Worthy Recipients of Gifts; Deeds That Lead to Hell and to Heaven

Verse 1 (13.62.1)

पित्र्यं वाऽप्यथवा दैवं दीयते यत्पितामह । एतदिच्छाम्यहं ज्ञातुं दत्तं केषु महाफलम् ॥

pitryaṃ vā'pyathavā daivaṃ dīyate yatpitāmaha | etadicchāmyahaṃ jñātuṃ dattaṃ keṣu mahāphalam

Grandfather, what is given at a rite for the ancestors or for the gods: to whom, when given, does it bear great fruit? This I wish to know.

Verse 2 (13.62.2)

येषां दाराः प्रतीक्षन्ते सुवृष्टिमिव कर्षकाः । उच्छेषपरिशेषं हि तान्भोजय युधिष्ठिर ॥

yeṣāṃ dārāḥ pratīkṣante suvṛṣṭimiva karṣakāḥ | uccheṣapariśeṣaṃ hi tānbhojaya yudhiṣṭhira

Feed, Yudhishthira, those whose wives wait for them as farmers wait for good rain, looking for the remnants and the leavings.

Verse 3 (13.62.3)

चारित्रनिरता राजन्ये कृशाः कृशवृत्तयः । अर्थिनश्चोपगच्छन्ति तेषु दत्तं महाफलम् ॥

cāritraniratā rājanye kṛśāḥ kṛśavṛttayaḥ | arthinaścopagacchanti teṣu dattaṃ mahāphalam

A gift to those who are devoted to good conduct, O king, who are lean and live meagrely and who come as petitioners, bears great fruit.

Verse 4 (13.62.4)

तद्भक्तास्तद्गृहा राजंस्तद्बलास्तदपाश्रयाः । अर्थिनश्च भवन्त्यर्थे तेषु दत्तं महाफलम् ॥

tadbhaktāstadgṛhā rājaṃstadbalāstadapāśrayāḥ | arthinaśca bhavantyarthe teṣu dattaṃ mahāphalam

A gift to those, O king, whose devotion is to that conduct, whose home and strength and refuge are in it, and who become petitioners only when need truly arises, bears great fruit.

Verse 5 (13.62.5)

तस्करेभ्यः परेभ्यो वा हृतस्वा भयदुःखिताः । अर्थिनो भोक्तुमिच्छन्ति तेषु दत्तं महाफलम् ॥

taskarebhyaḥ parebhyo vā hṛtasvā bhayaduḥkhitāḥ | arthino bhoktumicchanti teṣu dattaṃ mahāphalam

A gift to those who, robbed by thieves or by enemies and stricken with fear and sorrow, wish as petitioners to eat, bears great fruit.

Note on the text: Wikisource's couplet is a recension variant of CE 13.24.52 ('taskarebhyaḥ parebhyo vā ye bhayārtā yudhiṣṭhira'; line 1 'हृतस्वा भयदुःखिताः' for CE 'ye bhayārtā yudhiṣṭhira'); the alignment found no match for this reason.

Verse 6 (13.62.6)

अकल्ककस्य विप्रस्य रौक्ष्यात्करकृतात्मनः । वटवो यस्य भिक्षन्ति तेभ्यो दत्तं महाफलम् ॥

akalkakasya viprasya raukṣyātkarakṛtātmanaḥ | vaṭavo yasya bhikṣanti tebhyo dattaṃ mahāphalam

A gift to the boys who beg from a guileless brahmin whose food, his very life, is held in his hand through poverty bears great fruit.

Note on the text: Line 1 'रौक्ष्यात्करकृतात्मनः' is a recension variant of CE 13.24.53 ('bhaikṣotkarakṛtātmanaḥ'), kept; the page's footnote explains it.

Verse 7 (13.62.7)

हृतस्वा हृतदाराश्च ये विप्रा देशसम्प्लवे । अर्थार्थमभिगच्छन्ति तेभ्यो दत्तं महाफलम् ॥

hṛtasvā hṛtadārāśca ye viprā deśasamplave | arthārthamabhigacchanti tebhyo dattaṃ mahāphalam

A gift to those brahmins who, having lost their goods and their wives in the ravaging of a country, come seeking wealth, bears great fruit.

Verse 8 (13.62.8)

व्रतिनो नियमस्थाश्च ये विप्राः श्रुतसम्मताः । तत्समाप्त्यर्थमिच्छन्ति तेभ्यो दत्तं महाफलम् ॥

vratino niyamasthāśca ye viprāḥ śrutasammatāḥ | tatsamāptyarthamicchanti tebhyo dattaṃ mahāphalam

A gift to those brahmins who keep vows and observances, who are honoured for their learning, and who seek wealth for the completion of those, bears great fruit.

Note on the text: Corrected व्रतोनो → व्रतिनो and तस्मपाप्त्यर्थमिच्छन्ति → तत्समाप्त्यर्थमिच्छन्ति (misprints in Wikisource; neither is a Sanskrit word; CE 13.24.55 reads 'vratino' and 'tatsamāptyartham icchanti'). 'तेभ्यो दत्तं' for CE 'teṣu dattaṃ' is a variant, kept.

Verse 9 (13.62.9)

अत्युत्क्रान्ताश्च धर्मेषु पाषण्डसमयेषु च । कृशप्राणाः कृशधनास्तेभ्यो दत्तं महाफलम् ॥

atyutkrāntāśca dharmeṣu pāṣaṇḍasamayeṣu ca | kṛśaprāṇāḥ kṛśadhanāstebhyo dattaṃ mahāphalam

A gift to those who have gone far beyond the usual observances and the conventions of heretical sects, and who are reduced in vitality and in wealth, bears great fruit.

Note on the text: Corrected पाषण्डस्रमयेषु → पाषण्डसमयेषु and कृशघनास् → कृशधनास् (misprints in Wikisource; स्र for स, घ for ध; CE 13.24.56 reads 'pāṣaṇḍasamayeṣu' and 'kṛśadhanās'). 'अत्युत्क्रान्ताः' for CE 'avyutkrāntāḥ' is kept: the page's footnote glosses it as 'far removed'.

Verse 10 (13.62.10)

कृतसर्वस्वहरणा निर्दोषाः प्रभविष्णुभिः । स्पृहयन्ति च भुक्त्वाऽन्नं तेषु दत्तं महाफलम् ॥

kṛtasarvasvaharaṇā nirdoṣāḥ prabhaviṣṇubhiḥ | spṛhayanti ca bhuktvā'nnaṃ teṣu dattaṃ mahāphalam

A gift to those who, though blameless, have had all their wealth seized by the mighty, and who long for food to eat, bears great fruit.

Note on the text: Corrected तेषुदत्तं → तेषु दत्तं (two words run together in Wikisource; CE 13.24.57 'teṣu dattaṃ').

Verse 11 (13.62.11)

तपस्विनस्तपोनिष्ठास्तेषां भैक्षचराश्च ये । अर्थिनः किञ्चिदिच्छन्ति तेषु दत्तं महाफलम् ॥

tapasvinastaponiṣṭhāsteṣāṃ bhaikṣacarāśca ye | arthinaḥ kiñcidicchanti teṣu dattaṃ mahāphalam

A gift to ascetics firm in austerity, and to those of their number who live by begging and as petitioners ask for only a little, bears great fruit.

Verse 12 (13.62.12)

महाफलविधिर्दाने श्रुतस्ते भरतर्षभ । निरयं येन गच्छन्ति स्वर्गं चैव हि तच्छृणु ॥

mahāphalavidhirdāne śrutaste bharatarṣabha | nirayaṃ yena gacchanti svargaṃ caiva hi tacchṛṇu

You have heard, O best of the Bharatas, the rule of the gifts of great fruit. Now hear that by which men go to hell and that by which they go to heaven.

Note on the text: Corrected तत्छृणु → तच्छृणु (misspelling in Wikisource; the sandhi is dropped; CE 13.24.59 'tac chṛṇu').

Verse 13 (13.62.13)

व्रतानां पारणार्थाय गुर्वर्थे यज्ञदक्षिणाम् । निर्वेशार्थं च विद्वांसस्तेषां दत्तं महाफलम् ॥

vratānāṃ pāraṇārthāya gurvarthe yajñadakṣiṇām | nirveśārthaṃ ca vidvāṃsasteṣāṃ dattaṃ mahāphalam

A gift to learned men who seek wealth to complete their vows, for the sake of a teacher, for a sacrificial fee, or to set up a household, bears great fruit.

Note on the text: Removed a stray backtick before व्रतानां. Not in the critical edition's numbered text: star lines 13.24.56d*0212_01-02 (the CE prints them after 13.24.56; Wikisource places them after the verse corresponding to 13.24.59).

Verse 14 (13.62.14)

पित्रोश्च रक्षणार्थाय पुत्रदारार्थमेव वा । महाव्याधिविमोक्षार्थं तेषु दत्तं महाफलम् ॥

pitrośca rakṣaṇārthāya putradārārthameva vā | mahāvyādhivimokṣārthaṃ teṣu dattaṃ mahāphalam

A gift to those who seek wealth for the care of their parents, for the sake of sons and wives, or for release from a grave illness, bears great fruit.

Note on the text: Not in the critical edition's numbered text: star lines 13.24.56d*0212_03-04.

Verse 15 (13.62.15)

बालाः स्त्रियश्च वाञ्छन्ति सुभक्तं चाप्यसाधनाः । स्वर्गमायान्ति दत्त्वैषां निरयान्नोपयान्ति ते ॥

bālāḥ striyaśca vāñchanti subhaktaṃ cāpyasādhanāḥ | svargamāyānti dattvaiṣāṃ nirayānnopayānti te

Boys and women who are without means and ask for good food: those who give to them go to heaven and do not go to hell.

Note on the text: Removed the stray quote marks printed after the verse (।।'). Not in the critical edition's numbered text: star lines 13.24.56d*0212_05-06.

Verse 16 (13.62.16)

गुर्वर्थमभयार्थं वा वर्जयित्वा युधिष्ठिर । येऽनृतं कथयन्ति स्म ते वा निरयगामिनः ॥

gurvarthamabhayārthaṃ vā varjayitvā yudhiṣṭhira | ye'nṛtaṃ kathayanti sma te vā nirayagāminaḥ

Setting aside what is said for a teacher's sake or to dispel fear, O Yudhishthira, those who speak untruth go to hell.

Note on the text: Line 2 reads 'ते वा' where CE 13.24.60 has 'te vai'; kept as printed (a grammatical reading).

Verse 17 (13.62.17)

परदाराभिहर्तारः परदाराभिमर्शिनः । परदारप्रयोक्तास्ते वै निरयगामिनः ॥

paradārābhihartāraḥ paradārābhimarśinaḥ | paradāraprayoktāste vai nirayagāminaḥ

Those who carry off other men's wives, who violate them, and who act as go-betweens for them go to hell.

Verse 18 (13.62.18)

ये परस्वापहर्तारः परस्वानां च नाशकाः । सूचकाश्च परेषां ये ते वा निरयगामिनः ॥

ye parasvāpahartāraḥ parasvānāṃ ca nāśakāḥ | sūcakāśca pareṣāṃ ye te vā nirayagāminaḥ

Those who plunder the property of others, who destroy the property of others, and who inform against others go to hell.

Note on the text: Line 2 reads 'ते वा' where CE 13.24.62 has 'te vai'; kept as printed.

Verse 19 (13.62.19)

प्रपाणां च सभानां च संक्रमाणां च भारत । अगाराणां च भेत्तारो नरा निरयगामिनः ॥

prapāṇāṃ ca sabhānāṃ ca saṃkramāṇāṃ ca bhārata | agārāṇāṃ ca bhettāro narā nirayagāminaḥ

Those men, O Bharata, who break down water-sheds, assembly halls, bridges and dwellings go to hell.

Verse 20 (13.62.20)

अनाथां प्रमदां बालां वृद्धां भीतां तपस्विनीम् । वञ्चयन्ति नरा ये च ते वै निरयगामिनः ॥

anāthāṃ pramadāṃ bālāṃ vṛddhāṃ bhītāṃ tapasvinīm | vañcayanti narā ye ca te vai nirayagāminaḥ

Those who deceive a helpless woman, a young woman, a girl, an old woman, a frightened woman or a woman ascetic go to hell.

Verse 21 (13.62.21)

वृत्तिच्छेदं गृहच्छेदं दारच्छेदं च भारत । मित्रच्छेदं तथाऽऽशायास्ते वै निरयगामिनः ॥

vṛtticchedaṃ gṛhacchedaṃ dāracchedaṃ ca bhārata | mitracchedaṃ tathā''śāyāste vai nirayagāminaḥ

Those who cut off a livelihood, a house, a wife or a friendship, and likewise a hope, O Bharata, go to hell.

Verse 22 (13.62.22)

सूचकाः सेतुभेत्तारः परवृत्त्युपजीवकाः । अकृतज्ञाश्च मित्राणां ते वै निरयगामिनः ॥

sūcakāḥ setubhettāraḥ paravṛttyupajīvakāḥ | akṛtajñāśca mitrāṇāṃ te vai nirayagāminaḥ

Informers, breakers of embankments, those who live on the livelihood of others, and those who are ungrateful to their friends go to hell.

Note on the text: Line 1 reads 'सेतुभेत्तारः' where CE 13.24.66 has 'saṃdhibhettāraḥ'; recension variant, kept.

Verse 23 (13.62.23)

पाषण्डा दूषकाश्चैव समयानां च दूषकाः । ये प्रत्यवसिताश्चैव ते वै निरयगामिनः ॥

pāṣaṇḍā dūṣakāścaiva samayānāṃ ca dūṣakāḥ | ye pratyavasitāścaiva te vai nirayagāminaḥ

Heretics, slanderers, those who violate agreements, and those who have fallen back after rising go to hell.

Verse 24 (13.62.24)

विषमव्यवहाराश्च विषमाश्चैव वृद्धिषु । लाभेषु विषमाश्चैव ते वै निरयगामिनः ॥

viṣamavyavahārāśca viṣamāścaiva vṛddhiṣu | lābheṣu viṣamāścaiva te vai nirayagāminaḥ

Those whose dealings are crooked, who are crooked in interest and crooked in profits go to hell.

Note on the text: Not in the critical edition's numbered text: star lines 13.24.67d*0213_01-02.

Verse 25 (13.62.25)

दूतसंव्यवहाराश्च निष्परीक्षाश्च मानवाः । प्राणिहिंसाप्रवृत्ताश्च ते वै निरयगामिनः ॥

dūtasaṃvyavahārāśca niṣparīkṣāśca mānavāḥ | prāṇihiṃsāpravṛttāśca te vai nirayagāminaḥ

Men who do business through go-betweens, who act without examining, and who are given to the killing of living beings go to hell.

Note on the text: Corrected प्राणिहिंसाप्रवृत्ताश्चि → प्राणिहिंसाप्रवृत्ताश्च (misprint in Wikisource; CE star line reads 'prāṇihiṃsāpravṛttāś ca'). Not in the critical edition's numbered text: star lines 13.24.67d*0213_03-04. Line 1 reads 'दूतसंव्यवहाराः' where the CE star line has 'dyūtasaṃvyavahārāḥ'; kept as printed, since दूत (messenger) is a valid word.

Verse 26 (13.62.26)

कृताशं कृतनिर्देशं कृतभक्तं कृतश्रमम् । भेदैर्ये व्यपकर्षन्ति ते वै निरयगामिनः ॥

kṛtāśaṃ kṛtanirdeśaṃ kṛtabhaktaṃ kṛtaśramam | bhedairye vyapakarṣanti te vai nirayagāminaḥ

Those who by trickery cheat away a man to whom hope has been given, to whom a promise has been made, whose wage has been settled and who has done the work go to hell.

Note on the text: Line 1 reads 'कृतनिर्देशं' where CE 13.24.68 has 'kṛtanirveśaṃ'; recension variant, kept (the page's footnote glosses निर्देश as a promise). The alignment found no match for this reason.

Verse 27 (13.62.27)

पर्यश्नन्ति च ये दारानग्निभृत्यातिथींस्तथा । उत्सन्नपितृदेवेज्यास्ते वै निरयगामिनः ॥

paryaśnanti ca ye dārānagnibhṛtyātithīṃstathā | utsannapitṛdevejyāste vai nirayagāminaḥ

Those who eat, neglecting their wives, the sacred fire, their dependants and their guests, and whose worship of the ancestors and the gods has lapsed, go to hell.

Verse 28 (13.62.28)

वेदविक्रयिणश्चैव वेदानां चैव दूषकाः । वेदानां लेखकाश्चैव ते वै निरयगामिनः ॥

vedavikrayiṇaścaiva vedānāṃ caiva dūṣakāḥ | vedānāṃ lekhakāścaiva te vai nirayagāminaḥ

Sellers of the Veda, revilers of the Vedas, and those who write down the Vedas go to hell.

Verse 29 (13.62.29)

चातुराश्रम्यबाह्याश्च श्रुतिबाह्याश्च ये नराः । विकर्मभिश्च जीवन्ति ते वै निरयगामिनः ॥

cāturāśramyabāhyāśca śrutibāhyāśca ye narāḥ | vikarmabhiśca jīvanti te vai nirayagāminaḥ

Men who stand outside the four orders of life and outside the Veda, and who live by forbidden deeds, go to hell.

Verse 30 (13.62.30)

केशविक्रयिका राजन्विषविक्रयिकाश्च ये । क्षीरविक्रयिकाश्चैव ते वै निरयगामिनः ॥

keśavikrayikā rājanviṣavikrayikāśca ye | kṣīravikrayikāścaiva te vai nirayagāminaḥ

Sellers of hair, O king, sellers of poison, and sellers of milk go to hell.

Verse 31 (13.62.31)

ब्राह्मणानां गवां चैव कन्यानां च युधिष्ठिर । येऽन्तरायान्ति कार्येषु ते वै निरयगामिनः ॥

brāhmaṇānāṃ gavāṃ caiva kanyānāṃ ca yudhiṣṭhira | ye'ntarāyānti kāryeṣu te vai nirayagāminaḥ

Those who put obstacles in the way of brahmins, cows and maidens in their undertakings, O Yudhishthira, go to hell.

Verse 32 (13.62.32)

शस्त्रविक्रयिकाश्चैव कर्तारश्च युधिष्ठिर । शल्यानां धनुषां चैव ते वै निरयगामिनः ॥

śastravikrayikāścaiva kartāraśca yudhiṣṭhira | śalyānāṃ dhanuṣāṃ caiva te vai nirayagāminaḥ

Sellers of weapons, and makers of arrow-heads and bows, O Yudhishthira, go to hell.

Verse 33 (13.62.33)

शिलाभिः शङ्कुभिर्वाऽपि श्वभ्रैर्वा भरतर्षभ । ये मार्गमनुरुन्धन्ति ते वै निरयगामिनः ॥

śilābhiḥ śaṅkubhirvā'pi śvabhrairvā bharatarṣabha | ye mārgamanurundhanti te vai nirayagāminaḥ

Those who block the road with stones, stakes or pits, O best of the Bharatas, go to hell.

Note on the text: Corrected श्वर्भ्रैर्वा → श्वभ्रैर्वा (misprint in Wikisource; spurious र्; CE 13.24.75 'śvabhrair vā'). 'शिलाभिः' for CE 'śalyaiḥ' is a variant, kept. The alignment found no match for this reason.

Verse 34 (13.62.34)

उपाध्यायांश्च भृत्यांश्च भक्तांश्च भरतर्षभ । ये त्यजन्त्यविकारांस्त्रींस्ते वै निरयगामिनः ॥

upādhyāyāṃśca bhṛtyāṃśca bhaktāṃśca bharatarṣabha | ye tyajantyavikārāṃstrīṃste vai nirayagāminaḥ

Those who abandon their teachers, their servants and their devotees, O best of the Bharatas, those three who have done no wrong, go to hell.

Note on the text: Line 2 'ये त्यजन्त्यविकारांस्त्रीन्' is a recension variant of CE 13.24.76c ('ye tyajanty asamarthāṃs tān'); kept. The alignment found no match for this reason.

Verse 35 (13.62.35)

अप्राप्तदमकाश्चैव नासानां वेधकाश्च ये । बन्धकाश्च पशूनां ये ते वै निरयगामिनः ॥

aprāptadamakāścaiva nāsānāṃ vedhakāśca ye | bandhakāśca paśūnāṃ ye te vai nirayagāminaḥ

Those who break in animals before they are ready, who pierce the noses of cattle, and who bind animals go to hell.

Note on the text: Identical to CE 13.24.77; the alignment simply missed it.

Verse 36 (13.62.36)

अगोप्तारश्च राजानो बलिषड्भागतस्कराः । समर्थाश्चाप्यदातारस्ते वै निरयगामिनः ॥

agoptāraśca rājāno baliṣaḍbhāgataskarāḥ | samarthāścāpyadātāraste vai nirayagāminaḥ

Kings who do not protect their people yet take a sixth part as tribute, and men who are able to give yet do not, go to hell.

Note on the text: Wikisource's couplet is a recension variant of CE 13.24.78 (line 1 'agoptāraś chaladravyā baliṣaḍbhāgatatparāḥ' there; here 'अगोप्तारश्च राजानो बलिषड्भागतस्कराः'). CE star lines 13.24.78d*0214_01-03 follow in the CE; Wikisource lacks them and they are not added.

Verse 37 (13.62.37)

क्षान्तान्दान्तांस्तथा प्राज्ञान्दीर्घकालं सहोषितान् । त्यजन्ति कृतकृत्या ये ते वै निरयगामिनः ॥

kṣāntāndāntāṃstathā prājñāndīrghakālaṃ sahoṣitān | tyajanti kṛtakṛtyā ye te vai nirayagāminaḥ

Those who, their purpose served, abandon the patient, the self-controlled and the wise who have lived with them for a long time, go to hell.

Verse 38 (13.62.38)

बालानामथ वृद्धानां दासानां चैव ये नराः । अदत्त्वा भक्षयन्त्यग्रे ते वै निरयगामिनः ॥

bālānāmatha vṛddhānāṃ dāsānāṃ caiva ye narāḥ | adattvā bhakṣayantyagre te vai nirayagāminaḥ

Those men who eat first, without giving to children, to the old and to servants, go to hell.

Verse 39 (13.62.39)

एते पूर्वं विनिर्दिष्टाः प्रोक्ता निरयगामिनः । भागिनः स्वर्गलोकस्य वक्ष्यामि भरतर्षभ ॥

ete pūrvaṃ vinirdiṣṭāḥ proktā nirayagāminaḥ | bhāginaḥ svargalokasya vakṣyāmi bharatarṣabha

These who have been listed above are the ones declared to be bound for hell. I shall now tell of those who share in the world of heaven, O best of the Bharatas.

Note on the text: Line 1 'प्रोक्ता निरयगामिनः' for CE 'pūrvarṣibhir dṛṣṭāḥ'; recension variant, kept.

Verse 40 (13.62.40)

सर्वेष्वेव तु कार्येषु दैवपूर्वेषु भारत । हन्ति पुत्रान्पशून्कृत्स्नान्ब्राह्मणातिक्रमः कृतः ॥

sarveṣveva tu kāryeṣu daivapūrveṣu bhārata | hanti putrānpaśūnkṛtsnānbrāhmaṇātikramaḥ kṛtaḥ

In all undertakings that begin with the rite for the gods, O Bharata, a transgression against a brahmin destroys one's sons and all one's cattle.

Verse 41 (13.62.41)

दानेन तपसा चैव सत्येन च युधिष्ठिर । ये धर्ममनुवर्तन्ते ते नराः स्वर्गगामिनः ॥

dānena tapasā caiva satyena ca yudhiṣṭhira | ye dharmamanuvartante te narāḥ svargagāminaḥ

Those who follow dharma through giving, austerity and truth, O Yudhishthira, those men go to heaven.

Verse 42 (13.62.42)

शुश्रूषाभिस्तपोभिश्च विद्यामादाय भारत । ये प्रतिग्रहनिःस्नेहास्ते नराः स्वर्गगामिनः ॥

śuśrūṣābhistapobhiśca vidyāmādāya bhārata | ye pratigrahaniḥsnehāste narāḥ svargagāminaḥ

Those who, having gained learning through service and austerities, O Bharata, are free of attachment to receiving gifts, those men go to heaven.

Note on the text: Line 1 'विद्यामादाय' for CE 'śrutam ādāya'; recension variant, kept.

Verse 43 (13.62.43)

भयात्पापात्तथा बाधाद्दारिद्र्याद्व्याधिधर्षणात् । तत्कृते धनमीप्सन्ते ते नराः स्वर्गगामिनः ॥

bhayātpāpāttathā bādhāddāridryādvyādhidharṣaṇāt | tatkṛte dhanamīpsante te narāḥ svargagāminaḥ

Those who seek wealth for the sake of release from fear, from sin, from hindrance, from poverty and from the assault of disease, those men go to heaven.

Note on the text: Corrected भयात्पाषात् → भयात्पापात् (misprint in Wikisource; ष for प; CE 13.24.85 'bhayāt pāpāt'). Line 2 'तत्कृते धनमीप्सन्ते' is a recension variant of CE 'yatkṛte pratimucyante', kept.

Verse 44 (13.62.44)

क्षमावन्तश्च धीराश्च धर्मकार्येषु चोत्थिताः । मङ्गलाचारसम्पन्नाः पुरुषाः स्वर्गगामिनः ॥

kṣamāvantaśca dhīrāśca dharmakāryeṣu cotthitāḥ | maṅgalācārasampannāḥ puruṣāḥ svargagāminaḥ

The patient, the steadfast, those who rise up for works of dharma and are endowed with auspicious conduct, those men go to heaven.

Note on the text: Line 1 'मङ्गलाचारसम्पन्नाः' for CE 'maṅgalācārayuktāḥ'; variant, kept.

Verse 45 (13.62.45)

निवृत्ता मधुमांसेभ्यः परदारेभ्य एव च । निवृत्ताश्चैव मद्येभ्यस्ते नराः स्वर्गगामिनः ॥

nivṛttā madhumāṃsebhyaḥ paradārebhya eva ca | nivṛttāścaiva madyebhyaste narāḥ svargagāminaḥ

Those who have turned away from honey and meat, from the wives of others, and from intoxicating drink, those men go to heaven.

Verse 46 (13.62.46)

आश्रमाणां च कर्तारः कुलानां चैव भारत । देशानां नगराणां च ते नराः स्वर्गगामिनः ॥

āśramāṇāṃ ca kartāraḥ kulānāṃ caiva bhārata | deśānāṃ nagarāṇāṃ ca te narāḥ svargagāminaḥ

Those who found hermitages, families, regions and cities, O Bharata, those men go to heaven.

Verse 47 (13.62.47)

वस्त्राभरणदातारो भक्ष्यपानान्नदास्तथा । कुटुम्बानां च भर्तारः पुरुषाः स्वर्गगामिनः ॥

vastrābharaṇadātāro bhakṣyapānānnadāstathā | kuṭumbānāṃ ca bhartāraḥ puruṣāḥ svargagāminaḥ

Givers of clothes and ornaments, of food and drink, and supporters of families, those men go to heaven.

Note on the text: Line 2 'कुटुम्बानां च भर्तारः' for CE 'kuṭumbānāṃ ca dātāraḥ'; variant, kept.

Verse 48 (13.62.48)

सर्वहिंसानिवृत्ताश्च नराः सर्वसहाश्च ये । सर्वस्याश्रयभूताश्च ते नराः स्वर्गगामिनः ॥

sarvahiṃsānivṛttāśca narāḥ sarvasahāśca ye | sarvasyāśrayabhūtāśca te narāḥ svargagāminaḥ

Those who have turned away from all harming, who bear everything, and who are the support of all, those men go to heaven.

Verse 49 (13.62.49)

मातरं पितरं चैव शुश्रुषन्ति जितेन्द्रियाः । भ्रातॄणां चैव सस्नेहास्ते नराः स्वर्गगामिनः ॥

mātaraṃ pitaraṃ caiva śuśruṣanti jitendriyāḥ | bhrātṝṇāṃ caiva sasnehāste narāḥ svargagāminaḥ

Those who, with their senses mastered, serve their mother and father and are affectionate to their brothers, those men go to heaven.

Verse 50 (13.62.50)

आढ्याश्च बलवन्तश्च यौवनस्थाश्च भारत । ये वै जितेन्द्रिया धीरास्ते नराः स्वर्गगामिनः ॥

āḍhyāśca balavantaśca yauvanasthāśca bhārata | ye vai jitendriyā dhīrāste narāḥ svargagāminaḥ

Those who, though wealthy and strong and in the prime of youth, O Bharata, are masters of their senses and steadfast, those men go to heaven.

Verse 51 (13.62.51)

अपराधिषु सस्नेहा मृदवो मृदुवत्सलाः । आराधनसुखाश्चापि पुरुषाः स्वर्गगामिनः ॥

aparādhiṣu sasnehā mṛdavo mṛduvatsalāḥ | ārādhanasukhāścāpi puruṣāḥ svargagāminaḥ

Those who are kind to offenders, gentle, fond of the gentle, and who find their joy in pleasing others, those men go to heaven.

Note on the text: Line 1 'मृदुवत्सलाः' for CE 'mitravatsalāḥ' and line 2 'पुरुषाः' for CE 'te narāḥ'; variants, kept.

Verse 52 (13.62.52)

सहस्रपरिवेष्टारस्तथैव च सहस्रदाः । त्रातारश्च सहस्राणां ते नराः स्वर्गगामिनः ॥

sahasrapariveṣṭārastathaiva ca sahasradāḥ | trātāraśca sahasrāṇāṃ te narāḥ svargagāminaḥ

Those who feed a thousand, who give a thousand, and who save a thousand, those men go to heaven.

Verse 53 (13.62.53)

सुवर्णस्य च दातारो गवां च भरतर्षभ । यानानां वाहनानां च ते नराः स्वर्गगामिनः ॥

suvarṇasya ca dātāro gavāṃ ca bharatarṣabha | yānānāṃ vāhanānāṃ ca te narāḥ svargagāminaḥ

Givers of gold and of cows, O best of the Bharatas, and of carriages and vehicles, those men go to heaven.

Verse 54 (13.62.54)

वैवाहिकानां द्रव्याणां प्रेष्याणां च युधिष्ठिर । दातारो वाससां चैव ते नराः स्वर्गगामिनः ॥

vaivāhikānāṃ dravyāṇāṃ preṣyāṇāṃ ca yudhiṣṭhira | dātāro vāsasāṃ caiva te narāḥ svargagāminaḥ

Givers of marriage goods, of servants, and of clothes, O Yudhishthira, those men go to heaven.

Note on the text: Line 1 'द्रव्याणां' for CE 'kanyānāṃ'; variant, kept.

Verse 55 (13.62.55)

विहारावसथोद्यानकूपारामसभाप्रपा । वप्राणां चैव कर्तारस्ते नराः स्वर्गगामिनः ॥

vihārāvasathodyānakūpārāmasabhāprapā | vaprāṇāṃ caiva kartāraste narāḥ svargagāminaḥ

Makers of pleasure-houses, rest-houses, gardens, wells, groves, assembly halls, water-huts and embankments, those men go to heaven.

Note on the text: Line 1 reads '…सभाप्रपा' where CE 13.24.97 reads '…sabhāpradāḥ'; variant, kept. CE star lines 13.24.97d*0215_01-02 follow in the CE; Wikisource lacks them and they are not added.

Verse 56 (13.62.56)

निवेशनानां क्षेत्राणां वसतीनां च भारत । दातारः प्रार्थितानां च ते नराः स्वर्गगामिनः ॥

niveśanānāṃ kṣetrāṇāṃ vasatīnāṃ ca bhārata | dātāraḥ prārthitānāṃ ca te narāḥ svargagāminaḥ

Givers of houses, of fields, and of dwellings, O Bharata, and givers of what is asked of them, those men go to heaven.

Verse 57 (13.62.57)

रसानां चाथ बीजानां धान्यानां च युधिष्ठिर । स्वयमुत्पाद्य दातारः पुरुषाः स्वर्गगामिनः ॥

rasānāṃ cātha bījānāṃ dhānyānāṃ ca yudhiṣṭhira | svayamutpādya dātāraḥ puruṣāḥ svargagāminaḥ

Those who give juices, seeds and grains, having produced them themselves, O Yudhishthira, those men go to heaven.

Verse 58 (13.62.58)

यस्मिंस्तस्मिन्कुले जाता बहुपुत्राः शतायुषः । सानुक्रोशा जितक्रोधाः पुरुषाः स्वर्गगामिनः ॥

yasmiṃstasminkule jātā bahuputrāḥ śatāyuṣaḥ | sānukrośā jitakrodhāḥ puruṣāḥ svargagāminaḥ

Those who, born in whatever family, have many sons and a hundred years of life, are compassionate and have conquered anger, those men go to heaven.

Note on the text: CE star lines 13.24.100d*0216_01-02 follow in the CE; Wikisource lacks them and they are not added.

Verse 59 (13.62.59)

एतदुक्तममुत्रार्थं दैवं पित्र्यं च भारत । दानधर्मं च दानस्य यत्पूर्वमृषिभिः कृतम् ॥

etaduktamamutrārthaṃ daivaṃ pitryaṃ ca bhārata | dānadharmaṃ ca dānasya yatpūrvamṛṣibhiḥ kṛtam

This has been said, for the sake of the world beyond, about the rites for the gods and for the ancestors, O Bharata, and the dharma of giving, which the sages established of old.

Note on the text: Corrected ऋषितिः → ऋषिभिः (misprint in Wikisource; ऋषितिः is not a word; the evident instrumental of ऋषि). The couplet is a recension variant of CE 13.24.101 ('etad uktam amutrārthaṃ daivaṃ pitryaṃ ca bhārata / dharmādharmau ca dānasya yathā pūrvarṣibhiḥ kṛtau'); the alignment found no match.