The Line of Puru, from Brahma to Janamejaya

Verse 1 (1.63.1)

पूरोर्वंशमहं धन्यं राज्ञाममिततेजसाम् । प्रवक्ष्यामि पितॄणां ते तेषां नामानि मे शृणु ॥

pūrorvaṃśamahaṃ dhanyaṃ rājñāmamitatejasām | pravakṣyāmi pitṝṇāṃ te teṣāṃ nāmāni me śṛṇu

I shall tell you of the glorious line of Puru, of kings of boundless splendour, your forefathers. Hear their names from me.

Note on the text: Corrected शृमु → शृणु (misprint in Wikisource; म for ण). Not in the critical edition's constituted text (found in the vulgate recension; CE apparatus 1.90 *896).

Verse 2 (1.63.2)

अव्यक्तप्रभवो ब्रह्मा शाश्वतो नित्य अव्ययः । तस्मान्मरीचिः संजज्ञे दक्षश्चैव प्रजापतिः ॥

avyaktaprabhavo brahmā śāśvato nitya avyayaḥ | tasmānmarīciḥ saṃjajñe dakṣaścaiva prajāpatiḥ

Brahma, born of the Unmanifest, is eternal, everlasting and imperishable. From him were born Marichi and Daksha the Prajapati.

Note on the text: Not in the critical edition's constituted text (found in the vulgate recension; CE apparatus 1.90 *897).

Verse 3 (1.63.3)

अङ्गुष्ठाद्दक्षमसृजच्चक्षुर्भ्यां च मरीचिनम् । मरीचेः कश्यपः पुत्रो दक्षस्य दुहिताऽऽदितिः ॥

aṅguṣṭhāddakṣamasṛjaccakṣurbhyāṃ ca marīcinam | marīceḥ kaśyapaḥ putro dakṣasya duhitā''ditiḥ

He created Daksha from his thumb and Marichi from his eyes. Kashyapa was the son of Marichi, and Aditi the daughter of Daksha.

Note on the text: Not in the critical edition's constituted text (found in the vulgate recension; CE apparatus 1.90 *897–898).

Verse 4 (1.63.4)

अदित्यां कश्यपाद्विवस्वान् । विवस्वतो मनुर्मनोरिला ॥

adityāṃ kaśyapādvivasvān | vivasvato manurmanorilā

From Kashyapa, in Aditi, was born Vivasvan; from Vivasvan, Manu; from Manu, Ila.

Note on the text: Corrected विवस्थान् → विवस्वान् (misprint in Wikisource; the name is Vivasvan, as in the next line and the critical edition).

Verse 5 (1.63.5)

इलायाः पुरूरवाः । पुरूरवस आयुः । आयुषो नहुषः । नहुषस्य ययातिः ॥

ilāyāḥ purūravāḥ | purūravasa āyuḥ | āyuṣo nahuṣaḥ | nahuṣasya yayātiḥ

From Ila came Pururavas; from Pururavas, Ayu; from Ayu, Nahusha; from Nahusha, Yayati.

Verse 6 (1.63.6)

ययातेर्द्वे भार्ये बभूवतुः । उशनसो दुहिता देवयानी वृषपर्वणश्च दुहिता शर्मिष्ठा नाम ॥

yayāterdve bhārye babhūvatuḥ | uśanaso duhitā devayānī vṛṣaparvaṇaśca duhitā śarmiṣṭhā nāma

Yayati had two wives: Devayani, daughter of Ushanas, and Sharmishtha, daughter of Vrishaparvan.

Verse 7 (1.63.7)

तत्रानुवंशो भवति । यदुं च तुर्वसुं चैव देवयानी व्यजायत । द्रुह्युं चानुं च पूरुं च शर्मिष्ठा वार्षपर्वणी ॥

tatrānuvaṃśo bhavati | yaduṃ ca turvasuṃ caiva devayānī vyajāyata | druhyuṃ cānuṃ ca pūruṃ ca śarmiṣṭhā vārṣaparvaṇī

On this there is a genealogical verse: "Devayani bore Yadu and Turvasu; Sharmishtha, daughter of Vrishaparvan, bore Druhyu, Anu and Puru."

Note on the text: Corrected द्रुह्यं → द्रुह्युं (misprint in Wikisource; the name is Druhyu, as in the critical edition).

Verse 8 (1.63.8)

तत्र यदोर्यादवाः । पूरोः पौरवाः । पूरोर्भार्या कौसल्या बभूव । तस्यामस्य जज्ञे जनमेजयः ॥

tatra yadoryādavāḥ | pūroḥ pauravāḥ | pūrorbhāryā kausalyā babhūva | tasyāmasya jajñe janamejayaḥ

From Yadu came the Yadavas, from Puru the Pauravas. Puru's wife was Kausalya, and in her was born his son Janamejaya.

Verse 9 (1.63.9)

स त्रीन्हयमेधानाजहार । विश्वजिता चेष्ट्वा वनं प्रविवेश ॥

sa trīnhayamedhānājahāra | viśvajitā ceṣṭvā vanaṃ praviveśa

He performed three horse sacrifices, and after sacrificing with the Vishvajit rite he entered the forest.

Verse 10 (1.63.10)

जनमेजयस्तु सुनन्दां नामोपयेमे मागधीं । तस्यामस्य जज्ञे प्राचीन्वान् ॥

janamejayastu sunandāṃ nāmopayeme māgadhīṃ | tasyāmasya jajñe prācīnvān

Janamejaya married Sunanda, a princess of Magadha. In her was born his son Prachinvan,

Verse 11 (1.63.11)

यः प्राचीं दिशं जिगाय । यावत्सूर्योदयात् तत्तस्य प्राचीनत्वम् ॥

yaḥ prācīṃ diśaṃ jigāya | yāvatsūryodayāt tattasya prācīnatvam

who conquered the eastern quarter as far as the place where the sun rises; hence his name Prachinvan, "lord of the east".

Note on the text: Corrected सूर्यादयात् → सूर्योदयात् (misprint in Wikisource; dropped ो).

Verse 12 (1.63.12)

प्राचीन्वांस्तु खल्वाश्मकीमुपयेमे यादवीम् । तस्यामस्य जज्ञे शय्यातिः ॥

prācīnvāṃstu khalvāśmakīmupayeme yādavīm | tasyāmasya jajñe śayyātiḥ

Prachinvan married Ashmaki, a Yadava princess. In her was born his son Shayyati.

Note on the text: Corrected शस्यातिः → शय्यातिः (misprint in Wikisource; the next verse names the same king शय्याति).

Verse 13 (1.63.13)

शय्यातिस्तु त्रिशङ्कोर्दुहितरं वराङ्गीं नामोपयेमे तस्यामस्य जज्ञेऽहंयातिः ॥

śayyātistu triśaṅkorduhitaraṃ varāṅgīṃ nāmopayeme tasyāmasya jajñe'haṃyātiḥ

Shayyati married Varangi, daughter of Trishanku; in her was born his son Ahamyati.

Verse 14 (1.63.14)

अहंयातिस्तु खलु कृतवीर्यदुहितरं भानुमतीं नामोपयेमे । तस्यामस्य जज्ञे सार्वभौमः ॥

ahaṃyātistu khalu kṛtavīryaduhitaraṃ bhānumatīṃ nāmopayeme | tasyāmasya jajñe sārvabhaumaḥ

Ahamyati married Bhanumati, daughter of Kritavirya; in her was born his son Sarvabhauma.

Verse 15 (1.63.15)

सार्वभौमस्तु खलु जित्वाऽऽजहार कैकयीं सुन्दरां नाम तामुपयेमे । तस्यामस्य जज्ञे जयत्सेनः ॥

sārvabhaumastu khalu jitvā''jahāra kaikayīṃ sundarāṃ nāma tāmupayeme | tasyāmasya jajñe jayatsenaḥ

Sarvabhauma won by conquest Sundara, a princess of Kekaya, carried her off and married her; in her was born his son Jayatsena.

Verse 16 (1.63.16)

जयत्सेनस्तु खलु वैदर्भीमुपयेमे सुश्रवां नाम । तस्यामस्य जज्ञेऽपराचीनः ॥

jayatsenastu khalu vaidarbhīmupayeme suśravāṃ nāma | tasyāmasya jajñe'parācīnaḥ

Jayatsena married Sushrava, a princess of Vidarbha; in her was born his son Aparachina.

Verse 17 (1.63.17)

अपराचीनस्तु खलु वैदर्भीमपरामुपयेमे मर्यादां नाम । तस्यामस्य जज्ञेऽरिहः ॥

aparācīnastu khalu vaidarbhīmaparāmupayeme maryādāṃ nāma | tasyāmasya jajñe'rihaḥ

Aparachina married another princess of Vidarbha, named Maryada; in her was born his son Ariha.

Verse 18 (1.63.18)

अरिहः खल्वाङ्गीमुपयेमे । तस्यामस्य जज्ञे महाभौमः ॥

arihaḥ khalvāṅgīmupayeme | tasyāmasya jajñe mahābhaumaḥ

Ariha married a princess of Anga; in her was born his son Mahabhauma.

Note on the text: Corrected उपेयेमे → उपयेमे (misprint in Wikisource; doubled े). Ariha's generation appears in the critical edition only in its apparatus (1.90 *899).

Verse 19 (1.63.19)

महाभौमस्तु खलु प्रसेनजिद्दुहितरमुपयेमे सुयज्ञां नाम । तस्यामस्य जज्ञे अयुतानायी ॥

mahābhaumastu khalu prasenajidduhitaramupayeme suyajñāṃ nāma | tasyāmasya jajñe ayutānāyī

Mahabhauma married Suyajna, daughter of Prasenajit; in her was born his son Ayutanayi,

Verse 20 (1.63.20)

यः पुरुषमेधे पुरुषाणामयुतमानयत्तत्तस्यायुतानायित्वम् ॥

yaḥ puruṣamedhe puruṣāṇāmayutamānayattattasyāyutānāyitvam

who brought ten thousand men to the Purushamedha sacrifice; hence his name Ayutanayi, "bringer of ten thousand".

Verse 21 (1.63.21)

अयुतानायी तु खलु पृथुश्रवसो दुहितरमुपयेमे भासां नाम । तस्यामस्य जज्ञेऽक्रोधनः ॥

ayutānāyī tu khalu pṛthuśravaso duhitaramupayeme bhāsāṃ nāma | tasyāmasya jajñe'krodhanaḥ

Ayutanayi married Bhasa, daughter of Prithushravas; in her was born his son Akrodhana.

Verse 22 (1.63.22)

अक्रोधनस्तु खलु कालिङ्गीं कण्डूं नामोपयेमे । तस्यामस्य जज्ञे देवातिथिः ॥

akrodhanastu khalu kāliṅgīṃ kaṇḍūṃ nāmopayeme | tasyāmasya jajñe devātithiḥ

Akrodhana married Kandu, a princess of Kalinga; in her was born his son Devatithi.

Verse 23 (1.63.23)

देवातिथिस्तु खलु वैदर्भीमुपयेमे मर्यादां नाम तस्यामस्य जज्ञे ऋचः ॥

devātithistu khalu vaidarbhīmupayeme maryādāṃ nāma tasyāmasya jajñe ṛcaḥ

Devatithi married Maryada, a princess of Vidarbha; in her was born his son Richa.

Verse 24 (1.63.24)

ऋचस्तु खलु वामदेव्यामङ्गराजकन्यायामृक्षं पुत्रमजीजनत् ॥

ṛcastu khalu vāmadevyāmaṅgarājakanyāyāmṛkṣaṃ putramajījanat

Richa fathered a son, Riksha, in Vamadevi, daughter of the king of Anga.

Verse 25 (1.63.25)

ऋक्षस्तु खलु तक्षकदुहितरं ज्वलन्तीं नामोपयेमे । तस्यामन्त्यनारमुत्पादयामास ॥

ṛkṣastu khalu takṣakaduhitaraṃ jvalantīṃ nāmopayeme | tasyāmantyanāramutpādayāmāsa

Riksha married Jvalanti, daughter of Takshaka, and fathered on her Antyanara.

Verse 26 (1.63.26)

अन्त्यनारस्तु खलु सरस्वत्यां द्वादशवार्षिकं सत्रमाजहार । तमुदवसाने सरस्वत्यभिगम्य भर्तारं वरयामास ॥

antyanārastu khalu sarasvatyāṃ dvādaśavārṣikaṃ satramājahāra | tamudavasāne sarasvatyabhigamya bhartāraṃ varayāmāsa

Antyanara held a twelve-year sacrificial session on the Sarasvati. When it was completed, Sarasvati came to him and chose him as her husband.

Verse 27 (1.63.27)

तस्यां पुत्रं जनयामास त्रस्नुं नाम । अत्रानुवंशो भवति ॥

tasyāṃ putraṃ janayāmāsa trasnuṃ nāma | atrānuvaṃśo bhavati

In her he fathered a son named Trasnu. On this there is a genealogical verse:

Verse 28 (1.63.28)

त्रस्नुं सरस्वती पुत्रमन्त्यनारादजीजनत् । इलिलं जनयामास कालिन्द्यां त्रस्नुरात्मजम् ॥

trasnuṃ sarasvatī putramantyanārādajījanat | ililaṃ janayāmāsa kālindyāṃ trasnurātmajam

"Sarasvati bore to Antyanara a son, Trasnu; and Trasnu fathered a son, Ilila, in Kalindi."

Note on the text: Restored the missing word space in कालिन्द्यां त्रस्नुरात्मजम् (spacing only).

Verse 29 (1.63.29)

इलिलस्तु रथन्तर्यां दुष्यन्तादीन्पञ्च पुत्रानजीजनत् ॥

ililastu rathantaryāṃ duṣyantādīnpañca putrānajījanat

Ilila fathered in Rathantari five sons, Dushyanta first among them.

Verse 30 (1.63.30)

दुष्यन्तस्तु लाक्षीं नाम भागीरथीमुपयेमे तस्यामस्य जज्ञे जनमेजयः ॥

duṣyantastu lākṣīṃ nāma bhāgīrathīmupayeme tasyāmasya jajñe janamejayaḥ

Dushyanta married Lakshi, a princess of the line of Bhagiratha; in her was born his son Janamejaya.

Note on the text: Not in the critical edition's constituted text (found in the vulgate recension; CE apparatus 1.90 *901).

Verse 31 (1.63.31)

स एव दुष्यन्तो विश्वामित्रदुहितरं शकुन्तलां नामोपयेमे । तस्यामस्य जज्ञे भरतः ॥

sa eva duṣyanto viśvāmitraduhitaraṃ śakuntalāṃ nāmopayeme | tasyāmasya jajñe bharataḥ

This same Dushyanta married Shakuntala, daughter of Vishvamitra; in her was born his son Bharata.

Note on the text: Restored the missing word space in स एव (spacing only).

Verse 32 (1.63.32)

तत्रेमौ श्लोकौ भवतः । माता भस्त्रा पितुः पुत्रो यस्माज्जातः स एव सः । भरस्व पुत्रं दौष्यन्तिं सत्यमाह शकुन्तला ॥

tatremau ślokau bhavataḥ | mātā bhastrā pituḥ putro yasmājjātaḥ sa eva saḥ | bharasva putraṃ dauṣyantiṃ satyamāha śakuntalā

On this there are two verses: "The mother is only the vessel; the son belongs to the father, and the father is the very one who is born as the son. Support your son, the child of Dushyanta; Shakuntala has spoken the truth.

Verse 33 (1.63.33)

रेतोधाः पुत्र उन्नयति नरदेव यमक्षयात् । त्वं चास्य धाता गर्भस्य सत्यमाह शकुन्तला ॥

retodhāḥ putra unnayati naradeva yamakṣayāt | tvaṃ cāsya dhātā garbhasya satyamāha śakuntalā

A son raises the father who begot him from the realm of Yama, O king of men. You are the one who placed this child in the womb; Shakuntala has spoken the truth."

Verse 34 (1.63.34)

ततोऽस्य भरतत्वम् । भरतस्तु खलु काशेयीं सार्वसेनीमुपयेमे सुनन्दां नाम । तस्यामस्य जज्ञे भुमन्युः ॥

tato'sya bharatatvam | bharatastu khalu kāśeyīṃ sārvasenīmupayeme sunandāṃ nāma | tasyāmasya jajñe bhumanyuḥ

Hence his name Bharata, "the one to be supported". Bharata married Sunanda, daughter of Sarvasena of Kashi; in her was born his son Bhumanyu.

Verse 35 (1.63.35)

भुमन्युस्तु खलु दाशार्हीमुपयेमे सुवर्णां नाम । तस्यामस्य जज्ञे सुहोत्रः ॥

bhumanyustu khalu dāśārhīmupayeme suvarṇāṃ nāma | tasyāmasya jajñe suhotraḥ

Bhumanyu married Suvarna, a Dasharha princess; in her was born his son Suhotra.

Verse 36 (1.63.36)

सुहोत्रस्तु खल्वैक्ष्वाकीमुपयेमे जयन्तीं नाम । तस्यामस्य जज्ञे हस्ती । य इदं पुरं निर्मापयामास ॥

suhotrastu khalvaikṣvākīmupayeme jayantīṃ nāma | tasyāmasya jajñe hastī | ya idaṃ puraṃ nirmāpayāmāsa

Suhotra married Jayanti, of the line of Ikshvaku; in her was born his son Hasti, who built this city.

Verse 37 (1.63.37)

तस्माद्धास्तिनपुरत्वम् । हस्ती खलु त्रैगर्तीमुपयेमे यशोदां नाम तस्यामस्य जज्ञे विकुञ्जनः ॥

tasmāddhāstinapuratvam | hastī khalu traigartīmupayeme yaśodāṃ nāma tasyāmasya jajñe vikuñjanaḥ

Hence the name Hastinapura. Hasti married Yashoda, a princess of Trigarta; in her was born his son Vikunjana.

Note on the text: Corrected विकुञ्जतः → विकुञ्जनः (misprint in Wikisource; the next verse names the same king विकुञ्जन).

Verse 38 (1.63.38)

विकुञ्जनस्तु खलु दाशार्हीमुपयेमे सुन्दरां नाम । तस्यामस्य जज्ञेऽजमीढः ॥

vikuñjanastu khalu dāśārhīmupayeme sundarāṃ nāma | tasyāmasya jajñe'jamīḍhaḥ

Vikunjana married Sundara, a Dasharha princess; in her was born his son Ajamidha.

Verse 39 (1.63.39)

अजमीढस्य तु चतुर्विंशतिपुत्रशतं बभूव । कैकय्यां नागायां गान्धार्यां विमलायामृक्षायामिति ॥

ajamīḍhasya tu caturviṃśatiputraśataṃ babhūva | kaikayyāṃ nāgāyāṃ gāndhāryāṃ vimalāyāmṛkṣāyāmiti

Ajamidha had a hundred and twenty-four sons, by Kaikeyi, Naga, Gandhari, Vimala and Riksha.

Verse 40 (1.63.40)

पृथग्वंशकर्तारो नृपतयः । तत्र अजमीढादृक्षायां संवरणो जज्ञे स वंशकरः ॥

pṛthagvaṃśakartāro nṛpatayaḥ | tatra ajamīḍhādṛkṣāyāṃ saṃvaraṇo jajñe sa vaṃśakaraḥ

They were kings who each founded a separate line. Among them, Samvarana was born to Ajamidha in Riksha, and it was he who carried on the line.

Verse 41 (1.63.41)

संवरणस्तु वैवस्वतीं तपतीं नामोपयेमे । तस्यामस्य जज्ञे कुरुः ॥

saṃvaraṇastu vaivasvatīṃ tapatīṃ nāmopayeme | tasyāmasya jajñe kuruḥ

Samvarana married Tapati, daughter of Vivasvan the Sun; in her was born his son Kuru.

Note on the text: Corrected सवरणस्तु → संवरणस्तु (misprint in Wikisource; dropped anusvara, cf. संवरणो in the previous verse).

Verse 42 (1.63.42)

कुरुस्तु खलु दाशार्हीमुपयेमे शुभाङ्गीं नाम । तस्यामस्य जज्ञे विदूरथः ॥

kurustu khalu dāśārhīmupayeme śubhāṅgīṃ nāma | tasyāmasya jajñe vidūrathaḥ

Kuru married Shubhangi, a Dasharha princess; in her was born his son Viduratha.

Verse 43 (1.63.43)

विदूरथस्तु खलु मागधीमुपयेमे संप्रियां नाम । तस्यामस्य जज्ञेऽनश्वान् ॥

vidūrathastu khalu māgadhīmupayeme saṃpriyāṃ nāma | tasyāmasya jajñe'naśvān

Viduratha married Sampriya, a princess of Magadha; in her was born his son Anashvan.

Verse 44 (1.63.44)

अनश्वांस्तु खलु मागधीमुपयेमेऽमृतां नाम । तस्यामस्य जज्ञे परिक्षित् ॥

anaśvāṃstu khalu māgadhīmupayeme'mṛtāṃ nāma | tasyāmasya jajñe parikṣit

Anashvan married Amrita, a princess of Magadha; in her was born his son Parikshit.

Verse 45 (1.63.45)

परिक्षित्खलु बाहुकामुपयेमे सुवेषां नाम । तस्यामस्य जज्ञे भीमसेनः ॥

parikṣitkhalu bāhukāmupayeme suveṣāṃ nāma | tasyāmasya jajñe bhīmasenaḥ

Parikshit married Suvesha, a princess of the Bahukas; in her was born his son Bhimasena.

Verse 46 (1.63.46)

भीमसेनस्तु खलु कैकयीमुपयेमे सुकुमारीं नाम । तस्यामस्य जज्ञे परिश्रवाः ॥

bhīmasenastu khalu kaikayīmupayeme sukumārīṃ nāma | tasyāmasya jajñe pariśravāḥ

Bhimasena married Sukumari, a princess of Kekaya; in her was born his son Parishravas,

Verse 47 (1.63.47)

यमाहुः प्रतीप इति । प्रतीपस्तु खलु शैब्यामुपयेमे सुनन्दीं नाम । तस्यां त्रीन्पुत्रानुत्पादयामास देवापिं शन्तनुं बाह्लीकं चेति ॥

yamāhuḥ pratīpa iti | pratīpastu khalu śaibyāmupayeme sunandīṃ nāma | tasyāṃ trīnputrānutpādayāmāsa devāpiṃ śantanuṃ bāhlīkaṃ ceti

who is called Pratipa. Pratipa married Sunandi, a princess of the Shibis, and fathered on her three sons: Devapi, Shantanu and Bahlika.

Verse 48 (1.63.48)

देवापिस्तु खलु बाल एवारण्यं प्रविवेश । शन्तनुस्तु महीपालोऽभवत् ॥

devāpistu khalu bāla evāraṇyaṃ praviveśa | śantanustu mahīpālo'bhavat

Devapi went into the forest while still a boy, and Shantanu became king.

Verse 49 (1.63.49)

तत्र श्लोको भवति । यं यं कराभ्यां स्पृशति जीर्णं स सुखमश्नुते । पुनर्युवा च भवति तस्मात्तं शन्तनुं विदुः ॥

tatra śloko bhavati | yaṃ yaṃ karābhyāṃ spṛśati jīrṇaṃ sa sukhamaśnute | punaryuvā ca bhavati tasmāttaṃ śantanuṃ viduḥ

On this there is a verse: "Whatever old man he touched with his hands felt well and became young again; therefore they knew him as Shantanu."

Verse 50 (1.63.50)

तदस्य शन्तनुत्वं । शन्तनुस्तु खलु गङ्गां भागीरथीमुपयेमे तस्यामस्य जज्ञे देवव्रतः । यमाहुर्भीष्म इति ॥

tadasya śantanutvaṃ | śantanustu khalu gaṅgāṃ bhāgīrathīmupayeme tasyāmasya jajñe devavrataḥ | yamāhurbhīṣma iti

Hence the name Shantanu. Shantanu married Ganga, the Bhagirathi; in her was born his son Devavrata, whom they call Bhishma.

Verse 51 (1.63.51)

भीष्मस्तु खलु पितुः प्रियचिकीर्षया सत्यवतीमानयामास मातरं । यामाहुः कालीति ॥

bhīṣmastu khalu pituḥ priyacikīrṣayā satyavatīmānayāmāsa mātaraṃ | yāmāhuḥ kālīti

Bhishma, wishing to do what was dear to his father, brought Satyavati to be his mother, she whom they call Kali.

Verse 52 (1.63.52)

तस्यां पूर्वं पराशरात्कन्यागर्भो द्वैपायनः । तस्यामेव शन्तनोर्द्वौ पुत्रौ बभूवतुः चित्राङ्गदो विचित्रवीर्यश्च ॥

tasyāṃ pūrvaṃ parāśarātkanyāgarbho dvaipāyanaḥ | tasyāmeva śantanordvau putrau babhūvatuḥ citrāṅgado vicitravīryaśca

Earlier, while still a maiden, she had borne Dvaipayana to Parashara. In her too Shantanu had two sons, Chitrangada and Vichitravirya.

Note on the text: Corrected पुराशरात् → पराशरात् (misprint in Wikisource; the sage is Parashara).

Verse 53 (1.63.53)

चित्राङ्गदस्तु प्राप्तराज्य एव गन्धर्वेण निहृतः । ततो विचित्रवीर्यो राजा बभूव ॥

citrāṅgadastu prāptarājya eva gandharveṇa nihṛtaḥ | tato vicitravīryo rājā babhūva

Chitrangada, having just come into the kingdom, was struck down by a Gandharva. Then Vichitravirya became king.

Verse 54 (1.63.54)

विचित्रवीर्यस्तु खलु काशिराजस्य सुते अम्बिकाम्बालिके उदवहत् । विचित्रवीर्योऽनुत्पन्नापत्य एव विदेहत्वं प्राप्तः ॥

vicitravīryastu khalu kāśirājasya sute ambikāmbālike udavahat | vicitravīryo'nutpannāpatya eva videhatvaṃ prāptaḥ

Vichitravirya married Ambika and Ambalika, the daughters of the king of Kashi. Vichitravirya died before any child was born to him.

Note on the text: Restored the missing word space in खलु काशिराजस्य (spacing only).

Verse 55 (1.63.55)

ततः सत्यवती चिन्तयामास कथं नु खलु शन्तनोः पिण्डविच्छेदो न स्यादिति ॥

tataḥ satyavatī cintayāmāsa kathaṃ nu khalu śantanoḥ piṇḍavicchedo na syāditi

Then Satyavati pondered: "How may the offerings to Shantanu's ancestors not be cut off?"

Verse 56 (1.63.56)

साथ द्वैपायनं चिन्तयामास सोऽग्रतः स्थितः किं करवाणीति । तं सत्यवत्युवाच भ्राता तेऽनपत्य एव स्वर्गतः तस्यार्थेऽपत्यमुत्पादयेति ॥

sātha dvaipāyanaṃ cintayāmāsa so'grataḥ sthitaḥ kiṃ karavāṇīti | taṃ satyavatyuvāca bhrātā te'napatya eva svargataḥ tasyārthe'patyamutpādayeti

She called Dvaipayana to mind. He appeared before her and asked, "What shall I do?" Satyavati said to him, "Your brother has gone to heaven without offspring. Beget offspring for his sake."

Verse 57 (1.63.57)

स परमित्युवाच स तत्र त्रीन्पुत्रानुत्पादयामास धृतराष्ट्रं पाण्डुं विदुरं चेति ॥

sa paramityuvāca sa tatra trīnputrānutpādayāmāsa dhṛtarāṣṭraṃ pāṇḍuṃ viduraṃ ceti

He said, "So be it," and fathered three sons there: Dhritarashtra, Pandu and Vidura.

Verse 58 (1.63.58)

धृतराष्ट्रात्पुत्रशतं बभूव गान्धार्यां वरदानाद्द्वैपायनस्य तेषां च । धार्तराष्ट्राणां चत्वारः प्रधानाः दुर्योधनो दुश्शासनो विकर्णश्चित्रसेनश्चेति ॥

dhṛtarāṣṭrātputraśataṃ babhūva gāndhāryāṃ varadānāddvaipāyanasya teṣāṃ ca | dhārtarāṣṭrāṇāṃ catvāraḥ pradhānāḥ duryodhano duśśāsano vikarṇaścitrasenaśceti

To Dhritarashtra a hundred sons were born in Gandhari, through Dvaipayana's boon. Of these sons of Dhritarashtra four were foremost: Duryodhana, Duhshasana, Vikarna and Chitrasena.

Verse 59 (1.63.59)

पाण्डोस्तु कुन्ती माद्रीति स्त्रीरत्ने बभूवतुः । स मृगयां चरन्मैथुनगतमृषिं मृगचारिणं बाणेन जघान ॥

pāṇḍostu kuntī mādrīti strīratne babhūvatuḥ | sa mṛgayāṃ caranmaithunagatamṛṣiṃ mṛgacāriṇaṃ bāṇena jaghāna

Pandu had two jewels among women, Kunti and Madri. Once, while out hunting, he shot with an arrow a seer who was roaming in the form of a deer and was mating.

Verse 60 (1.63.60)

स बाणविद्ध उवाच पाण्डुम् । अत्र श्लोको भवति ॥

sa bāṇaviddha uvāca pāṇḍum | atra śloko bhavati

Pierced by the arrow, the seer spoke to Pandu. On this there is a verse:

Verse 61 (1.63.61)

योऽकृतार्थं हि मां क्रूर बाणेनाहन् मृगव्रतम् । त्वामप्येतादृशो भावः क्षिप्रमेवागमिष्यति ॥

yo'kṛtārthaṃ hi māṃ krūra bāṇenāhan mṛgavratam | tvāmapyetādṛśo bhāvaḥ kṣipramevāgamiṣyati

"Cruel one, since you struck me down with an arrow while I was keeping the deer-vow, before my desire was fulfilled, the same state will soon come upon you too."

Note on the text: Corrected ग्रूर → क्रूर and बाणेनाघ्ना → बाणेनाहन् (misprints in Wikisource; following the reading of the critical edition's apparatus). Not in the critical edition's constituted text (found in the vulgate recension; CE apparatus 1.90 *902).

Verse 62 (1.63.62)

इति मृगव्रतचारिणा ऋषिणा शप्तः । स विषण्णरूपः पाण्डुस्तं शापं परिहरन्नोपसर्पति भार्ये ॥

iti mṛgavratacāriṇā ṛṣiṇā śaptaḥ | sa viṣaṇṇarūpaḥ pāṇḍustaṃ śāpaṃ pariharannopasarpati bhārye

Thus Pandu was cursed by the seer who kept the deer-vow. Downcast, and guarding against the curse, he did not approach his wives.

Verse 63 (1.63.63)

कदाचित्स आह । स्वचापल्यादिदं प्राप्तवानहम् । पुराणेषु पठ्यमानं शृणोमि नानपत्यस्य लोकाः सन्तीति ॥

kadācitsa āha | svacāpalyādidaṃ prāptavānaham | purāṇeṣu paṭhyamānaṃ śṛṇomi nānapatyasya lokāḥ santīti

One day he said: "I have come to this through my own rashness. I hear it recited in the Puranas that there are no worlds for one who has no offspring."

Verse 64 (1.63.64)

सा त्वं मदर्थे पुत्रानुत्पादयेति कुन्तीमुवाच ॥

sā tvaṃ madarthe putrānutpādayeti kuntīmuvāca

"So you must bring forth sons for me," he said to Kunti.

Verse 65 (1.63.65)

सा कुन्ती पुत्रानुत्पादयामास धर्माद्युधिष्ठिरं मारुताद्भीमसेनमिन्द्रादर्जुनमिति । स हृष्टरूपः पाण्डुरुवाच । इयं ते सपत्नी भवति माद्र्यनपत्या व्रीडिता साध्वी अस्यामपत्यमुत्पाद्यतामिति ॥

sā kuntī putrānutpādayāmāsa dharmādyudhiṣṭhiraṃ mārutādbhīmasenamindrādarjunamiti | sa hṛṣṭarūpaḥ pāṇḍuruvāca | iyaṃ te sapatnī bhavati mādryanapatyā vrīḍitā sādhvī asyāmapatyamutpādyatāmiti

Kunti bore sons: Yudhishthira by Dharma, Bhimasena by the Wind god, and Arjuna by Indra. Delighted, Pandu said, "This co-wife of yours, Madri, is childless and ashamed, a virtuous woman. Let offspring be brought forth in her too."

Verse 66 (1.63.66)

सा कुन्ती तस्यै माद्र्यै तथेति व्रतमादिदेश । ततस्तस्यां नकुलसहदेवौ यमावश्विभ्यां जज्ञाते ॥

sā kuntī tasyai mādryai tatheti vratamādideśa | tatastasyāṃ nakulasahadevau yamāvaśvibhyāṃ jajñāte

Kunti said, "So be it," and taught Madri the sacred formula. Then the twins Nakula and Sahadeva were born to her by the two Ashvins.

Verse 67 (1.63.67)

माद्रीं तु खलु स्वलङ्कृतां दृष्ट्वा पाण्डुर्भावं चक्रे । स तां प्राप्यैव विदेहत्वं प्राप्तः ॥

mādrīṃ tu khalu svalaṅkṛtāṃ dṛṣṭvā pāṇḍurbhāvaṃ cakre | sa tāṃ prāpyaiva videhatvaṃ prāptaḥ

Seeing Madri finely adorned, Pandu was stirred by desire. Even as he took her, he died.

Verse 68 (1.63.68)

ततस्तेन सह चितामन्वारुरोह माद्री । कुन्तीं चोवाच यमयोरार्ययाऽप्रमत्तया भवितव्यमिति ॥

tatastena saha citāmanvāruroha mādrī | kuntīṃ covāca yamayorāryayā'pramattayā bhavitavyamiti

Then Madri climbed the pyre with him, and said to Kunti: "Noble lady, you must watch over the twins with unfailing care."

Verse 69 (1.63.69)

ततः पञ्चपाण्डवान्सह कुन्त्या हास्तिनपुरं नयन्ति स्म तपस्विनः ॥

tataḥ pañcapāṇḍavānsaha kuntyā hāstinapuraṃ nayanti sma tapasvinaḥ

Then the ascetics brought the five Pandavas, together with Kunti, to Hastinapura.

Verse 70 (1.63.70)

तत्र भीष्माय धृतराष्ट्रविदुरयोः पाण्डोः स्वर्गगमनं याथातथ्यं निवेदयन्तिस्म तपस्विनः ॥

tatra bhīṣmāya dhṛtarāṣṭravidurayoḥ pāṇḍoḥ svargagamanaṃ yāthātathyaṃ nivedayantisma tapasvinaḥ

There the ascetics told Bhishma, Dhritarashtra and Vidura exactly how Pandu had gone to heaven.

Verse 71 (1.63.71)

पाण्डवान्सह कुन्त्या जतुगृहे दाहयितुकामो धृतराष्ट्रात्मजोऽभूत् ॥

pāṇḍavānsaha kuntyā jatugṛhe dāhayitukāmo dhṛtarāṣṭrātmajo'bhūt

Dhritarashtra's son sought to burn the Pandavas, together with Kunti, in a house of lac.

Verse 72 (1.63.72)

तांश्च विदुरो मोक्षयामास । ततो भीमो हिडिम्बं हत्वा पुत्रमुत्पादयामास हिडिम्बायां घटोत्कचं नाम ॥

tāṃśca viduro mokṣayāmāsa | tato bhīmo hiḍimbaṃ hatvā putramutpādayāmāsa hiḍimbāyāṃ ghaṭotkacaṃ nāma

But Vidura saved them. Then Bhima killed the rakshasa Hidimba and fathered a son named Ghatotkacha on the rakshasi Hidimba.

Verse 73 (1.63.73)

ततश्चैकचक्रां जग्मुः कुशलिनः । ततः पाञ्चालविषयं गत्वा स्वयंवरे द्रौपदीं लब्ध्वाऽर्धराज्यं प्राप्येन्द्रप्रस्थनिवासिनस्तस्यां पुत्रानुत्पादयामासुर्द्रौपद्याम् ॥

tataścaikacakrāṃ jagmuḥ kuśalinaḥ | tataḥ pāñcālaviṣayaṃ gatvā svayaṃvare draupadīṃ labdhvā'rdharājyaṃ prāpyendraprasthanivāsinastasyāṃ putrānutpādayāmāsurdraupadyām

Then they went safely to Ekachakra. After that they went to the land of the Panchalas, won Draupadi at her self-choice, obtained half the kingdom, and while living at Indraprastha fathered sons on her, on Draupadi:

Verse 74 (1.63.74)

प्रतिविन्ध्यं युधिष्ठिरः । सुतसोमं वृकोदरः । श्रुतकीर्तिमर्जुनः । शतानीकं नकुलः । श्रुतसेनं सहदेव इति ॥

prativindhyaṃ yudhiṣṭhiraḥ | sutasomaṃ vṛkodaraḥ | śrutakīrtimarjunaḥ | śatānīkaṃ nakulaḥ | śrutasenaṃ sahadeva iti

Yudhishthira fathered Prativindhya; Vrikodara, Sutasoma; Arjuna, Shrutakirti; Nakula, Shatanika; and Sahadeva, Shrutasena.

Note on the text: Restored from the critical edition (1.90.82B–E): Wikisource keeps only the last item of the list of Draupadi's five sons (श्रुतसेनं सहदेव इति); the first four (प्रतिविन्ध्यं युधिष्ठिरः । सुतसोमं वृकोदरः । श्रुतकीर्तिमर्जुनः । शतानीकं नकुलः) are restored. The count of thirteen sons in verse 81 confirms the loss. Wikisource's own name for Sahadeva's son (श्रुतसेन, CE श्रुतकर्मा) is kept.

Verse 75 (1.63.75)

शैव्यस्य कन्यां देवकीं नामोपयेमे युधिष्ठिरः । तस्यां पुत्रं जनयामास यौधेयं नाम ॥

śaivyasya kanyāṃ devakīṃ nāmopayeme yudhiṣṭhiraḥ | tasyāṃ putraṃ janayāmāsa yaudheyaṃ nāma

Yudhishthira married Devaki, daughter of the Shaibya king; in her he fathered a son named Yaudheya.

Verse 76 (1.63.76)

भीमसेनस्तु वाराणस्यां काशिराजकन्यां जलन्धरां नामोपयेमे स्वयंवरस्थां । तस्यामस्य जज्ञे शर्वत्रातः ॥

bhīmasenastu vārāṇasyāṃ kāśirājakanyāṃ jalandharāṃ nāmopayeme svayaṃvarasthāṃ | tasyāmasya jajñe śarvatrātaḥ

Bhimasena, at Varanasi, married Jalandhara, daughter of the king of Kashi, who had been offered at a self-choice; in her was born his son Sharvatrata.

Verse 77 (1.63.77)

अर्जुनस्तु खलु द्वारवतीं गत्वा भगवतो वासुदेवस्य भगिनीं सुभद्रां नामोदवहद्भार्यां । तस्यामभिमन्युं नाम पुत्रं जनयामास ॥

arjunastu khalu dvāravatīṃ gatvā bhagavato vāsudevasya bhaginīṃ subhadrāṃ nāmodavahadbhāryāṃ | tasyāmabhimanyuṃ nāma putraṃ janayāmāsa

Arjuna went to Dvaravati and took as his wife Subhadra, sister of the blessed Vasudeva; in her he fathered a son named Abhimanyu.

Verse 78 (1.63.78)

नकुलस्तु खलु चैद्यां रेणुमतीं नामोदवहत् । तस्यां पुत्रं जनयामास निरमित्रं नाम ॥

nakulastu khalu caidyāṃ reṇumatīṃ nāmodavahat | tasyāṃ putraṃ janayāmāsa niramitraṃ nāma

Nakula married Renumati, a princess of Chedi; in her he fathered a son named Niramitra.

Verse 79 (1.63.79)

सहदेवस्तु खलु माद्रीमेव स्वयंवरे विजयां नामोदवहद्भार्याम् । तस्यां पुत्रं जनयामास सुहोत्रं नाम ॥

sahadevastu khalu mādrīmeva svayaṃvare vijayāṃ nāmodavahadbhāryām | tasyāṃ putraṃ janayāmāsa suhotraṃ nāma

Sahadeva married Vijaya, a princess of Madra, at her self-choice; in her he fathered a son named Suhotra.

Verse 80 (1.63.80)

भीमसेनश्च पूर्वमेव हिडिम्बायां राक्षस्यां पुत्रमुत्पादयामास घटोत्कचं नाम । अर्जुनस्तु नागकन्यायामुलूप्यामिरावन्तं नाम पुत्रं जनयामास ॥

bhīmasenaśca pūrvameva hiḍimbāyāṃ rākṣasyāṃ putramutpādayāmāsa ghaṭotkacaṃ nāma | arjunastu nāgakanyāyāmulūpyāmirāvantaṃ nāma putraṃ janayāmāsa

Bhimasena had earlier fathered a son named Ghatotkacha in the rakshasi Hidimba. Arjuna fathered a son named Iravan in the Naga maiden Ulupi.

Note on the text: The second sentence (Iravan) appears in the critical edition only in its apparatus (1.90 *904).

Verse 81 (1.63.81)

ततो मणलूरपतिकन्यायां चित्राङ्गदायामर्जुनः पुत्रमुत्पादयामास बभ्रुवाहनं नाम । एते त्रयोदश पुत्राः पाण्डवानाम् ॥

tato maṇalūrapatikanyāyāṃ citrāṅgadāyāmarjunaḥ putramutpādayāmāsa babhruvāhanaṃ nāma | ete trayodaśa putrāḥ pāṇḍavānām

Then Arjuna fathered a son named Babhruvahana in Chitrangada, daughter of the lord of Manalura. These are the thirteen sons of the Pandavas.

Note on the text: Corrected मणलूरुपति → मणलूरपति (misprint in Wikisource; the city is Manalura, as in the critical edition's apparatus 1.90 *904). The critical edition counts eleven sons, without Iravan and Babhruvahana.

Verse 82 (1.63.82)

विराटस्य दुहितरमुत्तरां नामाभिमन्युरुपयेमे । तस्यामस्य परासुर्गर्भोऽजायत ॥

virāṭasya duhitaramuttarāṃ nāmābhimanyurupayeme | tasyāmasya parāsurgarbho'jāyata

Abhimanyu married Uttara, daughter of Virata. In her a child was born lifeless.

Note on the text: Corrected उपेयेमे → उपयेमे (misprint in Wikisource; doubled े).

Verse 83 (1.63.83)

तमुत्सङ्गे प्रतिजग्राह पृथा नियोगात्पुरुषोत्तमस्य । षाण्मासिकं गर्भमहं जीवयामि पादस्पर्शादिति वासुदेव उवाच ॥

tamutsaṅge pratijagrāha pṛthā niyogātpuruṣottamasya | ṣāṇmāsikaṃ garbhamahaṃ jīvayāmi pādasparśāditi vāsudeva uvāca

At the bidding of Krishna, best of men, Pritha took it on her lap. "I will bring this six-month child to life by the touch of my foot," said Vasudeva.

Verse 84 (1.63.84)

अहं जीवयामि कुमारमनन्तवीर्यं जात एवायमजायत । अभिमन्योः सत्येन चेयं पृथिवी धारयत्विति वासुदेवस्य पादस्पर्शात्सजीवोऽजायत । नाम तस्याकरोत्सुभद्रा ॥

ahaṃ jīvayāmi kumāramanantavīryaṃ jāta evāyamajāyata | abhimanyoḥ satyena ceyaṃ pṛthivī dhārayatviti vāsudevasya pādasparśātsajīvo'jāyata | nāma tasyākarotsubhadrā

"I bring to life this boy of boundless valour; born as he is, let him truly be born. By the truth of Abhimanyu, may this earth sustain him." At the touch of Vasudeva's foot the child came alive. Subhadra gave him his name.

Note on the text: The words of Vasudeva appear in the critical edition only in its apparatus (1.90 *907).

Verse 85 (1.63.85)

परिक्षीणे कुले जात उत्तरायां परंतपः । परिक्षिदभवत्तस्मात्सौभद्रात्तु यशस्विनः ॥

parikṣīṇe kule jāta uttarāyāṃ paraṃtapaḥ | parikṣidabhavattasmātsaubhadrāttu yaśasvinaḥ

Because he was born, a scorcher of foes, to Uttara from the famous son of Subhadra when the line had dwindled away, he became Parikshit.

Note on the text: This verse appears in the critical edition only in its apparatus (1.90 *908); the constituted text gives the same naming in prose (1.90.92B).

Verse 86 (1.63.86)

परीक्षित्तु खलु भद्रवतीं नामोपयेमे । तस्यां तत्र भवाञ्जनमेजयः ॥

parīkṣittu khalu bhadravatīṃ nāmopayeme | tasyāṃ tatra bhavāñjanamejayaḥ

Parikshit married Bhadravati; in her were you born, your honour Janamejaya.

Verse 87 (1.63.87)

जनमेजयात्तु भवतः खलु वपुष्टमायां पुत्रौ द्वौ शतानीकः शङ्कुकर्णश्च ॥

janamejayāttu bhavataḥ khalu vapuṣṭamāyāṃ putrau dvau śatānīkaḥ śaṅkukarṇaśca

And to you, Janamejaya, two sons were born in Vapushtama: Shatanika and Shankukarna.

Verse 88 (1.63.88)

शतानीकस्तु खलु वैदेहीमुपयेमे । तस्यामस्य जज्ञे पुत्रोऽश्वमेधदत्तः ॥

śatānīkastu khalu vaidehīmupayeme | tasyāmasya jajñe putro'śvamedhadattaḥ

Shatanika married a princess of Videha; in her was born his son Ashvamedhadatta.

Verse 89 (1.63.89)

इत्येष पूरोर्वंशस्तु पाण्डवानां च कीर्तितः । पूरोर्वंशमिमं श्रुत्वा सर्वपापैः प्रमुच्यते ॥

ityeṣa pūrorvaṃśastu pāṇḍavānāṃ ca kīrtitaḥ | pūrorvaṃśamimaṃ śrutvā sarvapāpaiḥ pramucyate

Thus has the line of Puru, and of the Pandavas, been told. Whoever hears this line of Puru is freed from all sins.