Shakuntala Pleads Her Case Before Dushyanta

Verse 1 (1.98.1)

एवमुक्ता वरारोहा व्रीडितेव मनस्विनी । विसंज्ञेव च दुःखेन तस्थौ स्थूणेव निश्चला ॥

evamuktā varārohā vrīḍiteva manasvinī | visaṃjñeva ca duḥkhena tasthau sthūṇeva niścalā

Spoken to in this way, the fair-hipped, high-minded woman stood as if ashamed, as if stunned with grief, motionless as a post.

Note on the text: Restored from the Wikisource page itself (its verse 1-98-1), which the extraction had dropped from the input; = critical edition 1.68.20 (there सैवमुक्ता … स्थाणुरिवाचला). Speaker set to Vaishampayana: narration, with no speaker line printed in Wikisource for this adhyaya.

Verse 2 (1.98.2)

संरम्भामर्षताम्राक्षी स्फुरमाणोष्ठसंपुटा । कटाक्षैर्निर्दहन्तीव तिर्यग्राजानमैक्षत ॥

saṃrambhāmarṣatāmrākṣī sphuramāṇoṣṭhasaṃpuṭā | kaṭākṣairnirdahantīva tiryagrājānamaikṣata

Her eyes red with rage and indignation, her lips trembling, she looked sideways at the king as though she would burn him with her glances.

Verse 3 (1.98.3)

आकारं गूहमाना च मन्युना च समीरितम् । तपसा संभृतं तेजो धारयामास वै तदा ॥

ākāraṃ gūhamānā ca manyunā ca samīritam | tapasā saṃbhṛtaṃ tejo dhārayāmāsa vai tadā

Hiding the signs of her feelings, she held in check the fiery energy she had gathered through austerity, which her anger had stirred up.

Verse 4 (1.98.4)

सा मुहूर्तमिव ध्यात्वा दुःखामर्षसमन्विता । भर्तारमभिसंप्रेक्ष्य यथान्यायं वचोऽब्रवीत् ॥

sā muhūrtamiva dhyātvā duḥkhāmarṣasamanvitā | bhartāramabhisaṃprekṣya yathānyāyaṃ vaco'bravīt

For a moment she seemed to brood, filled with grief and indignation; then, looking at her husband, she spoke as was fitting.

Verse 5 (1.98.5)

जानन्नपि महाराज कस्मादेवं प्रभाषसे । न जानामीति निःशङ्कं यथान्यः प्राकृतस्तथा ॥

jānannapi mahārāja kasmādevaṃ prabhāṣase | na jānāmīti niḥśaṅkaṃ yathānyaḥ prākṛtastathā

Great king, you know the truth; why then do you speak like this, saying without a qualm, "I do not know," as any common man might?

Note on the text: Speaker set to Shakuntala: her reply begins here (introduced by वचोऽब्रवीत् in the previous verse; no speaker line in Wikisource or the critical edition) and runs to verse 82.

Verse 6 (1.98.6)

तस्य ते हृदयं वेद सत्यस्यैवानृतस्य च । साक्षिणं बत कल्याणमात्मानमवमन्यसे ॥

tasya te hṛdayaṃ veda satyasyaivānṛtasya ca | sākṣiṇaṃ bata kalyāṇamātmānamavamanyase

Your heart knows what is true and what is false in this. Alas, you are slighting your own self, your good witness.

Verse 7 (1.98.7)

योऽन्यथा सन्तमात्मानमन्यथा प्रतिपद्यते । किं तेन न कृतं पापं चोरेणात्मापहारिणा ॥

yo'nyathā santamātmānamanyathā pratipadyate | kiṃ tena na kṛtaṃ pāpaṃ coreṇātmāpahāriṇā

He who passes himself off as other than he truly is: what sin has such a thief, who robs his own self, not committed?

Note on the text: Corrected सन्तमात्मानन्यथा → सन्तमात्मानमन्यथा (misprint in Wikisource; dropped म, as in the critical edition's santam ātmānam anyathā).

Verse 8 (1.98.8)

एकोऽहमस्मीति च मन्यसे त्वं । न हृच्छयं वेत्सि मुनिं पुराणम् । यो वेदिता कर्मणः पापकस्य । तस्यान्तिके त्वं वृजिनं करोषि ॥

eko'hamasmīti ca manyase tvaṃ | na hṛcchayaṃ vetsi muniṃ purāṇam | yo veditā karmaṇaḥ pāpakasya | tasyāntike tvaṃ vṛjinaṃ karoṣi

You think, "I am alone," but you do not know the ancient sage who dwells in the heart. He knows every evil deed, and it is in his very presence that you do wrong.

Verse 9 (1.98.9)

धर्म एव हि साधूनां सर्वेषां हितकारणम् । नित्यं मिथ्याविहीनानां न च दुःखावहो भवेत् ॥

dharma eva hi sādhūnāṃ sarveṣāṃ hitakāraṇam | nityaṃ mithyāvihīnānāṃ na ca duḥkhāvaho bhavet

For all good people, dharma alone is the source of their welfare; for those who are ever free of falsehood, it never brings sorrow.

Note on the text: Removed stray wiki quote marks (` and '). Not in the critical edition (found in the vulgate recension); the critical edition gives it only in its apparatus, star passage 638* (after 1.68.27).

Verse 10 (1.98.10)

मन्यते पापकं कृत्वा न कश्चिद्वेत्ति मामिति । विदन्ति चैनं देवाश्च यश्चैवान्तरपूरुषः ॥

manyate pāpakaṃ kṛtvā na kaścidvetti māmiti | vidanti cainaṃ devāśca yaścaivāntarapūruṣaḥ

Having done evil, a man thinks, "No one knows me." But the gods know him, and so does the Person within.

Verse 11 (1.98.11)

आदित्यचन्द्रावनिलोऽनलश्च । द्यौर्भूमिरापो हृदयं यमश्च । अहश्च रात्रिश्च उभे च सन्ध्ये । धर्मश्च जानाति नरस्य वृत्तम् ॥

ādityacandrāvanilo'nalaśca | dyaurbhūmirāpo hṛdayaṃ yamaśca | ahaśca rātriśca ubhe ca sandhye | dharmaśca jānāti narasya vṛttam

The sun and the moon, wind and fire, sky, earth and the waters, the heart and Yama, day and night and both twilights, and Dharma: these know a man's conduct.

Verse 12 (1.98.12)

यमो वैवस्वतस्तस्य निर्यातयति दुष्कृतम् । हृदि स्थितः कर्मसाक्षी क्षेत्रज्ञो यस्य तुष्यति ॥

yamo vaivasvatastasya niryātayati duṣkṛtam | hṛdi sthitaḥ karmasākṣī kṣetrajño yasya tuṣyati

Yama, son of Vivasvat, wipes away the misdeeds of the man with whom the knower of the field, the witness of deeds seated in the heart, is pleased.

Verse 13 (1.98.13)

न तुष्यति च यस्यैष पुरुषस्य दुरात्मनः । तं यमः पापकर्माणं निर्भर्त्सयति दुष्कृतम् ॥

na tuṣyati ca yasyaiṣa puruṣasya durātmanaḥ | taṃ yamaḥ pāpakarmāṇaṃ nirbhartsayati duṣkṛtam

But the wicked man with whom this inner witness is not pleased, that evildoer Yama upbraids for his misdeeds.

Verse 14 (1.98.14)

योऽवमत्यात्मनात्मानमन्यथा प्रतिपद्यते । न तस्य देवाः श्रेयांसो यस्यात्मापि न कारणम् ॥

yo'vamatyātmanātmānamanyathā pratipadyate | na tasya devāḥ śreyāṃso yasyātmāpi na kāraṇam

He who scorns his own self and passes himself off as something other: the gods do him no good, for not even his own self stands by him.

Verse 15 (1.98.15)

स्वयं प्राप्तेति मामेवं मावमंस्था पतिव्रताम् । अर्चार्हां नार्चयसि मां स्वयं भार्यामुपस्थिताम् ॥

svayaṃ prāpteti māmevaṃ māvamaṃsthā pativratām | arcārhāṃ nārcayasi māṃ svayaṃ bhāryāmupasthitām

Do not scorn me so, a faithful wife, because I came of my own accord. I deserve honour, yet you do not honour me, your own wife, who has come to you herself.

Verse 16 (1.98.16)

किमर्थं मां प्राकृतवदुपप्रेक्षसि संसदि । नखल्वहमिदं शून्ये रौमि किं न शृणोषि मे ॥

kimarthaṃ māṃ prākṛtavadupaprekṣasi saṃsadi | nakhalvahamidaṃ śūnye raumi kiṃ na śṛṇoṣi me

Why do you look past me in this assembly as though I were a common woman? I am surely not crying out in an empty wilderness. Do you not hear me?

Verse 17 (1.98.17)

यदि मे याचमानाया वचनं न करिष्यसि । दुष्यन्त शतधा त्वद्य मूर्धा ते विफलिष्यति ॥

yadi me yācamānāyā vacanaṃ na kariṣyasi | duṣyanta śatadhā tvadya mūrdhā te viphaliṣyati

If you will not do what I ask, Dushyanta, as I plead with you, your head will burst into a hundred pieces this very day.

Verse 18 (1.98.18)

जायां पतिः संप्रविश्य यदस्यां जायते पुनः । जायायास्तद्धि जायात्वं पौराणाः कवयो विदुः ॥

jāyāṃ patiḥ saṃpraviśya yadasyāṃ jāyate punaḥ | jāyāyāstaddhi jāyātvaṃ paurāṇāḥ kavayo viduḥ

The husband enters his wife and is born again from her. That is what makes a wife a jaya, "she in whom one is born," as the poets of old know.

Verse 19 (1.98.19)

यदागमवतः पुंसस्तदपत्यं प्रजायते । तत्तारयति संतत्या पूर्वप्रेतान्पितामहान् ॥

yadāgamavataḥ puṃsastadapatyaṃ prajāyate | tattārayati saṃtatyā pūrvapretānpitāmahān

The child born to a man versed in the sacred tradition carries his forefathers, the ancestors long dead, across to safety by continuing the line.

Verse 20 (1.98.20)

पुन्नाम्नो नरकाद्यस्मात्पितरं त्रायते सुतः । तस्मात्पुत्र इति प्रोक्तः पूर्वमेव स्वयंभुवा ॥

punnāmno narakādyasmātpitaraṃ trāyate sutaḥ | tasmātputra iti proktaḥ pūrvameva svayaṃbhuvā

Because a son rescues his father from the hell called Put, the Self-born himself named him putra long ago.

Verse 21 (1.98.21)

पुत्रेण लोकाञ्जयन्ति पौत्रेणानन्त्यमश्नुते । अथ पौत्रस्य पुत्रेण मोदन्ते प्रपितामहाः ॥

putreṇa lokāñjayanti pautreṇānantyamaśnute | atha pautrasya putreṇa modante prapitāmahāḥ

Through a son men win the worlds; through a grandson one gains endless life; and through a grandson's son the great-grandfathers rejoice.

Note on the text: Removed stray wiki quote marks (` and '). Not in the critical edition (found in the vulgate recension); the critical edition gives it only in its apparatus, star passage 639* (after 1.68.38).

Verse 22 (1.98.22)

सा भार्या या गृहे दक्षा सा भार्या या प्रजावती । सा भार्या या पतिप्राणा सा भार्या या पतिव्रता ॥

sā bhāryā yā gṛhe dakṣā sā bhāryā yā prajāvatī | sā bhāryā yā patiprāṇā sā bhāryā yā pativratā

She is a wife who is capable in the home; she is a wife who bears children; she is a wife whose life is her husband; she is a wife who is faithful to her husband.

Verse 23 (1.98.23)

अर्धं भार्या मनुष्यस्य भार्या श्रेष्ठतमः सखा । भार्या मूलं त्रिवर्गस्य यः सभार्यः स बन्धुमान् ॥

ardhaṃ bhāryā manuṣyasya bhāryā śreṣṭhatamaḥ sakhā | bhāryā mūlaṃ trivargasya yaḥ sabhāryaḥ sa bandhumān

A wife is half of a man; a wife is his dearest friend; a wife is the root of the three aims of life; he who has a wife has kin.

Verse 24 (1.98.24)

भार्यावन्तः क्रियावन्तः सभार्या गृहमेधिनः । भार्यावन्तः प्रमोदन्ते भार्यावन्तः श्रियावृताः ॥

bhāryāvantaḥ kriyāvantaḥ sabhāryā gṛhamedhinaḥ | bhāryāvantaḥ pramodante bhāryāvantaḥ śriyāvṛtāḥ

Men with wives can perform the sacred rites; men with wives are householders; men with wives are happy; men with wives are blessed with prosperity.

Note on the text: Matched by hand: = critical edition 1.68.41 (the automatic alignment missed it), with श्रियावृताः for śriyānvitāḥ.

Verse 25 (1.98.25)

सखायः प्रविविक्तेषु भवन्त्येताः प्रियंवदाः । पितरो धर्मकार्येषु भवन्त्यार्तस्य मातरः ॥

sakhāyaḥ pravivikteṣu bhavantyetāḥ priyaṃvadāḥ | pitaro dharmakāryeṣu bhavantyārtasya mātaraḥ

In solitude these sweet-spoken women are companions; in the duties of dharma they are like fathers; to a man in distress they are mothers.

Verse 26 (1.98.26)

कान्तारेष्वपि विश्रामो जनस्याध्वनिकस्य वै । यः सदारः स विश्वास्यस्तस्माद्दाराः परा गतिः ॥

kāntāreṣvapi viśrāmo janasyādhvanikasya vai | yaḥ sadāraḥ sa viśvāsyastasmāddārāḥ parā gatiḥ

Even in the wilderness she is a resting place for a man on a journey. A man with a wife is trusted; therefore a wife is the highest refuge.

Note on the text: Corrected जनस्याध्वनि कस्य → जनस्याध्वनिकस्य (misprint in Wikisource; a space splits the word अध्वनिक, "traveller", as in the critical edition's adhvanikasya).

Verse 27 (1.98.27)

संसरन्तमभिप्रेतं विषमेष्वेकपातिनम् । भार्यैवान्वेति भर्तारं सततं या पतिव्रता ॥

saṃsarantamabhipretaṃ viṣameṣvekapātinam | bhāryaivānveti bhartāraṃ satataṃ yā pativratā

When her beloved husband wanders through the round of births, falling alone into hard places, it is the ever-faithful wife alone who follows him.

Verse 28 (1.98.28)

प्रथमं संस्थिता भार्या पतिं प्रेत्य प्रतीक्षते । पूर्वप्रेतं तु भर्तारं पश्चात्साप्यनुगच्छति ॥

prathamaṃ saṃsthitā bhāryā patiṃ pretya pratīkṣate | pūrvapretaṃ tu bhartāraṃ paścātsāpyanugacchati

If the wife dies first, she goes ahead and waits for her husband; if the husband dies first, she follows him afterwards.

Verse 29 (1.98.29)

एतस्मात्कारणाद्राजन्पाणिग्रहणमिष्यते । यदाप्नोति पतिर्भार्यामिह लोके परत्र च ॥

etasmātkāraṇādrājanpāṇigrahaṇamiṣyate | yadāpnoti patirbhāryāmiha loke paratra ca

For this reason, O king, marriage is sought: so that a husband may have his wife both in this world and in the next.

Verse 30 (1.98.30)

पोषणार्थं शरीरस्य पाथेयं स्वर्गतस्य वै । आत्माऽऽत्मनैव जनितः पुत्र इत्युच्यते बुधैः ॥

poṣaṇārthaṃ śarīrasya pātheyaṃ svargatasya vai | ātmā''tmanaiva janitaḥ putra ityucyate budhaiḥ

She is nourishment for the body and provision for the road for one who has gone to heaven. The wise say that a son is one's own self, born of oneself.

Note on the text: Removed stray wiki quote marks (` and '). The first line is not in the critical edition (found in the vulgate recension; star passage 641*, after 1.68.46); the second = 1.68.47a.

Verse 31 (1.98.31)

तस्माद्भार्यां पतिः पश्येन्मातृवत्पुत्रमातरम् । अन्तरात्मैव सर्वस्य पुत्रो नामोच्यते सदा ॥

tasmādbhāryāṃ patiḥ paśyenmātṛvatputramātaram | antarātmaiva sarvasya putro nāmocyate sadā

Therefore a husband should look upon the mother of his son as he would upon his own mother. The inner self of every man is always what is called his son.

Note on the text: Removed stray wiki quote marks (` and '). The first line = 1.68.47c (पतिः for naraḥ); the second is not in the critical edition (found in the vulgate recension; star passage 642*, after 1.68.47).

Verse 32 (1.98.32)

गती रूपं च चेष्टा च आवर्ता लक्षणानि च । पितॄणां यानि दृश्यन्ते पुत्राणां सन्ति तानि च ॥

gatī rūpaṃ ca ceṣṭā ca āvartā lakṣaṇāni ca | pitṝṇāṃ yāni dṛśyante putrāṇāṃ santi tāni ca

The gait, the looks, the gestures, the whorls of hair and the bodily marks seen in fathers are found in their sons as well.

Note on the text: Not in the critical edition (found in the vulgate recension); the critical edition gives it only in its apparatus, star passage 642* (after 1.68.47).

Verse 33 (1.98.33)

तेषां शीलगुणाचारास्तत्संपर्काच्छुभाशुभात् । भार्यायां जनितं पुत्रमादर्शे स्वमिवाननम् ॥

teṣāṃ śīlaguṇācārāstatsaṃparkācchubhāśubhāt | bhāryāyāṃ janitaṃ putramādarśe svamivānanam

Their character, virtues and conduct too come from that bond, good or bad. Seeing a son born of his wife, like his own face in a mirror,

Note on the text: Removed stray wiki quote marks (` and '). The first line is not in the critical edition (found in the vulgate recension; star passage 642*, after 1.68.47); the second = 1.68.48a.

Verse 34 (1.98.34)

जनिता मोदते प्रेक्ष्य स्वर्गं प्राप्येव पुण्यकृत् । पतिव्रतारूपधराः परबीजस्य संग्रहात् ॥

janitā modate prekṣya svargaṃ prāpyeva puṇyakṛt | pativratārūpadharāḥ parabījasya saṃgrahāt

the father rejoices at the sight, like a man of merit who has reached heaven. Women who wear the look of faithful wives but take in another man's seed

Note on the text: Removed stray wiki quote marks (` and '). The first line = 1.68.48c (मोदते for hlādate); the second is not in the critical edition (found in the vulgate recension; star passage 643*, after 1.68.48).

Verse 35 (1.98.35)

कुलं विनाश्य भर्तॄणां नरकं यान्ति दारुणम् । परेण जनिताः पुत्राः स्वभार्यायां यथेष्टतः ॥

kulaṃ vināśya bhartṝṇāṃ narakaṃ yānti dāruṇam | pareṇa janitāḥ putrāḥ svabhāryāyāṃ yatheṣṭataḥ

destroy their husbands' families and go to a dreadful hell. Sons begotten by another man on one's own wife, at will,

Note on the text: Not in the critical edition (found in the vulgate recension); the critical edition gives it only in its apparatus, star passage 643* (after 1.68.48).

Verse 36 (1.98.36)

मम पुत्रा इति मतास्ते पुत्रा अपि शत्रवः । द्विषन्ति प्रतिकुर्वन्ति न ते वचनंकारिणः ॥

mama putrā iti matāste putrā api śatravaḥ | dviṣanti pratikurvanti na te vacanaṃkāriṇaḥ

though taken to be "my sons," are enemies even as sons. They hate him, they work against him, and they do not do as he bids.

Note on the text: Not in the critical edition (found in the vulgate recension); the critical edition gives it only in its apparatus, star passage 643* (after 1.68.48).

Verse 37 (1.98.37)

द्वेष्टि तांश्च पिता चापि स्वबीजे न तथा नृप । न द्वेष्टि पितरं पुत्रो जनितारमथापि वा ॥

dveṣṭi tāṃśca pitā cāpi svabīje na tathā nṛpa | na dveṣṭi pitaraṃ putro janitāramathāpi vā

And the father too hates them, O king, as he does not hate the offspring of his own seed. A son does not hate his father, the man who begot him,

Note on the text: Not in the critical edition (found in the vulgate recension); the critical edition gives it only in its apparatus, star passage 643* (after 1.68.48).

Verse 38 (1.98.38)

न द्वेष्टि जनिता पुत्रं तस्मादात्मा सुतो भवेत् । दह्यमाना मनोदुःखैर्व्याधिभिस्तुमुलैर्जनः ॥

na dveṣṭi janitā putraṃ tasmādātmā suto bhavet | dahyamānā manoduḥkhairvyādhibhistumulairjanaḥ

nor does the begetter hate his son; therefore a son is one's own self. Men burned by the sorrows of the mind and by violent illnesses

Note on the text: Removed stray wiki quote marks (` and '). The first line is not in the critical edition (found in the vulgate recension; star passage 643*, after 1.68.48); the second = 1.68.49a, in a variant form.

Verse 39 (1.98.39)

ह्लादन्ते स्वेषु दारेषु घर्मार्ताः सलिलेष्विव । विप्रवासकृशा दीना नरा मलिनवाससः ॥

hlādante sveṣu dāreṣu gharmārtāḥ salileṣviva | vipravāsakṛśā dīnā narā malinavāsasaḥ

find comfort in their own wives, as those parched by the heat do in water. Men wasted and wretched from living away from home, in soiled clothes,

Note on the text: Removed stray wiki quote marks (` and '). The first line = 1.68.49c; the second is not in the critical edition (found in the vulgate recension; star passage 644*, after 1.68.49).

Verse 40 (1.98.40)

तेऽपि स्वदारांस्तुष्यन्ति दरिद्रा धनलाभवत् । अप्रियोक्तोऽपि दाराणां न ब्रूयादप्रियं बुधः ॥

te'pi svadārāṃstuṣyanti daridrā dhanalābhavat | apriyokto'pi dārāṇāṃ na brūyādapriyaṃ budhaḥ

even they delight in their own wives, like the poor on finding wealth. Even when spoken to unkindly, a wise man should not speak unkindly to his wife,

Note on the text: Removed stray wiki quote marks (` and '). Corrected अप्रियोक्तोपि → अप्रियोक्तोऽपि (misprint in Wikisource; missing avagraha). The first line is not in the critical edition (found in the vulgate recension; star passage 644*, after 1.68.49); the second = 1.68.50a, in a variant form.

Verse 41 (1.98.41)

रतिं प्रीतिं च धर्मं च तदायत्तमवेक्ष्य च । आत्मनोऽर्धमिति श्रौतं सा रक्षति धनं प्रजाः ॥

ratiṃ prītiṃ ca dharmaṃ ca tadāyattamavekṣya ca | ātmano'rdhamiti śrautaṃ sā rakṣati dhanaṃ prajāḥ

seeing that love, joy and dharma depend on her. Scripture says she is half of one's self; she guards wealth and offspring,

Note on the text: Removed stray wiki quote marks (` and '). The first line = 1.68.50c (तदायत्तम् for tāsv āyattam); the second is not in the critical edition (found in the vulgate recension; star passage 645*, after 1.68.50).

Verse 42 (1.98.42)

शरीरं लोकयात्रां वै धर्मं स्वर्गमृषीन्पितॄन् । आत्मनो जन्मनः क्षेत्रं पुण्या रामाः सनातनाः ॥

śarīraṃ lokayātrāṃ vai dharmaṃ svargamṛṣīnpitṝn | ātmano janmanaḥ kṣetraṃ puṇyā rāmāḥ sanātanāḥ

the body, the course of worldly life, dharma, heaven, the sages and the ancestors. Women are the sacred, eternal field of one's own birth.

Note on the text: Removed stray wiki quote marks (` and '). The first line is not in the critical edition (found in the vulgate recension; star passage 645*, after 1.68.50); the second = 1.68.51a, in a variant form.

Verse 43 (1.98.43)

ऋषीणामपि का शक्तिः स्रष्टुं रामामृते प्रजाः । देवानामपि का शक्तिः कर्तुं संभवमात्मनः ॥

ṛṣīṇāmapi kā śaktiḥ sraṣṭuṃ rāmāmṛte prajāḥ | devānāmapi kā śaktiḥ kartuṃ saṃbhavamātmanaḥ

What power have even the sages to create offspring without a woman? What power have even the gods to bring about their own birth?

Note on the text: Removed stray wiki quote marks (` and '). Corrected प्रजा- → प्रजाः (misprint in Wikisource; a stray hyphen in place of the visarga, as in the critical edition's prajāḥ). The first line = 1.68.51c; the second is not in the critical edition (found in the vulgate recension; star passage 646*, after 1.68.51).

Verse 44 (1.98.44)

पण्डितस्यापि लोकेषु स्त्रीषु सृष्टिः प्रतिष्ठिता । ऋषिभ्यो ह्यृषयः केचिच्चण्डालीष्वपि जज्ञिरे ॥

paṇḍitasyāpi lokeṣu strīṣu sṛṣṭiḥ pratiṣṭhitā | ṛṣibhyo hyṛṣayaḥ keciccaṇḍālīṣvapi jajñire

Even for the learned, creation in this world rests on women. Some sages were born of sages even from Chandala women.

Note on the text: Removed stray wiki quote marks (` and '). Not in the critical edition (found in the vulgate recension); the critical edition gives it only in its apparatus, star passage 646* (after 1.68.51).

Verse 45 (1.98.45)

परिसृत्य यथा सूनुर्धरणीरेणुकुण्ठितः । पितुरालिङ्गतेऽङ्गानि किमस्त्यभ्यधिकं ततः ॥

parisṛtya yathā sūnurdharaṇīreṇukuṇṭhitaḥ | piturāliṅgate'ṅgāni kimastyabhyadhikaṃ tataḥ

When a son comes crawling up, grimy with the dust of the earth, and clings to his father's limbs, what can be greater than that?

Verse 46 (1.98.46)

स त्वं सूनुमनुप्राप्तं साभिलाषं मनस्विनम् । प्रेक्षमाणं कटाक्षेण किमर्थमवमन्यसे ॥

sa tvaṃ sūnumanuprāptaṃ sābhilāṣaṃ manasvinam | prekṣamāṇaṃ kaṭākṣeṇa kimarthamavamanyase

Why then do you scorn this spirited son who has come to you, full of longing, gazing at you from the corner of his eye?

Verse 47 (1.98.47)

अण्डानि बिभ्रति स्वानि न त्यजन्ति पिपीलिकाः । किं पुनस्त्वं न मन्येथाः सर्वथा पुत्रमीदृशम् ॥

aṇḍāni bibhrati svāni na tyajanti pipīlikāḥ | kiṃ punastvaṃ na manyethāḥ sarvathā putramīdṛśam

Ants carry their own eggs and do not abandon them; how much more should you acknowledge such a son in every way?

Note on the text: The first line = 1.68.54a, in a variant form (न त्यजन्ति for na bhindanti); the second is not in the critical edition (found in the vulgate recension; cf. star passage 647*, after 1.68.54, which has सर्वज्ञः for सर्वथा).

Verse 48 (1.98.48)

न भरेथाः कथं नु त्वं मयि जातं स्वमात्मजम् । ममाण्डानीति वर्धन्ते कोकिलाण्डानि वायसाः ॥

na bharethāḥ kathaṃ nu tvaṃ mayi jātaṃ svamātmajam | mamāṇḍānīti vardhante kokilāṇḍāni vāyasāḥ

How can you not support your own son, born of me? Crows rear the cuckoo's eggs, thinking, "These are my eggs";

Note on the text: Removed stray wiki quote marks (` and '). Corrected वर्ध्ते → वर्धन्ते (misprint in Wikisource; dropped न्, the line is a syllable short; the critical edition's apparatus reads vardhante). The first line = 1.68.54c, in a variant form; the second is not in the critical edition (found in the vulgate recension; star passage 647*, after 1.68.54).

Verse 49 (1.98.49)

किं पुनस्त्वं न मन्येथाः सर्वज्ञः पुत्रमीदृशम् । मलयाच्चन्दनं जातमतिशीतं वदन्ति वै ॥

kiṃ punastvaṃ na manyethāḥ sarvajñaḥ putramīdṛśam | malayāccandanaṃ jātamatiśītaṃ vadanti vai

how much more should you, who know all things, acknowledge such a son? Sandalwood grown on Mount Malaya is said to be very cool,

Note on the text: Not in the critical edition (found in the vulgate recension); the critical edition gives it only in its apparatus, star passage 647* (after 1.68.54).

Verse 50 (1.98.50)

शिशोरालिङ्गनं तस्माच्चन्दनादधिकं भवेत् । न वाससां न रामाणां नापां स्पर्शस्तथाविधः ॥

śiśorāliṅganaṃ tasmāccandanādadhikaṃ bhavet | na vāsasāṃ na rāmāṇāṃ nāpāṃ sparśastathāvidhaḥ

but a child's embrace is cooler than that sandalwood. Not the touch of fine cloth, nor of women, nor of water is as pleasant

Note on the text: Removed stray wiki quote marks (` and '). The first line is not in the critical edition (found in the vulgate recension; star passage 647*, after 1.68.54); the second = 1.68.55a.

Verse 51 (1.98.51)

शिशुनालिङ्ग्यमानस्य स्पर्शः सूनोर्यथा सुखः । पुत्रस्पर्शात्प्रियतरः स्पर्शो लोके न विद्यते ॥

śiśunāliṅgyamānasya sparśaḥ sūnoryathā sukhaḥ | putrasparśātpriyataraḥ sparśo loke na vidyate

as the touch of his son is to a man embraced by his child. No touch in the world is dearer than the touch of a son.

Note on the text: The first line = 1.68.55c (शिशुनालिङ्ग्यमानस्य for śiśor āliṅgyamānasya); the second = 1.68.57c, in a variant form (Wikisource orders the lines of 1.68.55–58 differently).

Verse 52 (1.98.52)

स्पृशतु त्वां समालिङ्ग्य पुत्रोऽयं प्रियदर्शनः । ब्राह्मणो द्विपदां श्रेष्ठो गौर्वरिष्ठा चतुष्पदाम् ॥

spṛśatu tvāṃ samāliṅgya putro'yaṃ priyadarśanaḥ | brāhmaṇo dvipadāṃ śreṣṭho gaurvariṣṭhā catuṣpadām

Let this handsome son embrace you and touch you. The Brahmin is the best of two-footed beings, the cow the foremost of four-footed ones,

Note on the text: The first line = 1.68.57a (समालिङ्ग्य for samāśliṣya); the second = 1.68.56a (Wikisource orders the lines of 1.68.55–58 differently).

Verse 53 (1.98.53)

गुरुर्गरीयसां श्रेष्ठः पुत्रः स्पर्शवतां वरः । त्रिषु वर्षेषु पूर्णेषु प्रजातोऽयमरिन्दमः ॥

gururgarīyasāṃ śreṣṭhaḥ putraḥ sparśavatāṃ varaḥ | triṣu varṣeṣu pūrṇeṣu prajāto'yamarindamaḥ

the guru the best of those worthy of reverence, and a son the best of all things to touch. This subduer of foes was born when three full years had passed.

Note on the text: Corrected मुरुर्गरीयसां → गुरुर्गरीयसां (misprint in Wikisource; म for ग, as in the critical edition's gurur garīyasāṃ). The first line = 1.68.56c; the second = 1.68.58a, in a variant form (प्रजातोऽयम् for prajātāham).

Verse 54 (1.98.54)

अद्यायं मन्नियोगात्तु तवाह्वानं प्रतीक्षते । कुमारो राजशार्दूल तव शोकप्रणाशनः ॥

adyāyaṃ manniyogāttu tavāhvānaṃ pratīkṣate | kumāro rājaśārdūla tava śokapraṇāśanaḥ

Today, at my bidding, this prince awaits your call, O tiger among kings: the boy who will put an end to your sorrow.

Note on the text: Removed stray wiki quote marks (` and '). The first line is not in the critical edition (found in the vulgate recension; star passage 648*, after 1.68.58a); the second = 1.68.58c, in a variant form.

Verse 55 (1.98.55)

आहर्ता वाजिमेधस्य शतसङ्ख्यस्य पौरवः । राजसूयादिकानन्यान्क्रतूनमितदक्षिणान् ॥

āhartā vājimedhasya śatasaṅkhyasya pauravaḥ | rājasūyādikānanyānkratūnamitadakṣiṇān

"This Paurava will perform a hundred horse sacrifices, and other rites such as the Rajasuya, with boundless gifts to the priests":

Note on the text: Removed stray wiki quote marks (` and '). The first line = 1.68.59a (पौरवः for paurava); the second is not in the critical edition (found in the vulgate recension; star passage 649*, after 1.68.59a).

Verse 56 (1.98.56)

इति गौरन्तरिक्षे मां सूतके ह्यवदत्पुरा । हन्त स्वमङ्कमारोप्य स्नेहाद्ग्रामान्तरं गताः ॥

iti gaurantarikṣe māṃ sūtake hyavadatpurā | hanta svamaṅkamāropya snehādgrāmāntaraṃ gatāḥ

so a voice in the sky told me long ago, when I had just given birth. Ah, men back from another village lift their sons onto their laps with love,

Note on the text: The first line = 1.68.59c, in a variant form; the second = 1.68.60a, in a variant form.

Verse 57 (1.98.57)

मूर्ध्नि पुत्रानुपाघ्राय प्रतिनन्दन्ति मानवाः । वेदेष्वपि वदन्तीमं मन्त्रग्रामं द्विजातयः ॥

mūrdhni putrānupāghrāya pratinandanti mānavāḥ | vedeṣvapi vadantīmaṃ mantragrāmaṃ dvijātayaḥ

smell their heads and rejoice in them. The twice-born, too, recite this set of Vedic mantras

Note on the text: The first line = 1.68.60c; the second = 1.68.61a, in a variant form (मन्त्रग्रामम् for mantravādam).

Verse 58 (1.98.58)

जातकर्मणि पुत्राणां तवापि विदितं ध्रुवम् । अङ्गादङ्गात्संभवसि हृदयादधिजायसे ॥

jātakarmaṇi putrāṇāṃ tavāpi viditaṃ dhruvam | aṅgādaṅgātsaṃbhavasi hṛdayādadhijāyase

at the birth rite of their sons, as you too surely know: "From limb after limb you come into being; from the heart you are born;

Note on the text: The first line = 1.68.61c; the second = 1.68.62a.

Verse 59 (1.98.59)

आत्मा वै पुत्रनामासि स जीव शरदः शतम् । उपजिघ्रन्ति पितरो मन्त्रेणानेन मूर्धनि ॥

ātmā vai putranāmāsi sa jīva śaradaḥ śatam | upajighranti pitaro mantreṇānena mūrdhani

you are my very self, called son; may you live a hundred autumns." With this mantra fathers smell the heads of their sons.

Note on the text: The first line = 1.68.62c; the second is not in the critical edition (found in the vulgate recension; star passage 651*, after 1.68.62).

Verse 60 (1.98.60)

पोषणं त्वदधीनं मे सन्तानमपि चाक्षयम् । तस्मात्त्वं जीव मे पुत्र स सुखी शरदां शतम् ॥

poṣaṇaṃ tvadadhīnaṃ me santānamapi cākṣayam | tasmāttvaṃ jīva me putra sa sukhī śaradāṃ śatam

"My sustenance depends on you, and so does my unending line; therefore live, my son, happy for a hundred autumns."

Verse 61 (1.98.61)

एको भूत्वा द्विधा भूत इति वादः प्रवर्तते । त्वदङ्गेभ्यः प्रसूतोऽयं पुरुषात्पुरुषः परः ॥

eko bhūtvā dvidhā bhūta iti vādaḥ pravartate | tvadaṅgebhyaḥ prasūto'yaṃ puruṣātpuruṣaḥ paraḥ

"Being one, he became two": so the saying goes. This boy has sprung from your limbs, a second man from a man.

Note on the text: The first line is not in the critical edition (found in the vulgate recension; star passage 652*, after 1.68.63); the second = 1.68.64a, in a variant form.

Verse 62 (1.98.62)

सरसीवामलेऽऽत्मानं द्वितीयं पश्य ते सुतम् । सरसीवामले सोमं प्रेक्षात्मानं त्वमात्मनि ॥

sarasīvāmale''tmānaṃ dvitīyaṃ paśya te sutam | sarasīvāmale somaṃ prekṣātmānaṃ tvamātmani

Look on your son as your second self, as on your reflection in a clear lake. As one sees the moon in a clear lake, see yourself in yourself.

Note on the text: Removed stray wiki quote marks (` and '). The first line = 1.68.64c (ते for me); the second is not in the critical edition (found in the vulgate recension; star passage 653*, after 1.68.64).

Verse 63 (1.98.63)

यथाचाहवनीयोऽग्निर्गार्हपत्यात्प्रणीयते । एवं त्वत्तः प्रणीतोऽयं त्वमेकः सन्द्विधा कृतः ॥

yathācāhavanīyo'gnirgārhapatyātpraṇīyate | evaṃ tvattaḥ praṇīto'yaṃ tvamekaḥ sandvidhā kṛtaḥ

As the Ahavaniya fire is brought out from the Garhapatya fire, so this boy has been brought forth from you; you, being one, have been made two.

Note on the text: Corrected वर्हपत्यात् → गार्हपत्यात् (misprint in Wikisource; the name of the householder's fire is garbled, as the critical edition's gārhapatyāt shows).

Verse 64 (1.98.64)

मृगापकृष्टेन हि वै मृगयां परिधावता । अहमासादिता राजन्कुमारी पितुराश्रमे ॥

mṛgāpakṛṣṭena hi vai mṛgayāṃ paridhāvatā | ahamāsāditā rājankumārī piturāśrame

While you were out hunting, drawn on by a deer, you came upon me, O king, a maiden in my father's hermitage.

Verse 65 (1.98.65)

उर्वशी पूर्वचित्तिश्च सहजन्या च मेनका । विश्वाची च घृताची च षडेवाप्सरसां वराः ॥

urvaśī pūrvacittiśca sahajanyā ca menakā | viśvācī ca ghṛtācī ca ṣaḍevāpsarasāṃ varāḥ

Urvashi, Purvachitti, Sahajanya and Menaka, Vishvachi and Ghritachi: these six are the foremost of the Apsarases.

Verse 66 (1.98.66)

तासां वै मेनका नाम ब्रह्मयोनिर्वराप्सराः । दिवः संप्राप्य जगतीं विश्वामित्रादजीजनत् ॥

tāsāṃ vai menakā nāma brahmayonirvarāpsarāḥ | divaḥ saṃprāpya jagatīṃ viśvāmitrādajījanat

Among them the finest Apsaras, Menaka by name, sprung from Brahma, came down from heaven to earth and bore a child to Vishvamitra.

Verse 67 (1.98.67)

श्रीमानृषिर्धर्मपरो वैश्वानर इवापरः । ब्रह्मयोनिः कुशो नाम विश्वामित्रपितामहः ॥

śrīmānṛṣirdharmaparo vaiśvānara ivāparaḥ | brahmayoniḥ kuśo nāma viśvāmitrapitāmahaḥ

There was a glorious sage devoted to dharma, like a second Vaishvanara, sprung from Brahma, named Kusha, the grandsire of Vishvamitra.

Note on the text: Removed stray wiki quote marks (` and '). Not in the critical edition (found in the vulgate recension); the critical edition gives it only in its apparatus, star passage 654* (after 1.68.68).

Verse 68 (1.98.68)

कुशस्य पुत्रो बलवान्कुशनाभश्च धार्मिकः । गाधिस्तस्य सुतो राजन्विश्वामित्रस्तु गाधिजः ॥

kuśasya putro balavānkuśanābhaśca dhārmikaḥ | gādhistasya suto rājanviśvāmitrastu gādhijaḥ

Kusha's son was the mighty and righteous Kushanabha; his son, O king, was Gadhi, and Vishvamitra is the son of Gadhi.

Note on the text: Not in the critical edition (found in the vulgate recension); the critical edition gives it only in its apparatus, star passage 654* (after 1.68.68).

Verse 69 (1.98.69)

एवंविधो मम पिता मेनका जननी वरा । सा मां हिमवतः पृष्ठे सुषुवे मेनकाऽप्सराः ॥

evaṃvidho mama pitā menakā jananī varā | sā māṃ himavataḥ pṛṣṭhe suṣuve menakā'psarāḥ

Such is my father, and my mother is the excellent Menaka. That Apsaras Menaka gave birth to me on a slope of the Himalaya,

Note on the text: Removed stray wiki quote marks (` and '). The first line is not in the critical edition (found in the vulgate recension; star passage 654*, after 1.68.68); the second = 1.68.69a.

Verse 70 (1.98.70)

परित्यज्य च मां याता परात्मजमिवासती । पक्षिणः पुण्यवन्तस्ते सहिता धर्मतस्तदा ॥

parityajya ca māṃ yātā parātmajamivāsatī | pakṣiṇaḥ puṇyavantaste sahitā dharmatastadā

and abandoned me and went away, like a heartless woman leaving someone else's child. Then birds, virtuous creatures, together and as dharma required,

Note on the text: Removed stray wiki quote marks (` and '). Corrected पुम्यवन्तस्ते → पुण्यवन्तस्ते (misprint in Wikisource; म for ण, as in the critical edition's appendix, puṇyavantas). The first line = 1.68.69c, in a variant form; the second is not in the critical edition (found in the vulgate recension; Appendix I.51, line 1).

Verse 71 (1.98.71)

पक्षैस्तैरभिगुप्ता च तस्मादस्मि शकुन्तला । ततोऽहमृषिणा दृष्टा काश्यपेन महात्मना ॥

pakṣaistairabhiguptā ca tasmādasmi śakuntalā | tato'hamṛṣiṇā dṛṣṭā kāśyapena mahātmanā

guarded me with their wings; that is why I am Shakuntala. Then I was seen by the great-souled sage of Kashyapa's line

Note on the text: Not in the critical edition (found in the vulgate recension); the critical edition gives it only in Appendix I.51, lines 2–3.

Verse 72 (1.98.72)

जलार्थमग्निहोत्रस्य गतं दृष्ट्वा तु पक्षिणः । न्यासभूतामिव मुनेः प्रददुर्मां दयावतः ॥

jalārthamagnihotrasya gataṃ dṛṣṭvā tu pakṣiṇaḥ | nyāsabhūtāmiva muneḥ pradadurmāṃ dayāvataḥ

as he went to fetch water for his fire offering. Seeing him, the kindly birds handed me over to the sage as though I were something held in trust.

Note on the text: Not in the critical edition (found in the vulgate recension); the critical edition gives it only in Appendix I.51, lines 4–5.

Verse 73 (1.98.73)

कण्वस्त्वालोक्य मां प्रीतो हसन्तीति हविर्भुजः । स माऽरणिमिवादाय स्वमाश्रममुपागमत् ॥

kaṇvastvālokya māṃ prīto hasantīti havirbhujaḥ | sa mā'raṇimivādāya svamāśramamupāgamat

Kanva looked at me and was glad, saying, "The sacred fires are smiling." He took me up as one takes up a fire-stick and went to his own hermitage.

Note on the text: Not in the critical edition (found in the vulgate recension); the critical edition gives it only in Appendix I.51, lines 6–7.

Verse 74 (1.98.74)

सा वै संभाविता राजन्ननुक्रोशान्महर्षिणा । तेनैव स्वसुतेवाहं राजन्वै वरवर्णिनी ॥

sā vai saṃbhāvitā rājannanukrośānmaharṣiṇā | tenaiva svasutevāhaṃ rājanvai varavarṇinī

Cherished by the great sage out of compassion, O king, I was raised by him like his own daughter, a girl of fair complexion, O king.

Note on the text: Not in the critical edition (found in the vulgate recension); the critical edition gives it only in Appendix I.51, lines 8–9.

Verse 75 (1.98.75)

विश्वामित्रसुता चाहं वर्धिता मुनिना नृप । यौवने वर्तमानां च दृष्टवानसि मां नृप ॥

viśvāmitrasutā cāhaṃ vardhitā muninā nṛpa | yauvane vartamānāṃ ca dṛṣṭavānasi māṃ nṛpa

I am Vishvamitra's daughter, brought up by the sage, O king; and you, O king, saw me when I was in the bloom of youth,

Note on the text: Not in the critical edition (found in the vulgate recension); the critical edition gives it only in Appendix I.51, lines 10–11.

Verse 76 (1.98.76)

आश्रमे पर्णशालायां कुमारीं विजने तदा । धात्रा प्रचोदितां शून्ये पित्रा विरहितां मिथः ॥

āśrame parṇaśālāyāṃ kumārīṃ vijane tadā | dhātrā pracoditāṃ śūnye pitrā virahitāṃ mithaḥ

a maiden in a leaf hut of the hermitage, alone at that time, urged on by fate, in a lonely place, away from my father, in private.

Note on the text: Not in the critical edition (found in the vulgate recension); the critical edition gives it only in Appendix I.51, lines 12–13.

Verse 77 (1.98.77)

वाग्भिस्त्वं सूनृताभिर्मामपत्यार्थमचूचुदः । अकार्षीस्त्वाश्रमे वासं धर्मकामार्थनिश्चितम् ॥

vāgbhistvaṃ sūnṛtābhirmāmapatyārthamacūcudaḥ | akārṣīstvāśrame vāsaṃ dharmakāmārthaniścitam

With sweet and true words you pressed me, for the sake of offspring. You stayed in the hermitage, settled in dharma, love and wealth,

Note on the text: Not in the critical edition (found in the vulgate recension); the critical edition gives it only in Appendix I.51, lines 14–15.

Verse 78 (1.98.78)

गान्धर्वेण विवाहेन विधिना पाणिमग्रहीः । साऽहं कुलं च शीलं च सत्यवादित्वमात्मनः ॥

gāndharveṇa vivāhena vidhinā pāṇimagrahīḥ | sā'haṃ kulaṃ ca śīlaṃ ca satyavāditvamātmanaḥ

and took my hand by the rite of the Gandharva marriage. Keeping before me my family, my character, my own truthfulness

Note on the text: Not in the critical edition (found in the vulgate recension); the critical edition gives it only in Appendix I.51, lines 16–17.

Verse 79 (1.98.79)

स्वधर्मं च पुरस्कृत्य त्वामद्य शरणं गता । तस्मान्नार्हसि संश्रुत्य तथेति वितथं वचः ॥

svadharmaṃ ca puraskṛtya tvāmadya śaraṇaṃ gatā | tasmānnārhasi saṃśrutya tatheti vitathaṃ vacaḥ

and my own dharma, I have come to you today for refuge. Therefore, having promised "So be it," you must not make your word false,

Note on the text: Corrected तस्मान्नर्हसि → तस्मान्नार्हसि (misprint in Wikisource; dropped vowel sign ा, as in the critical edition's appendix, tasmān nārhasi). Not in the critical edition (found in the vulgate recension); the critical edition gives it only in Appendix I.51, lines 18–19.

Verse 80 (1.98.80)

स्वधर्मं पृष्ठतः कृत्वा परित्यक्तुमुपस्थिताम् । त्वन्नाथां लोकनाथस्त्वं नार्हसि त्वमनागसम् ॥

svadharmaṃ pṛṣṭhataḥ kṛtvā parityaktumupasthitām | tvannāthāṃ lokanāthastvaṃ nārhasi tvamanāgasam

putting your own dharma behind you, and cast off a blameless woman who has come to you and has you alone as her protector. You are the protector of the world; you must not do it.

Note on the text: Removed stray wiki quote marks (` and '). Not in the critical edition (found in the vulgate recension); the critical edition gives it only in Appendix I.51, lines 20–21.

Verse 81 (1.98.81)

किं नु कर्माशुभं पूर्वं कृतवत्यस्मि पार्थिव । यदहं बान्धवैस्त्यक्ता बाल्ये संप्रति वै त्वया ॥

kiṃ nu karmāśubhaṃ pūrvaṃ kṛtavatyasmi pārthiva | yadahaṃ bāndhavaistyaktā bālye saṃprati vai tvayā

What evil deed did I do in the past, O king, that I was abandoned by my kin in childhood and am now abandoned by you?

Verse 82 (1.98.82)

कामं त्वया परित्यक्ता गमिष्याम्यहमाश्रमम् । इमं बालं तु संत्यक्तुं नार्हस्यात्मजमात्मना ॥

kāmaṃ tvayā parityaktā gamiṣyāmyahamāśramam | imaṃ bālaṃ tu saṃtyaktuṃ nārhasyātmajamātmanā

Very well: abandoned by you, I shall go back to the hermitage. But you must not abandon this boy, your own son.

Note on the text: Corrected संत्युक्तं → संत्यक्तुं (misprint in Wikisource; the infinitive is garbled, as the critical edition's saṃtyaktuṃ shows).

Verse 83 (1.98.83)

न पुत्रमभिजानामि त्वयि जातं शकुन्तले । असत्यवचना नार्यः कस्ते श्रद्धास्यते वचः ॥

na putramabhijānāmi tvayi jātaṃ śakuntale | asatyavacanā nāryaḥ kaste śraddhāsyate vacaḥ

I do not know of any son born to you from me, Shakuntala. Women speak untruths; who will believe what you say?

Note on the text: Corrected असत्वचना → असत्यवचना (misprint in Wikisource; dropped य, the line is a syllable short; the critical edition reads asatyavacanā).

Verse 84 (1.98.84)

अश्रद्धेयमिदं वाक्यं कथयन्ती न लज्जसे । विशेषतो मत्सकाशे दुष्टतापसि गम्यताम् ॥

aśraddheyamidaṃ vākyaṃ kathayantī na lajjase | viśeṣato matsakāśe duṣṭatāpasi gamyatām

Are you not ashamed to tell this unbelievable tale, and in my presence above all? Be gone, you wicked ascetic woman!

Note on the text: Removed stray wiki quote marks (` and '). = 1.68.76 (Wikisource places the lines of Dushyanta's reply in a different order).

Verse 85 (1.98.85)

क्व महर्षिस्तपस्युग्रः क्वाप्सराः सा च मेनका । क्व च त्वमेवं कृपणा तापसीवेषधारिणी ॥

kva maharṣistapasyugraḥ kvāpsarāḥ sā ca menakā | kva ca tvamevaṃ kṛpaṇā tāpasīveṣadhāriṇī

Where is the great sage, fierce in austerity, and where is that Apsaras Menaka? And where are you, so wretched, dressed as an ascetic?

Verse 86 (1.98.86)

अतिकायश्च पुत्रस्ते बालोऽतिबलवानयम् । कथमल्पेन कालेन सालस्कन्ध इवोद्गतः ॥

atikāyaśca putraste bālo'tibalavānayam | kathamalpena kālena sālaskandha ivodgataḥ

And this son of yours is huge, a boy and yet exceedingly strong. How has he shot up in so short a time, like a sal trunk?

Verse 87 (1.98.87)

सुनिकृष्टा च योनिस्ते पुंश्चली प्रतिभासि मे । यदृच्छया कामरागाज्जाता मेनकया ह्यसि ॥

sunikṛṣṭā ca yoniste puṃścalī pratibhāsi me | yadṛcchayā kāmarāgājjātā menakayā hyasi

Your birth is very low; to me you look like a loose woman. You were born to Menaka by chance, out of lust and passion.

Verse 88 (1.98.88)

सर्वमेव परोक्षं मे यत्त्वं वदसि तापसि । सर्वा वामाः स्त्रियो लोके सर्वाः कामपरायणाः ॥

sarvameva parokṣaṃ me yattvaṃ vadasi tāpasi | sarvā vāmāḥ striyo loke sarvāḥ kāmaparāyaṇāḥ

Everything you say, ascetic woman, is beyond my knowledge. All women in the world are perverse; all are given over to desire;

Note on the text: Removed stray wiki quote marks (` and '). The first line = 1.68.80a, in a variant form; the second is not in the critical edition (found in the vulgate recension; star passage 658*, after 1.68.80a).

Verse 89 (1.98.89)

सर्वाः स्त्रियः परवशाः सर्वाः क्रोधसमाकुलाः । असत्योक्ताः स्त्रियः सर्वा न कण्वं वक्तुमर्हसि ॥

sarvāḥ striyaḥ paravaśāḥ sarvāḥ krodhasamākulāḥ | asatyoktāḥ striyaḥ sarvā na kaṇvaṃ vaktumarhasi

all women are in others' power; all are full of anger; all women speak untruth. You have no right to speak of Kanva.

Note on the text: Removed stray wiki quote marks (` and '). Not in the critical edition (found in the vulgate recension); the critical edition gives it only in its apparatus, star passage 658* (after 1.68.80a).

Verse 90 (1.98.90)

मेनका निरनुक्रोशा बन्धकी जननी तव । यया हिमवतः पादे निर्माल्यवदुपेक्षिता ॥

menakā niranukrośā bandhakī jananī tava | yayā himavataḥ pāde nirmālyavadupekṣitā

Menaka, your mother, was a pitiless wanton, who left you at the foot of the Himalaya like a cast-off garland.

Note on the text: Corrected वर्धकी → बन्धकी (misprint in Wikisource; वर्धकी, "carpenter", makes no sense here; the critical edition reads bandhakī, "wanton").

Verse 91 (1.98.91)

स चापि निरनुक्रोशः क्षत्रयोनिः पिता तव । विश्वामित्रो ब्राह्मणत्वे लुब्धः कामपरायणः ॥

sa cāpi niranukrośaḥ kṣatrayoniḥ pitā tava | viśvāmitro brāhmaṇatve lubdhaḥ kāmaparāyaṇaḥ

And your father too was pitiless: Vishvamitra, born a Kshatriya, greedy for Brahminhood and given over to desire.

Verse 92 (1.98.92)

सुषाव सुरनारी मां विश्वामित्राद्यथेष्टतः । अहो जानामि ते जन्म कुत्सितं कुलटे जनैः ॥

suṣāva suranārī māṃ viśvāmitrādyatheṣṭataḥ | aho jānāmi te janma kutsitaṃ kulaṭe janaiḥ

"The heavenly woman bore me to Vishvamitra, as she pleased"! Oh, I know your birth, you wanton; people despise it.

Note on the text: Not in the critical edition (found in the vulgate recension); the critical edition gives it only in its apparatus, star passage 656* (after 1.68.74).

Verse 93 (1.98.93)

मेनकाऽप्सरसां श्रेष्ठा महर्षिश्चापि ते पिता । तयोरपत्यं कस्मात्त्वं पुंश्चलीवाभिभाषसे ॥

menakā'psarasāṃ śreṣṭhā maharṣiścāpi te pitā | tayorapatyaṃ kasmāttvaṃ puṃścalīvābhibhāṣase

Menaka is the foremost of the Apsarases, and your father is a great sage; how is it that you, their child, talk like a harlot?

Verse 94 (1.98.94)

जातिश्चापि निकृष्टा ते कुलीनेति विजल्पसे । जनयित्वा त्वमुत्सृष्टा कोकिलेन परैर्भृता ॥

jātiścāpi nikṛṣṭā te kulīneti vijalpase | janayitvā tvamutsṛṣṭā kokilena parairbhṛtā

Your birth too is low, yet you prattle that you are well-born. Once born you were cast off, as a cuckoo casts off its young, and reared by others.

Note on the text: Corrected निकृष्टो → निकृष्टा (misprint in Wikisource; जाति is feminine, as in the apparatus's nikṛṣṭā). Not in the critical edition (found in the vulgate recension); the critical edition gives it only in its apparatus, star passage 657* (after 1.68.75).

Verse 95 (1.98.95)

अरिष्टैरिव दुर्बुद्धिः कण्वो वर्धयिता पिता । अश्रद्धेयमिदं वाक्यं यत्त्वं जल्पसि तापसि ॥

ariṣṭairiva durbuddhiḥ kaṇvo vardhayitā pitā | aśraddheyamidaṃ vākyaṃ yattvaṃ jalpasi tāpasi

Kanva, who reared you, is as foolish as one who rears crows. This tale you prattle, ascetic woman, cannot be believed,

Note on the text: Corrected दुर्बद्धिः → दुर्बुद्धिः (misprint in Wikisource; dropped vowel sign ु, as in the apparatus's durbuddhiḥ). Not in the critical edition (found in the vulgate recension); the critical edition gives it only in its apparatus, star passage 657* (after 1.68.75).

Verse 96 (1.98.96)

ब्रुवन्ती राजसान्निध्ये गम्यतां यत्र चेच्छसि । सुवर्णमणिमुक्तानि वस्त्राण्याभरणानि च ॥

bruvantī rājasānnidhye gamyatāṃ yatra cecchasi | suvarṇamaṇimuktāni vastrāṇyābharaṇāni ca

spoken as it is in the presence of a king. Go wherever you wish. Gold, gems, pearls, garments and ornaments:

Note on the text: Removed stray wiki quote marks (` and '). Not in the critical edition (found in the vulgate recension); the critical edition gives it only in its apparatus, star passage 657* (after 1.68.75).

Verse 97 (1.98.97)

यदिहेच्छसि भोगार्थं तापसि प्रतिगृह्यताम् । नाहं त्वां द्रष्टुमिच्छामि यथेष्टं गम्यतामितः ॥

yadihecchasi bhogārthaṃ tāpasi pratigṛhyatām | nāhaṃ tvāṃ draṣṭumicchāmi yatheṣṭaṃ gamyatāmitaḥ

whatever you want here for your enjoyment, ascetic woman, take it. I do not wish to see you; go from here wherever you please.

Note on the text: Removed stray wiki quote marks (` and '). The first line is not in the critical edition (found in the vulgate recension; star passage 657*, after 1.68.75); the second = 1.68.80c, in a variant form.