पुरूरवा का जन्म

श्लोक 1 (uttara.89.1)

श्रुत्वा किम्पुरुषोत्पत्तिं लक्ष्मणो भरतस्तदा । आश्चर्यमिति चाब्रूतामुभौ रामं जनेश्वरम् ।। ७.८९.१ ।।

śrutvā kimpuruṣotpattiṃ lakṣmaṇo bharatas tadā | āścaryam iti cābrūtām ubhau rāmaṃ janeśvaram || 7.89.1 ||

किम्पुरुषों की उत्पत्ति की यह कथा सुनकर, लक्ष्मण और भरत दोनों ने जनेश्वर राम से "यह तो अद्भुत है" ऐसा कहा।

श्लोक 2 (uttara.89.2)

अथ रामः कथामेतां भूय एव महायशाः । कथयामास धर्मात्मा प्रजापतिसुतस्य वै ।। ७.८९.२ ।।

atha rāmaḥ kathām etāṃ bhūya eva mahāyaśāḥ | kathayām āsa dharmātmā prajāpatisutasya vai || 7.89.2 ||

तब महायशस्वी और धर्मात्मा राम ने प्रजापति-पुत्र की यह कथा पुनः आगे कहनी आरम्भ की।

श्लोक 3 (uttara.89.3)

सर्वास्ता विद्रुता दृष्ट्वा किन्नरीर्ऋषिसत्तमः । उवाच रूपसम्पन्नां तां स्त्रियं प्रहसन्निव ।। ७.८९.३ ।।

sarvās tā vidrutā dṛṣṭvā kinnarīr ṛṣisattamaḥ | uvāca rūpasampannāṃ tāṃ striyaṃ prahasann iva || 7.89.3 ||

उन सभी किन्नरियों को भाग गया देखकर, उस ऋषिश्रेष्ठ ने मुस्कुराते हुए-से, उस रूपसम्पन्न स्त्री से यह कहा।

श्लोक 4 (uttara.89.4)

सोमस्याहं सुदयितः सुतः सुरुचिरानने । भजस्व मां वरारोहे भक्त्या स्निग्धेन चक्षुषा ।। ७.८९.४ ।।

somasyāhaṃ sudayitaḥ sutaḥ surucirānane | bhajasva māṃ varārohe bhaktyā snigdhena cakṣuṣā || 7.89.4 ||

"हे सुन्दर मुख वाली! मैं सोम का अत्यन्त प्रिय पुत्र हूँ। हे सुन्दरी! तुम भक्तिपूर्वक स्नेहभरे नेत्रों से मेरा सेवन करो।"

श्लोक 5 (uttara.89.5)

तस्य तद्वचनं श्रुत्वा शून्ये स्वजनवर्जिते । इला सुरुचिरप्रख्यं प्रत्युवाच महाग्रहम् ।। ७.८९.५ ।।

tasya tad vacanaṃ śrutvā śūnye svajanavarjite | ilā suruciraprakhyaṃ pratyuvāca mahāgraham || 7.89.5 ||

अपने सगे-सम्बन्धियों से रहित उस निर्जन स्थान में, उसके इस वचन को सुनकर, इला ने उस अत्यन्त तेजस्वी महाग्रह से यह उत्तर दिया।

श्लोक 6 (uttara.89.6)

अहं कामचरी सौम्य तवास्मि वशवर्तिनी । प्रशाधि मां सोमसुत यथेच्छसि तथा कुरु ।। ७.८९.६ ।।

ahaṃ kāmacarī saumya tavāsmi vaśavartinī | praśādhi māṃ somasuta yathecchasi tathā kuru || 7.89.6 ||

"हे सौम्य! मैं स्वेच्छाचारिणी हूँ, और अब तुम्हारे अधीन हूँ। हे सोमपुत्र! मुझ पर शासन करो, जैसी तुम्हारी इच्छा हो वैसा करो।"

श्लोक 7 (uttara.89.7)

तस्यास्तदद्भुतप्रख्यं श्रुत्वा हर्षमुपागतः । स वै कामी सह तया रेमे चन्द्रमसः सुतः ।। ७.८९.७ ।।

tasyās tad adbhutaprakhyaṃ śrutvā harṣam upāgataḥ | sa vai kāmī saha tayā reme candramasaḥ sutaḥ || 7.89.7 ||

उसकी इस अद्भुत बात को सुनकर, हर्ष से भरा हुआ वह कामातुर चन्द्रपुत्र उसके साथ रमण करने लगा।

श्लोक 8 (uttara.89.8)

बुधस्य माधवो मासस्तामिलां रुचिराननाम् । गतो रमयतो ऽत्यर्थं क्षणवत्तस्य कामिनः ।। ७.८९.८ ।।

budhasya mādhavo māsas tām ilāṃ rucirānanām | gato ramayato 'tyarthaṃ kṣaṇavat tasya kāminaḥ || 7.89.8 ||

उस कामातुर बुध का, सुन्दर मुख वाली इला के साथ अत्यधिक रमण करते हुए, वह माधव मास एक क्षण के समान बीत गया।

श्लोक 9 (uttara.89.9)

अथ मासे तु सम्पूर्णे पूर्णेन्दुसदृशाननः । प्रजापतिसुतः श्रीमाञ्छयने प्रत्यबुध्यत ।। ७.८९.९ ।।

atha māse tu sampūrṇe pūrṇendusadṛśānanaḥ | prajāpatisutaḥ śrīmāñ chayane pratyabudhyata || 7.89.9 ||

फिर, मास पूर्ण होने पर, पूर्ण चन्द्रमा के समान मुख वाला वह श्रीमान् प्रजापति-पुत्र शय्या पर पुनः जाग उठा।

श्लोक 10 (uttara.89.10)

सो ऽपश्यत्सोमजं तत्र तपन्तं सलिलाशये । ऊर्ध्वबाहुं निरालम्बं तं राजा प्रत्यभाषत ।। ७.८९.१० ।।

so 'paśyat somajaṃ tatra tapantaṃ salilāśaye | ūrdhvabāhuṃ nirālambaṃ taṃ rājā pratyabhāṣata || 7.89.10 ||

उसने वहाँ जलाशय में तप करते हुए सोमपुत्र को, ऊँची भुजाओं वाला और निराधार, देखा; और वह राजा उससे यह बोला।

श्लोक 11 (uttara.89.11)

भगवन्पर्वतं दुर्गं प्रविष्टो ऽस्मि सहानुगः । न च पश्यामि तत्सैन्यं क्व नु ते मामका गताः ।। ७.८९.११ ।।

bhagavan parvataṃ durgaṃ praviṣṭo 'smi sahānugaḥ | na ca paśyāmi tat sainyaṃ kva nu te māmakā gatāḥ || 7.89.11 ||

"हे भगवन्! मैं अपने अनुचरों सहित इस दुर्गम पर्वत में प्रविष्ट हुआ था, किन्तु अब मुझे वह सेना दिखाई नहीं दे रही। मेरे लोग कहाँ चले गए?"

श्लोक 12 (uttara.89.12)

तच्छ्रुत्वा तस्य राजर्षेर्नष्टसञ्ज्ञस्य भाषितम् । प्रत्युवाच शुभं वाक्यं सान्त्वयन्परया गिरा ।। ७.८९.१२ ।।

tac chrutvā tasya rājarṣer naṣṭasaṃjñasya bhāṣitam | pratyuvāca śubhaṃ vākyaṃ sāntvayan parayā girā || 7.89.12 ||

उस राजर्षि की, जिसकी स्मृति लुप्त हो चुकी थी, इस बात को सुनकर, उसने अत्यन्त सान्त्वनापूर्ण वाणी में यह शुभ उत्तर दिया।

श्लोक 13 (uttara.89.13)

अश्मवर्षेण महता भृत्यास्ते विनिपातिताः । त्वं चाश्रमपदे सुप्तो वातवर्षभयार्दितः ।। ७.८९.१३ ।।

aśmavarṣeṇa mahatā bhṛtyās te vinipātitāḥ | tvaṃ cāśramapade supto vātavarṣabhayārditaḥ || 7.89.13 ||

"एक भारी पत्थरों की वर्षा से तुम्हारे सेवक नष्ट हो गए, और तुम, आँधी-वर्षा के भय से पीड़ित होकर, इसी आश्रम-स्थल में सो गए थे।"

श्लोक 14 (uttara.89.14)

समाश्वसिहि भद्रं ते निर्भयो विगतज्वरः । फलमूलाशनो वीर निवसेह यथासुखम् ।। ७.८९.१४ ।।

samāśvasihi bhadraṃ te nirbhayo vigatajvaraḥ | phalamūlāśano vīra nivaseha yathāsukham || 7.89.14 ||

"हे वीर! शान्त हो जाओ, कल्याण हो तुम्हारा; निर्भय और चिन्तारहित होकर, फल-मूल खाते हुए यहीं सुखपूर्वक निवास करो।"

श्लोक 15 (uttara.89.15)

स राजा तेन वाक्येन प्रत्याश्वस्तो महामतिः । प्रत्युवाच ततो वाक्यं दीनो भृत्यक्षयाद् भृशम् ।। ७.८९.१५ ।।

sa rājā tena vākyena pratyāśvasto mahāmatiḥ | pratyuvāca tato vākyaṃ dīno bhṛtyakṣayād bhṛśam || 7.89.15 ||

उन वचनों से सान्त्वना पाकर, वह महामति राजा, अपने सेवकों के नाश से अत्यन्त दुःखित होकर, तब यह वचन बोला।

श्लोक 16 (uttara.89.16)

त्यक्ष्याम्यहं स्वकं राज्यं नाहं भृत्यैर्विनाकृतः । वर्तयेयं क्षणं ब्रह्मन्समनुज्ञातुमर्हसि ।। ७.८९.१६ ।।

tyakṣyāmy ahaṃ svakaṃ rājyaṃ nāhaṃ bhṛtyair vinā kṛtaḥ | vartayeyaṃ kṣaṇaṃ brahman samanujñātum arhasi || 7.89.16 ||

"मैं अपने राज्य को त्याग दूँगा; मैं अपने सेवकों के बिना एक क्षण भी नहीं रह सकता। हे ब्रह्मन्! मुझे अनुमति दीजिए।"

श्लोक 17 (uttara.89.17)

सुतो धर्मपरो ब्रह्मञ्ज्येष्ठो मम महायशाः । शशबिन्दुरिति ख्यातः स मे राज्यं प्रपत्स्यते ।। ७.८९.१७ ।।

suto dharmaparo brahmañ jyeṣṭho mama mahāyaśāḥ | śaśabindur iti khyātaḥ sa me rājyaṃ prapatsyate || 7.89.17 ||

"हे ब्रह्मन्! मेरा ज्येष्ठ पुत्र, धर्मपरायण और महायशस्वी, जो शशबिन्दु नाम से विख्यात है, वही मेरा राज्य ग्रहण करेगा।"

श्लोक 18 (uttara.89.18)

न हि शक्ष्याम्यहं हित्वा भृत्यदारान्सुखान्वितान् । प्रतिवक्तुं महातेजः किञ्चिदप्यशुभं वचः ।। ७.८९.१८ ।।

na hi śakṣyāmy ahaṃ hitvā bhṛtyadārān sukhānvitān | prativaktuṃ mahātejaḥ kiñcid apy aśubhaṃ vacaḥ || 7.89.18 ||

"हे महातेजस्वी! मैं अपने सुखी सेवकों और परिवारजनों को त्याग कर, कोई भी अशुभ वचन कहने में समर्थ नहीं हूँ।"

श्लोक 19 (uttara.89.19)

तथा ब्रुवति राजेन्द्रे बुधः परममद्भुतम् । सान्त्वपूर्वमथोवाच वासस्त इह रोचताम् ।। ७.८९.१९ ।।

tathā bruvati rājendre budhaḥ paramam adbhutam | sāntvapūrvam athovāca vāsas ta iha rocatām || 7.89.19 ||

राजेन्द्र के इस प्रकार कहने पर, बुध ने पहले सान्त्वना देते हुए यह अत्यन्त अद्भुत वचन कहा—"तुम्हें यहीं निवास करना अच्छा लगे।"

श्लोक 20 (uttara.89.20)

न सन्तापस्त्वया कार्यः कार्दमेय महाबल । संवत्सरोषितस्येह कारयिष्यामि ते हितम् ।। ७.८९.२० ।।

na santāpas tvayā kāryaḥ kārdameya mahābala | saṃvatsaroṣitasyeha kārayiṣyāmi te hitam || 7.89.20 ||

"हे कार्दमेय! हे महाबल! तुम्हें दुःख नहीं करना चाहिए। यहाँ एक वर्ष निवास करने पर, मैं तुम्हारा हित करूँगा।"

श्लोक 21 (uttara.89.21)

तस्य तद्वचनं श्रुत्वा बुधस्याक्लिष्टकर्मणः । वासाय विदधे बुद्धिं यदुक्तं ब्रह्मवादिना ।। ७.८९.२१ ।।

tasya tad vacanaṃ śrutvā budhasyākliṣṭakarmaṇaḥ | vāsāya vidadhe buddhiṃ yad uktaṃ brahmavādinā || 7.89.21 ||

तेजस्वी और अथक कर्म वाले बुध के इस वचन को सुनकर, उस ब्रह्मवादी के कहे अनुसार, उसने वहाँ निवास करने का निश्चय कर लिया।

श्लोक 22 (uttara.89.22)

मासं स स्त्री तदा भूत्वा रमयत्यनिशं शुदा । मासं पुरुषभावेन धर्मबुद्धिं चकार सः ।। ७.८९.२२ ।।

māsaṃ sa strī tadā bhūtvā ramayaty aniśaṃ śudā | māsaṃ puruṣabhāvena dharmabuddhiṃ cakāra saḥ || 7.89.22 ||

एक मास वह स्त्री बनकर निरन्तर, लोवली रूप में, रमण करती रही, और अगले मास पुरुष के रूप में वह धर्मपरायण बुद्धि रखता रहा।

श्लोक 23 (uttara.89.23)

ततः सा नवमे मासि इला सोमसुतात्सुतम् । जनयामास सुश्रोणी पुरूरवसमूर्जितम् ।। ७.८९.२३ ।।

tataḥ sā navame māsi ilā somasutāt sutam | janayām āsa suśroṇī purūravasam ūrjitam || 7.89.23 ||

तत्पश्चात्, नवें मास में, वह सुन्दरी इला ने, सोमपुत्र से, बलशाली पुत्र पुरूरवा को जन्म दिया।

श्लोक 24 (uttara.89.24)

जातमात्रं तु सुश्रोणी पितुर्हस्ते न्यवेशयत् । बुधस्य समवर्णभमिला पुत्रं महाबलम् ।। ७.८९.२४ ।।

jātamātraṃ tu suśroṇī pitur haste nyaveśayat | budhasya samavarṇābham ilā putraṃ mahābalam || 7.89.24 ||

उस सुन्दरी इला ने, जन्म लेते ही, बुध के समान कान्ति वाले उस महाबली पुत्र को उसके पिता के हाथों में सौंप दिया।

श्लोक 25 (uttara.89.25)

बुधस्तु पुरुषीभूतं स वै संवत्सरान्तरम् । कथाभी रमयामास धर्मयुक्ताभिरात्मवान् ।। ७.८९.२५ ।।

budhas tu puruṣībhūtaṃ sa vai saṃvatsarāntaram | kathābhī ramayām āsa dharmayuktābhir ātmavān || 7.89.25 ||

और बुध, संयमी होकर, उसे उसके पुरुष-रूप में रहने की शेष अवधि तक धर्मयुक्त कथाओं से प्रसन्न रखता रहा।