The Quarrel of the Kurus and Pandavas in Brief

Verse 1 (1.61.1)

शृणु राजन्यथा वीरा भ्रातरः पञ्च पाण्डवाः । विरोधमन्वगच्छन्त धार्तराष्ट्रैर्दुरात्मभिः ॥

śṛṇu rājanyathā vīrā bhrātaraḥ pañca pāṇḍavāḥ | virodhamanvagacchanta dhārtarāṣṭrairdurātmabhiḥ

Listen, O king, to how the five heroic Pandava brothers came into conflict with the evil-minded sons of Dhritarashtra.

Note on the text: Removed stray wiki marks (a backtick at the start and ।।' at the end). Not in the critical edition (found in the vulgate recension).

Verse 2 (1.61.2)

गुरवे प्राङ्नमस्कृत्य मनोबुद्धिसमाधिभिः । संपूज्य च द्विजान्सर्वांस्तथान्यान्विदुषो जनान् ॥

gurave prāṅnamaskṛtya manobuddhisamādhibhiḥ | saṃpūjya ca dvijānsarvāṃstathānyānviduṣo janān

First bowing to my teacher with mind, intellect and concentration, and honouring all the brahmins and the other learned people,

Verse 3 (1.61.3)

महर्षेर्विश्रुतस्येह सर्वलोकेषु धीमतः । प्रवक्ष्यामि मतं कृत्स्नं व्यासस्यामिततेजसः ॥

maharṣerviśrutasyeha sarvalokeṣu dhīmataḥ | pravakṣyāmi mataṃ kṛtsnaṃ vyāsasyāmitatejasaḥ

I will set out in full the thought of Vyasa, the wise great sage of boundless splendour, renowned here in all the worlds.

Verse 4 (1.61.4)

श्रोतुं पात्रं च राजंस्त्वं प्राप्येमां भारतीं कथाम् । गुरोर्वक्त्रपरिस्पन्दो मनः प्रोत्साहतीव मे ॥

śrotuṃ pātraṃ ca rājaṃstvaṃ prāpyemāṃ bhāratīṃ kathām | gurorvaktraparispando manaḥ protsāhatīva me

You are a worthy listener, O king, and now that I have come to this story of the Bharatas, the stirring of my teacher's words seems to spur my mind on.

Note on the text: CE 1.55.3 is in critical_edition_unmatched (with a long appended star passage); its first two lines match this verse, with variants in the second.

Verse 5 (1.61.5)

शृणु राजन्यथा भेदः कुरुपाण्डवयोरभूत् । राज्यार्थे द्यूतसंभूतो वनवासस्तथैव च ॥

śṛṇu rājanyathā bhedaḥ kurupāṇḍavayorabhūt | rājyārthe dyūtasaṃbhūto vanavāsastathaiva ca

Listen, O king, to how the breach came about between the Kurus and the Pandavas — the dice game played for the kingdom, and the exile in the forest as well —

Verse 6 (1.61.6)

यथा च युद्धमभवत्पृथिवीक्षयकारकम् । तत्तेऽहं कथयिष्यामि पृच्छते भरतर्षभ ॥

yathā ca yuddhamabhavatpṛthivīkṣayakārakam | tatte'haṃ kathayiṣyāmi pṛcchate bharatarṣabha

and how the war that destroyed the earth took place. I will tell it to you, since you ask, O bull of the Bharatas.

Verse 7 (1.61.7)

मृते पितरि ते वीरा वनादेत्य स्वमन्दिरम् । नचिरादेव विद्वांसो वेदे धनुषि चाभवन् ॥

mṛte pitari te vīrā vanādetya svamandiram | nacirādeva vidvāṃso vede dhanuṣi cābhavan

When their father died, those heroes came from the forest to their own home, and before long they became learned in the Veda and in archery.

Verse 8 (1.61.8)

तांस्तथा सत्ववीर्यौजःसंपन्नान्पौरसंमतान् । नामृष्यन्कुरवो दृष्ट्वा पाण्डवाञ्श्रीयशोभृतः ॥

tāṃstathā satvavīryaujaḥsaṃpannānpaurasaṃmatān | nāmṛṣyankuravo dṛṣṭvā pāṇḍavāñśrīyaśobhṛtaḥ

The Kurus could not bear to see the Pandavas so full of courage, valour and vigour, loved by the citizens and bearing fortune and fame.

Verse 9 (1.61.9)

ततो दुर्योधनः क्रूरः कर्णश्च सहसौबलः । तेषां निग्रहनिर्वासान्विविधांस्ते समारभन् ॥

tato duryodhanaḥ krūraḥ karṇaśca sahasaubalaḥ | teṣāṃ nigrahanirvāsānvividhāṃste samārabhan

Then the cruel Duryodhana, with Karna and the son of Subala, set about various schemes to restrain and banish them.

Verse 10 (1.61.10)

ततो दुर्योधनः क्रूरः कुलिङ्गस्य मते स्थितः । पाण्डवान्विविधोपायै राज्यहेतोरपीडयत् ॥

tato duryodhanaḥ krūraḥ kuliṅgasya mate sthitaḥ | pāṇḍavānvividhopāyai rājyahetorapīḍayat

Then the cruel Duryodhana, holding to the counsel of Kulinga, harassed the Pandavas by various means for the sake of the kingdom.

Note on the text: Corrected पाम्डवान् → पाण्डवान् (misprint in Wikisource; म्ड for ण्ड). Not in the critical edition (found in the vulgate recension). कुलिङ्गस्य is kept as printed; the name is not otherwise known here and may be a corruption.

Verse 11 (1.61.11)

ददावथ विषं पापो भीमाय धृतराष्ट्रजः । जरयामास तद्वीरः सहान्नेन वृकोदरः ॥

dadāvatha viṣaṃ pāpo bhīmāya dhṛtarāṣṭrajaḥ | jarayāmāsa tadvīraḥ sahānnena vṛkodaraḥ

The wicked son of Dhritarashtra then gave Bhima poison; but heroic Vrikodara digested it along with his food.

Verse 12 (1.61.12)

प्रमाणकोट्यां संसुप्तं पुनर्बद्ध्वा वृकोदरम् । तोयेषु भीमं गङ्गायाः प्रक्षिप्य पुरमाव्रजत् ॥

pramāṇakoṭyāṃ saṃsuptaṃ punarbaddhvā vṛkodaram | toyeṣu bhīmaṃ gaṅgāyāḥ prakṣipya puramāvrajat

Again, he bound Vrikodara as he slept at Pramanakoti, threw Bhima into the waters of the Ganga, and went back to the city.

Verse 13 (1.61.13)

यदा विबुद्धः कौन्तेयस्तदा संछिद्य बन्धनम् । उदतिष्ठन्महाबाहुर्भीमसेनो गतव्यथः ॥

yadā vibuddhaḥ kaunteyastadā saṃchidya bandhanam | udatiṣṭhanmahābāhurbhīmaseno gatavyathaḥ

When the son of Kunti woke, he broke his bonds, and mighty-armed Bhimasena rose up unharmed.

Verse 14 (1.61.14)

आशीविषैः कृष्णसर्पैः सुप्तं चैनमदंशयत् । सर्वेष्वेवाङ्गदेशेषु न ममार स शत्रुहा ॥

āśīviṣaiḥ kṛṣṇasarpaiḥ suptaṃ cainamadaṃśayat | sarveṣvevāṅgadeśeṣu na mamāra sa śatruhā

He had black cobras bite him as he slept, in every part of his body; yet the slayer of foes did not die.

Verse 15 (1.61.15)

तेषां तु विप्रकारेषु तेषु तेषु महामतिः । मोक्षणे प्रतिकारे च विदुरोऽवहितोऽभवत् ॥

teṣāṃ tu viprakāreṣu teṣu teṣu mahāmatiḥ | mokṣaṇe pratikāre ca viduro'vahito'bhavat

Through all those wrongs, one after another, the great-minded Vidura stayed watchful to set them free and to counter the harm.

Verse 16 (1.61.16)

स्वर्गस्थो जीवलोकस्य यथा शक्रः सुखावहः । पाण्डवानां तथा नित्यं विदुरोऽपि सुखावहः ॥

svargastho jīvalokasya yathā śakraḥ sukhāvahaḥ | pāṇḍavānāṃ tathā nityaṃ viduro'pi sukhāvahaḥ

As Shakra in heaven brings happiness to the world of the living, so Vidura always brought happiness to the Pandavas.

Verse 17 (1.61.17)

यदा तु विविधोपायैः संवृतैर्विवृतैरपि । नाशकद्विनिहन्तुं तान्दैवभाव्यर्थरक्षितान् ॥

yadā tu vividhopāyaiḥ saṃvṛtairvivṛtairapi | nāśakadvinihantuṃ tāndaivabhāvyartharakṣitān

But when, by various means, secret and open, he could not kill them, guarded as they were by what destiny held in store,

Verse 18 (1.61.18)

ततः संमन्त्र्य सचिवैर्वृषदुःशासनादिभिः । धृतराष्ट्रमनुज्ञाप्य जातुषं गृहमादिशत् ॥

tataḥ saṃmantrya sacivairvṛṣaduḥśāsanādibhiḥ | dhṛtarāṣṭramanujñāpya jātuṣaṃ gṛhamādiśat

then, after taking counsel with his ministers — Vrisha (Karna), Duhshasana and the rest — and with Dhritarashtra's leave, he had a house of lac prepared.

Verse 19 (1.61.19)

तत्र तान्वासयामास पाण्डवानमितौजसः । सुतप्रियैषी तान्राजा पाण्डवानम्बिकासुतः । ततो विवासयामास राज्यभोगबुभुक्षया ॥

tatra tānvāsayāmāsa pāṇḍavānamitaujasaḥ | sutapriyaiṣī tānrājā pāṇḍavānambikāsutaḥ | tato vivāsayāmāsa rājyabhogabubhukṣayā

He lodged the Pandavas of boundless might there. King Dhritarashtra, son of Ambika, wishing to please his son, then sent the Pandavas away from the city, out of a longing for the enjoyment of royal power.

Note on the text: Removed stray wiki marks (a backtick and the closing quote) around the first line. Only the first line is in the critical edition (first half of 1.55.17); the other two lines are not in the critical edition (found in the vulgate recension). Three lines, as in Wikisource.

Verse 20 (1.61.20)

ते प्रातिष्ठन्त सहिता नगरान्नागसाह्वयात् । प्रस्थाने चाभवन्मन्त्री क्षत्ता तेषां महात्मनाम् ॥

te prātiṣṭhanta sahitā nagarānnāgasāhvayāt | prasthāne cābhavanmantrī kṣattā teṣāṃ mahātmanām

They set out together from the city named after the elephant, and at their departure the steward Vidura was the counsellor of those great-souled ones.

Note on the text: Not in the critical edition (found in the vulgate recension); the critical edition tells this stretch of the story more briefly (1.55.17–21).

Verse 21 (1.61.21)

तेन मुक्ता जतुगृहान्निशीथे प्राद्रवन्वनम् । ततः संप्राप्य कौन्तेया नगरं वारणावतम् ॥

tena muktā jatugṛhānniśīthe prādravanvanam | tataḥ saṃprāpya kaunteyā nagaraṃ vāraṇāvatam

It was he who freed them from the house of lac, so that they fled into the forest at midnight. Reaching the city of Varanavata, the sons of Kunti —

Note on the text: Not in the critical edition (found in the vulgate recension); the critical edition tells this stretch of the story more briefly (1.55.17–21).

Verse 22 (1.61.22)

न्यवसन्त महात्मानो मात्रा सह परन्तपाः । धृतराष्ट्रेण चाज्ञप्ता उषिता जातुषे गृहे ॥

nyavasanta mahātmāno mātrā saha parantapāḥ | dhṛtarāṣṭreṇa cājñaptā uṣitā jātuṣe gṛhe

those great-souled scorchers of foes — lived there with their mother, and at Dhritarashtra's command they stayed in the house of lac,

Note on the text: Not in the critical edition (found in the vulgate recension); the critical edition tells this stretch of the story more briefly (1.55.17–21).

Verse 23 (1.61.23)

पुरोचनाद्रक्षमाणाः संवत्सरमतन्द्रिताः । सुरुङ्गां कारयित्वा तु विदुरेण प्रचोदिताः ॥

purocanādrakṣamāṇāḥ saṃvatsaramatandritāḥ | suruṅgāṃ kārayitvā tu vidureṇa pracoditāḥ

guarding themselves tirelessly against Purochana for a year. Then, urged by Vidura, they had a tunnel dug,

Note on the text: Not in the critical edition (found in the vulgate recension); the critical edition tells this stretch of the story more briefly (1.55.17–21).

Verse 24 (1.61.24)

आदीप्य जातुषं वेश्म दग्ध्वा चैव पुरोचनम् । प्राद्रवन्भयसंविग्ना मात्रा सह परन्तपाः ॥

ādīpya jātuṣaṃ veśma dagdhvā caiva purocanam | prādravanbhayasaṃvignā mātrā saha parantapāḥ

set fire to the house of lac, burned Purochana, and fled with their mother, those scorchers of foes, shaken with fear.

Note on the text: Corrected पन्तपाः → परन्तपाः (misprint in Wikisource; a dropped akshara — the same word ends v22). Not in the critical edition (found in the vulgate recension); the critical edition tells this stretch of the story more briefly (1.55.17–21).

Verse 25 (1.61.25)

ददृशुर्दारुणं रक्षो हिडिम्बं वननिर्झरे । हत्वा च तं राक्षसेन्द्रं भीताः समवबोधनात् ॥

dadṛśurdāruṇaṃ rakṣo hiḍimbaṃ vananirjhare | hatvā ca taṃ rākṣasendraṃ bhītāḥ samavabodhanāt

Beside a forest waterfall they saw a fearsome rakshasa, Hidimba. Having killed that lord of the rakshasas, and afraid of being recognised,

Note on the text: Corrected दारुमं → दारुणं (misprint in Wikisource; म for ण). Not in the critical edition (found in the vulgate recension); the critical edition tells this stretch of the story more briefly (1.55.17–21).

Verse 26 (1.61.26)

निशि संप्राद्रवन्पार्था धार्तराष्ट्रभयार्दिताः । प्राप्ता हिडिम्बा भीमेन यत्र जातो घटोत्कचः ॥

niśi saṃprādravanpārthā dhārtarāṣṭrabhayārditāḥ | prāptā hiḍimbā bhīmena yatra jāto ghaṭotkacaḥ

the sons of Pritha fled by night, troubled by fear of the sons of Dhritarashtra. There Bhima won Hidimba, from whom Ghatotkacha was born.

Note on the text: Not in the critical edition (found in the vulgate recension); the critical edition tells this stretch of the story more briefly (1.55.17–21).

Verse 27 (1.61.27)

एकचक्रां ततो गत्वा पाण्डवाः संशितव्रताः । वेदाध्ययनसंपन्नास्तेऽभवन्ब्रह्मचारिणः ॥

ekacakrāṃ tato gatvā pāṇḍavāḥ saṃśitavratāḥ | vedādhyayanasaṃpannāste'bhavanbrahmacāriṇaḥ

Then, going to Ekachakra, the Pandavas, firm in their vows, lived as brahmacharins devoted to the study of the Veda.

Note on the text: Corrected हत्वा → गत्वा (misprint in Wikisource; "having killed Ekachakra" makes no sense — the Pandavas go to the town of Ekachakra, as v28 confirms). Not in the critical edition (found in the vulgate recension); the critical edition tells this stretch of the story more briefly (1.55.17–21).

Verse 28 (1.61.28)

ते तत्र नियताः कालं कंचिदूषुर्नरर्षभाः । मात्रा सहैकचक्रायां ब्राह्मणस्य निवेशने ॥

te tatra niyatāḥ kālaṃ kaṃcidūṣurnararṣabhāḥ | mātrā sahaikacakrāyāṃ brāhmaṇasya niveśane

Those bulls among men lived there under discipline for some time with their mother, in a brahmin's house at Ekachakra.

Note on the text: Not in the critical edition (found in the vulgate recension); the critical edition tells this stretch of the story more briefly (1.55.17–21).

Verse 29 (1.61.29)

तत्राससाद क्षुधितं पुरुषादं वृकोदरः । भीमसेनो महाबाहुर्बकं नाम महाबलम् ॥

tatrāsasāda kṣudhitaṃ puruṣādaṃ vṛkodaraḥ | bhīmaseno mahābāhurbakaṃ nāma mahābalam

There Vrikodara, mighty-armed Bhimasena, came upon a hungry man-eater of great strength named Baka.

Note on the text: Not in the critical edition (found in the vulgate recension); the critical edition tells this stretch of the story more briefly (1.55.17–21).

Verse 30 (1.61.30)

तं चापि पुरुषव्याघ्रो बाहुवीर्येण पाण्डवः । निहत्य तरसा वीरो नागरान्पर्यसान्त्वयत् ॥

taṃ cāpi puruṣavyāghro bāhuvīryeṇa pāṇḍavaḥ | nihatya tarasā vīro nāgarānparyasāntvayat

That tiger among men, the heroic Pandava, swiftly killed him too by the strength of his arms, and comforted the townspeople.

Note on the text: Not in the critical edition (found in the vulgate recension); the critical edition tells this stretch of the story more briefly (1.55.17–21).

Verse 31 (1.61.31)

ततस्ते शुश्रुवुः कृष्णां पञ्चालेषु स्वयंवराम् । श्रुत्वा चैवाभ्यगच्छन्त गत्वा चैवालभन्त ताम् ॥

tataste śuśruvuḥ kṛṣṇāṃ pañcāleṣu svayaṃvarām | śrutvā caivābhyagacchanta gatvā caivālabhanta tām

Then they heard that Krishna (Draupadi) was to choose her own husband among the Panchalas. Hearing it, they went there, and having gone, they won her.

Note on the text: Corrected अभ्यगच्छ्त → अभ्यगच्छन्त (misprint in Wikisource; a dropped akshara breaks the plural verb). Not in the critical edition (found in the vulgate recension); the critical edition tells this stretch of the story more briefly (1.55.17–21).

Verse 32 (1.61.32)

ते तत्र द्रौपदीं लब्ध्वा परिसंवत्सरोषिताः । विदिता हास्तिनपुरं प्रत्याजग्मुररिन्दमाः ॥

te tatra draupadīṃ labdhvā parisaṃvatsaroṣitāḥ | viditā hāstinapuraṃ pratyājagmurarindamāḥ

Having won Draupadi there and stayed a full year, the subduers of foes, now known to all, returned to Hastinapura.

Verse 33 (1.61.33)

ते उक्ता धृतराष्ट्रेण राज्ञा शान्तनवेन च । भ्रातृभिर्विग्रहस्तात कथं वो न भवेदिति ॥

te uktā dhṛtarāṣṭreṇa rājñā śāntanavena ca | bhrātṛbhirvigrahastāta kathaṃ vo na bhavediti

King Dhritarashtra and Bhishma, son of Shantanu, said to them: "Dear ones, so that there may be no strife between you and your brothers,

Note on the text: CE 1.55.23 is in critical_edition_unmatched; this verse is its first two lines.

Verse 34 (1.61.34)

अस्माभिः खाण्डवप्रस्थे युष्मद्वासोऽनुचिन्तितः । तस्माज्जनपदोपेतं सुविभक्तमहापथम् ॥

asmābhiḥ khāṇḍavaprasthe yuṣmadvāso'nucintitaḥ | tasmājjanapadopetaṃ suvibhaktamahāpatham

we have decided that you should live at Khandavaprastha. So to Khandavaprastha, with its own country and well-laid highways,

Note on the text: The two editions divide these lines differently: this verse spans CE 1.55.23–24.

Verse 35 (1.61.35)

वासाय खाण्डवप्रस्थं व्रजध्वं गतमत्सराः । तयोस्ते वचनाज्जग्मुः सह सर्वैः सुहृज्जनैः ॥

vāsāya khāṇḍavaprasthaṃ vrajadhvaṃ gatamatsarāḥ | tayoste vacanājjagmuḥ saha sarvaiḥ suhṛjjanaiḥ

go and live there, free of resentment." At their word the Pandavas went, with all their friends,

Note on the text: Corrected स्वाण्डवप्रस्थं → खाण्डवप्रस्थं (misprint in Wikisource; स्व for ख — the same name appears in the lines before and after). The two editions divide these lines differently: this verse spans CE 1.55.24–25.

Verse 36 (1.61.36)

नगरं खाण्डवप्रस्थं रत्नान्यादाय सर्वशः । तत्र ते न्यवसन्पार्थाः संवत्सरगणान्बहून् ॥

nagaraṃ khāṇḍavaprasthaṃ ratnānyādāya sarvaśaḥ | tatra te nyavasanpārthāḥ saṃvatsaragaṇānbahūn

to the city of Khandavaprastha, taking all their treasures with them. There the sons of Pritha lived for many years,

Note on the text: Corrected गणांन्बहून् → गणान्बहून् (misprint in Wikisource; a stray anusvara before the nasal). The two editions divide these lines differently: this verse spans CE 1.55.25–26.

Verse 37 (1.61.37)

वशे शस्त्रप्रतापेन कुर्वन्तोऽन्यान्महीभृतः । एवं धर्मप्रधानास्ते सत्यव्रतपरायणाः ॥

vaśe śastrapratāpena kurvanto'nyānmahībhṛtaḥ | evaṃ dharmapradhānāste satyavrataparāyaṇāḥ

bringing other kings under their sway by the might of their weapons. Thus, intent on dharma and devoted to the vow of truth,

Note on the text: The two editions divide these lines differently: this verse spans CE 1.55.26–27.

Verse 38 (1.61.38)

अप्रमत्तोत्थिताः क्षान्ताः प्रतपन्तोऽहितान्बहून् । अजयद्भीमसेनस्तु दिशं प्राचीं महायशाः ॥

apramattotthitāḥ kṣāntāḥ pratapanto'hitānbahūn | ajayadbhīmasenastu diśaṃ prācīṃ mahāyaśāḥ

vigilant, energetic and forbearing, they scorched many foes. Bhimasena of great fame conquered the eastern quarter,

Note on the text: The two editions divide these lines differently: this verse spans CE 1.55.27–28.

Verse 39 (1.61.39)

उदीचीमर्जुनो वीरः प्रतीचीं नकुलस्तथा । दक्षिणां सहदेवस्तु विजिग्ये परवीरहा ॥

udīcīmarjuno vīraḥ pratīcīṃ nakulastathā | dakṣiṇāṃ sahadevastu vijigye paravīrahā

heroic Arjuna the northern, Nakula likewise the western, and Sahadeva, slayer of enemy heroes, conquered the southern.

Note on the text: The two editions divide these lines differently: this verse spans CE 1.55.28–29.

Verse 40 (1.61.40)

एवं चक्रुरिमां सर्वे वशे कृत्स्नां वसुन्धराम् । पञ्चभिः सूर्यसङ्काशैः सूर्येण च विराजता ॥

evaṃ cakrurimāṃ sarve vaśe kṛtsnāṃ vasundharām | pañcabhiḥ sūryasaṅkāśaiḥ sūryeṇa ca virājatā

In this way, together, they brought this whole earth under their sway. With the five who shone like the sun, and with the radiant sun itself,

Note on the text: The two editions divide these lines differently: this verse spans CE 1.55.29–30.

Verse 41 (1.61.41)

षट्सूर्येवाभवत्पृथ्वी पाण्डवैः सत्यविक्रमैः । ततो निमित्ते कस्मिंश्चिद्धर्मराजो युधिष्ठिरः ॥

ṣaṭsūryevābhavatpṛthvī pāṇḍavaiḥ satyavikramaiḥ | tato nimitte kasmiṃściddharmarājo yudhiṣṭhiraḥ

the earth seemed to have six suns, through the Pandavas of true valour. Then, for a certain reason, Yudhishthira, the King of Dharma,

Note on the text: The two editions divide these lines differently: this verse spans CE 1.55.30–31.

Verse 42 (1.61.42)

वनं प्रस्थापयामास तेजस्वी सत्यविक्रमः । प्राणेभ्योऽपि प्रियतरं भ्रातरं सव्यसाचिनम् ॥

vanaṃ prasthāpayāmāsa tejasvī satyavikramaḥ | prāṇebhyo'pi priyataraṃ bhrātaraṃ savyasācinam

majestic and true in valour, sent into the forest his brother Savyasachin, dearer to him than life itself —

Note on the text: Only the first line has a counterpart in the critical edition (second half of 1.55.31, which reads bhrātaraṃ vai dhanaṃjayam); the second line is not in the critical edition (found in the vulgate recension).

Verse 43 (1.61.43)

अर्जुनं पुरुषव्याघ्रं स्थिरात्मानं गुणैर्युतम् । स वै संवत्सरं पूर्णं मासं चैकं वने वसन् ॥

arjunaṃ puruṣavyāghraṃ sthirātmānaṃ guṇairyutam | sa vai saṃvatsaraṃ pūrṇaṃ māsaṃ caikaṃ vane vasan

Arjuna, tiger among men, steadfast and endowed with virtues. He lived in the forest for a full year and one month,

Note on the text: The first line is not in the critical edition (found in the vulgate recension); the second is the first half of CE 1.55.32.

Verse 44 (1.61.44)

तीर्थयात्रां च कृतवान्नागकन्यामवाप च । पाण्ड्यस्य तनयां लब्ध्वा तत्र ताभ्यां सहोषितः ॥

tīrthayātrāṃ ca kṛtavānnāgakanyāmavāpa ca | pāṇḍyasya tanayāṃ labdhvā tatra tābhyāṃ sahoṣitaḥ

made a pilgrimage to the sacred fords and won a Naga maiden; and winning the daughter of the Pandya king as well, he lived there with both of them.

Note on the text: Removed stray wiki marks (a backtick at the start and a closing quote at the end). Corrected ताभ्यांसहोषितः → ताभ्यां सहोषितः (missing word space). Not in the critical edition (found in the vulgate recension).

Verse 45 (1.61.45)

ततोऽगच्छद्धृषीकेशं द्वारवत्यां कदाचन । लब्धवांस्तत्र बीभत्सुर्भार्यां राजीवलोचनाम् ॥

tato'gacchaddhṛṣīkeśaṃ dvāravatyāṃ kadācana | labdhavāṃstatra bībhatsurbhāryāṃ rājīvalocanām

Then at one time he went to Hrishikesha at Dvaravati, and there Bibhatsu won a lotus-eyed wife:

Note on the text: The two editions divide these lines differently: this verse spans CE 1.55.32–33.

Verse 46 (1.61.46)

अनुजां वासुदेवस्य सुभद्रां भद्रभाषिणीम् । सा शचीव महेन्द्रेण श्रीः कृष्णेनेव सङ्गता ॥

anujāṃ vāsudevasya subhadrāṃ bhadrabhāṣiṇīm | sā śacīva mahendreṇa śrīḥ kṛṣṇeneva saṅgatā

Subhadra of gentle speech, Vasudeva's younger sister. As Shachi with great Indra, as Shri with Krishna,

Note on the text: The two editions divide these lines differently: this verse spans CE 1.55.33–34.

Verse 47 (1.61.47)

सुभद्रा युयुजे प्रीत्या पाण्डवेनार्जुनेन ह । अतर्पयच्च कौन्तेयः खाण्डवे हव्यवाहनम् ॥

subhadrā yuyuje prītyā pāṇḍavenārjunena ha | atarpayacca kaunteyaḥ khāṇḍave havyavāhanam

so Subhadra was joined in love with Arjuna, son of Pandu. And in the Khandava forest the son of Kunti gave its fill to the fire, bearer of oblations —

Note on the text: The two editions divide these lines differently: this verse spans CE 1.55.34–35.

Verse 48 (1.61.48)

बीभत्सुर्वासुदेवेन सहितो नृपसत्तम । नातिभारो हि पार्थस्य केशवेन सहाभवत् ॥

bībhatsurvāsudevena sahito nṛpasattama | nātibhāro hi pārthasya keśavena sahābhavat

Bibhatsu, together with Vasudeva, O best of kings. With Keshava beside him, the task was no great burden for Partha,

Note on the text: Corrected नृपस्तम → नृपसत्तम (misprint in Wikisource; a dropped akshara — the critical edition has nṛpasattama). The two editions divide these lines differently: this verse spans CE 1.55.35–36.

Verse 49 (1.61.49)

व्यवसायसहायस्य विष्णोः शत्रुवधेष्विव । पार्थायाग्निर्ददौ चापि गाण्डीवं धनुरुत्तमम् ॥

vyavasāyasahāyasya viṣṇoḥ śatruvadheṣviva | pārthāyāgnirdadau cāpi gāṇḍīvaṃ dhanuruttamam

just as slaying his enemies is no burden for Vishnu, with resolve as his ally. Agni gave Partha the supreme bow Gandiva,

Note on the text: The two editions divide these lines differently: this verse spans CE 1.55.36–37.

Verse 50 (1.61.50)

इषुधी चाक्षयैर्बाणै रथं च कपिलक्षणम् । मोक्षयामास बीभत्सुर्मयं यत्र महासुरम् ॥

iṣudhī cākṣayairbāṇai rathaṃ ca kapilakṣaṇam | mokṣayāmāsa bībhatsurmayaṃ yatra mahāsuram

two quivers of inexhaustible arrows, and a chariot with an ape on its banner. And Bibhatsu saved the great asura Maya there,

Note on the text: The two editions divide these lines differently: this verse spans CE 1.55.37–38.

Verse 51 (1.61.51)

स चकार सभां दिव्यां सर्वरत्नसमाचिताम् । तस्यां दुर्योधनो मन्दो लोभं चक्रे सुदुर्मतिः ॥

sa cakāra sabhāṃ divyāṃ sarvaratnasamācitām | tasyāṃ duryodhano mando lobhaṃ cakre sudurmatiḥ

and Maya built a divine assembly hall, inlaid with every kind of jewel. The foolish and wicked Duryodhana grew covetous of it.

Note on the text: The two editions divide these lines differently: this verse spans CE 1.55.38–39.

Verse 52 (1.61.52)

ततोऽक्षैर्वञ्चयित्वा च सौबलेन युधिष्ठिरम् । वनं प्रस्थापयामास सप्तवर्षाणि पञ्च च ॥

tato'kṣairvañcayitvā ca saubalena yudhiṣṭhiram | vanaṃ prasthāpayāmāsa saptavarṣāṇi pañca ca

Then, cheating Yudhishthira at dice through the son of Subala, he sent him into the forest for seven years and five,

Note on the text: The two editions divide these lines differently: this verse spans CE 1.55.39–40.

Verse 53 (1.61.53)

अज्ञातमेकं राष्ट्रे च ततो वर्षं त्रयोदशम् । ततश्चतुर्दशे वर्षे याचमानाः स्वकं वसु ॥

ajñātamekaṃ rāṣṭre ca tato varṣaṃ trayodaśam | tataścaturdaśe varṣe yācamānāḥ svakaṃ vasu

and then a thirteenth year to be spent unrecognised in a kingdom. Then, in the fourteenth year, when they asked for their own property,

Note on the text: The two editions divide these lines differently: this verse spans CE 1.55.40–41.

Verse 54 (1.61.54)

नालभन्त महाराज ततो युद्धमवर्तत । ततस्ते क्षत्रमुत्साद्य हत्वा दुर्योधनं नृपम् ॥

nālabhanta mahārāja tato yuddhamavartata | tataste kṣatramutsādya hatvā duryodhanaṃ nṛpam

they did not receive it, great king, and then the war began. Then, having destroyed the warrior class and killed King Duryodhana,

Note on the text: The two editions divide these lines differently: this verse spans CE 1.55.41–42.

Verse 55 (1.61.55)

राज्यं विहतभूयिष्ठं प्रत्यपद्यन्त पाण्डवाः । इष्ट्वा क्रतूंश्च विविधानश्वमेधादिकान्बहून् ॥

rājyaṃ vihatabhūyiṣṭhaṃ pratyapadyanta pāṇḍavāḥ | iṣṭvā kratūṃśca vividhānaśvamedhādikānbahūn

the Pandavas regained their kingdom, most of it laid waste. Having performed many sacrifices of every kind, beginning with the horse sacrifice,

Note on the text: Removed a stray wiki mark (a backtick) before the second line. The first line is the second half of CE 1.55.42; the second line is not in the critical edition (found in the vulgate recension).

Verse 56 (1.61.56)

धृतराष्ट्रे गते स्वर्गं विदुरे पञ्चतां गते । गमयित्वा क्रियां स्वर्ग्यां राज्ञाममिततेजसाम् ॥

dhṛtarāṣṭre gate svargaṃ vidure pañcatāṃ gate | gamayitvā kriyāṃ svargyāṃ rājñāmamitatejasām

after Dhritarashtra had gone to heaven and Vidura had died, and after having the rites that lead to heaven performed for the kings of boundless splendour,

Note on the text: Not in the critical edition (found in the vulgate recension).

Verse 57 (1.61.57)

स्वं धाम याते वार्ष्णेये कृष्णदारान्प्ररक्ष्य च । महाप्रस्थानिकं कृत्वा गताः स्वर्गमनुत्तमम् ॥

svaṃ dhāma yāte vārṣṇeye kṛṣṇadārānprarakṣya ca | mahāprasthānikaṃ kṛtvā gatāḥ svargamanuttamam

when the Vrishni hero had gone to his own abode, and after they had protected Krishna's wives, they set out on the Great Departure and went to the highest heaven.

Note on the text: Removed a stray wiki mark (a closing quote) before ॥. Not in the critical edition (found in the vulgate recension).

Verse 58 (1.61.58)

एवमेतत्पुरावृत्तं तेषामक्लिष्टकर्मणाम् । भेदो राज्यविनाशश्च जयश्च जयतां वर ॥

evametatpurāvṛttaṃ teṣāmakliṣṭakarmaṇām | bhedo rājyavināśaśca jayaśca jayatāṃ vara

This, then, is what happened long ago to those heroes of tireless deeds, O best of victors: the breach between them, the loss of the kingdom, and the victory.

Note on the text: Corrected जयतांवर → जयतां वर (missing word space).