The Kings Rise Against Drupada

Verse 1 (1.204.1)

तस्मै दित्सति कन्यां तु ब्राह्मणाय तदा नृपे । कोप आसीन्महीपानामालोक्यान्योन्यमन्तिकात् ॥

tasmai ditsati kanyāṃ tu brāhmaṇāya tadā nṛpe | kopa āsīnmahīpānāmālokyānyonyamantikāt

As the king was about to give his daughter to the brahmin, anger arose among the kings as they looked at one another close at hand.

Verse 2 (1.204.2)

ऊचुः सर्वे समागम्य परस्परहितैषिणः । वयं सर्वे समाहूता द्रुपदेन दुरात्मना । संहत्य चाभ्यगच्छाम स्वयंवरदिदृक्षया ॥

ūcuḥ sarve samāgamya parasparahitaiṣiṇaḥ | vayaṃ sarve samāhūtā drupadena durātmanā | saṃhatya cābhyagacchāma svayaṃvaradidṛkṣayā

Coming together, all of them, each looking to the others' interest, said: "We were all summoned by the wicked Drupada, and we came here together, eager to see the svayamvara.

Note on the text: Not in the critical edition (found in the vulgate recension). Removed stray wiki marks (` and ').

Verse 3 (1.204.3)

अस्मानयमतिक्रम्य तृणीकृत्य च संगतान् । दातुमिच्छति विप्राय द्रौपदीं योषितां वराम् ॥

asmānayamatikramya tṛṇīkṛtya ca saṃgatān | dātumicchati viprāya draupadīṃ yoṣitāṃ varām

Passing us over and treating us, gathered here, like straw, he means to give Draupadi, the best of women, to a brahmin.

Verse 4 (1.204.4)

अवरोप्येह वृक्षस्तु फलकाले निपात्यते । निहन्मैनं दुरात्मानं योऽयमस्मान्न मन्यते ॥

avaropyeha vṛkṣastu phalakāle nipātyate | nihanmainaṃ durātmānaṃ yo'yamasmānna manyate

Here the tree he planted is being cut down just when its fruit is due. Let us kill this wicked man who holds us in contempt.

Note on the text: Corrected योयमस्मान्न → योऽयमस्मान्न (misprint in Wikisource; missing avagraha; CE yo 'yam). The second line is CE 1.180.3ab; the first is not in the critical edition (found in the vulgate recension).

Verse 5 (1.204.5)

न ह्यर्हत्येष संमानं नापि वृद्धक्रमं गुणैः । हन्मैनं सह पुत्रेण दुराचारं नृपद्विषम् ॥

na hyarhatyeṣa saṃmānaṃ nāpi vṛddhakramaṃ guṇaiḥ | hanmainaṃ saha putreṇa durācāraṃ nṛpadviṣam

He deserves no honour, nor the respect due to age, for his qualities. Let us kill this evil-doer, this enemy of kings, together with his son.

Note on the text: Corresponds to CE 1.180.3cd–4ab.

Verse 6 (1.204.6)

अयं हि सर्वानाहूय सत्कृत्य च नराधिपान् । गुणवद्भोजयित्वान्नं ततः पश्चान्न मन्यते ॥

ayaṃ hi sarvānāhūya satkṛtya ca narādhipān | guṇavadbhojayitvānnaṃ tataḥ paścānna manyate

For he invited all the kings, honoured them and fed them handsomely, and afterwards he slights them.

Note on the text: Corresponds to CE 1.180.4cd–ef.

Verse 7 (1.204.7)

अस्मिन्राजसमवाये देवानामिव सन्नये । किमयं सदृशं कंचिन्नृपतिं नैव दृष्टवान् ॥

asminrājasamavāye devānāmiva sannaye | kimayaṃ sadṛśaṃ kaṃcinnṛpatiṃ naiva dṛṣṭavān

In this gathering of kings, like an assembly of the gods, has he not seen a single king fit for her?

Verse 8 (1.204.8)

न च विप्रेष्वधीकारो विद्यते वरणं प्रति । स्वयंवरः क्षत्रियाणामितीयं प्रथिता श्रुतिः ॥

na ca vipreṣvadhīkāro vidyate varaṇaṃ prati | svayaṃvaraḥ kṣatriyāṇāmitīyaṃ prathitā śrutiḥ

Brahmins have no right to be chosen; the svayamvara belongs to kshatriyas. This is the well-known tradition.

Verse 9 (1.204.9)

अथवा यदि कन्येयं न च कंचिद्बुभूषति । अग्नावेनां परिक्षिप्य याम राष्ट्राणि पार्थिवाः ॥

athavā yadi kanyeyaṃ na ca kaṃcidbubhūṣati | agnāvenāṃ parikṣipya yāma rāṣṭrāṇi pārthivāḥ

Or if this maiden wants none of us, let us cast her into the fire and go back to our kingdoms, kings.

Verse 10 (1.204.10)

ब्राह्मणो यदि चापल्याल्लोभाद्वा कृतवानिदम् । विप्रियं पार्थिवेन्द्राणां नैष वध्यः कथंचन ॥

brāhmaṇo yadi cāpalyāllobhādvā kṛtavānidam | vipriyaṃ pārthivendrāṇāṃ naiṣa vadhyaḥ kathaṃcana

As for the brahmin, even if he has done this, so displeasing to the lords of the earth, out of rashness or greed, he is by no means to be killed.

Verse 11 (1.204.11)

ब्राह्मणार्थं हि नो राज्यं जीवितं हि वसूनि च । पुत्रपौत्रं च यच्चान्यदस्माकं विद्यते धनम् ॥

brāhmaṇārthaṃ hi no rājyaṃ jīvitaṃ hi vasūni ca | putrapautraṃ ca yaccānyadasmākaṃ vidyate dhanam

For our kingdom, our lives, our wealth, our sons and grandsons and whatever other riches we have, all exist for the sake of brahmins.

Verse 12 (1.204.12)

अवमानभयाच्चैव स्वधर्मस्य च रक्षणात् । स्वयंवराणामन्येषां मा भूदेवंविधा गतिः ॥

avamānabhayāccaiva svadharmasya ca rakṣaṇāt | svayaṃvarāṇāmanyeṣāṃ mā bhūdevaṃvidhā gatiḥ

Out of fear of dishonour, and to protect our own dharma, let no other svayamvara come to such an end."

Verse 13 (1.204.13)

इत्युक्त्वा राजशार्दूला रुष्टाः परिघबाहवः । द्रुपदं तु जिघांसन्तः सायुधाः समुपाद्रवन् ॥

ityuktvā rājaśārdūlā ruṣṭāḥ parighabāhavaḥ | drupadaṃ tu jighāṃsantaḥ sāyudhāḥ samupādravan

Saying this, those tigers among kings, enraged, with arms like iron bars, rushed at Drupada with their weapons, eager to kill him.

Verse 14 (1.204.14)

तान्गृहीतशरावापान्क्रुद्धानापततो बहून् । द्रुपदो वीक्ष्य संत्रासाद्ब्राह्मणाञ्छरणं गतः ॥

tāngṛhītaśarāvāpānkruddhānāpatato bahūn | drupado vīkṣya saṃtrāsādbrāhmaṇāñcharaṇaṃ gataḥ

Seeing the many angry kings rushing at him, quivers at the ready, Drupada in alarm took refuge with the brahmins.

Note on the text: Corrected संग्रासाद् → संत्रासाद् (misprint in Wikisource; ग for त; CE saṃtrāsād).

Verse 15 (1.204.15)

न भयान्नापि कार्पण्यान्न प्राणपरिरक्षणात् । जगाम द्रुपदो विप्राञ्शमार्थी प्रत्यपद्यत ॥

na bhayānnāpi kārpaṇyānna prāṇaparirakṣaṇāt | jagāma drupado viprāñśamārthī pratyapadyata

Drupada went to the brahmins not out of fear, nor from weakness, nor to save his life; he turned to them seeking peace.

Note on the text: Not in the critical edition (found in the vulgate recension). Removed stray wiki marks (` and ').

Verse 16 (1.204.16)

वेगेनापततस्तांस्तु प्रभिन्नानिव वारणान् । पाण्डुपुत्रौ महेष्वासौ प्रतियातावरिन्दमौ ॥

vegenāpatatastāṃstu prabhinnāniva vāraṇān | pāṇḍuputrau maheṣvāsau pratiyātāvarindamau

As the kings came on at speed like elephants in rut, the two sons of Pandu, great archers and tamers of foes, went out to meet them.

Verse 17 (1.204.17)

ततः समुत्पेतुरुदायुधास्ते । महीक्षितो बद्धगोधाङ्गुलित्राः । जिघांसमानाः कुरुराजपुत्रा- । वमर्षयन्तोऽर्जुनभीमसेनौ ॥

tataḥ samutpeturudāyudhāste | mahīkṣito baddhagodhāṅgulitrāḥ | jighāṃsamānāḥ kururājaputrā- | vamarṣayanto'rjunabhīmasenau

Then the kings sprang up with weapons raised, their finger-guards of iguana hide bound on, furious and bent on killing the two Kuru princes, Arjuna and Bhimasena.

Verse 18 (1.204.18)

ततस्तु भीमोऽद्भुतभीमकर्मा । महाबलो वज्रसमानसारः । उत्पाट्य दोर्भ्यां द्रुममेकवीरो । निष्पत्रयामास यथा गजेन्द्रः ॥

tatastu bhīmo'dbhutabhīmakarmā | mahābalo vajrasamānasāraḥ | utpāṭya dorbhyāṃ drumamekavīro | niṣpatrayāmāsa yathā gajendraḥ

Then Bhima, of wondrous and fearsome deeds, mighty and hard as the thunderbolt, matchless hero, tore up a tree with his two arms and stripped it of its leaves like a lordly elephant.

Verse 19 (1.204.19)

तं वृक्षमादाय रिपुप्रमाथी । दण्डीव दण्डं पितृराज उग्रम् । तस्थौ समीपे पुरुषर्षभस्य । पार्थस्य पार्थः पृथुदीर्घबाहुः ॥

taṃ vṛkṣamādāya ripupramāthī | daṇḍīva daṇḍaṃ pitṛrāja ugram | tasthau samīpe puruṣarṣabhasya | pārthasya pārthaḥ pṛthudīrghabāhuḥ

Taking up that tree, the crusher of enemies, Partha with his long and mighty arms, stood beside Partha, the bull among men, like the king of the ancestors with his dreadful staff.

Verse 20 (1.204.20)

तत्प्रेक्ष्य कर्मातिमनुष्यबुद्धि- । र्जिष्णुः स हि भ्रातुरचिन्त्यकर्मा । विसिष्मिये चापि भयं विहाय । तस्थौ धनुर्गृह्य महेन्द्रकर्मा ॥

tatprekṣya karmātimanuṣyabuddhi- | rjiṣṇuḥ sa hi bhrāturacintyakarmā | visiṣmiye cāpi bhayaṃ vihāya | tasthau dhanurgṛhya mahendrakarmā

Seeing that superhuman feat of his brother, Jishnu, of more than human understanding and of deeds beyond imagining, was amazed; and casting off fear, he stood holding his bow, his deeds like great Indra's.

Note on the text: Not in the critical edition (found in the vulgate recension).

Verse 21 (1.204.21)

तत्प्रेक्ष्य कर्मातिमनुष्यबुद्धि- । र्जिष्णोः सहभ्रातुरचिन्त्यकर्मा । दामोदरो भ्रातरमुग्रवीर्यं । हलायुधं वाक्यमिदं बभाषे ॥

tatprekṣya karmātimanuṣyabuddhi- | rjiṣṇoḥ sahabhrāturacintyakarmā | dāmodaro bhrātaramugravīryaṃ | halāyudhaṃ vākyamidaṃ babhāṣe

Seeing that superhuman feat of Jishnu and his brother, Damodara, of more than human understanding and of deeds beyond imagining, spoke these words to his brother Halayudha of fierce valour:

Verse 22 (1.204.22)

य एष सिंहर्षभखेलगामी । महद्धनुः कर्षति तालमात्रम् । एषोऽर्जुनो नात्र विचार्यमस्ति । यद्यस्मि संकर्षण वासुदेवः ॥

ya eṣa siṃharṣabhakhelagāmī | mahaddhanuḥ karṣati tālamātram | eṣo'rjuno nātra vicāryamasti | yadyasmi saṃkarṣaṇa vāsudevaḥ

"That man with the easy gait of a lion or a bull, who draws the great bow, tall as a palm tree — he is Arjuna, there is no question of it, Sankarshana, as surely as I am Vasudeva.

Note on the text: Corrected मदद्धनुः → महद्धनुः (misprint in Wikisource; द for ह; CE mahad dhanuḥ).

Verse 23 (1.204.23)

यस्त्वेष वृक्षं तरसाऽवभज्य । राज्ञां निकारे सहसा प्रवृत्तः । वृकोदरान्नान्य इहैतदद्य । कर्तुं समर्थः समरे पृथिव्याम् ॥

yastveṣa vṛkṣaṃ tarasā'vabhajya | rājñāṃ nikāre sahasā pravṛttaḥ | vṛkodarānnānya ihaitadadya | kartuṃ samarthaḥ samare pṛthivyām

And this one, who has broken off a tree by main force and has suddenly set about humbling the kings — none but Vrikodara could do this today in battle on the earth.

Verse 24 (1.204.24)

योऽसौ पुरस्तात्कमलायताक्षो । महातनुः सिंहगतिर्विनीतः । गौरः प्रलम्बोज्ज्वलचारुघोणो । विनिःसृतः सोऽप्युत धर्मपुत्रः ॥

yo'sau purastātkamalāyatākṣo | mahātanuḥ siṃhagatirvinītaḥ | gauraḥ pralambojjvalacārughoṇo | viniḥsṛtaḥ so'pyuta dharmaputraḥ

And the one who left earlier, with long lotus eyes, tall of frame, with a lion's gait and modest bearing, fair, with a long, bright and handsome nose — he, surely, is the son of Dharma.

Verse 25 (1.204.25)

यौ तौ कुमाराविव कार्तिकेयौ । द्वावाश्विनेयाविति मे वितर्कः । मुक्ता हि तस्माज्जतुवेश्मदाहा- । न्मया श्रुताः पाण्डुसुताः पृथा च ॥

yau tau kumārāviva kārtikeyau | dvāvāśvineyāviti me vitarkaḥ | muktā hi tasmājjatuveśmadāhā- | nmayā śrutāḥ pāṇḍusutāḥ pṛthā ca

Those two who look like a pair of Kartikeyas are, I judge, the twin sons of the Ashvins. For I have heard that Pandu's sons and Pritha escaped from the burning of the lac house."

Verse 26 (1.204.26)

तमब्रवीन्निर्जलतोयदाभो । हलायुधोऽनन्तरजं प्रतीतः । प्रीतोऽस्मि दृष्ट्वा हि पितृष्वसारं । पृथां विमुक्तां सह कौरवाग्र्यैः ॥

tamabravīnnirjalatoyadābho | halāyudho'nantarajaṃ pratītaḥ | prīto'smi dṛṣṭvā hi pitṛṣvasāraṃ | pṛthāṃ vimuktāṃ saha kauravāgryaiḥ

Halayudha, pale as a cloud emptied of rain, gladly answered his younger brother: "I am glad to see that our father's sister Pritha has escaped, together with the foremost of the Kurus."