The Pandavas Leave for the Forest

Verse 1 (3.1.1)

एवं द्यूतजिताः पार्थाः कोपिताश्च दुरात्मभिः । धार्तराष्ट्रैः सहामात्यैर्निकृत्या द्विजसत्तम ॥

evaṃ dyūtajitāḥ pārthāḥ kopitāśca durātmabhiḥ | dhārtarāṣṭraiḥ sahāmātyairnikṛtyā dvijasattama

O best of the twice-born, when the sons of Pritha had thus been beaten at dice by trickery and provoked by the wicked sons of Dhritarashtra and their counsellors,

Note on the text: Dropped the salutation श्रीवेदव्यासाय नमः and the invocation नारायणं नमस्कृत्य… that the extraction had merged into this verse; speaker set to जनमेजय from the printed heading जनमेजय उवाच.

Verse 2 (3.1.2)

श्राविताः परुषा वाचः सृजन्तीर्वैरमुत्तमम् । किमकुर्वत कौरव्या मम पूर्वपितामहाः ॥

śrāvitāḥ paruṣā vācaḥ sṛjantīrvairamuttamam | kimakurvata kauravyā mama pūrvapitāmahāḥ

and when harsh words that bred the bitterest enmity had been spoken in their hearing, what did my forefathers of the Kuru line do?

Verse 3 (3.1.3)

कथं चैश्वर्यभूयिष्ठाः सहसा दुःखमेयुषः । वने विजह्रिरे पार्थाः शक्रप्रतिमतेजसः ॥

kathaṃ caiśvaryabhūyiṣṭhāḥ sahasā duḥkhameyuṣaḥ | vane vijahrire pārthāḥ śakrapratimatejasaḥ

How did the sons of Pritha, splendid as Shakra, who had possessed the fullest sovereignty and suddenly fell into misery, pass their time in the forest?

Verse 4 (3.1.4)

के चैतानन्ववर्तन्त प्राप्तान्व्यसनमुत्तमम् । किमाचाराः किमाहाराः क्व च वासो महात्मनाम् ॥

ke caitānanvavartanta prāptānvyasanamuttamam | kimācārāḥ kimāhārāḥ kva ca vāso mahātmanām

Who followed them when they had met with such grave misfortune? What was their way of life, what did they eat, and where did those great-souled men live?

Note on the text: Restored a missing word space (क्वच → क्व च).

Verse 5 (3.1.5)

कथं द्वादश वर्षाणि वने तेषां महात्मनाम् । व्यतीयुर्ब्राह्मणश्रेष्ठ शूराणामनिवर्तिनाम् ॥

kathaṃ dvādaśa varṣāṇi vane teṣāṃ mahātmanām | vyatīyurbrāhmaṇaśreṣṭha śūrāṇāmanivartinām

O best of Brahmins, how did those great-souled heroes, who never turned back in battle, get through twelve years in the forest?

Verse 6 (3.1.6)

कथं च राजपुत्री सा प्रवरा सर्वयोषिताम् । पतिव्रता महाभागा सततं प्रियवादिनी ॥

kathaṃ ca rājaputrī sā pravarā sarvayoṣitām | pativratā mahābhāgā satataṃ priyavādinī

And how did that princess, the finest of all women, devoted to her husbands, highly blessed and ever gentle in speech,

Note on the text: Wikisource divides Janamejaya's last questions differently from the critical edition: this verse is CE 3.1.6ab–cd.

Verse 7 (3.1.7)

वनवासमदुःखार्हा दारुणं प्रत्यपद्यत । एतदाचक्ष्व मे सर्वं विस्तरेण तपोधन ॥

vanavāsamaduḥkhārhā dāruṇaṃ pratyapadyata | etadācakṣva me sarvaṃ vistareṇa tapodhana

who did not deserve sorrow, endure the harsh life of the forest? Tell me all of this in full, O you whose wealth is austerity.

Note on the text: This verse is CE 3.1.6ef + 3.1.7ab (Wikisource divides the lines differently).

Verse 8 (3.1.8)

श्रोतुमिच्छामि तत्सर्वं भूरिद्रविणतेजसाम् । कथ्यमानं त्वया विप्र परं कौतूहलं हि मे ॥

śrotumicchāmi tatsarvaṃ bhūridraviṇatejasām | kathyamānaṃ tvayā vipra paraṃ kautūhalaṃ hi me

I wish to hear all of it about those men of abundant valour and splendour, told by you, O Brahmin, for my eagerness is great.

Note on the text: This verse is CE 3.1.7cd–ef (Wikisource divides the lines differently).

Verse 9 (3.1.9)

एवं द्यूतजिताः पार्थाः कोपिताश्च दुरात्मभिः । धार्तराष्ट्रैः सहामात्यैर्निर्ययुर्गजसाह्वयात् ॥

evaṃ dyūtajitāḥ pārthāḥ kopitāśca durātmabhiḥ | dhārtarāṣṭraiḥ sahāmātyairniryayurgajasāhvayāt

Thus beaten at dice and provoked by the wicked sons of Dhritarashtra and their counsellors, the sons of Pritha went out from the city named after the elephant.

Note on the text: Corrected कोयिताश्च → कोपिताश्च (misprint in Wikisource; the critical edition reads kopitāś ca, as in verse 1).

Verse 10 (3.1.10)

वर्धमानपुरद्वारादभिनिष्क्रम्य ते तदा । उदङ्मुखाः शस्त्रभृतः प्रययुः सह कृष्णया ॥

vardhamānapuradvārādabhiniṣkramya te tadā | udaṅmukhāḥ śastrabhṛtaḥ prayayuḥ saha kṛṣṇayā

Leaving by the gate that faces Vardhamanapura, they set out northward, bearing their weapons, together with Krishna (Draupadi).

Verse 11 (3.1.11)

इन्द्रसेनादयश्चैतान्भृत्याः परिचतुर्दश । रथैरनुययुः शीघ्रैः स्त्रिय आदाय सर्वशः ॥

indrasenādayaścaitānbhṛtyāḥ paricaturdaśa | rathairanuyayuḥ śīghraiḥ striya ādāya sarvaśaḥ

Indrasena and their other servants, fourteen and more, followed them in swift chariots, bringing all the women with them.

Verse 12 (3.1.12)

ततस्ते पुरुषव्याघ्रा रथानास्थाय भारत । ददृशुर्जाह्नवीतीरे प्रमाणाख्यं महावटम् ॥

tataste puruṣavyāghrā rathānāsthāya bhārata | dadṛśurjāhnavītīre pramāṇākhyaṃ mahāvaṭam

Then, O Bharata, those tigers among men, mounted on their chariots, saw on the bank of the Jahnavi the great banyan called Pramana.

Note on the text: Removed stray wiki marks (` and ।।') that Wikisource uses to set off this verse. Not in the critical edition (found in the vulgate recension); the critical edition records it in its apparatus as 3.1.10d*0004.

Verse 13 (3.1.13)

व्रजतस्तान्विदित्वा तु पौराः शोकाभिपीडिताः । गर्हयन्तोऽसकृद्भीष्मविदुरद्रोणगौतमान् । ऊचुर्वै समयं कृत्वा समागम्य परस्परम् ॥

vrajatastānviditvā tu paurāḥ śokābhipīḍitāḥ | garhayanto'sakṛdbhīṣmaviduradroṇagautamān | ūcurvai samayaṃ kṛtvā samāgamya parasparam

Learning that they were leaving, the citizens, stricken with grief, again and again reproached Bhishma, Vidura, Drona and Gautama (Kripa). Then, coming together and agreeing among themselves, they spoke to one another.

Verse 14 (3.1.14)

नेदमस्ति कुलं सर्वं न वयं न च नो गृहाः । यत्र दुर्योधनः पापः सौबलेयेन पालितः । कर्णदुःशासनाद्यैश्च राज्यमेतच्चिकीर्षति ॥

nedamasti kulaṃ sarvaṃ na vayaṃ na ca no gṛhāḥ | yatra duryodhanaḥ pāpaḥ saubaleyena pālitaḥ | karṇaduḥśāsanādyaiśca rājyametaccikīrṣati

Our whole family is as good as gone, and so are we and our homes, where the wicked Duryodhana, guarded by the son of Subala and backed by Karna, Duhshasana and the rest, means to rule this kingdom.

Note on the text: Restored missing word spaces (नच → न च, यत्रदुर्योधनः → यत्र दुर्योधनः).

Verse 15 (3.1.15)

न तत्कुलं न चाचारो न धर्मोऽर्थः कुतः सुखम् । यत्र पापसहायोऽयं पापो राज्यं चिकीर्षति ॥

na tatkulaṃ na cācāro na dharmo'rthaḥ kutaḥ sukham | yatra pāpasahāyo'yaṃ pāpo rājyaṃ cikīrṣati

Where this wicked man, with wicked men to help him, means to rule, there is no family, no right conduct, no dharma, no wealth; how then could there be happiness?

Verse 16 (3.1.16)

दुर्योधनो गुरुद्वेषी त्यक्तधर्मः प्रियानृतः । अर्थलुब्धोऽभिमानी च नीचः प्रकृतिनिर्घृणः ॥

duryodhano gurudveṣī tyaktadharmaḥ priyānṛtaḥ | arthalubdho'bhimānī ca nīcaḥ prakṛtinirghṛṇaḥ

Duryodhana hates his elders; he has cast off dharma and loves falsehood. He is greedy for wealth, proud, base, and pitiless by nature.

Note on the text: Corrected अर्तलुब्धो → अर्थलुब्धो (misprint in Wikisource; the critical edition reads arthalubdho). Its tyaktācārasuhṛjjanaḥ for त्यक्तधर्मः प्रियानृतः is a recension variant and is kept.

Verse 17 (3.1.17)

नेयमस्ति मही कृत्स्ना यत्र दुर्योधनो नृपः । साधु गच्छामहे सर्वे यत्र गच्छन्ति पाण्डवाः ॥

neyamasti mahī kṛtsnā yatra duryodhano nṛpaḥ | sādhu gacchāmahe sarve yatra gacchanti pāṇḍavāḥ

Where Duryodhana is king, this whole earth is as nothing. Let us all go where the Pandavas go.

Verse 18 (3.1.18)

सानुक्रोशा महात्मानो विजितेन्द्रियशत्रवः । ह्रीमन्तः कीर्तिमन्तश्च धर्माचारपरायणाः ॥

sānukrośā mahātmāno vijitendriyaśatravaḥ | hrīmantaḥ kīrtimantaśca dharmācāraparāyaṇāḥ

They are compassionate and great-souled, victors over their senses and their foes, modest, renowned, and devoted to dharma and right conduct.

Note on the text: Corrected हीमन्तः → ह्रीमन्तः (misprint in Wikisource; dropped र, the critical edition reads hrīmantaḥ).

Verse 19 (3.1.19)

एवमुक्त्वाऽनुजग्मुस्ते पाण्डवांस्तान्समेत्य च । ऊचुः प्राञ्जलयः सर्वे तान्कुन्तीमाद्रिनन्दनान् ॥

evamuktvā'nujagmuste pāṇḍavāṃstānsametya ca | ūcuḥ prāñjalayaḥ sarve tānkuntīmādrinandanān

Having said this, they followed the Pandavas, and when they had caught up with them, they all spoke with joined palms to those sons of Kunti and Madri.

Verse 20 (3.1.20)

क्व गमिष्यथ भद्रं वस्त्यक्त्वाऽस्मान्दुःखभागिनः । वयमप्यनुयास्यामो यत्र यूयं गमिष्यथ ॥

kva gamiṣyatha bhadraṃ vastyaktvā'smānduḥkhabhāginaḥ | vayamapyanuyāsyāmo yatra yūyaṃ gamiṣyatha

Where will you go, leaving us behind in our sorrow? May all be well with you! We too will follow wherever you go.

Note on the text: Restored missing word spaces (क्वगमिष्यथ → क्व गमिष्यथ, भद्रंवस्त्यक्त्वा → भद्रं वस्त्यक्त्वा).

Verse 21 (3.1.21)

अधर्मेण जिताञ्श्रुत्वा युष्मांस्त्यक्तघृणैः परैः । उद्विग्नाः स्मो भृशं सर्वे नास्मान्हातुमिहार्हथ ॥

adharmeṇa jitāñśrutvā yuṣmāṃstyaktaghṛṇaiḥ paraiḥ | udvignāḥ smo bhṛśaṃ sarve nāsmānhātumihārhatha

Ever since we heard that you were beaten unrighteously by pitiless enemies, we have all been deeply distressed. You should not abandon us here.

Verse 22 (3.1.22)

भक्तानुरक्तान्सुहृदः सदा प्रियहिते रतान् । कुराजाधिष्ठिते राज्ये न विनश्येम सर्वशः ॥

bhaktānuraktānsuhṛdaḥ sadā priyahite ratān | kurājādhiṣṭhite rājye na vinaśyema sarvaśaḥ

We are your devoted and loving friends, always intent on your pleasure and welfare. Do not let us perish utterly in a kingdom ruled by a bad king.

Note on the text: Corrected कुराजाघिष्ठिते → कुराजाधिष्ठिते (misprint in Wikisource, घ for ध; the critical edition reads kurājādhiṣṭhite).

Verse 23 (3.1.23)

श्रूयतां चाभिधास्यामो गुणदोषान्नरर्षभाः । शुभाशुभाधिवासेन संसर्गः कुरुते यथा ॥

śrūyatāṃ cābhidhāsyāmo guṇadoṣānnararṣabhāḥ | śubhāśubhādhivāsena saṃsargaḥ kurute yathā

Listen, O bulls among men, and we will tell you of the virtues and faults that company brings, how association works its influence through good or bad surroundings.

Verse 24 (3.1.24)

वस्त्रमापस्तिलान्भूमिं गन्धो वासयते यथा । पुष्पाणामधिवासेन तथा संसर्गजा गुणाः ॥

vastramāpastilānbhūmiṃ gandho vāsayate yathā | puṣpāṇāmadhivāsena tathā saṃsargajā guṇāḥ

Just as fragrance, through contact with flowers, perfumes cloth, water, sesame seeds and the earth, so qualities are born of association.

Verse 25 (3.1.25)

मोहजालस्य योनिर्हि मूढैरेव समागमः । अहन्यहनि धर्मस्य योनिः साधुसमागमः ॥

mohajālasya yonirhi mūḍhaireva samāgamaḥ | ahanyahani dharmasya yoniḥ sādhusamāgamaḥ

The company of fools is the very source of the net of delusion; the company of the good is, day after day, the source of dharma.

Verse 26 (3.1.26)

तस्मात्प्राज्ञैश्च वृद्धैश्च सुस्वभावैस्तपस्विभिः । सद्भिश्च सह संसर्गः कार्यः शमपरायणैः ॥

tasmātprājñaiśca vṛddhaiśca susvabhāvaistapasvibhiḥ | sadbhiśca saha saṃsargaḥ kāryaḥ śamaparāyaṇaiḥ

Therefore one should keep company with the wise, the elders, those of good nature, ascetics, and the virtuous who are given to tranquillity.

Verse 27 (3.1.27)

येषां त्रीण्यवदातानि विद्या योनिश्च कर्म च । ते सेव्यास्तैः समास्याहि शास्त्रेभ्योऽपि गरीयसी ॥

yeṣāṃ trīṇyavadātāni vidyā yoniśca karma ca | te sevyāstaiḥ samāsyāhi śāstrebhyo'pi garīyasī

Those in whom three things are pure, learning, birth and conduct, should be served; their company is weightier even than the scriptures.

Note on the text: Corrected शास्त्रेभ्योपि → शास्त्रेभ्योऽपि (missing avagraha; the critical edition reads śāstrebhyo 'pi).

Verse 28 (3.1.28)

निरारम्भा ह्यपि वयं पुण्यशीलेषु साधुषु । पुण्यमेवाप्नुयामेह पापं पापोपसेवनात् ॥

nirārambhā hyapi vayaṃ puṇyaśīleṣu sādhuṣu | puṇyamevāpnuyāmeha pāpaṃ pāpopasevanāt

Even without performing rites ourselves, we would gain merit here by living among the good whose nature is virtuous, just as sin comes from attending on the sinful.

Verse 29 (3.1.29)

असतां दर्शनात्स्पर्शात्संजल्पाच्च सहासनात् । धर्माचाराः प्रहीयन्ते सिद्ध्यन्ति च न मानवाः ॥

asatāṃ darśanātsparśātsaṃjalpācca sahāsanāt | dharmācārāḥ prahīyante siddhyanti ca na mānavāḥ

By seeing, touching, talking and sitting with the wicked, people lose their dharma and right conduct, and they do not reach fulfilment.

Note on the text: Corrected सहासवात् → सहासनात् (misprint in Wikisource, व for न; "sitting together", as the critical edition's saṃjalpanasahāsanāt).

Verse 30 (3.1.30)

बुद्धिश्च हीयते पुंसां नीचैः सह समागमात् । मध्यमैर्मध्यतां याति श्रेष्ठैः श्रेष्ठत्वमाप्नुयुः ॥

buddhiśca hīyate puṃsāṃ nīcaiḥ saha samāgamāt | madhyamairmadhyatāṃ yāti śreṣṭhaiḥ śreṣṭhatvamāpnuyuḥ

A man's understanding declines through keeping company with the base; with the middling it becomes middling, and with the best, men attain the best.

Verse 31 (3.1.31)

अनीचैर्नाप्यविषयैर्नाधर्मिष्ठैर्विशेषतः । ये गुणाः कीर्तिता लोके धर्मकामार्थसंभवाः । लोकाचारेषु संभूता वेदोक्ताः शिष्टसंमताः ॥

anīcairnāpyaviṣayairnādharmiṣṭhairviśeṣataḥ | ye guṇāḥ kīrtitā loke dharmakāmārthasaṃbhavāḥ | lokācāreṣu saṃbhūtā vedoktāḥ śiṣṭasaṃmatāḥ

Not among the base, nor among strangers, and least of all among the unrighteous, are found the virtues praised in the world: virtues that give rise to dharma, pleasure and wealth, that spring from the ways of the world, that are taught in the Veda and approved by the cultured.

Note on the text: The first line is not in the critical edition's text (its apparatus has it as 3.1.28d*0005); the other two lines match CE 3.1.29.

Verse 32 (3.1.32)

ते युष्मासु समस्ताश्च व्यस्ताश्चैवेह सद्गुणाः । इच्छामो गुणवन्मध्ये वस्तुं श्रेयोऽभिकाङ्क्षिणः ॥

te yuṣmāsu samastāśca vyastāścaiveha sadguṇāḥ | icchāmo guṇavanmadhye vastuṃ śreyo'bhikāṅkṣiṇaḥ

All these good qualities are present in you, together and each one singly. Seeking our own good, we wish to live among the virtuous.

Note on the text: Corrected श्रेयोभिकाङ्क्षिणः → श्रेयोऽभिकाङ्क्षिणः (missing avagraha; the critical edition reads śreyo 'bhikāṅkṣiṇaḥ).

Verse 33 (3.1.33)

धन्या वयं यदस्माकं स्नेहकारुण्ययन्त्रिताः । असतोऽपि गुणानाहुर्ब्राह्मणप्रमुखाः प्रजाः ॥

dhanyā vayaṃ yadasmākaṃ snehakāruṇyayantritāḥ | asato'pi guṇānāhurbrāhmaṇapramukhāḥ prajāḥ

We are blessed, for the people, with the Brahmins at their head, moved by affection and compassion, speak of virtues in us that we do not have.

Verse 34 (3.1.34)

तदहं भ्रातृसहितः सर्वान्विज्ञापयामि वः । नान्यथा तद्धि कर्तव्यमस्मत्स्नेहानुकम्पया ॥

tadahaṃ bhrātṛsahitaḥ sarvānvijñāpayāmi vaḥ | nānyathā taddhi kartavyamasmatsnehānukampayā

So I and my brothers make one request of you all; out of love and kindness for us, do not act otherwise.

Verse 35 (3.1.35)

भीष्मः पितामहो राजा विदुरो जननी च मे । सुहृज्जनश्च प्रायो मे नगरे नागसाह्वये ॥

bhīṣmaḥ pitāmaho rājā viduro jananī ca me | suhṛjjanaśca prāyo me nagare nāgasāhvaye

Bhishma our grandsire, the king, Vidura, my mother, and most of my friends are in the city named after the elephant.

Verse 36 (3.1.36)

ते त्वस्मद्धितकामार्थं पालनीयाः प्रयत्नतः । युष्माभिः सहिताः सर्वे शोकसंतापविह्वलाः ॥

te tvasmaddhitakāmārthaṃ pālanīyāḥ prayatnataḥ | yuṣmābhiḥ sahitāḥ sarve śokasaṃtāpavihvalāḥ

For the sake of our welfare, you must all together look after them with care, overwhelmed as they are by grief and anguish.

Verse 37 (3.1.37)

निवर्ततागता दूरं ममागमनकाङ्क्षिणः । स्वजने न्यासभूते मे कार्या स्नेहान्विता मतिः ॥

nivartatāgatā dūraṃ mamāgamanakāṅkṣiṇaḥ | svajane nyāsabhūte me kāryā snehānvitā matiḥ

You have come a long way; turn back now, you who long for my return. Let your hearts be full of affection for my kinsfolk, whom I leave with you as a trust.

Verse 38 (3.1.38)

एतद्धि मम कार्याणां परमं हृदि संस्थितम् । कृता तेन तु तुष्टिर्मे सत्कारश्च भविष्यति ॥

etaddhi mama kāryāṇāṃ paramaṃ hṛdi saṃsthitam | kṛtā tena tu tuṣṭirme satkāraśca bhaviṣyati

This is the foremost of my concerns, set deep in my heart. If you do it, I will be content, and that will be the honour you pay me.

Verse 39 (3.1.39)

तथानुमन्त्रितास्तेन धर्मराजेन ताः प्रजाः । चक्रुरार्तस्वरं घोरं हा राजन्निति दुःखिताः ॥

tathānumantritāstena dharmarājena tāḥ prajāḥ | cakrurārtasvaraṃ ghoraṃ hā rājanniti duḥkhitāḥ

Addressed thus by the Dharma king, the people in their sorrow raised a terrible cry of grief: "Alas, O king!"

Verse 40 (3.1.40)

गुणान्पार्थस्य संस्मृत्य दुःखार्ताः परमातुराः । अकामाः संन्यवर्तन्त समागम्याथ पाण्डवान् ॥

guṇānpārthasya saṃsmṛtya duḥkhārtāḥ paramāturāḥ | akāmāḥ saṃnyavartanta samāgamyātha pāṇḍavān

Remembering the virtues of Pritha's son, grieving and in deep distress, they took leave of the Pandavas and turned back against their will.

Verse 41 (3.1.41)

निवृत्तेषु तु पौरेषु रथानास्थाय पाण्डवाः । आजग्मुर्जाह्नवीतीरे प्रमाणाख्यं महावटम् ॥

nivṛtteṣu tu paureṣu rathānāsthāya pāṇḍavāḥ | ājagmurjāhnavītīre pramāṇākhyaṃ mahāvaṭam

When the citizens had turned back, the Pandavas mounted their chariots and came to the great banyan called Pramana on the bank of the Jahnavi.

Note on the text: Corrected तुं → तु (misprint in Wikisource; stray anusvara, the critical edition reads tu).

Verse 42 (3.1.42)

ते तं दिवसशेषेण वटं गत्वा तु पाण्डवाः । ऊषुस्तां रजनीं वीराः संस्पृश्य सलिलं शुचि ॥

te taṃ divasaśeṣeṇa vaṭaṃ gatvā tu pāṇḍavāḥ | ūṣustāṃ rajanīṃ vīrāḥ saṃspṛśya salilaṃ śuci

Reaching that banyan as the day was ending, the heroic Pandavas touched the pure water and spent the night there.

Note on the text: Corrected दिषसशेषेण → दिवसशेषेण (misprint in Wikisource; the critical edition reads divasaśeṣeṇa). This verse is CE 3.1.40ab–cd (Wikisource divides the lines differently).

Verse 43 (3.1.43)

उदकेनैव तां रात्रिमूषुस्ते दुःखकर्शिताः । अनुजग्मुश्च तत्रैतान्स्नेहात्केचिद्द्विजातयः ॥

udakenaiva tāṃ rātrimūṣuste duḥkhakarśitāḥ | anujagmuśca tatraitānsnehātkeciddvijātayaḥ

Worn down by sorrow, they passed that night on water alone. And out of affection, some of the twice-born followed them there,

Note on the text: Corrected रात्रिमृषुस्ते → रात्रिमूषुस्ते (misprint in Wikisource; ऊषुः "they passed the night", as in the line before and the critical edition's ūṣus). This verse is CE 3.1.40ef + 3.1.41ab (Wikisource divides the lines differently).

Verse 44 (3.1.44)

साग्नयोऽनग्नयश्चैव सशिष्यगणबान्धवाः । स तैः परिवृतो राजा शुशुभे ब्रह्मवादिभिः ॥

sāgnayo'nagnayaścaiva saśiṣyagaṇabāndhavāḥ | sa taiḥ parivṛto rājā śuśubhe brahmavādibhiḥ

some keeping sacred fires and some without, with their pupils and their kin. Surrounded by those expounders of the Veda, the king shone.

Note on the text: Corrected साग्रयो → साग्नयो (misprint in Wikisource; "with their sacred fires", as the commentary's साग्नयः and the critical edition's sāgnayo). This verse is CE 3.1.41cd–ef (Wikisource divides the lines differently).

Verse 45 (3.1.45)

तेषां प्रादुष्कृताग्नीनां मुहूर्ते रम्यदारुणे । ब्रह्मघोषपुरस्कारः संजल्पः समजायत ॥

teṣāṃ prāduṣkṛtāgnīnāṃ muhūrte ramyadāruṇe | brahmaghoṣapuraskāraḥ saṃjalpaḥ samajāyata

As they kindled their fires at that hour of dusk, lovely and fearful at once, a murmur of talk arose among them, led by the sound of Vedic chanting.

Verse 46 (3.1.46)

राजानं तु कुरुश्रेष्ठं ते हंसमधुरस्वराः । आश्वासयन्तो विप्राग्र्याः क्षपां सर्वां व्यनोदयन् ॥

rājānaṃ tu kuruśreṣṭhaṃ te haṃsamadhurasvarāḥ | āśvāsayanto viprāgryāḥ kṣapāṃ sarvāṃ vyanodayan

With voices sweet as swans', those foremost Brahmins comforted the king, best of the Kurus, and helped him through the whole night.

Note on the text: Corrected क्षयां → क्षपां and व्यनोदयत् → व्यनोदयन् (misprints in Wikisource; क्षपा "night", and the verb must be plural for विप्राग्र्याः; the critical edition reads kṣapāṃ sarvāṃ vyanodayan).

Verse 47 (3.1.47)

राजा तु भ्रातृभिः सार्धं तथा सर्वैः सुहृद्गणैः । अशेत तां निशां राजन्दुःखशोकसमाहितः ॥

rājā tu bhrātṛbhiḥ sārdhaṃ tathā sarvaiḥ suhṛdgaṇaiḥ | aśeta tāṃ niśāṃ rājanduḥkhaśokasamāhitaḥ

And the king, O king, lay down that night with his brothers and all his friends, overcome by sorrow and grief.

Note on the text: Removed stray wiki marks (` and ।।') and restored a missing word space (निशांराजन् → निशां राजन्). Not in the critical edition (found in the vulgate recension); the critical edition records it in its apparatus as 3.1.43d*0006.