अश्वमेध की तैयारी का आदेश

श्लोक 1 (uttara.91.1)

एतदाख्याय काकुत्स्थो भ्रातृभ्याममितप्रभः । लक्ष्मणं पुनरेवाह धर्मयुक्तमिदं वचः ।। ७.९१.१ ।।

etadākhyāya kākutstho bhrātṛbhyām amitaprabhaḥ | lakṣmaṇaṃ punarevāha dharmayuktam idaṃ vacaḥ || 7.91.1 ||

यह सब अपने भाइयों को सुनाकर, अपार तेजस्वी काकुत्स्थ (राम) ने फिर लक्ष्मण से यह धर्मयुक्त वचन कहा।

श्लोक 2 (uttara.91.2)

वसिष्ठं वामदेवं च जाबालिमथ कश्यपम् । द्विजांश्च सर्वप्रवरानश्वमेधपुरस्कृतान् ।। ७.९१.२ ।।

vasiṣṭhaṃ vāmadevaṃ ca jābālim atha kaśyapam | dvijāṃś ca sarvapravarān aśvamedhapuraskṛtān || 7.91.2 ||

"वसिष्ठ, वामदेव, जाबालि और कश्यप को, तथा अश्वमेध-यज्ञ के लिए नियत सभी श्रेष्ठ ब्राह्मणों को —"

श्लोक 3 (uttara.91.3)

एतान्सर्वान्समानीय मन्त्रयित्वा च लक्ष्मण । हयं लक्षणसम्पन्नं विमोक्ष्यामि समाधिना ।। ७.९१.३ ।।

etān sarvān samānīya mantrayitvā ca lakṣmaṇa | hayaṃ lakṣaṇasampannaṃ vimokṣyāmi samādhinā || 7.91.3 ||

"इन सबको बुलाकर और परामर्श करके, हे लक्ष्मण, मैं शुभ लक्षणों से युक्त उस अश्व को विधिपूर्वक मुक्त करूँगा।"

श्लोक 4 (uttara.91.4)

तद्वाक्यं राघवेणोक्तं श्रुत्वा त्वरितविक्रमः । द्विजान्सर्वान्समाहूय दर्शयामास राघवम् ।। ७.९१.४ ।।

tad vākyaṃ rāghaveṇoktaṃ śrutvā tvaritavikramaḥ | dvijān sarvān samāhūya darśayām āsa rāghavam || 7.91.4 ||

राघव के कहे हुए इस वचन को सुनकर, वेगशाली लक्ष्मण ने सभी द्विजों को बुलाकर राघव के समक्ष उपस्थित किया।

श्लोक 5 (uttara.91.5)

ते दृष्ट्वा देवसङ्काशं कृतपादाभिवन्दनम् । राघवं सुदुराधर्षमाशीर्भिः समपूजयन् ।। ७.९१.५ ।।

te dṛṣṭvā devasaṅkāśaṃ kṛtapādābhivandanam | rāghavaṃ sudurādharṣam āśīrbhiḥ samapūjayan || 7.91.5 ||

देवतुल्य, अत्यंत दुर्धर्ष राघव को, जिन्होंने उनके चरणों में प्रणाम किया था, देखकर उन ब्राह्मणों ने आशीर्वादों से उनका सम्मान किया।

श्लोक 6 (uttara.91.6)

प्राञ्जलिः स तदा भूत्वा राघवो द्विजसत्तमान् । आचचक्षे ऽश्वमेधस्य ह्यभिप्रायं महायशाः ।। ७.९१.६ ।।

prāñjaliḥ sa tadā bhūtvā rāghavo dvijasattamān | ācacakṣe 'śvamedhasya hy abhiprāyaṃ mahāyaśāḥ || 7.91.6 ||

तब हाथ जोड़कर, अत्यंत यशस्वी राघव ने उन श्रेष्ठ ब्राह्मणों से अश्वमेध-यज्ञ का अपना अभिप्राय बताया।

श्लोक 7 (uttara.91.7)

ते तु रामस्य तच्छ्रुत्वा नमस्कृत्वा वृषध्वजम् । अश्वमेधं द्विजाः सर्वे पूजयन्ति स्म सर्वशः ।। ७.९१.७ ।।

te tu rāmasya tac chrutvā namaskṛtvā vṛṣadhvajam | aśvamedhaṃ dvijāḥ sarve pūjayanti sma sarvaśaḥ || 7.91.7 ||

राम की यह बात सुनकर, वृषभध्वज (शिव) को नमस्कार करके, वे सभी ब्राह्मण सब प्रकार से उस अश्वमेध-यज्ञ का सम्मान करने लगे।

श्लोक 8 (uttara.91.8)

स तेषां द्विजमुख्यानां वाक्यमद्भुतदर्शनम् । अश्वमेधाश्रितं श्रुत्वा भृशं प्रीतो ऽभवत्तदा ।। ७.९१.८ ।।

sa teṣāṃ dvijamukhyānāṃ vākyam adbhutadarśanam | aśvamedhāśritaṃ śrutvā bhṛśaṃ prīto 'bhavat tadā || 7.91.8 ||

उन श्रेष्ठ ब्राह्मणों के अद्भुत दर्शनयुक्त, अश्वमेध से संबंधित वचन सुनकर, वे (राम) उस समय अत्यंत प्रसन्न हुए।

श्लोक 9 (uttara.91.9)

विज्ञाय कर्म तत्तेषां रामो लक्ष्मणमब्रवीत् । प्रेषयस्व द्रुतं दूतान् सुग्रीवाय महात्मने ।। ७.९१.९ ।।

vijñāya karma tat teṣāṃ rāmo lakṣmaṇam abravīt | preṣayasva drutaṃ dūtān sugrīvāya mahātmane || 7.91.9 ||

उनके उस कार्य को जानकर राम ने लक्ष्मण से कहा: "महात्मा सुग्रीव के पास शीघ्र दूत भेजो।"

श्लोक 10 (uttara.91.10)

यथा महद्भिर्हरिभिर्बहुभिश्च वनौकसाम् । सार्धमागच्छ भद्रं ते ह्यनुभोक्तुं महोत्सवम् ।। ७.९१.१० ।।

yathā mahadbhir haribhir bahubhiś ca vanaukasām | sārdham āgaccha bhadraṃ te hy anubhoktuṃ mahotsavam || 7.91.10 ||

"ताकि वे अनेक महान वानरों और वनवासियों के साथ आएँ -- कल्याण हो तुम्हारा -- इस महोत्सव का आनंद लेने के लिए।"

श्लोक 11 (uttara.91.11)

बिभीषणश्च रक्षोभिः कामगैर्बहुभिर्वृतः । अश्वमेधं महायज्ञमायात्वतुलविक्रमः ।। ७.९१.११ ।।

bibhīṣaṇaś ca rakṣobhiḥ kāmagair bahubhir vṛtaḥ | aśvamedhaṃ mahāyajñam āyātv atulavikramaḥ || 7.91.11 ||

"और विभीषण भी, अनेक इच्छानुसार गमन करने वाले राक्षसों से घिरे हुए, वह अतुलनीय पराक्रमी, इस महान अश्वमेध यज्ञ में आएँ।"

श्लोक 12 (uttara.91.12)

राजानश्च महाभागा ये मे प्रियचिकीर्षवः । सानुगाः क्षिप्रमायान्तु यज्ञं द्रष्टुमनुत्तमम् ।। ७.९१.१२ ।।

rājānaś ca mahābhāgā ye me priyacikīrṣavaḥ | sānugāḥ kṣipram āyāntu yajñaṃ draṣṭum anuttamam || 7.91.12 ||

"और जो अत्यंत भाग्यशाली राजा मेरा प्रिय करना चाहते हैं, वे अपने अनुचरों के साथ शीघ्र आएँ, इस सर्वश्रेष्ठ यज्ञ को देखने के लिए।"

श्लोक 13 (uttara.91.13)

देशान्तरगता ये च द्विजा धर्मसमाहिताः । आमन्त्रयस्व तान्सर्वानश्वमेधाय लक्ष्मण ।। ७.९१.१३ ।।

deśāntaragatā ye ca dvijā dharmasamāhitāḥ | āmantrayasva tān sarvān aśvamedhāya lakṣmaṇa || 7.91.13 ||

"और जो ब्राह्मण धर्म में स्थित होकर दूसरे देशों में गए हुए हैं, उन सबको भी, हे लक्ष्मण, अश्वमेध के लिए आमंत्रित करो।"

श्लोक 14 (uttara.91.14)

ऋषयश्च महाबाहो आहूयन्तां तपोधनाः । देशान्तरगताः सर्वे सदाराश्च द्विजातयः । तथैव तालावचरास्तथैव नटनर्तकाः ।। ७.९१.१४ ।।

ṛṣayaś ca mahābāho āhūyantāṃ tapodhanāḥ | deśāntaragatāḥ sarve sadārāś ca dvijātayaḥ | tathaiva tālāvacarās tathaiva naṭanartakāḥ || 7.91.14 ||

"हे महाबाहो! तपोधन ऋषियों को भी बुलवाओ, तथा दूसरे देशों में गए हुए सभी ब्राह्मणों को उनकी पत्नियों सहित, और वैसे ही ताल बजाने वालों तथा नट-नर्तकों को भी।"

श्लोक 15 (uttara.91.15)

यज्ञवाटश्च सुमहान्गोमत्या नैमिशे वने । आज्ञाप्यतां महाबाहो तद्धि पुण्यमनुत्तमम् ।। ७.९१.१५ ।।

yajñavāṭaś ca sumahān gomatyā naimiśe vane | ājñāpyatāṃ mahābāho tad dhi puṇyam anuttamam || 7.91.15 ||

"और गोमती के तट पर, नैमिष वन में, एक अत्यंत विशाल यज्ञशाला बनाने की आज्ञा दो, हे महाबाहो, क्योंकि वह स्थान परम पवित्र है।"

श्लोक 16 (uttara.91.16)

शान्तयश्च महाबाहो प्रवर्त्यन्तां समन्ततः ।। ७.९१.१६ ।।

śāntayaś ca mahābāho pravartyantāṃ samantataḥ || 7.91.16 ||

"और हे महाबाहो! सब ओर शांतिकर्म भी करवाए जाएँ।"

श्लोक 17 (uttara.91.17)

शतशश्चापि धर्मज्ञाः क्रतुमुख्यमनुत्तमम् । अनुभूय महायज्ञं नैमिशे रघुनन्दन ।। ७.९१.१७ ।।

śataśaś cāpi dharmajñāḥ kratumukhyam anuttamam | anubhūya mahāyajñaṃ naimiśe raghunandana || 7.91.17 ||

"हे रघुनन्दन! सैकड़ों धर्मज्ञ जन नैमिष वन में उस सर्वश्रेष्ठ महायज्ञ का अनुभव करके,"

श्लोक 18 (uttara.91.18)

तुष्टः पुष्टश्च सर्वो ऽसौ मानितश्च यथाविधि । प्रीतिं यास्यति धर्मज्ञ शीघ्रमामन्त्र्यतां जनः ।। ७.९१.१८ ।।

tuṣṭaḥ puṣṭaś ca sarvo 'sau mānitaś ca yathāvidhi | prītiṃ yāsyati dharmajña śīghram āmantryatāṃ janaḥ || 7.91.18 ||

"संतुष्ट, तृप्त और यथाविधि सम्मानित होकर, सब प्रसन्नता को प्राप्त होंगे -- हे धर्मज्ञ! शीघ्र ही सब जनों को आमंत्रित किया जाए।"

श्लोक 19 (uttara.91.19)

शतं वाहसहस्राणां तण्डुलानां वपुष्मताम् । अयुतं तिलमुद्गानां प्रयात्वग्रे महाबल ।। ७.९१.१९ ।।

śataṃ vāhasahasrāṇāṃ taṇḍulānāṃ vapuṣmatām | ayutaṃ tilamudgānāṃ prayātv agre mahābala || 7.91.19 ||

"हे महाबल! सौ हज़ार गाड़ियाँ उत्तम चावलों की, और दस हज़ार तिल-मूँग की, आगे-आगे प्रस्थान करें।"

श्लोक 20 (uttara.91.20)

चणकानां कुलित्थानां माषाणां लवणस्य च । अतो ऽनुरूपं स्नेहं च गन्धं सङ्क्षिप्तमेव च ।। ७.९१.२० ।।

caṇakānāṃ kulitthānāṃ māṣāṇāṃ lavaṇasya ca | ato 'nurūpaṃ snehaṃ ca gandhaṃ saṅkṣiptam eva ca || 7.91.20 ||

"चने, कुलत्थ, उड़द और नमक की, तथा उसी अनुपात में घी-तेल और सुगंधित द्रव्यों की भी -- संक्षेप में यह सब।"

श्लोक 21 (uttara.91.21)

सुवर्णकोट्यो बहुला हिरण्यस्य शतोत्तराः । अग्रतो भरतः कृत्वा गच्छत्वग्रे समाधिना ।। ७.९१.२१ ।।

suvarṇakoṭyo bahulā hiraṇyasya śatottarāḥ | agrato bharataḥ kṛtvā gacchatv agre samādhinā || 7.91.21 ||

"बहुत-सी करोड़ों स्वर्ण-मुद्राएँ और सौ से अधिक (राशियाँ) चाँदी की -- इन सबको आगे रखकर, भरत विधिपूर्वक आगे-आगे चलें।"

श्लोक 22 (uttara.91.22)

अन्तरा पण्यवीथ्यश्च सर्वे च नटनर्तकाः । सूदा नार्यश्च बहवो नित्यं यौवनशालिनः ।। ७.९१.२२ ।।

antarā paṇyavīthyaś ca sarve ca naṭanartakāḥ | sūdā nāryaś ca bahavo nityaṃ yauvanaśālinaḥ || 7.91.22 ||

"बीच में बाज़ार की पंक्तियाँ भी हों, तथा सभी नट-नर्तक, रसोइये और सदा यौवन से सुशोभित अनेक स्त्रियाँ भी हों।"

श्लोक 23 (uttara.91.23)

भरतेन तु सार्धं ते यान्तु सैन्यानि चाग्रतः । नैगमा बलवृद्धाश्च द्विजाश्च सुसमाहिताः ।। ७.९१.२३ ।।

bharatena tu sārdhaṃ te yāntu sainyāni cāgrataḥ | naigamā balavṛddhāś ca dvijāś ca susamāhitāḥ || 7.91.23 ||

"भरत के साथ ही सेनाएँ आगे-आगे चलें, और नगर के प्रमुख नागरिक, वयोवृद्ध, तथा सुसमाहित ब्राह्मण भी।"

श्लोक 24 (uttara.91.24)

कर्मान्तिकान्वर्धकिनः कोशाध्यक्षांश्च नैगमान् । मम मातऽस्तथा सर्वाः कुमारान्तःपुराणि च ।। ७.९१.२४ ।।

karmāntikān vardhakinaḥ kośādhyakṣāṃś ca naigamān | mama mātaras tathā sarvāḥ kumārāntaḥpurāṇi ca || 7.91.24 ||

"कारीगरों, बढ़इयों, कोषाध्यक्षों और नगर के प्रमुखों को भी साथ ले जाया जाए, तथा मेरी सभी माताओं को और राजकुमारों तथा अंतःपुर की स्त्रियों को भी।"

श्लोक 25 (uttara.91.25)

काञ्चनीं मम पत्नीं च दीक्षायां ज्ञांश्च कर्मणि । अग्रतो भरतः कृत्वा गच्छत्वग्रे महायशाः ।। ७.९१.२५ ।।

kāñcanīṃ mama patnīṃ ca dīkṣāyāṃ jñāṃś ca karmaṇi | agrato bharataḥ kṛtvā gacchatv agre mahāyaśāḥ || 7.91.25 ||

"मेरी स्वर्णमयी पत्नी (सीता की स्वर्ण-प्रतिमा) को तथा दीक्षा और यज्ञ-कर्म में निपुण जनों को आगे रखकर, अत्यंत यशस्वी भरत आगे-आगे चलें।"

श्लोक 26 (uttara.91.26)

उपकार्या महार्हाश्च पार्थिवानां महौजसाम् । सानुगानां नरश्रेष्ठो व्यादिदेश महाबलः ।। ७.९१.२६ ।।

upakāryā mahārhāś ca pārthivānāṃ mahaujasām | sānugānāṃ naraśreṣṭho vyādideśa mahābalaḥ || 7.91.26 ||

और उस नरश्रेष्ठ, महाबली (राम) ने अत्यंत तेजस्वी राजाओं के, उनके अनुचरों सहित, ठहरने योग्य उत्तम शिविरों की व्यवस्था करने की भी आज्ञा दी।