कुश-लव का गान

श्लोक 1 (uttara.94.1)

तौ रजन्यां प्रभातायां स्नातौ हुतहुताशनौ । यथोक्तमृषिणा पूर्वं सर्वं तत्रोपगायताम् ।। ७.९४.१ ।।

tau rajanyāṃ prabhātāyāṃ snātau hutahutāśanau | yathoktam ṛṣiṇā pūrvaṃ sarvaṃ tatropagāyatām || 7.94.1 ||

रात्रि के प्रभात होने पर, स्नान करके और अग्नि में हवन करके, उन दोनों ने वहाँ, ऋषि द्वारा पहले बताए अनुसार, संपूर्ण गान आरंभ किया।

श्लोक 2 (uttara.94.2)

तां स शुश्राव काकुत्स्थः पूर्वाचार्यविजिर्मिताम् । अपूर्वां पाठ्यजातिं च गेयेन समलङ्कृताम् ।। ७.९४.२ ।।

tāṃ sa śuśrāva kākutsthaḥ pūrvācāryavinirmitām | apūrvāṃ pāṭhyajātiṃ ca geyena samalaṅkṛtām || 7.94.2 ||

काकुत्स्थ (राम) ने उस अपूर्व काव्य-शैली को, जो प्राचीन आचार्य (वाल्मीकि) द्वारा रची गई थी और गान से अलंकृत थी, सुना।

श्लोक 3 (uttara.94.3)

प्रमाणैर्बहुभिर्बद्धां तन्त्रीलयसमन्विताम् । बालाभ्यां राघवः श्रुत्वा कौतूहलपरो ऽभवत् ।। ७.९४.३ ।।

pramāṇair bahubhir baddhāṃ tantrīlayasamanvitām | bālābhyāṃ rāghavaḥ śrutvā kautūhalaparo 'bhavat || 7.94.3 ||

विविध छंदों से बंधी हुई, वीणा की लय से युक्त उस गान को दोनों बालकों से सुनकर, राघव अत्यंत कुतूहलपूर्ण हो गए।

श्लोक 4 (uttara.94.4)

अथ कर्मान्तरे राजा समाहूय महामुनीन् । पार्थिवांश्च नरव्याघ्रः पण्डितान्नैगमांस्तथा ।। ७.९४.४ ।।

atha karmāntare rājā samāhūya mahāmunīn | pārthivāṃś ca naravyāghraḥ paṇḍitān naigamāṃs tathā || 7.94.4 ||

फिर यज्ञ-कर्म के बीच अवकाश में, नरव्याघ्र राजा राम ने महामुनियों, राजाओं, पंडितों और नगर के प्रमुखों को बुलवाया।

श्लोक 5 (uttara.94.5)

पौराणिकाञ्छब्दविदो ये च वृद्धा द्विजातयः । स्वराणां लक्षणज्ञांश्च उत्सुकान्द्विजसत्तमान् ।। ७.९४.५ ।।

paurāṇikāñ śabdavido ye ca vṛddhā dvijātayaḥ | svarāṇāṃ lakṣaṇajñāṃś ca utsukān dvijasattamān || 7.94.5 ||

तथा पुराणों के ज्ञाता, व्याकरण-शास्त्र में निपुण वृद्ध ब्राह्मणों को, स्वरों के लक्षण जानने वालों को, और उत्सुक श्रेष्ठ ब्राह्मणों को भी।

श्लोक 6 (uttara.94.6)

लक्षणज्ञांश्च गान्धर्वान्नैगमांश्च विशेषतः । पादाक्षरसमासज्ञांश्छन्दःसु परिनिष्ठितान् ।। ७.९४.६ ।।

lakṣaṇajñāṃś ca gāndharvān naigamāṃś ca viśeṣataḥ | pādākṣarasamāsajñāṃś chandaḥsu pariniṣṭhitān || 7.94.6 ||

संगीतशास्त्र के जानकारों को, विशेष रूप से नगर के प्रमुखों को, पद, अक्षर और समास के ज्ञाताओं को, तथा छंदशास्त्र में पारंगत जनों को भी।

श्लोक 7 (uttara.94.7)

कलामात्राविशेषज्ञाञ्ज्योतिषे च परं गतान् । क्रियाकल्पविदश्चैव तथा कार्यविदो जनान् ।। ७.९४.७ ।।

kalāmātrāviśeṣajñāñ jyotiṣe ca paraṃ gatān | kriyākalpavidaś caiva tathā kāryavido janān || 7.94.7 ||

कला और मात्रा के विशेष ज्ञाताओं को, ज्योतिष-शास्त्र में पारंगत जनों को, कर्मकांड के विधि-ज्ञाताओं को, और कार्य-कुशल जनों को भी।

श्लोक 8 (uttara.94.8)

भाषाज्ञानिङ्गितज्ञांश्च नैगमांश्चाप्यशेषतः । हेतूपचारकुशलान् वचने चापि हैतुकान् ।। ७.९४.८ ।।

bhāṣājñān iṅgitajñāṃś ca naigamāṃś cāpy aśeṣataḥ | hetūpacārakuśalān vacane cāpi haitukān || 7.94.8 ||

भाषा के ज्ञाताओं को, संकेतों के ज्ञाताओं को, और समस्त नगर के प्रमुखों को भी, हेतु और उपचार में कुशल जनों को, तथा तर्कशास्त्र में निपुण जनों को भी।

श्लोक 9 (uttara.94.9)

छन्दोविदः पुराणज्ञान्वैदिकान्द्विजसत्तमान् । चित्रज्ञान्वृत्तसूत्रज्ञान्गीतनृत्यविशारदान् ।। ७.९४.९ ।।

chandovidaḥ purāṇajñān vaidikān dvijasattamān | citrajñān vṛttasūtrajñān gītanṛtyaviśāradān || 7.94.9 ||

छंदशास्त्र के ज्ञाताओं को, पुराणों के ज्ञाताओं को, वेद के ज्ञाता श्रेष्ठ ब्राह्मणों को, चित्रकला के ज्ञाताओं को, छंद-सूत्र के ज्ञाताओं को, तथा गीत और नृत्य में निपुण जनों को भी।

श्लोक 10 (uttara.94.10)

शास्त्रज्ञान्नीतिनिपुणान्वेदान्तार्थप्रबोधकान् । एतान्सर्वान्समानीय गातारौ समवेशयत् ।। ७.९४.१० ।।

śāstrajñān nītinipuṇān vedāntārthaprabodhakān | etān sarvān samānīya gātārau samaveśayat || 7.94.10 ||

शास्त्रों के ज्ञाताओं को, नीति में निपुण जनों को, और वेदांत के अर्थ के प्रबोधकों को भी -- इन सबको बुलाकर, राम ने उन दोनों गायकों को उनके समक्ष बिठाया।

श्लोक 11 (uttara.94.11)

दृष्ट्वा मुनिगणाः सर्वे पार्थिवाश्च महौजसः । पिबन्त इव चक्षुर्भ्यां राजानं गायकौ च तौ ।। ७.९४.११ ।।

dṛṣṭvā munigaṇāḥ sarve pārthivāś ca mahaujasaḥ | pibanta iva cakṣurbhyāṃ rājānaṃ gāyakau ca tau || 7.94.11 ||

सभी मुनिगण और महातेजस्वी राजा लोग, राजा (राम) और उन दोनों गायकों को देखकर, मानो नेत्रों से उन्हें पी रहे थे।

श्लोक 12 (uttara.94.12)

ऊचुः परस्परं चेदं सर्व एव समन्ततः । उभौ रामस्य सदृशौ बिम्बाद्बिम्बमिवोत्थितौ ।। ७.९४.१२ ।।

ūcuḥ parasparaṃ cedaṃ sarva eva samantataḥ | ubhau rāmasya sadṛśau bimbād bimbam ivotthitau || 7.94.12 ||

वे सब एक-दूसरे से यह कहने लगे: "ये दोनों राम के समान हैं, मानो एक ही प्रतिबिंब से दूसरा प्रतिबिंब उठा हो।"

श्लोक 13 (uttara.94.13)

जटिलौ यदि न स्यातां न वल्कलधरौ यदि । विशेषं नाधिगच्छामो गायतो राघवस्य च ।। ७.९४.१३ ।।

jaṭilau yadi na syātāṃ na valkaladharau yadi | viśeṣaṃ nādhigacchāmo gāyato rāghavasya ca || 7.94.13 ||

"यदि इनकी जटाएँ न होतीं और ये वल्कल वस्त्र धारण न किए होते, तो हम गाने वाले इन दोनों में और राघव में कोई अंतर न पाते।"

श्लोक 14 (uttara.94.14)

तेषां संवदतामेवं श्रोतऽणां हर्षवर्धनम् । गेयं प्रचक्रतुस्तत्र तावुभौ मुनिदारकौ ।। ७.९४.१४ ।।

teṣāṃ saṃvadatām evaṃ śrotṝṇāṃ harṣavardhanam | geyaṃ pracakratus tatra tāv ubhau munidārakau || 7.94.14 ||

इस प्रकार आपस में बातें करते हुए श्रोताओं के हर्ष को बढ़ाने वाला गान उन दोनों मुनि-बालकों ने वहाँ आरंभ किया।

श्लोक 15 (uttara.94.15)

ततः प्रवृत्तं मधुरं गान्धर्वमतिमानुषम् । न च तृप्तिं ययुः सर्वे श्रोतारो गानसम्पदा ।। ७.९४.१५ ।।

tataḥ pravṛttaṃ madhuraṃ gāndharvam atimānuṣam | na ca tṛptiṃ yayuḥ sarve śrotāro gānasampadā || 7.94.15 ||

तब वह मधुर, अलौकिक और अतिमानवीय गान-कला प्रवृत्त हुई, और सभी श्रोता उस गान-संपदा से तृप्त नहीं हो पाए।

श्लोक 16 (uttara.94.16)

प्रवृत्तमादितः पूर्वसर्गं नारददर्शितम् । ततः प्रभृति सर्गांश्च यावद्विंशत्यगायताम् ।। ७.९४.१६ ।।

pravṛttam āditaḥ pūrvasargaṃ nāradadarśitam | tataḥ prabhṛti sargāṃś ca yāvad viṃśaty agāyatām || 7.94.16 ||

आरंभ से ही उन्होंने वह पहला सर्ग गाया, जो नारद द्वारा दिखाया गया था, और उसके बाद बीस सर्गों तक वे गाते रहे।

श्लोक 17 (uttara.94.17)

ततो ऽपराह्णसमये राघवः समभाषत । श्रुत्वा विंशतिसर्गांस्तान्भ्रातरं भ्रातृवत्सलः ।। ७.९४.१७ ।।

tato 'parāhṇasamaye rāghavaḥ samabhāṣata | śrutvā viṃśatisargāṃs tān bhrātaraṃ bhrātṛvatsalaḥ || 7.94.17 ||

फिर अपराह्न के समय, उन बीस सर्गों को सुनकर, भाई पर स्नेह रखने वाले राघव ने अपने भाई से कहा।

श्लोक 18 (uttara.94.18)

अष्टादशसहस्राणि सुवर्णस्य महात्मनोः । प्रयच्छ शीघ्रं काकुत्स्थ यदन्यदभिकाङ्क्षितम् । ददौ शीघ्रं स काकुत्स्थो बालयोर्वै पृथक्पृथक् ।। ७.९४.१८ ।।

aṣṭādaśasahasrāṇi suvarṇasya mahātmanoḥ | prayaccha śīghraṃ kākutstha yad anyad abhikāṅkṣitam | dadau śīghraṃ sa kākutstho bālayor vai pṛthak pṛthak || 7.94.18 ||

"उन दोनों महात्माओं को अठारह हज़ार स्वर्ण-मुद्राएँ शीघ्र दो, हे काकुत्स्थ, और जो कुछ और अभीष्ट हो वह भी दो" -- और उस काकुत्स्थ ने शीघ्र ही दोनों बालकों को अलग-अलग वह धन दिया।

श्लोक 19 (uttara.94.19)

दीयमानं सुवर्णं तु नागृह्णीतां कुशीलवौ । ऊचतुश्च महात्मानौ किमनेनेति विस्मितौ ।। ७.९४.१९ ।।

dīyamānaṃ suvarṇaṃ tu nāgṛhṇītāṃ kuśīlavau | ūcatuś ca mahātmānau kim aneneti vismitau || 7.94.19 ||

परंतु दिए जाते हुए उस स्वर्ण को कुश और लव ने नहीं लिया, और आश्चर्यचकित होकर उन दोनों महात्माओं ने कहा: "इससे हमें क्या प्रयोजन?"

श्लोक 20 (uttara.94.20)

वन्येन फलमूलेन निरतौ वनवासिनौ । सुवर्णेन हिरण्येन किं करिष्यावहे वने ।। ७.९४.२० ।।

vanyena phalamūlena niratau vanavāsinau | suvarṇena hiraṇyena kiṃ kariṣyāvahe vane || 7.94.20 ||

"वन में उगे फल-मूलों में ही रत, वन में रहने वाले हम दोनों, वन में स्वर्ण और चाँदी से क्या करेंगे?"

श्लोक 21 (uttara.94.21)

तथा तयोः प्रब्रुवतोः कौतूहलसमन्विताः । श्रोतारश्चैव रामश्च सर्व एव सुविस्मिताः ।। ७.९४.२१ ।।

tathā tayoḥ prabruvatoḥ kautūhalasamanvitāḥ | śrotāraś caiva rāmaś ca sarva eva suvismitāḥ || 7.94.21 ||

उन दोनों के इस प्रकार कहने पर, सभी श्रोता और राम भी, कुतूहल से भरकर, अत्यंत विस्मित हो गए।

श्लोक 22 (uttara.94.22)

तस्य चैवागमं रामः काव्यस्य श्रोतुमुत्सुकः । पप्रच्छ तौ महातेजास्तावुभौ मुनिदारकौ ।। ७.९४.२२ ।।

tasya caivāgamaṃ rāmaḥ kāvyasya śrotum utsukaḥ | papraccha tau mahātejās tāv ubhau munidārakau || 7.94.22 ||

उस काव्य की उत्पत्ति सुनने के लिए उत्सुक होकर, महातेजस्वी राम ने उन दोनों मुनि-बालकों से पूछा।

श्लोक 23 (uttara.94.23)

किम्प्रमाणमिदं काव्यं का प्रतिष्ठा महात्मनः । कर्ता काव्यस्य महतः क्व चासौ मुनिपुङ्गवः ।। ७.९४.२३ ।।

kimpramāṇam idaṃ kāvyaṃ kā pratiṣṭhā mahātmanaḥ | kartā kāvyasya mahataḥ kva cāsau munipuṅgavaḥ || 7.94.23 ||

"इस काव्य का प्रमाण (विस्तार) कितना है? उस महात्मा की क्या प्रतिष्ठा है? इस महान काव्य के रचयिता वह मुनिश्रेष्ठ कहाँ हैं?"

श्लोक 24 (uttara.94.24)

पृच्छन्तं राघवं वाक्यमूचतुर्मुनिदारकौ ।। ७.९४.२४ ।।

pṛcchantaṃ rāghavaṃ vākyam ūcatur munidārakau || 7.94.24 ||

राघव के इस प्रश्न पर, उन दोनों मुनि-बालकों ने यह वचन कहा।

श्लोक 25 (uttara.94.25)

वाल्मीकिर्भगवान्कर्ता सम्प्राप्तो यज्ञसंविधम् । येनेदं चरितं तुभ्यमशेषं सम्प्रदर्शितम् ।। ७.९४.२५ ।।

vālmīkir bhagavān kartā samprāpto yajñasaṃvidham | yenedaṃ caritaṃ tubhyam aśeṣaṃ sampradarśitam || 7.94.25 ||

"भगवान वाल्मीकि ही इसके रचयिता हैं, जो इस यज्ञ-विधि में उपस्थित हैं, जिन्होंने आपका यह संपूर्ण चरित्र प्रकट किया है।"

श्लोक 26 (uttara.94.26)

सन्निबद्धं हि श्लोकानां चतुर्विशत्सहस्रकम् । उपाख्यानशतं चैव भार्गवेण तपस्विना ।। ७.९४.२६ ।।

sannibaddhaṃ hi ślokānāṃ caturviṃśatsahasrakam | upākhyānaśataṃ caiva bhārgaveṇa tapasvinā || 7.94.26 ||

"उस भार्गव (भृगुवंशी) तपस्वी वाल्मीकि ने चौबीस हज़ार श्लोक तथा सौ उपाख्यानों की रचना की है।"

श्लोक 27 (uttara.94.27)

आदिप्रभृति वै राजन्पञ्चसर्गशतानि च । काण्डानि षट् कृतानीह सोत्तराणि महात्मना । कृतानि गुरुणास्माकमृषिणा चरितं तव ।। ७.९४.२७ ।।

ādiprabhṛti vai rājan pañcasargaśatāni ca | kāṇḍāni ṣaṭ kṛtānīha sottarāṇi mahātmanā | kṛtāni guruṇāsmākam ṛṣiṇā caritaṃ tava || 7.94.27 ||

"हे राजन्! आरंभ से लेकर पाँच सौ सर्ग हैं; उस महात्मा ऋषि -- हमारे गुरु -- ने यहाँ छह काण्ड, उत्तरकाण्ड सहित, रचे हैं, जो आपका ही चरित्र है।"

श्लोक 28 (uttara.94.28)

प्रतिष्ठा ऽ ऽजीवितं यावत्तावत्सर्वस्य वर्तते ।। ७.९४.२८ ।।

pratiṣṭhā jīvitaṃ yāvat tāvat sarvasya vartate || 7.94.28 ||

"यह प्रतिष्ठा (कीर्ति) जब तक जीवन है, तब तक सबके लिए बनी रहेगी।"

श्लोक 29 (uttara.94.29)

यदि बुद्धिः कृता राजञ्छ्रवणाय महारथ । कर्मान्तरे क्षणीभूतस्तच्छृणुष्व सहानुजः ।। ७.९४.२९ ।।

yadi buddhiḥ kṛtā rājañ chravaṇāya mahāratha | karmāntare kṣaṇībhūtas tac chṛṇuṣva sahānujaḥ || 7.94.29 ||

"यदि आपका मन इसे सुनने के लिए तत्पर है, हे महारथी राजन्, तो यज्ञ-कर्म के इस अवकाश में, अपने अनुजों सहित, इसे सुनिए।"

श्लोक 30 (uttara.94.30)

बाढमित्यब्रवीद्रामस्तौ चानुज्ञाप्य राघवम् । प्रहृष्टौ जग्मतुः स्थानं यत्रास्ते मुनिपुङ्गवः ।। ७.९४.३० ।।

bāḍham ity abravīd rāmas tau cānujñāpya rāghavam | prahṛṣṭau jagmatuḥ sthānaṃ yatrāste munipuṅgavaḥ || 7.94.30 ||

"अवश्य" -- ऐसा राम ने कहा; और वे दोनों, राघव से अनुमति लेकर, प्रसन्न होकर उस स्थान पर गए जहाँ वह मुनिश्रेष्ठ (वाल्मीकि) निवास करते थे।

श्लोक 31 (uttara.94.31)

रामो ऽपि मुनिभिः सार्धं पार्थिवैश्च महात्मभिः । श्रुत्वा तद्गीतिमाधुर्यं कर्मशालामुपागमत् ।। ७.९४.३१ ।।

rāmo 'pi munibhiḥ sārdhaṃ pārthivaiś ca mahātmabhiḥ | śrutvā tad gītimādhuryaṃ karmaśālām upāgamat || 7.94.31 ||

राम भी, मुनियों और महात्मा राजाओं के साथ, उस गान की मधुरता को सुनकर, यज्ञशाला की ओर चले गए।

श्लोक 32 (uttara.94.32)

शुश्राव तत्ताललयोपपन्नं सर्गान्वितं स स्वरशब्दयुक्तम् । तन्त्रीलयव्यञ्जनयोगयुक्तं कुशीलवाभ्यां परिगीयमानम् ।। ७.९४.३२ ।।

śuśrāva tat tālalayopapannaṃ sargānvitaṃ sa svaraśabdayuktam | tantrīlayavyañjanayogayuktaṃ kuśīlavābhyāṃ parigīyamānam || 7.94.32 ||

उन्होंने वहाँ ताल और लय से युक्त, सर्गों से संपन्न, स्वर-ध्वनि से युक्त, वीणा की लय और अभिव्यंजना से संयुक्त, कुश और लव द्वारा गाए जाते हुए उस गान को सुना।