वाल्मीकि का शिष्यद्वय को गान-निर्देश

श्लोक 1 (uttara.93.1)

वर्तमाने तथाभूते यज्ञे च परमाद्भुते । सशिष्य आजगामाशु वाल्मीकिर्मुनिपुङ्गवः ।। ७.९३.१ ।।

vartamāne tathābhūte yajñe ca paramādbhute | saśiṣya ājagāmāśu vālmīkir munipuṅgavaḥ || 7.93.1 ||

उस प्रकार के परम अद्भुत यज्ञ के चलते हुए, मुनिश्रेष्ठ वाल्मीकि अपने शिष्यों सहित शीघ्र वहाँ आए।

श्लोक 2 (uttara.93.2)

स दृष्ट्वा दिव्यसङ्काशं यज्ञमद्भुतदर्शनम् । एकान्ते ऋषिवाटानां चकार उटजाञ्छुभान् ।। ७.९३.२ ।।

sa dṛṣṭvā divyasaṅkāśaṃ yajñam adbhutadarśanam | ekānte ṛṣivāṭānāṃ cakāra uṭajāñ śubhān || 7.93.2 ||

उस दिव्य तेज से युक्त, अद्भुत दर्शनयुक्त यज्ञ को देखकर, उन्होंने ऋषियों के शिविरों के एक कोने में शुभ कुटियाँ बनवाईं।

श्लोक 3 (uttara.93.3)

शकटांश्च बहून्पूर्णान्फलमूलैश्च शोभनान् । वाल्मीकिवाटे रुचिरे स्थापयन्नविदूरतः ।। ७.९३.३ ।।

śakaṭāṃś ca bahūn pūrṇān phalamūlaiś ca śobhanān | vālmīkivāṭe rucire sthāpayann avidūrataḥ || 7.93.3 ||

और बहुत-सी सुंदर गाड़ियाँ, फल-मूलों से भरी हुई, वाल्मीकि के मनोहर शिविर के निकट ही रखवाईं।

श्लोक 4 (uttara.93.4)

आसीत्सुपूजितो राज्ञा मुनिभिश्च महात्मभिः । वाल्मीकिः सुमहातेजा न्यवसत्परमात्मवान् ।। ७.९३.४ ।।

āsīt supūjito rājñā munibhiś ca mahātmabhiḥ | vālmīkiḥ sumahātejā nyavasat paramātmavān || 7.93.4 ||

राजा और अन्य महात्मा मुनियों द्वारा भलीभाँति सम्मानित, वह परम आत्मवान्, महातेजस्वी वाल्मीकि वहाँ ठहरे।

श्लोक 5 (uttara.93.5)

स शिष्यावब्रवीद्धृष्टौ युवां गत्वा समाहितौ । कृत्स्नं रामायणं काव्यं गायेथां परया मुदा ।। ७.९३.५ ।।

sa śiṣyāv abravīd dhṛṣṭau yuvāṃ gatvā samāhitau | kṛtsnaṃ rāmāyaṇaṃ kāvyaṃ gāyethāṃ parayā mudā || 7.93.5 ||

उन्होंने प्रसन्नचित्त दोनों शिष्यों से कहा: "तुम दोनों जाकर, एकाग्रचित्त होकर, परम आनंद के साथ संपूर्ण रामायण काव्य गाओ।"

श्लोक 6 (uttara.93.6)

ऋषिवाटेषु पुण्येषु ब्राह्मणावसथेषु च । रथ्यासु राजमार्गेषु पार्थिवानां गृहेषु च ।। ७.९३.६ ।।

ṛṣivāṭeṣu puṇyeṣu brāhmaṇāvasatheṣu ca | rathyāsu rājamārgeṣu pārthivānāṃ gṛheṣu ca || 7.93.6 ||

"पवित्र ऋषि-शिविरों में, ब्राह्मणों के निवासों में, गलियों में, राजमार्गों में, और राजाओं के घरों में --"

श्लोक 7 (uttara.93.7)

रामस्य भवनद्वारि यत्र कर्म च कुर्वते । ऋत्विजामग्रतश्चैव तत्र गेयं विशेषतः ।। ७.९३.७ ।।

rāmasya bhavanadvāri yatra karma ca kurvate | ṛtvijām agrataś caiva tatra geyaṃ viśeṣataḥ || 7.93.7 ||

"राम के भवन के द्वार पर, जहाँ यज्ञ-कर्म किया जा रहा हो, तथा ऋत्विजों के समक्ष भी -- वहाँ विशेष रूप से गाना है।"

श्लोक 8 (uttara.93.8)

इमानि च फलान्यत्र स्वादूनि विविधानि च । जातानि पर्वताग्रेषु चास्वाद्यास्वाद्य गायताम् ।। ७.९३.८ ।।

imāni ca phalāny atra svādūni vividhāni ca | jātāni parvatāgreṣu cāsvādyāsvādya gāyatām || 7.93.8 ||

"और यहाँ ये जो विविध प्रकार के मीठे फल हैं, पर्वत-शिखरों पर उगे हुए, उन्हें बार-बार चखते हुए तुम दोनों गाओ।"

श्लोक 9 (uttara.93.9)

न यास्यथः श्रमं वत्सौ भक्षयित्वा फलानि वै । मूलानि च सुमृष्टानि नगराद्बहिरास्यथः ।। ७.९३.९ ।।

na yāsyathaḥ śramaṃ vatsau bhakṣayitvā phalāni vai | mūlāni ca sumṛṣṭāni nagarād bahir āsyathaḥ || 7.93.9 ||

"फलों और स्वादिष्ट मूलों को खाकर तुम दोनों को, हे बालको, कोई थकान नहीं होगी; नगर के बाहर ही रहना।"

श्लोक 10 (uttara.93.10)

यदि शब्दापयेद्रामः श्रवणाय महीपतिः । ऋषीणामुपविष्टानां ततो गेयं प्रवर्तताम् ।। ७.९३.१० ।।

yadi śabdāpayed rāmaḥ śravaṇāya mahīpatiḥ | ṛṣīṇām upaviṣṭānāṃ tato geyaṃ pravartatām || 7.93.10 ||

"यदि राजा राम, बैठे हुए ऋषियों के समक्ष सुनने के लिए तुम्हें बुलवाएँ, तो वहाँ गान आरंभ करना।"

श्लोक 11 (uttara.93.11)

दिवसे विंशतिः सर्गा गेया मधुरया गिरा । प्रमाणैर्बहुभिस्तत्र यथोद्दिष्टा मया पुरा ।। ७.९३.११ ।।

divase viṃśatiḥ sargā geyā madhurayā girā | pramāṇair bahubhis tatra yathoddiṣṭā mayā purā || 7.93.11 ||

"एक दिन में बीस सर्ग, मधुर स्वर में, विविध छंदों के साथ गाने हैं, जैसा मैंने पहले तुम्हें बताया है।"

श्लोक 12 (uttara.93.12)

लोभश्चापि न कर्तव्यः स्वल्पो ऽपि धनकाङ्क्षया । किं धनेनाश्रमस्थानां फलमूलोपजीविना ।। ७.९३.१२ ।।

lobhaś cāpi na kartavyaḥ svalpo 'pi dhanakāṅkṣayā | kiṃ dhanenāśramasthānāṃ phalamūlopajīvinā || 7.93.12 ||

"धन की इच्छा से थोड़ा-सा भी लोभ नहीं करना चाहिए; आश्रम में रहने वाले, फल-मूल पर जीवन बिताने वालों को धन से क्या प्रयोजन?"

श्लोक 13 (uttara.93.13)

यदि पृच्छेत्स काकुत्स्थो युवां कस्येति दारकौ । आवां वाल्मीकिशिष्यौ स्वो ब्रूतमेवं नराधिपम् ।। ७.९३.१३ ।।

yadi pṛcchet sa kākutstho yuvāṃ kasyeti dārakau | āvāṃ vālmīkiśiṣyau sva brūtam evaṃ narādhipam || 7.93.13 ||

"यदि वह काकुत्स्थ (राम) पूछे, 'तुम दोनों बालक किसके हो?' तो राजा से यही कहना: 'हम दोनों वाल्मीकि के अपने शिष्य हैं।'"

श्लोक 14 (uttara.93.14)

इमास्तन्त्रीः सुमधुराः स्थानं वा ऽपूर्वदर्शनम् । मूर्च्छयित्वा सुमधुरं गायतां विगतज्वरौ ।। ७.९३.१४ ।।

imās tantrīḥ sumadhurāḥ sthānaṃ vāpūrvadarśanam | mūrchayitvā sumadhuraṃ gāyatāṃ vigatajvarau || 7.93.14 ||

"इन मधुर वीणा-तारों को, अथवा अभूतपूर्व स्वर-स्थान को, भलीभाँति संयोजित करके, निश्चिन्त होकर तुम दोनों अत्यंत मधुर गान करना।"

श्लोक 15 (uttara.93.15)

आदिप्रभृति गेयं स्यान्न चावज्ञाय पार्थिवम् । पिता हि सर्वभूतानां राजा भविति धर्मतः ।। ७.९३.१५ ।।

ādiprabhṛti geyaṃ syān na cāvajñāya pārthivam | pitā hi sarvabhūtānāṃ rājā bhavati dharmataḥ || 7.93.15 ||

"गान आरंभ से ही किया जाना चाहिए, और राजा का अनादर कभी नहीं करना, क्योंकि राजा धर्म से समस्त प्राणियों का पिता होता है।"

श्लोक 16 (uttara.93.16)

तद्युवां हृष्टमनसौ श्वः प्रभाते समास्थितौ । गायेथां मधुरं गेयं तन्त्रीलयसमन्वितम् ।। ७.९३.१६ ।।

tad yuvāṃ hṛṣṭamanasau śvaḥ prabhāte samāsthitau | gāyethāṃ madhuraṃ geyaṃ tantrīlayasamanvitam || 7.93.16 ||

"इसलिए तुम दोनों, प्रसन्नचित्त होकर, कल प्रातःकाल स्थिर होकर, वीणा की लय से युक्त मधुर गान गाना।"

श्लोक 17 (uttara.93.17)

इति सन्दिश्य बहुशो मुनिः प्राचेतसस्तदा । वाल्मीकिः परमोदारस्तूष्णीमासीन्महायशाः ।। ७.९३.१७ ।।

iti sandiśya bahuśo muniḥ prācetasas tadā | vālmīkiḥ paramodāras tūṣṇīm āsīn mahāyaśāḥ || 7.93.17 ||

इस प्रकार बार-बार निर्देश देकर, प्राचेतस-पुत्र मुनि, वह परम उदार और महायशस्वी वाल्मीकि, तब मौन हो गए।

श्लोक 18 (uttara.93.18)

सन्दिष्टौ मुनिना तेन तावुभौ मैथिलीसुतौ । तथैव करवावेति निर्जग्मतुररिन्दमौ ।। ७.९३.१८ ।।

sandiṣṭau muninā tena tāv ubhau maithilīsutau | tathaiva karavāv eti nirjagmatur arindamau || 7.93.18 ||

उस मुनि द्वारा इस प्रकार निर्देशित, वे दोनों मैथिली (सीता) के पुत्र -- "हम वैसा ही करेंगे" कहकर -- वे शत्रुदमन दोनों वहाँ से चले गए।

श्लोक 19 (uttara.93.19)

तामद्भुतां तौ हृदये कुमारौ निवेश्य वाणीमृषिभाषितां तदा । समुत्सुकौ तौ सममूषतुर्निशां यथा ऽश्विनौ भार्गवनीतिसंहिताम् ।। ७.९३.१९ ।।

tām adbhutāṃ tau hṛdaye kumārau niveśya vāṇīm ṛṣibhāṣitāṃ tadā | samutsukau tau sam ūṣatur niśāṃ yathāśvinau bhārgavanītisaṃhitām || 7.93.19 ||

उन दोनों कुमारों ने ऋषि द्वारा कहे गए उस अद्भुत वचन को हृदय में धारण करके, अत्यंत उत्सुक होकर उस रात्रि को साथ-साथ बिताया, जैसे अश्विनीकुमार भृगु की नीति से युक्त वाणी को धारण करते हैं।