राजा इल का शिव-वन में स्त्रीत्व

श्लोक 1 (uttara.87.1)

तच्छ्रुत्वा लक्ष्मणेनोक्तं वाक्यं वाक्यविशारदः । प्रत्युवाच महातेजाः प्रहसन्राघवो वचः ।। ७.८७.१ ।।

tac chrutvā lakṣmaṇenoktaṃ vākyaṃ vākyaviśāradaḥ | pratyuvāca mahātejāḥ prahasan rāghavo vacaḥ || 7.87.1 ||

लक्ष्मण द्वारा कहे गए इस वचन को सुनकर, वाणी में निपुण और महातेजस्वी राघव ने मुस्कुराते हुए यह उत्तर दिया।

श्लोक 2 (uttara.87.2)

एवमेव नरश्रेष्ठ यथा वदसि लक्ष्मण । वृत्रघातमशेषेण वाजिमेधफलं च यत् ।। ७.८७.२ ।।

evam eva naraśreṣṭha yathā vadasi lakṣmaṇa | vṛtraghātam aśeṣeṇa vājimedhaphalaṃ ca yat || 7.87.2 ||

"हे नरश्रेष्ठ लक्ष्मण! जैसा तुमने वृत्रवध और अश्वमेध के फल को सम्पूर्ण रूप से कहा है, वैसा ही है।"

श्लोक 3 (uttara.87.3)

श्रूयते हि पुरा सौम्य कर्दमस्य प्रजापतेः । पुत्रो बाह्लीश्वरः श्रीमानिलो नाम महाशयाः ।। ७.८७.३ ।।

śrūyate hi purā saumya kardamasya prajāpateḥ | putro bāhlīśvaraḥ śrīmān ilo nāma mahāśayaḥ || 7.87.3 ||

"हे सौम्य! सुना जाता है कि पूर्वकाल में प्रजापति कर्दम के पुत्र, बाह्ली के अधिपति, श्रीमान् और महान् उदार हृदय वाले, इल नामक राजा थे।"

श्लोक 4 (uttara.87.4)

स राजा पृथिवीं सर्वां वशे कृत्वा सुधार्मिकः । राज्यं चैव नरव्याघ्र पुत्रवत्पर्यपालयत् ।। ७.८७.४ ।।

sa rājā pṛthivīṃ sarvāṃ vaśe kṛtvā sudhārmikaḥ | rājyaṃ caiva naravyāghra putravat paryapālayat || 7.87.4 ||

हे नरव्याघ्र! उस अत्यन्त धर्मात्मा राजा ने सम्पूर्ण पृथ्वी को अपने वश में करके अपने राज्य का पुत्र के समान पालन किया।

श्लोक 5 (uttara.87.5)

सुरैश्च परमोदारैर्दैतेयैश्च महाधनैः । नागराक्षसगन्धर्वैर्यक्षैश्च सुमहात्मभिः ।। ७.८७.५ ।।

suraiś ca paramodārair daiteyaiś ca mahādhanaiḥ | nāgarākṣasagandharvair yakṣaiś ca sumahātmabhiḥ || 7.87.5 ||

अत्यन्त उदार देवताओं, महाधनवान् दैत्यों, नागों, राक्षसों, गन्धर्वों तथा महान् आत्मा वाले यक्षों द्वारा भी वह पूजित होता था।

श्लोक 6 (uttara.87.6)

पूज्यते नित्यशः सौम्य भयार्तै रघुनन्दन । अबिभ्यंश्च त्रयो लोकाः सरोषस्य महात्मनः ।। ७.८७.६ ।।

pūjyate nityaśaḥ saumya bhayārtai raghunandana | abibhyaṃś ca trayo lokāḥ saroṣasya mahātmanaḥ || 7.87.6 ||

हे सौम्य रघुनन्दन! वह सदा पूजित होता था, और तीनों लोक उस महात्मा के क्रुद्ध होने पर भयभीत होकर उससे डरते थे।

श्लोक 7 (uttara.87.7)

स राजा तादृशो ह्यासीद्धर्मे वीर्ये च निष्ठितः । बुद्ध्या च परमोदारो बाह्लीकेशो महायशाः ।। ७.८७.७ ।।

sa rājā tādṛśo hy āsīd dharme vīrye ca niṣṭhitaḥ | buddhyā ca paramodāro bāhlīkeśo mahāyaśāḥ || 7.87.7 ||

वह राजा, बाह्लीकों का स्वामी, ऐसा ही था—धर्म और पराक्रम में स्थित, बुद्धि में अत्यन्त उदार तथा महान् यशस्वी।

श्लोक 8 (uttara.87.8)

स प्रचक्रे महाबाहुर्मृगयां रुचिरे वने । चैत्रे मनोरमे मासि सभृत्यबलवाहनः ।। ७.८७.८ ।।

sa pracakre mahābāhur mṛgayāṃ rucire vane | caitre manorame māsi sabhṛtyabalavāhanaḥ || 7.87.8 ||

उस महाबाहु राजा ने मनोहर चैत्र मास में, अपने सेवकों, सेना और वाहनों सहित, एक सुन्दर वन में मृगया की।

श्लोक 9 (uttara.87.9)

प्रजघ्ने च नृपो ऽरण्ये मृगाञ्छतसहस्रशः । हत्वैव तृप्तिर्नाभूच्च राज्ञस्तस्य महात्मनः ।। ७.८७.९ ।।

prajaghne ca nṛpo 'raṇye mṛgāñ chatasahasraśaḥ | hatvaiva tṛptir nābhūc ca rājñas tasya mahātmanaḥ || 7.87.9 ||

उस राजा ने वन में सैकड़ों-हजारों मृगों का वध किया, फिर भी उस महात्मा राजा को उन्हें मारने से भी तृप्ति नहीं हुई।

श्लोक 10 (uttara.87.10)

नानामृगाणामयुतं वध्यमानं महात्मना । यत्र जातो माहासेनस्तं देशमुपचक्रमे ।। ७.८७.१० ।।

nānāmṛgāṇām ayutaṃ vadhyamānaṃ mahātmanā | yatra jāto mahāsenas taṃ deśam upacakrame || 7.87.10 ||

उस महात्मा राजा द्वारा नाना प्रकार के अगणित मृगों का वध होते-होते, वह उस प्रदेश की ओर आगे बढ़ता गया जहाँ महासेन (कार्तिकेय) का जन्म हुआ था।

श्लोक 11 (uttara.87.11)

तस्मिन्प्रदेशे देवेश शैलराजसुतां हरः । रमयामास दुर्धर्षः सर्वैरनुचरैः सह ।। ७.८७.११ ।।

tasmin pradeśe deveśa śailarājasutāṃ haraḥ | ramayām āsa durdharṣaḥ sarvair anucaraiḥ saha || 7.87.11 ||

हे देवेश! उस प्रदेश में, दुर्धर्ष भगवान् हर, अपने समस्त अनुचरों के साथ, पर्वतराज-पुत्री के साथ क्रीड़ा कर रहे थे।

श्लोक 12 (uttara.87.12)

कृत्वा स्त्रीरूपमात्मानमुमेशो गोपतिध्वजः । देव्याः प्रियचिकीर्षुः संस्तस्मिन्पर्वतनिर्झरे ।। ७.८७.१२ ।।

kṛtvā strīrūpam ātmānam umeśo gopatidhvajaḥ | devyāḥ priyacikīrṣuḥ san tasmin parvatanirjhare || 7.87.12 ||

उमापति, जिनकी ध्वजा पर वृषभ का चिह्न है, देवी को प्रसन्न करने की इच्छा से, उस पर्वतीय झरने में स्वयं भी स्त्री-रूप धारण किए हुए थे।

श्लोक 13 (uttara.87.13)

ये तु तत्र वनोद्देशे सत्त्वाः पुरुषवादिनः । वृक्षाः पुरुषनामानस्ते ऽभवन् स्त्रीजनास्तदा ।। ७.८७.१३ ।।

ye tu tatra vanoddeśe sattvāḥ puruṣavādinaḥ | vṛkṣāḥ puruṣanāmānas te 'bhavan strījanās tadā || 7.87.13 ||

उस वनप्रदेश में जितने भी प्राणी पुरुषवाचक थे और जितने भी वृक्ष पुरुषनाम वाले थे, वे सब उस समय स्त्रीरूप हो गए।

श्लोक 14 (uttara.87.14)

यच्च किञ्चन तत्सर्वं नारीसञ्ज्ञं बभूव ह । एतस्मिन्नन्तरे राजा स इलः कर्दमात्मजः । निघ्नन्मृगसहस्राणि तं देशमुपचक्रमे ।। ७.८७.१४ ।।

yac ca kiñcana tat sarvaṃ nārīsaṃjñaṃ babhūva ha | etasminn antare rājā sa ilaḥ kardamātmajaḥ | nighnan mṛgasahasrāṇi taṃ deśam upacakrame || 7.87.14 ||

और वहाँ जो कुछ भी था, वह सब स्त्री-संज्ञा को प्राप्त हो गया। इसी बीच, हजारों मृगों का वध करता हुआ, कर्दम-पुत्र राजा इल उस प्रदेश की ओर आ पहुँचा।

श्लोक 15 (uttara.87.15)

स दृष्ट्वा स्त्रीकृतं सर्वं सव्यालमृगपक्षकम् । आत्मनं स्त्रीकृतं चैव सानुगं रघुनन्दन ।। ७.८७.१५ ।।

sa dṛṣṭvā strīkṛtaṃ sarvaṃ savyālamṛgapakṣakam | ātmānaṃ strīkṛtaṃ caiva sānugaṃ raghunandana || 7.87.15 ||

हे रघुनन्दन! सर्पों, मृगों और पक्षियों सहित सब कुछ को स्त्रीरूप हुआ देखकर, उसने स्वयं को भी अपने अनुचरों सहित स्त्रीरूप में परिणत पाया।

श्लोक 16 (uttara.87.16)

तस्य दुःखं महच्चासीद्दृष्ट्वा ऽ ऽत्मानं तथागतम् । उमापतेश्च तत्कर्म ज्ञात्वा त्रासमुपागमत् ।। ७.८७.१६ ।।

tasya duḥkhaṃ mahac cāsīd dṛṣṭvātmānaṃ tathāgatam | umāpateś ca tat karma jñātvā trāsam upāgamat || 7.87.16 ||

स्वयं को उस दशा में देखकर उसे अत्यन्त दुःख हुआ, और यह जानकर कि यह उमापति का ही कर्म है, वह भयभीत हो गया।

श्लोक 17 (uttara.87.17)

ततो देवं महात्मानं शितिकण्ठं कपर्दिनम् । जगाम शरणं राजा सभृत्यबलवाहनः ।। ७.८७.१७ ।।

tato devaṃ mahātmānaṃ śitikaṇṭhaṃ kapardinam | jagāma śaraṇaṃ rājā sabhṛtyabalavāhanaḥ || 7.87.17 ||

तब वह राजा, अपने सेवकों, सेना और वाहनों सहित, नीलकण्ठ, जटाजूटधारी महात्मा भगवान् की शरण में गया।

श्लोक 18 (uttara.87.18)

ततः प्रहस्य वरदः सह देव्या महेश्वरः । प्रजापतिसुतं वाक्यमुवाच वरदः स्वयम् ।। ७.८७.१८ ।।

tataḥ prahasya varadaḥ saha devyā maheśvaraḥ | prajāpatisutaṃ vākyam uvāca varadaḥ svayam || 7.87.18 ||

तब वरदाता महेश्वर ने देवी सहित हँसकर स्वयं ही प्रजापति-पुत्र से यह वचन कहा।

श्लोक 19 (uttara.87.19)

उत्तिष्ठोत्तिष्ठ राजर्षे कार्दमेय महाबल । पुरुषत्वमृते सौम्य वरं वरय सुव्रत ।। ७.८७.१९ ।।

uttiṣṭhottiṣṭha rājarṣe kārdameya mahābala | puruṣatvam ṛte saumya varaṃ varaya suvrata || 7.87.19 ||

"हे राजर्षि कार्दमेय! हे महाबल! उठो, उठो। हे सौम्य, सुव्रत! पुरुषत्व को छोड़कर कोई भी अन्य वर माँग लो।"

श्लोक 20 (uttara.87.20)

ततः स राजा दुःखार्तः प्रत्याख्यातो महात्मना । न च जग्राह स्त्रीभूतो वरमन्यं सुरोत्तमात् ।। ७.८७.२० ।।

tataḥ sa rājā duḥkhārtaḥ pratyākhyāto mahātmanā | na ca jagrāha strībhūto varam anyaṃ surottamāt || 7.87.20 ||

तब दुःख से पीड़ित और उस महात्मा द्वारा अस्वीकृत किया गया वह स्त्रीरूप राजा, उस देवश्रेष्ठ से कोई अन्य वर ग्रहण न कर सका।

श्लोक 21 (uttara.87.21)

ततः शोकेन महता शैलराजसुतां नृपः । प्रणिपत्य ह्युमां देवीं सर्वेणैवान्तरात्मना ।। ७.८७.२१ ।।

tataḥ śokena mahatā śailarājasutāṃ nṛpaḥ | praṇipatya hy umāṃ devīṃ sarveṇaivāntarātmanā || 7.87.21 ||

तब अत्यन्त शोकाकुल होकर, राजा ने अपने सम्पूर्ण अन्तःकरण से पर्वतराज-पुत्री देवी उमा को प्रणाम किया।

श्लोक 22 (uttara.87.22)

ईशे वराणां वरदे लोकानामसि भामिनी । अमोघदर्शने देवी भज सौम्येन चक्षुषा ।। ७.८७.२२ ।।

īśe varāṇāṃ varade lokānām asi bhāminī | amoghadarśane devi bhaja saumyena cakṣuṣā || 7.87.22 ||

"हे भामिनी! तुम वरों की स्वामिनी और लोकों को वर देने वाली हो। हे अमोघदर्शना देवी! मुझे अपने सौम्य नेत्रों से देखो।"

श्लोक 23 (uttara.87.23)

हृद्गतं तस्य राजर्षेर्विज्ञाय हरसन्निधौ । प्रत्युवाच शुभं वाक्यं देवी रुद्रस्य संमता ।। ७.८७.२३ ।।

hṛdgataṃ tasya rājarṣer vijñāya harasannidhau | pratyuvāca śubhaṃ vākyaṃ devī rudrasya sammatā || 7.87.23 ||

उस राजर्षि के हृदय की बात जानकर, हर की समीपता में, रुद्र की प्रिय देवी ने यह शुभ वचन कहा।

श्लोक 24 (uttara.87.24)

अर्धस्य देवो वरदो वरार्धस्य तव ह्यहम् । तस्मादर्धं गृहाण त्वं स्त्रीपुंसोर्यावदिच्छसि ।। ७.८७.२४ ।।

ardhasya devo varado varārdhasya tava hy aham | tasmād ardhaṃ gṛhāṇa tvaṃ strīpuṃsor yāvad icchasi || 7.87.24 ||

"देव आधे के वरदाता हैं, और शेष आधे की वरदात्री मैं हूँ। इसलिए तुम स्त्री और पुरुष, दोनों में से जो चाहो, वह आधा ग्रहण कर लो।"

श्लोक 25 (uttara.87.25)

तदद्भुततरं श्रुत्वा देव्या वरमनुत्तमम् । सम्प्रहृष्टमना भूत्वा राजा वाक्यमथाब्रवीत् ।। ७.८७.२५ ।।

tad adbhutataraṃ śrutvā devyā varam anuttamam | samprahṛṣṭamanā bhūtvā rājā vākyam athābravīt || 7.87.25 ||

देवी के इस अत्यन्त अद्भुत और उत्तम वरदान को सुनकर, अत्यन्त हर्षित हृदय वाला राजा तब यह वचन बोला।

श्लोक 26 (uttara.87.26)

यदि देवि प्रसन्ना मे रूपेणाप्रतिमा भुवि । मासं स्त्रीत्वमुपासित्वा मासं स्यां पुरुषः पुनः ।। ७.८७.२६ ।।

yadi devi prasannā me rūpeṇāpratimā bhuvi | māsaṃ strītvam upāsitvā māsaṃ syāṃ puruṣaḥ punaḥ || 7.87.26 ||

"हे देवी! यदि आप मुझ पर प्रसन्न हैं, तो, हे पृथ्वी पर अनुपम रूप वाली! मैं एक मास स्त्रीत्व में रहकर, पुनः एक मास पुरुष हो जाऊँ।"

श्लोक 27 (uttara.87.27)

ईप्सितं तस्य विज्ञाय देवी सुरुचिरानना । प्रत्युवाच शुभं वाक्यमेवमेव भविष्यति ।। ७.८७.२७ ।।

īpsitaṃ tasya vijñāya devī suruciraānanā | pratyuvāca śubhaṃ vākyam evam eva bhaviṣyati || 7.87.27 ||

उसकी इस अभीष्ट इच्छा को जानकर, सुन्दर मुख वाली देवी ने यह शुभ वचन कहा—"ऐसा ही होगा।"

श्लोक 28 (uttara.87.28)

राजन्पुरुषभूतस्त्वं स्त्रीभावं न स्मरिष्यसि । स्त्रीभूतश्च परं मासं न स्मरिष्यसि पौरुषम् ।। ७.८७.२८ ।।

rājan puruṣabhūtas tvaṃ strībhāvaṃ na smariṣyasi | strībhūtaś ca paraṃ māsaṃ na smariṣyasi pauruṣam || 7.87.28 ||

"हे राजन्! पुरुष होने पर तुम्हें स्त्रीभाव का स्मरण नहीं रहेगा, और अगले मास स्त्री होने पर तुम्हें पुरुषत्व का स्मरण नहीं रहेगा।"

श्लोक 29 (uttara.87.29)

एवं स राजा पुरुषो मासं भूत्वाथ कार्दमिः । त्रैलोक्यसुन्दरी नारी मासमेकमिला ऽभवत् ।। ७.८७.२९ ।।

evaṃ sa rājā puruṣo māsaṃ bhūtvātha kārdamiḥ | trailokyasundarī nārī māsam ekam ilābhavat || 7.87.29 ||

इस प्रकार वह राजा, कर्दमपुत्र, एक मास पुरुष होकर रहा, और फिर एक मास तक त्रैलोक्यसुन्दरी इला नामक स्त्री बना रहा।