिया।

श्लोक 17 (uttara.85.17)

हतारयः प्रनष्टेन्द्रा देवाः साग्निपुरोगमाः । विष्णुं त्रिभुवनेशानं मुहुर्मुहुरपूजयन् ।। ७.८५.१७ ।।

hatārayaḥ pranaṣṭendrā devāḥ sāgnipurogamāḥ | viṣṇuṃ tribhuvaneśānaṃ muhurmuhurapūjayan || 7.85.17 ||

अपने शत्रु का वध तो हो गया, परन्तु इन्द्र लुप्त हो गये -- अग्नि को आगे करके देवगण त्रिभुवनेश्वर विष्णु की बार-बार पूजा करने लगे।

श्लोक 18 (uttara.85.18)

त्वं गतिः परमेशान पूर्वजो जगतः पिता । रक्षार्थं सर्वभूतानां विष्णुत्वमुपजग्मिवान् ।। ७.८५.१८ ।।

tvaṃ gatiḥ parameśāna pūrvajo jagataḥ pitā | rakṣārthaṃ sarvabhūtānāṃ viṣṇutvamupajagmivān || 7.85.18 ||

"हे परमेश्वर! आप ही गति हैं, आदिपुरुष हैं, जगत् के पिता हैं; समस्त प्राणियों की रक्षा के लिए ही आपने विष्णुत्व को प्राप्त किया है।"

श्लोक 19 (uttara.85.19)

हतश्चायं त्वया वृत्रो ब्रह्महत्या च वासवम् । बाधते सुरशार्दूल मोक्षं तस्या विनिर्दिश ।। ७.८५.१९ ।।

hataścāyaṃ tvayā vṛtro brahmahatyā ca vāsavam | bādhate suraśārdūla mokṣaṃ tasyā vinirdiśa || 7.85.19 ||

"आपके द्वारा यह वृत्र मारा गया, परन्तु ब्रह्महत्या वासव को पीड़ित कर रही है; हे सुरशार्दूल! उससे मुक्ति का उपाय बताइए।"

श्लोक 20 (uttara.85.20)

तेषां तद्वचनं श्रुत्वा देवानां विष्णुरब्रवीत् । मामेव यजतां शक्रः पावयिष्यामि वज्रिणम् ।। ७.८५.२० ।।

teṣāṃ tadvacanaṃ śrutvā devānāṃ viṣṇurabravīt | māmeva yajatāṃ śakraḥ pāvayiṣyāmi vajriṇam || 7.85.20 ||

देवताओं के उस वचन को सुनकर विष्णु ने कहा, "शक्र केवल मेरा ही यजन करें; मैं उस वज्रधारी को पवित्र कर दूँगा।"

श्लोक 21 (uttara.85.21)

पुण्येन हयमेधेन मामिष्ट्वा पाकशासनः । पुनरेष्यति देवानामिन्द्रत्वमकुतोभयम् ।। ७.८५.२१ ।।

puṇyena hayamedhena māmiṣṭvā pākaśāsanaḥ | punareṣyati devānāmindratvamakutobhayam || 7.85.21 ||

"पुण्यकारी हयमेध यज्ञ द्वारा मेरा यजन करके पाकशासन (इन्द्र) पुनः देवताओं का निर्भय इन्द्रपद प्राप्त कर लेंगे।"

श्लोक 22 (uttara.85.22)

एवं सन्दिश्य तां वाणीं देवानाममृतोपमाम् । जगाम विष्णुर्देवेशः स्तूयमानस्त्रिविष्टपम् ।। ७.८५.२२ ।।

evaṃ sandiśya tāṃ vāṇīṃ devānāmamṛtopamām | jagāma viṣṇurdeveśaḥ stūyamānastriviṣṭapam || 7.85.22 ||

देवताओं को इस प्रकार वह अमृततुल्य वाणी सुनाकर, देवेश विष्णु स्तुति किये जाते हुए स्वर्गलोक को चले गये।