राम का शोक और ब्रह्मा का सांत्वन

श्लोक 1 (uttara.98.1)

रसातलं प्रविष्टायां वैदेह्यां सर्ववानराः । चुक्रुशुः साधु साध्वीति मुनयो रामसन्निधौ ।। ७.९८.१ ।।

rasātalaṃ praviṣṭāyāṃ vaidehyāṃ sarvavānarāḥ | cukruśuḥ sādhu sādhv iti munayo rāmasannidhau || 7.98.1 ||

वैदेही के रसातल में प्रवेश कर जाने पर, राम के समीप उपस्थित समस्त वानर और मुनि "साधु, साधु" पुकार उठे।

श्लोक 2 (uttara.98.2)

दण्डकाष्ठमवष्टभ्य बाष्पव्याकुलितेक्षणः । अवाक्छिरा दीनमना रामो ह्यासीत्सुदुःखितः ।। ७.९८.२ ।।

daṇḍakāṣṭham avaṣṭabhya bāṣpavyākulitekṣaṇaḥ | avākchirā dīnamanā rāmo hy āsīt suduḥkhitaḥ || 7.98.2 ||

दण्ड की लकड़ी का सहारा लेकर, अश्रुओं से व्याकुल नेत्रों वाले, सिर झुकाए, दीन मन वाले राम अत्यन्त दुःखित हो गए।

श्लोक 3 (uttara.98.3)

स रुदित्वा चिरं कालं बहुशो बाष्पमुत्सृजन् । क्रोधशोकसमाविष्टो रामो वचनमब्रवीत् ।। ७.९८.३ ।।

sa ruditvā ciraṃ kālaṃ bahuśo bāṣpam utsṛjan | krodhaśokasamāviṣṭo rāmo vacanam abravīt || 7.98.3 ||

बहुत देर तक रोकर, बार-बार अश्रु बहाते हुए, क्रोध और शोक से भरे राम ने यह वचन कहा।

श्लोक 4 (uttara.98.4)

अभूतपूर्वं शोकं मे मनः स्प्रष्टुमिवेच्छति । पश्यतो मे यथा नष्टा सीता श्रीरिव रूपिणी ।। ७.९८.४ ।।

abhūtapūrvaṃ śokaṃ me manaḥ spraṣṭum ivecchati | paśyato me yathā naṣṭā sītā śrīr iva rūpiṇī || 7.98.4 ||

"मेरा मन मानो एक अभूतपूर्व शोक को छू लेना चाहता है, क्योंकि मेरे देखते-देखते ही सीता, जो साक्षात् श्री के समान रूपवती थी, नष्ट हो गई।"

श्लोक 5 (uttara.98.5)

सा ऽदर्शनं पुरा सीता लङ्कापारे महोदधेः । ततश्चापि मयानीता किं पुनर्वसुधातलात् ।। ७.९८.५ ।।

sādarśanaṃ purā sītā laṅkāpāre mahodadheḥ | tataś cāpi mayānītā kiṃ punar vasudhātalāt || 7.98.5 ||

"पहले भी सीता महासागर के उस पार, लंका में, अदृश्य हुई थी, और तब भी मैं उसे वहाँ से ले आया था -- तो फिर पृथ्वीतल से क्यों नहीं ला सकता?"

श्लोक 6 (uttara.98.6)

वसुधे देवि भवति सीता निर्यात्यतां मम । दर्शयिष्यामि वा रोषं यथा मामवगच्छसि ।। ७.९८.६ ।।

vasudhe devi bhavati sītā niryātyatāṃ mama | darśayiṣyāmi vā roṣaṃ yathā mām avagacchasi || 7.98.6 ||

"हे वसुधे! हे देवि! मेरी सीता को लौटा दो, अन्यथा मैं अपना ऐसा क्रोध प्रकट करूँगा जैसा तुमने अब तक मुझे जाना ही नहीं।"

श्लोक 7 (uttara.98.7)

कामं श्वश्रूर्ममैव त्वं त्वत्सकाशाद्धि मैथिली । कर्षता हलहस्तेन जनकेनोद्धृता पुरा ।। ७.९८.७ ।।

kāmaṃ śvaśrūr mamaiva tvaṃ tvatsakāśād dhi maithilī | karṣatā halahastena janakenoddhṛtā purā || 7.98.7 ||

"मान लो कि तुम मेरी सास ही हो, क्योंकि मैथिली को पहले हल हाथ में लिए हुए जनक ने, तुम्हें ही जोतते हुए, तुम्हारे ही समीप से निकाला था।"

श्लोक 8 (uttara.98.8)

तस्मान्निर्यात्यतां सीता विवरं वा प्रयच्छ मे । पाताले नाकपृष्ठे वा वसेयं सहितस्तया ।। ७.९८.८ ।।

tasmān niryātyatāṃ sītā vivaraṃ vā prayaccha me | pātāle nākapṛṣṭhe vā vaseyaṃ sahitas tayā || 7.98.8 ||

"इसलिए सीता को लौटा दो, अथवा मुझे भी वह द्वार दे दो, जिससे मैं उसके साथ ही, चाहे पाताल में या स्वर्ग में, निवास करूँ।"

श्लोक 9 (uttara.98.9)

आनय त्वं हि तां सीतां मत्तो ऽहं मैथिलीकृते । न मे दास्यसि चेत्सीतां यथारूपां महीतले ।। ७.९८.९ ।।

ānaya tvaṃ hi tāṃ sītāṃ matto 'haṃ maithilīkṛte | na me dāsyasi cet sītāṃ yathārūpāṃ mahītale || 7.98.9 ||

"मैथिली के लिए मुझसे यही अपेक्षा रखो कि तुम उस सीता को ले आओ; यदि तुम मुझे सीता को उसी रूप में इस भूतल पर नहीं लौटाओगी,"

श्लोक 10 (uttara.98.10)

सपर्वतवनां कृत्स्नां विधमिष्यामि ते स्थितम् । नाशयिष्याम्यहं भूमिं सर्वमापो भवत्विह ।। ७.९८.१० ।।

saparvatavanāṃ kṛtsnāṃ vidhamiṣyāmi te sthitam | nāśayiṣyāmy ahaṃ bhūmiṃ sarvam āpo bhavatv iha || 7.98.10 ||

"तो मैं तुम्हारे इस समस्त स्थिर स्वरूप को, पर्वतों और वनों सहित, चूर्ण-विचूर्ण कर दूँगा; मैं इस पृथ्वी का नाश कर दूँगा, यहाँ सब कुछ जलमय हो जाए।"

श्लोक 11 (uttara.98.11)

एवं ब्रुवाणे काकुत्स्थे क्रोधशोकसमन्विते । ब्रह्मा सुरगणैः सार्धमुवाच रघुनन्दनम् ।। ७.९८.११ ।।

evaṃ bruvāṇe kākutsthe krodhaśokasamanvite | brahmā suragaṇaiḥ sārdham uvāca raghunandanam || 7.98.11 ||

जब काकुत्स्थ राम क्रोध और शोक से भरकर इस प्रकार बोल रहे थे, तब ब्रह्मा ने देवगणों के साथ रघुनन्दन से यह कहा।

श्लोक 12 (uttara.98.12)

राम राम न सन्तापं कर्तुमर्हसि सुव्रत । स्मर त्वं पूर्वकं भावं मन्त्रं चामित्रकर्शन ।। ७.९८.१२ ।।

rāma rāma na santāpaṃ kartum arhasi suvrata | smara tvaṃ pūrvakaṃ bhāvaṃ mantraṃ cāmitrakarśana || 7.98.12 ||

"हे राम, हे राम! हे सुव्रत! तुम्हें ऐसा संताप नहीं करना चाहिए। हे शत्रुसूदन! तुम अपने पूर्वकालिक स्वरूप का, और उस रहस्य का स्मरण करो।"

श्लोक 13 (uttara.98.13)

न खलु त्वां महाबाहो स्मारयेयमनुत्तमम् । इमं मुहूर्तं दुर्धर्ष स्मर त्वं जन्म वैष्णवम् ।। ७.९८.१३ ।।

na khalu tvāṃ mahābāho smārayeyam anuttamam | imaṃ muhūrtaṃ durdharṣa smara tvaṃ janma vaiṣṇavam || 7.98.13 ||

"हे महाबाहो! सचमुच मुझे तुम्हें यह अनुपम रहस्य इस क्षण याद दिलाना उचित नहीं था, फिर भी हे दुर्धर्ष! तुम अपने वैष्णव जन्म का स्मरण करो।"

श्लोक 14 (uttara.98.14)

सीता हि विमला साध्वी तव पूर्वपरायणा । नागलोकं सुखं प्रायात्त्वदाश्रयतपोबलात् ।। ७.९८.१४ ।।

sītā hi vimalā sādhvī tava pūrvaparāyaṇā | nāgalokaṃ sukhaṃ prāyāt tvadāśrayatapobalāt || 7.98.14 ||

"सीता, जो निर्मल और साध्वी है, सदैव तुम्हारी ही अनुरागिनी रही है; तुम्हारे आश्रय और तप के बल से वह सुखपूर्वक नागलोक को चली गई है।"

श्लोक 15 (uttara.98.15)

स्वर्गे ते सङ्गमो भूयो भविष्यति न संशयः । अस्यास्तु परिषन्मध्ये यद्ब्रवीमि निबोध तत् ।। ७.९८.१५ ।।

svarge te saṅgamo bhūyo bhaviṣyati na saṃśayaḥ | asyās tu pariṣanmadhye yad bravīmi nibodha tat || 7.98.15 ||

"स्वर्ग में तुम दोनों का पुनः मिलन होगा, इसमें संशय नहीं। अब इस सभा के मध्य मैं जो कुछ कहता हूँ, उसे ध्यान से सुनो।"

श्लोक 16 (uttara.98.16)

एतदेव हि काव्यं ते काव्यानामुत्तमं श्रुतम् । सर्वं विस्तरतो राम व्याख्यास्यति न संशयः ।। ७.९८.१६ ।।

etad eva hi kāvyaṃ te kāvyānām uttamaṃ śrutam | sarvaṃ vistarato rāma vyākhyāsyati na saṃśayaḥ || 7.98.16 ||

"यही तुम्हारा काव्य है, जो काव्यों में सर्वोत्तम माना गया है; हे राम! यह निःसंदेह सब कुछ विस्तार से वर्णन करेगा।"

श्लोक 17 (uttara.98.17)

जन्मप्रभृति ते वीर सुखदुःखोपसेवनम् । भविष्यदुत्तरं चेह सर्वं वाल्मीकिना कृतम् ।। ७.९८.१७ ।।

janmaprabhṛti te vīra sukhaduḥkhopasevanam | bhaviṣyad uttaraṃ ceha sarvaṃ vālmīkinā kṛtam || 7.98.17 ||

"हे वीर! तुम्हारे जन्म से लेकर अब तक भोगे गए सुख-दुःख का, और आगे होने वाले उत्तरकाण्ड का भी -- यह सब वाल्मीकि द्वारा रच दिया गया है।"

श्लोक 18 (uttara.98.18)

आदिकाव्यमिदं राम त्वयि सर्वं प्रतिष्ठितम् । नह्यन्यो ऽर्हति काव्यानां यशोभाग्राघवादृते ।। ७.९८.१८ ।।

ādikāvyam idaṃ rāma tvayi sarvaṃ pratiṣṭhitam | nahy anyo 'rhati kāvyānāṃ yaśobhāg rāghavād ṛte || 7.98.18 ||

"हे राम! यह आदिकाव्य सम्पूर्ण रूप से तुम में ही प्रतिष्ठित है; राघव के अतिरिक्त इस काव्य के यश का भागी और कोई नहीं हो सकता।"

श्लोक 19 (uttara.98.19)

श्रुतं ते पूर्वमेतद्धि मया सर्वं सुरैः सह । दिव्यमद्भुतरूपं च सत्यवाक्यमनावृतम् ।। ७.९८.१९ ।।

śrutaṃ te pūrvam etaddhi mayā sarvaṃ suraiḥ saha | divyam adbhutarūpaṃ ca satyavākyam anāvṛtam || 7.98.19 ||

"यह सब मैंने देवताओं के साथ पहले ही सुन लिया है -- वह दिव्य, अद्भुत रूप वाला, सत्य वचनों से भरा, बिना किसी आवरण के काव्य।"

श्लोक 20 (uttara.98.20)

स त्वं पुरुषशार्दूल धर्मेण सुसमाहितः । शेषं भविष्यं काकुत्स्थ काव्यं रामायणं शृणु ।। ७.९८.२० ।।

sa tvaṃ puruṣaśārdūla dharmeṇa susamāhitaḥ | śeṣaṃ bhaviṣyaṃ kākutstha kāvyaṃ rāmāyaṇaṃ śṛṇu || 7.98.20 ||

"अतः हे पुरुषश्रेष्ठ! तुम धर्म में सुस्थिर होकर, हे काकुत्स्थ! भविष्य में रामायण काव्य के शेष भाग को सुनो।"

श्लोक 21 (uttara.98.21)

उत्तरं नाम काव्यस्य शेषमत्र महायशः । तच्छृणुष्व महातेज ऋषिभिः सार्धमुत्तमम् ।। ७.९८.२१ ।।

uttaraṃ nāma kāvyasya śeṣam atra mahāyaśaḥ | tac chṛṇuṣva mahātejaḥ ṛṣibhiḥ sārdham uttamam || 7.98.21 ||

"इस काव्य के शेष भाग का नाम 'उत्तर' है, जो महान् यशस्वी है; हे महातेजस्वी! उसे ऋषियों के साथ, उस उत्तम भाग को, सुनो।"

श्लोक 22 (uttara.98.22)

न खल्वन्येन काकुत्स्थ श्रोतव्यमिदमुत्तमम् । परमम् ऋषिणा वीर त्वयैव रघुनन्दन ।। ७.९८.२२ ।।

na khalv anyena kākutstha śrotavyam idam uttamam | paramam ṛṣiṇā vīra tvayaiva raghunandana || 7.98.22 ||

"हे काकुत्स्थ! यह सर्वोत्तम और परम भाग किसी अन्य ऋषि को सुनने योग्य नहीं है, हे वीर रघुनन्दन! यह केवल तुम्हें ही सुनना है।"

श्लोक 23 (uttara.98.23)

एतावदुक्त्वा वचनं ब्रह्मा त्रिभुवनेश्वरः । जगाम त्रिदिवं देवो देवैः सह सबान्धवैः ।। ७.९८.२३ ।।

etāvad uktvā vacanaṃ brahmā tribhuvaneśvaraḥ | jagāma tridivaṃ devo devaiḥ saha sabāndhavaiḥ || 7.98.23 ||

इतना कहकर, त्रिभुवन के अधीश्वर देव ब्रह्मा अपने बन्धुजनों सहित देवताओं के साथ स्वर्गलोक को चले गए।

श्लोक 24 (uttara.98.24)

ये च तत्र महात्मान ऋषयो ब्राह्मलौकिकाः । ब्रह्मणा समनुज्ञाता न्यवर्तन्त महौजसः । उत्तरं श्रोतुमनसो भविष्यं यच्च राघवे ।। ७.९८.२४ ।।

ye ca tatra mahātmāna ṛṣayo brāhmalaukikāḥ | brahmaṇā samanujñātā nyavartanta mahaujasaḥ | uttaraṃ śrotumanaso bhaviṣyaṃ yac ca rāghave || 7.98.24 ||

और वहाँ उपस्थित ब्रह्मलोक के महात्मा ऋषिगण भी, ब्रह्मा से अनुमति पाकर, उत्तरकाण्ड को तथा राघव के भविष्य को सुनने की इच्छा से वहीं ठहर गए -- वे महातेजस्वी ऋषि।

श्लोक 25 (uttara.98.25)

ततो रामः शुभां वाणीं देवदेवस्य भाषिताम् । श्रुत्वा परमतेजस्वी वाल्मीकिमिदमब्रवीत् ।। ७.९८.२५ ।।

tato rāmaḥ śubhāṃ vāṇīṃ devadevasya bhāṣitām | śrutvā paramatejasvī vālmīkim idam abravīt || 7.98.25 ||

तब देवताओं के देव ब्रह्मा द्वारा कहे गए उस शुभ वचन को सुनकर, परम तेजस्वी राम ने वाल्मीकि से यह कहा।

श्लोक 26 (uttara.98.26)

भगवन् श्रोतुमनस ऋषयो ब्राह्मलौकिकाः । भविष्यदुत्तरं यन्मे श्वोभूते सम्प्रवर्तताम् ।। ७.९८.२६ ।।

bhagavan śrotumanasa ṛṣayo brāhmalaukikāḥ | bhaviṣyad uttaraṃ yan me śvobhūte sampravartatām || 7.98.26 ||

"हे भगवन्! ब्रह्मलोक के ऋषिगण सुनने के इच्छुक हैं; अतः मेरा वह भावी उत्तरकाण्ड कल प्रातःकाल आरम्भ किया जाए।"

श्लोक 27 (uttara.98.27)

एवं विनिश्चयं कृत्वा सम्प्रगृह्य कुशीलवौ । तं जनौघं विसृज्याथ पर्णशालामुपागमत् । तामेव शोचतः सीतां सा व्यतीयाय शर्वरी ।। ७.९८.२७ ।।

evaṃ viniścayaṃ kṛtvā sampragṛhya kuśīlavau | taṃ janaughaṃ visṛjyātha parṇaśālām upāgamat | tām eva śocataḥ sītāṃ sā vyatīyāya śarvarī || 7.98.27 ||

इस प्रकार निश्चय करके, कुश और लव को साथ लेकर, उस जनसमूह को विदा करके, राम अपनी पर्णशाला में गए; और सीता का ही शोक करते हुए उनकी वह रात्रि व्यतीत हो गई।