अश्वमेध द्वारा इन्द्र की ब्रह्महत्या-मुक्ति

श्लोक 1 (uttara.86.1)

तदा वृत्रवधं सर्वमखिलेन स लक्ष्मणः । कथयित्वा नरश्रेष्ठः कथाशेषं प्रचक्रमे ।। ७.८६.१ ।।

tadā vṛtravadhaṃ sarvam akhilena sa lakṣmaṇaḥ | kathayitvā naraśreṣṭhaḥ kathāśeṣam pracakrame || 7.86.1 ||

तब लक्ष्मण ने वृत्रवध की सम्पूर्ण कथा पूर्णतः कहकर, वह नरश्रेष्ठ शेष कथा आगे कहने लगे।

श्लोक 2 (uttara.86.2)

ततो हते महावीर्ये वृत्रे देवभयङ्करे । ब्रह्महत्यावृतः शक्रः सञ्ज्ञां लेभे न वृत्रहा ।। ७.८६.२ ।।

tato hate mahāvīrye vṛtre devabhayaṅkare | brahmahatyāvṛtaḥ śakraḥ saṃjñāṃ lebhe na vṛtrahā || 7.86.2 ||

तत्पश्चात् महापराक्रमी, देवताओं को भयभीत करने वाले वृत्र के मारे जाने पर, ब्रह्महत्या से आवृत शक्र, वृत्रहन्ता, चेतना को प्राप्त न कर सका।

श्लोक 3 (uttara.86.3)

सो ऽन्तमाश्रित्य लोकानां नष्टसञ्ज्ञो विचेतनः । कालं तत्रावसत्कञ्चिद्वेष्टमान इवोरगः ।। ७.८६.३ ।।

so 'ntam āśritya lokānāṃ naṣṭasaṃjño vicetanaḥ | kālaṃ tatrāvasat kañcid veṣṭamāna ivoragaḥ || 7.86.3 ||

वह लोकों की सीमा का आश्रय लेकर, चेतनाशून्य और अचेत होकर, वहाँ कुछ काल तक इस प्रकार निवास करता रहा, मानो लिपटा हुआ कोई सर्प हो।

श्लोक 4 (uttara.86.4)

अथ नष्टे सहस्राक्षे उद्विग्नमभवज्जगत् । भूमिश्च ध्वस्तसङ्काशा निःस्नेहा शुष्ककानना ।। ७.८६.४ ।।

atha naṣṭe sahasrākṣe udvignam abhavaj jagat | bhūmiś ca dhvastasaṅkāśā niḥsnehā śuṣkakānanā || 7.86.4 ||

फिर सहस्राक्ष के लुप्त हो जाने पर सम्पूर्ण जगत् उद्विग्न हो उठा, और पृथ्वी विनष्ट-सी, स्नेहरहित तथा सूखे वनों वाली हो गई।

श्लोक 5 (uttara.86.5)

निःस्रोतसश्च ते सर्वे तु ह्रदाश्च सरितस्तथा । सङ्क्षोभश्चैव सत्त्वानामनावृष्टिकृतो ऽभवत् ।। ७.८६.५ ।।

niḥsrotasaś ca te sarve tu hradāś ca saritas tathā | saṅkṣobhaś caiva sattvānām anāvṛṣṭikṛto 'bhavat || 7.86.5 ||

सभी सरोवर और नदियाँ प्रवाहरहित हो गए, और अनावृष्टि के कारण सभी प्राणियों में हाहाकार मच गया।

श्लोक 6 (uttara.86.6)

क्षीयमाणे तु लोके ऽस्मिन्सम्भ्रान्तमनसः सुराः । यदुक्तं विष्णुना पूर्वं तं यज्ञं समुपानयन् ।। ७.८६.६ ।।

kṣīyamāṇe tu loke 'smin sambhrāntamanasaḥ surāḥ | yad uktaṃ viṣṇunā pūrvaṃ taṃ yajñaṃ samupānayan || 7.86.6 ||

इस प्रकार जगत् के क्षीण होते जाने पर, व्याकुलचित्त देवगण, विष्णु ने पहले जो कहा था, उस यज्ञ को सम्पन्न करने के लिए ले आए।

श्लोक 7 (uttara.86.7)

ततः सर्वे सुरगणाः सोपाध्यायाः सहर्षिभिः । तं देशं समुपाजग्मुर्यत्रेन्द्रो भयमोहितः ।। ७.८६.७ ।।

tataḥ sarve suragaṇāḥ sopādhyāyāḥ saharṣibhiḥ | taṃ deśaṃ samupājagmur yatrendro bhayamohitaḥ || 7.86.7 ||

तब समस्त देवगण, अपने आचार्यों और ऋषियों के साथ, उस स्थान पर पहुँचे जहाँ इन्द्र भय से मोहित होकर बैठे थे।

श्लोक 8 (uttara.86.8)

ते तु दृष्ट्वा सहस्राक्षमावृतं ब्रह्महत्यया । तं पुरस्कृत्य देवेशमश्वमेधमुपाक्रमन् ।। ७.८६.८ ।।

te tu dṛṣṭvā sahasrākṣam āvṛtaṃ brahmahatyayā | taṃ puraskṛtya deveśam aśvamedham upākraman || 7.86.8 ||

वे सहस्राक्ष को ब्रह्महत्या से घिरा हुआ देखकर, उस देवेश को आगे करके अश्वमेध यज्ञ का आरम्भ करने लगे।

श्लोक 9 (uttara.86.9)

ततो ऽश्वमेधः सुमहान्महेन्द्रस्य महात्मनः । ववृधे ब्रह्महत्ययाः पावनार्थं नरेश्वर ।। ७.८६.९ ।।

tato 'śvamedhaḥ sumahān mahendrasya mahātmanaḥ | vavṛdhe brahmahatyayāḥ pāvanārthaṃ nareśvara || 7.86.9 ||

हे नरेश्वर! तब महात्मा महेन्द्र की ब्रह्महत्या को शुद्ध करने के लिए वह अत्यन्त महान् अश्वमेध यज्ञ बढ़ता गया।

श्लोक 10 (uttara.86.10)

ततो यज्ञे समाप्ते तु ब्रह्महत्या महात्मनः । अभिगम्याब्रवीद्वाक्यं क्व मे स्थानं विधास्यथ ।। ७.८६.१० ।।

tato yajñe samāpte tu brahmahatyā mahātmanaḥ | abhigamyābravīd vākyaṃ kva me sthānaṃ vidhāsyatha || 7.86.10 ||

तत्पश्चात् यज्ञ के समाप्त होने पर, उस महात्मा की ब्रह्महत्या ने पास आकर यह वचन कहा—"अब मेरा निवास स्थान आप कहाँ निश्चित करेंगे?"

श्लोक 11 (uttara.86.11)

ते तामूचुस्तदा देवास्तुष्टाः प्रीतिसमन्विताः । चतुर्धा विभजात्मानमात्मनैव दुरासदे ।। ७.८६.११ ।।

te tām ūcus tadā devās tuṣṭāḥ prītisamanvitāḥ | caturdhā vibhajātmānam ātmanaiva durāsade || 7.86.11 ||

तब सन्तुष्ट और प्रसन्नचित्त देवताओं ने उससे कहा—"हे दुरासदे! तुम स्वयं ही अपने आपको चार भागों में विभाजित कर लो।"

श्लोक 12 (uttara.86.12)

देवानां भाषितं श्रुत्वा ब्रह्महत्या महात्मनाम् । सन्निधौ स्थानमन्यत्र वरयामास दुर्वसा ।। ७.८६.१२ ।।

devānāṃ bhāṣitaṃ śrutvā brahmahatyā mahātmanām | sannidhau sthānam anyatra varayām āsa durvasā || 7.86.12 ||

उन महात्मा देवताओं का वचन सुनकर, दुष्कर-निवास वाली ब्रह्महत्या ने उन्हीं की उपस्थिति में भिन्न-भिन्न स्थान चुन लिए।

श्लोक 13 (uttara.86.13)

एकेनांशेन वत्स्यामि पूर्णोदासु नदीषु वै । चतुरो वार्षिकान्मासान्दर्पघ्नी कामवारिणी ।। ७.८६.१३ ।।

ekenāṃśena vatsyāmi pūrṇodāsu nadīṣu vai | caturo vārṣikān māsān darpaghnī kāmavāriṇī || 7.86.13 ||

"एक अंश से मैं, गर्व का नाश करने वाली और इच्छानुसार विचरण करने वाली, वर्षा ऋतु के चार महीनों तक जलपूर्ण नदियों में निवास करूँगी।"

श्लोक 14 (uttara.86.14)

भूम्यामहं सर्वकालमेकेनांशेन सर्वदा । वसिष्यामि न सन्देहः सत्येनैतद्ब्रवीमि वः ।। ७.८६.१४ ।।

bhūmyām ahaṃ sarvakālam ekenāṃśena sarvadā | vasiṣyāmi na sandehaḥ satyenaitad bravīmi vaḥ || 7.86.14 ||

"पृथ्वी पर मैं सदा, सब समय, एक अंश से निवास करूँगी—इसमें कोई सन्देह नहीं, यह मैं तुमसे सत्यपूर्वक कहती हूँ।"

श्लोक 15 (uttara.86.15)

यो ऽयमंशस्तृतीयो मे स्त्रीषु यौवनशालिषु । त्रिरात्रं दर्पपूर्णासु वशिष्ये दर्पघातिनी ।। ७.८६.१५ ।।

yo 'yam aṃśas tṛtīyo me strīṣu yauvanaśāliṣu | trirātraṃ darpapūrṇāsu vaśiṣye darpaghātinī || 7.86.15 ||

"मेरा यह तीसरा अंश, गर्व का नाश करने वाली मैं, गर्व से भरी युवावस्था वाली स्त्रियों में तीन रात्रियों तक निवास करूँगी।"

श्लोक 16 (uttara.86.16)

हन्तारो ब्राह्मणान्ये तु मृषापूर्वमदूषकान् । तांश्चतुर्थेन भागेन संश्रयिष्ये सुरर्षभाः ।। ७.८६.१६ ।।

hantāro brāhmaṇān ye tu mṛṣāpūrvam adūṣakān | tāṃś caturthena bhāgena saṃśrayiṣye surarṣabhāḥ || 7.86.16 ||

"हे श्रेष्ठ देवगण! जो लोग निर्दोष ब्राह्मणों को छल-कपट से मार डालते हैं, उनका मैं चौथे भाग से आश्रय लूँगी।"

श्लोक 17 (uttara.86.17)

प्रत्यूचुस्तां ततो देवा यथा वदसि दुर्वसे । तथा भवतु तत्सर्वं साधयस्व यदीप्सितम् ।। ७.८६.१७ ।।

pratyūcus tāṃ tato devā yathā vadasi durvase | tathā bhavatu tat sarvaṃ sādhayasva yad īpsitam || 7.86.17 ||

तब देवताओं ने उससे कहा—"हे दुर्वसे! जैसा तुम कहती हो, वैसा ही सब कुछ हो; जो तुम्हें अभीष्ट है उसे सिद्ध करो।"

श्लोक 18 (uttara.86.18)

ततः प्रीत्या ऽन्विता देवाः सहस्राक्षं ववन्दिरे । विज्वरः स च पूतात्मा वासवः समपद्यत ।। ७.८६.१८ ।।

tataḥ prītyānvitā devāḥ sahasrākṣaṃ vavandire | vijvaraḥ sa ca pūtātmā vāsavaḥ samapadyata || 7.86.18 ||

तत्पश्चात् प्रसन्नचित्त देवताओं ने सहस्राक्ष की वन्दना की, और वासव निश्चिन्त तथा पवित्र-आत्मा हो गए।

श्लोक 19 (uttara.86.19)

प्रशान्तं च जगत्सर्वं सहस्राक्षे प्रतिष्ठिते । यज्ञं चाद्भुतसङ्काशं तदा शक्रो ऽभ्यपूजयत् ।। ७.८६.१९ ।।

praśāntaṃ ca jagat sarvaṃ sahasrākṣe pratiṣṭhite | yajñaṃ cādbhutasaṅkāśaṃ tadā śakro 'bhyapūjayat || 7.86.19 ||

सहस्राक्ष के पुनः प्रतिष्ठित होते ही समस्त जगत् शान्त हो गया, और तब शक्र ने उस अद्भुत यज्ञ की विशेष रूप से पूजा की।

श्लोक 20 (uttara.86.20)

ईदृशो ह्यश्वमेधस्य प्रसादो रघुनन्दन । यजस्व सुमहाभाग हयमेधेन पार्थिव ।। ७.८६.२० ।।

īdṛśo hy aśvamedhasya prasādo raghunandana | yajasva sumahābhāga hayamedhena pārthiva || 7.86.20 ||

"हे रघुनन्दन! अश्वमेध की ऐसी ही महती कृपा होती है। हे परम भाग्यशाली राजन्! आप भी हयमेध यज्ञ से यजन कीजिए।"

श्लोक 21 (uttara.86.21)

इति लक्ष्मणवाक्यमुत्तमं नृपतिरतीव मनोहरं महात्मा । परितोषमवाप हृष्टचेता निशमय्येन्द्रसमानविक्रमौजाः ।। ७.८६.२१ ।।

iti lakṣmaṇavākyam uttamaṃ nṛpatir atīva manoharaṃ mahātmā | paritoṣam avāpa hṛṣṭacetā niśamayyendrasamānavikramaujāḥ || 7.86.21 ||

इस प्रकार लक्ष्मण के इस उत्तम और अत्यन्त मनोहर वचन को सुनकर, इन्द्र के समान पराक्रम और तेज वाले वह महात्मा राजा हर्षित-चित्त होकर परम सन्तोष को प्राप्त हुए।