The Fall of Sunda and Upasunda; the Pandavas' Compact

Verse 1 (1.232.1)

जित्वा तु पृथिवीं दैत्यौ निःसपत्नौ गतव्यथौ । कृत्वा त्रैलोक्यमव्यग्रं कृतकृत्यौ बभूवतुः ॥

jitvā tu pṛthivīṃ daityau niḥsapatnau gatavyathau | kṛtvā trailokyamavyagraṃ kṛtakṛtyau babhūvatuḥ

Having conquered the earth, the two Daityas, without rivals and free of care, made the three worlds still beneath them and felt that all their aims were won.

Verse 2 (1.232.2)

देवगन्धर्वयक्षाणां नागपार्थिवरक्षसाम् । आदाय सर्वरत्नानि परां तुष्टिमुपागतौ ॥

devagandharvayakṣāṇāṃ nāgapārthivarakṣasām | ādāya sarvaratnāni parāṃ tuṣṭimupāgatau

Taking all the treasures of the gods, Gandharvas, Yakshas, Nagas, kings and Rakshasas, they reached the height of contentment.

Verse 3 (1.232.3)

यदा न प्रतिषेद्धारस्तयोः सन्तीह केचन । निरुद्योगौ तदा भूत्वा विजह्रातेऽमराविव ॥

yadā na pratiṣeddhārastayoḥ santīha kecana | nirudyogau tadā bhūtvā vijahrāte'marāviva

When there was no one left in the world to check them, they gave up all effort and amused themselves like immortals.

Verse 4 (1.232.4)

स्त्रीभिर्माल्यैश्च गन्धैश्च भक्ष्यभोज्यैः सुपुष्कलैः । पानैश्च विविधैर्हृद्यैः परां प्रीतिमवापतुः ॥

strībhirmālyaiśca gandhaiśca bhakṣyabhojyaiḥ supuṣkalaiḥ | pānaiśca vividhairhṛdyaiḥ parāṃ prītimavāpatuḥ

With women, garlands and perfumes, with abundant foods of every kind and many delightful drinks, they took the greatest pleasure.

Verse 5 (1.232.5)

अन्तःपुरवनोद्याने पर्वतेषु वनेषु च । यथेप्सितेषु देशेषु विजह्रातेऽमराविव ॥

antaḥpuravanodyāne parvateṣu vaneṣu ca | yathepsiteṣu deśeṣu vijahrāte'marāviva

In the groves and gardens of the inner palace, on mountains and in forests, wherever they pleased, they took their pleasure like immortals.

Verse 6 (1.232.6)

ततः कदाचिद्विन्ध्यस्य प्रस्थे समशिलातले । पुष्पिताग्रेषु सालेषु विहारमभिजग्मतुः ॥

tataḥ kadācidvindhyasya prasthe samaśilātale | puṣpitāgreṣu sāleṣu vihāramabhijagmatuḥ

Then once they went to amuse themselves on a tableland of the Vindhya, on level rock, among sal trees whose tops were in flower.

Verse 7 (1.232.7)

दिव्येषु सर्वकामेषु समानीतेषु तावुभौ । वरासनेषु संहृष्टौ सह स्त्रीभिर्निषीदतुः ॥

divyeṣu sarvakāmeṣu samānīteṣu tāvubhau | varāsaneṣu saṃhṛṣṭau saha strībhirniṣīdatuḥ

When every heavenly delight had been brought to them, the two sat joyfully on fine seats together with their women.

Verse 8 (1.232.8)

ततो वादित्रनृत्ताभ्यामुपातिष्ठन्त तौ स्त्रियः । गीतैश्च स्तुतिसंयुक्तैः प्रीत्या समुपजग्मिरे ॥

tato vāditranṛttābhyāmupātiṣṭhanta tau striyaḥ | gītaiśca stutisaṃyuktaiḥ prītyā samupajagmire

Then the women attended on the two with music and dance, and came lovingly before them with songs full of praise.

Verse 9 (1.232.9)

ततस्तिलोत्तमा तत्र वने पुष्पाणि चिन्वती । वेषं सा क्षिप्तमाधाय रक्तेनैकेन वाससा ॥

tatastilottamā tatra vane puṣpāṇi cinvatī | veṣaṃ sā kṣiptamādhāya raktenaikena vāsasā

Then Tilottama, gathering flowers there in the wood, loosely dressed in a single red garment,

Verse 10 (1.232.10)

नदीतीरेषु जातान्सा कर्णिकारान्प्रचिन्वती । शनैर्जगाम तं देशं यत्रास्तां तौ महासुरौ ॥

nadītīreṣu jātānsā karṇikārānpracinvatī | śanairjagāma taṃ deśaṃ yatrāstāṃ tau mahāsurau

picking the karnikara blossoms that grew along the riverbanks, slowly came to the place where the two great asuras were.

Verse 11 (1.232.11)

तौ तु पीत्वा वरं पानं मदरक्तान्तलोचनौ । दृष्ट्वैव तां वरारोहां व्यथितौ संबभूवतुः ॥

tau tu pītvā varaṃ pānaṃ madaraktāntalocanau | dṛṣṭvaiva tāṃ varārohāṃ vyathitau saṃbabhūvatuḥ

They had drunk the finest liquor, and their eyes were red at the corners with it; at the mere sight of that fair-hipped woman they were thrown into turmoil.

Verse 12 (1.232.12)

तावुत्थायासनं हित्वा जग्मतुर्यत्र सा स्थिता । उभौ च कामसंमत्तावुभौ प्रार्थयतश्च ताम् ॥

tāvutthāyāsanaṃ hitvā jagmaturyatra sā sthitā | ubhau ca kāmasaṃmattāvubhau prārthayataśca tām

Rising and leaving their seats, they went to where she stood; both maddened with desire, both of them courted her.

Verse 13 (1.232.13)

दक्षिणे तां करे सुभ्रूं सुन्दो जग्राह पाणिना । उपसुन्दोऽपि जग्राह वामे पाणौ तिलोत्तमाम् ॥

dakṣiṇe tāṃ kare subhrūṃ sundo jagrāha pāṇinā | upasundo'pi jagrāha vāme pāṇau tilottamām

Sunda seized the fair-browed woman by her right hand, and Upasunda seized Tilottama by her left.

Note on the text: Corrected उपसुन्दोपि → उपसुन्दोऽपि (missing avagraha in Wikisource, as in the critical edition's upasundo 'pi).

Verse 14 (1.232.14)

वरप्रदानमत्तौ तावौरसेन बलेन च । धनरत्नमदाभ्यां च सुरापानमदेन च ॥

varapradānamattau tāvaurasena balena ca | dhanaratnamadābhyāṃ ca surāpānamadena ca

Drunk with the boon they had been granted and with their own native strength, with the pride of wealth and jewels and with the intoxication of wine,

Verse 15 (1.232.15)

सर्वैरेतैर्मदैर्मत्तावन्योन्यं भ्रुकुटीकृतौ । मदकामसमाविष्टौ परस्परमथोचतुः ॥

sarvairetairmadairmattāvanyonyaṃ bhrukuṭīkṛtau | madakāmasamāviṣṭau parasparamathocatuḥ

maddened by all these intoxications, they scowled at each other; possessed by drink and desire, they spoke to one another.

Verse 16 (1.232.16)

मम भार्या तव गुरुरिति सुन्दोऽभ्यभाषत । मम भार्या तव वधूरुपसुन्दोऽभ्यभाषत ॥

mama bhāryā tava gururiti sundo'bhyabhāṣata | mama bhāryā tava vadhūrupasundo'bhyabhāṣata

"She is my wife, and so one you must revere," said Sunda. "She is my wife, and so your daughter-in-law," said Upasunda.

Verse 17 (1.232.17)

नैषा तव ममैषेति ततस्तौ मन्युराविशत् । तस्या रूपेण संमत्तौ विगतस्नेहसौहृदौ ॥

naiṣā tava mamaiṣeti tatastau manyurāviśat | tasyā rūpeṇa saṃmattau vigatasnehasauhṛdau

"She is not yours, she is mine!" Then rage took hold of them. Maddened by her beauty, they lost all affection and friendship.

Note on the text: The first line = 1.204.17a; the second line is not in the critical edition's text (found in the vulgate recension; CE apparatus 1.204.17*2010).

Verse 18 (1.232.18)

तस्या हेतोर्गदे भीमे संगृह्णीतामुभौ तदा । प्रगृह्य च गदे भीमे तस्यां तौ काममोहितौ ॥

tasyā hetorgade bhīme saṃgṛhṇītāmubhau tadā | pragṛhya ca gade bhīme tasyāṃ tau kāmamohitau

For her sake the two of them then took up terrible maces; and gripping those dreadful maces, deluded by desire for her,

Note on the text: Lines correspond to 1.204.17c and 1.204.18a of the critical edition (Wikisource divides the verses differently).

Verse 19 (1.232.19)

अहंपूर्वमहंपूर्वमित्यन्योन्यं निजघ्नतुः । तौ गदाभिहतौ भीमौ पेततुर्धरणीतले ॥

ahaṃpūrvamahaṃpūrvamityanyonyaṃ nijaghnatuḥ | tau gadābhihatau bhīmau petaturdharaṇītale

crying "Me first! Me first!" they struck each other down. Smitten by the maces, the two terrible ones fell to the ground,

Note on the text: Lines correspond to 1.204.18c and 1.204.19a of the critical edition (Wikisource divides the verses differently).

Verse 20 (1.232.20)

रुधिरेणावसिक्ताङ्गौ द्वाविवार्कौ नभश्च्युतौ । ततस्ता विद्रुता नार्यः स च दैत्यगणस्तथा ॥

rudhireṇāvasiktāṅgau dvāvivārkau nabhaścyutau | tatastā vidrutā nāryaḥ sa ca daityagaṇastathā

their limbs drenched in blood, like two suns fallen from the sky. Then the women fled, and so did the host of Daityas;

Note on the text: Lines correspond to 1.204.19c and 1.204.20a of the critical edition (Wikisource divides the verses differently).

Verse 21 (1.232.21)

पातालमगमत्सर्वो विषादभयकम्पितः । ततः पितामहस्तत्र सहदेवैर्महर्षिभिः ॥

pātālamagamatsarvo viṣādabhayakampitaḥ | tataḥ pitāmahastatra sahadevairmaharṣibhiḥ

trembling with grief and fear, they all went down to Patala. Then the Grandsire, with the gods and great seers,

Note on the text: Lines correspond to 1.204.20c and 1.204.21a of the critical edition (Wikisource divides the verses differently).

Verse 22 (1.232.22)

आजगाम विशुद्धात्मा पूजयंश्च तिलोत्तमाम् । वरेण च्छन्दयामास भगवान्प्रपितामहः ॥

ājagāma viśuddhātmā pūjayaṃśca tilottamām | vareṇa cchandayāmāsa bhagavānprapitāmahaḥ

came there, pure in soul, honouring Tilottama; and the blessed great-grandsire invited her to choose a boon.

Note on the text: Lines correspond to 1.204.21c and 1.204.22a of the critical edition (Wikisource divides the verses differently).

Verse 23 (1.232.23)

वरं दित्सुः स तत्रैनां प्रीतः प्राह पितामहः । आदित्यचरिताँल्लोकान्विचरिष्यसि भामिनि ॥

varaṃ ditsuḥ sa tatraināṃ prītaḥ prāha pitāmahaḥ | ādityacaritām̐llokānvicariṣyasi bhāmini

Wishing to grant her a boon, the Grandsire, well pleased, said to her there: "You will roam the worlds through which the sun travels, lovely one,

Note on the text: Lines correspond to 1.204.22c and 1.204.23a of the critical edition (Wikisource divides the verses differently).

Verse 24 (1.232.24)

तेजसा च सुदृष्टां त्वां न करिष्यति कश्चन । एवं तस्यै वरं दत्त्वा सर्वलोकपितामहः ॥

tejasā ca sudṛṣṭāṃ tvāṃ na kariṣyati kaścana | evaṃ tasyai varaṃ dattvā sarvalokapitāmahaḥ

and because of your radiance no one will be able to look at you steadily." Having given her this boon, the Grandsire of all the worlds,

Note on the text: Corrected दत्वा → दत्त्वा (misprint in Wikisource; dropped त in the conjunct, as in the critical edition's dattvā). Lines correspond to 1.204.23c and 1.204.24a of the critical edition (Wikisource divides the verses differently).

Verse 25 (1.232.25)

इन्द्रे त्रैलोक्यमाधाय ब्रह्मलोकं गतः प्रभुः । एवं तौ सहितौ भूत्वा सर्वार्थेष्वेकनिश्चयौ ॥

indre trailokyamādhāya brahmalokaṃ gataḥ prabhuḥ | evaṃ tau sahitau bhūtvā sarvārtheṣvekaniścayau

the mighty lord, placed the three worlds in Indra's keeping and went to the world of Brahma. So it was that those two, who had always been together and of one mind in every matter,

Note on the text: Corrected भऊत्वा → भूत्वा (misprint in Wikisource; a broken vowel sign, as in the critical edition's bhūtvā). Lines correspond to 1.204.24c and 1.204.25a of the critical edition (Wikisource divides the verses differently).

Verse 26 (1.232.26)

तिलोत्तमार्थं संक्रुद्धावन्योन्यमभिजघ्नतुः । तस्माद्ब्रवीमि वः स्नेहात्सर्वान्भरतसत्तमाः ॥

tilottamārthaṃ saṃkruddhāvanyonyamabhijaghnatuḥ | tasmādbravīmi vaḥ snehātsarvānbharatasattamāḥ

struck each other down in their fury over Tilottama. Therefore, out of affection, I say to you all, best of the Bharatas:

Note on the text: Corrected सर्वाभरतसत्तमाः → सर्वान्भरतसत्तमाः (misprint in Wikisource; the न् of सर्वान् is lost, cf. the critical edition's sarvān bharatasattamān). Lines correspond to 1.204.25c and 1.204.26a of the critical edition (Wikisource divides the verses differently).

Verse 27 (1.232.27)

यथा वो नात्र भेदः स्यात्सर्वेषां द्रौपदीकृते । तथा कुरुत भद्रं वो मम चेत्प्रियमिच्छथ ॥

yathā vo nātra bhedaḥ syātsarveṣāṃ draupadīkṛte | tathā kuruta bhadraṃ vo mama cetpriyamicchatha

act so that no rift arises among any of you over Draupadi. Blessings on you; do this if you wish to please me.

Note on the text: = 1.204.26c–e of the critical edition (Wikisource divides the verses differently).

Verse 28 (1.232.28)

एवमुक्ता महात्मानो नारदेन महर्षिणा । समयं चक्रिरे राजंस्तेऽन्योन्यवशमागताः । समक्षं तस्य देवर्षेर्नारदस्यामितौजसः ॥

evamuktā mahātmāno nāradena maharṣiṇā | samayaṃ cakrire rājaṃste'nyonyavaśamāgatāḥ | samakṣaṃ tasya devarṣernāradasyāmitaujasaḥ

Thus addressed by the great seer Narada, those great-souled ones, O king, of one accord among themselves, made a compact in the presence of the divine seer Narada of boundless splendour:

Verse 29 (1.232.29)

एकैकस्य गृहे कृष्णा वसेद्वर्षमकल्मषा । द्रौपद्या नः सहासीनानन्योन्यं योऽभिदर्शयेत् । स नो द्वादश मासानि ब्रह्मचारी वने वसेत् ॥

ekaikasya gṛhe kṛṣṇā vasedvarṣamakalmaṣā | draupadyā naḥ sahāsīnānanyonyaṃ yo'bhidarśayet | sa no dvādaśa māsāni brahmacārī vane vaset

"Krishna, the blameless, shall live for a year in the house of each of us in turn; and whoever of us sees another sitting with Draupadi shall live in the forest as a celibate for twelve months."

Note on the text: Removed stray wiki marks (a backtick and a quote mark) around the first line. The first line is not in the critical edition's text (found in the vulgate recension; CE apparatus 1.204.27*2012); the second and third lines = 1.204.28.

Verse 30 (1.232.30)

कृते तु समये तस्मिन्पाण्डवैर्धर्मचारिभिः । नारदोऽप्यगमत्प्रीत इष्टं देशं महामुनिः ॥

kṛte tu samaye tasminpāṇḍavairdharmacāribhiḥ | nārado'pyagamatprīta iṣṭaṃ deśaṃ mahāmuniḥ

When the righteous Pandavas had made that compact, the great sage Narada, well pleased, went on to the place he wished.

Verse 31 (1.232.31)

एवं तैः समयः पूर्वं कृतो नारदचोदितैः । न चाभिद्यन्त ते सर्वे तदान्योन्येन भारत ॥

evaṃ taiḥ samayaḥ pūrvaṃ kṛto nāradacoditaiḥ | na cābhidyanta te sarve tadānyonyena bhārata

Such was the compact they made long ago at Narada's urging, and none of them, O Bharata, ever fell out with another.

Verse 32 (1.232.32)

अभ्यनन्दन्त ते सर्वे तदान्योन्यं च पाण्डवाः । एतद्विस्तरशः सर्वमाख्यातं ते नराधिप ॥

abhyanandanta te sarve tadānyonyaṃ ca pāṇḍavāḥ | etadvistaraśaḥ sarvamākhyātaṃ te narādhipa

All the Pandavas then rejoiced in one another. All this I have told you in detail, lord of men.

Note on the text: Removed a stray wiki mark (backtick) from the start. Not in the critical edition (found in the vulgate recension; the first line has no counterpart there, the second is in the CE apparatus, 1.204.30*2014).

Verse 33 (1.232.33)

काले च तस्मिन्संपन्ने यथावज्जनमेजय ॥

kāle ca tasminsaṃpanne yathāvajjanamejaya

And when, in due course, that time came round, O Janamejaya...

Note on the text: A single half-verse in Wikisource, leading into the next adhyaya. Removed stray wiki marks (a doubled danda and a quote mark) before the final danda. Not in the critical edition (found in the vulgate recension; CE apparatus 1.204.30*2014).