Indra Is Turned Away by Vipula

Verse 1 (13.76.1)

ततः कदाचिद्देवेन्द्रो दिव्यरूपवपुर्धरः । इदमन्तरमित्येवमभ्यगात्तमथाश्रमम् ॥

tataḥ kadāciddevendro divyarūpavapurdharaḥ | idamantaramityevamabhyagāttamathāśramam

Then once Indra, lord of the gods, taking on a divine and radiant form, thinking "this is the chance", came to that hermitage.

Verse 2 (13.76.2)

रूपमप्रतिमं कृत्वा लोभनीयं जनाधिपः । दर्शनीयतमो भूत्वा प्रविवेश तमाश्रमम् ॥

rūpamapratimaṃ kṛtvā lobhanīyaṃ janādhipaḥ | darśanīyatamo bhūtvā praviveśa tamāśramam

Having taken an incomparable, alluring form and made himself most pleasing to look upon, O lord of men, he entered that hermitage.

Verse 3 (13.76.3)

स ददर्श तमासीनं विपुलस्य कलेबरम् । निश्चेष्टं स्तब्धनयनं यथाऽऽलेख्यगतं तथा ॥

sa dadarśa tamāsīnaṃ vipulasya kalebaram | niśceṣṭaṃ stabdhanayanaṃ yathā''lekhyagataṃ tathā

He saw Vipula's body seated there, motionless, with fixed eyes, like a figure in a painting.

Note on the text: Corrected यताऽऽलेख्यगतं → यथाऽऽलेख्यगतं (misprint in Wikisource; CE 13.41.3c 'yathālekhyagataṃ'). Wikisource's कलेबरम् (ba for va) is a spelling variant, kept.

Verse 4 (13.76.4)

रुचिं च रुचिरापाङ्गीं पीनश्रोणिपयोधराम् । पद्मपत्रविशालाक्षीं सम्पूर्णेन्दुनिभाननाम् ॥

ruciṃ ca rucirāpāṅgīṃ pīnaśroṇipayodharām | padmapatraviśālākṣīṃ sampūrṇendunibhānanām

And he saw Ruchi, of lovely glances, with full hips and breasts, eyes wide as lotus petals, and a face like the full moon.

Verse 5 (13.76.5)

सा तमालोक्य सहसा प्रत्युत्थातुमियेष ह । रूपेण विस्मिता कोऽसीत्यथ वक्तुमिवेच्छती ॥

sā tamālokya sahasā pratyutthātumiyeṣa ha | rūpeṇa vismitā ko'sītyatha vaktumivecchatī

Seeing him, she suddenly tried to rise, amazed at his beauty, wishing to say, "Who are you?"

Note on the text: Corrected प्रत्युत्तातुमियेष → प्रत्युत्थातुमियेष (misprint in Wikisource; त for थ; CE 13.41.5a 'pratyutthātum').

Verse 6 (13.76.6)

उत्थातुकामा तु सती विष्टब्धा विपुलेन सा । निगृहीता मनुष्येन्द्र न शशाक विचेष्टितुम् ॥

utthātukāmā tu satī viṣṭabdhā vipulena sā | nigṛhītā manuṣyendra na śaśāka viceṣṭitum

Though she wished to rise, she was held fast by Vipula; restrained, O lord of men, she could not stir.

Note on the text: Corrected विष्टव्धा → विष्टब्धा (misprint in Wikisource; व for ब; the correct form of the root stambh, as in verse 10 and CE 13.41.10c 'viṣṭabdhā'). Wikisource's first line is a recension variant of CE 13.41.6a, kept.

Verse 7 (13.76.7)

तामाबभाषे देवेन्द्रः साम्ना परमवल्गुना । त्वदर्थमागतं विद्धि देवेन्द्रं मां शुचिस्मिते ॥

tāmābabhāṣe devendraḥ sāmnā paramavalgunā | tvadarthamāgataṃ viddhi devendraṃ māṃ śucismite

Indra addressed her with gentle and most pleasing words: "Know, O smiling one, that I have come for you. I am Indra, lord of the gods.

Note on the text: Restored परमवल्******* → परमवल्गुना (Wikisource prints asterisks for the lost end of the word; CE 13.41.7c 'sāmnā paramavalgunā'). Corrected देवेन्द्र मां → देवेन्द्रं मां (dropped anusvara; CE 13.41.7c 'devendraṃ māṃ'). The first line is narration, the second Indra's words (no heading printed); the verse is kept whole under the narrator.

Verse 8 (13.76.8)

क्लिश्यमानमनङ्गेन त्वत्सङ्कल्पभवेन ह । तत्पर्याप्नुहि मां सुभ्रु पुरा कालोऽतिवर्तते ॥

kliśyamānamanaṅgena tvatsaṅkalpabhavena ha | tatparyāpnuhi māṃ subhru purā kālo'tivartate

I am tormented by the god of love, born of my longing for you. Take me to yourself, fair-browed one; the time is slipping by."

Note on the text: Speaker: Shakra (Indra). The page prints no heading; the whole verse is his speech.

Verse 9 (13.76.9)

तमेवंवादिनं शक्रं शुश्राव विपुलो मुनिः । गुरुपत्न्याः शरीरस्थो ददर्श त्रिदशाधिपम् ॥

tamevaṃvādinaṃ śakraṃ śuśrāva vipulo muniḥ | gurupatnyāḥ śarīrastho dadarśa tridaśādhipam

The sage Vipula heard Shakra speaking thus; dwelling within his teacher's wife's body, he saw the lord of the thirty gods.

Note on the text: Corrected गुरुपत्नयाः → गुरुपत्न्याः (misprint in Wikisource; CE 'gurupatnyāḥ') and त्रिदसाधिपम् → त्रिदशाधिपम् (स for श). The second line is a recension variant of CE 13.41.9c (… dadarśa ca surādhipam), kept.

Verse 10 (13.76.10)

न शशाक च सा राजन्प्रत्युत्थातुमनिन्दिता । वक्तुं च नाशकद्राजन्विष्टब्धा विपुलेन सा ॥

na śaśāka ca sā rājanpratyutthātumaninditā | vaktuṃ ca nāśakadrājanviṣṭabdhā vipulena sā

And the blameless woman, O king, could neither rise to meet him nor speak, for she was held rigid by Vipula.

Note on the text: Corrected विष्टब्दा → विष्टब्धा (misprint in Wikisource; द for ध; CE 'viṣṭabdhā').

Verse 11 (13.76.11)

आकारं गुरुपत्न्यास्तु स विज्ञाय भृगूद्वहः । निजग्राह महातेजा योगेन बलवत्प्रभो । बबन्ध योगबन्धैश्च तस्याः सर्वेन्द्रियाणि सः ॥

ākāraṃ gurupatnyāstu sa vijñāya bhṛgūdvahaḥ | nijagrāha mahātejā yogena balavatprabho | babandha yogabandhaiśca tasyāḥ sarvendriyāṇi saḥ

Perceiving the state of his teacher's wife, the greatly radiant descendant of Bhrigu, O lord, seized her by the power of yoga and bound all her senses with the bonds of yoga.

Note on the text: Corrected निजय्नाह → निजग्राह (misprint in Wikisource; CE 13.41.11b 'nijagrāha'). Three-line verse as in CE (11a, 11c, 11e).

Verse 12 (13.76.12)

तां निर्विकारां दृष्ट्वा तु पुनरेव शचीपतिः । उवाच व्रीडितो राजंस्तां योगबलमोहिताम् ॥

tāṃ nirvikārāṃ dṛṣṭvā tu punareva śacīpatiḥ | uvāca vrīḍito rājaṃstāṃ yogabalamohitām

Seeing her unmoved, the lord of Shachi spoke again, abashed, to her who was bewildered by the power of yoga, O king.

Note on the text: Corrected व्रीहितो → व्रीडितो (misprint in Wikisource; ह for ड; CE 'vrīḍito').

Verse 13 (13.76.13)

एह्येहीति ततः सा तु प्रतिवक्तुमियेष तम् । स तां वाचं गुरोः पत्न्या विपुलः पर्यवर्तयत् ॥

ehyehīti tataḥ sā tu prativaktumiyeṣa tam | sa tāṃ vācaṃ guroḥ patnyā vipulaḥ paryavartayat

"Come, come!" she then wished to answer him; but Vipula turned that speech of his teacher's wife aside.

Note on the text: Corrected वाच्यं → वाचं (misprint in Wikisource; neuter 'वाच्यं' cannot agree with तां; CE 13.41.13c 'sa tāṃ vācaṃ').

Verse 14 (13.76.14)

भोः किमागमने कृत्यमिति तस्यास्तु निःसृता । वक्त्राच्छशाङ्कसदृशाद्वाणी संस्कारभूषणा ॥

bhoḥ kimāgamane kṛtyamiti tasyāstu niḥsṛtā | vaktrācchaśāṅkasadṛśādvāṇī saṃskārabhūṣaṇā

"Sir, what is the purpose of your coming?" So her speech came forth from a face like the moon, adorned with refinement.

Verse 15 (13.76.15)

व्रीडिता सा तु तद्वाक्यमुक्त्वा परवशा तदा । पुरन्दरश्च संत्रस्तो बभूव विमना भृशम् ॥

vrīḍitā sā tu tadvākyamuktvā paravaśā tadā | purandaraśca saṃtrasto babhūva vimanā bhṛśam

Ashamed, having spoken those words while under another's control, she fell silent; and Purandara, alarmed, became greatly dejected.

Note on the text: Corrected वीडिता → व्रीडिता (misprint in Wikisource; dropped र; CE 'vrīḍitā').

Verse 16 (13.76.16)

स तद्वैकृतमालक्ष्य देवराजो विशांपते । अवैक्षत सहस्राक्षस्तदा दिव्येन चक्षुषा ॥

sa tadvaikṛtamālakṣya devarājo viśāṃpate | avaikṣata sahasrākṣastadā divyena cakṣuṣā

Noticing that change, the king of the gods, the thousand-eyed, O lord of the people, looked with his divine eye.

Verse 17 (13.76.17)

स ददर्श मुनिं तस्याः शरीरान्तरगोचरम् । प्रतिबिम्बमिवादर्शे गुरुपत्न्याः शरीरगम् ॥

sa dadarśa muniṃ tasyāḥ śarīrāntaragocaram | pratibimbamivādarśe gurupatnyāḥ śarīragam

He saw the sage moving within her body, like a reflection in a mirror, inside the body of his teacher's wife.

Verse 18 (13.76.18)

स तं घोरेण तपसा युक्तं दृष्ट्वा पुरंदरः । प्रावेपत सुसंत्रस्तो व्रीडितश्च तदा विभो ॥

sa taṃ ghoreṇa tapasā yuktaṃ dṛṣṭvā puraṃdaraḥ | prāvepata susaṃtrasto vrīḍitaśca tadā vibho

Seeing him endowed with terrible austerity, Purandara trembled in great fear and was shamed, O lord.

Verse 19 (13.76.19)

विमुच्य गुरुपत्नीं तु विपुलः सुमहातपाः । स्वकलेबरमाविश्य शक्रं भीतमथाब्रवीत् ॥

vimucya gurupatnīṃ tu vipulaḥ sumahātapāḥ | svakalebaramāviśya śakraṃ bhītamathābravīt

Vipula, of great austerity, leaving his teacher's wife and entering his own body, spoke to the frightened Shakra.

Verse 20 (13.76.20)

अजितेन्द्रिय दुर्बुद्धे पापात्मक पुरंदर । न चिरं पूजयिष्यन्ति देवास्त्वां मानुषास्तथा ॥

ajitendriya durbuddhe pāpātmaka puraṃdara | na ciraṃ pūjayiṣyanti devāstvāṃ mānuṣāstathā

"O Indra, you who have not mastered your senses, foolish, evil in nature! Gods and men will not honour you for long.

Note on the text: Speaker: Vipula. The page prints no heading for his rebuke (verses 20-26 of the page are all his speech). Not matched by the automatic alignment; it is CE 13.41.20 (ajitendriya pāpātman kāmātmaka puraṃdara …); Wikisource's 'पापात्मक' for the CE's 'pāpātman … kāmātmaka' is a recension variant (the page's note 13-76-20 records 'कामात्मक पुरन्दर' as another reading), kept.

Verse 21 (13.76.21)

किन्नु तद्विस्मृतं शक्र न तन्मनसि ते स्थितम् । गौतमेनासि यन्मुक्तो भगाङ्कपरिचिह्नितः ॥

kinnu tadvismṛtaṃ śakra na tanmanasi te sthitam | gautamenāsi yanmukto bhagāṅkaparicihnitaḥ

Have you forgotten, Shakra? Is it not in your mind how Gautama released you, marked with the sign of the female organ?

Note on the text: Speaker: Vipula (no heading printed; continuation of his speech).

Verse 22 (13.76.22)

जाने त्वां बालिशमतिमकृतात्मानमस्थिरम् । मयेयं रक्ष्यते मूढ गच्छ पाप यथागतम् ॥

jāne tvāṃ bāliśamatimakṛtātmānamasthiram | mayeyaṃ rakṣyate mūḍha gaccha pāpa yathāgatam

I know you to be foolish-minded, of unformed self and unsteady. She is guarded by me; go, wicked one, the way you came.

Note on the text: Speaker: Vipula (no heading printed).

Verse 23 (13.76.23)

नाहं त्वामद्य मूढात्मन्दहेयं हि स्वतेजसा । कृपायमानस्तु न ते दग्धुमिच्छामि वासव ॥

nāhaṃ tvāmadya mūḍhātmandaheyaṃ hi svatejasā | kṛpāyamānastu na te dagdhumicchāmi vāsava

Fool, I would burn you today with my own radiance; but out of pity I do not wish to burn you, Vasava.

Note on the text: Speaker: Vipula (no heading printed).

Verse 24 (13.76.24)

स च घोरतमो धीमान्गुरुर्मे पापचेतसम् । दृष्ट्वा त्वां निर्दहेदद्य क्रोधदीप्तेन चक्षुषा ॥

sa ca ghoratamo dhīmāngururme pāpacetasam | dṛṣṭvā tvāṃ nirdahedadya krodhadīptena cakṣuṣā

But my teacher, wise and of the most terrible power, would burn you today if he saw you of sinful mind, with eyes ablaze with anger.

Note on the text: Speaker: Vipula (no heading printed).

Verse 25 (13.76.25)

नैवं तु शक्र कर्तव्यं पुनर्मान्याश्च ते द्विजाः । मा गमः ससुतामात्यः क्षयं ब्रह्मबलार्दितः ॥

naivaṃ tu śakra kartavyaṃ punarmānyāśca te dvijāḥ | mā gamaḥ sasutāmātyaḥ kṣayaṃ brahmabalārditaḥ

Do not act so again, Shakra; brahmins are to be honoured by you. Do not go to your ruin with your sons and ministers, struck down by the power of Brahman.

Note on the text: Speaker: Vipula (no heading printed).

Verse 26 (13.76.26)

अमरोऽस्मीति यद्बुद्धिं समास्थाय प्रवर्तते । मावमंस्था न तपसा न साध्यं नाम किञ्चन ॥

amaro'smīti yadbuddhiṃ samāsthāya pravartate | māvamaṃsthā na tapasā na sādhyaṃ nāma kiñcana

Whoever acts relying on the thought "I am immortal" should not look down on ascetics; there is nothing at all that cannot be achieved by austerity."

Note on the text: Corrected अमरोस्मीति → अमरोऽस्मीति (misprint in Wikisource; missing avagraha; CE 'amaro ’smīti'). Speaker: Vipula (no heading printed).

Verse 27 (13.76.27)

तच्छ्रुत्वा वचनं शक्रो विपुलस्य महात्मनः । न किञ्चिदुक्त्वा व्रीडार्तस्तत्रैवान्तरधीयत ॥

tacchrutvā vacanaṃ śakro vipulasya mahātmanaḥ | na kiñciduktvā vrīḍārtastatraivāntaradhīyata

Hearing the words of the great-souled Vipula, Shakra, pained with shame, said nothing and vanished on the spot.

Verse 28 (13.76.28)

मुहूर्तयाते तस्मिंस्तु देवशर्मा महातपाः । कृत्वा यज्ञं यथाकाममाजगाम स्वमाश्रमम् ॥

muhūrtayāte tasmiṃstu devaśarmā mahātapāḥ | kṛtvā yajñaṃ yathākāmamājagāma svamāśramam

A moment after he had gone, the greatly ascetic Devasharma, having performed his sacrifice as he wished, came back to his own hermitage.

Verse 29 (13.76.29)

आगतेऽथ गुरौ राजन्विपुलः प्रियकर्मकृत् । रक्षितां गुरवे भार्यां न्यवेदयदनिन्दिताम् ॥

āgate'tha gurau rājanvipulaḥ priyakarmakṛt | rakṣitāṃ gurave bhāryāṃ nyavedayadaninditām

When the teacher had come, O king, Vipula, who delighted in doing him good, presented the blameless wife to her husband, kept safe.

Note on the text: Corrected गुरेव → गुरवे (misprint in Wikisource; CE 13.41.29c 'gurave').

Verse 30 (13.76.30)

अभिवाद्य च शान्तात्मा स गुरुं गुरुवत्सलः । विपुलः पर्युपातिष्ठद्यथापूर्वमशङ्कितः ॥

abhivādya ca śāntātmā sa guruṃ guruvatsalaḥ | vipulaḥ paryupātiṣṭhadyathāpūrvamaśaṅkitaḥ

Greeting his teacher, the tranquil and devoted Vipula waited upon him as before, without apprehension.

Verse 31 (13.76.31)

विश्रान्ताय ततस्तस्मै सहासीनाय भार्यया । निवेदयामास तदा विपुलः शक्रकर्म तत् ॥

viśrāntāya tatastasmai sahāsīnāya bhāryayā | nivedayāmāsa tadā vipulaḥ śakrakarma tat

When the teacher had rested and was seated with his wife, Vipula then told him of Shakra's doings.

Verse 32 (13.76.32)

तच्छुत्वा स मुनिस्तुष्टो विपुलस्य प्रतापवान् । बभूव शीलवृत्ताभ्यां तपसा नियमेन च ॥

tacchutvā sa munistuṣṭo vipulasya pratāpavān | babhūva śīlavṛttābhyāṃ tapasā niyamena ca

Hearing it, the mighty sage was pleased with Vipula for his character and conduct, his austerity and his discipline.

Note on the text: Corrected तुष्टों → तुष्टो (misprint in Wikisource; stray anusvara).

Verse 33 (13.76.33)

विपुलस्य गुरौ वृत्तिं भक्तिमात्मनि तत्प्रभुः । धर्मे च स्थिरतां दृष्ट्वा साधुसाध्वित्यभाषत ॥

vipulasya gurau vṛttiṃ bhaktimātmani tatprabhuḥ | dharme ca sthiratāṃ dṛṣṭvā sādhusādhvityabhāṣata

Seeing Vipula's conduct toward his teacher, his devotion to him and his steadiness in dharma, the lord said, "Well done, well done!"

Verse 34 (13.76.34)

प्रतिनन्द्य च धर्मात्मा शिष्यं धर्मपरायणम् । वरेण च्छन्दयामास देवशर्मा महामतिः ॥

pratinandya ca dharmātmā śiṣyaṃ dharmaparāyaṇam | vareṇa cchandayāmāsa devaśarmā mahāmatiḥ

Praising his disciple, who was devoted to dharma, the righteous and wise Devasharma offered him the choice of a boon.

Note on the text: Lines = CE 13,041.034a (pratinandya ca dharmātmā śiṣyaṃ dharmaparāyaṇam) and CE 13,041.034c with the star half-line 13,041.034c*0297_01 (devaśarmā mahāmatiḥ) in place of the CE's 'sa tasmād guruvatsalaḥ'.

Verse 35 (13.76.35)

स्थितिं च धर्मे जग्राह स तस्माद्गुरुवत्सलः । अनुज्ञातश्च गुरुणा चचारानुत्तमं तपः ॥

sthitiṃ ca dharme jagrāha sa tasmādguruvatsalaḥ | anujñātaśca guruṇā cacārānuttamaṃ tapaḥ

Devoted to his teacher, he received from him steadfastness in dharma, and with his teacher's leave he practised unsurpassed austerity.

Note on the text: Lines = CE star line 13,041.034c*0297_02 (sthitiṃ ca dharme jagrāha) joined to the CE's 13,041.034c ending 'sa tasmād guruvatsalaḥ', and CE 13,041.034e (anujñātaś ca guruṇā cacārānuttamaṃ tapaḥ).

Verse 36 (13.76.36)

तथैव देवशर्मापि सभार्यः स महातपाः । निर्भयो बलवृत्रघ्नाच्चचार विजने वने ॥

tathaiva devaśarmāpi sabhāryaḥ sa mahātapāḥ | nirbhayo balavṛtraghnāccacāra vijane vane

Devasharma too, the greatly ascetic one, lived with his wife in a solitary forest, fearless of the slayer of Bala and Vritra.