Jarita Leaves Her Sons

Verse 1 (1.257.1)

अस्माद्बिलान्निष्पतितमाखुं श्येनो जहार तम् । क्षुद्रं पद्भ्यां गृहीत्वा च यातो नात्र भयं हि वः ॥

asmādbilānniṣpatitamākhuṃ śyeno jahāra tam | kṣudraṃ padbhyāṃ gṛhītvā ca yāto nātra bhayaṃ hi vaḥ

"A hawk carried off the rat that came out of this hole; it seized the little creature in its claws and flew away. So there is no danger here for you."

Note on the text: Aligned by hand with 1.222.1 of the critical edition; its second line reads differently there.

Verse 2 (1.257.2)

न हृतं तं वयं विद्मः श्येनेनाखुं कथंचन । अन्येऽपि भवितारोऽत्र तेभ्योऽपि भयमेव नः ॥

na hṛtaṃ taṃ vayaṃ vidmaḥ śyenenākhuṃ kathaṃcana | anye'pi bhavitāro'tra tebhyo'pi bhayameva naḥ

"We know nothing at all of the rat being carried off by a hawk. There may be others here too, and from them also there is danger to us.

Note on the text: Corrected भितारोऽत्र → भवितारोऽत्र and भमेव → भयमेव (misprints in Wikisource; dropped aksharas व and य, as in the critical edition's bhavitāro … bhayam eva).

Verse 3 (1.257.3)

संशयो वह्निरागच्छेद्दृष्टं वायोर्निवर्तनम् । मृत्युर्नो बिलवासिभ्यो बिले स्यान्नात्र संशयः ॥

saṃśayo vahnirāgaccheddṛṣṭaṃ vāyornivartanam | mṛtyurno bilavāsibhyo bile syānnātra saṃśayaḥ

Whether the fire will reach us is uncertain; the wind has been seen to turn back. But death in the hole from those who live in holes is beyond doubt.

Verse 4 (1.257.4)

निःसंशयात्संशयितो मृत्युर्मातर्विशिष्यते । चर खे त्वं यथान्यायं पुत्रानाप्स्यसि शोभनान् ॥

niḥsaṃśayātsaṃśayito mṛtyurmātarviśiṣyate | cara khe tvaṃ yathānyāyaṃ putrānāpsyasi śobhanān

An uncertain death, mother, is better than a certain one. Fly in the sky as is fitting; you will have fine sons."

Verse 5 (1.257.5)

अहं वेगेन तं यान्तमद्राक्षं पततां वरम् । बिलादाखुं समादाय श्येनं पुत्रा महाबलम् ॥

ahaṃ vegena taṃ yāntamadrākṣaṃ patatāṃ varam | bilādākhuṃ samādāya śyenaṃ putrā mahābalam

"My sons, I saw that mighty hawk, best of birds, speeding away after taking the rat from the hole.

Note on the text: Aligned by hand with 1.222.5 of the critical edition, which words the verse differently.

Verse 6 (1.257.6)

तं पतन्तं महावेगा त्वरिता पृष्ठतोऽन्वगाम् । आशिषोऽस्य प्रयुञ्जाना हरतो मूषिकं बिलात् ॥

taṃ patantaṃ mahāvegā tvaritā pṛṣṭhato'nvagām | āśiṣo'sya prayuñjānā harato mūṣikaṃ bilāt

As it flew, I hurried after it at great speed, calling down blessings on it for carrying the mouse away from the hole:

Verse 7 (1.257.7)

यो नो द्वेष्टारमादाय श्येनराज प्रधावसि । भव त्वं दिवमास्थाय निरमित्रो हिरण्मयः ॥

yo no dveṣṭāramādāya śyenarāja pradhāvasi | bhava tvaṃ divamāsthāya niramitro hiraṇmayaḥ

'King of hawks, you who fly off carrying our enemy, may you go to heaven and dwell there, free of foes and golden-bodied.'

Verse 8 (1.257.8)

स यदा भक्षितस्तेन श्येनेनाखुः पतत्रिणा । तदाहं तमनुज्ञाप्य प्रत्युपायां पुनर्गृहम् ॥

sa yadā bhakṣitastena śyenenākhuḥ patatriṇā | tadāhaṃ tamanujñāpya pratyupāyāṃ punargṛham

When the rat had been eaten by that bird, the hawk, I took my leave of it and came back home again.

Verse 9 (1.257.9)

प्रविशध्वं बिलं पुत्रा विश्रब्धा नास्ति वो भयम् । श्येनेन मम पश्यन्त्या हृत आखुर्महात्मना ॥

praviśadhvaṃ bilaṃ putrā viśrabdhā nāsti vo bhayam | śyenena mama paśyantyā hṛta ākhurmahātmanā

Go into the hole, my sons, without fear; there is no danger for you. Before my eyes the rat was carried off by that noble hawk."

Verse 10 (1.257.10)

न विद्महे हृतं मातः श्येनेनाखुं कथंचन । अविज्ञाय न शक्यामः प्रवेष्टुं विवरं भुवः ॥

na vidmahe hṛtaṃ mātaḥ śyenenākhuṃ kathaṃcana | avijñāya na śakyāmaḥ praveṣṭuṃ vivaraṃ bhuvaḥ

"Mother, we do not know at all that the rat was carried off by a hawk. Without knowing it, we cannot go into a hole in the ground."

Note on the text: Corrected श्येनैनाखुं → श्येनेनाखुं and प्रवेष्टं → प्रवेष्टुं (misprints in Wikisource; wrong vowel signs, cf. श्येनेनाखुं in verse 2 and the infinitive प्रवेष्टुं in 256.19). Aligned by hand with 1.222.10 of the critical edition, which words the verse differently.

Verse 11 (1.257.11)

अहं तमभिजानामि हृतं श्येनेन मूषिकम् । नास्ति वोऽत्र भयं पुत्राः क्रियतां वचनं मम ॥

ahaṃ tamabhijānāmi hṛtaṃ śyenena mūṣikam | nāsti vo'tra bhayaṃ putrāḥ kriyatāṃ vacanaṃ mama

"I know for certain that the mouse was carried off by the hawk. There is no danger for you here, my sons; do as I say."

Verse 12 (1.257.12)

न त्वं मिथ्योपचारेण मोक्षयेथा भयाद्धि नः । समाकुलेषु ज्ञानेषु न बुद्धिकृतमेव तत् ॥

na tvaṃ mithyopacāreṇa mokṣayethā bhayāddhi naḥ | samākuleṣu jñāneṣu na buddhikṛtameva tat

"You should not try to free us from danger with a false pretext; when the mind is in turmoil, nothing is done by reason.

Verse 13 (1.257.13)

न चोपकृतमस्माभिर्न चास्मान्वेत्थ ये वयम् । पीड्यमाना बिभर्ष्यस्मान्का सती के वयं तव ॥

na copakṛtamasmābhirna cāsmānvettha ye vayam | pīḍyamānā bibharṣyasmānkā satī ke vayaṃ tava

We have done nothing for you, and you do not know who we are. Why do you, in your own distress, keep caring for us? Who are you to us, and who are we to you?

Verse 14 (1.257.14)

तरुणी दर्शनीयाऽसि समर्था भर्तुरेषणे । अनुगच्छ पतिं मातः पुत्रानाप्स्यसि शोभनान् ॥

taruṇī darśanīyā'si samarthā bhartureṣaṇe | anugaccha patiṃ mātaḥ putrānāpsyasi śobhanān

You are young and lovely, able to go in search of a husband. Follow your husband, mother; you will have fine sons.

Note on the text: Corrected दर्शीयाऽसि → दर्शनीयाऽसि, मातुः → मातः and शोमनान् → शोभनान् (misprints in Wikisource; a dropped akshara न as in the critical edition's darśanīyāsi, a genitive for the vocative "mother" with which the sons address Jarita throughout, and म for भ as in the critical edition's śobhanān).

Verse 15 (1.257.15)

वयमग्निं समाविश्य लोकानाप्स्याम शोभनान् । अथास्मान्न दहेदग्निरायास्त्वं पुनरेव नः ॥

vayamagniṃ samāviśya lokānāpsyāma śobhanān | athāsmānna dahedagnirāyāstvaṃ punareva naḥ

We shall enter the fire and win fine worlds; and if the fire does not burn us, you may come back to us again."

Note on the text: Corrected वयमस्निं → वयमग्निं (misprint in Wikisource; स for ग, as in the critical edition's agnim).

Verse 16 (1.257.16)

एवमुक्ता ततः शार्ङ्गी पुत्रानुत्सृज्य खाण्डवे । जगाम त्वरिता देशं क्षेममग्नेरनामयम् ॥

evamuktā tataḥ śārṅgī putrānutsṛjya khāṇḍave | jagāma tvaritā deśaṃ kṣemamagneranāmayam

So addressed, the Sharngaka mother left her sons in Khandava and went quickly to a place safe from the fire and free from harm.

Verse 17 (1.257.17)

ततस्तीक्ष्णार्चिरभ्यागात्त्वरितो हव्यवाहनः । यत्र शार्ङ्गा बभूवुस्ते मन्दपालस्य पुत्रकाः ॥

tatastīkṣṇārcirabhyāgāttvarito havyavāhanaḥ | yatra śārṅgā babhūvuste mandapālasya putrakāḥ

Then the sharp-flamed bearer of oblations came swiftly to where the Sharngakas, Mandapala's sons, were.

Note on the text: Corrected वभूवुस्ते → बभूवुस्ते (misprint in Wikisource; व for ब, as in the critical edition's babhūvus).

Verse 18 (1.257.18)

ततस्तं ज्वलितं दृष्ट्वा ज्वलनं ते विहङ्गमाः । व्यथिताः करुणा वाचः श्रावयामासुरन्तिकात् । जरितारिस्ततो वाक्यं श्रावयामास पावकम् ॥

tatastaṃ jvalitaṃ dṛṣṭvā jvalanaṃ te vihaṅgamāḥ | vyathitāḥ karuṇā vācaḥ śrāvayāmāsurantikāt | jaritāristato vākyaṃ śrāvayāmāsa pāvakam

Seeing the blazing fire, those birds, in anguish, cried out piteous words as it drew near; then Jaritari addressed these words to the fire.

Note on the text: Removed stray wiki quote marks (` and ') around the middle line. The first and last lines = 1.222.18ab and 18cd of the critical edition (aligned by hand; the first line is worded differently there); the middle line is not in it (found in the vulgate recension; star passage 2150*).