The Price of Chyavana: A Cow

Verse 1 (13.86.1)

नहुषस्तु ततः श्रुत्वा च्यवनं तं तथाऽऽगतम् । त्वरितः प्रययौ तत्र सहामात्यपुरोहितः ॥

nahuṣastu tataḥ śrutvā cyavanaṃ taṃ tathā''gatam | tvaritaḥ prayayau tatra sahāmātyapurohitaḥ

Hearing that Chyavana had come in this way, Nahusha went there in haste, with his ministers and his priest.

Note on the text: Corrected तत्रि → तत्र (misprint in Wikisource; a stray vowel sign; the critical edition reads “tatra”).

Verse 2 (13.86.2)

शौचं कृत्वा यथान्यायं प्राञ्जलिः प्रयतो नृपः । आत्मानमाचचक्षे च च्यवनाय महात्मने ॥

śaucaṃ kṛtvā yathānyāyaṃ prāñjaliḥ prayato nṛpaḥ | ātmānamācacakṣe ca cyavanāya mahātmane

The king, having purified himself as is proper, with joined palms and self-controlled, made himself known to the great-souled Chyavana.

Verse 3 (13.86.3)

अर्चयामास तं चापि तस्य राज्ञः पुरोहितः । सत्यव्रतं महात्मानं देवकल्पं विशाम्पते ॥

arcayāmāsa taṃ cāpi tasya rājñaḥ purohitaḥ | satyavrataṃ mahātmānaṃ devakalpaṃ viśāmpate

And that king’s priest honoured him, true to his vow, the great soul, godlike, O lord of the people.

Verse 4 (13.86.4)

करवाणि प्रियं किं ते तन्मे ब्रूहि द्विजोत्तम । सर्वं कर्ताऽस्मि भगवन्यद्यपि स्यात्सुदुष्करम् ॥

karavāṇi priyaṃ kiṃ te tanme brūhi dvijottama | sarvaṃ kartā'smi bhagavanyadyapi syātsuduṣkaram

What can I do that is dear to you? Tell me that, best of Brahmins. I shall do everything, O Blessed One, even if it is very hard.

Note on the text: Line 1 differs from the CE (page “tan me brūhi dvijottama”; CE “tan me vyākhyātum arhasi”); line 2 agrees with CE 13.51.4c. The alignment found no match.

Verse 5 (13.86.5)

श्रमेण महता युक्ताः कैवर्ता मत्स्यजीविनः । मम मूल्यं प्रयच्छैभ्यो मत्स्यानां विक्रयैः सह ॥

śrameṇa mahatā yuktāḥ kaivartā matsyajīvinaḥ | mama mūlyaṃ prayacchaibhyo matsyānāṃ vikrayaiḥ saha

These fishermen, who live by fish, are weighed down with great toil. Pay them my price, together with the price of the fish they would sell.

Note on the text: Corrected श्रमेणि → श्रमेण (misprint in Wikisource; a stray vowel sign; the critical edition reads “śrameṇa”).

Verse 6 (13.86.6)

सहस्रं दीयतां मूल्यं निषादेभ्यः पुरोहित । निष्क्रयार्थे भगवतो यथाऽऽह भृगुनन्दनः ॥

sahasraṃ dīyatāṃ mūlyaṃ niṣādebhyaḥ purohita | niṣkrayārthe bhagavato yathā''ha bhṛgunandanaḥ

Priest, let a price of a thousand be given to the Nishadas as the ransom of the Blessed One, as the delight of Bhrigu has said.

Verse 7 (13.86.7)

आत्ममूल्यं च वक्तव्यं न तल्लोकः प्रशंसति । तस्मादहं प्रवक्ष्यामि न चात्मस्तुतिम्मवृतः ॥

ātmamūlyaṃ ca vaktavyaṃ na tallokaḥ praśaṃsati | tasmādahaṃ pravakṣyāmi na cātmastutimmavṛtaḥ

A man should not name his own price; the world does not approve of it. Therefore I shall speak, but not in self-praise.

Note on the text: Not in the critical edition (vulgate only; no star or Appendix I passage in CE 13.51 carries it). The last words “na cātmastutimmavṛtaḥ” (न चात्मस्तुतिम्मवृतः) look corrupt in the base text; left as printed and translated by the evident sense.

Verse 8 (13.86.8)

सहस्रं नाहमर्हामि किं वा त्वं मन्यसे नृप । सदृशं दीयतां मूल्यं स्वबुद्ध्या निश्चयं कुरु ॥

sahasraṃ nāhamarhāmi kiṃ vā tvaṃ manyase nṛpa | sadṛśaṃ dīyatāṃ mūlyaṃ svabuddhyā niścayaṃ kuru

I am not worth a thousand. Or what do you think, O king? Let a fitting price be given; decide by your own judgement.

Verse 9 (13.86.9)

सहस्राणां शतं विप्र निषादेभ्यः प्रदीयताम् । स्यादिदं भगवन्मूल्यं किं वाऽन्यन्मन्यते भवान् ॥

sahasrāṇāṃ śataṃ vipra niṣādebhyaḥ pradīyatām | syādidaṃ bhagavanmūlyaṃ kiṃ vā'nyanmanyate bhavān

O Brahmin, let a hundred thousand be given to the Nishadas. Would this be the price, Blessed One, or what else do you think?

Note on the text: Corrected निषोदेभ्यः → निषादेभ्यः (misprint in Wikisource; a wrong vowel; the critical edition reads “niṣādebhyaḥ”).

Verse 10 (13.86.10)

नाहं शतसहस्रेण निमेयः पार्थिवर्षभ । दीयतां सदृशं मूल्यममात्यैः सह चिन्तय ॥

nāhaṃ śatasahasreṇa nimeyaḥ pārthivarṣabha | dīyatāṃ sadṛśaṃ mūlyamamātyaiḥ saha cintaya

I cannot be measured by a hundred thousand, O best of kings. Let a fitting price be given; think it over with your ministers.

Verse 11 (13.86.11)

कोटिः प्रदीयतां मूल्यं निषादेभ्यः पुरोहित । यदेतदपि नो मूल्यमतो भूयः प्रदीयताम् ॥

koṭiḥ pradīyatāṃ mūlyaṃ niṣādebhyaḥ purohita | yadetadapi no mūlyamato bhūyaḥ pradīyatām

Priest, let a crore be given to the Nishadas as the price. If even this does not suffice as the price, let still more be given.

Verse 12 (13.86.12)

राजन्नार्हाम्यहं कोटिं भूयो वाऽपि महाद्युते । सदृशं दीयतां मूल्यं ब्राह्मणैः सह चिन्तय ॥

rājannārhāmyahaṃ koṭiṃ bhūyo vā'pi mahādyute | sadṛśaṃ dīyatāṃ mūlyaṃ brāhmaṇaiḥ saha cintaya

O king, I am not worth a crore, nor more than that, O radiant one. Let a fitting price be given; think it over with the Brahmins.

Verse 13 (13.86.13)

अर्धं राज्यं समग्रं वा निषादेभ्यः प्रदीयताम् । एतत्तुल्यमहं मन्ये किं वाऽन्यन्मन्यसे द्विज ॥

ardhaṃ rājyaṃ samagraṃ vā niṣādebhyaḥ pradīyatām | etattulyamahaṃ manye kiṃ vā'nyanmanyase dvija

Let half my kingdom, or the whole of it, be given to the Nishadas. I think that is an equal price; or what else do you think, twice-born?

Note on the text: Corrected अर्दं → अर्धं (misprint in Wikisource; a wrong consonant, giving a non-word; the critical edition reads “ardha”).

Verse 14 (13.86.14)

अर्धं राज्यं समग्रं च मूल्यं नार्हामि पार्थिव । सदृशं दीयतां मूल्यमृषिभिः सह चिन्त्यताम् ॥

ardhaṃ rājyaṃ samagraṃ ca mūlyaṃ nārhāmi pārthiva | sadṛśaṃ dīyatāṃ mūlyamṛṣibhiḥ saha cintyatām

I am not worth half a kingdom, nor the whole, O king. Let a fitting price be given; let it be considered with the sages.

Verse 15 (13.86.15)

महर्षेर्वचनं श्रुत्वा नहुषो दुःखकर्शितः । स चिन्तयामास तदा सहामात्यपुरोहितः ॥

maharṣervacanaṃ śrutvā nahuṣo duḥkhakarśitaḥ | sa cintayāmāsa tadā sahāmātyapurohitaḥ

Hearing the great sage’s words, Nahusha, afflicted with distress, then deliberated with his ministers and his priest.

Verse 16 (13.86.16)

तत्र त्वन्यो वनचरः कश्चिन्मूलफलाशनः । नहुषस्य समीपस्थो गविजातोऽभवन्मुनिः ॥

tatra tvanyo vanacaraḥ kaścinmūlaphalāśanaḥ | nahuṣasya samīpastho gavijāto'bhavanmuniḥ

Then another, a forest-dweller living on roots and fruits, a sage born of a cow, was standing near Nahusha.

Verse 17 (13.86.17)

स तमाभाष्य राजानमब्रवीद्द्विजसत्तमः । तोषयिष्याम्यहं विप्रं यथा तुष्टो भविष्यति ॥

sa tamābhāṣya rājānamabravīddvijasattamaḥ | toṣayiṣyāmyahaṃ vipraṃ yathā tuṣṭo bhaviṣyati

That best of Brahmins addressed the king and said, “I shall satisfy the Brahmin, so that he will be pleased.”

Note on the text: Corrected क्षिप्तं → विप्रं (misprint in Wikisource; a misread word, giving “thrown” for “Brahmin”; the critical edition reads “vipram”). The verse combines narration (line 1) with the opening of Gavijata’s speech (line 2); the speaker is kept as the narrator.

Verse 18 (13.86.18)

नाहं मिथ्यावचो ब्रूयां स्वैरेष्वपि कुतोऽन्यथा । भवतो यदहं ब्रूयां तत्कार्यमविशङ्कया ॥

nāhaṃ mithyāvaco brūyāṃ svaireṣvapi kuto'nyathā | bhavato yadahaṃ brūyāṃ tatkāryamaviśaṅkayā

I would not speak falsehood even in idle talk; how then otherwise? Whatever I tell you, you must do without hesitation.

Note on the text: Corrected खैरेष्वपि → स्वैरेष्वपि (misprint in Wikisource; a wrong first letter; the critical edition reads “svaireṣv api”). Corrected ब्रयां → ब्रूयां (misprint in Wikisource; a dropped vowel sign; the critical edition reads “brūyām”). Speaker changed from भीष्म to गविजात: the whole verse is Gavijata’s speech, with no heading printed on the page.

Verse 19 (13.86.19)

ब्रवीतु भगवान्मूल्यं महर्षेः सदृशं भृगोः । परित्रायस्व मामस्मद्विषयं च कुलं च मे ॥

bravītu bhagavānmūlyaṃ maharṣeḥ sadṛśaṃ bhṛgoḥ | paritrāyasva māmasmadviṣayaṃ ca kulaṃ ca me

Let the Blessed One name a price equal to the great sage of Bhrigu’s line. Save me from this, and my realm and my family.

Note on the text: Corrected व्रवीतु → ब्रवीतु (misprint in Wikisource; a wrong first letter; the critical edition reads “bravītu”).

Verse 20 (13.86.20)

हन्याद्धि भगवान्क्रुद्धस्त्रैलोक्यमपि केवलम् । किं पुनर्मां तपोहीनं बाहुवीर्यपरायणम् ॥

hanyāddhi bhagavānkruddhastrailokyamapi kevalam | kiṃ punarmāṃ tapohīnaṃ bāhuvīryaparāyaṇam

The Blessed One, if angry, could destroy even all the three worlds; what then of me, who have no austerity and rely only on the strength of my arm?

Verse 21 (13.86.21)

अगाधाम्भसि मग्नस्य सामात्यस्य सऋत्विजः । प्लवो भव महर्षे त्वं कुरु मूल्यविनिश्चयम् ॥

agādhāmbhasi magnasya sāmātyasya saṛtvijaḥ | plavo bhava maharṣe tvaṃ kuru mūlyaviniścayam

For one sunk in deep water, with his ministers and his priests, be a raft, great sage, and settle the price.

Verse 22 (13.86.22)

नहुषस्य वचः श्रुत्वा गविजातः प्रतापवान् । उवाच हर्षयन्सर्वानमात्यान्पार्थिवं च तम् ॥

nahuṣasya vacaḥ śrutvā gavijātaḥ pratāpavān | uvāca harṣayansarvānamātyānpārthivaṃ ca tam

Hearing Nahusha’s words, the mighty Gavijata, gladdening all the ministers and the king, said:

Verse 23 (13.86.23)

ब्राह्मणानां गवां चैव कुलमेकं द्विधा कृतम् । एकत्र मन्त्रास्तिष्ठन्ति हविरन्यत्र तिष्ठति ॥

brāhmaṇānāṃ gavāṃ caiva kulamekaṃ dvidhā kṛtam | ekatra mantrāstiṣṭhanti haviranyatra tiṣṭhati

The family of Brahmins and of cows is one, made into two: in one the mantras abide, in the other the oblation abides.

Note on the text: Speaker changed from भीष्म to गविजात (the critical edition’s heading for this passage, “gavijātaḥ”). Removed the stray backtick and the marks “।।’”. Not in the critical edition’s numbered text: star passage 13,051.021d*0318_01-02.

Verse 24 (13.86.24)

अनर्घेया महाराज द्विजा वर्णेषु चोत्तमाः । गावश्च पुरुषव्याग्र गौर्मूल्यं परिकल्प्यताम् ॥

anargheyā mahārāja dvijā varṇeṣu cottamāḥ | gāvaśca puruṣavyāgra gaurmūlyaṃ parikalpyatām

Brahmins, the best among the castes, are beyond price, O great king; so are cows, O tiger among men. Let a cow be fixed as the price.

Note on the text: Speaker changed from भीष्म to गविजात: continuation of Gavijata’s speech (CE 13.51.22 follows the star passage).

Verse 25 (13.86.25)

नहुषस्तु ततः श्रुत्वा महर्षेर्वचनं नृप । हर्षेण महता युक्तः सहामात्यपुरोहितः ॥

nahuṣastu tataḥ śrutvā maharṣervacanaṃ nṛpa | harṣeṇa mahatā yuktaḥ sahāmātyapurohitaḥ

Hearing the great sage’s words, Nahusha, O king, filled with great joy, together with his ministers and his priest,

Verse 26 (13.86.26)

अभिगम्य भृगोः पुत्रं च्यवनं संशितव्रतम् । इदं प्रोवाच नृपते वाचा सन्तर्पयन्निव ॥

abhigamya bhṛgoḥ putraṃ cyavanaṃ saṃśitavratam | idaṃ provāca nṛpate vācā santarpayanniva

approached Chyavana, the son of Bhrigu, firm in his vow, and spoke these words, as if delighting him with his speech.

Verse 27 (13.86.27)

उत्तिष्ठोत्तिष्ठ विप्रर्षे गवा क्रीतोसि भार्गव । एतन्मूल्यमहं मन्ये तव धर्मभृतांवर ॥

uttiṣṭhottiṣṭha viprarṣe gavā krītosi bhārgava | etanmūlyamahaṃ manye tava dharmabhṛtāṃvara

Arise, arise, O sage among Brahmins! You have been bought with a cow, O descendant of Bhrigu. This I take to be your price, O best of those who uphold dharma.

Note on the text: Speaker changed from भीष्म to नहुष: the whole verse is Nahusha’s speech, with no heading printed on the page (the previous verse introduces it).

Verse 28 (13.86.28)

उत्तिष्ठाम्येष राजेन्द्र सम्यक् क्रीतोस्मि तेऽनघ । गोभिस्तुल्यं न पश्यामि धनं किञ्चिदिहाच्युत ॥

uttiṣṭhāmyeṣa rājendra samyak krītosmi te'nagha | gobhistulyaṃ na paśyāmi dhanaṃ kiñcidihācyuta

I rise, O king of kings; I am rightly bought by you, blameless one. I see no wealth here equal to cows, O unfailing one.

Verse 29 (13.86.29)

कीर्तनं श्रवणं दानं दर्शनं चापि पार्थिव । गवां प्रशस्यते वीर सर्वपापहरं शिवम् ॥

kīrtanaṃ śravaṇaṃ dānaṃ darśanaṃ cāpi pārthiva | gavāṃ praśasyate vīra sarvapāpaharaṃ śivam

Speaking of cows, hearing of them, giving them, and seeing them, O king, is praised: it takes away all sin and is auspicious, O hero.

Verse 30 (13.86.30)

गावो लक्ष्म्याः सदा मूलं गोषु पाप्मा न विद्यते । अन्नमेव सदा गावो देवानां परमं हविः ॥

gāvo lakṣmyāḥ sadā mūlaṃ goṣu pāpmā na vidyate | annameva sadā gāvo devānāṃ paramaṃ haviḥ

Cows are ever the root of prosperity; in cows there is no sin. Cows are ever food, and the supreme oblation of the gods.

Verse 31 (13.86.31)

स्वाहाकारवषट्कारौ गोषु नित्यं प्रतिष्ठितौ । गावो यज्ञस्य नेत्र्यो वै तथा यज्ञस्य ता मुखम् ॥

svāhākāravaṣaṭkārau goṣu nityaṃ pratiṣṭhitau | gāvo yajñasya netryo vai tathā yajñasya tā mukham

Svaha and Vashat are ever established in cows. Cows are the leaders of sacrifice, and they are the mouth of sacrifice.

Verse 32 (13.86.32)

अमृतं ह्यव्ययं दिव्यं क्षरन्ति च वहन्ति च । अमृतायतनं चैताः सर्वलोकनमस्कृताः ॥

amṛtaṃ hyavyayaṃ divyaṃ kṣaranti ca vahanti ca | amṛtāyatanaṃ caitāḥ sarvalokanamaskṛtāḥ

They flow with, and bear, the divine, imperishable nectar; and they are the abode of nectar, honoured by all the worlds.

Verse 33 (13.86.33)

तेजसा वपुषा चैव गावो वह्निसमा भुवि । गावो हि सुमहत्तेजः प्राणिनां च सुखप्रदाः ॥

tejasā vapuṣā caiva gāvo vahnisamā bhuvi | gāvo hi sumahattejaḥ prāṇināṃ ca sukhapradāḥ

In radiance and in form cows are like fire on earth. Cows are indeed great splendour, and they give happiness to living beings.

Verse 34 (13.86.34)

निविष्टं गोकुलं यत्र श्वासं मुञ्चति निर्भयम् । विराजयति तं देशं पापं चास्यापकर्षति ॥

niviṣṭaṃ gokulaṃ yatra śvāsaṃ muñcati nirbhayam | virājayati taṃ deśaṃ pāpaṃ cāsyāpakarṣati

The place where a herd of cows settles and breathes without fear is made radiant, and their breath draws its sin away.

Verse 35 (13.86.35)

गावः स्वर्गस्य सोपानं गावः स्वर्गेऽपि पूजिताः । गावः कामदुहोदेव्यो नान्यत्किञ्चित्परं स्मृतम् ॥

gāvaḥ svargasya sopānaṃ gāvaḥ svarge'pi pūjitāḥ | gāvaḥ kāmaduhodevyo nānyatkiñcitparaṃ smṛtam

Cows are the ladder to heaven; cows are honoured even in heaven. Cows are wish-granting goddesses; nothing else is held to be higher.

Verse 36 (13.86.36)

इत्येतद्गोषु मे प्रोक्तं माहात्म्यं भरतर्षभ । गुणैकदेशवचनं शक्यं पारायणं न तु ॥

ityetadgoṣu me proktaṃ māhātmyaṃ bharatarṣabha | guṇaikadeśavacanaṃ śakyaṃ pārāyaṇaṃ na tu

Thus has the greatness of cows been spoken by me, O best of the Bharatas. Only a part of their qualities has been told; to recount them in full is not possible.

Note on the text: Corrected महात्म्यं → माहात्म्यं (misprint in Wikisource; a shortened vowel in the common word; the critical edition reads “māhātmyam”).

Verse 37 (13.86.37)

दर्शनं कथनं चैव सहास्माभिः कृतं मुने । सतां साप्तपदं मैत्रं प्रसादं नः कुरु प्रभो ॥

darśanaṃ kathanaṃ caiva sahāsmābhiḥ kṛtaṃ mune | satāṃ sāptapadaṃ maitraṃ prasādaṃ naḥ kuru prabho

Sage, we have seen you and spoken with you. The friendship of the good is made with seven steps; show us your favour, lord.

Note on the text: Corrected प्रसादं न कुरु → प्रसादं नः कुरु (misprint in Wikisource; visarga dropped, which would reverse the sense (“do not show favour”); the critical edition reads “prasādaṃ naḥ kuru”). The alignment found no match; this is CE 13.51.35 (page “sāptapadaṃ maitraṃ” for CE “saptapadaṃ mitraṃ”, a variant).

Verse 38 (13.86.38)

हवींषि सर्वाणि यथा ह्युपभुङ्क्ते हुताशनः । एवं त्वमपि धर्मात्मन्पुरुषाग्निः प्रतापवान् ॥

havīṃṣi sarvāṇi yathā hyupabhuṅkte hutāśanaḥ | evaṃ tvamapi dharmātmanpuruṣāgniḥ pratāpavān

As fire consumes all oblations, so you too, righteous one, are a fire in the form of a man, full of power.

Verse 39 (13.86.39)

प्रसादयामहे विद्वन्भवन्तं प्रणता वयम् । अनुग्रहार्थमस्माकमियं गौः प्रतिगृह्यताम् ॥

prasādayāmahe vidvanbhavantaṃ praṇatā vayam | anugrahārthamasmākamiyaṃ gauḥ pratigṛhyatām

We bow before you and seek your grace, O learned one. For our benefit, accept this cow.

Verse 40 (13.86.40)

अत्यन्तापदि शक्तानां परित्राणं हि कुर्वताम् । या गतिर्विदिता त्वद्य नरके शरणं भवान् ॥

atyantāpadi śaktānāṃ paritrāṇaṃ hi kurvatām | yā gatirviditā tvadya narake śaraṇaṃ bhavān

Among the able who bring rescue in the utmost distress, the refuge now known to us is you: you are our shelter against hell.

Note on the text: Removed a stray backtick at the start of the line. Not in the critical edition’s numbered text: star passage 13,051.037d*0319_01-02. The speaker is kept with the Nishadas (the page prints Chyavana’s heading only after this verse).

Verse 41 (13.86.41)

कृपणस्य च यच्चक्षुर्मुनेराशीविषस्य च । नरं समूलं दहति कक्षमग्निरिव ज्वलन् ॥

kṛpaṇasya ca yaccakṣurmunerāśīviṣasya ca | naraṃ samūlaṃ dahati kakṣamagniriva jvalan

The eye of a wretched man, of a sage, and of a venomous serpent burns a man down to the root, as a blazing fire burns dry grass.

Verse 42 (13.86.42)

प्रतिगृह्णामि वो धेनुं कैवर्ता मुक्तकिल्बिषाः । दिवं गच्छत वै क्षिप्रं मत्स्यैर्जालोद्धृतैः सह ॥

pratigṛhṇāmi vo dhenuṃ kaivartā muktakilbiṣāḥ | divaṃ gacchata vai kṣipraṃ matsyairjāloddhṛtaiḥ saha

Fishermen, I accept your cow. Freed from sin, go quickly to heaven, together with the fish drawn up in the net.

Verse 43 (13.86.43)

ततस्तस्य प्रभावात्ते महर्षेर्भावितात्मनः । निषादास्तेन वाक्येन सह मत्स्यैर्दिवं ययुः ॥

tatastasya prabhāvātte maharṣerbhāvitātmanaḥ | niṣādāstena vākyena saha matsyairdivaṃ yayuḥ

Then, by the power of that great sage of purified soul, the Nishadas went to heaven by his word, together with the fish.

Verse 44 (13.86.44)

ततः स राजा नहुषो विस्मितः प्रेक्ष्य धीवरान् । आरोहमाणांस्त्रिदिवं मत्स्यांश्च भरतर्षभ ॥

tataḥ sa rājā nahuṣo vismitaḥ prekṣya dhīvarān | ārohamāṇāṃstridivaṃ matsyāṃśca bharatarṣabha

Then King Nahusha, amazed, watched the fishermen and the fish ascend to heaven, O best of the Bharatas.

Verse 45 (13.86.45)

ततस्तौ गविजश्चैव च्यवनश्च भृगूद्वहः । वराभ्यामनुरूपाभ्यां छन्दयामासतुर्नृपम् ॥

tatastau gavijaścaiva cyavanaśca bhṛgūdvahaḥ | varābhyāmanurūpābhyāṃ chandayāmāsaturnṛpam

Then Gavijata and Chyavana, the Bhrigu’s descendant, pleased the king with two fitting boons.

Verse 46 (13.86.46)

ततो राजा महावीर्यो नहुषः पृथिवीपतिः । परमित्यब्रवीत्प्रीतस्तदा भरतसत्तम ॥

tato rājā mahāvīryo nahuṣaḥ pṛthivīpatiḥ | paramityabravītprītastadā bharatasattama

Then the mighty King Nahusha, lord of the earth, said joyfully, “It is more than enough,” O best of the Bharatas.

Verse 47 (13.86.47)

ततो जग्राह धर्मे स स्थितिमिन्द्रनिभो नृपः । तथेति चोदितः प्रीतस्तावृषी प्रत्यपूजयत् ॥

tato jagrāha dharme sa sthitimindranibho nṛpaḥ | tatheti coditaḥ prītastāvṛṣī pratyapūjayat

Then the king, equal to Indra in splendour, took his stand firmly in dharma; and, bidden “So be it,” he joyfully honoured the two sages.

Verse 48 (13.86.48)

समाप्तदीक्षश्च्यवनस्ततोऽगच्छत्स्वमाश्रमम् । गविजश्च महातेजाः स्वमाश्रमपदं ययौ ॥

samāptadīkṣaścyavanastato'gacchatsvamāśramam | gavijaśca mahātejāḥ svamāśramapadaṃ yayau

Chyavana, his vow completed, went to his hermitage; and the greatly radiant Gavijata went to his own hermitage.

Verse 49 (13.86.49)

निषादाश्च दिवं जग्मुस्ते च मत्स्या जनाधिप । नहुषोपि वरं लब्ध्वा प्रविवेश स्वकं पुरम् ॥

niṣādāśca divaṃ jagmuste ca matsyā janādhipa | nahuṣopi varaṃ labdhvā praviveśa svakaṃ puram

The Nishadas went to heaven, and the fish too, O lord of men; and Nahusha, having received his boon, entered his own city.

Verse 50 (13.86.50)

एतत्ते कथितं तात यन्मां त्वं परिपृच्छसि । दर्शने यादृशः स्नेहः संवासे वा युधिष्ठिर ॥

etatte kathitaṃ tāta yanmāṃ tvaṃ paripṛcchasi | darśane yādṛśaḥ snehaḥ saṃvāse vā yudhiṣṭhira

I have told you what you asked me, dear child: what affection comes of seeing one another, or of living together, O Yudhishthira.

Verse 51 (13.86.51)

महाभाग्यं गवां चैव तथा धर्मविनिश्चयम् । किं भूयः कथ्यतां वीर किं ते हृदि विवक्षितम् ॥

mahābhāgyaṃ gavāṃ caiva tathā dharmaviniścayam | kiṃ bhūyaḥ kathyatāṃ vīra kiṃ te hṛdi vivakṣitam

And I have told you the greatness of cows, and the settled dharma. What more shall be told, hero? What is it that you wish to say?

Note on the text: Corrected तता → तथा (misprint in Wikisource; a dropped aspirate; the critical edition reads “tathā”).