Drona's Pupils and Ekalavya's Thumb

Verse 1 (1.142.1)

प्रतिजग्राह तं भीष्मो गुरुं पाण्डुसुतैः सह । पौत्रानादाय तान्सर्वान्वसूनि विविधानि च ॥

pratijagrāha taṃ bhīṣmo guruṃ pāṇḍusutaiḥ saha | pautrānādāya tānsarvānvasūni vividhāni ca

Bhishma, together with the sons of Pandu, received him as their guru. Bringing all his grandsons, and wealth of many kinds,

Note on the text: Dropped the speaker heading वैशंपायन उवाच (with a stray backtick), which had slipped into the verse text; speaker set to Vaishampayana.

Verse 2 (1.142.2)

शिष्य इति ददौ राजन्द्रोणाय विधिपूर्वकम् । तदा द्रोणोऽब्रवीद्वाक्यं भीष्मं बुद्धिमतां वरम् ॥

śiṣya iti dadau rājandroṇāya vidhipūrvakam | tadā droṇo'bravīdvākyaṃ bhīṣmaṃ buddhimatāṃ varam

he gave them to Drona as his pupils with due rite, O king. Then Drona spoke to Bhishma, the foremost of the wise:

Note on the text: The first line = CE 1.122.40ab (which reads śiṣyā iti); the second line is not in the critical edition (found in the vulgate recension).

Verse 3 (1.142.3)

कृपस्तिष्ठति चाचार्यः शस्त्रज्ञः प्राज्ञसंमतः । मयि तिष्ठति चेद्विप्रो वैमनस्यं गमिष्यति ॥

kṛpastiṣṭhati cācāryaḥ śastrajñaḥ prājñasaṃmataḥ | mayi tiṣṭhati cedvipro vaimanasyaṃ gamiṣyati

"Kripa is already here as teacher, a master of weapons esteemed by the wise. If I stay, that brahmin will be aggrieved.

Note on the text: Not in the critical edition (found in the vulgate recension). Speaker set to Drona: these are his words, introduced in the previous verse; Wikisource prints no speaker line.

Verse 4 (1.142.4)

युष्मान्किंचिच्च याचित्वा धनं संगृह्य हर्षितः । स्वमाश्रमपदं राजन्गमिष्यामि यथागतम् ॥

yuṣmānkiṃcicca yācitvā dhanaṃ saṃgṛhya harṣitaḥ | svamāśramapadaṃ rājangamiṣyāmi yathāgatam

"I will ask something of you, gather some wealth, and gladly go back to my own hermitage, O king, just as I came."

Note on the text: Not in the critical edition (found in the vulgate recension). Speaker set to Drona.

Verse 5 (1.142.5)

एवमुक्ते तु विप्रेन्द्रं भीष्मः प्रहरतां वरः । अब्रवीद्द्रोणमाचार्यमुख्यं शस्त्रविदां वरम् ॥

evamukte tu viprendraṃ bhīṣmaḥ praharatāṃ varaḥ | abravīddroṇamācāryamukhyaṃ śastravidāṃ varam

When the foremost of brahmins had spoken thus, Bhishma, best of warriors, said to Drona, chief of teachers and best of those who know weapons:

Note on the text: Not in the critical edition (found in the vulgate recension).

Verse 6 (1.142.6)

कृपस्तिष्ठतु पूज्यश्च भर्तव्यश्च मया सदा । त्वं गुरुर्भव पौत्राणामाचार्यस्त्वं मतो मम । प्रतिगृह्णीष्व पुत्रांस्त्वमस्त्रज्ञान्कुरु वै सदा ॥

kṛpastiṣṭhatu pūjyaśca bhartavyaśca mayā sadā | tvaṃ gururbhava pautrāṇāmācāryastvaṃ mato mama | pratigṛhṇīṣva putrāṃstvamastrajñānkuru vai sadā

"Let Kripa stay; I shall always honour and support him. But you be the guru of my grandsons; I regard you as their teacher. Take the boys and make them masters of weapons for good."

Note on the text: Not in the critical edition (found in the vulgate recension). Speaker set to Bhishma: these are his words, introduced in the previous verse; Wikisource prints no speaker line. Removed stray wiki marks (a doubled danda and a closing quote mark) at the end.

Verse 7 (1.142.7)

ततः संपूजितो द्रोणो भीष्मेण द्विपदां वरः । विशश्राम महातेजाः पूजितः कुरुवेश्मनि ॥

tataḥ saṃpūjito droṇo bhīṣmeṇa dvipadāṃ varaḥ | viśaśrāma mahātejāḥ pūjitaḥ kuruveśmani

Honoured thus by Bhishma, Drona, best of men and of great splendour, rested in the house of the Kurus, held in honour there.

Note on the text: Not in the critical edition's text (it stands in its apparatus, 1.122.38*1379; found in the vulgate recension).

Verse 8 (1.142.8)

विश्रान्तेऽथ गुरौ तस्मिन्पौत्रानादाय कौरवान् । शिष्यत्वेन ददौ भीष्मो वसूनि विविधानि च ॥

viśrānte'tha gurau tasminpautrānādāya kauravān | śiṣyatvena dadau bhīṣmo vasūni vividhāni ca

When the guru had rested, Bhishma brought his grandsons, the Kauravas, and gave them to him as pupils, together with wealth of many kinds.

Note on the text: Not in the critical edition's text (it stands in its apparatus, 1.122.38*1379; found in the vulgate recension).

Verse 9 (1.142.9)

गृहं च सुपरिच्छन्नं धनधान्यसमाकुलम् । भारद्वाजाय सुप्रीतः प्रत्यपादयत प्रभुः ॥

gṛhaṃ ca suparicchannaṃ dhanadhānyasamākulam | bhāradvājāya suprītaḥ pratyapādayata prabhuḥ

Well pleased, the lord also presented the son of Bharadvaja with a well-appointed house, full of riches and grain.

Note on the text: Not in the critical edition's text (it stands in its apparatus, 1.122.38*1379; found in the vulgate recension).

Verse 10 (1.142.10)

स ताञ्शिष्यान्महेष्वासः प्रतिजग्राह कौरवान् । पाण्डवान्धार्तराष्ट्रांश्च द्रोणो मुदितमानसः ॥

sa tāñśiṣyānmaheṣvāsaḥ pratijagrāha kauravān | pāṇḍavāndhārtarāṣṭrāṃśca droṇo muditamānasaḥ

With a glad heart Drona, the great bowman, accepted those Kuru pupils, the Pandavas and the sons of Dhritarashtra.

Note on the text: The first line = CE 1.122.40cd (which reads sa ca śiṣyān); the second line is not in the critical edition's text (it stands in its apparatus, 1.122.40*1380; found in the vulgate recension).

Verse 11 (1.142.11)

प्रतिगृह्य च तान्सर्वान्द्रोणो वचनमब्रवीत् । रहस्येकः प्रतीतात्मा कृतोपसदनांस्तथा ॥

pratigṛhya ca tānsarvāndroṇo vacanamabravīt | rahasyekaḥ pratītātmā kṛtopasadanāṃstathā

Having accepted them all, when they had come to him and paid their respects, Drona, sure of himself, took them aside alone and said:

Verse 12 (1.142.12)

कार्यं मे काङ्क्षितं किंचिद्धृदि संपरिवर्तते । कृतास्त्रैस्तत्प्रदेयं मे तदेतद्वदतानघाः ॥

kāryaṃ me kāṅkṣitaṃ kiṃciddhṛdi saṃparivartate | kṛtāstraistatpradeyaṃ me tadetadvadatānaghāḥ

"There is a task I long for, which turns over and over in my heart. When you have mastered weapons, you must accomplish it for me. Tell me this, you sinless ones."

Note on the text: Aligned by hand with CE 1.122.42 (the automatic match, 1.154.19, is a later echo of this verse); the critical edition reads tad ṛtaṃ for तदेतद्.

Verse 13 (1.142.13)

तच्छ्रुत्वा कौरवेयास्ते तूष्णीमासन्विशांपते । अर्जुनस्तु ततः सर्वं प्रतिजज्ञे परन्तप ॥

tacchrutvā kauraveyāste tūṣṇīmāsanviśāṃpate | arjunastu tataḥ sarvaṃ pratijajñe parantapa

Hearing this, the Kuru princes fell silent, lord of the people; but Arjuna, O scorcher of foes, promised to do all of it.

Verse 14 (1.142.14)

ततोऽर्जुनं तदा मूर्ध्नि समाघ्राय पुनः पुनः । प्रीतिपूर्वं परिष्वज्य प्ररुरोद मुदा तदा ॥

tato'rjunaṃ tadā mūrdhni samāghrāya punaḥ punaḥ | prītipūrvaṃ pariṣvajya praruroda mudā tadā

Then Drona kissed Arjuna on the head again and again, embraced him lovingly and wept for joy.

Verse 15 (1.142.15)

अश्वत्थामानमाहूय द्रोणो वचनमब्रवीत् । सखायं विद्धि ते पार्थं मया दत्तः प्रगृह्यताम् ॥

aśvatthāmānamāhūya droṇo vacanamabravīt | sakhāyaṃ viddhi te pārthaṃ mayā dattaḥ pragṛhyatām

Drona called Ashvatthama and said to him: "Know Partha to be your friend. I have given him to you; take him as yours."

Note on the text: Removed a stray wiki mark (backtick). Not in the critical edition's text (it stands in its apparatus, 1.122.44*1381, which reads dattaṃ for दत्तः; found in the vulgate recension).

Verse 16 (1.142.16)

साधुसाध्विति तं पार्थः परिष्वज्येदमब्रवीत् । अद्यप्रभृति विप्रेन्द्र परवानस्मि धर्मतः ॥

sādhusādhviti taṃ pārthaḥ pariṣvajyedamabravīt | adyaprabhṛti viprendra paravānasmi dharmataḥ

"Well done, well done!" said Partha, and embracing him, he said: "From this day, O best of brahmins, I am yours to command, bound by duty.

Note on the text: Not in the critical edition's text (it stands in its apparatus, 1.122.44*1381; found in the vulgate recension).

Verse 17 (1.142.17)

शिष्योऽहं त्वत्प्रसादेन जीवामि द्विजसत्तम । इत्युक्त्वा तु तदा पार्थः पादौ जग्राह पाण्डवः ॥

śiṣyo'haṃ tvatprasādena jīvāmi dvijasattama | ityuktvā tu tadā pārthaḥ pādau jagrāha pāṇḍavaḥ

"I am your pupil; by your grace I live, O best of the twice-born." With these words Partha, the son of Pandu, clasped his feet.

Note on the text: Removed a stray wiki mark (closing quote mark). Not in the critical edition's text (it stands in its apparatus, 1.122.44*1381; found in the vulgate recension).

Verse 18 (1.142.18)

ततो द्रोणः पाण्डुपुत्रानस्त्राणि विविधानि च । ग्राहयामास दिव्यानि मानुषाणि च वीर्यवान् ॥

tato droṇaḥ pāṇḍuputrānastrāṇi vividhāni ca | grāhayāmāsa divyāni mānuṣāṇi ca vīryavān

Then mighty Drona taught the sons of Pandu weapons of many kinds, both divine and human.

Verse 19 (1.142.19)

राजपुत्रास्तथा चान्ये समेत्य भरतर्षभ । अभिजग्मुस्ततो द्रोणमस्त्रार्थे द्विजसत्तमम् ॥

rājaputrāstathā cānye sametya bharatarṣabha | abhijagmustato droṇamastrārthe dvijasattamam

Other princes too, O bull of the Bharatas, gathered and came to Drona, best of the twice-born, to learn weapons:

Note on the text: = CE 1.122.46ab (which reads tathaivānye), aligned by hand.

Verse 20 (1.142.20)

वृष्णयश्चान्धकाश्चैव नानादेश्याश्च पार्थिवाः । सूतपुत्रश्च राधेयो गुरुं द्रोणमियात्तदा ॥

vṛṣṇayaścāndhakāścaiva nānādeśyāśca pārthivāḥ | sūtaputraśca rādheyo guruṃ droṇamiyāttadā

the Vrishnis and the Andhakas and kings from many lands; and the son of the charioteer, Radheya, also came then to Drona as his guru.

Note on the text: = CE 1.122.46ef + 47ab, aligned by hand.

Verse 21 (1.142.21)

स्पर्धमानस्तु पार्थेन सूतपुत्रोऽत्यमर्षणः । दुर्योधनं समाश्रित्य सोऽवमन्यत पाण्डवान् ॥

spardhamānastu pārthena sūtaputro'tyamarṣaṇaḥ | duryodhanaṃ samāśritya so'vamanyata pāṇḍavān

Vying with Partha, the charioteer's son, who could bear no rival, took Duryodhana's side and scorned the Pandavas.

Note on the text: = CE 1.122.47cd–ef (which reads duryodhanam upāśritya pāṇḍavān atyamanyata), aligned by hand.

Verse 22 (1.142.22)

अभ्ययात्स ततो द्रोणं धनुर्वेदचिकीर्षया । शिक्षाभुजबलोद्योगैस्तेषु सर्वेषु पाण्डवः ॥

abhyayātsa tato droṇaṃ dhanurvedacikīrṣayā | śikṣābhujabalodyogaisteṣu sarveṣu pāṇḍavaḥ

He too came to Drona then, eager to master the science of the bow. In training, in strength of arm and in effort, among them all the Pandava

Note on the text: Corrected भुजवल → भुजबल (misprint in Wikisource; व for ब — the passage reads śikṣābhujabalodyogais). Not in the critical edition's text (it stands in its Appendix I.76, after 1.122.47; found in the vulgate recension).

Verse 23 (1.142.23)

अस्त्रविद्यानुरागाच्च विशिष्टोऽभवदर्जुनः । तुल्येष्वस्त्रप्रयोगेषु लाघवे सौष्टवेषु च ॥

astravidyānurāgācca viśiṣṭo'bhavadarjunaḥ | tulyeṣvastraprayogeṣu lāghave sauṣṭaveṣu ca

Arjuna stood out, through his love of the science of weapons. Though they were taught the same weapons, in lightness of hand and in skill

Note on the text: Not in the critical edition's text (it stands in its Appendix I.76; found in the vulgate recension).

Verse 24 (1.142.24)

सर्वेषामेव शिष्याणां बभूवाभ्यधिकोऽर्जुनः । ऐन्द्रिमप्रतिमं द्रोण उपदेशेष्वमन्यत ॥

sarveṣāmeva śiṣyāṇāṃ babhūvābhyadhiko'rjunaḥ | aindrimapratimaṃ droṇa upadeśeṣvamanyata

Arjuna surpassed all the pupils. Drona judged the son of Indra to be without equal in taking in what he was taught.

Note on the text: Not in the critical edition's text (it stands in its Appendix I.76; found in the vulgate recension).

Verse 25 (1.142.25)

एवं सर्वकुमाराणामिष्वस्त्रं प्रत्यपादयत् । कमण्डलुं च सर्वेषां प्रायच्छच्चिरकारणात् ॥

evaṃ sarvakumārāṇāmiṣvastraṃ pratyapādayat | kamaṇḍaluṃ ca sarveṣāṃ prāyacchaccirakāraṇāt

In this way he taught the art of the bow to all the princes. To each of them he gave a narrow-necked water-pot, so that they would be slow to fill it;

Note on the text: Not in the critical edition's text (it stands in its Appendix I.76; found in the vulgate recension).

Verse 26 (1.142.26)

पुत्राय च ददौ कुम्भमविलम्बनकारणात् । यावत्ते नोपगच्छन्ति तावदस्मै परां क्रियाम् ॥

putrāya ca dadau kumbhamavilambanakāraṇāt | yāvatte nopagacchanti tāvadasmai parāṃ kriyām

but to his own son he gave a wide-mouthed jar, so that he would not be held up. Until the others came back, some higher lesson

Note on the text: Corrected नोपगच्छ्ति → नोपगच्छन्ति (misprint in Wikisource; a dropped न्त leaves no valid form, and the subject ते is plural — the passage reads nopagacchanti). Not in the critical edition's text (it stands in its Appendix I.76; found in the vulgate recension).

Verse 27 (1.142.27)

द्रोण आचष्ट पुत्राय कर्म तज्जिष्णुरौहत । ततः स वारुणास्त्रेण पूरयित्वा कमण्डलुम् ॥

droṇa ācaṣṭa putrāya karma tajjiṣṇurauhata | tataḥ sa vāruṇāstreṇa pūrayitvā kamaṇḍalum

Drona would explain to his son. Jishnu saw what was happening. So he filled his water-pot by means of the Varuna weapon,

Note on the text: Not in the critical edition's text (it stands in its Appendix I.76; found in the vulgate recension).

Verse 28 (1.142.28)

सममाचार्यपुत्रेण गुरुमभ्येति फाल्गुनः । आचार्यपुत्रात्तस्मात्तु विशेषोपचयेऽपृथक् ॥

samamācāryaputreṇa gurumabhyeti phālgunaḥ | ācāryaputrāttasmāttu viśeṣopacaye'pṛthak

and Phalguna would reach the guru together with the teacher's son. Never apart from that son of the teacher in gaining the finer points of the art,

Note on the text: Not in the critical edition's text (it stands in its Appendix I.76, which reads pṛthak for अपृथक्; found in the vulgate recension).

Verse 29 (1.142.29)

न व्यहीयत मेधावी पार्थोऽप्यस्त्रविदां वरः । अर्जुनः परमं यत्नमातिष्ठद्गुरुपूजने ॥

na vyahīyata medhāvī pārtho'pyastravidāṃ varaḥ | arjunaḥ paramaṃ yatnamātiṣṭhadgurupūjane

the wise Partha, best of those who know weapons, never fell behind. Arjuna took the greatest pains in serving his guru

Note on the text: The first line is not in the critical edition's text (it stands in its Appendix I.76, which reads astraviduṣāṃ; found in the vulgate recension); the second line = CE 1.123.1ab (which reads arjunas tu paraṃ yatnam ātasthe).

Verse 30 (1.142.30)

अस्त्रे च परमं योगं प्रियो द्रोणस्य चाभवत् । तं दृष्ट्वा नित्यमुद्युक्तमिष्वस्त्रं प्रति फाल्गुनम् ॥

astre ca paramaṃ yogaṃ priyo droṇasya cābhavat | taṃ dṛṣṭvā nityamudyuktamiṣvastraṃ prati phālgunam

and gave the utmost concentration to weapons, and he became dear to Drona. Seeing Phalguna always so intent on the art of the bow,

Note on the text: The first line = CE 1.123.1cd; the second line is not in the critical edition's text (it stands in its apparatus, 1.123.1*1382; found in the vulgate recension).

Verse 31 (1.142.31)

आहूय वचनं द्रोणो रहः सूदमभाषत । अन्धकारेऽर्जुनायान्नं न देयं ते कदाचन । न चाख्येयमिदं चापि मद्वाक्यं विजये त्वया ॥

āhūya vacanaṃ droṇo rahaḥ sūdamabhāṣata | andhakāre'rjunāyānnaṃ na deyaṃ te kadācana | na cākhyeyamidaṃ cāpi madvākyaṃ vijaye tvayā

Drona called the cook and told him in private: "You are never to serve Arjuna food in the dark. And you must not tell Vijaya of this order of mine."

Note on the text: Separated विजयेत्वया → विजये त्वया (misprint in Wikisource; two words run together with no sandhi between them — the apparatus reads vijaye tvayā). The first two lines are a variant of CE 1.123.2 (droṇena tu tadāhūya rahasy ukto 'nnasādhakaḥ); the third line is not in the critical edition's text (it stands in its apparatus, 1.123.2*1384; found in the vulgate recension).

Verse 32 (1.142.32)

ततः कदाचिद्भुञ्जाने प्रववौ वायुरर्जुने । तेन तत्र प्रदीपः स दीप्यमानो विलोपितः ॥

tataḥ kadācidbhuñjāne pravavau vāyurarjune | tena tatra pradīpaḥ sa dīpyamāno vilopitaḥ

Then one day, while Arjuna was eating, a wind blew up, and the lamp burning there went out.

Verse 33 (1.142.33)

भुक्त एव तु कौन्तेयो नास्यादन्यत्र वर्तते । हस्तस्तेजस्विनस्तस्य अनुग्रहणकारणात् ॥

bhukta eva tu kaunteyo nāsyādanyatra vartate | hastastejasvinastasya anugrahaṇakāraṇāt

Yet as he went on eating, the hand of that splendid son of Kunti went nowhere but to his mouth, from long habit.

Note on the text: A variant of CE 1.123.4abcd (bhuṅkta evārjuno bhaktaṃ na cāsyāsyād vyamuhyata / hastas tejasvino nityam annagrahaṇakāraṇāt), aligned by hand.

Verse 34 (1.142.34)

तदभ्यासकृतं मत्वा रात्रावपि स पाण्डवः । योग्यां चक्रे महाबाहुर्धनुषा पाण्डुनन्दनः ॥

tadabhyāsakṛtaṃ matvā rātrāvapi sa pāṇḍavaḥ | yogyāṃ cakre mahābāhurdhanuṣā pāṇḍunandanaḥ

Seeing that this came of practice, the mighty-armed son of Pandu began to practise with his bow at night as well.

Note on the text: The first line is a variant of CE 1.123.4ef (which reads rātrāv abhyasta pāṇḍavaḥ); the second line is not in the critical edition's text (it stands in its apparatus, 1.123.4*1385; found in the vulgate recension).

Verse 35 (1.142.35)

तस्य ज्यातलनिर्घोषं द्रोणः शुश्राव भारत । उपेत्य चैनमुत्थाय परिष्वज्येदमब्रवीत् ॥

tasya jyātalanirghoṣaṃ droṇaḥ śuśrāva bhārata | upetya cainamutthāya pariṣvajyedamabravīt

Drona heard the slap of his bowstring, O Bharata. He rose, went to him, embraced him and said:

Verse 36 (1.142.36)

प्रयतिष्ये तथा कर्तुं यथा नान्यो धनुर्धरः । त्वत्समो भविता लोके सत्यमेतद्ब्रवीमि ते ॥

prayatiṣye tathā kartuṃ yathā nānyo dhanurdharaḥ | tvatsamo bhavitā loke satyametadbravīmi te

"I will strive to see that no other archer in the world becomes your equal. This I tell you truly."

Note on the text: = CE 1.123.6ab + 6c (the critical edition sets a long passage of its Appendix I.77 between them), aligned by hand.

Verse 37 (1.142.37)

ततो द्रोणोऽर्जुनं भूयो हयेषु च गजेषु च । रथेषु भूमावपि च रणशिक्षामशिक्षयत् ॥

tato droṇo'rjunaṃ bhūyo hayeṣu ca gajeṣu ca | ratheṣu bhūmāvapi ca raṇaśikṣāmaśikṣayat

Then Drona went on to train Arjuna in fighting from horses and elephants, from chariots and on the ground.

Verse 38 (1.142.38)

गदायुद्धेऽसिचर्यायां तोमरप्रासशक्तिषु । द्रोणः संकीर्णयुद्धे च शिक्षयामास कौरवान् ॥

gadāyuddhe'sicaryāyāṃ tomaraprāsaśaktiṣu | droṇaḥ saṃkīrṇayuddhe ca śikṣayāmāsa kauravān

In fighting with the mace and the sword, with lances, darts and spears, and in mixed combat, Drona trained the Kauravas.

Verse 39 (1.142.39)

तस्य तत्कौशलं श्रुत्वा धनुर्वेदजिघृक्षवः । राजानो राजपुत्राश्च समाजग्मुः सहस्रशः ॥

tasya tatkauśalaṃ śrutvā dhanurvedajighṛkṣavaḥ | rājāno rājaputrāśca samājagmuḥ sahasraśaḥ

Hearing of his skill, kings and princes eager to learn archery gathered there by the thousand.

Note on the text: Corrected सजानो → राजानो (misprint in Wikisource; स for रा — the critical edition reads rājāno).

Verse 40 (1.142.40)

तान्सर्वाञ्शिक्षयामास द्रोणः शस्त्रभृतां वरः । ततो निषादराजस्य हिरण्यधनुषः सुतः । एकलव्यो महाराज द्रोणमभ्याजगाम ह ॥

tānsarvāñśikṣayāmāsa droṇaḥ śastrabhṛtāṃ varaḥ | tato niṣādarājasya hiraṇyadhanuṣaḥ sutaḥ | ekalavyo mahārāja droṇamabhyājagāma ha

Drona, best of those who bear arms, trained them all. Then Ekalavya, son of Hiranyadhanus, king of the Nishadas, came to Drona, great king.

Note on the text: Removed stray wiki marks (a backtick, a quote mark and a doubled danda) around the first line, which is not in the critical edition's text (it stands in its apparatus, 1.123.9*1387; found in the vulgate recension); the second and third lines = CE 1.123.10.

Verse 41 (1.142.41)

न स तं प्रतिजग्राह नैषादिरिति चिन्तयन् । शिष्यं धनुषि धर्मज्ञस्तेषामेवान्ववेक्षया ॥

na sa taṃ pratijagrāha naiṣādiriti cintayan | śiṣyaṃ dhanuṣi dharmajñasteṣāmevānvavekṣayā

But Drona, who knew what was right, would not take him as a pupil in archery, thinking, "He is a Nishada," and out of regard for those very princes.

Verse 42 (1.142.42)

शिष्योऽसि मम नैषादे प्रयोगे बलवत्तरः । निवर्तस्व गृहानेव अनुज्ञातोऽसि नित्यशः ॥

śiṣyo'si mama naiṣāde prayoge balavattaraḥ | nivartasva gṛhāneva anujñāto'si nityaśaḥ

"You are my pupil, son of the Nishada; it is in practice that the greater strength lies. Go back to your home; you have my leave for always."

Note on the text: Dropped the speaker heading द्रोण उवाच (with a stray backtick), which had slipped into the verse text; speaker set to Drona (the input carried Vaishampayana over). Corrected बलत्तरः → बलवत्तरः (misprint in Wikisource; a dropped व leaves the half-line a syllable short — the apparatus reads balavattaraḥ). Not in the critical edition's text (it stands in its apparatus, 1.123.11*1388, which reads prayogo for प्रयोगे; found in the vulgate recension).

Verse 43 (1.142.43)

स तु द्रोणस्य शिरसा पादौ गृह्य परन्तपः । अरण्यमनुसंप्राप्य कृत्वा द्रोणं महीमयम् ॥

sa tu droṇasya śirasā pādau gṛhya parantapaḥ | araṇyamanusaṃprāpya kṛtvā droṇaṃ mahīmayam

He, scorcher of foes, touched Drona's feet with his head and went off into the forest. There he made an image of Drona out of clay,

Note on the text: Dropped the speaker heading वैशंपायन उवाच (with a stray quote mark), which had slipped into the verse text. The critical edition reads anusaṃprāptaḥ for अनुसंप्राप्य.

Verse 44 (1.142.44)

तस्मिन्नाचार्यवृत्तिं च परमामास्थितस्तदा । इष्वस्त्रे योगमातस्थे परं नियममास्थितः ॥

tasminnācāryavṛttiṃ ca paramāmāsthitastadā | iṣvastre yogamātasthe paraṃ niyamamāsthitaḥ

and treating it with the deepest reverence as his teacher, he gave himself to archery with full concentration, under strict discipline.

Verse 45 (1.142.45)

परया श्रद्धयोपेतो योगेन परमेण च । विमोक्षादानसन्धाने लघुत्वं परमाप सः ॥

parayā śraddhayopeto yogena parameṇa ca | vimokṣādānasandhāne laghutvaṃ paramāpa saḥ

Possessed of the highest faith and the highest concentration, he became supremely quick at drawing arrows, fitting them and letting them fly.

Verse 46 (1.142.46)

लाघवं चास्त्रयोगं च नचिरात्प्रत्यपद्यत । अथ द्रोणाभ्यनुज्ञाताः कदाचित्कुरुपाण्डवाः । रथैर्विनिर्ययुः सर्वे मृगयामरिमर्दनाः ॥

lāghavaṃ cāstrayogaṃ ca nacirātpratyapadyata | atha droṇābhyanujñātāḥ kadācitkurupāṇḍavāḥ | rathairviniryayuḥ sarve mṛgayāmarimardanāḥ

Before long he had gained lightness of hand and command of weapons. Then one day, with Drona's leave, the Kurus and the Pandavas, crushers of foes, all set out in their chariots to hunt.

Note on the text: Removed stray wiki marks (a backtick, a quote mark and a doubled danda) around the first line, which is not in the critical edition's text (it stands in its apparatus, 1.123.14*1389; found in the vulgate recension); the second and third lines = CE 1.123.15.

Verse 47 (1.142.47)

तत्रोपकरणं गृह्य नरः कश्चिद्यदृच्छया । राजन्ननुजगामैकः श्वानमादाय पाण्डवान् ॥

tatropakaraṇaṃ gṛhya naraḥ kaścidyadṛcchayā | rājannanujagāmaikaḥ śvānamādāya pāṇḍavān

A certain man happened to follow the Pandavas alone, O king, carrying their gear and leading a dog.

Verse 48 (1.142.48)

तेषां विचरतां तत्र तत्तत्कर्मचिकीर्षया । श्वाचरन्स पथा क्रीडन्नैषादिं प्रति जग्मिवान् ॥

teṣāṃ vicaratāṃ tatra tattatkarmacikīrṣayā | śvācaransa pathā krīḍannaiṣādiṃ prati jagmivān

As they roamed about there, each bent on his own pursuit, the dog wandered off along the path, playing, and came upon the Nishada's son.

Verse 49 (1.142.49)

स कृष्णमलदिग्धाङ्गं कृष्णाजिनजटाधरम् । नैषादिं श्वा समालक्ष्य भषंस्तस्थौ तदन्तिके ॥

sa kṛṣṇamaladigdhāṅgaṃ kṛṣṇājinajaṭādharam | naiṣādiṃ śvā samālakṣya bhaṣaṃstasthau tadantike

Seeing the Nishada, dark, his limbs smeared with dirt, wearing a black deerskin and matted hair, the dog stood near him and barked.

Note on the text: Corrected जटाघरम् → जटाधरम् (misprint in Wikisource; घ for ध — the critical edition reads -dharaṃ).

Verse 50 (1.142.50)

तदा तस्याथ भषतः शुनः सप्त शरान्मुखे । लाघवं दर्शयन्नस्त्रे मुमोच युगपद्यथा ॥

tadā tasyātha bhaṣataḥ śunaḥ sapta śarānmukhe | lāghavaṃ darśayannastre mumoca yugapadyathā

Then, as the dog barked, the Nishada, showing off his lightness of hand, shot seven arrows into its mouth, almost all at once.

Note on the text: Corrected दर्शन्नस्त्रे → दर्शयन्नस्त्रे (misprint in Wikisource; a dropped य leaves the half-line a syllable short — the critical edition reads darśayann astre).

Verse 51 (1.142.51)

स तु श्वा शरपूर्णास्यः पाण्डवानाजगाम ह । तं दृष्ट्वा पाण्डवा वीराः परं विस्मयमागताः ॥

sa tu śvā śarapūrṇāsyaḥ pāṇḍavānājagāma ha | taṃ dṛṣṭvā pāṇḍavā vīrāḥ paraṃ vismayamāgatāḥ

The dog, its mouth full of arrows, came back to the Pandavas. Seeing it, the heroic Pandavas were struck with the greatest wonder.

Verse 52 (1.142.52)

लाघवं शब्दवेधित्वं दृष्ट्वा तत्परमं तदा । प्रेक्ष्य तं व्रीडिताश्चासन्प्रशशंसुश्च सर्वशः ॥

lāghavaṃ śabdavedhitvaṃ dṛṣṭvā tatparamaṃ tadā | prekṣya taṃ vrīḍitāścāsanpraśaśaṃsuśca sarvaśaḥ

Seeing that supreme speed and the skill of hitting a mark by its sound, they were ashamed, and praised the archer in every way.

Note on the text: Corrected शब्धवेधित्वं → शब्दवेधित्वं (misprint in Wikisource; ध for द — the critical edition reads śabdavedhitvaṃ).

Verse 53 (1.142.53)

तं ततोऽन्वेषमाणास्ते वने वननिवासिनम् । ददृशुः पाण्डवा राजन्नस्यन्तमनिशं शरान् ॥

taṃ tato'nveṣamāṇāste vane vananivāsinam | dadṛśuḥ pāṇḍavā rājannasyantamaniśaṃ śarān

Then, searching the forest for that forest-dweller, the Pandavas saw him, O king, shooting arrows without pause.

Verse 54 (1.142.54)

न चैनमभ्यजानंस्ते तदा विकृतदर्शनम् । तथैनं परिपप्रच्छुः को भवान्कस्य वेत्युत ॥

na cainamabhyajānaṃste tadā vikṛtadarśanam | tathainaṃ paripapracchuḥ ko bhavānkasya vetyuta

His appearance was so strange that they did not recognise him, and so they asked him: "Who are you, and whose son?"

Note on the text: Corrected परिपप्रच्छ्रुः → परिपप्रच्छुः (misprint in Wikisource; a stray र् in the perfect ending — the critical edition reads paripapracchuḥ).

Verse 55 (1.142.55)

निषादाधिपतेर्वीरा हिरण्यधनुषः सुतम् । द्रोणशिष्यं च मां वित्त धनुर्वेदकृतश्रमम् ॥

niṣādādhipatervīrā hiraṇyadhanuṣaḥ sutam | droṇaśiṣyaṃ ca māṃ vitta dhanurvedakṛtaśramam

"Heroes, know me as the son of Hiranyadhanus, lord of the Nishadas, a pupil of Drona, who has toiled at the science of the bow."

Note on the text: Corrected धुर्वेद → धनुर्वेद (misprint in Wikisource; a dropped न — the critical edition reads dhanurveda-).

Verse 56 (1.142.56)

ते तमाज्ञाय तत्त्वेन पुनरागम्य पाण्डवाः । यथा वृत्तं वने सर्वं द्रोणायाचख्युरद्भुतम् ॥

te tamājñāya tattvena punarāgamya pāṇḍavāḥ | yathā vṛttaṃ vane sarvaṃ droṇāyācakhyuradbhutam

When they had learned the truth about him, the Pandavas went back and told Drona everything, the wonder that had happened in the forest.

Verse 57 (1.142.57)

कौन्तेयस्त्वर्जुनो राजन्नेकलव्यमनुस्मरन् । रहो द्रोणं समासाद्य प्रणयादिदमब्रवीत् ॥

kaunteyastvarjuno rājannekalavyamanusmaran | raho droṇaṃ samāsādya praṇayādidamabravīt

But Arjuna, Kunti's son, kept thinking of Ekalavya, O king. He went to Drona in private and, out of his affection for him, said:

Verse 58 (1.142.58)

नन्वहं परिरभ्यैकः प्रीतिपूर्वमिदं वचः । भवतोक्तो न मे शिष्यस्त्वद्विशिष्टो भविष्यति ॥

nanvahaṃ parirabhyaikaḥ prītipūrvamidaṃ vacaḥ | bhavatokto na me śiṣyastvadviśiṣṭo bhaviṣyati

"Did you not once embrace me when we were alone and tell me lovingly, 'No pupil of mine shall surpass you'?

Note on the text: Speaker set to Arjuna: these are his words, introduced in the previous verse; Wikisource prints no speaker line.

Verse 59 (1.142.59)

अथ कस्मान्मद्विशिष्टो लोकादपि च वीर्यवान् । अन्योऽस्ति भवतः शिष्यो निषादाधिपतेः सुतः ॥

atha kasmānmadviśiṣṭo lokādapi ca vīryavān | anyo'sti bhavataḥ śiṣyo niṣādādhipateḥ sutaḥ

"Why then is there another pupil of yours, the son of the Nishada king, who surpasses me, and is mightier than anyone in the world?"

Note on the text: Speaker set to Arjuna.

Verse 60 (1.142.60)

मुहूर्तमिव तं द्रोणश्चिन्तयित्वा विनिश्चयम् । सव्यसाचिनमादाय नैषादिं प्रति जग्मिवान् ॥

muhūrtamiva taṃ droṇaścintayitvā viniścayam | savyasācinamādāya naiṣādiṃ prati jagmivān

Drona thought for a moment and made up his mind. Taking Savyasachin with him, he went to the Nishada's son.

Verse 61 (1.142.61)

ददर्श मलदिग्धाङ्गं जटिलं चीरवाससम् । एकलव्यं धनुष्पाणिमस्यन्तमनिशं शरान् ॥

dadarśa maladigdhāṅgaṃ jaṭilaṃ cīravāsasam | ekalavyaṃ dhanuṣpāṇimasyantamaniśaṃ śarān

He saw Ekalavya, his body smeared with dirt, his hair matted, dressed in rags of bark, bow in hand, shooting arrows without pause.

Verse 62 (1.142.62)

एकलव्यस्तु तं दृष्ट्वा द्रोणमायान्तमन्तिकात् । अभिगम्योपसंगृह्य जगाम शिरसा महीम् ॥

ekalavyastu taṃ dṛṣṭvā droṇamāyāntamantikāt | abhigamyopasaṃgṛhya jagāma śirasā mahīm

When Ekalavya saw Drona coming near, he went up to him, clasped his feet and touched the ground with his head.

Verse 63 (1.142.63)

पूजयित्वा ततो द्रोणं विधिवत्स निषादजः । निवेद्य शिष्यमात्मानं तस्थौ प्राञ्जलिरग्रतः ॥

pūjayitvā tato droṇaṃ vidhivatsa niṣādajaḥ | nivedya śiṣyamātmānaṃ tasthau prāñjaliragrataḥ

The Nishada's son worshipped Drona with due rite, declared himself his pupil, and stood before him with joined palms.

Verse 64 (1.142.64)

ततो द्रोणोऽब्रवीद्राजन्नेकलव्यमिदं वचः । यदि शिष्योऽसि मे वीर वेतनं दीयतां मम ॥

tato droṇo'bravīdrājannekalavyamidaṃ vacaḥ | yadi śiṣyo'si me vīra vetanaṃ dīyatāṃ mama

Then Drona, O king, said this to Ekalavya: "If you are my pupil, hero, then let my fee be paid."

Verse 65 (1.142.65)

एकलव्यस्तु तच्छ्रुत्वा प्रीयमाणोऽब्रवीदिदम् । किं प्रयच्छामि भगवन्नाज्ञापयतु मां गुरुः ॥

ekalavyastu tacchrutvā prīyamāṇo'bravīdidam | kiṃ prayacchāmi bhagavannājñāpayatu māṃ guruḥ

Hearing this, Ekalavya said with delight: "What shall I give, lord? Let my guru command me.

Verse 66 (1.142.66)

न हि किंचिददेयं मे गुरवे ब्रह्मवित्तम । तमब्रवीत्त्वयाङ्गुष्ठो दक्षिणो दीयतामिति ॥

na hi kiṃcidadeyaṃ me gurave brahmavittama | tamabravīttvayāṅguṣṭho dakṣiṇo dīyatāmiti

"There is nothing I would withhold from my guru, O best of those who know Brahman." Drona said to him, "Give me your right thumb."

Verse 67 (1.142.67)

एकलव्यस्तु तच्छ्रुत्वा वचो द्रोणस्य दारुणम् । प्रतिज्ञामात्मनो रक्षन्सत्ये च नियतः सदा ॥

ekalavyastu tacchrutvā vaco droṇasya dāruṇam | pratijñāmātmano rakṣansatye ca niyataḥ sadā

Hearing Drona's cruel words, Ekalavya, keeping his promise and ever steadfast in truth,

Verse 68 (1.142.68)

तथैव हृष्टवदनस्तथैवादीनमानसः । छित्त्वाऽविचार्य तं प्रादाद्द्रोणायाङ्गुष्ठमात्मनः ॥

tathaiva hṛṣṭavadanastathaivādīnamānasaḥ | chittvā'vicārya taṃ prādāddroṇāyāṅguṣṭhamātmanaḥ

with a face as cheerful as before and a heart as undaunted, cut off his thumb without a second thought and gave it to Drona.

Verse 69 (1.142.69)

ततः शरं तु नैषादिरङ्गुलीभिर्व्यकर्षत । न तथा च स शीघ्रोऽभूद्यथा पूर्वं नराधिप ॥

tataḥ śaraṃ tu naiṣādiraṅgulībhirvyakarṣata | na tathā ca sa śīghro'bhūdyathā pūrvaṃ narādhipa

After that, the Nishada drew the bowstring with his fingers, but he was no longer as quick as before, lord of men.

Verse 70 (1.142.70)

ततोऽर्जुनः प्रीतमना बभूव विगतज्वरः । द्रोणश्च सत्यवागासीन्नान्योऽभिभविताऽर्जुनम् ॥

tato'rjunaḥ prītamanā babhūva vigatajvaraḥ | droṇaśca satyavāgāsīnnānyo'bhibhavitā'rjunam

Then Arjuna was glad at heart, his anxiety gone; and Drona's word had come true, that no one else would surpass Arjuna.

Note on the text: Corrected final ऽर्जुनं → ऽर्जुनम् (misprint in Wikisource; anusvara for म् at the pause at the end of the verse). The critical edition reads nānyo 'bhyabhavad arjunam.

Verse 71 (1.142.71)

द्रोणस्य तु तदा शिष्यौ गदायोग्यौ बभूवतुः । दुर्योधनश्च भीमश्च सदा संरब्धमानसौ ॥

droṇasya tu tadā śiṣyau gadāyogyau babhūvatuḥ | duryodhanaśca bhīmaśca sadā saṃrabdhamānasau

Two of Drona's pupils became masters of the mace: Duryodhana and Bhima, their minds always full of anger.

Note on the text: Corrected संरब्धणानसौ → संरब्धमानसौ (misprint in Wikisource; ण for म — "of wrathful mind"). A variant of CE 1.123.40, which reads gadāyogyāṃ viśeṣataḥ and, in the second line, kurūṇām abhyagacchatām; aligned by hand.

Verse 72 (1.142.72)

अश्वत्थामा रहस्येषु सर्वेष्वभ्यधिकोऽभवत् । तथाऽतिपुरुषानन्यान्त्सारुकौ यमजावुभौ ॥

aśvatthāmā rahasyeṣu sarveṣvabhyadhiko'bhavat | tathā'tipuruṣānanyāntsārukau yamajāvubhau

Ashvatthama excelled everyone in the secret lore of weapons; the twins outdid all others as swordsmen;

Note on the text: = CE 1.123.41abcd, aligned by hand.

Verse 73 (1.142.73)

युधिष्ठिरो रथश्रेष्ठः सर्वत्र तु धनञ्जयः । प्रथितः सागरान्तायां रथयूथपयूथपः ॥

yudhiṣṭhiro rathaśreṣṭhaḥ sarvatra tu dhanañjayaḥ | prathitaḥ sāgarāntāyāṃ rathayūthapayūthapaḥ

Yudhishthira was the finest chariot-fighter; but Dhananjaya excelled in everything, famed to the ends of the sea-girt earth, a leader even of the leaders of chariot-hosts.

Note on the text: = CE 1.123.41ef + 42ab, aligned by hand.

Verse 74 (1.142.74)

बुद्धियोगबलोत्साहः सर्वास्त्रेषु च निष्ठितः । अस्त्रे गुर्वनुरागे च विशिष्टोऽभवदर्जुनः ॥

buddhiyogabalotsāhaḥ sarvāstreṣu ca niṣṭhitaḥ | astre gurvanurāge ca viśiṣṭo'bhavadarjunaḥ

Gifted with intelligence, concentration, strength and zeal, accomplished in every weapon, Arjuna stood out both in arms and in devotion to his guru.

Note on the text: = CE 1.123.42cd (which reads buddhiyogabalotsāhaiḥ … pāṇḍavaḥ) + 43ab, aligned by hand.

Verse 75 (1.142.75)

तुल्येष्वस्त्रोपदेशेषु सौष्ठवेन च वीर्यवान् । एकः सर्वकुमाराणां बभूवातिरथोऽर्जुनः ॥

tulyeṣvastropadeśeṣu sauṣṭhavena ca vīryavān | ekaḥ sarvakumārāṇāṃ babhūvātiratho'rjunaḥ

Though all were taught the same weapons, the mighty Arjuna, through his skill, became the one atiratha, the supreme chariot-warrior, among all the princes.

Note on the text: = CE 1.123.43cd–ef, aligned by hand.

Verse 76 (1.142.76)

प्राणाधिकं भीमसेनं कृतविद्यं धनञ्जयम् । धार्तराष्ट्रा दुरात्मानो नामृष्यन्त परस्परम् ॥

prāṇādhikaṃ bhīmasenaṃ kṛtavidyaṃ dhanañjayam | dhārtarāṣṭrā durātmāno nāmṛṣyanta parasparam

The wicked sons of Dhritarashtra could not bear Bhimasena, the strongest of all, or Dhananjaya, so accomplished in his learning, and the two sides could not abide each other.

Verse 77 (1.142.77)

तांस्तु सर्वान्समानीय सर्वविद्यास्त्रशिक्षितान् । द्रोणः प्रहरणज्ञाने जिज्ञासुः पुरुषर्षभः ॥

tāṃstu sarvānsamānīya sarvavidyāstraśikṣitān | droṇaḥ praharaṇajñāne jijñāsuḥ puruṣarṣabhaḥ

Gathering them all, trained as they were in every science and weapon, Drona, bull among men, wished to test their mastery of arms.

Verse 78 (1.142.78)

कृत्रिमं भासमारोप्य वृक्षाग्रे शिल्पिभिः कृतम् । अविज्ञातं कुमाराणां लक्ष्यभूतमुपादिशत् ॥

kṛtrimaṃ bhāsamāropya vṛkṣāgre śilpibhiḥ kṛtam | avijñātaṃ kumārāṇāṃ lakṣyabhūtamupādiśat

He had craftsmen make an artificial bird, a bhasa, set it on top of a tree without the princes knowing, and pointed it out to them as the target.

Verse 79 (1.142.79)

शीघ्रं भवन्तः सर्वेऽपि धनूंष्यादाय सर्वशः । भासमेतं समुद्दिश्य तिष्ठध्वं सन्धितेषवः ॥

śīghraṃ bhavantaḥ sarve'pi dhanūṃṣyādāya sarvaśaḥ | bhāsametaṃ samuddiśya tiṣṭhadhvaṃ sandhiteṣavaḥ

"Quickly, all of you, take up your bows, every one, and stand with arrows fitted, aiming at this bird.

Note on the text: Corrected भन्तः → भवन्तः (misprint in Wikisource; a dropped व leaves the half-line a syllable short — the critical edition reads bhavantaḥ) and सन्धितेषतः → सन्धितेषवः (misprint; त for व in "with arrows fitted" — the critical edition reads saṃhiteṣavaḥ).

Verse 80 (1.142.80)

मद्वाक्यसमकालं तु शिरोऽस्य विनिपात्यताम् । एकैकशो नियोक्ष्यामि तथा कुरुत पुत्रकाः ॥

madvākyasamakālaṃ tu śiro'sya vinipātyatām | ekaikaśo niyokṣyāmi tathā kuruta putrakāḥ

"The moment I give the word, cut off its head. I will call on you one at a time; do as I say, my sons."

Verse 81 (1.142.81)

ततो युधिष्ठिरं पूर्वमुवाचाङ्गिरसां वरः । संधत्स्व बाणं दुर्धर्ष मद्वाक्यान्ते विमुञ्च तम् ॥

tato yudhiṣṭhiraṃ pūrvamuvācāṅgirasāṃ varaḥ | saṃdhatsva bāṇaṃ durdharṣa madvākyānte vimuñca tam

Then the best of the Angirasas spoke first to Yudhishthira: "Fit your arrow, invincible one, and let it go when I finish speaking."

Note on the text: Corrected बामं → बाणं (misprint in Wikisource; म for ण — the critical edition reads bāṇaṃ) and separated विमुञ्चतम् → विमुञ्च तम् (two words run together, which would read as a dual imperative; the critical edition reads vimuñca ca).

Verse 82 (1.142.82)

ततो युधिष्ठिरः पूर्वं धनुर्गृह्य परन्तपः । तस्थौ भासं समुद्दिश्य गुरुवाक्यप्रचोदितः ॥

tato yudhiṣṭhiraḥ pūrvaṃ dhanurgṛhya parantapaḥ | tasthau bhāsaṃ samuddiśya guruvākyapracoditaḥ

So Yudhishthira, scorcher of foes, took up his bow first and stood aiming at the bird, as his guru's words directed.

Verse 83 (1.142.83)

ततो विततधन्वानं द्रोणस्तं कुरुनन्दनम् । स मुहूर्तादुवाचेदं वचनं भरतर्षभ ॥

tato vitatadhanvānaṃ droṇastaṃ kurunandanam | sa muhūrtāduvācedaṃ vacanaṃ bharatarṣabha

As the Kuru prince stood with his bow drawn, after a moment Drona said to him, O bull of the Bharatas:

Verse 84 (1.142.84)

पश्यसि त्वं द्रुमाग्रस्थं भासं नरवरात्मज । पश्यामीत्येवमाचार्यं प्रत्युवाच युधिष्ठिरः ॥

paśyasi tvaṃ drumāgrasthaṃ bhāsaṃ naravarātmaja | paśyāmītyevamācāryaṃ pratyuvāca yudhiṣṭhiraḥ

"Do you see the bird on top of the tree, son of the best of men?" "I see it," Yudhishthira answered his teacher.

Verse 85 (1.142.85)

स मुहूर्तादिव पुनर्द्रोणस्तं प्रत्यभाषत । अथ वृक्षमिमं मां वा भ्रातॄन्वाऽपि प्रपश्यसि ॥

sa muhūrtādiva punardroṇastaṃ pratyabhāṣata | atha vṛkṣamimaṃ māṃ vā bhrātṝnvā'pi prapaśyasi

After a moment Drona spoke to him again: "And do you also see this tree, and me, and your brothers?"

Verse 86 (1.142.86)

तमुवाच स कौन्तेयः पश्याम्येनं वनस्पतिम् । भवन्तं च तथा भ्रातॄन्भासं चेति पुनःपुनः ॥

tamuvāca sa kaunteyaḥ paśyāmyenaṃ vanaspatim | bhavantaṃ ca tathā bhrātṝnbhāsaṃ ceti punaḥpunaḥ

Kunti's son answered him, "I see this tree, and you, and my brothers, and the bird," again and again.

Note on the text: Corrected नवस्पतिम् → वनस्पतिम् (misprint in Wikisource; transposed syllables — the critical edition reads vanaspatim) and भन्तं → भवन्तं (misprint; a dropped व leaves the half-line a syllable short — the critical edition reads bhavantaṃ).

Verse 87 (1.142.87)

तमुवाचापसर्पेति द्रोणोऽप्रीतमना इव । नैतच्छक्यं त्वया वेद्धुं लक्ष्यमित्येव कुत्सयन् ॥

tamuvācāpasarpeti droṇo'prītamanā iva | naitacchakyaṃ tvayā veddhuṃ lakṣyamityeva kutsayan

Drona, as though displeased, told him, "Stand aside; you cannot hit this target," and rebuked him.

Verse 88 (1.142.88)

ततो दुर्योधनादींस्तान्धार्तराष्ट्रान्महायशाः । तेनैव क्रमयोगेन जिज्ञासुः पर्यपृच्छत ॥

tato duryodhanādīṃstāndhārtarāṣṭrānmahāyaśāḥ | tenaiva kramayogena jijñāsuḥ paryapṛcchata

Then the illustrious teacher, still testing them, questioned Duryodhana and the other sons of Dhritarashtra in the same way, one by one,

Verse 89 (1.142.89)

अन्यांश्च शिष्यान्भीमादीन्राज्ञश्चैवान्यदेशजान् । यदा च सर्वे तत्सर्वं पश्याम इति कुत्सिताः ॥

anyāṃśca śiṣyānbhīmādīnrājñaścaivānyadeśajān | yadā ca sarve tatsarvaṃ paśyāma iti kutsitāḥ

and his other pupils, Bhima and the rest, and the princes from other lands; and when all of them answered, "We see all of it," they were rebuked.