The Kurus Mourn the Pandavas

Verse 1 (1.162.1)

अथ रात्र्यां व्यतीतायामशेषो नागरो जनः । तत्राजगाम त्वरितो दिदृक्षुः पाण्डुनन्दनान् ॥

atha rātryāṃ vyatītāyāmaśeṣo nāgaro janaḥ | tatrājagāma tvarito didṛkṣuḥ pāṇḍunandanān

When the night had passed, the whole population of the city came there in haste, eager to see the sons of Pandu.

Verse 2 (1.162.2)

निर्वापयन्तो ज्वलनं ते जना ददृशुस्ततः । जातुषं तद्गृहं दग्धममात्यं च पुरोचनम् ॥

nirvāpayanto jvalanaṃ te janā dadṛśustataḥ | jātuṣaṃ tadgṛhaṃ dagdhamamātyaṃ ca purocanam

As they put out the fire, the people saw that the house of lac had burned down, and with it the minister Purochana.

Verse 3 (1.162.3)

नूनं दुर्योधनेनेदं विहितं पापकर्मणा । पाण्डवानां विनाशायेत्येवं ते चुक्रुशुर्जनाः ॥

nūnaṃ duryodhanenedaṃ vihitaṃ pāpakarmaṇā | pāṇḍavānāṃ vināśāyetyevaṃ te cukruśurjanāḥ

"Surely this was contrived by the evil-doing Duryodhana to destroy the Pandavas!" the people cried aloud.

Verse 4 (1.162.4)

विदिते धृतराष्ट्रस्य धार्तराष्ट्रो न संशयः । दग्धवान्पाण्डुदायादान्न ह्येतत्प्रतिषिद्धवान् ॥

vidite dhṛtarāṣṭrasya dhārtarāṣṭro na saṃśayaḥ | dagdhavānpāṇḍudāyādānna hyetatpratiṣiddhavān

"There is no doubt that Dhritarashtra's son burned Pandu's heirs with Dhritarashtra's knowledge, for he did not forbid it.

Verse 5 (1.162.5)

नूनं शान्तनवोऽपीह न धर्ममनुवर्तते । द्रोणश्च विदुरश्चैव कृपश्चान्ये च कौरवाः ॥

nūnaṃ śāntanavo'pīha na dharmamanuvartate | droṇaśca viduraścaiva kṛpaścānye ca kauravāḥ

Surely even Shantanu's son here does not follow dharma, nor do Drona and Vidura, nor Kripa and the other Kauravas.

Note on the text: Corrected धर्मनुवर्तते → धर्ममनुवर्तते (misprint in Wikisource; a dropped म leaves no valid word and the half-line a syllable short — the critical edition reads dharmam anuvartate).

Verse 6 (1.162.6)

नावेक्षन्ते ह तं धर्मं धर्मात्मानोऽप्यहो विधेः । श्रुतवन्तोऽपि विद्वांसो धनवद्वशगा अहो ॥

nāvekṣante ha taṃ dharmaṃ dharmātmāno'pyaho vidheḥ | śrutavanto'pi vidvāṃso dhanavadvaśagā aho

Alas for fate! Righteous though they are, they do not look to that dharma. Alas, learned and wise as they are, they are in the power of the wealthy.

Note on the text: Removed a stray wiki mark (a backtick) at the start. Not in the critical edition (found in the vulgate recension). (The critical edition carries it in its apparatus, 1.137.5*1485, lines 1–2.)

Verse 7 (1.162.7)

साधूननाथान्धर्मिष्ठान्सत्यव्रतपरायणान् । नावेक्षन्ते महान्तोऽपि दैवं तेषां परायणम् ॥

sādhūnanāthāndharmiṣṭhānsatyavrataparāyaṇān | nāvekṣante mahānto'pi daivaṃ teṣāṃ parāyaṇam

Even the great do not look after the good and the unprotected, the most righteous, those devoted to the vow of truth; fate alone is their refuge.

Note on the text: Corrected धर्मिष्ठात् → धर्मिष्ठान् (misprint in Wikisource; the accusative plural is needed beside साधून् and अनाथान् — the critical edition's apparatus reads dharmiṣṭhān). Not in the critical edition (found in the vulgate recension). (The critical edition carries it in its apparatus, 1.137.5*1485, lines 3–4.)

Verse 8 (1.162.8)

ते वयं धृतराष्ट्राय प्रेषयामो दुरात्मने । संवृत्तस्ते परः कामः पाण्डवान्दग्धवानसि ॥

te vayaṃ dhṛtarāṣṭrāya preṣayāmo durātmane | saṃvṛttaste paraḥ kāmaḥ pāṇḍavāndagdhavānasi

We shall send word to the wicked Dhritarashtra: 'Your dearest wish has come true. You have burned the Pandavas.'"

Verse 9 (1.162.9)

ततो व्यपोहमानास्ते पाण्डवार्थे हुताशनम् । निषादीं ददृशुर्दग्धां पञ्चपुत्रामनागसम् ॥

tato vyapohamānāste pāṇḍavārthe hutāśanam | niṣādīṃ dadṛśurdagdhāṃ pañcaputrāmanāgasam

Then, as they cleared away the fire in search of the Pandavas, they saw the innocent Nishada woman burned to death with her five sons.

Verse 10 (1.162.10)

इतः पश्यत कुन्तीयं दग्धा शेते तपस्विनी । पुत्रैः सहैव वार्ष्णेयी हन्तेत्याहुः स्म नागराः ॥

itaḥ paśyata kuntīyaṃ dagdhā śete tapasvinī | putraiḥ sahaiva vārṣṇeyī hantetyāhuḥ sma nāgarāḥ

"Look here! Kunti of the Vrishnis, the ascetic lady, lies burned together with her sons. Alas!" the townspeople said.

Note on the text: Not in the critical edition (found in the vulgate recension). (The critical edition carries it in its apparatus, 1.137.7*1486.)

Verse 11 (1.162.11)

खनकेन तु तेनैव वेश्म शोधयता बिलम् । पांसुभिः पिहितं तच्च पुरुषैस्तैर्न लक्षितम् ॥

khanakena tu tenaiva veśma śodhayatā bilam | pāṃsubhiḥ pihitaṃ tacca puruṣaistairna lakṣitam

But the tunnel, which that same digger had covered over with earth while clearing the house, went unnoticed by those men.

Verse 12 (1.162.12)

ततस्ते प्रेषयामासुर्धृतराष्ट्राय नागराः । पाण्डवानग्निना दग्धानमात्यं च पुरोचनम् ॥

tataste preṣayāmāsurdhṛtarāṣṭrāya nāgarāḥ | pāṇḍavānagninā dagdhānamātyaṃ ca purocanam

Then the townspeople sent word to Dhritarashtra that the Pandavas had been burned in the fire, and the minister Purochana with them.

Verse 13 (1.162.13)

श्रुत्वा तु धृतराष्ट्रस्तद्राजा सुमहदप्रियम् । विनाशं पाण्डुपुत्राणां विललाप सुदुःखितः ॥

śrutvā tu dhṛtarāṣṭrastadrājā sumahadapriyam | vināśaṃ pāṇḍuputrāṇāṃ vilalāpa suduḥkhitaḥ

Hearing that most unwelcome news, the destruction of Pandu's sons, King Dhritarashtra lamented in deep sorrow.

Verse 14 (1.162.14)

अन्तर्हृष्टमनाश्चासौ बहिर्दुःखसमन्वितः । अन्तःशीतो बहिश्चोष्णो ग्रीष्मेऽगाधह्रदो यथा ॥

antarhṛṣṭamanāścāsau bahirduḥkhasamanvitaḥ | antaḥśīto bahiścoṣṇo grīṣme'gādhahrado yathā

Inwardly he was glad, outwardly full of grief: cold within and hot without, like a deep pool in summer.

Note on the text: Corrected ह्वदोयथा → ह्रदो यथा (misprint in Wikisource; व for र in ह्रद "pool", and the words run together — the critical edition's apparatus reads agādhahrado yathā). Not in the critical edition (found in the vulgate recension). (The critical edition carries it in its apparatus, 1.137.10*1488.)

Verse 15 (1.162.15)

अद्य पाण्डुर्मृतो राजा मम भ्राता महायशाः । तेषु वीरेषु दग्धेषु मात्रा सह विशेषतः ॥

adya pāṇḍurmṛto rājā mama bhrātā mahāyaśāḥ | teṣu vīreṣu dagdheṣu mātrā saha viśeṣataḥ

"Today King Pandu, my illustrious brother, has died, now that those heroes have been burned — and with their mother, above all.

Verse 16 (1.162.16)

गच्छन्तु पुरुषाः शीघ्रं नगरं वारणावतम् । सत्कारयन्तु तान्वीरान्कुन्तीं राजसुतां च ताम् ॥

gacchantu puruṣāḥ śīghraṃ nagaraṃ vāraṇāvatam | satkārayantu tānvīrānkuntīṃ rājasutāṃ ca tām

Let men go quickly to the city of Varanavata and pay the funeral honours to those heroes and to Kunti, the king's daughter.

Verse 17 (1.162.17)

ये च तत्र मृतास्तेषां सुहृदः सन्ति तानपि । कारयन्तु च कुल्यानि शुभ्राणि च बृहन्ति च ॥

ye ca tatra mṛtāsteṣāṃ suhṛdaḥ santi tānapi | kārayantu ca kulyāni śubhrāṇi ca bṛhanti ca

For those who died there too, and for any friends they have, let them raise memorials over the remains, white and large.

Note on the text: = CE 1.137.13 with its two lines in the reverse order (the critical edition reads mahānti for बृहन्ति and suhṛdo 'rcantu for सुहृदः सन्ति), aligned by hand.

Verse 18 (1.162.18)

मम दग्धा महात्मानः कुलवंशविवर्धनाः ॥

mama dagdhā mahātmānaḥ kulavaṃśavivardhanāḥ

Burned are my great-souled ones, who were to make our family and line prosper.

Note on the text: A single line, as printed in Wikisource (numbered 18a only). Not in the critical edition (found in the vulgate recension). (The critical edition carries it in its apparatus, 1.137.13*1489.)

Verse 19 (1.162.19)

एवं गते मया शक्यं यद्यत्कारयितुं हितम् । पाण्डवानां च कुन्त्याश्च तत्सर्वं क्रियतां धनैः ॥

evaṃ gate mayā śakyaṃ yadyatkārayituṃ hitam | pāṇḍavānāṃ ca kuntyāśca tatsarvaṃ kriyatāṃ dhanaiḥ

Now that it has come to this, whatever good I can have done for the Pandavas and for Kunti, let all of it be done, and spare no wealth."

Verse 20 (1.162.20)

समेताश्च ततः सर्वे भीष्मेण सह कौरवाः । धृतराष्ट्रः सपुत्रश्च गङ्गामभिमुखा ययुः ॥

sametāśca tataḥ sarve bhīṣmeṇa saha kauravāḥ | dhṛtarāṣṭraḥ saputraśca gaṅgāmabhimukhā yayuḥ

Then all the Kauravas gathered with Bhishma, and Dhritarashtra with his sons, and they set out towards the Ganga,

Note on the text: Removed a speaker line ("वैशंपायन उवाच", with a stray backtick) that had slipped into the verse text; speaker corrected from धृतराष्ट्र (carried over) to वैशम्पायन, as the printed heading shows. Not in the critical edition (found in the vulgate recension). (The critical edition carries it in its apparatus, 1.137.14*1490, lines 1–2.)

Verse 21 (1.162.21)

एकवस्त्रा निरानन्दा निराभरणवेष्टनाः । उदकं कर्तुकामा वै पाण्डवानां महात्मनाम् ॥

ekavastrā nirānandā nirābharaṇaveṣṭanāḥ | udakaṃ kartukāmā vai pāṇḍavānāṃ mahātmanām

each in a single garment, joyless, without ornaments or headbands, meaning to offer water to the great-souled Pandavas.

Note on the text: Corrected निराभरणवेष्टनः → निराभरणवेष्टनाः (misprint in Wikisource; the plural is needed to agree with एकवस्त्रा निरानन्दा — the critical edition's apparatus reads nirābharaṇaveṣṭanāḥ). Removed stray wiki marks (a doubled danda and a quote mark). Speaker corrected from धृतराष्ट्र (carried over) to वैशम्पायन. Not in the critical edition (found in the vulgate recension). (The critical edition carries it in its apparatus, 1.137.14*1490, lines 3–4.)

Verse 22 (1.162.22)

एवं गत्वा ततश्चक्रे ज्ञातिभिः परिवारितः । उदकं पाण्डुपुत्राणां धृतराष्ट्रोऽम्बिकासुतः ॥

evaṃ gatvā tataścakre jñātibhiḥ parivāritaḥ | udakaṃ pāṇḍuputrāṇāṃ dhṛtarāṣṭro'mbikāsutaḥ

Having gone there, Dhritarashtra, son of Ambika, surrounded by his kinsmen, made the water offering for the sons of Pandu.

Note on the text: Speaker corrected from धृतराष्ट्र (carried over) to वैशम्पायन.

Verse 23 (1.162.23)

रुरुदुः सहिताः सर्वे भृशं शोकपरायणाः । हा युधिष्ठिर कौरव्य हा भीम इति चापरे ॥

ruruduḥ sahitāḥ sarve bhṛśaṃ śokaparāyaṇāḥ | hā yudhiṣṭhira kauravya hā bhīma iti cāpare

All of them wept together, overwhelmed with grief. Some cried, "Ah, Yudhishthira, scion of Kuru!" others, "Ah, Bhima!"

Note on the text: The first line ≈ CE 1.137.16ab (which reads cukruśuḥ kauravāḥ sarve); the second line is not in the critical edition's text (it is in its apparatus, 1.137.16*1492, line 1; found in the vulgate recension). Speaker corrected from धृतराष्ट्र (carried over) to वैशम्पायन.

Verse 24 (1.162.24)

हा फल्गुनेति चाप्यन्ये हा यमाविति चापरे । कुन्तीमार्ताश्च शोचन्त उदकं चक्रिरे जनाः ॥

hā phalguneti cāpyanye hā yamāviti cāpare | kuntīmārtāśca śocanta udakaṃ cakrire janāḥ

Others again cried, "Ah, Phalguna!" and still others, "Ah, the twins!" And grieving for Kunti in their distress, the people offered water.

Note on the text: Not in the critical edition (found in the vulgate recension). (The critical edition carries it in its apparatus, 1.137.16*1492, lines 2–3.) Speaker corrected from धृतराष्ट्र (carried over) to वैशम्पायन.

Verse 25 (1.162.25)

अन्ये पौरजनाश्चैवमन्वशोचन्त पाण्डवान् । विदुरस्त्वल्पशश्चक्रे शोकं वेद परं हि सः ॥

anye paurajanāścaivamanvaśocanta pāṇḍavān | vidurastvalpaśaścakre śokaṃ veda paraṃ hi saḥ

The other citizens likewise mourned the Pandavas. But Vidura grieved only a little, for he knew the truth of the matter.

Note on the text: The first line is not in the critical edition's text (it is in its apparatus, 1.137.16*1492, line 4; found in the vulgate recension); the second line = CE 1.137.16cd. Speaker corrected from धृतराष्ट्र (carried over) to वैशम्पायन.

Verse 26 (1.162.26)

विदुरो धृतराष्ट्रस्य जानन्सर्वं मनोगतम् । तेनायं विधिना सृष्टः कुटिलः कपटाशयः ॥

viduro dhṛtarāṣṭrasya jānansarvaṃ manogatam | tenāyaṃ vidhinā sṛṣṭaḥ kuṭilaḥ kapaṭāśayaḥ

Vidura, who knew all that was in Dhritarashtra's mind, thought: "Fate has made this man crooked, deceitful at heart."

Note on the text: Not in the critical edition (found in the vulgate recension). Speaker corrected from धृतराष्ट्र (carried over) to वैशम्पायन.

Verse 27 (1.162.27)

इत्येवं चिन्तयन्राजन्विदुरो विदुषां वरः । लोकानां दर्शयन्दुःखं दुःखितैः सह बान्धवैः ॥

ityevaṃ cintayanrājanviduro viduṣāṃ varaḥ | lokānāṃ darśayanduḥkhaṃ duḥkhitaiḥ saha bāndhavaiḥ

Thinking thus, O king, Vidura, best of the wise, showed grief before the people along with the sorrowing kinsmen;

Note on the text: Not in the critical edition (found in the vulgate recension). Speaker corrected from धृतराष्ट्र (carried over) to वैशम्पायन.

Verse 28 (1.162.28)

मनसाऽचिन्तयत्पार्थान्कियद्दूरं गता इति । सहिताः पाण्डवाः पुत्रा इति चिन्तापरोऽभवत् ॥

manasā'cintayatpārthānkiyaddūraṃ gatā iti | sahitāḥ pāṇḍavāḥ putrā iti cintāparo'bhavat

but in his mind he was thinking of the Parthas: "How far have they gone? Are the sons of Pandu still together?" He was lost in these thoughts.

Note on the text: Not in the critical edition (found in the vulgate recension). Speaker corrected from धृतराष्ट्र (carried over) to वैशम्पायन.

Verse 29 (1.162.29)

ततः प्रव्यथितो भीष्मः पाण्डुराजसुतान्मृतान् । सह मात्रेति तच्छ्रुत्वा विललाप रुरोद च ॥

tataḥ pravyathito bhīṣmaḥ pāṇḍurājasutānmṛtān | saha mātreti tacchrutvā vilalāpa ruroda ca

Then Bhishma, deeply pained at hearing that the sons of King Pandu had died together with their mother, lamented and wept.

Note on the text: Not in the critical edition (found in the vulgate recension). (The critical edition carries it in Appendix I.86, lines 1–2.) Speaker corrected from धृतराष्ट्र (carried over) to वैशम्पायन.

Verse 30 (1.162.30)

हा युधिष्ठिर हा भीम हा धनञ्जय हा यमौ । हा पृथे सह पुत्रैस्त्वमेकरात्रेण स्वर्गता ॥

hā yudhiṣṭhira hā bhīma hā dhanañjaya hā yamau | hā pṛthe saha putraistvamekarātreṇa svargatā

"Ah, Yudhishthira! Ah, Bhima! Ah, Dhananjaya! Ah, the twins! Ah, Pritha, in a single night you have gone to heaven with your sons!

Note on the text: Not in the critical edition (found in the vulgate recension). (The critical edition carries it in Appendix I.86, lines 3–4.)

Verse 31 (1.162.31)

मात्रा सह कुमारास्ते सर्वे तत्रैव संस्थिताः । न हि तौ नोत्सहेयातां भीमसेनधनञ्जयौ ॥

mātrā saha kumārāste sarve tatraiva saṃsthitāḥ | na hi tau notsaheyātāṃ bhīmasenadhanañjayau

All those princes perished there along with their mother! And yet those two, Bhimasena and Dhananjaya, could surely have

Note on the text: Not in the critical edition (found in the vulgate recension). (The critical edition carries it in Appendix I.86, lines 5–6.)

Verse 32 (1.162.32)

तरसा वेगितात्मानौ निर्भेत्तुमपि मन्दरम् । परासुत्वं न पश्यामि पृथायाः सह पाण्डवैः ॥

tarasā vegitātmānau nirbhettumapi mandaram | parāsutvaṃ na paśyāmi pṛthāyāḥ saha pāṇḍavaiḥ

burst apart even Mount Mandara with their force, so fierce is their spirit. I cannot see Pritha and the Pandavas as lifeless.

Note on the text: Not in the critical edition (found in the vulgate recension). (The critical edition carries it in Appendix I.86, lines 7–8.)

Verse 33 (1.162.33)

सर्वथा विकृतं तत्तु यदि ते निधनं गताः । धर्मराजः स निर्दिष्टो ननु विप्रैर्युधिष्ठिरः ॥

sarvathā vikṛtaṃ tattu yadi te nidhanaṃ gatāḥ | dharmarājaḥ sa nirdiṣṭo nanu viprairyudhiṣṭhiraḥ

If they have truly met their end, then everything is turned upside down. Was not Yudhishthira declared by the brahmins to be the King of Dharma?

Note on the text: Not in the critical edition (found in the vulgate recension). (The critical edition carries it in Appendix I.86, lines 9–10.)

Verse 34 (1.162.34)

पृथिव्यां च रथिश्रेष्ठो भविता स धनञ्जयः । सत्यव्रतो धर्मदत्तः सत्यवाक्छुभलक्षणः ॥

pṛthivyāṃ ca rathiśreṣṭho bhavitā sa dhanañjayaḥ | satyavrato dharmadattaḥ satyavākchubhalakṣaṇaḥ

And Dhananjaya was to become the best of chariot-warriors on earth. True to his vows, the gift of Dharma, truthful in speech, marked with every auspicious sign —

Note on the text: Not in the critical edition (found in the vulgate recension). (The critical edition carries it in Appendix I.86, lines 11–12.)

Verse 35 (1.162.35)

कथं कालवशं प्राप्तः पाण्डवेयो युधिष्ठिरः । आत्मानमुपमां कृत्वा परेषां वर्तते तु यः ॥

kathaṃ kālavaśaṃ prāptaḥ pāṇḍaveyo yudhiṣṭhiraḥ | ātmānamupamāṃ kṛtvā pareṣāṃ vartate tu yaḥ

how has Yudhishthira, son of Pandu, fallen into the power of Time — he who treats others as he would himself?

Note on the text: Not in the critical edition (found in the vulgate recension). (The critical edition carries it in Appendix I.86, lines 13–14.)

Verse 36 (1.162.36)

मात्रा सहैव कौरव्यः कथं कालवशं गतः । पालितः सुचिरं कालं फलकाले यथा द्रुमः ॥

mātrā sahaiva kauravyaḥ kathaṃ kālavaśaṃ gataḥ | pālitaḥ suciraṃ kālaṃ phalakāle yathā drumaḥ

How has the Kaurava passed into the power of Time together with his mother? As a tree long tended, just when its fruit is due,

Note on the text: Not in the critical edition (found in the vulgate recension). (The critical edition carries it in Appendix I.86, lines 15–16.)

Verse 37 (1.162.37)

भग्नः स्याद्वायुवेगेन तथा राजा युधिष्ठिरः । यौवराज्येऽभिषिक्तेन पितुर्येनाहृतं यशः ॥

bhagnaḥ syādvāyuvegena tathā rājā yudhiṣṭhiraḥ | yauvarājye'bhiṣiktena pituryenāhṛtaṃ yaśaḥ

might be broken by the force of the wind, so has King Yudhishthira been broken — he who, consecrated as heir-apparent, won glory for his father

Note on the text: Not in the critical edition (found in the vulgate recension). (The critical edition carries it in Appendix I.86, lines 17–18.)

Verse 38 (1.162.38)

आत्मनश्च पितुश्चैव सत्यधर्मप्रवृत्तिभिः । यच्च सा वनवासेन तन्माता दुःखभागिनी ॥

ātmanaśca pituścaiva satyadharmapravṛttibhiḥ | yacca sā vanavāsena tanmātā duḥkhabhāginī

and for himself by his deeds of truth and dharma; and as his mother shared his suffering through their life in the forest,

Note on the text: The first line is in the critical edition's Appendix I.86 (line 19); not in its constituted text (found in the vulgate recension). The second line repeats, word for word, the second line of the next verse; at this point the appendix has a different line (sa brahmaṇyaḥ paraprekṣī hṛdi śokaṃ nidhāya me). Kept as printed in Wikisource.

Verse 39 (1.162.39)

कालेन सह संमग्नो धिक्कृतान्तमनर्थकम् । यच्च सा वनवासेन तन्माता दुःखभागिनी ॥

kālena saha saṃmagno dhikkṛtāntamanarthakam | yacca sā vanavāsena tanmātā duḥkhabhāginī

so has he sunk away with Time. Fie on senseless Fate! And as his mother shared his suffering through their life in the forest,

Note on the text: Not in the critical edition (found in the vulgate recension). (The critical edition carries it in Appendix I.86, lines 21–22.)

Verse 40 (1.162.40)

पुत्रगृध्नुतया कुन्ती न भर्तारं मृतात्वनु । अल्पकालं कुले जाता भर्तुः प्रीतिमवाप या ॥

putragṛdhnutayā kuntī na bhartāraṃ mṛtātvanu | alpakālaṃ kule jātā bhartuḥ prītimavāpa yā

so Kunti — who, for love of her sons, did not follow her husband in death, and who, born of a noble house, enjoyed her husband's love only a little while —

Note on the text: Not in the critical edition (found in the vulgate recension). (The critical edition carries it in Appendix I.86, lines 23–24.)

Verse 41 (1.162.41)

दग्धाऽद्य सह पुत्रैः सा असंपूर्णमनोरथा । मृतो भीम इति श्रुत्वा मनो न श्रद्दधाति मे ॥

dagdhā'dya saha putraiḥ sā asaṃpūrṇamanorathā | mṛto bhīma iti śrutvā mano na śraddadhāti me

has been burned today with her sons, her heart's wishes unfulfilled. When I hear that Bhima is dead, my mind will not believe it.

Note on the text: Corrected असंपूर्णमनोरा → असंपूर्णमनोरथा (misprint in Wikisource; a dropped akshara leaves no valid word and the half-line a syllable short — the critical edition's Appendix I.86, line 25, reads asaṃpūrṇamanorathā). The first line is in that appendix; not in the critical edition's constituted text (found in the vulgate recension). The second line repeats, word for word, the second line of verse 43 and has no counterpart in the appendix here; kept as printed in Wikisource.

Verse 42 (1.162.42)

एतच्च चिन्तयानस्य व्यथितं बहुधा मनः । अवधूय च मे देहं हृदयेन विदीर्यते ॥

etacca cintayānasya vyathitaṃ bahudhā manaḥ | avadhūya ca me dehaṃ hṛdayena vidīryate

As I dwell on this, my mind is pained in many ways; my body shakes, and my heart is torn apart.

Note on the text: Not in the critical edition (found in the vulgate recension). (The critical edition carries it in Appendix I.86, lines 26–27.)

Verse 43 (1.162.43)

पीनस्कन्धश्चारुबाहुर्मेरुकूटसमो युवा । मृतो भीम इति श्रुत्वा मनो न श्रद्दधाति मे ॥

pīnaskandhaścārubāhurmerukūṭasamo yuvā | mṛto bhīma iti śrutvā mano na śraddadhāti me

Broad-shouldered, fair-armed, young, like a peak of Mount Meru — when I hear that Bhima is dead, my mind will not believe it.

Note on the text: Not in the critical edition (found in the vulgate recension). (The critical edition carries it in Appendix I.86, lines 28–29.)

Verse 44 (1.162.44)

अतित्यागी च योधी च क्षिप्रहस्तो दृढायुधः । प्रपत्तिमाँल्लब्धलक्षो रथयानविशारदः ॥

atityāgī ca yodhī ca kṣiprahasto dṛḍhāyudhaḥ | prapattimām̐llabdhalakṣo rathayānaviśāradaḥ

Supremely generous, a true fighter, swift of hand and firm of weapon, resourceful, sure of aim, skilled in driving a chariot,

Note on the text: Not in the critical edition (found in the vulgate recension). (The critical edition carries it in Appendix I.86, lines 30–31.)

Verse 45 (1.162.45)

दूरपाती त्वसंभ्रान्तो महावीर्यो महास्त्रवान् । अदीनात्मा नरश्रेष्ठः श्रेष्ठः सर्वधनुष्मताम् ॥

dūrapātī tvasaṃbhrānto mahāvīryo mahāstravān | adīnātmā naraśreṣṭhaḥ śreṣṭhaḥ sarvadhanuṣmatām

striking from afar, never flustered, of great valour and mighty weapons, high-spirited, best of men, best of all who bear the bow;

Note on the text: Not in the critical edition (found in the vulgate recension). (The critical edition carries it in Appendix I.86, lines 32–33.)

Verse 46 (1.162.46)

येन प्राच्याश्च सौवीरा दाक्षिणात्याश्च निर्जिताः । ख्यापितं येन शूरेण त्रिषु लोकेषु पौरुषम् ॥

yena prācyāśca sauvīrā dākṣiṇātyāśca nirjitāḥ | khyāpitaṃ yena śūreṇa triṣu lokeṣu pauruṣam

the hero who conquered the peoples of the east, the Sauviras and the southerners, and made his manhood famous in the three worlds;

Note on the text: Not in the critical edition (found in the vulgate recension). (The critical edition carries it in Appendix I.86, lines 34–35.)

Verse 47 (1.162.47)

यस्मिञ्जाते विशोकाऽभूत्कुन्ती पाण्डुश्च वीर्यवान् । पुरन्दरसमो जिष्णुः कथं कालवशं गतः ॥

yasmiñjāte viśokā'bhūtkuntī pāṇḍuśca vīryavān | purandarasamo jiṣṇuḥ kathaṃ kālavaśaṃ gataḥ

at whose birth Kunti and mighty Pandu were freed from sorrow — how has Jishnu, the equal of Purandara, fallen into the power of Time?

Note on the text: Not in the critical edition (found in the vulgate recension). (The critical edition carries it in Appendix I.86, lines 36–37.)

Verse 48 (1.162.48)

कथं तावृषभस्कन्धौ सिंहविक्रान्तगामिनौ । मर्त्यधर्ममनुप्राप्तौ यमावरिनिबर्हणौ ॥

kathaṃ tāvṛṣabhaskandhau siṃhavikrāntagāminau | martyadharmamanuprāptau yamāvarinibarhaṇau

How have those two, the twins, bull-shouldered, moving with a lion's stride, slayers of their foes, come to the lot of mortals?

Note on the text: Corrected ऋषभष्कन्धौ → ऋषभस्कन्धौ (misprint in Wikisource; ष for स, which does not become retroflex after -अ — the critical edition's Appendix I.86, line 38, reads vṛṣabhaskandhau) and निवर्हणौ → निबर्हणौ (misprint; व for ब in निबर्हण "slayer" — the appendix, line 39, reads arinibarhaṇau). Not in the critical edition's constituted text (found in the vulgate recension).

Verse 49 (1.162.49)

वत्सा गताः क्व मां वृद्धं विहाय भृशमातुरम् । हा स्नुषे मम वार्ष्णेयि निधाय हृदि मे शुचम् ॥

vatsā gatāḥ kva māṃ vṛddhaṃ vihāya bhṛśamāturam | hā snuṣe mama vārṣṇeyi nidhāya hṛdi me śucam

Children, where have you gone, leaving me, an old man, in such distress? Ah, my daughter-in-law of the Vrishnis, you have set grief in my heart!

Note on the text: Not in the critical edition (found in the vulgate recension).

Verse 50 (1.162.50)

वारणावतयात्रायां के स्युर्वै शकुनाः पथि । एवमल्पायुषो लोके भविष्यन्ति पृथासुताः ॥

vāraṇāvatayātrāyāṃ ke syurvai śakunāḥ pathi | evamalpāyuṣo loke bhaviṣyanti pṛthāsutāḥ

What omens could there have been on the road, on the journey to Varanavata, that Pritha's sons should prove so short-lived in this world?

Note on the text: Not in the critical edition (found in the vulgate recension).

Verse 51 (1.162.51)

संशप्ता इति कैर्यूयं वत्सान्दर्शय मे पृथे । ममैव नाथा मन्नाथा मम नेत्राणि पाण्डवाः ॥

saṃśaptā iti kairyūyaṃ vatsāndarśaya me pṛthe | mamaiva nāthā mannāthā mama netrāṇi pāṇḍavāḥ

By whom were you cursed? Pritha, show me the children! The Pandavas were my very protectors, my masters, my eyes.

Note on the text: Not in the critical edition (found in the vulgate recension).

Verse 52 (1.162.52)

हा पाण्डवा मे हे वत्सा हा सिंहशिशवो मम । मातङ्गा हा ममोत्तुङ्गा हा ममानन्दवर्धनाः ॥

hā pāṇḍavā me he vatsā hā siṃhaśiśavo mama | mātaṅgā hā mamottuṅgā hā mamānandavardhanāḥ

Ah, my Pandavas! Ah, my children! Ah, my lion cubs! Ah, my lofty elephants! Ah, you who made my joy grow!

Note on the text: Not in the critical edition (found in the vulgate recension).

Verse 53 (1.162.53)

मम हीनस्य युष्माभिः सर्वलोकास्तमोवृताः । कदा द्रष्टाऽस्मि कौन्तेयांस्तरुणादित्यवर्चसः ॥

mama hīnasya yuṣmābhiḥ sarvalokāstamovṛtāḥ | kadā draṣṭā'smi kaunteyāṃstaruṇādityavarcasaḥ

Bereft of you, I find all the worlds wrapped in darkness. When shall I see the sons of Kunti, radiant as the rising sun?

Note on the text: Not in the critical edition (found in the vulgate recension).

Verse 54 (1.162.54)

अदृष्ट्वा वो महाबाहून्पुत्रवन्मम नन्दनाः । क्व गतिर्मे क्व गच्छामि कुतो द्रक्ष्यामि मे शिशून् ॥

adṛṣṭvā vo mahābāhūnputravanmama nandanāḥ | kva gatirme kva gacchāmi kuto drakṣyāmi me śiśūn

Not seeing you, mighty-armed ones, who delighted me like sons of my own — what refuge is left me? Where shall I go? Where shall I see my children?

Note on the text: Not in the critical edition (found in the vulgate recension).

Verse 55 (1.162.55)

हा युधिष्ठिर हा भीम हा हा फल्गुन हा यमौ । मा गच्छत निवर्तध्वं मयि कोपं विमुञ्चत ॥

hā yudhiṣṭhira hā bhīma hā hā phalguna hā yamau | mā gacchata nivartadhvaṃ mayi kopaṃ vimuñcata

Ah, Yudhishthira! Ah, Bhima! Ah, ah, Phalguna! Ah, the twins! Do not go — come back! Let go of your anger with me!"

Note on the text: Not in the critical edition (found in the vulgate recension).

Verse 56 (1.162.56)

श्रुत्वा तत्क्रन्दितं तस्य तिलोदं च प्रसिञ्चतः । देशं कालं समाज्ञाय विदुरः प्रत्यभाषत ॥

śrutvā tatkranditaṃ tasya tilodaṃ ca prasiñcataḥ | deśaṃ kālaṃ samājñāya viduraḥ pratyabhāṣata

Hearing his cries as he poured out the water mixed with sesame, Vidura judged the place and the moment and answered him:

Note on the text: Not in the critical edition (found in the vulgate recension). (The critical edition carries it in Appendix I.86, lines 40–41.)

Verse 57 (1.162.57)

मा शोचीस्त्वं नरव्याघ्र जहि शोकं महाधृते । न तेषां विद्यते मृत्युः प्राप्तकालं कृतं मया ॥

mā śocīstvaṃ naravyāghra jahi śokaṃ mahādhṛte | na teṣāṃ vidyate mṛtyuḥ prāptakālaṃ kṛtaṃ mayā

"Do not grieve, tiger among men; cast off your sorrow, steadfast one. There is no death for them. I have done what the hour required.

Note on the text: Not in the critical edition (found in the vulgate recension). (The critical edition carries it in Appendix I.86, lines 42–43.) Speaker set to Vidura: these are his words, introduced in the previous verse; Wikisource prints no speaker line.

Verse 58 (1.162.58)

एतच्च तेभ्य उदकं विप्रसिञ्च न भारत । क्षत्तेदमब्रवीद्भीष्मं कौरवाणामशृण्वताम् ॥

etacca tebhya udakaṃ viprasiñca na bhārata | kṣattedamabravīdbhīṣmaṃ kauravāṇāmaśṛṇvatām

And do not pour out this water for them, Bharata." So the steward spoke to Bhishma, out of the Kauravas' hearing.

Note on the text: Not in the critical edition (found in the vulgate recension). (The critical edition carries it in Appendix I.86, lines 44–45, which read differently in places.)

Verse 59 (1.162.59)

क्षत्तारमुपसंगम्य बाष्पोत्पीडकलस्वरः । मन्दंमन्दमुवाचेदं विदुरं संगमे नृप ॥

kṣattāramupasaṃgamya bāṣpotpīḍakalasvaraḥ | mandaṃmandamuvācedaṃ viduraṃ saṃgame nṛpa

Bhishma drew close to the steward and, his voice faltering with tears, spoke very softly to Vidura where they met, O king:

Note on the text: The first line is in the critical edition's Appendix I.86 (line 46, which reads anusaṃgṛhya); the second line is not in the critical edition at all. Not in the critical edition (found in the vulgate recension).

Verse 60 (1.162.60)

कथं ते तात जीवन्ति पाण्डोः पुत्रा महाबलाः । कथमस्मत्कृते पक्षः पाण्डोर्न हि निपातितः ॥

kathaṃ te tāta jīvanti pāṇḍoḥ putrā mahābalāḥ | kathamasmatkṛte pakṣaḥ pāṇḍorna hi nipātitaḥ

"How is it, my son, that the mighty sons of Pandu are alive? How is it that Pandu's line was not struck down on our account?

Note on the text: Not in the critical edition (found in the vulgate recension). (The critical edition carries it in Appendix I.86, lines 47–48.)

Verse 61 (1.162.61)

कथं मत्प्रमुखाः सर्वे प्रमुक्ता महतो भयात् । जननी गरुडेनेव कुरवस्ते समुद्धृताः ॥

kathaṃ matpramukhāḥ sarve pramuktā mahato bhayāt | jananī garuḍeneva kuravaste samuddhṛtāḥ

How have all of us, with me at our head, been freed from this great fear? You have lifted up the Kurus as Garuda lifted up his mother."

Note on the text: Not in the critical edition (found in the vulgate recension). (The critical edition carries it in Appendix I.86, lines 49–50.)

Verse 62 (1.162.62)

एवमुक्तस्तु कौरव्य कौरवाणामशृण्वताम् । आचचक्षे स धर्मात्मा भीष्मायाद्भुतकर्मणे ॥

evamuktastu kauravya kauravāṇāmaśṛṇvatām | ācacakṣe sa dharmātmā bhīṣmāyādbhutakarmaṇe

Thus addressed, O Kaurava, the righteous Vidura told the whole story to Bhishma of wondrous deeds, out of the Kauravas' hearing.

Note on the text: Not in the critical edition (found in the vulgate recension). (The critical edition carries it in Appendix I.86, lines 51–52.)

Verse 63 (1.162.63)

धृतराष्ट्रस्य शकुने राज्ञो दुर्योधनस्य च । विनाशे पाण्डुपुत्राणां कृतो मतिविनिश्चयः ॥

dhṛtarāṣṭrasya śakune rājño duryodhanasya ca | vināśe pāṇḍuputrāṇāṃ kṛto mativiniścayaḥ

"Dhritarashtra, Shakuni and King Duryodhana had made up their minds to destroy the sons of Pandu.

Note on the text: Not in the critical edition (found in the vulgate recension). (The critical edition carries it in Appendix I.86, lines 53–54.)

Verse 64 (1.162.64)

तत्राहमपि च ज्ञात्वा तस्य पापस्य निश्चयम् । तं जिघांसुरहं चापि तेषामनुमते स्थितः ॥

tatrāhamapi ca jñātvā tasya pāpasya niścayam | taṃ jighāṃsurahaṃ cāpi teṣāmanumate sthitaḥ

When I learned of that wicked resolve, I too, though bent on defeating it, stood by as if I agreed with them.

Note on the text: Not in the critical edition (found in the vulgate recension). (The critical edition carries it in Appendix I.86, lines 55–56.)

Verse 65 (1.162.65)

ततो जतुगृहं गत्वा दहनेऽस्मिन्नियोजिते । पृथायाश्च सपुत्राया धार्तराष्ट्रस्य शासनात् ॥

tato jatugṛhaṃ gatvā dahane'sminniyojite | pṛthāyāśca saputrāyā dhārtarāṣṭrasya śāsanāt

Then, when, at the command of Dhritarashtra's son, the house of lac had been made ready for burning Pritha and her sons,

Note on the text: Not in the critical edition (found in the vulgate recension). (The critical edition carries it in Appendix I.86, lines 57–58.)

Verse 66 (1.162.66)

ततः खनकमाहूय सुरङ्गं वै बिलं तदा । सुगूढं कारयित्वा ते कुन्त्या पाण्डुसुतास्तदा ॥

tataḥ khanakamāhūya suraṅgaṃ vai bilaṃ tadā | sugūḍhaṃ kārayitvā te kuntyā pāṇḍusutāstadā

I summoned a digger and had a tunnel dug there, well hidden; and through it Pandu's sons, together with Kunti,

Note on the text: Not in the critical edition (found in the vulgate recension). (The critical edition carries it in Appendix I.86, lines 59–60.)

Verse 67 (1.162.67)

निष्क्रामिता मया पूर्वं मा स्म शोके मनः कृथाः । ततस्तु नावमारोप्य सहपुत्रां पृथामहम् ॥

niṣkrāmitā mayā pūrvaṃ mā sma śoke manaḥ kṛthāḥ | tatastu nāvamāropya sahaputrāṃ pṛthāmaham

were led out by me beforehand. Do not set your mind on grief. Then I put Pritha and her sons on a boat,

Note on the text: Not in the critical edition (found in the vulgate recension). (The critical edition carries it in Appendix I.86, lines 61–62.)

Verse 68 (1.162.68)

दत्त्वाऽभयं सपुत्रायै कुन्त्यै गृहमदाहयम् । तस्मात्ते मा स्म भूद्दुःखं मुक्ताः पापात्तु पाण्डवाः ॥

dattvā'bhayaṃ saputrāyai kuntyai gṛhamadāhayam | tasmātte mā sma bhūdduḥkhaṃ muktāḥ pāpāttu pāṇḍavāḥ

gave Kunti and her sons the promise of safety, and had the house burned. So do not grieve: the Pandavas are free of that evil.

Note on the text: Not in the critical edition (found in the vulgate recension). (The critical edition carries it in Appendix I.86, lines 63–64.)

Verse 69 (1.162.69)

निर्गताः पाण्डवा राजन्मात्रा सह परन्तपाः । अग्निदाहान्महाघोरान्मया तस्मादुपायतः ॥

nirgatāḥ pāṇḍavā rājanmātrā saha parantapāḥ | agnidāhānmahāghorānmayā tasmādupāyataḥ

The Pandavas, scorchers of their foes, have escaped with their mother, O king, from that terrible burning, by the means I devised.

Note on the text: Corrected अग्निहादान् → अग्निदाहान् (misprint in Wikisource; the aksharas of दाह are transposed — the critical edition's Appendix I.86, line 66, reads agnidāhān). Not in the critical edition's constituted text (found in the vulgate recension).

Verse 70 (1.162.70)

मा स्म शोकमिमं कार्षीर्जीवन्त्येव च पाण्डवाः । प्रच्छन्ना विचरिष्यन्ति यावत्कालस्य पर्ययः ॥

mā sma śokamimaṃ kārṣīrjīvantyeva ca pāṇḍavāḥ | pracchannā vicariṣyanti yāvatkālasya paryayaḥ

Do not give way to this grief: the Pandavas are alive. They will move about in hiding until the time has turned.

Note on the text: Corrected विचिरिष्यन्ति → विचरिष्यन्ति (misprint in Wikisource; a stray vowel sign — the critical edition's Appendix I.86, line 68, reads vicariṣyanti). Not in the critical edition's constituted text (found in the vulgate recension).

Verse 71 (1.162.71)

तस्मिन्युधिष्ठिरं काले द्रक्ष्यन्ति भुवि मानवाः । विमलं कृष्णपक्षान्ते जगच्चन्द्रमिवोदितम् ॥

tasminyudhiṣṭhiraṃ kāle drakṣyanti bhuvi mānavāḥ | vimalaṃ kṛṣṇapakṣānte jagaccandramivoditam

At that time people on earth will see Yudhishthira shining spotless, like the moon risen over the world at the end of the dark fortnight.

Note on the text: Not in the critical edition (found in the vulgate recension). (The critical edition carries it in Appendix I.86, lines 69–70.)

Verse 72 (1.162.72)

न तस्य नाशं पश्यामि यस्य भ्राता धनञ्जयः । भीमसेनश्च दुर्धर्षौ माद्रीपुत्रौ च तौ यमौ ॥

na tasya nāśaṃ paśyāmi yasya bhrātā dhanañjayaḥ | bhīmasenaśca durdharṣau mādrīputrau ca tau yamau

I see no ruin for one whose brothers are Dhananjaya and Bhimasena, and the twin sons of Madri, both invincible."

Note on the text: Not in the critical edition (found in the vulgate recension). (The critical edition carries it in Appendix I.86, lines 71–72.)

Verse 73 (1.162.73)

ततः संहृष्टसर्वाङ्गो भीष्मो विदुरमब्रवीत् । दिष्ट्यादिष्ट्येति संहृष्टः पूजयानो महामतिम् ॥

tataḥ saṃhṛṣṭasarvāṅgo bhīṣmo viduramabravīt | diṣṭyādiṣṭyeti saṃhṛṣṭaḥ pūjayāno mahāmatim

Then Bhishma, thrilled in every limb, spoke to Vidura, crying in his joy, "Thank heaven! Thank heaven!" and honouring that wise man.

Note on the text: Not in the critical edition (found in the vulgate recension).

Verse 74 (1.162.74)

युक्तं चैवानुरूपं च कृतं तात शुभं त्वया । वयं विमोक्षिता दुःखात्पाण्डुपक्षो न नाशितः ॥

yuktaṃ caivānurūpaṃ ca kṛtaṃ tāta śubhaṃ tvayā | vayaṃ vimokṣitā duḥkhātpāṇḍupakṣo na nāśitaḥ

"What you have done, my son, is right and fitting and good. We have been freed from sorrow, and Pandu's line has not been destroyed."

Note on the text: Not in the critical edition (found in the vulgate recension).

Verse 75 (1.162.75)

एवमुक्त्वा विवेशाथ पुरं जनशताकुलम् । कुरुभिः सहितो राजन्नागरैश्च पितामहः ॥

evamuktvā viveśātha puraṃ janaśatākulam | kurubhiḥ sahito rājannāgaraiśca pitāmahaḥ

Having said this, the grandsire entered the city, thronged with hundreds of people, together with the Kurus and the townsfolk, O king.

Note on the text: Not in the critical edition (found in the vulgate recension).

Verse 76 (1.162.76)

अथाम्बिकेयः सामात्यः सकर्णः सहसौबलः । सात्मजः पार्थनाशस्य स्मरंस्तथ्यं जहर्ष च ॥

athāmbikeyaḥ sāmātyaḥ sakarṇaḥ sahasaubalaḥ | sātmajaḥ pārthanāśasya smaraṃstathyaṃ jaharṣa ca

Then the son of Ambika, with his ministers, with Karna and Subala's son and with his own sons, rejoiced, taking the destruction of the Parthas for fact.

Note on the text: Corrected जर्ष → जहर्ष (misprint in Wikisource; a dropped akshara leaves no valid word and the half-line a syllable short — the perfect of हृष्). Not in the critical edition (found in the vulgate recension).

Verse 77 (1.162.77)

भीष्मश्च राजन्दुर्धर्षो विदुरश्च महामतिः । जहृषाते स्मरन्तौ तौ जातुषाग्नेर्विमोचनम् ॥

bhīṣmaśca rājandurdharṣo viduraśca mahāmatiḥ | jahṛṣāte smarantau tau jātuṣāgnervimocanam

And invincible Bhishma, O king, and wise Vidura both rejoiced, remembering the escape from the fire of the lac house.

Note on the text: Not in the critical edition (found in the vulgate recension).

Verse 78 (1.162.78)

सत्यशीलगुणाचारै रागैर्जानपदोद्भवैः । द्रोणादयश्च धर्मैस्तु तेषां तान्मोचितान्विदुः ॥

satyaśīlaguṇācārai rāgairjānapadodbhavaiḥ | droṇādayaśca dharmaistu teṣāṃ tānmocitānviduḥ

Drona and the others, judging by the Pandavas' truthfulness, character, virtues and conduct, by the love the country people bore them, and by their righteousness, understood that they had been saved.

Note on the text: Not in the critical edition (found in the vulgate recension).

Verse 79 (1.162.79)

शौर्यलावण्यमाहात्म्यै रूपैः प्राणबलैरपि । स्वस्थान्पार्थानमन्यन्त पौरजानपदास्तथा ॥

śauryalāvaṇyamāhātmyai rūpaiḥ prāṇabalairapi | svasthānpārthānamanyanta paurajānapadāstathā

The people of the city and the countryside, too, mindful of their courage, grace and greatness, their beauty and the strength of their life, believed the Parthas to be safe.

Note on the text: Not in the critical edition (found in the vulgate recension).

Verse 80 (1.162.80)

अन्ये जनाः प्राकृताश्च स्त्रियश्च बहुलास्तदा । शङ्कमाना वदन्ति स्म दग्धा जीवन्ति वा न वा ॥

anye janāḥ prākṛtāśca striyaśca bahulāstadā | śaṅkamānā vadanti sma dagdhā jīvanti vā na vā

But other common folk, and many women, were in doubt and kept saying, "Were they burned? Are they alive or not?"

Note on the text: Not in the critical edition (found in the vulgate recension).