Yayati Marries Devayani

Verse 1 (1.75.1)

अथ दीर्घस्य कालस्य देवयानी नृपोत्तम । वनं तदेव निर्याता क्रीडार्थं वरवर्णिनी ॥

atha dīrghasya kālasya devayānī nṛpottama | vanaṃ tadeva niryātā krīḍārthaṃ varavarṇinī

Then, after a long time, O best of kings, the lovely Devayani went out once more to that same forest for her pleasure.

Verse 2 (1.75.2)

तेन दासीसहस्रेण सार्धं शर्मिष्ठया तदा । तमेव देशं संप्राप्ता यथाकामं चचार सा ॥

tena dāsīsahasreṇa sārdhaṃ śarmiṣṭhayā tadā | tameva deśaṃ saṃprāptā yathākāmaṃ cacāra sā

Sharmishtha and the thousand serving-women went with her, and when she reached that same spot she roamed about as she pleased.

Verse 3 (1.75.3)

ताभिः सखीभिः सहिता सर्वाभिर्मुदिता भृशम् । क्रीडन्त्योऽभिरताः सर्वाः पिबन्त्यो मधुमाधवीम् ॥

tābhiḥ sakhībhiḥ sahitā sarvābhirmuditā bhṛśam | krīḍantyo'bhiratāḥ sarvāḥ pibantyo madhumādhavīm

With all those companions she was full of delight. They all played and amused themselves, drinking the sweet madhavi wine,

Note on the text: Corrected मधुमाधवीं → मधुमाधवीम् (misprint in Wikisource; anusvara for final म् at the end of the verse, following the critical edition's madhumādhavīm). The critical edition groups these lines differently: they are its 1.76.2ef–3ab.

Verse 4 (1.75.4)

खादन्त्यो विविधान्भक्ष्यान्विदशन्त्यः फलानि च । पुनश्च नाहुषो राजा मृगलिप्सुर्यदृच्छया ॥

khādantyo vividhānbhakṣyānvidaśantyaḥ phalāni ca | punaśca nāhuṣo rājā mṛgalipsuryadṛcchayā

eating many kinds of delicacies and biting into fruits. And once again Nahusha's son, the king, out hunting deer, came by chance

Note on the text: Corrected नाडुषो → नाहुषो (misprint in Wikisource; ड for ह, following the critical edition's nāhuṣo). Lines correspond to the critical edition's 1.76.3cd–4ab.

Verse 5 (1.75.5)

तमेव देशं संप्राप्तो जलार्थी श्रमकर्शितः । ददर्श देवयानीं स शर्मिष्ठां ताश्च योषितः ॥

tameva deśaṃ saṃprāpto jalārthī śramakarśitaḥ | dadarśa devayānīṃ sa śarmiṣṭhāṃ tāśca yoṣitaḥ

to that very place, worn out with fatigue and looking for water. He saw Devayani, Sharmishtha and the other women,

Note on the text: Lines correspond to the critical edition's 1.76.4cd–5ab.

Verse 6 (1.75.6)

पिबन्तीर्ललमानाश्च दिव्याभरणभूषिताः । आसनप्रवरे दिव्ये सर्वरत्नविभूषिते । उपविष्टां च ददृशे देवयानीं शुचिस्मिताम् ॥

pibantīrlalamānāśca divyābharaṇabhūṣitāḥ | āsanapravare divye sarvaratnavibhūṣite | upaviṣṭāṃ ca dadṛśe devayānīṃ śucismitām

drinking and frolicking, adorned with heavenly ornaments. And he saw Devayani of the bright smile seated on a splendid, heavenly seat studded with every kind of jewel.

Note on the text: Lines correspond to the critical edition's 1.76.5cd–6ab; the middle line (आसनप्रवरे दिव्ये …) is not in the critical edition (found in the vulgate recension).

Verse 7 (1.75.7)

रूपेणाप्रतिमां तासां स्त्रीणां मध्ये वराङ्गनाम् । आसनाच्च ततः किंचिद्विहीनां हेमभूषिताम् ॥

rūpeṇāpratimāṃ tāsāṃ strīṇāṃ madhye varāṅganām | āsanācca tataḥ kiṃcidvihīnāṃ hemabhūṣitām

Among those women she was a lady of matchless beauty. And a little below her seat sat another, adorned with gold:

Note on the text: Corrected वराङ्गनम् → वराङ्गनाम् and हेमभीषिताम् → हेमभूषिताम् (misprints in Wikisource; dropped ā-sign and ī for ū, following the critical edition's varāṅganām and hemabhūṣitām). Removed stray wiki marks (backtick/quote marks). The first line is the critical edition's 1.76.6cd; the second line is not in the critical edition (found in the vulgate recension).

Verse 8 (1.75.8)

असुरेन्द्रसुतां चापि निषण्णां चारुहासिनीम् । ददर्श पादौ विप्रायाः संवहन्तीमनिन्दिताम् ॥

asurendrasutāṃ cāpi niṣaṇṇāṃ cāruhāsinīm | dadarśa pādau viprāyāḥ saṃvahantīmaninditām

the daughter of the Asura king, sweetly smiling and blameless, whom he saw seated there, massaging the feet of the Brahmin's daughter.

Note on the text: Not in the critical edition (found in the vulgate recension). Its second line answers loosely to the critical edition's 1.76.6ef (śarmiṣṭhayā sevyamānāṃ pādasaṃvāhanādibhiḥ).

Verse 9 (1.75.9)

गायन्त्योऽथ प्रनृत्यन्त्यो वादयन्त्योऽथ भारत । दृष्ट्वा ययातिमतुलं लज्जयाऽवनताः स्थिताः ॥

gāyantyo'tha pranṛtyantyo vādayantyo'tha bhārata | dṛṣṭvā yayātimatulaṃ lajjayā'vanatāḥ sthitāḥ

The women who had been singing, dancing and playing instruments, O Bharata, saw the incomparable Yayati and stood with heads bowed in modesty.

Note on the text: Not in the critical edition (found in the vulgate recension). Removed stray wiki marks (backtick/quote marks).

Verse 10 (1.75.10)

द्वाभ्यां कन्यासहस्राभ्यां द्वे कन्ये परिवारिते । गोत्रे च नामनी चैव द्वयोः पृच्छाम्यहं शुभे ॥

dvābhyāṃ kanyāsahasrābhyāṃ dve kanye parivārite | gotre ca nāmanī caiva dvayoḥ pṛcchāmyahaṃ śubhe

Two maidens attended by two thousand maidens! Lovely one, I ask the families and the names of you both.

Verse 11 (1.75.11)

आख्यास्याम्यहमादत्स्व वचनं मे नराधिप । शुक्रो नामासुरगुरुः सुतां जानीहि तस्य माम् ॥

ākhyāsyāmyahamādatsva vacanaṃ me narādhipa | śukro nāmāsuraguruḥ sutāṃ jānīhi tasya mām

I shall tell you; heed my words, lord of men. Know me to be the daughter of Shukra, the preceptor of the Asuras.

Verse 12 (1.75.12)

इयं च मे सखी दासी यत्राहं तत्र गामिनी । दुहिता दानवेन्द्रस्य शर्मिष्ठा वृषपर्वणः ॥

iyaṃ ca me sakhī dāsī yatrāhaṃ tatra gāminī | duhitā dānavendrasya śarmiṣṭhā vṛṣaparvaṇaḥ

And this is my companion and servant, who goes wherever I go: Sharmishtha, daughter of Vrishaparvan, king of the Danavas.

Verse 13 (1.75.13)

कथं तु ते सखी दासी कन्येयं वरवर्णिनी । असुरेन्द्रसुता सुभ्रूः परं कौतूहलं हि मे ॥

kathaṃ tu te sakhī dāsī kanyeyaṃ varavarṇinī | asurendrasutā subhrūḥ paraṃ kautūhalaṃ hi me

But how is this lovely maiden, the fair-browed daughter of the Asura king, your companion and your servant? I am very curious.

Verse 14 (1.75.14)

नैव देवी न गन्धर्वी न यक्षी न च किन्नरी । नैवंरूपा मया नारी दृष्टपूर्वा महीतले ॥

naiva devī na gandharvī na yakṣī na ca kinnarī | naivaṃrūpā mayā nārī dṛṣṭapūrvā mahītale

No goddess, no Gandharva woman, no Yakshi and no Kinnari: never before on earth have I seen a woman of such beauty.

Note on the text: Not in the critical edition (found in the vulgate recension). Removed stray wiki marks (backtick/quote marks).

Verse 15 (1.75.15)

श्रीरिवायतपद्माक्षी सर्वलक्षणशोभना । असुरेन्द्रसुता कन्या सर्वालङ्कारभूषिता ॥

śrīrivāyatapadmākṣī sarvalakṣaṇaśobhanā | asurendrasutā kanyā sarvālaṅkārabhūṣitā

Like Shri herself, with long lotus eyes and graced with every auspicious mark, this daughter of the Asura king is adorned with every ornament.

Note on the text: Not in the critical edition (found in the vulgate recension).

Verse 16 (1.75.16)

दैवेनोपहता सुभ्रूरुताहो तपसापि वा । अन्यथैषाऽनवद्याङ्गी दासी नेह भविष्यति ॥

daivenopahatā subhrūrutāho tapasāpi vā | anyathaiṣā'navadyāṅgī dāsī neha bhaviṣyati

Has this fair-browed one been struck down by fate, or perhaps by the power of some ascetic? Otherwise this flawless maiden would not be a servant here.

Note on the text: Not in the critical edition (found in the vulgate recension).

Verse 17 (1.75.17)

अस्या रूपेण ते रूपं न किंचित्सदृशं भवेत् । पुरा दुश्चरितेनेयं तव दासी भवत्यहो ॥

asyā rūpeṇa te rūpaṃ na kiṃcitsadṛśaṃ bhavet | purā duścariteneyaṃ tava dāsī bhavatyaho

Your beauty bears no comparison with hers. Ah, it must be some misdeed of hers in the past that has made her your servant.

Note on the text: Not in the critical edition (found in the vulgate recension). Removed stray wiki marks (backtick/quote marks).

Verse 18 (1.75.18)

सर्व एव नरश्रेष्ठ विधानमनुवर्तते । विधानविहितं मत्वा मा विचित्राः कथाः कृथाः ॥

sarva eva naraśreṣṭha vidhānamanuvartate | vidhānavihitaṃ matvā mā vicitrāḥ kathāḥ kṛthāḥ

Everyone, best of men, follows what destiny ordains. Take this as the work of destiny, and do not spin strange tales.

Note on the text: Restored the word break in कथाःकृथाः → कथाः कृथाः (misprint in Wikisource; two words run together).

Verse 19 (1.75.19)

राजवद्रूपवेषौ ते ब्राह्मीं वाचं बिभर्षि च । को नाम त्वं कुतश्चासि कस्य पुत्रश्च शंस मे ॥

rājavadrūpaveṣau te brāhmīṃ vācaṃ bibharṣi ca | ko nāma tvaṃ kutaścāsi kasya putraśca śaṃsa me

Your looks and dress are a king's, yet you speak the language of the Veda. What is your name, where do you come from, and whose son are you? Tell me.

Note on the text: Corrected शस → शंस (misprint in Wikisource; dropped anusvara, following the critical edition's śaṃsa).

Verse 20 (1.75.20)

ब्रह्मचर्येण वेदो मे कृत्स्नः श्रुतिपथं गतः । राजाहं राजपुत्रश्च ययातिरिति विश्रुतः ॥

brahmacaryeṇa vedo me kṛtsnaḥ śrutipathaṃ gataḥ | rājāhaṃ rājaputraśca yayātiriti viśrutaḥ

Through my years of celibate study the whole Veda has come within my hearing. I am a king and a king's son, known as Yayati.

Note on the text: Corrected ब्रहमचर्येण → ब्रह्मचर्येण and कृत्स्रः → कृत्स्नः (misprints in Wikisource; broken conjunct ह्म and स्र for स्न, following the critical edition's brahmacaryeṇa and kṛtsno). The word order वेदो मे कृत्स्नः is a recension variant and is kept.

Verse 21 (1.75.21)

केनास्यर्थेन नृपते इमं देशमुपागतः । जिघृक्षुर्वारिजं किंचिदथवा मृगलिप्सया ॥

kenāsyarthena nṛpate imaṃ deśamupāgataḥ | jighṛkṣurvārijaṃ kiṃcidathavā mṛgalipsayā

For what purpose have you come to this place, king? Did you want to pick some water-lily, or did you come in pursuit of deer?

Verse 22 (1.75.22)

मृगलिप्सुरहं भद्रे पानीयार्थमुपागतः । बहुधाऽप्यनुयुक्तोऽस्मि तदनुज्ञातुमर्हसि ॥

mṛgalipsurahaṃ bhadre pānīyārthamupāgataḥ | bahudhā'pyanuyukto'smi tadanujñātumarhasi

I was hunting deer, good lady, and came here for water. You have questioned me at length; now please give me leave to go.

Verse 23 (1.75.23)

द्वाभ्यां कन्यासहस्राभ्यां दास्या शर्मिष्ठया सह । त्वदधीनाऽस्मि भद्रं ते सखा भर्ता च मे भव ॥

dvābhyāṃ kanyāsahasrābhyāṃ dāsyā śarmiṣṭhayā saha | tvadadhīnā'smi bhadraṃ te sakhā bhartā ca me bhava

With the two thousand maidens and my servant Sharmishtha, I am yours to command. Blessings on you; be my friend and my husband.

Verse 24 (1.75.24)

असुरेन्द्रसुतामीक्ष्य तस्यां सक्तेन चेतसा । शर्मिष्ठा महिषी मह्यमिति मत्वा वचोऽब्रवीत् ॥

asurendrasutāmīkṣya tasyāṃ saktena cetasā | śarmiṣṭhā mahiṣī mahyamiti matvā vaco'bravīt

Gazing at the Asura king's daughter, his heart drawn to her, and thinking, "Sharmishtha will be my queen," Yayati spoke.

Note on the text: Not in the critical edition (found in the vulgate recension). Removed the speaker line वैशंपायन उवाच printed inside the verse and set the speaker to Vaishampayana (the input carried Devayani over). Removed stray wiki marks (backtick/quote marks).

Verse 25 (1.75.25)

विद्ध्यौशनसि भद्रं ते न त्वामर्होऽस्मि भामिनि । अविवाह्या हि राजानो देवयानि पितुस्तव ॥

viddhyauśanasi bhadraṃ te na tvāmarho'smi bhāmini | avivāhyā hi rājāno devayāni pitustava

Know this, daughter of Ushanas, and blessings on you: I am not worthy of you, spirited lady. Devayani, kings are not fit to marry into your father's house.

Verse 26 (1.75.26)

परभार्या स्वसा श्रेष्ठा सगोत्रा पतिता स्नुषा । अवरा भिक्षुकाऽस्वस्था अगम्याः कीर्तिता बुधैः ॥

parabhāryā svasā śreṣṭhā sagotrā patitā snuṣā | avarā bhikṣukā'svasthā agamyāḥ kīrtitā budhaiḥ

Another man's wife, an elder sister, a woman of one's own gotra, a fallen woman, a daughter-in-law, a woman of lower birth, a female mendicant and a woman who is ill: these the wise have declared forbidden.

Note on the text: Not in the critical edition (found in the vulgate recension). Removed stray wiki marks (backtick/quote marks).

Verse 27 (1.75.27)

संसृष्टं ब्रह्मणा क्षत्रं क्षत्रेण ब्रह्म संहितम् । अन्यत्वमस्ति न तयोरेकान्ततरमास्थिते । ऋषिश्चाप्यृषिपुत्रश्च नाहुषाङ्ग वहस्व माम् ॥

saṃsṛṣṭaṃ brahmaṇā kṣatraṃ kṣatreṇa brahma saṃhitam | anyatvamasti na tayorekāntataramāsthite | ṛṣiścāpyṛṣiputraśca nāhuṣāṅga vahasva mām

The Kshatriya is joined with the Brahmin, and the Brahmin is bound up with the Kshatriya; looked at in their inmost nature, there is no difference between them. You are a seer and a seer's son, son of Nahusha: marry me.

Note on the text: The middle line (अन्यत्वमस्ति न तयोः …) is not in the critical edition (found in the vulgate recension). Removed stray wiki marks (backtick/quote marks).

Verse 28 (1.75.28)

एकदेहोद्भवा वर्णाश्चत्वारोऽपि वराङ्गने । पृथग्धर्माः पृथक्शौचास्तेषां तु ब्राह्मणो वरः ॥

ekadehodbhavā varṇāścatvāro'pi varāṅgane | pṛthagdharmāḥ pṛthakśaucāsteṣāṃ tu brāhmaṇo varaḥ

Though the four varnas sprang from a single body, fair lady, each has its own dharma and its own rules of purity, and among them the Brahmin is the highest.

Verse 29 (1.75.29)

पाणिधर्मो नाहुषाऽयं न पुंभिः सेवितः पुरा । तं मे त्वमग्रहीरग्रे वृणोमि त्वामहं ततः ॥

pāṇidharmo nāhuṣā'yaṃ na puṃbhiḥ sevitaḥ purā | taṃ me tvamagrahīragre vṛṇomi tvāmahaṃ tataḥ

This is the law of the taking of the hand, son of Nahusha, and no man had done it to me before. You took my hand first, and so I choose you.

Note on the text: Corrected पाणि धर्मो → पाणिधर्मो (misprint in Wikisource; a compound split by a stray space, leaving पाणि without case ending; following the critical edition's pāṇidharmo).

Verse 30 (1.75.30)

कथं नु मे मनस्विन्याः पाणिमन्यः पुमान्स्पृशेत् । गृहीतमृषिपुत्रेण स्वयं वाप्यृषिणा त्वया ॥

kathaṃ nu me manasvinyāḥ pāṇimanyaḥ pumānspṛśet | gṛhītamṛṣiputreṇa svayaṃ vāpyṛṣiṇā tvayā

How could another man touch the hand of a proud woman like me, once it has been taken by you, a seer's son and a seer yourself?

Verse 31 (1.75.31)

क्रुद्धादाशीविषात्सर्पाज्ज्वलनात्सर्वतोमुखात् । दुराधर्षतरो विप्रो ज्ञेयः पुंसा विजानता ॥

kruddhādāśīviṣātsarpājjvalanātsarvatomukhāt | durādharṣataro vipro jñeyaḥ puṃsā vijānatā

A man of understanding should know that a Brahmin is harder to assail than an angry venomous snake or a fire blazing on every side.

Verse 32 (1.75.32)

कथमाशीविषात्सर्पाज्ज्वलनात्सर्वतोमुखात् । दुराधर्षतरो विप्र इत्यात्थ पुरुषर्षभ ॥

kathamāśīviṣātsarpājjvalanātsarvatomukhāt | durādharṣataro vipra ityāttha puruṣarṣabha

Why do you say, bull among men, that a Brahmin is harder to assail than a venomous snake or a fire blazing on every side?

Verse 33 (1.75.33)

एकमाशीविषो हन्ति शस्त्रेणैकश्च वध्यते । हन्ति विप्रः सराष्ट्राणि पुराण्यपि हि कोपितः ॥

ekamāśīviṣo hanti śastreṇaikaśca vadhyate | hanti vipraḥ sarāṣṭrāṇi purāṇyapi hi kopitaḥ

A venomous snake kills only one, and a weapon strikes down only one; but a Brahmin, once angered, destroys cities along with whole kingdoms.

Verse 34 (1.75.34)

दुराधर्षतरो विप्रस्तस्माद्भीरु मतो मम । अतोऽदत्तां च पित्रा त्वां भद्रे न विवहाम्यहम् ॥

durādharṣataro viprastasmādbhīru mato mama | ato'dattāṃ ca pitrā tvāṃ bhadre na vivahāmyaham

That is why, timid one, I hold a Brahmin to be harder to assail. And so, good lady, I will not marry you unless your father gives you to me.

Verse 35 (1.75.35)

दत्तां वहस्व तन्मा त्वं पित्रा राजन्वृतो मया । अयाचतो भयं नास्ति दत्तां च प्रतिगृह्णतः ॥

dattāṃ vahasva tanmā tvaṃ pitrā rājanvṛto mayā | ayācato bhayaṃ nāsti dattāṃ ca pratigṛhṇataḥ

Then marry me once my father has given me, king, for I have chosen you. One who has not asked, and who accepts what is given, has nothing to fear.

Note on the text: Corrected आयचतो → अयाचतो (misprint in Wikisource; vowel signs transposed, following the critical edition's ayācato).

Verse 36 (1.75.36)

तिष्ठ राजन्मुहूर्तं च प्रेषयिष्याम्यहं पितुः । गच्छ त्वं धात्रिके शीघ्रं ब्रह्मकल्पमिहानय । स्वयंवरे वृतं शीघ्रं निवेदय च नाहुषम् ॥

tiṣṭha rājanmuhūrtaṃ ca preṣayiṣyāmyahaṃ pituḥ | gaccha tvaṃ dhātrike śīghraṃ brahmakalpamihānaya | svayaṃvare vṛtaṃ śīghraṃ nivedaya ca nāhuṣam

Wait a moment, king; I shall send word to my father. Nurse, go quickly and bring here my father, who is like Brahma himself, and tell him at once that I have chosen Nahusha's son in a self-choice.

Note on the text: Not in the critical edition (found in the vulgate recension). Removed stray wiki marks (backtick/quote marks).

Verse 37 (1.75.37)

त्वरितं देवयान्याथ संदिष्टं पितुरात्मनः । सर्वं निवेदयामास धात्री तस्मै यथातथम् ॥

tvaritaṃ devayānyātha saṃdiṣṭaṃ piturātmanaḥ | sarvaṃ nivedayāmāsa dhātrī tasmai yathātatham

The nurse went quickly and told Devayani's father everything his daughter had sent her to say, exactly as it had happened.

Note on the text: The first line is the critical edition's 1.76.27ab; the second line (सर्वं निवेदयामास …) is not in the critical edition (found in the vulgate recension).

Verse 38 (1.75.38)

श्रुत्वैव च स राजानं दर्शयामास भार्गवः । दृष्ट्वैव चागतं शुक्रं ययातिः पृथिवीपतिः । ववन्दे ब्राह्मणं काव्यं प्राञ्जलिः प्रणतः स्थितः ॥

śrutvaiva ca sa rājānaṃ darśayāmāsa bhārgavaḥ | dṛṣṭvaiva cāgataṃ śukraṃ yayātiḥ pṛthivīpatiḥ | vavande brāhmaṇaṃ kāvyaṃ prāñjaliḥ praṇataḥ sthitaḥ

As soon as he heard it, Bhargava came and showed himself to the king. When Yayati, lord of the earth, saw Shukra arrive, he saluted the Brahmin Kavya and stood with folded hands, bowing low.

Note on the text: Lines correspond to the critical edition's 1.76.27cd–28.

Verse 39 (1.75.39)

राजायं नाहुषस्तात दुर्गमे पाणिमग्रहीत् । नान्यपूर्वगृहीतं मे तेनाहमभया कृता । नमस्ते देहि मामस्मै लोके नान्यं पतिं वृणे ॥

rājāyaṃ nāhuṣastāta durgame pāṇimagrahīt | nānyapūrvagṛhītaṃ me tenāhamabhayā kṛtā | namaste dehi māmasmai loke nānyaṃ patiṃ vṛṇe

Father, this king, Nahusha's son, took my hand in a place hard to reach. No one had taken it before, and he delivered me from fear. I bow to you: give me to him. I will choose no other husband in the world.

Note on the text: The middle line (नान्यपूर्वगृहीतं मे …) is not in the critical edition (found in the vulgate recension).

Verse 40 (1.75.40)

अन्यो धर्मः प्रियस्त्वन्यो वृतस्ते नाहुषः पतिः । कचशापात्त्वया पूर्वं नान्यद्भवितुमर्हति ॥

anyo dharmaḥ priyastvanyo vṛtaste nāhuṣaḥ patiḥ | kacaśāpāttvayā pūrvaṃ nānyadbhavitumarhati

Dharma is one thing and what one loves is another; yet you have chosen Nahusha's son as your husband. Because of Kacha's curse long ago, nothing else could have come to pass.

Note on the text: Not in the critical edition (found in the vulgate recension).

Verse 41 (1.75.41)

वृतोऽनया पतिर्वीर सुतया त्वं ममेष्टया । स्वयं ग्रहे महान्दोषो ब्राह्मण्या वर्णसंकरात् । गृहाणेमां मया दत्तां महिषीं नहुषात्मज ॥

vṛto'nayā patirvīra sutayā tvaṃ mameṣṭayā | svayaṃ grahe mahāndoṣo brāhmaṇyā varṇasaṃkarāt | gṛhāṇemāṃ mayā dattāṃ mahiṣīṃ nahuṣātmaja

Hero, this beloved daughter of mine has chosen you as her husband. When a Brahmin woman chooses for herself there is great fault, for the varnas are mixed; so take her, son of Nahusha, as your queen, given to you by me.

Note on the text: The middle line (स्वयं ग्रहे महान्दोषो …) is not in the critical edition (found in the vulgate recension).

Verse 42 (1.75.42)

अधर्मो न स्पृशेदेष महान्मामिह भार्गव । वर्णसंकरजो ब्रह्मन्निति त्वां प्रवृणोम्यहम् ॥

adharmo na spṛśedeṣa mahānmāmiha bhārgava | varṇasaṃkarajo brahmanniti tvāṃ pravṛṇomyaham

Bhargava, let not this great wrong, born of the mixing of the varnas, touch me here. That, Brahmin, is the boon I ask of you.

Verse 43 (1.75.43)

अधर्मात्त्वां विमुञ्चामि शृणु त्वं वरमीप्सितम् । अस्मिन्विवाहे मा म्लासीरहं पापं नुदामि ते ॥

adharmāttvāṃ vimuñcāmi śṛṇu tvaṃ varamīpsitam | asminvivāhe mā mlāsīrahaṃ pāpaṃ nudāmi te

I release you from the wrong; hear the boon you wished for. Do not be troubled by this marriage: I take away your sin.

Verse 44 (1.75.44)

वहस्व भार्यां धर्मेण देवयानीं सुमध्यमाम् । अनया सह संप्रीतिमतुलां समवाप्नुहि ॥

vahasva bhāryāṃ dharmeṇa devayānīṃ sumadhyamām | anayā saha saṃprītimatulāṃ samavāpnuhi

Take the slender-waisted Devayani lawfully as your wife, and find with her a joy beyond compare.

Verse 45 (1.75.45)

इयं चापि कुमारी ते शर्मिष्ठा वार्षपर्वणी । संपूज्या सततं राजन्मा चैनां शयने ह्वयेः ॥

iyaṃ cāpi kumārī te śarmiṣṭhā vārṣaparvaṇī | saṃpūjyā satataṃ rājanmā caināṃ śayane hvayeḥ

This maiden too, Sharmishtha, daughter of Vrishaparvan, you must always treat with honour, king; but do not call her to your bed.

Verse 46 (1.75.46)

रहस्येनां समाहूय न वदेर्न च संस्पृशेः । वहस्व भार्यां भद्रं ते यथा काममवाप्स्यसि ॥

rahasyenāṃ samāhūya na vaderna ca saṃspṛśeḥ | vahasva bhāryāṃ bhadraṃ te yathā kāmamavāpsyasi

Do not call her to you in private, nor speak with her nor touch her. Marry your wife; blessings on you, and you will have what you desire.

Note on the text: Not in the critical edition (found in the vulgate recension).

Verse 47 (1.75.47)

एवमुक्तो ययातिस्तु शुक्रं कृत्वा प्रदक्षिणम् । शास्त्रोक्तविधिना राजा विवाहमकरोच्छुभम् ॥

evamukto yayātistu śukraṃ kṛtvā pradakṣiṇam | śāstroktavidhinā rājā vivāhamakarocchubham

So addressed, King Yayati walked around Shukra in reverence and performed the auspicious marriage by the rite the scriptures lay down.

Note on the text: The first line is the critical edition's 1.76.35ab; the second line (शास्त्रोक्तविधिना …) is not in the critical edition (found in the vulgate recension).

Verse 48 (1.75.48)

लब्ध्वा शुक्रान्महद्वित्तं देवयानीं तदोत्तमाम् । द्विसहस्रेण कन्यानां तथा शर्मिष्ठया सह ॥

labdhvā śukrānmahadvittaṃ devayānīṃ tadottamām | dvisahasreṇa kanyānāṃ tathā śarmiṣṭhayā saha

He received from Shukra great wealth and the excellent Devayani, together with the two thousand maidens and Sharmishtha as well.

Note on the text: Not in the critical edition (found in the vulgate recension).

Verse 49 (1.75.49)

संपूजितश्च शुक्रेण दैत्यैश्च नृपसत्तमः । जगाम स्वपुरं हृष्टोऽनुज्ञातोऽथ महात्मना ॥

saṃpūjitaśca śukreṇa daityaiśca nṛpasattamaḥ | jagāma svapuraṃ hṛṣṭo'nujñāto'tha mahātmanā

Honoured by Shukra and by the Daityas, that best of kings took leave of the great-souled sage and went joyfully to his own city.

Note on the text: The first line (संपूजितश्च शुक्रेण …) is not in the critical edition (found in the vulgate recension); the second line is its 1.76.35cd.