Sarama's Curse and the Disciples of Dhaumya

Verse 1 (1.3.1)

जनमेजयः पारिक्षितः सह भ्रातृभिः कुरुक्षेत्रे दीर्घसत्रमुपास्ते । तस्य भ्रातरस्त्रयः श्रुतसेन उग्रसेनो भीमसेन इति । तेषु तत्सत्रमुपासीनेष्वभ्यागच्छत्सारमेयः ॥

janamejayaḥ pārikṣitaḥ saha bhrātṛbhiḥ kurukṣetre dīrghasatramupāste | tasya bhrātarastrayaḥ śrutasena ugraseno bhīmasena iti | teṣu tatsatramupāsīneṣvabhyāgacchatsārameyaḥ

Janamejaya, son of Parikshit, was holding a long sacrificial session at Kurukshetra together with his brothers. He had three brothers: Shrutasena, Ugrasena and Bhimasena. While they were seated at that sacrifice, a dog, the son of Sarama, came there.

Verse 2 (1.3.2)

जनमेजयस्य भ्रातृभिरभिहतो रोरूयमाणो मातुः समीपमुपागच्छत् ॥

janamejayasya bhrātṛbhirabhihato rorūyamāṇo mātuḥ samīpamupāgacchat

Beaten by Janamejaya's brothers, he ran howling to his mother.

Verse 3 (1.3.3)

तं माता रोरूयमाणमुवाच । किं रोदिषि केनास्यभिहत इति ॥

taṃ mātā rorūyamāṇamuvāca | kiṃ rodiṣi kenāsyabhihata iti

As he kept howling, his mother said to him, "Why are you crying? Who has beaten you?"

Note on the text: Restored the opening words तं माता रोरूयमाणमुवाच, which Wikisource prints on a line of their own within this verse and which the extraction had mistaken for a speaker heading; the words are unchanged.

Verse 4 (1.3.4)

स एवमुक्तो मातरं प्रत्युवाच जनमेजयस्य भ्रातृभिरभिहतोऽस्मीति ॥

sa evamukto mātaraṃ pratyuvāca janamejayasya bhrātṛbhirabhihato'smīti

Asked this, he answered his mother, "I have been beaten by Janamejaya's brothers."

Verse 5 (1.3.5)

तं माता प्रत्युवाच व्यक्तं त्वया तत्रापराद्धं येनास्यभिहत इति ॥

taṃ mātā pratyuvāca vyaktaṃ tvayā tatrāparāddhaṃ yenāsyabhihata iti

His mother replied, "Surely you did some wrong there, and that is why you were beaten."

Verse 6 (1.3.6)

स तां पुनरुवाच नापराध्यामि किंचिन्नावेक्षे हवींषि नावलिह इति ॥

sa tāṃ punaruvāca nāparādhyāmi kiṃcinnāvekṣe havīṃṣi nāvaliha iti

He said to her again, "I did no wrong at all. I did not look at the oblations, nor did I lick them."

Verse 7 (1.3.7)

तच्छ्रुत्वा तस्य माता सरमा पुत्रदुःखार्ता तत्सत्रमुपागच्छद्यत्र स जनमेजयः सह भ्रातृभिर्दीर्घसत्रमुपास्ते ॥

tacchrutvā tasya mātā saramā putraduḥkhārtā tatsatramupāgacchadyatra sa janamejayaḥ saha bhrātṛbhirdīrghasatramupāste

Hearing this, his mother Sarama, pained by her son's suffering, went to the sacrifice where Janamejaya sat with his brothers in the long session.

Verse 8 (1.3.8)

स तया क्रुद्धया तत्रोक्तोऽयं मे पुत्रो न किंचिदपराध्यति नावेक्षते हवींषि नावलेढि किमर्थमभिहत इति ॥

sa tayā kruddhayā tatrokto'yaṃ me putro na kiṃcidaparādhyati nāvekṣate havīṃṣi nāvaleḍhi kimarthamabhihata iti

There in her anger she said to him, "This son of mine has done no wrong. He did not look at the oblations, nor did he lick them. Why was he beaten?"

Verse 9 (1.3.9)

न किंचिदुक्तवन्तस्ते सा तानुवाच यस्मादयमभिहतोऽनपकारी तस्माददृष्टं त्वां भयमागमिष्यतीति ॥

na kiṃciduktavantaste sā tānuvāca yasmādayamabhihato'napakārī tasmādadṛṣṭaṃ tvāṃ bhayamāgamiṣyatīti

They said nothing at all. Then she said to them, "Because he was beaten though he had done no harm, a danger you do not foresee will come upon you."

Note on the text: The opening words न किंचिदुक्तवन्तस्ते are not in the critical edition (vulgate recension); the curse matches CE 1.3.8.

Verse 10 (1.3.10)

जनमेजय एवमुक्तो देवशुन्या सरमया भृशं संभ्रान्तो विषण्णश्चासीत् ॥

janamejaya evamukto devaśunyā saramayā bhṛśaṃ saṃbhrānto viṣaṇṇaścāsīt

Spoken to in this way by Sarama, the bitch of the gods, Janamejaya was greatly alarmed and dejected.

Verse 11 (1.3.11)

स तस्मिन्सत्रे समाप्ते हास्तिनपुरं प्रत्येत्य पुरोहितमनुरूपमन्विच्छमानः परं यत्नमकरोद्यो मे पापकृत्यां शमयेदिति ॥

sa tasminsatre samāpte hāstinapuraṃ pratyetya purohitamanurūpamanvicchamānaḥ paraṃ yatnamakarodyo me pāpakṛtyāṃ śamayediti

When the session was over he returned to Hastinapura and took great pains to find a fitting priest, thinking, "Let me find one who can lay to rest this evil that threatens me."

Verse 12 (1.3.12)

स कदाचिन्मृगयां गतः पारिक्षितो जनमेजयः कस्मिंश्चित्स्वविषय आश्रममपश्यत् ॥

sa kadācinmṛgayāṃ gataḥ pārikṣito janamejayaḥ kasmiṃścitsvaviṣaya āśramamapaśyat

Once, when he had gone hunting, Janamejaya son of Parikshit came upon a hermitage in a part of his own kingdom.

Verse 13 (1.3.13)

तत्र कश्चिदृषिरासाञ्चक्रे श्रुतश्रवा नाम । तस्य तपस्यभिरतः पुत्र आस्ते सोमश्रवा नाम ॥

tatra kaścidṛṣirāsāñcakre śrutaśravā nāma | tasya tapasyabhirataḥ putra āste somaśravā nāma

A sage named Shrutashravas lived there. His son, devoted to austerities, was named Somashravas.

Note on the text: Corrected कश्चिदृपिरासाञ्चक्रे → कश्चिदृषिरासाञ्चक्रे (misprint in Wikisource; प for ष, the critical edition reads ṛṣir).

Verse 14 (1.3.14)

तस्य तं पुत्रमभिगम्य जनमेजयः पारिक्षितः पौरोहित्याय वव्रे ॥

tasya taṃ putramabhigamya janamejayaḥ pārikṣitaḥ paurohityāya vavre

Janamejaya son of Parikshit approached that son of the sage and chose him for the office of priest.

Verse 15 (1.3.15)

स नमस्कृत्य तमृषिमुवाच भगवन्नयं तव पुत्रो मम पुरोहितोऽस्त्विति ॥

sa namaskṛtya tamṛṣimuvāca bhagavannayaṃ tava putro mama purohito'stviti

Bowing to the sage, he said, "Lord, let this son of yours be my priest."

Verse 16 (1.3.16)

स एवमुक्तः प्रत्युवाच जनमेजयं भो जनमेजय पुत्रोऽयं मम सर्प्यां जातो महातपस्वी स्वाध्यायसंपन्नो मत्तपोवीर्यसंभृतो मच्छुक्रं पीतवत्यास्तस्याः कुक्षौ जातः ॥

sa evamuktaḥ pratyuvāca janamejayaṃ bho janamejaya putro'yaṃ mama sarpyāṃ jāto mahātapasvī svādhyāyasaṃpanno mattapovīryasaṃbhṛto macchukraṃ pītavatyāstasyāḥ kukṣau jātaḥ

Asked this, the sage replied to Janamejaya, "Janamejaya, this son of mine was born of a serpent woman. He is a great ascetic, accomplished in Vedic study, nurtured by the power of my austerity. He was born from the womb of that serpent woman who drank my seed."

Verse 17 (1.3.17)

समर्थोऽयं भवतः सर्वाः पापकृत्याः शमयितुमन्तरेण महादेवकृत्याम् ॥

samartho'yaṃ bhavataḥ sarvāḥ pāpakṛtyāḥ śamayitumantareṇa mahādevakṛtyām

"He is able to lay to rest every evil that threatens you, except one sent by Mahadeva."

Verse 18 (1.3.18)

अस्य त्वेकमुपांशुव्रतं यदेनं कश्चिद्ब्राह्मणः कंचिदर्थमभियाचेत्तं तस्मै दद्यादयं यद्येतदुत्सहसे ततो नयस्वैनमिति ॥

asya tvekamupāṃśuvrataṃ yadenaṃ kaścidbrāhmaṇaḥ kaṃcidarthamabhiyācettaṃ tasmai dadyādayaṃ yadyetadutsahase tato nayasvainamiti

"But he keeps one secret vow: if any brahmin asks him for anything, he will give it to him. If you can accept this, then take him with you."

Verse 19 (1.3.19)

तेनैवमुक्तो जनमेजयस्तं प्रत्युवाच भगवंस्तत्तथा भविष्यतीति ॥

tenaivamukto janamejayastaṃ pratyuvāca bhagavaṃstattathā bhaviṣyatīti

Told this, Janamejaya answered him, "Lord, it shall be so."

Verse 20 (1.3.20)

स तं पुरोहितमुपादायोपावृत्तो भ्रातॄनुवाच मयाऽयं वृत उपाध्यायो यदयं ब्रूयात्तत्कार्यमविचारयद्भिर्भवद्भिरिति । तेनैवमुक्ता भ्रातरस्तस्य तथा चक्रुः । स तथा भ्रातॄन्संदिश्य तक्षशिलां प्रत्यभिप्रतस्थे तं च देशं वशे स्थापयामास ॥

sa taṃ purohitamupādāyopāvṛtto bhrātṝnuvāca mayā'yaṃ vṛta upādhyāyo yadayaṃ brūyāttatkāryamavicārayadbhirbhavadbhiriti | tenaivamuktā bhrātarastasya tathā cakruḥ | sa tathā bhrātṝnsaṃdiśya takṣaśilāṃ pratyabhipratasthe taṃ ca deśaṃ vaśe sthāpayāmāsa

Taking that priest with him, he returned and said to his brothers, "I have chosen this man as our preceptor. Whatever he says, you must do without question." His brothers did as he told them. Having instructed his brothers in this way, he set out for Takshashila and brought that country under his control.

Note on the text: Corrected भ्रातृनुवाच → भ्रातॄनुवाच (misprint in Wikisource; the accusative plural needs ॄ, as in भ्रातॄन्संदिश्य later in the verse; the critical edition reads bhrātṝn).

Verse 21 (1.3.21)

एतस्मिन्नन्तरे कश्चिदृषिर्धौम्यो नामापोदस्तस्य शिष्यास्त्रयो बभूवुः ॥

etasminnantare kaścidṛṣirdhaumyo nāmāpodastasya śiṣyāstrayo babhūvuḥ

Meanwhile there was a sage named Ayoda Dhaumya, and he had three disciples.

Note on the text: Wikisource reads आपोद here and throughout the adhyaya (critical edition āyoda); kept as printed and rendered by the familiar name Ayoda.

Verse 22 (1.3.22)

उपमन्युरारुणिर्बैदश्चेति स एकं शिष्यमारुणिं पाञ्चाल्यं प्रेषयामास गच्छ केदारखण्डं बधानेति ॥

upamanyurāruṇirbaidaśceti sa ekaṃ śiṣyamāruṇiṃ pāñcālyaṃ preṣayāmāsa gaccha kedārakhaṇḍaṃ badhāneti

They were Upamanyu, Aruni and Veda. He sent one disciple, Aruni of Panchala, saying, "Go and close the breach in the embankment of the field."

Note on the text: Corrected शिष्यंमारुणिं → शिष्यमारुणिं (misprint in Wikisource; an anusvara written before the vowel doubles the m). Wikisource reads बैद for the third disciple here and throughout (critical edition veda); kept as printed and rendered Veda.

Verse 23 (1.3.23)

स उपाध्यायेन संदिष्ट आरुणिः पाञ्चाल्यस्तत्र गत्वा तत्केदारखण्डं बद्धुं नाशकत् । स क्लिश्यमानोऽपश्यदुपायं भवत्वेवं करिष्यामीति ॥

sa upādhyāyena saṃdiṣṭa āruṇiḥ pāñcālyastatra gatvā tatkedārakhaṇḍaṃ baddhuṃ nāśakat | sa kliśyamāno'paśyadupāyaṃ bhavatvevaṃ kariṣyāmīti

Sent by his teacher, Aruni of Panchala went there but could not close that breach in the embankment. As he struggled with it, he saw a way: "So be it; I will do this."

Verse 24 (1.3.24)

स तत्र संविवेश केदारखण्डे शयाने च तथा तस्मिंस्तदुदकं तस्थौ ॥

sa tatra saṃviveśa kedārakhaṇḍe śayāne ca tathā tasmiṃstadudakaṃ tasthau

He lay down there in the breach of the embankment, and as he lay there the water was held back.

Note on the text: Corrected शयाने व तथा → शयाने च तथा (misprint in Wikisource; व is not a word here, read च "and"; the critical edition has śayāne tasmiṃs …).

Verse 25 (1.3.25)

ततः कदाचिदुपाध्याय आपोदो धौम्यः शिष्यावपृच्छत् क्व आरुणिः पाञ्चाल्यो गत इति ॥

tataḥ kadācidupādhyāya āpodo dhaumyaḥ śiṣyāvapṛcchat kva āruṇiḥ pāñcālyo gata iti

Some time later the teacher, Ayoda Dhaumya, asked his two disciples, "Where has Aruni of Panchala gone?"

Verse 26 (1.3.26)

तौ तं प्रत्यूचतुर्भगवंस्त्वयैव प्रेषितो गच्छ केदारखण्डं बधानेति । स एवमुक्तस्तौ शिष्यौ प्रत्युवाच तस्मात्तत्र सर्वे गच्छामो यत्र स गत इति ॥

tau taṃ pratyūcaturbhagavaṃstvayaiva preṣito gaccha kedārakhaṇḍaṃ badhāneti | sa evamuktastau śiṣyau pratyuvāca tasmāttatra sarve gacchāmo yatra sa gata iti

They answered him, "Lord, you yourself sent him, saying, 'Go and close the breach in the embankment of the field.'" At this he said to the two disciples, "Then let us all go to the place where he went."

Verse 27 (1.3.27)

स तत्र गत्वा तस्याह्वानाय शब्दं चकार । भो आरुणे पाञ्चाल्य क्वासि वत्सैहीति ॥

sa tatra gatvā tasyāhvānāya śabdaṃ cakāra | bho āruṇe pāñcālya kvāsi vatsaihīti

Going there, he called out to him: "Ho, Aruni of Panchala, where are you? Come here, my child!"

Note on the text: Corrected चकारः → चकार (misprint in Wikisource; the perfect verb takes no visarga).

Verse 28 (1.3.28)

स तच्छ्रुत्वा आरुणिरुपाध्यायवाक्यं तस्मात्केदारखण्डात्सहसोत्थाय तमुपाध्यायमुपतस्थे ॥

sa tacchrutvā āruṇirupādhyāyavākyaṃ tasmātkedārakhaṇḍātsahasotthāya tamupādhyāyamupatasthe

Hearing his teacher's voice, Aruni rose at once from the breach in the embankment and came and stood before his teacher.

Note on the text: Separated सहसोत्थायतमुपाध्यायम् → सहसोत्थाय तमुपाध्यायम् (word space missing in Wikisource).

Verse 29 (1.3.29)

प्रोवाच चैनमयमस्म्यत्र केदारखण्डे निःसरमाणमुदकमवारणीयं संरोद्धुं संविष्टो भगवच्छब्दं श्रुत्वैव सहसा विदार्य केदारखण्डं भवन्तमुपस्थितः ॥

provāca cainamayamasmyatra kedārakhaṇḍe niḥsaramāṇamudakamavāraṇīyaṃ saṃroddhuṃ saṃviṣṭo bhagavacchabdaṃ śrutvaiva sahasā vidārya kedārakhaṇḍaṃ bhavantamupasthitaḥ

And he said to him, "Here I am. I had lain down in the breach of the embankment to stop the water that was pouring out and could not otherwise be held back. The moment I heard your voice, lord, I broke through the embankment and came to you at once."

Note on the text: Split: Wikisource prints this sentence and the next under one number (1-3-29) but closes this one with ॥, and leaves 1-3-30 empty; the second sentence is given as the next verse (Wikisource 30).

Verse 30 (1.3.30)

तदभिवादये भगवन्तमाज्ञापयतु भवान्कमर्थं करवाणीति ॥

tadabhivādaye bhagavantamājñāpayatu bhavānkamarthaṃ karavāṇīti

"I salute you, lord. Command me: what task shall I do?"

Note on the text: Wikisource 1-3-30 is an empty number; this sentence, printed as the last line of 1-3-29, has been moved here (see the previous verse). No text is dropped or added.

Verse 31 (1.3.31)

स एवमुक्त उपाध्यायः प्रत्युवाच यस्माद्भवान्केदारखण्डं विदार्योत्थितस्तस्मादुद्दालक एव नाम्ना भवान्भविष्यतीत्युपाध्यायेनानुगृहीतः ॥

sa evamukta upādhyāyaḥ pratyuvāca yasmādbhavānkedārakhaṇḍaṃ vidāryotthitastasmāduddālaka eva nāmnā bhavānbhaviṣyatītyupādhyāyenānugṛhītaḥ

Addressed thus, the teacher replied, "Because you rose up by tearing open the embankment, you shall be known by the name Uddalaka." So the teacher blessed him.

Note on the text: Separated एवनाम्ना → एव नाम्ना (word space missing in Wikisource).

Verse 32 (1.3.32)

यस्माच्च त्वया मद्वचनमनुष्ठितं तस्माच्छ्रेयोऽवाप्स्यसि । सर्वे च ते वेदाः प्रतिभास्यन्ति सर्वाणि च धर्मशास्त्राणीति ॥

yasmācca tvayā madvacanamanuṣṭhitaṃ tasmācchreyo'vāpsyasi | sarve ca te vedāḥ pratibhāsyanti sarvāṇi ca dharmaśāstrāṇīti

"And because you carried out my word, you will attain the highest good. All the Vedas will shine forth in your mind, and all the treatises on dharma."

Verse 33 (1.3.33)

स एवमुक्त उपाध्यायेनेष्टं देशं जगाम ॥

sa evamukta upādhyāyeneṣṭaṃ deśaṃ jagāma

Told this by his teacher, he went to the country of his choice.

Verse 34 (1.3.34)

अथापरः शिष्यस्तस्यैवापोदस्य धौम्यस्योपमन्युर्नाम । तं चोपाध्यायः प्रेषयामास वत्सोपमन्यो गा रक्षस्वेति ॥

athāparaḥ śiṣyastasyaivāpodasya dhaumyasyopamanyurnāma | taṃ copādhyāyaḥ preṣayāmāsa vatsopamanyo gā rakṣasveti

Another disciple of this same Ayoda Dhaumya was named Upamanyu. The teacher sent him out, saying, "Upamanyu, my child, look after the cows."

Verse 35 (1.3.35)

स उपाध्यायवचनादरक्षद्गाः स चाहनि गा रक्षित्वा दिवसक्षये गुरुगृहमागम्योपाध्यायस्याग्रतः स्थित्वा नमश्चक्रे ॥

sa upādhyāyavacanādarakṣadgāḥ sa cāhani gā rakṣitvā divasakṣaye gurugṛhamāgamyopādhyāyasyāgrataḥ sthitvā namaścakre

At his teacher's word he tended the cows. He guarded them all day, and at the close of day he came back to his teacher's house, stood before the teacher and bowed.

Verse 36 (1.3.36)

तमुपाध्यायः पीवानमपश्यदुवाच चैनं वत्सोपमन्यो केन वृत्तिं कल्पयसि पीवानसि दृढमिति ॥

tamupādhyāyaḥ pīvānamapaśyaduvāca cainaṃ vatsopamanyo kena vṛttiṃ kalpayasi pīvānasi dṛḍhamiti

The teacher saw that he was plump and said to him, "Upamanyu, my child, how do you feed yourself? You are very well fed."

Verse 37 (1.3.37)

स उपाध्यायं प्रत्युवाच भो भैक्ष्येण वृत्तिं कल्पयामीति तमुपाध्यायः प्रत्युवाच ॥

sa upādhyāyaṃ pratyuvāca bho bhaikṣyeṇa vṛttiṃ kalpayāmīti tamupādhyāyaḥ pratyuvāca

He answered the teacher, "Sir, I live on alms." The teacher replied to him:

Verse 38 (1.3.38)

मय्यनिवेद्य भैक्ष्यं नोपयोक्तव्यमिति । स तथेत्युक्तो भैक्ष्यं चरित्वोपाध्यायाय न्यवेदयत् ॥

mayyanivedya bhaikṣyaṃ nopayoktavyamiti | sa tathetyukto bhaikṣyaṃ caritvopādhyāyāya nyavedayat

"You must not use the alms without first offering them to me." He agreed, and after going round for alms he offered them to his teacher.

Note on the text: The second sentence (स तथेत्युक्तो … न्यवेदयत्) is not in the critical edition (vulgate recension).

Verse 39 (1.3.39)

स तस्मादुपाध्यायः सर्वमेव भैक्ष्यमगृह्णात् । स तथेत्युक्तः पुनररक्षद्गा अहनि रक्षित्वा निशामुखे गुरुकुलमागम्य गुरोरग्रतः स्थित्वा नमश्चक्रे ॥

sa tasmādupādhyāyaḥ sarvameva bhaikṣyamagṛhṇāt | sa tathetyuktaḥ punararakṣadgā ahani rakṣitvā niśāmukhe gurukulamāgamya guroragrataḥ sthitvā namaścakre

The teacher took all of the alms from him. Accepting this, he went on tending the cows; he guarded them through the day, and at nightfall he came to his teacher's house, stood before his teacher and bowed.

Note on the text: The first sentence (स तस्मादुपाध्यायः … अगृह्णात्) is not in the critical edition (vulgate recension).

Verse 40 (1.3.40)

तमुपाध्यायस्तथापि पीवानमेव दृष्ट्वोवाच । वत्सोपमन्यो सर्वमशेषतस्ते भैक्ष्यं गृह्णामि केनेदानीं वृत्तिं कल्पयसीति ॥

tamupādhyāyastathāpi pīvānameva dṛṣṭvovāca | vatsopamanyo sarvamaśeṣataste bhaikṣyaṃ gṛhṇāmi kenedānīṃ vṛttiṃ kalpayasīti

Seeing that he was still plump, the teacher said, "Upamanyu, my child, I take all your alms, every bit of them. How do you feed yourself now?"

Note on the text: Restored the opening words तमुपाध्यायस्तथापि पीवानमेव दृष्ट्वोवाच, which Wikisource prints on a line of their own within this verse and which the extraction had mistaken for a speaker heading.

Verse 41 (1.3.41)

स एवमुक्त उपाध्यायं प्रत्युवाच । भगवते निवेद्य पूर्वमपरं चरामि तेन वृत्तिं कल्पयामीति तमुपाध्यायः प्रत्युवाच ॥

sa evamukta upādhyāyaṃ pratyuvāca | bhagavate nivedya pūrvamaparaṃ carāmi tena vṛttiṃ kalpayāmīti tamupādhyāyaḥ pratyuvāca

Asked this, he answered the teacher, "After offering the first round of alms to you, lord, I go begging a second time, and on that I live." The teacher replied to him:

Note on the text: Restored the opening words स एवमुक्त उपाध्यायं प्रत्युवाच, which Wikisource prints on a line of their own within this verse and which the extraction had mistaken for a speaker heading.

Verse 42 (1.3.42)

नैषा न्याय्या गुरुवृत्तिरन्येषामपि भैक्ष्योपजीविनां वृत्त्युपरोधं करोषि इत्येवं वर्तमानो लुब्धोऽसीति ॥

naiṣā nyāyyā guruvṛttiranyeṣāmapi bhaikṣyopajīvināṃ vṛttyuparodhaṃ karoṣi ityevaṃ vartamāno lubdho'sīti

"This is not the proper conduct of a pupil toward his teacher. Living this way, you take away the livelihood of others who live on alms. You are greedy."

Verse 43 (1.3.43)

स तथेत्युक्त्वा गा अरक्षद्रक्षित्वा च पुनरुपाध्यायगृहमागम्योपाध्यायस्याग्रतः स्थित्वा नमश्चक्रे ॥

sa tathetyuktvā gā arakṣadrakṣitvā ca punarupādhyāyagṛhamāgamyopādhyāyasyāgrataḥ sthitvā namaścakre

Agreeing, he tended the cows; and having guarded them he came again to his teacher's house, stood before the teacher and bowed.

Verse 44 (1.3.44)

तमुपाध्यायस्तथापि पीवानमेव दृष्ट्वा पुनरुवाच । वत्सोपमन्यो अहं ते सर्वं भैक्ष्यं गृह्णामि न चान्यच्चरसि पीवानसि भृशं केन वृत्तिं कल्पयसीति ॥

tamupādhyāyastathāpi pīvānameva dṛṣṭvā punaruvāca | vatsopamanyo ahaṃ te sarvaṃ bhaikṣyaṃ gṛhṇāmi na cānyaccarasi pīvānasi bhṛśaṃ kena vṛttiṃ kalpayasīti

Seeing him still plump, the teacher spoke again: "Upamanyu, my child, I take all your alms, and you do not beg a second time, yet you are very well fed. How do you feed yourself?"

Note on the text: Restored the opening words तमुपाध्यायस्तथापि पीवानमेव दृष्ट्वा पुनरुवाच, which Wikisource prints on a line of their own within this verse and which the extraction had mistaken for a speaker heading.

Verse 45 (1.3.45)

स एवमुक्तस्तमुपाध्यायं प्रत्युवाच । भो एतासां गवां पयसा वृत्तिं कल्पयामीति । तमुवाचोपाध्यायो नैतन्न्याय्यं पय उपयोक्तुं भवतो मया नाभ्यनुज्ञातमिति ॥

sa evamuktastamupādhyāyaṃ pratyuvāca | bho etāsāṃ gavāṃ payasā vṛttiṃ kalpayāmīti | tamuvācopādhyāyo naitannyāyyaṃ paya upayoktuṃ bhavato mayā nābhyanujñātamiti

Asked this, he answered the teacher, "Sir, I live on the milk of these cows." The teacher said to him, "It is not right for you to use the milk; I have not permitted it."

Note on the text: Restored the opening words स एवमुक्तस्तमुपाध्यायं प्रत्युवाच, which Wikisource prints on a line of their own within this verse and which the extraction had mistaken for a speaker heading.

Verse 46 (1.3.46)

स तथेति प्रतिज्ञाय गा रक्षित्वा पुनरुपाध्यायगृहमेत्य गुरोरग्रतः स्थित्वा नमश्चक्रे ॥

sa tatheti pratijñāya gā rakṣitvā punarupādhyāyagṛhametya guroragrataḥ sthitvā namaścakre

He promised to obey, and after guarding the cows he came again to his teacher's house, stood before his teacher and bowed.

Verse 47 (1.3.47)

तमुपाध्यायः पीवानमेव दृष्ट्वोवाच । वत्सोपमन्यो भैक्ष्यं नाश्नासि न चान्यच्चरसि पयो न पिबसि पीवानसि भृशं केनेदानीं वृत्तिं कल्पयसीति ॥

tamupādhyāyaḥ pīvānameva dṛṣṭvovāca | vatsopamanyo bhaikṣyaṃ nāśnāsi na cānyaccarasi payo na pibasi pīvānasi bhṛśaṃ kenedānīṃ vṛttiṃ kalpayasīti

Seeing him still plump, the teacher said, "Upamanyu, my child, you do not eat the alms, you do not beg a second time, you do not drink the milk, and yet you are very well fed. How do you feed yourself now?"

Note on the text: Restored the opening words तमुपाध्यायः पीवानमेव दृष्ट्वोवाच, which Wikisource prints on a line of their own within this verse and which the extraction had mistaken for a speaker heading.

Verse 48 (1.3.48)

स एवमुक्त उपाध्यायं प्रत्युवाच । भोः फेनं पिबामि यमिमे वत्सा मातॄणां स्तनात्पिबन्त उद्गिरन्ति ॥

sa evamukta upādhyāyaṃ pratyuvāca | bhoḥ phenaṃ pibāmi yamime vatsā mātṝṇāṃ stanātpibanta udgiranti

Asked this, he answered the teacher, "Sir, I drink the froth that these calves bring up as they suck at their mothers' udders."

Note on the text: Restored the opening words स एवमुक्त उपाध्यायं प्रत्युवाच, which Wikisource prints on a line of their own within this verse and which the extraction had mistaken for a speaker heading. Corrected पिबापि → पिबामि (misprint in Wikisource; the critical edition reads pibāmi).

Verse 49 (1.3.49)

तमुपाध्यायः प्रत्युवाच । एते त्वदनुकम्पया गुणवन्तो वत्साः प्रभूततरं फेनमुद्गिरन्ति । तदेषामपि वत्सानां वृत्त्युपरोधं करोष्येवं वर्तमानः । फेनमपि भवान्न पातुमर्हतीति स तथेति प्रतिश्रुत्य निराहारः पुनररक्षद्गाः ॥

tamupādhyāyaḥ pratyuvāca | ete tvadanukampayā guṇavanto vatsāḥ prabhūtataraṃ phenamudgiranti | tadeṣāmapi vatsānāṃ vṛttyuparodhaṃ karoṣyevaṃ vartamānaḥ | phenamapi bhavānna pātumarhatīti sa tatheti pratiśrutya nirāhāraḥ punararakṣadgāḥ

The teacher replied, "These good calves bring up froth in plenty out of pity for you. So by living this way you take away the sustenance of the calves as well. You must not drink even the froth." He promised to obey, and without food he went on tending the cows.

Note on the text: Restored the opening words तमुपाध्यायः प्रत्युवाच, which Wikisource prints on a line of their own within this verse and which the extraction had mistaken for a speaker heading.

Verse 50 (1.3.50)

तथा प्रतिषिद्धो भैक्ष्यं नाश्नाति न चान्यच्चरति पयो न पिबति फेनं नोपयुङ्क्ते स कदाचिदरण्ये क्षुधार्तोऽर्कपत्राण्यभक्षयत् ॥

tathā pratiṣiddho bhaikṣyaṃ nāśnāti na cānyaccarati payo na pibati phenaṃ nopayuṅkte sa kadācidaraṇye kṣudhārto'rkapatrāṇyabhakṣayat

Forbidden in this way, he did not eat the alms, did not beg a second time, did not drink the milk and did not take the froth. One day in the forest, tormented by hunger, he ate the leaves of the arka plant.

Verse 51 (1.3.51)

स तैरर्कपत्रैर्भक्षितैः क्षारतिक्तकटुरूक्षैस्तीक्ष्णविपाकैश्चक्षुष्युपहतोऽन्धो बभूव । ततः सोऽन्धोऽपि चङ्क्रम्यमाणः कूपेऽपतत् ॥

sa tairarkapatrairbhakṣitaiḥ kṣāratiktakaṭurūkṣaistīkṣṇavipākaiścakṣuṣyupahato'ndho babhūva | tataḥ so'ndho'pi caṅkramyamāṇaḥ kūpe'patat

The arka leaves he had eaten, salty, bitter, pungent and harsh, and fierce in their effect, injured his eyes, and he went blind. Then, blind as he was, he wandered about and fell into a well.

Note on the text: Split: Wikisource closes this sentence with ॥ inside 1-3-51 and its numbering then skips 1-3-52; the remaining sentence of 1-3-51 is given as the next verse.

Verse 52 (1.3.52)

अथ तस्मिन्ननागच्छति सूर्ये चास्ताचलावलम्बिनि उपाध्यायः शिष्यानवोचत् ॥

atha tasminnanāgacchati sūrye cāstācalāvalambini upādhyāyaḥ śiṣyānavocat

When he did not return, and the sun was resting on the western mountain, the teacher said to his disciples:

Note on the text: Last sentence of Wikisource 1-3-51, given its own verse at the gap in Wikisource's numbering (1-3-52); see the previous verse. No text is dropped or added.

Verse 53 (1.3.53)

मयोपमन्युः सर्वतः प्रतिषिद्धः स नियतं कुपितस्ततो नागच्छति चिरगतस्त्विति । ततोऽन्वेष्य इत्येवमुक्त्वा शिष्यैः सार्धमरण्यं गत्वा तस्याह्वानाय शब्दं चकार भो उपमन्यो क्वासि वत्सैहीति ॥

mayopamanyuḥ sarvataḥ pratiṣiddhaḥ sa niyataṃ kupitastato nāgacchati ciragatastviti | tato'nveṣya ityevamuktvā śiṣyaiḥ sārdhamaraṇyaṃ gatvā tasyāhvānāya śabdaṃ cakāra bho upamanyo kvāsi vatsaihīti

"I have forbidden Upamanyu everything. He is surely angry, and that is why he has not come back, though he has been gone a long time. He must be searched for." With these words he went into the forest with his disciples and called out to him: "Ho, Upamanyu, where are you? Come here, my child!"

Verse 54 (1.3.54)

स उपाध्यायस्य आह्वानवचनं श्रुत्वा प्रत्युवाचोच्चैरयमस्मिन्कूपे पतितोऽहमिति । तमुपाध्यायः प्रत्युवाच कथं त्वमस्मिन्कूपे पतित इति ॥

sa upādhyāyasya āhvānavacanaṃ śrutvā pratyuvācoccairayamasminkūpe patito'hamiti | tamupādhyāyaḥ pratyuvāca kathaṃ tvamasminkūpe patita iti

Hearing his teacher calling, he answered loudly, "Here I am. I have fallen into this well." The teacher asked him, "How did you fall into the well?"

Verse 55 (1.3.55)

स उपाध्यायं प्रत्युवाच अर्कपत्राणि भक्षयित्वान्धीभूतोऽस्म्यतश्चङ्क्रम्यमाणः कूपे पतित इति । तमुपाध्यायः प्रत्युवाच ॥

sa upādhyāyaṃ pratyuvāca arkapatrāṇi bhakṣayitvāndhībhūto'smyataścaṅkramyamāṇaḥ kūpe patita iti | tamupādhyāyaḥ pratyuvāca

He answered the teacher, "I ate arka leaves and went blind, and so, wandering about, I fell into the well." The teacher said to him:

Note on the text: Split: the input ran Wikisource 1-3-55 and 1-3-56 together and lost the closing words of 1-3-55, तमुपाध्यायः प्रत्युवाच (taken for a speaker heading); they are restored from Wikisource and 1-3-56 is given as the next verse. Corrected भूतोस्म्यतश् → भूतोऽस्म्यतश् (missing avagraha; the critical edition reads andhībhūto 'smi).

Verse 56 (1.3.56)

अश्विनौ स्तुहि तौ देवभिषजौ त्वां चक्षुष्मन्तं कर्ताराविति । स एवमुक्त उपाध्यायेनोपमन्युः स्तोतुमुपचक्रमे देवावश्विनौ वाग्भिर्ऋग्भिः ॥

aśvinau stuhi tau devabhiṣajau tvāṃ cakṣuṣmantaṃ kartārāviti | sa evamukta upādhyāyenopamanyuḥ stotumupacakrame devāvaśvinau vāgbhirṛgbhiḥ

"Praise the Ashvins. Those two physicians of the gods will give you back your sight." Told this by his teacher, Upamanyu began to praise the two gods, the Ashvins, in words of Vedic verse.

Note on the text: Second part of the merged input verse; Wikisource numbers it 1-3-56 (see the previous verse).

Verse 57 (1.3.57)

प्रपूर्वगौ पूर्वजौ चित्रभानू । गिरा वां शंसामि तपसा ह्यनन्तौ । दिव्यौ सुपर्णौ विरजौ विमाना- । वधिक्षिपन्तौ भुवनानि विश्वा ॥

prapūrvagau pūrvajau citrabhānū | girā vāṃ śaṃsāmi tapasā hyanantau | divyau suparṇau virajau vimānā- | vadhikṣipantau bhuvanāni viśvā

You who go before all, first-born, of wondrous radiance, I praise you both with my voice, endless through your austerity. Divine, fair-winged, free of stain, riding your celestial cars, you outshine all the worlds.

Verse 58 (1.3.58)

हिरण्मयौ शकुनी सांपरायौ । नासत्यदस्रौ सुनसौ वैजयन्तौ । शुक्लं वयन्तौ तरसा सुवेमा- । वधिव्ययन्तावसितं विवस्वतः ॥

hiraṇmayau śakunī sāṃparāyau | nāsatyadasrau sunasau vaijayantau | śuklaṃ vayantau tarasā suvemā- | vadhivyayantāvasitaṃ vivasvataḥ

You are golden birds that carry us across to the world beyond, Nasatya and Dasra, fair-nosed and victorious. On your fine loom you swiftly weave the white thread, and over it you weave the dark thread of the Sun.

Verse 59 (1.3.59)

ग्रस्तां सुपर्णस्य बलेन वर्तिका- । ममुञ्चतामश्विनौ सौभगाय । तावत्सुवृत्तावनमन्त मायया । वसत्तमा गा अरुणा उदावहत् ॥

grastāṃ suparṇasya balena vartikā- | mamuñcatāmaśvinau saubhagāya | tāvatsuvṛttāvanamanta māyayā | vasattamā gā aruṇā udāvahat

O Ashvins, you set free the quail that was held fast by the strength of the eagle, so that she might have good fortune. Before your wondrous power, O gracious pair, all bowed down, and the best of the bright ones drove forth the ruddy cows.

Note on the text: Corrected तावत्सुवृत्तावनमं तमाय या- → तावत्सुवृत्तावनमन्त मायया (misprint in Wikisource; अनमं तमाय या is not Sanskrit, the critical edition reads anamanta māyayā). The rest of the verse keeps the Wikisource reading.

Verse 60 (1.3.60)

षष्टिश्च गावस्त्रिशताश्च धेनव । एकं वत्सं सुवते तं दुहन्ति । नानागोष्ठा विहिता एकदोहना- । स्तावश्विनौ दुहतो घर्ममुक्थ्यम् ॥

ṣaṣṭiśca gāvastriśatāśca dhenava | ekaṃ vatsaṃ suvate taṃ duhanti | nānāgoṣṭhā vihitā ekadohanā- | stāvaśvinau duhato gharmamukthyam

Sixty cows and three hundred milch-cows bring forth a single calf and give their milk for it. Kept in many stalls, they are milked as one; and from them the two Ashvins draw the hot milk worthy of hymns.

Verse 61 (1.3.61)

एकां नाभिं सप्त शता अराः श्रिताः । प्रधिष्वन्या विंशतिरर्पिता अराः । अनेमि चक्रं परिवर्ततेऽजरं । मायाऽश्विनौ समनक्ति चर्षणी ॥

ekāṃ nābhiṃ sapta śatā arāḥ śritāḥ | pradhiṣvanyā viṃśatirarpitā arāḥ | anemi cakraṃ parivartate'jaraṃ | māyā'śvinau samanakti carṣaṇī

Seven hundred spokes are fixed in a single nave, and twenty more spokes are set into the felloes. This rimless wheel turns on and never grows old. O Ashvins, it is your wondrous power that drives it among all beings.

Note on the text: Corrected सप्त सथा → सप्त शता (misprint in Wikisource; सथा is not a word, the critical edition reads saptaśatā).

Verse 62 (1.3.62)

एकं चक्रं वर्तते द्वादशारं । षण्णाभिमेकाक्षममृतस्य धारणम् । यस्मिन्देवा अधि विश्वे विषक्ता- । स्तावश्विनौ मुञ्चतो मा विषीदतम् ॥

ekaṃ cakraṃ vartate dvādaśāraṃ | ṣaṇṇābhimekākṣamamṛtasya dhāraṇam | yasmindevā adhi viśve viṣaktā- | stāvaśvinau muñcato mā viṣīdatam

A single wheel with twelve spokes turns, with six naves and one axle, upholding the nectar of immortality. On it all the gods are set. O Ashvins, set me free; do not leave me to despair.

Verse 63 (1.3.63)

अश्विनाविन्दुममृतं वृत्तभूयौ । तिरोधत्तामश्विनौ दासपत्नी । हित्वा गिरिमश्विनौ गामुदाचरन्तौ । तद्वृष्टिमह्नात्प्रस्थितौ बलस्य ॥

aśvināvindumamṛtaṃ vṛttabhūyau | tirodhattāmaśvinau dāsapatnī | hitvā girimaśvinau gāmudācarantau | tadvṛṣṭimahnātprasthitau balasya

The Ashvins, grown great in their deeds, hid away the moon, the nectar; the Ashvins set free the waters held by the Dasa. Leaving the mountain, the Ashvins brought out the cows, and setting out by day they released the rain that Bala had held back.

Verse 64 (1.3.64)

युवां दिशो जनयथो दशाग्रे । समानं मूर्ध्नि रथयानं वियन्ति । तासां यातमृषयोऽनुप्रयान्ति । देवा मनुष्याः क्षितिमाचरन्ति ॥

yuvāṃ diśo janayatho daśāgre | samānaṃ mūrdhni rathayānaṃ viyanti | tāsāṃ yātamṛṣayo'nuprayānti | devā manuṣyāḥ kṣitimācaranti

You two, at the beginning, bring forth the ten directions; high above, all move along the one path of your chariot. The sages follow the course you take; gods and men go about the earth.

Verse 65 (1.3.65)

युवां वर्णान्विकुरुथो विश्वरूपां- । स्तेऽधिक्षियन्ते भुवनानि विश्वा । ते भानवोऽप्यनुसृताश्चरन्ति । देवा मनुष्याः क्षितिमाचरन्ति ॥

yuvāṃ varṇānvikurutho viśvarūpāṃ- | ste'dhikṣiyante bhuvanāni viśvā | te bhānavo'pyanusṛtāścaranti | devā manuṣyāḥ kṣitimācaranti

You two shape the colours into every form; upon them all the worlds rest. The shining rays too move as they follow you; gods and men go about the earth.

Verse 66 (1.3.66)

तौ नासत्यावश्विनौ वां महेऽहं । स्रजं च यां बिभृथः पुष्करस्य । तौ नासत्यावमृतावृतावृधा- । वृते देवास्तत्प्रपदेन सूते ॥

tau nāsatyāvaśvinau vāṃ mahe'haṃ | srajaṃ ca yāṃ bibhṛthaḥ puṣkarasya | tau nāsatyāvamṛtāvṛtāvṛdhā- | vṛte devāstatprapadena sūte

O Nasatyas, O Ashvins, I honour you both and the lotus garland that you wear. Immortal Nasatyas, you make the order of truth prosper; apart from you even the gods are helpless. She brings forth by the forefoot.

Note on the text: Corrected नासत्वावमृतावृतावृधा- → नासत्यावमृतावृतावृधा- (misprint in Wikisource; cf. नासत्यावश्विनौ in the first line, critical edition nāsatyāv) and प्रपदे न सूते → प्रपदेन सूते (a wrongly split word that turns "by the forefoot" into a negation; critical edition prapadena, as in the next verse).

Verse 67 (1.3.67)

मुखेन गर्भं लभतां युवानौ । गतासुरेतत्प्रपदेन सूते । सद्यो जातो मातरमत्ति गर्भ- । स्तावश्विनौ मुञ्चथो जीवसे गाम् ॥

mukhena garbhaṃ labhatāṃ yuvānau | gatāsuretatprapadena sūte | sadyo jāto mātaramatti garbha- | stāvaśvinau muñcatho jīvase gām

The two youths receive the embryo through the mouth; the lifeless one gives birth to it by the forefoot. The embryo, as soon as it is born, devours its mother. O Ashvins, you set free the cow so that she may live.

Note on the text: Corrected मुञ्चथौ → मुञ्चथो (misprint in Wikisource; the dual ending is -थः, written -थो before a voiced sound; critical edition muñcatho).

Verse 68 (1.3.68)

स्तोतुं न शक्नोमि गुणैर्भवन्तौ । चक्षुर्विहीनः पथि संप्रमोहः । दुर्गेऽहमस्मिन्पतितोऽस्मि कूपे । युवां शरण्यौ शरणं प्रपद्ये ॥

stotuṃ na śaknomi guṇairbhavantau | cakṣurvihīnaḥ pathi saṃpramohaḥ | durge'hamasminpatito'smi kūpe | yuvāṃ śaraṇyau śaraṇaṃ prapadye

I cannot praise you as your virtues deserve. Bereft of sight, I lost my way, and I have fallen into this dreadful well. You two are the refuge; I come to you for shelter.

Note on the text: Not in the critical edition (found in the vulgate recension).

Verse 69 (1.3.69)

एवमृग्भिश्चान्यैरस्तुवत् । इत्येवं तेनाभिष्टुतावश्विनावाजग्मतुराहतुश्चैनं प्रीतौ स्व एष तेऽपूपोऽशानैनमिति ॥

evamṛgbhiścānyairastuvat | ityevaṃ tenābhiṣṭutāvaśvināvājagmaturāhatuścainaṃ prītau sva eṣa te'pūpo'śānainamiti

Thus he praised them with these and other verses. Praised by him in this way, the Ashvins came and said to him, "We are pleased. Here is a cake for you; eat it."

Note on the text: Corrected आहतुश्चैं → आहतुश्चैनं (misprint in Wikisource; a syllable lost, critical edition āhatuś cainam) and तेऽपूपोशानैनमिति → तेऽपूपोऽशानैनमिति (missing avagraha: अशान "eat"; critical edition apūpaḥ aśānainam). The first sentence (एवमृग्भिश्चान्यैरस्तुवत्) is not in the critical edition (vulgate recension).

Verse 70 (1.3.70)

स एवमुक्तः प्रत्युवाच नानृतमूचतुर्भगवन्तौ नत्वहमेतमपूपमुपयोक्तुमुत्सहे गुरवेऽनिवेद्येति ॥

sa evamuktaḥ pratyuvāca nānṛtamūcaturbhagavantau natvahametamapūpamupayoktumutsahe gurave'nivedyeti

Told this, he replied, "You lords have not spoken falsely. But I dare not eat this cake without first offering it to my teacher."

Verse 71 (1.3.71)

ततस्तमश्विनावूचतुः । आवाभ्यां पुरस्ताद्भवत उपाध्यायेनैवमेवाभिष्टुताभ्यामपूपोदत्त उपयुक्तः स तेनानिवेद्य गुरवे त्वमपि तथैव कुरुष्व यथा कृतमुपाध्यायेनेति ॥

tatastamaśvināvūcatuḥ | āvābhyāṃ purastādbhavata upādhyāyenaivamevābhiṣṭutābhyāmapūpodatta upayuktaḥ sa tenānivedya gurave tvamapi tathaiva kuruṣva yathā kṛtamupādhyāyeneti

Then the Ashvins said to him, "Long ago your teacher too praised us in just this way, and we gave him a cake. He ate it without offering it to his teacher. You too should do just as your teacher did."

Verse 72 (1.3.72)

स एवमुक्तः प्रत्युवाच एतत्प्रत्यनुनये भवन्तावश्विनौ नोत्सहेऽहमनिवेद्य गुरवेऽपूपमुपयोक्तुमिति ॥

sa evamuktaḥ pratyuvāca etatpratyanunaye bhavantāvaśvinau notsahe'hamanivedya gurave'pūpamupayoktumiti

Told this, he replied, "In this I beg your indulgence, Ashvins: I dare not eat the cake without offering it to my teacher."

Verse 73 (1.3.73)

तमश्विनावाहतुः प्रीतौ स्वस्तवानया गुरुभक्त्या । उपाध्यायस्य ते कार्ष्णायसा दन्ता भवतोऽपि हिरण्मया भविष्यन्ति चक्षुष्मांश्च भविष्यसि श्रेयश्चावाप्स्यसीति ॥

tamaśvināvāhatuḥ prītau svastavānayā gurubhaktyā | upādhyāyasya te kārṣṇāyasā dantā bhavato'pi hiraṇmayā bhaviṣyanti cakṣuṣmāṃśca bhaviṣyasi śreyaścāvāpsyasīti

The Ashvins said to him, "We are pleased with this devotion of yours to your teacher. Your teacher's teeth are of black iron; yours shall be of gold. You shall have your sight, and you shall attain the highest good."

Verse 74 (1.3.74)

स एवमुक्तोऽश्विभ्यां लब्धचक्षुरुपाध्यायसकाशमागम्याभ्यवादयत् ॥

sa evamukto'śvibhyāṃ labdhacakṣurupādhyāyasakāśamāgamyābhyavādayat

Addressed thus by the Ashvins, he regained his sight, came to his teacher and greeted him respectfully.

Verse 75 (1.3.75)

आचचक्षे च स चास्य प्रीतिमान्बभूव ॥

ācacakṣe ca sa cāsya prītimānbabhūva

He told him what had happened, and the teacher was pleased with him.

Verse 76 (1.3.76)

आह चैनं यथाऽश्विनावाहतुस्तथा त्वं श्रेयोऽवाप्स्यसीति ॥

āha cainaṃ yathā'śvināvāhatustathā tvaṃ śreyo'vāpsyasīti

And he said to him, "As the Ashvins have said, so you shall attain the highest good."

Verse 77 (1.3.77)

सर्वे च ते वेदाःप्रतिभास्यन्ति सर्वाणि च धर्मशास्त्राणीति । एषा तस्यापि परीक्षोपमन्योः ॥

sarve ca te vedāḥpratibhāsyanti sarvāṇi ca dharmaśāstrāṇīti | eṣā tasyāpi parīkṣopamanyoḥ

"All the Vedas will shine forth in your mind, and all the treatises on dharma." Such was the test of Upamanyu.

Note on the text: Corrected परीक्षोपमन्न्योः → परीक्षोपमन्योः (misprint in Wikisource; doubled न, critical edition parīkṣopamanyoḥ).

Verse 78 (1.3.78)

अथापरः शिष्यस्तस्यैवापोदस्य धौम्यस्य बैदो नाम तमुपाध्यायः समादिदेश वत्स बैद इहास्यतां तावन्मम गृहे कंचित्कालं शुश्रूषुणा च भवितव्यं श्रेयस्ते भविष्यतीति ॥

athāparaḥ śiṣyastasyaivāpodasya dhaumyasya baido nāma tamupādhyāyaḥ samādideśa vatsa baida ihāsyatāṃ tāvanmama gṛhe kaṃcitkālaṃ śuśrūṣuṇā ca bhavitavyaṃ śreyaste bhaviṣyatīti

Another disciple of this same Ayoda Dhaumya was named Veda. The teacher instructed him, "Veda, my child, stay here in my house for a while and serve me; it will be for your good."

Verse 79 (1.3.79)

स तथेत्युक्त्वा गुरुकुले दीर्घकालं गुरुशुश्रूषणपरोऽवसत् । गौरिव नित्यं गुरुणा धूर्षु नियोज्यमानः शीतोष्णक्षुत्तृष्णादुःखसहः सर्वत्राप्रतिकूलस्तस्य महता कालेन गुरुः परितोषं जगाम ॥

sa tathetyuktvā gurukule dīrghakālaṃ guruśuśrūṣaṇaparo'vasat | gauriva nityaṃ guruṇā dhūrṣu niyojyamānaḥ śītoṣṇakṣuttṛṣṇāduḥkhasahaḥ sarvatrāpratikūlastasya mahatā kālena guruḥ paritoṣaṃ jagāma

He agreed and lived for a long time in his teacher's house, devoted to serving him. Like an ox he was always yoked by his teacher to heavy loads; he bore cold and heat, hunger, thirst and hardship, and never resisted in anything. After a long time his teacher was satisfied with him.

Note on the text: Corrected महतात्कालेन → महता कालेन (misprint in Wikisource; the critical edition reads mahatā kālena).

Verse 80 (1.3.80)

तत्परितोषाच्च श्रेयः सर्वज्ञतां चावाप । एषा तस्यापि परीक्षा बैदस्य ॥

tatparitoṣācca śreyaḥ sarvajñatāṃ cāvāpa | eṣā tasyāpi parīkṣā baidasya

Through his teacher's satisfaction he attained the highest good and knowledge of all things. Such was the test of Veda.

Verse 81 (1.3.81)

स उपाध्यायेनानुज्ञातः समावृत्तस्तस्माद्गुरुकुलवासाद्गृहाश्रमं प्रत्यपद्यत । तस्यापि स्वगृहे वसतस्त्रयः शिष्या बभूवुः स शिष्यान्न किंचिदुवाच कर्म वा क्रियतां गुरुशुश्रूषा वेति । दुःखाभिज्ञो हि गुरुकुलवासस्य शिष्यान्परिक्लेशेन योजयितुं नेयेष ॥

sa upādhyāyenānujñātaḥ samāvṛttastasmādgurukulavāsādgṛhāśramaṃ pratyapadyata | tasyāpi svagṛhe vasatastrayaḥ śiṣyā babhūvuḥ sa śiṣyānna kiṃciduvāca karma vā kriyatāṃ guruśuśrūṣā veti | duḥkhābhijño hi gurukulavāsasya śiṣyānparikleśena yojayituṃ neyeṣa

With his teacher's leave he completed his life in the teacher's house, returned home and entered the householder's life. While he lived in his own house he too had three disciples. He never told his disciples, "Do this work," or "Serve your teacher." Knowing the hardships of life in a teacher's house, he did not wish to burden his disciples with suffering.

Verse 82 (1.3.82)

अथ कस्मिंश्चित्काले बैदं ब्राह्मणं जनमेजयः पौष्यश्च क्षत्रियावुपेत्योपाध्यायं वरयाञ्चक्रतुः ॥

atha kasmiṃścitkāle baidaṃ brāhmaṇaṃ janamejayaḥ pauṣyaśca kṣatriyāvupetyopādhyāyaṃ varayāñcakratuḥ

Some time later two kshatriyas, Janamejaya and Paushya, came to the brahmin Veda and chose him as their preceptor.

Verse 83 (1.3.83)

स कदाचिद्याज्यकार्येणाभिप्रस्थित उत्तङ्कनामानं शिष्यं नियोजयामास ॥

sa kadācidyājyakāryeṇābhiprasthita uttaṅkanāmānaṃ śiṣyaṃ niyojayāmāsa

Once, setting out on the business of one for whom he served as priest, he put a disciple named Uttanka in charge.

Verse 84 (1.3.84)

भो यत्किंचिदस्मद्गृहे परिहीयते तदिच्छाम्यहमपरिहीयमानं भवता क्रियमाणमिति स एवं प्रतिसंदिश्योत्तङ्कं बैदः प्रवासं जगाम ॥

bho yatkiṃcidasmadgṛhe parihīyate tadicchāmyahamaparihīyamānaṃ bhavatā kriyamāṇamiti sa evaṃ pratisaṃdiśyottaṅkaṃ baidaḥ pravāsaṃ jagāma

"Listen: whatever runs short in my house, I want you to see that it does not run short." Having given Uttanka these instructions, Veda went away on his journey.

Note on the text: Separated भोयत्किंचिद् → भो यत्किंचिद् (word space missing in Wikisource).

Verse 85 (1.3.85)

अथोत्तङ्कः शुश्रूषुर्गुरुनियोगमनुतिष्ठमानो गुरुकुले वसति स्म । स तत्र वसमान उपाध्यायस्त्रीभिः सहिताभिराहूयोक्तः ॥

athottaṅkaḥ śuśrūṣurguruniyogamanutiṣṭhamāno gurukule vasati sma | sa tatra vasamāna upādhyāyastrībhiḥ sahitābhirāhūyoktaḥ

Uttanka, eager to serve and carrying out his teacher's charge, lived on in the teacher's house. While he was living there, the women of the teacher's household called him together and said:

Verse 86 (1.3.86)

उपाध्यायानी ते ऋतुमती उपाध्यायश्च प्रोषितोऽस्या यथाऽयमृतुर्वन्ध्यो न भवति तथा क्रियतामेषा विषीदतीति ॥

upādhyāyānī te ṛtumatī upādhyāyaśca proṣito'syā yathā'yamṛturvandhyo na bhavati tathā kriyatāmeṣā viṣīdatīti

"Your teacher's wife is in her season, and the teacher is away. Do what is needed so that this season of hers does not pass fruitless; she is distressed."

Verse 87 (1.3.87)

एवमुक्तस्ताः स्त्रियः प्रत्युवाच । न मया स्त्रीणां वचनादिदमकार्यं करणीयम् । न ह्यहमुपाध्यायेन संदिष्टोऽकार्यमपि त्वया कार्यमिति ॥

evamuktastāḥ striyaḥ pratyuvāca | na mayā strīṇāṃ vacanādidamakāryaṃ karaṇīyam | na hyahamupādhyāyena saṃdiṣṭo'kāryamapi tvayā kāryamiti

Told this, he answered the women, "I must not do this wrong thing at the word of women. My teacher never instructed me, 'Do even what is wrong.'"

Note on the text: Restored the opening words एवमुक्तस्ताः स्त्रियः प्रत्युवाच, which Wikisource prints on a line of their own within this verse and which the extraction had mistaken for a speaker heading.

Verse 88 (1.3.88)

तस्य पुनरुपाध्यायः कालान्तरेण गृहमाजगाम तस्मात्प्रवासात् । स तु तद्वृत्तं तस्याशेषमुपलभ्य प्रीतिमानभूत् ॥

tasya punarupādhyāyaḥ kālāntareṇa gṛhamājagāma tasmātpravāsāt | sa tu tadvṛttaṃ tasyāśeṣamupalabhya prītimānabhūt

After some time his teacher returned home from that journey. Learning all that had happened, he was pleased with him.

Verse 89 (1.3.89)

उवाच चैनं वत्सोत्तङ्कं किं ते प्रियं करवाणीति । धर्मतो हि शुश्रूषितोऽस्मि भवता तेन प्रीतिः परस्परेण नौ संवृद्धा तदनुजाने भवन्तं सर्वानेव कामानवाप्स्यसि गम्यतामिति ॥

uvāca cainaṃ vatsottaṅkaṃ kiṃ te priyaṃ karavāṇīti | dharmato hi śuśrūṣito'smi bhavatā tena prītiḥ paraspareṇa nau saṃvṛddhā tadanujāne bhavantaṃ sarvāneva kāmānavāpsyasi gamyatāmiti

He said to him, "Uttanka, my child, what good thing can I do for you? You have served me according to dharma, and so our affection for each other has grown. I give you leave to go. You will attain all your wishes. You may go."

Verse 90 (1.3.90)

स एवमुक्तः प्रत्युवाच किं ते प्रियं करवाणीति एवं ह्याहुः ॥

sa evamuktaḥ pratyuvāca kiṃ te priyaṃ karavāṇīti evaṃ hyāhuḥ

Told this, he replied, "Rather, what good thing may I do for you? For it is said:"

Verse 91 (1.3.91)

यश्चाधर्मेण वै ब्रूयाद्यश्चाधर्मेण पृच्छति । तयोरन्यतरः प्रैति विद्वेषं चाधिगच्छति ॥

yaścādharmeṇa vai brūyādyaścādharmeṇa pṛcchati | tayoranyataraḥ praiti vidveṣaṃ cādhigacchati

"Of the one who imparts knowledge against dharma and the one who asks for it against dharma, one or the other perishes or falls into enmity."

Verse 92 (1.3.92)

सोऽहमनुज्ञातो भवता इच्छामीष्टं गुर्वर्थमुपहर्तुमिति । तेनैवमुक्त उपाध्यायः प्रत्युवाच वत्सोत्तङ्क उष्यतां तावदिति ॥

so'hamanujñāto bhavatā icchāmīṣṭaṃ gurvarthamupahartumiti | tenaivamukta upādhyāyaḥ pratyuvāca vatsottaṅka uṣyatāṃ tāvaditi

"So, now that you have given me leave, I wish to bring you a gift you desire as my teacher's fee." Told this, the teacher replied, "Uttanka, my child, stay a while yet."

Note on the text: Corrected सोहमनुज्ञातो → सोऽहमनुज्ञातो (missing avagraha; the critical edition reads so 'ham).

Verse 93 (1.3.93)

स कदाचित्तमुपाध्यायमाहोत्तङ्क आज्ञापयतु भवान्किं ते प्रियमुपाहरामि गुर्वर्थमिति ॥

sa kadācittamupādhyāyamāhottaṅka ājñāpayatu bhavānkiṃ te priyamupāharāmi gurvarthamiti

One day Uttanka said to the teacher, "Command me, sir: what dear thing shall I bring you as my teacher's fee?"

Verse 94 (1.3.94)

तमुपाध्यायः प्रत्युवाच वत्सोत्तङ्क बहुशो मां चोदयसि गुर्वर्थमुपाहरामीति तद्गच्छैनां प्रविश्योपाध्यायानीं पृच्छ किमुपाहरामीति एषा यद्ब्रवीति तदुपाहरस्वेति ॥

tamupādhyāyaḥ pratyuvāca vatsottaṅka bahuśo māṃ codayasi gurvarthamupāharāmīti tadgacchaināṃ praviśyopādhyāyānīṃ pṛccha kimupāharāmīti eṣā yadbravīti tadupāharasveti

The teacher replied, "Uttanka, my child, you keep urging me again and again, saying, 'I will bring a teacher's fee.' So go inside and ask your teacher's wife here what you should bring. Whatever she tells you, bring that."

Verse 95 (1.3.95)

स एवमुक्त उपाध्यायेनोपाध्यायानीमपृच्छद्भवत्युपाध्यायेनास्म्यनुज्ञातो गृहं गन्तुमिच्छामीष्टं ते गुर्वर्थमुपहृत्यानृणो गन्तुं तदाज्ञापयतु भवती किमुपाहरामि गुर्वर्थमिति ॥

sa evamukta upādhyāyenopādhyāyānīmapṛcchadbhavatyupādhyāyenāsmyanujñāto gṛhaṃ gantumicchāmīṣṭaṃ te gurvarthamupahṛtyānṛṇo gantuṃ tadājñāpayatu bhavatī kimupāharāmi gurvarthamiti

Told this by his teacher, he asked his teacher's wife, "Lady, my teacher has given me leave to go home. I wish to bring you a gift you desire as my teacher's fee, and so leave free of debt. So command me, lady: what shall I bring as the fee?"

Verse 96 (1.3.96)

सैवमुक्तोपाध्यायानी तमुत्तङ्कं प्रत्युवाच गच्छ पौष्यं प्रति राजानं कुण्डले भिक्षितुं तस्य क्षत्रियया पिनद्धे ॥

saivamuktopādhyāyānī tamuttaṅkaṃ pratyuvāca gaccha pauṣyaṃ prati rājānaṃ kuṇḍale bhikṣituṃ tasya kṣatriyayā pinaddhe

Thus addressed, the teacher's wife said to Uttanka: "Go to King Paushya and beg of him the two earrings that his queen wears.

Verse 97 (1.3.97)

आनयस्वेतश्चतुर्थेऽहनि पुण्यकर्म भविता ताभ्यामाबद्धाभ्यां शोभमाना ब्राह्मणान्परिवेष्टुमिच्छामि । तत्संपादयस्व एवं हि कुर्वतः श्रेयो भविताऽन्यथा कुतः श्रेय इति ॥

ānayasvetaścaturthe'hani puṇyakarma bhavitā tābhyāmābaddhābhyāṃ śobhamānā brāhmaṇānpariveṣṭumicchāmi | tatsaṃpādayasva evaṃ hi kurvataḥ śreyo bhavitā'nyathā kutaḥ śreya iti

Bring them here. On the fourth day from now there is to be a holy rite, and I wish to serve food to the brahmins adorned with those earrings. Accomplish this. If you do, good will come to you; otherwise, how can there be any good?"

Verse 98 (1.3.98)

स एवमुक्तस्तयोपाध्यायान्या प्रातिष्ठतोत्तङ्कः स पथि गच्छन्नपश्यदृषभमतिप्रमाणं तमधिरूढं च पुरुषमतिप्रमाणमेव स पुरुष उत्तङ्कमभ्यभाषत ॥

sa evamuktastayopādhyāyānyā prātiṣṭhatottaṅkaḥ sa pathi gacchannapaśyadṛṣabhamatipramāṇaṃ tamadhirūḍhaṃ ca puruṣamatipramāṇameva sa puruṣa uttaṅkamabhyabhāṣata

Thus addressed by the teacher's wife, Uttanka set out. As he went along the road he saw a bull of enormous size, and riding on it a man who was also of enormous size. That man spoke to Uttanka:

Verse 99 (1.3.99)

भो उत्तङ्कैतत्पुरीषमस्य ऋषभस्य भक्षयस्वेति स एवमुक्तो नैच्छत् ॥

bho uttaṅkaitatpurīṣamasya ṛṣabhasya bhakṣayasveti sa evamukto naicchat

"Uttanka, eat the dung of this bull." Thus addressed, he did not wish to.

Note on the text: Corrected भोउत्तङ्कैतत् → भो उत्तङ्कैतत् (misprint in Wikisource; the vocative particle भो stands apart before a vowel).

Verse 100 (1.3.100)

तमाह पुरुषो भूयो भक्षयस्वोत्तङ्क मा विचारयोपाध्यायेनापि ते भक्षितं पूर्वमिति । स एवमुक्तो बाढमित्युक्त्वा तदा तदृषभस्य मूत्रं पुरीषं च भक्षयित्वोत्तङ्कः संभ्रमादुत्थित एवापोऽनुस्पृश्य प्रतस्थे ॥

tamāha puruṣo bhūyo bhakṣayasvottaṅka mā vicārayopādhyāyenāpi te bhakṣitaṃ pūrvamiti | sa evamukto bāḍhamityuktvā tadā tadṛṣabhasya mūtraṃ purīṣaṃ ca bhakṣayitvottaṅkaḥ saṃbhramādutthita evāpo'nuspṛśya pratasthe

The man said to him again: "Eat it, Uttanka; do not hesitate. Your teacher too ate it before." Thus addressed, Uttanka said, "Very well," and ate the bull's urine and dung. Then, getting up in haste, he sipped water while still standing and went on his way.

Note on the text: Corrected तद्वृपभस्य → तदृषभस्य (misprint in Wikisource; tad ṛṣabhasya, "of that bull", as in the critical edition) and संभ्रमाढुत्थित → संभ्रमादुत्थित (misprint in Wikisource; ढ for द in saṃbhramād utthitaḥ).

Verse 101 (1.3.101)

यत्र स क्षत्रियः पौष्यस्तमुपेत्यासीनमपश्यदुत्तङ्कः । स उत्तङ्कस्तमुपेत्याशीर्भिरभिनन्द्योवाच ॥

yatra sa kṣatriyaḥ pauṣyastamupetyāsīnamapaśyaduttaṅkaḥ | sa uttaṅkastamupetyāśīrbhirabhinandyovāca

He came to where the kshatriya Paushya was, and on approaching saw him seated. Uttanka went up to him, greeted him with blessings and said:

Note on the text: Restored the line "स उत्तङ्कस्तमुपेत्याशीर्भिरभिनन्द्योवाच" from the Wikisource page: the extraction had taken it for a speaker heading and dropped it from the verse.

Verse 102 (1.3.102)

अर्थी भवन्तमुपागतोऽस्मीति स एनमभिवाद्योवाच । भगवन्पौष्यः खल्वहं किं करवाणीति ॥

arthī bhavantamupāgato'smīti sa enamabhivādyovāca | bhagavanpauṣyaḥ khalvahaṃ kiṃ karavāṇīti

"I have come to you as a petitioner." The king saluted him and said: "Holy one, I am Paushya. What may I do for you?"

Note on the text: Restored the line "अर्थी भवन्तमुपागतोऽस्मीति स एनमभिवाद्योवाच" from the Wikisource page: the extraction had taken it for a speaker heading and dropped it from the verse.

Verse 103 (1.3.103)

स तमुवाच गुर्वर्थं कुण्डलयोरर्थेनाभ्यागतोऽस्मि । ये वै ते क्षत्रियया पिनद्धे कुण्डले ते भवान्दातुमर्हतीति ॥

sa tamuvāca gurvarthaṃ kuṇḍalayorarthenābhyāgato'smi | ye vai te kṣatriyayā pinaddhe kuṇḍale te bhavāndātumarhatīti

Uttanka said to him: "I have come for two earrings, as a gift for my teacher. Please give me the earrings that your queen wears."

Note on the text: Corrected क्षत्रिया → क्षत्रियया (misprint in Wikisource; a dropped akshara — the instrumental "worn by your queen" is required, as in the critical edition and in this text's own earlier "क्षत्रियया पिनद्धे").

Verse 104 (1.3.104)

तं प्रत्युवाच पौष्यः प्रविश्यान्तःपुरं क्षत्रिया याच्यतामिति । स तेनैवमुक्तः प्रविश्यान्तःपुरं क्षत्रियां नापश्यत् ॥

taṃ pratyuvāca pauṣyaḥ praviśyāntaḥpuraṃ kṣatriyā yācyatāmiti | sa tenaivamuktaḥ praviśyāntaḥpuraṃ kṣatriyāṃ nāpaśyat

Paushya replied: "Go into the inner apartments and ask the queen for them." So told, he entered the inner apartments, but he did not see the queen.

Verse 105 (1.3.105)

स पौष्यं पुनरुवाच न युक्तं भवताऽहमनृतेनोपचरितुं न हि तेऽन्तःपुरे क्षत्रिया सन्निहिता नैनां पश्यामि ॥

sa pauṣyaṃ punaruvāca na yuktaṃ bhavatā'hamanṛtenopacarituṃ na hi te'ntaḥpure kṣatriyā sannihitā naināṃ paśyāmi

He said to Paushya again: "It is not right for you to deal with me falsely. Your queen is not in the inner apartments; I do not see her."

Verse 106 (1.3.106)

स एवमुक्तः पौष्यः क्षणमात्रं विमृश्योत्तङ्कं प्रत्युवाच । नियतं भवानुच्छिष्टः स्मर तावन्न हि सा क्षत्रिया उच्छिष्टेनाशुचिना शक्या द्रष्टुं पतिव्रतात्वात्सैषा नाशुचेर्दर्शनमुपैतीति ॥

sa evamuktaḥ pauṣyaḥ kṣaṇamātraṃ vimṛśyottaṅkaṃ pratyuvāca | niyataṃ bhavānucchiṣṭaḥ smara tāvanna hi sā kṣatriyā ucchiṣṭenāśucinā śakyā draṣṭuṃ pativratātvātsaiṣā nāśucerdarśanamupaitīti

Thus addressed, Paushya reflected for a moment and replied to Uttanka: "Surely you are unclean from eating — think back. The queen cannot be seen by one who is unclean and impure. Because she is devoted to her husband, she does not come within sight of the impure."

Verse 107 (1.3.107)

अथैवमुक्त उत्तङ्कः स्मृत्वोवाचास्ति खलु मया तु भक्षितं नोपस्पृष्टमागच्छतेति । तं पौष्यः प्रत्युवाच एष ते व्यतिक्रमो नोत्थितेनोपस्पृष्टं भवति शीघ्रमागच्छतेति ॥

athaivamukta uttaṅkaḥ smṛtvovācāsti khalu mayā tu bhakṣitaṃ nopaspṛṣṭamāgacchateti | taṃ pauṣyaḥ pratyuvāca eṣa te vyatikramo notthitenopaspṛṣṭaṃ bhavati śīghramāgacchateti

Thus told, Uttanka remembered and said: "Yes, it is so — I ate, and, coming along in haste, I did not purify myself properly." Paushya answered him: "That is your lapse. Water sipped standing up, or on the move in haste, is no purification."

Verse 108 (1.3.108)

अथोत्तङ्कस्तं तथेत्युक्त्वा प्राङ्मुख उपविश्य सुप्रक्षालितपाणिपादवदनो निःशब्दाभिरफेनाभिरनुष्णाभिर्हृद्गताभिरद्भिस्त्रिः पीत्वा द्विः परिमृज्य खान्यद्भिरुपस्पृश्य चान्तःपुरं प्रविवेश ॥

athottaṅkastaṃ tathetyuktvā prāṅmukha upaviśya suprakṣālitapāṇipādavadano niḥśabdābhiraphenābhiranuṣṇābhirhṛdgatābhiradbhistriḥ pītvā dviḥ parimṛjya khānyadbhirupaspṛśya cāntaḥpuraṃ praviveśa

Uttanka said "So be it" and sat down facing east. He washed his hands, feet and face thoroughly; three times he sipped water that made no sound, had no foam, was not warm and reached down to the heart; twice he wiped his lips; he touched the openings of his senses with water; and he entered the inner apartments.

Note on the text: Corrected उपावेश्य → उपविश्य (misprint in Wikisource; "having sat down" is required, as in the critical edition's upaviśya — the causative "having seated someone" does not fit).

Verse 109 (1.3.109)

ततस्तां क्षत्रियामपश्यत्सा च दृष्ट्वैवोत्तङ्कं प्रत्युत्थायाभिवाद्योवाच स्वागतं ते भगवन्नाज्ञापय किं करवाणीति ॥

tatastāṃ kṣatriyāmapaśyatsā ca dṛṣṭvaivottaṅkaṃ pratyutthāyābhivādyovāca svāgataṃ te bhagavannājñāpaya kiṃ karavāṇīti

Then he saw the queen. As soon as she saw Uttanka she rose, saluted him and said: "Welcome, holy one. Command me — what shall I do?"

Verse 110 (1.3.110)

स तामुवाचैते कुण्डले गुर्वर्थं मे भिक्षिते दातुमर्हसीति । सा प्रीता तेन तस्य सद्भावेन पात्रमयमनतिक्रमणीयश्चेति मत्वा ते कुण्डले अवमुच्यास्मै प्रायच्छदाह चैनमेते कुण्डले तक्षको नागराजः सुभृशं प्रार्थयत्यप्रमत्तो नेतुमर्हसीति ॥

sa tāmuvācaite kuṇḍale gurvarthaṃ me bhikṣite dātumarhasīti | sā prītā tena tasya sadbhāvena pātramayamanatikramaṇīyaśceti matvā te kuṇḍale avamucyāsmai prāyacchadāha cainamete kuṇḍale takṣako nāgarājaḥ subhṛśaṃ prārthayatyapramatto netumarhasīti

He said to her: "Please give me these earrings, which I have come to beg as a gift for my teacher." Pleased by his sincerity, and thinking, "This is a worthy recipient, one not to be turned away," she took off the earrings and gave them to him. And she said to him: "Takshaka, king of the serpents, covets these earrings greatly. You must carry them with great care."

Verse 111 (1.3.111)

स एवमुक्तस्तां क्षत्रियां प्रत्युवाच भवती सुनिर्वृता भवतु । न मां शक्तस्तक्षको नागराजो धर्षयितुमिति ॥

sa evamuktastāṃ kṣatriyāṃ pratyuvāca bhavatī sunirvṛtā bhavatu | na māṃ śaktastakṣako nāgarājo dharṣayitumiti

Thus told, he replied to the queen: "Rest quite at ease, lady. Takshaka, king of the serpents, cannot overpower me."

Verse 112 (1.3.112)

स एवमुक्त्वा तां क्षत्रियामामन्त्र्य पौष्यसकाशमागच्छत् । आह चैनं भोः पौष्य प्रीतोऽस्मीति तमुत्तङ्कं पौष्यः प्रत्युवाच ॥

sa evamuktvā tāṃ kṣatriyāmāmantrya pauṣyasakāśamāgacchat | āha cainaṃ bhoḥ pauṣya prīto'smīti tamuttaṅkaṃ pauṣyaḥ pratyuvāca

Having said this, he took leave of the queen and came back to Paushya, and said to him: "Paushya, I am pleased." Paushya replied to Uttanka:

Verse 113 (1.3.113)

भगवंश्चिरेण पात्रमासाद्यते भवांश्च गुणवानतिथिस्तदिच्छे श्राद्धं कर्तुं क्रियतां क्षण इति ॥

bhagavaṃścireṇa pātramāsādyate bhavāṃśca guṇavānatithistadicche śrāddhaṃ kartuṃ kriyatāṃ kṣaṇa iti

"Holy one, a worthy recipient is found only after long waiting, and you are a guest of true merit. So I wish to perform a shraddha for the ancestors; please consent to be my guest for it."

Note on the text: Corrected भवाश्च → भवांश्च (misprint in Wikisource; dropped anusvara in bhavāṃś ca, as in the critical edition).

Verse 114 (1.3.114)

तमुत्तङ्कः प्रत्युवाच कृतक्षण एवास्मि शीघ्रमिच्छामि यथोपपन्नमन्नमुपस्कृतं भवतेति स तथेत्युक्त्वा यथोपपन्नेनान्नेनैनं भोजयामास ॥

tamuttaṅkaḥ pratyuvāca kṛtakṣaṇa evāsmi śīghramicchāmi yathopapannamannamupaskṛtaṃ bhavateti sa tathetyuktvā yathopapannenānnenainaṃ bhojayāmāsa

Uttanka replied: "I consent already. But I am in haste; I would like whatever food you have ready and prepared." The king said "So be it," and fed him with such food as was at hand.

Verse 115 (1.3.115)

अथोत्तङ्कः सकेशं शीतमन्नं दृष्ट्वा अशुच्येतदिति मत्वा तं पौष्यमुवाच । यस्मान्मे अशुच्यन्नं ददासि तस्मादन्धो भविष्यसीति ॥

athottaṅkaḥ sakeśaṃ śītamannaṃ dṛṣṭvā aśucyetaditi matvā taṃ pauṣyamuvāca | yasmānme aśucyannaṃ dadāsi tasmādandho bhaviṣyasīti

Then Uttanka, seeing that the food was cold and had a hair in it, judged it unclean and said to Paushya: "Since you give me unclean food, you will become blind."

Verse 116 (1.3.116)

तं पौष्यः प्रत्युवाच । यस्मात्त्वमदुष्टमन्नं दूषयसि तस्मादनपत्यो भविष्यसीति तमुत्तङ्कः प्रत्युवाच ॥

taṃ pauṣyaḥ pratyuvāca | yasmāttvamaduṣṭamannaṃ dūṣayasi tasmādanapatyo bhaviṣyasīti tamuttaṅkaḥ pratyuvāca

Paushya replied: "Since you defile food that is not defiled, you will be without offspring." Uttanka answered him:

Note on the text: Restored the line "तं पौष्यः प्रत्युवाच" from the Wikisource page: the extraction had taken it for a speaker heading and dropped it from the verse. Also separated अन्नंदूषयसि → अन्नं दूषयसि (missing word break in Wikisource).

Verse 117 (1.3.117)

न युक्तं भवताऽन्नमशुचि दत्त्वा प्रतिशापं दातुं तस्मादन्नमेव प्रत्यक्षीकुरु । ततः पौष्यस्तदन्नमशुचि दृष्ट्वा तस्याशुचिभावमपरोक्षयामास ॥

na yuktaṃ bhavatā'nnamaśuci dattvā pratiśāpaṃ dātuṃ tasmādannameva pratyakṣīkuru | tataḥ pauṣyastadannamaśuci dṛṣṭvā tasyāśucibhāvamaparokṣayāmāsa

"It is not right for you to give unclean food and then curse me in return. See the food for yourself." Then Paushya looked at the food and saw for himself that it was unclean.

Note on the text: The first line is not in the critical edition's constituted text (it appears in its apparatus as 1.3.127*201); kept from the vulgate recension.

Verse 118 (1.3.118)

अथ तदन्नं मुक्तकेश्या स्त्रियोपहृतमनुष्णं सकेशं चाशुच्येतदिति मत्वा तमृषिमुत्तङ्कं प्रसादयामास ॥

atha tadannaṃ muktakeśyā striyopahṛtamanuṣṇaṃ sakeśaṃ cāśucyetaditi matvā tamṛṣimuttaṅkaṃ prasādayāmāsa

Realizing that the food was unclean — brought by a woman with her hair unbound, not warm, and with a hair in it — he sought to appease the sage Uttanka:

Verse 119 (1.3.119)

भगवन्नेतदज्ञानादन्नं सकेशमुपाहृतं शीतं च । तत्क्षामये भवन्तं न भवेयमन्ध इति । तमुत्तङ्कः प्रत्युवाच ॥

bhagavannetadajñānādannaṃ sakeśamupāhṛtaṃ śītaṃ ca | tatkṣāmaye bhavantaṃ na bhaveyamandha iti | tamuttaṅkaḥ pratyuvāca

"Holy one, this food was served cold and with a hair in it through ignorance. I ask your forgiveness for it; let me not become blind." Uttanka replied to him:

Note on the text: Corrected भघवन् → भगवन् (misprint in Wikisource; घ for ग). Restored the line "तमुत्तङ्कः प्रत्युवाच" from the Wikisource page: the extraction had taken it for a speaker heading and dropped it from the verse.

Verse 120 (1.3.120)

न मृषा ब्रवीमि भूत्वा त्वमन्धो नचिरादनन्धो भविष्यसीति । ममापि शापो भवता दत्तो न भवेदिति ॥

na mṛṣā bravīmi bhūtvā tvamandho nacirādanandho bhaviṣyasīti | mamāpi śāpo bhavatā datto na bhavediti

"I do not speak falsely. You will become blind, but before long you will see again. Now let the curse you laid on me not take effect either."

Verse 121 (1.3.121)

तं पौष्यः प्रत्युवाच न चाहं शक्तः शापं प्रत्यादातुं न हि मे मन्युरद्याप्युपशमं गच्छति किं चैतद्भवता न ज्ञायते । यथा ॥

taṃ pauṣyaḥ pratyuvāca na cāhaṃ śaktaḥ śāpaṃ pratyādātuṃ na hi me manyuradyāpyupaśamaṃ gacchati kiṃ caitadbhavatā na jñāyate | yathā

Paushya replied: "I am not able to take back the curse, for my anger has not subsided even now. Do you not know this? As it is said:

Verse 122 (1.3.122)

नवनीतं हृदयं ब्राह्मणस्य । वाचि क्षुरो निहितस्तीक्ष्णधारः । तदुभयमेतद्विपरीतं क्षत्रियस्य । वाङ्नवनीतं हृदयं तीक्ष्णधारम् इति ॥

navanītaṃ hṛdayaṃ brāhmaṇasya | vāci kṣuro nihitastīkṣṇadhāraḥ | tadubhayametadviparītaṃ kṣatriyasya | vāṅnavanītaṃ hṛdayaṃ tīkṣṇadhāram iti

'A brahmin's heart is fresh butter, but in his speech lies a razor with a keen edge. For a kshatriya the two are reversed: his speech is fresh butter, his heart a keen blade.'

Note on the text: Removed a stray mid-line ।। before इति (wiki formatting).

Verse 123 (1.3.123)

तदेवंगते न शक्तोऽहं तीक्ष्णहृदयत्वात्तं शापमन्यथाकर्तुं गम्यतामिति । तमुत्तङ्कः प्रत्युवाच ॥

tadevaṃgate na śakto'haṃ tīkṣṇahṛdayatvāttaṃ śāpamanyathākartuṃ gamyatāmiti | tamuttaṅkaḥ pratyuvāca

That being so, because my heart is hard, I cannot change that curse. Please go." Uttanka replied to him:

Note on the text: Split from the following verse: the extraction merged Wikisource 1.3.124 into 1.3.125. Restored the line "तमुत्तङ्कः प्रत्युवाच" from the Wikisource page: the extraction had taken it for a speaker heading and dropped it from the verse.

Verse 124 (1.3.124)

भवताऽहमन्नस्याशुचिभावमालक्ष्य प्रत्यनुनीतः । प्राक् च तेऽभिहितं यस्माददुष्टमन्नं दूषयसि तस्मादनपत्यो भविष्यसीति । दुष्टे चान्ने नैष मम शापो भविष्यतीति ॥

bhavatā'hamannasyāśucibhāvamālakṣya pratyanunītaḥ | prāk ca te'bhihitaṃ yasmādaduṣṭamannaṃ dūṣayasi tasmādanapatyo bhaviṣyasīti | duṣṭe cānne naiṣa mama śāpo bhaviṣyatīti

"Having seen that the food was unclean, you sought to appease me. And you said earlier, 'Since you defile food that is not defiled, you will be without offspring.' But the food was in fact defiled, so this curse of yours will not fall on me."

Note on the text: Split from the preceding verse (Wikisource 1.3.124, merged into this one by the extraction).

Verse 125 (1.3.125)

साधयामस्तावदित्युक्त्वा प्रातिष्ठतोत्तङ्कस्ते कुण्डले गृहीत्वा । सोऽपश्यदथ पथि नग्नं क्षपणकमागच्छन्तं मुहुर्मुहुर्दृश्यमानमदृश्यमानं च ॥

sādhayāmastāvadityuktvā prātiṣṭhatottaṅkaste kuṇḍale gṛhītvā | so'paśyadatha pathi nagnaṃ kṣapaṇakamāgacchantaṃ muhurmuhurdṛśyamānamadṛśyamānaṃ ca

Saying, "Let me be on my way," Uttanka set out, taking the earrings. Then on the road he saw a naked mendicant coming towards him, now visible, now invisible, again and again.

Verse 126 (1.3.126)

अथोत्तङ्कस्ते कुण्डले संन्यस्य भूमावुदकार्थं प्रचक्रमे । एतस्मिन्नन्तरे स क्षपणकस्त्वरमाण उपसृत्य ते कुण्डले गृहीत्वा प्राद्रवत् ॥

athottaṅkaste kuṇḍale saṃnyasya bhūmāvudakārthaṃ pracakrame | etasminnantare sa kṣapaṇakastvaramāṇa upasṛtya te kuṇḍale gṛhītvā prādravat

Then Uttanka laid the earrings on the ground and went to see to his ablutions. Meanwhile the mendicant came up quickly, seized the earrings and ran off.

Verse 127 (1.3.127)

तमुत्तङ्कोऽभिसृत्य कृतोदककार्यः शुचिः प्रयतो नमो देवेभ्यो गुरुभ्यश्च कृत्वा महता जवेन तमन्वयात् ॥

tamuttaṅko'bhisṛtya kṛtodakakāryaḥ śuciḥ prayato namo devebhyo gurubhyaśca kṛtvā mahatā javena tamanvayāt

Uttanka, having finished his ablutions, clean and composed, bowed to the gods and to his teachers and then chased after him at great speed.

Note on the text: The critical edition has only the opening words (1.3.137, "tam uttaṅko 'bhisṛtya"); the rest appears in its apparatus (1.3.137*203).

Verse 128 (1.3.128)

तस्य तक्षको दृढमासन्नः स तं जग्राह । गृहीतमात्रः स तद्रूपं विहाय तक्षकस्वरूपं कृत्वा सहसा धरण्यां विवृतं महाबिलं प्रविवेश ॥

tasya takṣako dṛḍhamāsannaḥ sa taṃ jagrāha | gṛhītamātraḥ sa tadrūpaṃ vihāya takṣakasvarūpaṃ kṛtvā sahasā dharaṇyāṃ vivṛtaṃ mahābilaṃ praviveśa

Takshaka was now close to him, and Uttanka caught hold of him firmly. The moment he was seized, Takshaka abandoned that form, took on his own form, and suddenly entered a great hole that lay open in the earth.

Note on the text: Separated सतं → स तं (missing word break in Wikisource; sa taṃ jagrāha, as in the critical edition's apparatus).

Verse 129 (1.3.129)

प्रविश्य च नागलोकं स्वभवनमगच्छत् । अथोत्तङ्कस्तस्याः क्षत्रियाया वचः स्मृत्वा तं तक्षकमन्वगच्छत् ॥

praviśya ca nāgalokaṃ svabhavanamagacchat | athottaṅkastasyāḥ kṣatriyāyā vacaḥ smṛtvā taṃ takṣakamanvagacchat

Having entered the world of the serpents, he went to his own dwelling. Then Uttanka, remembering the queen's words, followed Takshaka.

Verse 130 (1.3.130)

स तद्बिलं दण्डकाष्ठेन चखान न चाशकत् । तं क्लिश्यमानमिन्द्रोऽपश्यत्स वज्रं प्रेषयामास । गच्छास्य ब्राह्मणस्य साहाय्यं कुरुष्वेति ॥

sa tadbilaṃ daṇḍakāṣṭhena cakhāna na cāśakat | taṃ kliśyamānamindro'paśyatsa vajraṃ preṣayāmāsa | gacchāsya brāhmaṇasya sāhāyyaṃ kuruṣveti

He dug at the hole with a wooden staff but could not break through. Indra saw him struggling and sent his thunderbolt: "Go and help this brahmin."

Note on the text: Not in the critical edition (found in the vulgate recension). (The critical edition carries it in its apparatus, 1.3.138*204.)

Verse 131 (1.3.131)

अथ वज्रं दण्डकाष्ठमनुप्रविश्य तद्बिलमदारयत् ॥

atha vajraṃ daṇḍakāṣṭhamanupraviśya tadbilamadārayat

Then the thunderbolt entered the wooden staff and split the hole open.

Note on the text: Not in the critical edition (found in the vulgate recension). (The critical edition carries it in its apparatus, 1.3.138*204.)

Verse 132 (1.3.132)

तमुत्तङ्कोऽनुविवेश तेनैव बिलेन प्रविश्य च तं नागलोकमपर्यन्तमनेकविधप्रासादहर्म्यवलभीनिर्यूहशतसंकुलमुच्चावचक्रीडाश्चर्यस्थानावकीर्णमपश्यत् ॥

tamuttaṅko'nuviveśa tenaiva bilena praviśya ca taṃ nāgalokamaparyantamanekavidhaprāsādaharmyavalabhīniryūhaśatasaṃkulamuccāvacakrīḍāścaryasthānāvakīrṇamapaśyat

Uttanka followed by that same hole. Having entered, he beheld the world of the serpents, boundless, crowded with hundreds of mansions and palaces of every kind, with balconies and turrets, and strewn with places of play and of wonder, great and small.

Verse 133 (1.3.133)

स तत्र नागांस्तानस्तुवदेभिः श्लोकैः । य ऐरावतराजानः सर्पाः समितिशोभनाः । क्षरन्त इव जीमूताः सविद्युत्पवनेरिताः ॥

sa tatra nāgāṃstānastuvadebhiḥ ślokaiḥ | ya airāvatarājānaḥ sarpāḥ samitiśobhanāḥ | kṣaranta iva jīmūtāḥ savidyutpavaneritāḥ

There he praised those serpents with these verses: "The serpents whose king is Airavata, splendid in battle, pour forth like clouds driven by the wind and flashing with lightning.

Note on the text: Corrected समितिशोभाः → समितिशोभनाः (misprint in Wikisource; a dropped akshara leaves the pada one syllable short — samitiśobhanāḥ, as in the critical edition).

Verse 134 (1.3.134)

सुरूपा बहुरूपाश्च तथा कल्माषकुण्डलाः । आदित्यवन्नाकपृष्ठे रेजुरैरावतोद्भवाः ॥

surūpā bahurūpāśca tathā kalmāṣakuṇḍalāḥ | ādityavannākapṛṣṭhe rejurairāvatodbhavāḥ

Handsome and of many forms, wearing spotted earrings, the offspring of Airavata shone like the sun in the vault of heaven.

Verse 135 (1.3.135)

बहूनि नागवेश्मानि गङ्गायास्तीर उत्तरे । तत्रस्थानपि संस्तौमि महतः पन्नगानहम् ॥

bahūni nāgaveśmāni gaṅgāyāstīra uttare | tatrasthānapi saṃstaumi mahataḥ pannagānaham

Many are the dwellings of the serpents on the northern bank of the Ganga; I praise the great serpents who live there too.

Verse 136 (1.3.136)

इच्छेत्कोऽर्कांशुसेनायां चर्तुमैरावतं विना । शतान्यशीतिरष्टौ च सहस्राणि च विंशतिः ॥

icchetko'rkāṃśusenāyāṃ cartumairāvataṃ vinā | śatānyaśītiraṣṭau ca sahasrāṇi ca viṃśatiḥ

Who but Airavata would wish to roam amid the sun's host of rays? Twenty thousand, eight hundred and eighty

Verse 137 (1.3.137)

सर्पाणां प्रग्रहा यान्ति धृतराष्ट्रो यदैजति । ये चैनमुपसर्पन्ति ये च दूरपथं गताः ॥

sarpāṇāṃ pragrahā yānti dhṛtarāṣṭro yadaijati | ye cainamupasarpanti ye ca dūrapathaṃ gatāḥ

serpents go as his escort when Dhritarashtra moves. To those who attend on him, and to those who have gone on the distant road —

Verse 138 (1.3.138)

अहमैरावतज्येष्ठभ्रातृभ्योऽकरवं नमः । यस्य वासः कुरुक्षेत्रे खाण्डवे चाभवत्पुरा ॥

ahamairāvatajyeṣṭhabhrātṛbhyo'karavaṃ namaḥ | yasya vāsaḥ kurukṣetre khāṇḍave cābhavatpurā

to the brothers whose eldest is Airavata, I have made obeisance. And he whose dwelling of old was in Kurukshetra and in the Khandava forest —

Verse 139 (1.3.139)

तं नागराजमस्तौषं कुण्डलार्थाय तक्षकम् । तक्षकश्चाश्वसेनश्च नित्यं सहचरावुभौ ॥

taṃ nāgarājamastauṣaṃ kuṇḍalārthāya takṣakam | takṣakaścāśvasenaśca nityaṃ sahacarāvubhau

that king of serpents, Takshaka, I have praised for the sake of the earrings. Takshaka and Ashvasena, ever companions, the two of them

Verse 140 (1.3.140)

कुरुक्षेत्रं च वसतां नदीमिक्षुमतीमनु । जघन्यजस्तक्षकस्य श्रुतसेनेति यः सुतः ॥

kurukṣetraṃ ca vasatāṃ nadīmikṣumatīmanu | jaghanyajastakṣakasya śrutaseneti yaḥ sutaḥ

dwell in Kurukshetra along the river Ikshumati. Takshaka's youngest son, known by the name Shrutasena,

Verse 141 (1.3.141)

अवसद्यो महद्द्युम्नि प्रार्थयन्नागमुख्यताम् । करवाणि सदा चाहं नमस्तस्मै महात्मने ॥

avasadyo mahaddyumni prārthayannāgamukhyatām | karavāṇi sadā cāhaṃ namastasmai mahātmane

who dwelt at Mahaddyumni, seeking to become chief among the serpents — to that great-souled one I shall always offer homage."

Verse 142 (1.3.142)

एवं स्तुत्वा स विप्रर्षिरुत्तङ्को भुजगोत्तमान् । नैव ते कुण्डले लेभे ततश्चिन्तामुपागमत् ॥

evaṃ stutvā sa viprarṣiruttaṅko bhujagottamān | naiva te kuṇḍale lebhe tataścintāmupāgamat

Though he had praised the foremost of the serpents in this way, the brahmin sage Uttanka still did not obtain the earrings, and he became anxious.

Note on the text: Not in the critical edition (found in the vulgate recension). (The critical edition carries it in its apparatus, 1.3.146*208.)

Verse 143 (1.3.143)

एवं स्तुवन्नपि नागान्यदा ते कुण्डले नालभत्तदाऽपश्यत्स्त्रियौ तन्त्रे अधिरोप्य सुवेमे पटं वयन्त्यौ । तस्मिंस्तन्त्रे कृष्णाः सिताश्च तन्तवश्चक्रं चापश्यद्द्वादशारं षड्भिः कुमारैः परिवर्त्यमानं पुरुषं चापश्यदश्वं च दर्शनीयम् ॥

evaṃ stuvannapi nāgānyadā te kuṇḍale nālabhattadā'paśyatstriyau tantre adhiropya suveme paṭaṃ vayantyau | tasmiṃstantre kṛṣṇāḥ sitāśca tantavaścakraṃ cāpaśyaddvādaśāraṃ ṣaḍbhiḥ kumāraiḥ parivartyamānaṃ puruṣaṃ cāpaśyadaśvaṃ ca darśanīyam

When, for all his praise of the serpents, he did not get the earrings, he saw two women weaving a cloth they had set on a loom with a fine shuttle-rod. On the loom were black threads and white. He saw also a wheel with twelve spokes being turned by six boys, and he saw a man and a handsome horse.

Verse 144 (1.3.144)

स तान्सर्वांस्तुष्टाव एभिर्मन्त्रवादश्लोकैः ॥

sa tānsarvāṃstuṣṭāva ebhirmantravādaślokaiḥ

He praised them all with these verses, in the manner of mantras:

Verse 145 (1.3.145)

त्रीण्यर्पितान्यत्र शतानि मध्ये । षष्टिश्च नित्यं चरति ध्रुवेऽस्मिन् । चक्रे चतुर्विंशतिपर्वयोगे । षड्वै कुमाराः परिवर्तयन्ति ॥

trīṇyarpitānyatra śatāni madhye | ṣaṣṭiśca nityaṃ carati dhruve'smin | cakre caturviṃśatiparvayoge | ṣaḍvai kumārāḥ parivartayanti

"Three hundred and sixty are fixed in the middle of this firm wheel that moves without ceasing, the wheel joined with twenty-four joints; six boys turn it round.

Verse 146 (1.3.146)

तन्त्रं चेदं विश्वरूपे युवत्यौ । वयतस्तन्तून्सततं वर्तयन्त्यौ । कृष्णान्सितांश्चैव विवर्तयन्त्यौ । भूतान्यजस्रं भुवनानि चैव ॥

tantraṃ cedaṃ viśvarūpe yuvatyau | vayatastantūnsatataṃ vartayantyau | kṛṣṇānsitāṃścaiva vivartayantyau | bhūtānyajasraṃ bhuvanāni caiva

And these two young women, of every form, weave on this loom, turning the threads without pause; turning the black threads and the white, they ceaselessly bring forth beings and worlds.

Verse 147 (1.3.147)

वज्रस्य भर्ता भुवनस्य गोप्ता । वृत्रस्य हन्ता नमुचेर्निहन्ता । कृष्णे वसानो वसने महात्मा । सत्यानृते यो विविनक्ति लोके ॥

vajrasya bhartā bhuvanasya goptā | vṛtrasya hantā namucernihantā | kṛṣṇe vasāno vasane mahātmā | satyānṛte yo vivinakti loke

The bearer of the thunderbolt, protector of the world, slayer of Vritra and destroyer of Namuchi; the great-souled one who wears two black garments and who sets truth apart from falsehood in the world;

Verse 148 (1.3.148)

यो वाजिनं गर्भमपां पुराणं । वैश्वानरं वाहनमभ्युपैति । नमोऽस्तु तस्मै जगदीश्वराय । लोकत्रयेशाय पुरंदराय ॥

yo vājinaṃ garbhamapāṃ purāṇaṃ | vaiśvānaraṃ vāhanamabhyupaiti | namo'stu tasmai jagadīśvarāya | lokatrayeśāya puraṃdarāya

who takes as his mount the horse that is the ancient offspring of the waters, Vaishvanara the Fire — homage to him, the lord of the universe, the lord of the three worlds, Purandara."

Verse 149 (1.3.149)

ततः स एनं पुरुषः प्राह प्रीतोऽस्मि तेऽहमनेन स्तोत्रेण किं ते प्रियं करवाणीति । स तमुवाच नागा मे वशमीयुरिति ॥

tataḥ sa enaṃ puruṣaḥ prāha prīto'smi te'hamanena stotreṇa kiṃ te priyaṃ karavāṇīti | sa tamuvāca nāgā me vaśamīyuriti

Then the man said to him: "I am pleased with you for this hymn. What kindness may I do you?" Uttanka said to him: "Let the serpents come under my power."

Note on the text: Corrected तेऽहसनेन → तेऽहमनेन (misprint in Wikisource; स for म in te 'ham anena, as in the critical edition).

Verse 150 (1.3.150)

स चैनं पुरुषः पुनरुवाच एतमश्वमपाने धमस्वेति । ततोऽश्वस्यापानमधमत्ततोऽश्वाद्धम्यमानात्सर्वस्रोतोभ्यः पावकार्चिषः सधूमा निष्पेतुः ॥

sa cainaṃ puruṣaḥ punaruvāca etamaśvamapāne dhamasveti | tato'śvasyāpānamadhamattato'śvāddhamyamānātsarvasrotobhyaḥ pāvakārciṣaḥ sadhūmā niṣpetuḥ

The man spoke to him again: "Blow into this horse's hindquarters." So he blew into the horse's hindquarters, and from the horse, as he blew, flames of fire with smoke burst out of every opening.

Verse 151 (1.3.151)

ताभिर्नागलोक उपधूपितेऽथ संभ्रान्तस्तक्षकोऽग्नेस्तेजोभयाद्विषण्णः कुण्डले गृहीत्वा सहसा भवनान्निष्क्रम्योत्तङ्कमुवाच ॥

tābhirnāgaloka upadhūpite'tha saṃbhrāntastakṣako'gnestejobhayādviṣaṇṇaḥ kuṇḍale gṛhītvā sahasā bhavanānniṣkramyottaṅkamuvāca

When the world of the serpents was filled with their smoke, Takshaka, alarmed and dismayed by fear of the fire's heat, took the earrings, rushed out of his dwelling and said to Uttanka:

Verse 152 (1.3.152)

इमे कुण्डले गृह्णातु भवानिति । स ते प्रतिजग्राहोत्तङ्कः प्रतिगृह्य च कुण्डलेऽचिन्तयत् ॥

ime kuṇḍale gṛhṇātu bhavāniti | sa te pratijagrāhottaṅkaḥ pratigṛhya ca kuṇḍale'cintayat

"Please take these earrings." Uttanka accepted them, and having received the earrings he reflected:

Verse 153 (1.3.153)

अद्य तत्पुण्यकमुपाध्यायान्या दूरं चाहमभ्यागतः स कथं संभावयेयमिति ॥

adya tatpuṇyakamupādhyāyānyā dūraṃ cāhamabhyāgataḥ sa kathaṃ saṃbhāvayeyamiti

"Today is that holy rite of my teacher's wife, and I have come a long way. How can I honor it in time?"

Verse 154 (1.3.154)

तत एनं चिन्तयानमेव स पुरुष उवाच । उत्तङ्क एनमेवाश्वमधिरोह त्वां क्षणेनैवोपाध्यायकुलं प्रापयिष्यतीति ॥

tata enaṃ cintayānameva sa puruṣa uvāca | uttaṅka enamevāśvamadhiroha tvāṃ kṣaṇenaivopādhyāyakulaṃ prāpayiṣyatīti

As he was thinking this, the man said to him: "Uttanka, mount this very horse. It will carry you to your teacher's house in a moment."

Note on the text: Restored the line "तत एनं चिन्तयानमेव स पुरुष उवाच" from the Wikisource page: the extraction had taken it for a speaker heading and dropped it from the verse.

Verse 155 (1.3.155)

स तथेत्युक्त्वा तमश्वमधिरुह्य प्रत्याजगामोपाध्यायकुलं । उपाध्यायानी च स्नाता केशानावापयन्त्युपविष्टोत्तङ्को नागच्छतीति शापायास्य मनो दधे ॥

sa tathetyuktvā tamaśvamadhiruhya pratyājagāmopādhyāyakulaṃ | upādhyāyānī ca snātā keśānāvāpayantyupaviṣṭottaṅko nāgacchatīti śāpāyāsya mano dadhe

He said "So be it," mounted the horse and returned to his teacher's house. The teacher's wife, having bathed, sat having her hair dressed; thinking, "Uttanka is not coming," she had made up her mind to curse him.

Note on the text: Corrected तथेन्युक्त्वा → तथेत्युक्त्वा (misprint in Wikisource; न for त).

Verse 156 (1.3.156)

अथैतस्मिन्नन्तरे स उत्तङ्कः प्रविश्य उपाध्यायकुलं उपाध्यायानीमभ्यवादयत्ते चास्यै कुण्डले प्रायच्छत्सा चैनं प्रत्युवाच ॥

athaitasminnantare sa uttaṅkaḥ praviśya upādhyāyakulaṃ upādhyāyānīmabhyavādayatte cāsyai kuṇḍale prāyacchatsā cainaṃ pratyuvāca

Just then Uttanka entered his teacher's house, saluted the teacher's wife and gave her the earrings. And she said to him:

Verse 157 (1.3.157)

उत्तङ्क देशे कालेऽभ्यागतः स्वागतं ते वत्स इदानीं यद्यनागतोऽसि कोपितया मया शप्तो भविष्यसि श्रेयस्तवोपस्थितं सिद्धिमाप्नुहीति ॥

uttaṅka deśe kāle'bhyāgataḥ svāgataṃ te vatsa idānīṃ yadyanāgato'si kopitayā mayā śapto bhaviṣyasi śreyastavopasthitaṃ siddhimāpnuhīti

"Uttanka, you have come at the right place and at the right time. Welcome, my child. Had you not come by now, I in my anger would have cursed you. Good fortune awaits you; may you attain success."

Note on the text: Removed wiki quote marks (` and ') around इदानीं … भविष्यसि, and corrected अनागतोसि → अनागतोऽसि (missing avagraha in Wikisource). The clause इदानीं … भविष्यसि is a recension variant of the critical edition's "manāg asi mayā na śaptaḥ".

Verse 158 (1.3.158)

अथोत्तङ्क उपाध्यायमभ्यवादयत् । तमुपाध्यायः प्रत्युवाच वत्सोत्तङ्क स्वागतं ते किं चिरं कृतमिति ॥

athottaṅka upādhyāyamabhyavādayat | tamupādhyāyaḥ pratyuvāca vatsottaṅka svāgataṃ te kiṃ ciraṃ kṛtamiti

Then Uttanka saluted his teacher. The teacher said to him: "Welcome, Uttanka, my child. What kept you so long?"

Verse 159 (1.3.159)

तमुत्तङ्क उपाध्यायं प्रत्युवाच । भोस्तक्षकेण मे नागराजेन विघ्नः कृतोऽस्मिन्कर्मणि तेनास्मि नागलोकं गतः ॥

tamuttaṅka upādhyāyaṃ pratyuvāca | bhostakṣakeṇa me nāgarājena vighnaḥ kṛto'sminkarmaṇi tenāsmi nāgalokaṃ gataḥ

Uttanka replied to his teacher: "Sir, Takshaka, king of the serpents, put an obstacle in the way of this task, and because of him I went to the world of the serpents.

Note on the text: Restored the line "तमुत्तङ्क उपाध्यायं प्रत्युवाच" from the Wikisource page: the extraction had taken it for a speaker heading and dropped it from the verse.

Verse 160 (1.3.160)

तत्र च मया दृष्टे स्त्रियौ तन्त्रेऽधिरोप्य पटं वयन्त्यौ तस्मिंश्च कृष्णाः सिताश्च तन्तवः । किं तत् ॥

tatra ca mayā dṛṣṭe striyau tantre'dhiropya paṭaṃ vayantyau tasmiṃśca kṛṣṇāḥ sitāśca tantavaḥ | kiṃ tat

There I saw two women weaving a cloth they had set on a loom, and in it were black threads and white. What was that?

Verse 161 (1.3.161)

तत्र च मया चक्रं दृष्टं द्वादशारं षट्चैनं कुमाराः परिवर्तयन्ति तदपि किं । पुरुषश्चापि मया दृष्टः स चापि कः । अश्वश्चातिप्रमाणो दृष्टः स चापि कः ॥

tatra ca mayā cakraṃ dṛṣṭaṃ dvādaśāraṃ ṣaṭcainaṃ kumārāḥ parivartayanti tadapi kiṃ | puruṣaścāpi mayā dṛṣṭaḥ sa cāpi kaḥ | aśvaścātipramāṇo dṛṣṭaḥ sa cāpi kaḥ

There too I saw a wheel with twelve spokes, which six boys were turning. What was that? I also saw a man — who was he? And I saw a horse of enormous size — what was it?

Verse 162 (1.3.162)

पथि गच्छता च मया ऋषभो दृष्टस्तं च पुरुषोऽधिरूढस्तेनास्मि सोपचारमुक्त उत्तङ्कास्य ऋषभस्य पुरीषं भक्षय उपाध्यायेनापि ते भक्षितमिति ॥

pathi gacchatā ca mayā ṛṣabho dṛṣṭastaṃ ca puruṣo'dhirūḍhastenāsmi sopacāramukta uttaṅkāsya ṛṣabhasya purīṣaṃ bhakṣaya upādhyāyenāpi te bhakṣitamiti

And as I went along the road I saw a bull with a man riding it. He spoke to me courteously: "Uttanka, eat the dung of this bull; your teacher too has eaten it."

Verse 163 (1.3.163)

ततस्तस्य वचनान्मया तदृषभस्य पुरीषमुपयुक्तं स चापि कः । तदेतद्भवतोपदिष्टमिच्छेयं श्रोतुं किं तदिति । स तेनैवमुक्त उपाध्यायः प्रत्युवाच ॥

tatastasya vacanānmayā tadṛṣabhasya purīṣamupayuktaṃ sa cāpi kaḥ | tadetadbhavatopadiṣṭamiccheyaṃ śrotuṃ kiṃ taditi | sa tenaivamukta upādhyāyaḥ pratyuvāca

So, at his word, I ate that bull's dung. Who was he? I wish to hear you explain what all this was." Thus addressed by him, the teacher replied:

Note on the text: Restored the line "स तेनैवमुक्त उपाध्यायः प्रत्युवाच" from the Wikisource page: the extraction had taken it for a speaker heading and dropped it from the verse.

Verse 164 (1.3.164)

ये ते स्त्रियौ धाता विधाता च ये च ते कृष्णाः सितास्तन्तवस्ते रात्र्यहनी । यदपि तच्चक्रं द्वादशारं षट्कुमाराः परिवर्तयन्ति तेऽपि षड्ऋतवः द्वादशारा द्वादश मासाः संवत्सरश्चक्रम् ॥

ye te striyau dhātā vidhātā ca ye ca te kṛṣṇāḥ sitāstantavaste rātryahanī | yadapi taccakraṃ dvādaśāraṃ ṣaṭkumārāḥ parivartayanti te'pi ṣaḍṛtavaḥ dvādaśārā dvādaśa māsāḥ saṃvatsaraścakram

"The two women are Dhata and Vidhata, the Ordainer and the Disposer, and the black and white threads are night and day. As for the wheel with twelve spokes that six boys turn: the six boys are the six seasons, the twelve spokes are the twelve months, and the wheel is the year.

Note on the text: Corrected तेपि → तेऽपि (missing avagraha in Wikisource; te 'pi).

Verse 165 (1.3.165)

यः पुरुषः स पर्जन्यः योऽश्वः सोऽग्निः य ऋषभस्त्वया पथि गच्छता दृष्टः स ऐरावतो नागराट् ॥

yaḥ puruṣaḥ sa parjanyaḥ yo'śvaḥ so'gniḥ ya ṛṣabhastvayā pathi gacchatā dṛṣṭaḥ sa airāvato nāgarāṭ

The man is Parjanya, the god of rain; the horse is Agni, the fire; and the bull you saw as you went along the road is Airavata, king of the serpents.

Note on the text: Separated पुरुषःस → पुरुषः स (missing word break in Wikisource).

Verse 166 (1.3.166)

यश्चैनमधिरूढः पुरुषः स चेन्द्रः यदपि ते भक्षितं तस्य ऋषभस्य पुरीषं तदमृतं तेन खल्वसि तस्मिन्नागभवने न व्यापन्नस्त्वम् ॥

yaścainamadhirūḍhaḥ puruṣaḥ sa cendraḥ yadapi te bhakṣitaṃ tasya ṛṣabhasya purīṣaṃ tadamṛtaṃ tena khalvasi tasminnāgabhavane na vyāpannastvam

The man riding it is Indra, and the bull's dung you ate was amrita, the nectar of immortality. That is why you did not perish in the abode of the serpents.

Verse 167 (1.3.167)

स हि भगवानिन्द्रो मम सखा त्वदनुक्रोशादिममनुग्रहं कृतवान् । तस्मात्कुण्डले गृहीत्वा पुनरागतोऽसि ॥

sa hi bhagavānindro mama sakhā tvadanukrośādimamanugrahaṃ kṛtavān | tasmātkuṇḍale gṛhītvā punarāgato'si

For the blessed Indra is my friend; out of compassion for you he did you this favor. That is how you have come back with the earrings.

Verse 168 (1.3.168)

तत्सौम्य गम्यतामनुजाने भवन्तं श्रेयोऽवाप्स्यसीति । स उपाध्यायेनानुज्ञातो भगवानुत्तङ्कः क्रुद्धस्तक्षकं प्रतिचिकीर्षमाणो हास्तिनपुरं प्रतस्थे ॥

tatsaumya gamyatāmanujāne bhavantaṃ śreyo'vāpsyasīti | sa upādhyāyenānujñāto bhagavānuttaṅkaḥ kruddhastakṣakaṃ praticikīrṣamāṇo hāstinapuraṃ pratasthe

So go, gentle one; I give you leave. You will attain what is good." Given leave by his teacher, the revered Uttanka, angry with Takshaka and wishing to repay him, set out for Hastinapura.

Verse 169 (1.3.169)

स हास्तिनपुरं प्राप्य नचिराद्विप्रसत्तमः । समागच्छत राजानमुत्तङ्को जनमेजयम् ॥

sa hāstinapuraṃ prāpya nacirādviprasattamaḥ | samāgacchata rājānamuttaṅko janamejayam

Reaching Hastinapura before long, Uttanka, best of brahmins, came before King Janamejaya,

Verse 170 (1.3.170)

पुरा तक्षशिलासंस्थं निवृत्तमपराजितम् । सम्यग्विजयिनं दृष्ट्वा समन्तान्मन्त्रिभिर्वृतम् ॥

purā takṣaśilāsaṃsthaṃ nivṛttamaparājitam | samyagvijayinaṃ dṛṣṭvā samantānmantribhirvṛtam

who had earlier returned undefeated from his stay at Takshashila, victorious in every way; he saw him surrounded on all sides by his ministers.

Verse 171 (1.3.171)

तस्मै जयाशिषः पूर्वं यथान्यायं प्रयुज्य सः । उवाचैनं वचः काले शब्दसंपन्नया गिरा ॥

tasmai jayāśiṣaḥ pūrvaṃ yathānyāyaṃ prayujya saḥ | uvācainaṃ vacaḥ kāle śabdasaṃpannayā girā

First he offered him blessings for victory, as was proper, and then, at the fitting moment, he addressed him in well-formed speech:

Verse 172 (1.3.172)

अन्यस्मिन्करणीये तु कार्ये पार्थिवसत्तम । बाल्यादिवान्यदेव त्वं कुरुषे नृपसत्तम ॥

anyasminkaraṇīye tu kārye pārthivasattama | bālyādivānyadeva tvaṃ kuruṣe nṛpasattama

"Best of kings, while another task waits to be done, you, best of rulers, are busy with something else, as if out of childishness."

Note on the text: Restored from the critical edition (1.3.181cd): Wikisource repeats here the second line of the next verse ("अर्चयित्वा यथान्यायं प्रत्युवाच द्विजोत्तमम्"), which does not fit Uttanka's speech; replaced by बाल्यादिवान्यदेव त्वं कुरुषे नृपसत्तम. The first line keeps the Wikisource reading (तु for the critical edition's त्वं).

Verse 173 (1.3.173)

एवमुक्तस्तु विप्रेण स राजा जनमेजयः । अर्चयित्वा यथान्यायं प्रत्युवाच द्विजोत्तमम् ॥

evamuktastu vipreṇa sa rājā janamejayaḥ | arcayitvā yathānyāyaṃ pratyuvāca dvijottamam

Thus addressed by the brahmin, King Janamejaya honored that best of brahmins as was fitting and replied:

Verse 174 (1.3.174)

आसां प्रजानां परिपालनेन । स्वं क्षत्रधर्मं परिपालयामि । प्रब्रूहि मे किं करणीयमद्य । येनासि कार्येण समागतस्त्वम् ॥

āsāṃ prajānāṃ paripālanena | svaṃ kṣatradharmaṃ paripālayāmi | prabrūhi me kiṃ karaṇīyamadya | yenāsi kāryeṇa samāgatastvam

"By protecting these subjects I keep my own duty as a kshatriya. Tell me, what must be done today? On what business have you come?"

Note on the text: Corrected प्रव्रूहि → प्रब्रूहि (misprint in Wikisource; व for ब, as in the critical edition's prabrūhi).

Verse 175 (1.3.175)

स एवमुक्तस्तु नृपोत्तमेन । द्विजोत्तमः पुण्यकृतां वरिष्ठः । उवाच राजानमदीनसत्त्वं । स्वमेव कार्यं नृपते कुरुष्व ॥

sa evamuktastu nṛpottamena | dvijottamaḥ puṇyakṛtāṃ variṣṭhaḥ | uvāca rājānamadīnasattvaṃ | svameva kāryaṃ nṛpate kuruṣva

Thus addressed by that best of kings, the best of brahmins, foremost among those who do good works, said to the king of undaunted spirit: "O king, do what is your own task.

Note on the text: Corrected अदीनसत्वं → अदीनसत्त्वं (misprint in Wikisource; dropped त in sattva, as in the critical edition).

Verse 176 (1.3.176)

तक्षकेण महीन्द्रेन्द्र येन ते हिंसितः पिता । तस्मै प्रतिकुरुष्व त्वं पन्नगाय दुरात्मने ॥

takṣakeṇa mahīndrendra yena te hiṃsitaḥ pitā | tasmai pratikuruṣva tvaṃ pannagāya durātmane

Lord of the lords of the earth, take vengeance on that evil-hearted serpent Takshaka, by whom your father was killed.

Verse 177 (1.3.177)

कार्यकालं हि मन्येऽहं विधिदृष्टस्य कर्मणः । तद्गच्छापचितिं राजन्पितुस्तस्य महात्मनः ॥

kāryakālaṃ hi manye'haṃ vidhidṛṣṭasya karmaṇaḥ | tadgacchāpacitiṃ rājanpitustasya mahātmanaḥ

I think the time has come for the act the scriptures prescribe. So, O king, go and avenge your great-souled father.

Verse 178 (1.3.178)

तेन ह्यनपराधी स दष्टो दुष्टान्तरात्मना । पञ्चत्वमगमद्राजा वज्राहत इव द्रुमः ॥

tena hyanaparādhī sa daṣṭo duṣṭāntarātmanā | pañcatvamagamadrājā vajrāhata iva drumaḥ

For that wicked-hearted one bit the king, who had done no wrong, and the king met his end like a tree struck by lightning.

Verse 179 (1.3.179)

बलदर्पसमुत्सिक्तस्तक्षकः पन्नगाधमः । अकार्यं कृतवान्पापो योऽदशत्पितरं तव ॥

baladarpasamutsiktastakṣakaḥ pannagādhamaḥ | akāryaṃ kṛtavānpāpo yo'daśatpitaraṃ tava

Swollen with pride in his strength, Takshaka, the lowest of serpents, did a deed that should never be done — the sinner bit your father.

Verse 180 (1.3.180)

राजर्षिवंशगोप्तारममरप्रतिमं नृपम् । यियासुं काश्यपं चैव न्यवर्तयत पापकृत् ॥

rājarṣivaṃśagoptāramamarapratimaṃ nṛpam | yiyāsuṃ kāśyapaṃ caiva nyavartayata pāpakṛt

That evildoer also turned back Kashyapa, who was setting out to save the king — the protector of the line of royal sages, a king like the immortals.

Verse 181 (1.3.181)

होतुमर्हसि तं पापं ज्वलिते हव्यवाहने । सर्पसत्रे महाराज त्वरितं तद्विधीयताम् ॥

hotumarhasi taṃ pāpaṃ jvalite havyavāhane | sarpasatre mahārāja tvaritaṃ tadvidhīyatām

You must offer that sinner into the blazing fire at a serpent sacrifice, great king. Let it be arranged quickly.

Verse 182 (1.3.182)

एवं पितुश्चापचितिं कृतवांस्त्वं भविष्यसि । मम प्रियं च सुमहत्कृतं राजन् भविष्यति ॥

evaṃ pituścāpacitiṃ kṛtavāṃstvaṃ bhaviṣyasi | mama priyaṃ ca sumahatkṛtaṃ rājan bhaviṣyati

In this way you will have avenged your father, and you will also have done me a very great kindness, O king.

Verse 183 (1.3.183)

कर्मणः पृथिवीपाल मम येन दुरात्मना । विघ्नः कृतो महाराज गुर्वर्थं चरतोऽनघ ॥

karmaṇaḥ pṛthivīpāla mama yena durātmanā | vighnaḥ kṛto mahārāja gurvarthaṃ carato'nagha

For that evil one, protector of the earth, put an obstacle in my task, great king, while I went about it for my teacher's sake, O sinless one."

Verse 184 (1.3.184)

एतच्छ्रुत्वा तु नृपतिस्तक्षकाय चुकोप ह । उत्तङ्कवाक्यहविषा दीप्तोऽग्निर्हविषा यथा ॥

etacchrutvā tu nṛpatistakṣakāya cukopa ha | uttaṅkavākyahaviṣā dīpto'gnirhaviṣā yathā

Hearing this, the king grew angry with Takshaka; he blazed up at the oblation of Uttanka's words as a fire blazes up when fed with an offering.

Verse 185 (1.3.185)

अपृच्छत्स तदा राजा मन्त्रिणः स्वान्सुदुःखितः । उत्तङ्कस्यैव सांनिध्ये पितुः स्वर्गगतिं प्रति ॥

apṛcchatsa tadā rājā mantriṇaḥ svānsuduḥkhitaḥ | uttaṅkasyaiva sāṃnidhye pituḥ svargagatiṃ prati

Then the king, deeply grieved, questioned his own ministers, in Uttanka's very presence, about his father's passing to heaven.

Verse 186 (1.3.186)

तदैव हि स राजेन्द्रो दुःखशोकाप्लुतोऽभवत् । यदैव वृत्तं पितरमुत्तङ्कादशृणोत्तदा ॥

tadaiva hi sa rājendro duḥkhaśokāpluto'bhavat | yadaiva vṛttaṃ pitaramuttaṅkādaśṛṇottadā

That king of kings was overwhelmed with sorrow and grief at the very moment he heard from Uttanka what had happened to his father.