अश्वमेध से इल की पुरुषत्व-प्राप्ति

श्लोक 1 (uttara.90.1)

तथोक्तवति रामे तु तस्य जन्म तदद्भुतम् । उवाच लक्ष्मणो भूयो भरतश्च महायशाः ।। ७.९०.१ ।।

tathoktavati rāme tu tasya janma tad adbhutam | uvāca lakṣmaṇo bhūyo bharataś ca mahāyaśāḥ || 7.90.1 ||

राम द्वारा उस अद्भुत जन्म की यह कथा कहे जाने पर, महायशस्वी लक्ष्मण और भरत ने फिर यह कहा।

श्लोक 2 (uttara.90.2)

इला सा सोमपुत्रस्य संवत्सरमथोषिता । अकरोत्किं नरश्रेष्ठ तत्त्वं शंसितुमर्हसि ।। ७.९०.२ ।।

ilā sā somaputrasya saṃvatsaram athoṣitā | akarot kiṃ naraśreṣṭha tat tvaṃ śaṃsitum arhasi || 7.90.2 ||

"हे नरश्रेष्ठ! उस इला ने सोमपुत्र के यहाँ पूरे एक वर्ष निवास करके फिर क्या किया, यह आप हमें बताने की कृपा करें।"

श्लोक 3 (uttara.90.3)

तयोस्तद्वाक्यमाधुर्यं निशम्य परिपृच्छतोः । रामः पुनरुवाचेमां प्रजापतिसुते कथाम् ।। ७.९०.३ ।।

tayos tad vākyamādhuryaṃ niśamya paripṛcchatoḥ | rāmaḥ punar uvācemāṃ prajāpatisute kathām || 7.90.3 ||

उन दोनों के इस मधुर वचन और प्रश्न को सुनकर, राम ने पुनः प्रजापति-पुत्र की यह कथा आगे कही।

श्लोक 4 (uttara.90.4)

पुरुषत्वं गते शूरे बुधः परमबुद्धिमान् । संवर्तं परमोदारमाजुहाव महायशाः ।। ७.९०.४ ।।

puruṣatvaṃ gate śūre budhaḥ paramabuddhimān | saṃvartaṃ paramodāram ājuhāva mahāyaśāḥ || 7.90.4 ||

उस शूरवीर के पुरुषत्व को प्राप्त होने पर, परम बुद्धिमान् और महायशस्वी बुध ने अत्यन्त उदार संवर्त मुनि को बुलवाया।

श्लोक 5 (uttara.90.5)

च्यवनं भृगुपुत्रं च मुनिं चारिष्टनेमिनम् । प्रमोदनं मोदकरं ततो दुर्वाससं मुनिम् ।। ७.९०.५ ।।

cyavanaṃ bhṛguputraṃ ca muniṃ cāriṣṭaneminam | pramodanaṃ modakaraṃ tato durvāsasaṃ munim || 7.90.5 ||

भृगु-पुत्र च्यवन मुनि को, आरिष्टनेमि मुनि को, आनन्दकर प्रमोदन को, और फिर दुर्वासा मुनि को भी उसने बुलाया।

श्लोक 6 (uttara.90.6)

एतान्सर्वान्समानीय वाक्यज्ञस्तत्त्वदर्शनः । उवाच सर्वान्सुहृदो धैर्येण सुसमाहितान् ।। ७.९०.६ ।।

etān sarvān samānīya vākyajñas tattvadarśanaḥ | uvāca sarvān suhṛdo dhairyeṇa susamāhitān || 7.90.6 ||

इन सबको एकत्रित करके, वाणी में निपुण और तत्त्वदर्शी बुध ने अपने उन सभी मित्रों से, जो धैर्यपूर्वक एकाग्रचित्त बैठे थे, यह कहा।

श्लोक 7 (uttara.90.7)

अयं राजा महाबाहुः कर्दमस्य इलः सुतः । जानीतैनं यथाभूतं श्रेयो ह्यत्र विधीयताम् ।। ७.९०.७ ।।

ayaṃ rājā mahābāhuḥ kardamasya ilaḥ sutaḥ | jānītainaṃ yathābhūtaṃ śreyo hy atra vidhīyatām || 7.90.7 ||

"यह महाबाहु राजा, कर्दम का पुत्र इल है। इसे यथार्थ रूप में जानिए, और इसके लिए जो श्रेयस्कर हो, वह किया जाए।"

श्लोक 8 (uttara.90.8)

तेषां संवदतामेव तमाश्रममुपागमत् । कर्दमस्तु महातेजा द्विजैः सह महात्मभिः ।। ७.९०.८ ।।

teṣāṃ saṃvadatām eva tam āśramam upāgamat | kardamas tu mahātejā dvijaiḥ saha mahātmabhiḥ || 7.90.8 ||

उनके इस प्रकार वार्तालाप करते हुए ही, महातेजस्वी कर्दम भी अन्य महात्मा द्विजों के साथ उस आश्रम में आ पहुँचे।

श्लोक 9 (uttara.90.9)

पुलस्त्यश्च क्रतुश्चैव वषट्कारस्तथैव च । ओङ्कारश्च महातेजास्तमाश्रममुपागमत् ।। ७.९०.९ ।।

pulastyaś ca kratuś caiva vaṣaṭkāras tathaiva ca | oṅkāraś ca mahātejās tam āśramam upāgaman || 7.90.9 ||

पुलस्त्य, क्रतु, वषट्कार, तथा महातेजस्वी ॐकार भी उस आश्रम में आ पहुँचे।

श्लोक 10 (uttara.90.10)

ते सर्वे हृष्टमनसः परस्परसमागमे । हितैषिणो बाल्हिपतेः पृथग्वाक्यान्यथाब्रुवन् ।। ७.९०.१० ।।

te sarve hṛṣṭamanasaḥ parasparasamāgame | hitaiṣiṇo bālhipateḥ pṛthag vākyāny athābruvan || 7.90.10 ||

वे सब, आपस में मिलकर प्रसन्नचित्त होकर, बाह्लीपति के हित की कामना करते हुए, भिन्न-भिन्न वचन कहने लगे।

श्लोक 11 (uttara.90.11)

कर्दमस्त्वब्रवीद्वाक्यं सुतार्थं परमं हितम् । द्विजाः शृणुत मद्वाक्यं यच्छ्रेयः पार्थिवस्य हि ।। ७.९०.११ ।।

kardamas tv abravīd vākyaṃ sutārthaṃ paramaṃ hitam | dvijāḥ śṛṇuta madvākyaṃ yac chreyaḥ pārthivasya hi || 7.90.11 ||

कर्दम ने अपने पुत्र के हित की दृष्टि से यह परम हितकर वचन कहा—"हे द्विजो! मेरा यह वचन सुनिए, जो इस राजा के लिए श्रेयस्कर है।"

श्लोक 12 (uttara.90.12)

नान्यं पश्यामि भैषज्यमन्तरा वृषभध्वजम् । नाश्वमेधात्परो यज्ञः प्रियश्चैव महात्मनः । तस्माद्यजामहे सर्वे पार्थिवार्थे दुरासदम् ।। ७.९०.१२ ।।

nānyaṃ paśyāmi bhaiṣajyam antarā vṛṣabhadhvajam | nāśvamedhāt paro yajñaḥ priyaś caiva mahātmanaḥ | tasmād yajāmahe sarve pārthivārthe durāsadam || 7.90.12 ||

"वृषभध्वज के अतिरिक्त मुझे इसका कोई अन्य उपचार नहीं दिखता; और उस महात्मा को अश्वमेध से बढ़कर कोई प्रिय यज्ञ नहीं है। इसलिए हम सब इस दुर्धर्ष यज्ञ को इस राजा के हित के लिए सम्पन्न करें।"

श्लोक 13 (uttara.90.13)

कर्दमेनैवमुक्तास्तु सर्व एव द्विजर्षभाः । रोचयन्ति स्म तं यज्ञं रुद्रस्याराधनं प्रति ।। ७.९०.१३ ।।

kardamenaivam uktās tu sarva eva dvijarṣabhāḥ | rocayanti sma taṃ yajñaṃ rudrasyārādhanaṃ prati || 7.90.13 ||

कर्दम द्वारा ऐसा कहे जाने पर, वे सभी श्रेष्ठ द्विज, रुद्र की आराधना के लिए उस यज्ञ को करने के पक्ष में सहमत हुए।

श्लोक 14 (uttara.90.14)

संवर्तस्य तु राजर्षेः शिष्यः पुरपुरञ्जयः । मरुत्त इति विख्यातस्तं यज्ञं समुपाहरत् ।। ७.९०.१४ ।।

saṃvartasya tu rājarṣeḥ śiṣyaḥ purapurañjayaḥ | marutta iti vikhyātas taṃ yajñaṃ samupāharat || 7.90.14 ||

राजर्षि संवर्त के शिष्य, नगरों के विजेता, मरुत्त नाम से विख्यात राजा ने उस यज्ञ को सम्पन्न कराया।

श्लोक 15 (uttara.90.15)

ततो यज्ञो महानासीद्बुधाश्रमसमीपतः । रुद्रश्च परमं तोषमाजगाम महायशाः ।। ७.९०.१५ ।।

tato yajño mahān āsīd budhāśramasamīpataḥ | rudraś ca paramaṃ toṣam ājagāma mahāyaśāḥ || 7.90.15 ||

तब बुध के आश्रम के समीप वह महान् यज्ञ सम्पन्न हुआ, और महायशस्वी रुद्र उससे परम सन्तोष को प्राप्त हुए।

श्लोक 16 (uttara.90.16)

अथ यज्ञे समाप्ते तु प्रीतः परमया मुदा । उमापतिर्द्विजान्सर्वानुवाच इलसन्निधौ ।। ७.९०.१६ ।।

atha yajñe samāpte tu prītaḥ paramayā mudā | umāpatir dvijān sarvān uvāca ilasannidhau || 7.90.16 ||

यज्ञ के समाप्त होने पर, अत्यन्त हर्ष से प्रसन्न उमापति ने, इल की उपस्थिति में, समस्त द्विजों से यह कहा।

श्लोक 17 (uttara.90.17)

प्रीतो ऽस्मि हयमेधेन भक्त्या च द्विजसत्तमाः । अस्य बाह्लिपतेश्चैव किं करोमि प्रियं शुभम् ।। ७.९०.१७ ।।

prīto 'smi hayamedhena bhaktyā ca dvijasattamāḥ | asya bāhlipateś caiva kiṃ karomi priyaṃ śubham || 7.90.17 ||

"हे द्विजश्रेष्ठो! मैं इस हयमेध यज्ञ और भक्ति से प्रसन्न हूँ। बताइए, बाह्लीपति के लिए मैं क्या शुभकारी कार्य करूँ?"

श्लोक 18 (uttara.90.18)

तथा वदति देवेशे द्विजास्ते सुसमाहिताः । प्रसादयन्ति देवेशं यथा स्यात्पुरुषस्त्विला ।। ७.९०.१८ ।।

tathā vadati deveśe dvijās te susamāhitāḥ | prasādayanti deveśaṃ yathā syāt puruṣas tv ilā || 7.90.18 ||

देवेश के ऐसा कहने पर, वे संयतचित्त द्विज उन्हें प्रसन्न करते हुए यह प्रार्थना करने लगे कि इला सदा के लिए पुरुष हो जाए।

श्लोक 19 (uttara.90.19)

ततः प्रीतो महादेवः पुरुषत्वं ददौ पुनः । इलायै सुमहातेजा दत्त्वा चान्तरधीयत ।। ७.९०.१९ ।।

tataḥ prīto mahādevaḥ puruṣatvaṃ dadau punaḥ | ilāyai sumahātejā dattvā cāntaradhīyata || 7.90.19 ||

तब प्रसन्न होकर महातेजस्वी महादेव ने इल को पुनः पुरुषत्व प्रदान किया, और यह देकर वे अन्तर्धान हो गए।

श्लोक 20 (uttara.90.20)

निवृत्ते हयमेधे च गतश्चादर्शनं हरः । यथागतं द्विजाः सर्वे ह्यगच्छन्दीर्घदर्शिनः ।। ७.९०.२० ।।

nivṛtte hayamedhe ca gataś cādarśanaṃ haraḥ | yathāgataṃ dvijāḥ sarve hy agacchan dīrghadarśinaḥ || 7.90.20 ||

हयमेध यज्ञ के समाप्त होने पर हर अदृश्य हो गए, और वे सभी दूरदर्शी द्विज भी जैसे आए थे वैसे ही लौट गए।

श्लोक 21 (uttara.90.21)

राजा तु बाह्लिमुत्सृज्य मध्यदेशे ह्यनुत्तमम् । निवेशयामास पुरं प्रतिष्ठानं यशस्करम् ।। ७.९०.२१ ।।

rājā tu bāhlim utsṛjya madhyadeśe hy anuttamam | niveśayām āsa puraṃ pratiṣṭhānaṃ yaśaskaram || 7.90.21 ||

उस राजा ने बाह्ली को त्यागकर, मध्यदेश में एक सर्वश्रेष्ठ और यशस्वी नगर, प्रतिष्ठान, की स्थापना की।

श्लोक 22 (uttara.90.22)

शशबिन्दुश्च राजर्षिर्बाह्लिं पुरपुरञ्जयः । प्रतिष्ठाने इलो राजा प्रजापतिसुतो बली ।। ७.९०.२२ ।।

śaśabinduś ca rājarṣir bāhliṃ purapurañjayaḥ | pratiṣṭhāne ilo rājā prajāpatisuto balī || 7.90.22 ||

राजर्षि शशबिन्दु, जो नगरों के विजेता थे, बाह्ली के राजा बने; और बलशाली प्रजापति-पुत्र राजा इल प्रतिष्ठान के अधिपति हुए।

श्लोक 23 (uttara.90.23)

स काले प्राप्तवाँल्लोकमिलो ब्राह्ममनुत्तमम् । ऐलः पुरूरवा राजा प्रतिष्ठानमवाप्तवान् ।। ७.९०.२३ ।।

sa kāle prāptavāṃl lokam ilo brāhmam anuttamam | ailaḥ purūravā rājā pratiṣṭhānam avāptavān || 7.90.23 ||

समय आने पर इल ने सर्वश्रेष्ठ ब्रह्मलोक को प्राप्त किया, और इल के पुत्र ऐल पुरूरवा ने प्रतिष्ठान का राज्य प्राप्त किया।

श्लोक 24 (uttara.90.24)

ईदृशो ह्यश्वमेधस्य प्रभावः पुरुषर्षभौ । स्त्रीभूतः पौरुषं लेभे यच्चान्यदपि दुर्लभम् ।। ७.९०.२४ ।।

īdṛśo hy aśvamedhasya prabhāvaḥ puruṣarṣabhau | strībhūtaḥ pauruṣaṃ lebhe yac cānyad api durlabham || 7.90.24 ||

"हे नरश्रेष्ठों! अश्वमेध का प्रभाव ऐसा ही है—स्त्री बना हुआ भी पुरुषत्व को पुनः प्राप्त कर लेता है, और अन्य दुर्लभ वस्तुएँ भी प्राप्त हो जाती हैं।"