Cyavana Tests Kushika and His Wife

Verse 1 (13.88.1)

तस्मिन्नन्तर्हिते विप्रे राजा किमकरोत्तदा । भार्या चास्य महाभागा तन्मे ब्रूहि पितामह ॥

tasminnantarhite vipre rājā kimakarottadā | bhāryā cāsya mahābhāgā tanme brūhi pitāmaha

When that Brahmin had vanished, what did the king do then, and his noble wife? Tell me that, Grandsire.

Verse 2 (13.88.2)

अदृष्ट्वा स महीपालस्तमृषिं सह भार्यया । परिश्रान्तो निववृते व्रीडितो नष्टचेतनः ॥

adṛṣṭvā sa mahīpālastamṛṣiṃ saha bhāryayā | pariśrānto nivavṛte vrīḍito naṣṭacetanaḥ

Not finding the sage, the king, exhausted and ashamed, his mind bewildered, turned back with his wife.

Verse 3 (13.88.3)

स प्रविश्य पुरीं दीनो नाभ्यभाषत किञ्चन । तदेव चिन्तयामास च्यवनस्य विचेष्टितम् ॥

sa praviśya purīṃ dīno nābhyabhāṣata kiñcana | tadeva cintayāmāsa cyavanasya viceṣṭitam

Entering the city, dejected, he spoke to no one at all, but thought only of Cyavana's strange doings.

Verse 4 (13.88.4)

अथ शून्येन मनसा प्रविवेश गृहं नृपः । ददर्श शयने तस्मिञ्शयानं भृगुनन्दनम् ॥

atha śūnyena manasā praviveśa gṛhaṃ nṛpaḥ | dadarśa śayane tasmiñśayānaṃ bhṛgunandanam

Then, with an empty mind, the king entered his house, and there on that very bed he saw the son of Bhrigu lying asleep.

Verse 5 (13.88.5)

विस्मितौ तमृषिं दृष्ट्वा तदाश्चर्यं विचिन्त्य च । दर्शनात्तस्य तु तदा विश्रान्तौ सम्बभूवतुः ॥

vismitau tamṛṣiṃ dṛṣṭvā tadāścaryaṃ vicintya ca | darśanāttasya tu tadā viśrāntau sambabhūvatuḥ

Astonished at seeing the sage, and reflecting on the marvel, the two were relieved of their weariness by the very sight of him.

Note on the text: Matches CE 13,053.005 (vismitau tau tu dṛṣṭvā taṃ tad āścaryaṃ vicintya ca / darśanāt tasya ca muner viśrāntau saṃbabhūvatuḥ); the automatic alignment missed it. Recension variant of wording kept.

Verse 6 (13.88.6)

यथास्थानं ततो गत्वा तत्पादौ संववाहतुः । अथापरेण पार्श्वेन सुष्वाप स महामुनिः ॥

yathāsthānaṃ tato gatvā tatpādau saṃvavāhatuḥ | athāpareṇa pārśvena suṣvāpa sa mahāmuniḥ

Then, going to their places, they massaged his feet; and the great sage slept on his other side.

Verse 7 (13.88.7)

तेनैव च स कालेन प्रत्यबुद्ध्यत वीर्यवान् । न च तौ चक्रतुः किञ्चिद्विकारं भयशङ्कितौ ॥

tenaiva ca sa kālena pratyabuddhyata vīryavān | na ca tau cakratuḥ kiñcidvikāraṃ bhayaśaṅkitau

After the same length of time the mighty sage woke; and the two, fearful, showed no sign of change.

Verse 8 (13.88.8)

प्रतिबुद्धस्तु स मुनिस्तौ प्रोवाच विशाम्पते । तैलाभ्यङ्गो दीयतां मे स्नास्येऽहमिति भारत ॥

pratibuddhastu sa munistau provāca viśāmpate | tailābhyaṅgo dīyatāṃ me snāsye'hamiti bhārata

On waking, the sage said to the two, O lord of men: “Let oil for rubbing be given to me; I shall bathe,” O Bharata.

Note on the text: CE has after this verse a star passage (13,053.008d*0324_01-02) that Wikisource lacks; not added.

Verse 9 (13.88.9)

तौ तथेति प्रतिश्रुत्य क्षुधितौ श्रमकर्शितौ । शतपाकेन तैलेन महार्हेणोपतस्थतुः ॥

tau tatheti pratiśrutya kṣudhitau śramakarśitau | śatapākena tailena mahārheṇopatasthatuḥ

Hungry and worn out, they agreed, and attended him with costly oil that had been refined a hundred times.

Verse 10 (13.88.10)

ततः सुखासीनमृषिं वाग्यतौ संववाहतुः । न च पर्याप्तमित्याह भार्गवः सुमहातपाः ॥

tataḥ sukhāsīnamṛṣiṃ vāgyatau saṃvavāhatuḥ | na ca paryāptamityāha bhārgavaḥ sumahātapāḥ

Then, as the sage sat at ease, they massaged him in silence; yet the Bhargava, of great austerity, said it was not enough.

Verse 11 (13.88.11)

यदा तौ निर्विकारौ तु लक्षयामास भार्गवः । तत उत्थाय सहसा स्नानशालां विवेश ह ॥

yadā tau nirvikārau tu lakṣayāmāsa bhārgavaḥ | tata utthāya sahasā snānaśālāṃ viveśa ha

When the Bhargava saw that the two showed no change, he suddenly rose and entered the bathing hall.

Note on the text: Wikisource divides the CE's three-line verses into couplets: this couplet = CE 13,053.011a,c; the third line of CE 11 ('kḷptam eva tu tatrāsīt …') opens the next verse. Corrected लक्षमायास → लक्षयामास (misprint in Wikisource; CE reads 'lakṣayām āsa').

Verse 12 (13.88.12)

क्लृप्तमेव तु तत्रासीत्स्नानीयं पार्थिवोचितम् । असत्कृत्य च तत्सर्वं तत्रैवान्तरधीयत ॥

klṛptameva tu tatrāsītsnānīyaṃ pārthivocitam | asatkṛtya ca tatsarvaṃ tatraivāntaradhīyata

There everything fit for a king's bath had been laid out; but he spurned it all and vanished right there.

Note on the text: Wikisource divides the CE's three-line verses into couplets: first line = CE 13,053.011e; second line = CE 13,053.012a. The automatic alignment missed it.

Verse 13 (13.88.13)

स मुनिः पुनरेवाथ नृपतेः पश्यतस्तदा । नासूयां चक्रतुस्तौ च दम्पती भरतर्षभ ॥

sa muniḥ punarevātha nṛpateḥ paśyatastadā | nāsūyāṃ cakratustau ca dampatī bharatarṣabha

Again, as the king watched, the sage disappeared; yet the couple felt no resentment, O best of the Bharatas.

Note on the text: Wikisource divides the CE's three-line verses into couplets: this couplet = CE 13,053.012c,e. The automatic alignment missed it.

Verse 14 (13.88.14)

अथ स्नातः स भगवान्सिंहासनगतः प्रभुः । दर्शयामास कुशिकं सभार्यं कुरुनन्दन ॥

atha snātaḥ sa bhagavānsiṃhāsanagataḥ prabhuḥ | darśayāmāsa kuśikaṃ sabhāryaṃ kurunandana

Then, when he had bathed, the venerable lord appeared to Kushika and his wife seated on a throne, O joy of the Kurus.

Verse 15 (13.88.15)

संहृष्टवदनो राजा सभार्यः कुशिको मुनिम् । सिद्धमन्नमिति प्रह्वो निर्विकारो न्यवेदयत् ॥

saṃhṛṣṭavadano rājā sabhāryaḥ kuśiko munim | siddhamannamiti prahvo nirvikāro nyavedayat

The king, his face glad, with his wife, bowed and reported to the sage without any change of mood: “The food is ready.”

Verse 16 (13.88.16)

आनीयतामिति मुनिस्तं चोवाच नराधिपम् । स राजा समुपाजह्रे तदन्नं सह भार्यया ॥

ānīyatāmiti munistaṃ covāca narādhipam | sa rājā samupājahre tadannaṃ saha bhāryayā

“Let it be brought,” the sage said to the king; and the king, with his wife, brought that food.

Verse 17 (13.88.17)

मांसप्रकारान्विविधाञ्शाकानि विविधानि च । लेह्यपिष्टविकारांश्च पानकानि लघूनि च ॥

māṃsaprakārānvividhāñśākāni vividhāni ca | lehyapiṣṭavikārāṃśca pānakāni laghūni ca

Meats prepared in many ways and vegetables of many kinds, things to be licked and dishes made of flour, and light drinks;

Note on the text: Matches CE 13,053.016 (māṃsaprakārān vividhāñ śākāni vividhāni ca / vesavāravikārāṃś ca pānakāni laghūni ca); Wikisource reads 'लेह्यपिष्टविकारांश्च' for the CE's 'vesavāravikārāṃś ca' (recension variant, kept).

Verse 18 (13.88.18)

रसालापूपकांश्चित्रान्मोदकानथ षड्रसान् । रसान्नानाप्रकारांश्च वन्यं च मुनिभोजनम् ॥

rasālāpūpakāṃścitrānmodakānatha ṣaḍrasān | rasānnānāprakārāṃśca vanyaṃ ca munibhojanam

rasala and cakes of many sorts, sweetmeats, dishes of the six flavours, juices of various kinds, and forest fare, the food of sages;

Verse 19 (13.88.19)

फलानि च विचित्राणि राजभोज्यानि भूरिशः । बदरेङ्गुदकाश्मर्यभल्लातकफलानि च ॥

phalāni ca vicitrāṇi rājabhojyāni bhūriśaḥ | badareṅgudakāśmaryabhallātakaphalāni ca

many different fruits fit for a king's table, in abundance, and the fruits of the jujube, inguda, kashmarya and bhallataka.

Verse 20 (13.88.20)

गृहस्थानां च यद्भोज्यं यच्चापि वनवासिनाम् । सर्वमाहारयामास राजा शापभयान्मुनेः ॥

gṛhasthānāṃ ca yadbhojyaṃ yaccāpi vanavāsinām | sarvamāhārayāmāsa rājā śāpabhayānmuneḥ

Whatever householders eat and whatever forest-dwellers eat, all of it the king had brought, for fear of the sage's curse.

Verse 21 (13.88.21)

अथ सर्वमुपन्यस्तमग्रतश्च्यवनस्य तत् । ततः सर्वं समानीय तच्च शय्यासनं मुनिः ॥

atha sarvamupanyastamagrataścyavanasya tat | tataḥ sarvaṃ samānīya tacca śayyāsanaṃ muniḥ

All of it was set out before Cyavana. Then the sage had everything gathered together, along with the bed and seat,

Verse 22 (13.88.22)

वस्त्रैः शुभैरवच्छाद्य भोजनोपस्करैः सह । सर्वमादीपयामास च्यवनो भृगुनन्दनः ॥

vastraiḥ śubhairavacchādya bhojanopaskaraiḥ saha | sarvamādīpayāmāsa cyavano bhṛgunandanaḥ

covered it with fine cloths together with the dining utensils, and Cyavana, the son of Bhrigu, set it all ablaze.

Verse 23 (13.88.23)

न च तौ चक्रतुः क्रोधं दम्पती सुमहाव्रतौ । तयोः सम्प्रेक्षतोरेव पुनरन्तर्हितोऽभवत् ॥

na ca tau cakratuḥ krodhaṃ dampatī sumahāvratau | tayoḥ samprekṣatoreva punarantarhito'bhavat

Yet the couple, firm in their great vows, showed no anger; and as they looked on, he vanished again.

Verse 24 (13.88.24)

तथैव च स राजर्षिस्तस्थौ तां रजनीं तदा । सभार्यो वाग्यतः श्रीमान्न च कोपं समाविशत् ॥

tathaiva ca sa rājarṣistasthau tāṃ rajanīṃ tadā | sabhāryo vāgyataḥ śrīmānna ca kopaṃ samāviśat

The royal sage, silent and glorious, stayed on that night just as he was with his wife, and no anger entered him.

Note on the text: Corrected न चकोपं → न च कोपं (misprint in Wikisource; words run together; CE reads 'na ca taṃ kopa āviśat').

Verse 25 (13.88.25)

नित्यसंस्कृतमन्नं तु विविधं राजवेश्मनि । शयनानि च मुख्यानि परिषेकाश्च पुष्कलाः ॥

nityasaṃskṛtamannaṃ tu vividhaṃ rājaveśmani | śayanāni ca mukhyāni pariṣekāśca puṣkalāḥ

Yet in the king's house the food was prepared as always in many kinds, with the choicest beds and abundant bathing waters,

Verse 26 (13.88.26)

वस्त्रं च विविधाकारमभवत्समुपार्जितम् । न शशाक ततो द्रष्टुमन्तरं च्यवनस्तदा ॥

vastraṃ ca vividhākāramabhavatsamupārjitam | na śaśāka tato draṣṭumantaraṃ cyavanastadā

and clothing of many kinds was gathered again; and Cyavana could find no flaw in them then.

Note on the text: Corrected द्रष्टमन्तरं → द्रष्टुमन्तरं (misprint in Wikisource; dropped ु; CE reads 'draṣṭum antaram').

Verse 27 (13.88.27)

पुनरेव च विप्रर्षिः प्रोवाच कुशिकं नृपम् । सभार्यो मां रथेनाशु वह यत्र ब्रवीम्यहम् ॥

punareva ca viprarṣiḥ provāca kuśikaṃ nṛpam | sabhāryo māṃ rathenāśu vaha yatra bravīmyaham

Again the Brahmin sage said to King Kushika: “Carry me quickly in a chariot, you and your wife, to wherever I tell you.”

Verse 28 (13.88.28)

तथेति च प्राह नृपो निर्विशङ्कस्तपोधनम् । क्रीडारथोऽस्तु भगवन्नुत साङ्ग्रामिको रथः ॥

tatheti ca prāha nṛpo nirviśaṅkastapodhanam | krīḍāratho'stu bhagavannuta sāṅgrāmiko rathaḥ

“So be it,” said the king to the ascetic, without misgiving. “Venerable sir, shall it be the pleasure-chariot, or the war-chariot?”

Note on the text: Corrected क्रीडारथोस्तु → क्रीडारथोऽस्तु (misprint in Wikisource; avagraha dropped; CE reads 'krīḍāratho ’stu').

Verse 29 (13.88.29)

इत्युक्तः स मुनी राज्ञा तेन हृष्टेन तद्वचः । च्यवनः प्रत्युवाचेदं हृष्टः परपुरंजयम् ॥

ityuktaḥ sa munī rājñā tena hṛṣṭena tadvacaḥ | cyavanaḥ pratyuvācedaṃ hṛṣṭaḥ parapuraṃjayam

Thus addressed by the delighted king, the sage Cyavana, himself pleased, replied to him, the conqueror of enemy cities:

Verse 30 (13.88.30)

सज्जीकुरु रथं क्षिप्रं यस्ते साङ्ग्रामिको मतः । सायुधः सपताकश्च शक्तीकनकयष्टिमान् ॥

sajjīkuru rathaṃ kṣipraṃ yaste sāṅgrāmiko mataḥ | sāyudhaḥ sapatākaśca śaktīkanakayaṣṭimān

“Quickly make ready the chariot that you regard as your war-chariot, with weapons and banners, with spears and golden staffs,

Verse 31 (13.88.31)

किंकिणीस्वननिर्घोषो युक्तस्तोरणकल्पनैः । गदाखड्गनिबद्धश्च परमेषुशतान्वितः ॥

kiṃkiṇīsvananirghoṣo yuktastoraṇakalpanaiḥ | gadākhaḍganibaddhaśca parameṣuśatānvitaḥ

resounding with the tinkling of little bells, furnished with festoons, with maces and swords bound to it, and with hundreds of excellent arrows.”

Note on the text: Corrected गदास्वङ्गनिबद्धश्च → गदाखड्गनिबद्धश्च (misprint in Wikisource; 'khaḍga' garbled; CE reads 'gadākhaḍganibaddhaś ca'). 'किंकिणीस्वननिर्घोषो' and 'तोरण' are recension variants of CE 'kiṅkiṇīśatanirghoṣo … tomara', kept.

Verse 32 (13.88.32)

ततः स तं तथेत्युक्त्वा कल्पयित्वा महारथम् । भार्यां वामे धुरि तदा चात्मानं दक्षिणे तथा ॥

tataḥ sa taṃ tathetyuktvā kalpayitvā mahāratham | bhāryāṃ vāme dhuri tadā cātmānaṃ dakṣiṇe tathā

Then, saying “So be it,” the king made ready the great chariot, and placed his wife at the left of the yoke and himself at the right.

Verse 33 (13.88.33)

त्रिदण्डं वज्रसूच्यग्रं प्रतोदं तत्र चादधत् । सर्वमेतत्तथा दत्त्वा नृपो वाक्यमथाब्रवीत् ॥

tridaṇḍaṃ vajrasūcyagraṃ pratodaṃ tatra cādadhat | sarvametattathā dattvā nṛpo vākyamathābravīt

A goad with three shafts, its tip sharp as a diamond needle, was placed there. When he had provided all this, the king said:

Note on the text: Corrected वाक्यमऽथाब्रवीत् → वाक्यमथाब्रवीत् (misprint in Wikisource; spurious avagraha; CE reads 'vākyam athābravīt').

Verse 34 (13.88.34)

भगवन्क्व रथो यातु ब्रवीतु भृगुनन्दन । यत्र वक्ष्यसि विप्रर्षे तत्र यास्यति ते रथः ॥

bhagavankva ratho yātu bravītu bhṛgunandana | yatra vakṣyasi viprarṣe tatra yāsyati te rathaḥ

“Venerable son of Bhrigu, where is the chariot to go? Tell me. Wherever you direct, O sage among Brahmins, your chariot will go.”

Verse 35 (13.88.35)

एवमुक्तस्तु भगवान्प्रत्युवाचाथ तं नृपम् । इतः प्रभृति यातव्यं पदकम्पदकं शनैः ॥

evamuktastu bhagavānpratyuvācātha taṃ nṛpam | itaḥ prabhṛti yātavyaṃ padakampadakaṃ śanaiḥ

Thus addressed, the venerable one replied to the king: “From here onward you must go step by step, slowly,

Verse 36 (13.88.36)

श्रमो मम यथा न स्यात्तथा मच्छन्दचारिणौ । सुसुखं चैव वोढव्यो जनः सर्वश्च पश्यतु ॥

śramo mama yathā na syāttathā macchandacāriṇau | susukhaṃ caiva voḍhavyo janaḥ sarvaśca paśyatu

so that I feel no fatigue, you two moving as I please; I must be carried very comfortably, and let everyone watch.

Verse 37 (13.88.37)

नोत्सार्याः पथिकाः केचित्तेभ्यो दास्ये वसु ह्यहम् । ब्राह्मणेभ्यश्च ये कामानर्थयिष्यन्ति मां पथि ॥

notsāryāḥ pathikāḥ kecittebhyo dāsye vasu hyaham | brāhmaṇebhyaśca ye kāmānarthayiṣyanti māṃ pathi

No travellers are to be driven off; I shall give wealth to them, and to those Brahmins who ask me for what they desire on the road.

Note on the text: Matches CE 13,053.036 (notsāryaḥ pathikaḥ kaś cit tebhyo dāsyāmy ahaṃ vasu / brāhmaṇebhyaś ca ye kāmān arthayiṣyanti māṃ pathi); the automatic alignment missed it. Word-division repaired: तेभ्योदास्ये → तेभ्यो दास्ये and कामानर्थयिष्यन्तिमां → कामानर्थयिष्यन्ति मां (misprints in Wikisource; words run together).

Verse 38 (13.88.38)

सर्वान्दास्याम्यशेषेण धनं रत्नानि चैव हि । क्रियतां निखिलेनैतन्मा विचारय पार्थिव ॥

sarvāndāsyāmyaśeṣeṇa dhanaṃ ratnāni caiva hi | kriyatāṃ nikhilenaitanmā vicāraya pārthiva

I shall give everything without remainder, wealth and jewels. Let all of this be done in full; do not hesitate, O king.”

Verse 39 (13.88.39)

तस्य तद्वचनं श्रुत्वा राजा भृत्यांस्तथाऽब्रवीत् । यद्यद्ब्रूयान्मुनिस्तत्तत्सर्वं देयमशङ्कितैः ॥

tasya tadvacanaṃ śrutvā rājā bhṛtyāṃstathā'bravīt | yadyadbrūyānmunistattatsarvaṃ deyamaśaṅkitaiḥ

Hearing his words, the king said to his servants, “Whatever the sage may ask for, all of it is to be given, without hesitation.”

Verse 40 (13.88.40)

ततो रत्नान्यनेकानि स्त्रियो युग्यमजाविकम् । कृताकृतं च कनकं गजेन्द्राश्चाचलोपमाः ॥

tato ratnānyanekāni striyo yugyamajāvikam | kṛtākṛtaṃ ca kanakaṃ gajendrāścācalopamāḥ

Then many jewels, women, carriages, goats and sheep, gold both worked and unworked, and great elephants like mountains

Verse 41 (13.88.41)

अन्वगच्छन्त तमृषिं राजामात्याश्च सर्वशः । हाहाभूतं च तत्सर्वमासीन्नगरमार्तवत् ॥

anvagacchanta tamṛṣiṃ rājāmātyāśca sarvaśaḥ | hāhābhūtaṃ ca tatsarvamāsīnnagaramārtavat

followed the sage, together with the king's ministers on every side; and the whole city, as though in distress, was filled with cries of “Alas!”

Verse 42 (13.88.42)

तौ तीक्ष्णाग्रेण सहसा प्रतोदेन प्रतोदितौ । पृष्ठे विद्धौ कटे चैव निर्विकारौ तमूहतुः ॥

tau tīkṣṇāgreṇa sahasā pratodena pratoditau | pṛṣṭhe viddhau kaṭe caiva nirvikārau tamūhatuḥ

The two were suddenly driven on by the goad with its sharp tip, pierced in the back and the flanks, and unchanged they drew him.

Verse 43 (13.88.43)

वेपमानौ निराहारौ पञ्चाशद्रात्रकर्शितौ । कथंचिदूहतुर्धैर्याद्दम्पती तं रथोत्तमम् ॥

vepamānau nirāhārau pañcāśadrātrakarśitau | kathaṃcidūhaturdhairyāddampatī taṃ rathottamam

Trembling, without food, wasted by fifty nights, the couple somehow drew that finest of chariots through sheer fortitude.

Verse 44 (13.88.44)

बहुशो भृशविद्धौ तौ क्षरमाणौ क्षतोद्भवम् । ददृशाते महाराज पुष्पिताविव किंशुकौ ॥

bahuśo bhṛśaviddhau tau kṣaramāṇau kṣatodbhavam | dadṛśāte mahārāja puṣpitāviva kiṃśukau

Pierced again and again, deeply, and streaming blood from their wounds, they looked, O great king, like two flowering kimshuka trees.

Verse 45 (13.88.45)

तौ दृष्ट्वा पौरवर्गस्तु भृशं शोकसमाकुलः । अभिशापभयत्रस्तो न तं किञ्चिदुवाच ह ॥

tau dṛṣṭvā pauravargastu bhṛśaṃ śokasamākulaḥ | abhiśāpabhayatrasto na taṃ kiñciduvāca ha

Seeing them, the people of the city, overcome with grief and frightened of a curse, said nothing to him.

Verse 46 (13.88.46)

द्वन्द्वशश्चाब्रुवन्सर्वे पश्यध्वं तपसो बलम् । क्रुद्धा अपि मुनिश्रेष्ठं वीक्षितुं नेह शक्नुमः ॥

dvandvaśaścābruvansarve paśyadhvaṃ tapaso balam | kruddhā api muniśreṣṭhaṃ vīkṣituṃ neha śaknumaḥ

In pairs they all said, “Behold the power of austerity! Angry though we are, we cannot even look at the foremost of sages.

Note on the text: Corrected शुक्नुमः → शक्नुमः (misprint in Wikisource; CE reads 'śaknumaḥ'). CE has after this verse a star passage (13,053.045d*0325_01-02, 'brāhmaṇā eva jāyeran …') that Wikisource lacks; not added.

Verse 47 (13.88.47)

अहो भगवतो वीर्यं महर्षेर्भावितात्मनः । राज्ञश्चापि सभार्यस्य धैर्यं पश्यत यादृशम् ॥

aho bhagavato vīryaṃ maharṣerbhāvitātmanaḥ | rājñaścāpi sabhāryasya dhairyaṃ paśyata yādṛśam

“Ah, the might of the venerable great sage, whose soul is purified! And see what fortitude the king has, and his wife!

Note on the text: Speech of the townspeople (continuing from the previous verse); no heading is printed. speaker_line given for the plural.

Verse 48 (13.88.48)

श्रान्तावपि हि कृच्छ्रेण रथमेनं समूहतुः । न चैतयोर्विकारं वै ददर्श भृगुनन्दनः ॥

śrāntāvapi hi kṛcchreṇa rathamenaṃ samūhatuḥ | na caitayorvikāraṃ vai dadarśa bhṛgunandanaḥ

“Weary though they are, they have drawn this chariot with great difficulty, and the son of Bhrigu has seen no change in them.”

Note on the text: Corrected कच्छ्रेण → कृच्छ्रेण (misprint in Wikisource; dropped ृ; CE reads 'kṛcchreṇa') and ददर्शं → ददर्श (stray anusvara). Still the townspeople's speech; Bhishma resumes at the next heading.

Verse 49 (13.88.49)

ततः स निर्विकारौ तु दृष्ट्वा भृगुकुलोद्वहः । वसु विश्राणयामास यथा वैश्रवणस्तथा ॥

tataḥ sa nirvikārau tu dṛṣṭvā bhṛgukulodvahaḥ | vasu viśrāṇayāmāsa yathā vaiśravaṇastathā

Then, seeing the two unchanged, the exalted one of Bhrigu's line began to scatter wealth, as Vaishravana does.

Verse 50 (13.88.50)

तत्रापि राजा प्रीतात्मा यथादिष्टमथाकरोत् । ततोऽस्य भगवान्प्रीतो बभूव मुनिसत्तमः ॥

tatrāpi rājā prītātmā yathādiṣṭamathākarot | tato'sya bhagavānprīto babhūva munisattamaḥ

Even then the king, glad at heart, did as he was bidden; and so the venerable best of sages became pleased with him.

Verse 51 (13.88.51)

अवतीर्य रथश्रेष्ठाद्दम्पती तौ मुमोच ह । विमोच्य चैतौ विधिवत्ततो वाक्यमुवाच ह ॥

avatīrya rathaśreṣṭhāddampatī tau mumoca ha | vimocya caitau vidhivattato vākyamuvāca ha

He got down from that best of chariots and released the couple; and having freed them properly, he spoke.

Verse 52 (13.88.52)

स्निग्धगम्भीरया वाचा भार्गवः सुप्रसन्नया । ददामि वां वरं श्रेष्ठं तं ब्रूतामिति भारत ॥

snigdhagambhīrayā vācā bhārgavaḥ suprasannayā | dadāmi vāṃ varaṃ śreṣṭhaṃ taṃ brūtāmiti bhārata

In a voice gentle, deep and very kind, the Bhargava said: “I grant you two the best of boons; name it, O Bharata.”

Verse 53 (13.88.53)

सुकुमारौ च तौ विद्धौ कराभ्यां मुनिसत्तमः । पस्पर्शामृतकल्पाभ्यां स्नेहाद्भरतसत्तम ॥

sukumārau ca tau viddhau karābhyāṃ munisattamaḥ | pasparśāmṛtakalpābhyāṃ snehādbharatasattama

And that best of sages, out of affection, touched the two delicate ones, wounded as they were, with hands like nectar, O best of the Bharatas.

Note on the text: Corrected भरतसतम → भरतसत्तम (misprint in Wikisource; dropped त्; CE reads 'bharatasattama').

Verse 54 (13.88.54)

अथाब्रवीन्नृपो वाक्यं श्रमो नास्त्यावयोरिह । विश्रान्तौ स्वः प्रभावात्ते ध्यानेनैवेह भार्गव ॥

athābravīnnṛpo vākyaṃ śramo nāstyāvayoriha | viśrāntau svaḥ prabhāvātte dhyānenaiveha bhārgava

Then the king said: “We feel no weariness here; by your power, and by your meditation alone, we are rested, Bhargava.”

Verse 55 (13.88.55)

अथ तौ भगवान्प्राह प्रहृष्टश्च्यवनस्तदा । न वृथा व्याहृतं पूर्वं यन्मया तद्भविष्यति ॥

atha tau bhagavānprāha prahṛṣṭaścyavanastadā | na vṛthā vyāhṛtaṃ pūrvaṃ yanmayā tadbhaviṣyati

Then the venerable Cyavana, greatly pleased, said to them: “What I said before is not said in vain; it will come to pass.

Note on the text: Corrected प्रहृष्टश्च्यनस्तदा → प्रहृष्टश्च्यवनस्तदा (misprint in Wikisource; dropped व).

Verse 56 (13.88.56)

रमणीयः समुद्देशो गङ्गातीरमिदं शुभम् । किञ्चित्कालं व्रतपरो निवत्स्यामीह पार्थिव ॥

ramaṇīyaḥ samuddeśo gaṅgātīramidaṃ śubham | kiñcitkālaṃ vrataparo nivatsyāmīha pārthiva

“This is a lovely spot, this fair bank of the Ganga. Intent on a vow, I shall stay here for some time, O king.

Verse 57 (13.88.57)

गम्यतां स्वपुरं पुत्र विश्रान्तः पुनरेष्यसि । इहस्थं मां सभार्यस्त्वं द्रष्टासि श्वो नराधिप ॥

gamyatāṃ svapuraṃ putra viśrāntaḥ punareṣyasi | ihasthaṃ māṃ sabhāryastvaṃ draṣṭāsi śvo narādhipa

Go to your own city, my son; when rested, you shall come again. Tomorrow you will see me here, with your wife.

Verse 58 (13.88.58)

न च मन्युस्त्वया कार्यः श्रेयस्त्वां समुपस्थितम् । यत्काङ्क्षितं हृदिस्थं ते तत्सर्वं हि भविष्यति ॥

na ca manyustvayā kāryaḥ śreyastvāṃ samupasthitam | yatkāṅkṣitaṃ hṛdisthaṃ te tatsarvaṃ hi bhaviṣyati

You need feel no anger; good fortune has come to you. Whatever you desire in your heart will all come to pass.”

Verse 59 (13.88.59)

इत्येवमुक्तः कुशिकः प्रहृष्टेनान्तरात्मना । प्रोवाच मुनिशार्दूलमिदं वचनमर्थवत् ॥

ityevamuktaḥ kuśikaḥ prahṛṣṭenāntarātmanā | provāca muniśārdūlamidaṃ vacanamarthavat

Thus addressed, Kushika, with a glad heart, spoke these meaningful words to that tiger among sages:

Verse 60 (13.88.60)

न मे मन्युर्महाभाग पूतौ स्वो भगवंस्त्वया । संवृत्तौ यौवनस्थौ स्वो वपुष्मन्तौ बलान्वितौ ॥

na me manyurmahābhāga pūtau svo bhagavaṃstvayā | saṃvṛttau yauvanasthau svo vapuṣmantau balānvitau

“I feel no anger, O highly blessed one. We two have been purified by you, venerable sir. We have become youthful, handsome and strong.

Note on the text: Corrected संवृतौ → संवृत्तौ (misprint in Wikisource; dropped त्; CE reads 'saṃvṛttau').

Verse 61 (13.88.61)

प्रतोदेन व्रणा ये मे सभार्यस्य त्वया कृताः । तान्न पश्यामि गात्रेषु स्वस्थोऽस्मि सह भार्यया ॥

pratodena vraṇā ye me sabhāryasya tvayā kṛtāḥ | tānna paśyāmi gātreṣu svastho'smi saha bhāryayā

The wounds you made on me and on my wife with the goad, I do not see on our limbs; I am whole, together with my wife.

Note on the text: Corrected स्वस्थोस्मि → स्वस्थोऽस्मि (misprint in Wikisource; avagraha dropped; CE reads 'svastho ’smi').

Verse 62 (13.88.62)

इमां च देवीं पश्यामि वपुषाऽप्सरसोपमाम् । श्रिया परमया युक्ता तथा दृष्टा पुरा मया ॥

imāṃ ca devīṃ paśyāmi vapuṣā'psarasopamām | śriyā paramayā yuktā tathā dṛṣṭā purā mayā

And I see this lady with a beauty like an apsara's, endowed with supreme splendour, as I saw her before.

Note on the text: Matches CE 13,053.061 (imāṃ ca devīṃ paśyāmi mune divyāpsaropamām / śriyā paramayā yuktāṃ yathādṛṣṭāṃ mayā purā); Wikisource's 'युक्ता तथा दृष्टा' (nominative, against the accusative 'इमां देवीं') is kept as printed, a recension variant or slip, translated in the CE sense.

Verse 63 (13.88.63)

तव प्रसादसंवृत्तमिदं सर्वं महामुने । नैतच्चित्रं तु भगवंस्त्वयि सत्यपराक्रम ॥

tava prasādasaṃvṛttamidaṃ sarvaṃ mahāmune | naitaccitraṃ tu bhagavaṃstvayi satyaparākrama

All this has come about by your grace, great sage; it is no wonder in you, venerable sir, whose prowess is truth.”

Verse 64 (13.88.64)

इत्युक्तः प्रत्युवाचैनं कुशिकं च्यवनस्तदा । आगच्छेथाः सभार्यश्च त्वमिहेति नराधिप ॥

ityuktaḥ pratyuvācainaṃ kuśikaṃ cyavanastadā | āgacchethāḥ sabhāryaśca tvamiheti narādhipa

Thus addressed, Cyavana replied to Kushika: “Come back here, you and your wife, O king.”

Verse 65 (13.88.65)

इत्युक्तः समनुज्ञातो राजर्षिरभिवाद्य तम् । प्रययौ वपुषा युक्तो नगरं देवराजवत् ॥

ityuktaḥ samanujñāto rājarṣirabhivādya tam | prayayau vapuṣā yukto nagaraṃ devarājavat

So addressed and given leave, the royal sage bowed to him and went to his city, endowed with a splendid form like the king of the gods.

Verse 66 (13.88.66)

तत एनमुपाजग्मुरमात्याः सपुरोहिताः । बलस्था गणिकायुक्ताः सर्वाः प्रकृतयस्तथा ॥

tata enamupājagmuramātyāḥ sapurohitāḥ | balasthā gaṇikāyuktāḥ sarvāḥ prakṛtayastathā

Then the ministers with the household priest, those in the army with courtesans, and all the subjects came to meet him.

Verse 67 (13.88.67)

तैर्वृतः कुशिको राजा श्रिया परमया ज्वलन् । प्रविवेश पुरं हृष्टः पूज्यमानोऽथ बन्दिभिः ॥

tairvṛtaḥ kuśiko rājā śriyā paramayā jvalan | praviveśa puraṃ hṛṣṭaḥ pūjyamāno'tha bandibhiḥ

Surrounded by them, blazing with supreme splendour, King Kushika entered the city, glad, and honoured by the bards.

Verse 68 (13.88.68)

ततः प्रविश्य नगरं कृत्वा पौर्वाह्णिकीः क्रियाः । भुक्त्वा सभार्यो रजनीमुवास स महाद्युतिः ॥

tataḥ praviśya nagaraṃ kṛtvā paurvāhṇikīḥ kriyāḥ | bhuktvā sabhāryo rajanīmuvāsa sa mahādyutiḥ

Entering the city and performing the forenoon rites, that radiant one ate with his wife and spent the night.

Note on the text: Matches CE 13,053.067 (tataḥ praviśya nagaraṃ kṛtvā sarvāhṇikakriyāḥ / bhuktvā sabhāryo rajanīm uvāsa sa mahīpatiḥ); recension variant of wording kept.

Verse 69 (13.88.69)

ततस्तु तौ नवमभिवीक्ष्य यौवनं । परस्परं विगतजराविवामरौ । ननन्दतुः शयनगतौ वपुर्धरौ । श्रिया युतौ द्विजवरदत्तया तदा ॥

tatastu tau navamabhivīkṣya yauvanaṃ | parasparaṃ vigatajarāvivāmarau | nanandatuḥ śayanagatau vapurdharau | śriyā yutau dvijavaradattayā tadā

Then, seeing each other newly young, as though free of age and like immortals, the two rejoiced as they lay in bed, bearing fine forms and endowed with the splendour given by the best of Brahmins.

Verse 70 (13.88.70)

अथाप्यृषिर्भृगुकुलकीर्तिवर्धन- । स्तपोधनो वनमभिराममृद्धिमत् । मनीषया बहुविधरत्नभूषितं । ससर्ज यन्न पुरि शतक्रतोरपि ॥

athāpyṛṣirbhṛgukulakīrtivardhana- | stapodhano vanamabhirāmamṛddhimat | manīṣayā bahuvidharatnabhūṣitaṃ | sasarja yanna puri śatakratorapi

And the sage, the ascetic who increased the fame of the Bhrigu line, by the power of his thought created a delightful, flourishing forest adorned with jewels of many kinds, such as not even Shatakratu has in his city.

Note on the text: Corrected अथाप्युषिर्भृगुकुल… → अथाप्यृषिर्भृगुकुल… (misprint in Wikisource; 'uṣiḥ' for 'ṛṣiḥ'; CE reads 'sa cāpy ṛṣir bhṛgukulakīrtivardhanas'). The line-end hyphen after 'वर्धन-' is the page's own continuation mark and is kept.