नैमिष वन में अपार अश्वमेध यज्ञ

श्लोक 1 (uttara.92.1)

तत्सर्वमखिलेनाशु प्रस्थाप्य भरताग्रजः । हयं लक्षणसम्पन्नं कृष्णसारं मुमोच ह ।। ७.९२.१ ।।

tat sarvam akhilenāśu prasthāpya bharatāgrajaḥ | hayaṃ lakṣaṇasampannaṃ kṛṣṇasāraṃ mumoca ha || 7.92.1 ||

भरत के बड़े भाई (राम) ने यह सब शीघ्र भेजकर, शुभ लक्षणों से युक्त, काले चित्तीदार उस अश्व को मुक्त कर दिया।

श्लोक 2 (uttara.92.2)

ऋत्विग्भिर्लक्ष्मणं सार्धमश्वतन्त्रे नियोज्य च । ततो ऽभ्यगच्छत्काकुत्स्थः सह सैन्येन नैमिशम् ।। ७.९२.२ ।।

ṛtvigbhir lakṣmaṇaṃ sārdham aśvatantre niyojya ca | tato 'bhyagacchat kākutsthaḥ saha sainyena naimiśam || 7.92.2 ||

लक्ष्मण को ऋत्विजों के साथ अश्व की रक्षा के कार्य में नियुक्त करके, तब काकुत्स्थ (राम) सेना सहित नैमिष वन की ओर गए।

श्लोक 3 (uttara.92.3)

यज्ञवाटं महाबाहुर्दृष्ट्वा परममद्भुतम् । प्रबर्षमतुलं लेभे श्रीमानिति वचो ऽब्रवीत् ।। ७.९२.३ ।।

yajñavāṭaṃ mahābāhur dṛṣṭvā paramam adbhutam | praharṣam atulaṃ lebhe śrīmān iti vaco 'bravīt || 7.92.3 ||

उस अत्यंत अद्भुत यज्ञशाला को देखकर, महाबाहु और श्रीमान् राम को अतुलनीय हर्ष हुआ, और उन्होंने यह वचन कहा।

श्लोक 4 (uttara.92.4)

नैमिषे वसतस्तस्य सर्व एव नराधिपाः । आनिन्युरुपहारांश्च तान्रामः प्रत्यपूजयत् ।। ७.९२.४ ।।

naimiṣe vasatas tasya sarva eva narādhipāḥ | āninyur upahārāṃś ca tān rāmaḥ pratyapūjayat || 7.92.4 ||

नैमिष में निवास करते हुए राम के पास सभी राजा आए और भेंट-उपहार लाए; राम ने उन सबका यथोचित सम्मान किया।

श्लोक 5 (uttara.92.5)

उपकार्या महार्हाश्च पार्थिवानां महात्मनाम् । सानुगानां नरश्रेष्ठो व्यादिदेश महामतिः ।। ७.९२.५ ।।

upakāryā mahārhāś ca pārthivānāṃ mahātmanām | sānugānāṃ naraśreṣṭho vyādideśa mahāmatiḥ || 7.92.5 ||

उस महामति नरश्रेष्ठ (राम) ने महात्मा राजाओं के, उनके अनुचरों सहित, ठहरने योग्य उत्तम शिविरों की व्यवस्था करवाई।

श्लोक 6 (uttara.92.6)

अन्नपानानि वस्त्राणि सानुगानां महात्मनाम् । भरतः सन्ददावाशु शत्रुघ्नसहितस्तदा ।। ७.९२.६ ।।

annapānāni vastrāṇi sānugānāṃ mahātmanām | bharataḥ sandadāv āśu śatrughnasahitas tadā || 7.92.6 ||

भरत ने शत्रुघ्न के साथ मिलकर उन महात्माओं और उनके अनुचरों को अन्न, जल और वस्त्र शीघ्र प्रदान किए।

श्लोक 7 (uttara.92.7)

वानराश्च महात्मानः सुग्रीवसहितास्तदा । विप्राणां प्रणताः सर्वे चक्रिरे परिवेषणम् ।। ७.९२.७ ।।

vānarāś ca mahātmānaḥ sugrīvasahitās tadā | viprāṇāṃ praṇatāḥ sarve cakrire pariveṣaṇam || 7.92.7 ||

महात्मा वानर भी, सुग्रीव के साथ, विनम्रतापूर्वक ब्राह्मणों की सेवा में भोजन परोसने लगे।

श्लोक 8 (uttara.92.8)

बिभीषणश्च रक्षोभिर्बहुभिः स्रग्विभिर्वृतः । ऋषीणामुग्रतपसां पूजां चक्रे महात्मनाम् ।। ७.९२.८ ।।

bibhīṣaṇaś ca rakṣobhir bahubhiḥ sragvibhir vṛtaḥ | ṛṣīṇām ugratapasāṃ pūjāṃ cakre mahātmanām || 7.92.8 ||

विभीषण भी, माला पहने अनेक राक्षसों से घिरे हुए, उग्र तपस्या करने वाले महात्मा ऋषियों की सेवा-पूजा करते रहे।

श्लोक 9 (uttara.92.9)

एवं सुविहितो यज्ञो हयमेधो ऽभ्यवर्तत । लक्ष्मणेनागुप्ता च हयचर्या प्रवर्तत । ईदृशं राजसिंहस्य यज्ञप्रवरमुत्तमम् ।। ७.९२.९ ।।

evaṃ suvihito yajño hayamedho 'bhyavartata | lakṣmaṇenāguptā ca hayacaryā pravartata | īdṛśaṃ rājasiṃhasya yajñapravaram uttamam || 7.92.9 ||

इस प्रकार सुव्यवस्थित रूप से अश्वमेध यज्ञ चलता रहा, और लक्ष्मण द्वारा सुरक्षित अश्व का भ्रमण भी चलता रहा -- इस प्रकार सिंह के समान उस राजा का यह उत्तम श्रेष्ठ यज्ञ आगे बढ़ता रहा।

श्लोक 10 (uttara.92.10)

नान्यः शब्दो ऽभवत्तत्र हयमेधे महात्मनः । छन्दतो देहि विस्रब्धो यावत्तुष्यन्ति याचकाः ।। ७.९२.१० ।।

nānyaḥ śabdo 'bhavat tatra hayamedhe mahātmanaḥ | chandato dehi visrabdho yāvat tuṣyanti yācakāḥ || 7.92.10 ||

उस महात्मा के अश्वमेध-यज्ञ में और कोई शब्द सुनाई नहीं देता था, केवल यही -- "निर्भय होकर इच्छानुसार दो, जब तक याचक संतुष्ट न हो जाएँ।"

श्लोक 11 (uttara.92.11)

तावत्सर्वाणि दत्तानि क्रतुमध्ये महात्मनः । विविधानि च गौडानि खाण्डवानि तथैव च ।। ७.९२.११ ।।

tāvat sarvāṇi dattāni kratumadhye mahātmanaḥ | vividhāni ca gauḍāni khāṇḍavāni tathaiva ca || 7.92.11 ||

उस महात्मा के यज्ञ के मध्य वे सब वस्तुएँ दी जाती रहीं, तथा विविध प्रकार की गुड़ की और खांड की मिठाइयाँ भी।

श्लोक 12 (uttara.92.12)

न निस्सृतं भतत्योष्ठाद्वचनं यावदर्थिनाम् । तावद्वानररक्षोभिर्दत्तमेवाभ्यदृश्यत ।। ७.९२.१२ ।।

na nissṛtaṃ bhavaty oṣṭhād vacanaṃ yāvad arthinām | tāvad vānararakṣobhir dattam evābhyadṛśyata || 7.92.12 ||

याचकों के होठों से माँग का वचन निकलने से पहले ही, वानरों और राक्षसों द्वारा वह वस्तु दी हुई दिखाई देती थी।

श्लोक 13 (uttara.92.13)

न कश्चिन्मलिनस्तत्र दीनो वा ऽप्यथ कृर्शतः । तस्मिन्यज्ञवरे राज्ञो हृष्टपुष्टजनावृते ।। ७.९२.१३ ।।

na kaścin malinas tatra dīno vāpy atha kṛśataḥ | tasmin yajñavare rājño hṛṣṭapuṣṭajanāvṛte || 7.92.13 ||

उस राजा के श्रेष्ठ यज्ञ में, जो प्रसन्न और तृप्त लोगों से भरा हुआ था, वहाँ कोई भी मलिन, दीन अथवा दुर्बल नहीं था।

श्लोक 14 (uttara.92.14)

ये च तत्र महात्मानो मुनयश्चिरजीविनः । नास्मरंस्तादृशं यज्ञं नाप्यासीत् स कदाचन ।। ७.९२.१४ ।।

ye ca tatra mahātmāno munayaś cirajīvinaḥ | nāsmaraṃs tādṛśaṃ yajñaṃ nāpy āsīt sa kadācana || 7.92.14 ||

वहाँ जो दीर्घजीवी महात्मा मुनि थे, उन्हें भी ऐसा यज्ञ स्मरण नहीं था, और न ही ऐसा यज्ञ कभी हुआ था।

श्लोक 15 (uttara.92.15)

यः कृत्यवान्सुवर्णेन सुवर्णं लभते स्म सः । वित्तार्थी लभते वित्तं रत्नार्थी रत्नमेव च ।। ७.९२.१५ ।।

yaḥ kṛtyavān suvarṇena suvarṇaṃ labhate sma saḥ | vittārthī labhate vittaṃ ratnārthī ratnam eva ca || 7.92.15 ||

जिसे स्वर्ण की आवश्यकता थी, उसे स्वर्ण मिलता था; धन का इच्छुक धन पाता था, और रत्न चाहने वाला रत्न ही पाता था।

श्लोक 16 (uttara.92.16)

रजतानां सुवर्णानामश्मनामथ वाससाम् । अनिशं दीयमानानां राशिः समुपदृश्यते ।। ७.९२.१६ ।।

rajatānāṃ suvarṇānām aśmanām atha vāsasām | aniśaṃ dīyamānānāṃ rāśiḥ samupadṛśyate || 7.92.16 ||

चाँदी, सोने, रत्नों और वस्त्रों के, निरंतर दिए जाते हुए ढेर वहाँ दिखाई देते थे।

श्लोक 17 (uttara.92.17)

न शक्रस्य धनेशस्य यमस्य वरुणस्य वा । ईदृशो दृष्टपूर्वो न एवमूचुस्तपोधनाः ।। ७.९२.१७ ।।

na śakrasya dhaneśasya yamasya varuṇasya vā | īdṛśo dṛṣṭapūrvo na evam ūcus tapodhanāḥ || 7.92.17 ||

"न इंद्र का, न कुबेर का, न यम का और न वरुण का -- ऐसा यज्ञ पहले कभी नहीं देखा गया" -- ऐसा तपोधन मुनियों ने कहा।

श्लोक 18 (uttara.92.18)

सर्वत्र वानरास्तस्थुः सर्वत्रैव च राक्षसाः । वासोधनान्नमर्थिभ्यः पूर्णहस्ता ददुर्भृशम् ।। ७.९२.१८ ।।

sarvatra vānarās tasthuḥ sarvatraiva ca rākṣasāḥ | vāsodhanānnam arthibhyaḥ pūrṇahastā dadur bhṛśam || 7.92.18 ||

सब ओर वानर और सब ओर राक्षस खड़े रहते थे, और भरे हुए हाथों से याचकों को वस्त्र, धन और अन्न प्रचुर मात्रा में देते थे।

श्लोक 19 (uttara.92.19)

ईदृशो राजसिंहस्य यज्ञः सर्वगुणान्वितः । संवत्सरमथो साग्रं वर्तते न च हीयते ।। ७.९२.१९ ।।

īdṛśo rājasiṃhasya yajñaḥ sarvaguṇānvitaḥ | saṃvatsaram atho sāgraṃ vartate na ca hīyate || 7.92.19 ||

इस प्रकार सिंह के समान उस राजा का सर्वगुणसंपन्न यज्ञ एक वर्ष से भी अधिक समय तक चलता रहा और कभी घटता नहीं था।