Satyaki Urges War; Yudhishthira Holds to His Word

Verse 1 (3.121.1)

न राम कालः परिदेवनाय । यदुत्तरं त्वत्र तदेव सर्वे । समाचरामो ह्यनतीतकालं । युधिष्ठिरो यद्यपि नाह किंचित् ॥

na rāma kālaḥ paridevanāya | yaduttaraṃ tvatra tadeva sarve | samācarāmo hyanatītakālaṃ | yudhiṣṭhiro yadyapi nāha kiṃcit

O Rama, this is no time for lamenting. Let us all do now what ought to be done next, before the moment passes, even though Yudhishthira says nothing.

Verse 2 (3.121.2)

ये नाथवन्तोऽद्य भवन्ति लोके । ते नात्मना कर्म समारभन्ते । तेषां तु कार्येषु भवन्ति नाथाः । शैब्यादयो राम यथा ययातेः ॥

ye nāthavanto'dya bhavanti loke | te nātmanā karma samārabhante | teṣāṃ tu kāryeṣu bhavanti nāthāḥ | śaibyādayo rāma yathā yayāteḥ

Those in this world who have protectors do not undertake their tasks by themselves; their protectors take up the work for them, O Rama, as Shaibya and the others did for Yayati.

Note on the text: Corrected समारन्ते → समारभन्ते (misprint in Wikisource; a dropped akshara, cf. CE samārabhante).

Verse 3 (3.121.3)

येषां तथा राम समारभन्ते । कार्याणि नाथाः स्वमतेन लोके । ते नाथवन्तः पुरुषप्रवीरा । नानाथवत्कृच्छ्रमवाप्नुवन्ति ॥

yeṣāṃ tathā rāma samārabhante | kāryāṇi nāthāḥ svamatena loke | te nāthavantaḥ puruṣapravīrā | nānāthavatkṛcchramavāpnuvanti

Those whose tasks, O Rama, their protectors take up of their own accord in this world, such men, foremost heroes who have protectors, do not fall into hardship like men who have none.

Note on the text: Corrected रते → ते (misprint in Wikisource; stray akshara, cf. CE te nāthavantaḥ).

Verse 4 (3.121.4)

कस्मादिमौ रामजनार्दनौ च । प्रद्युम्नसाम्बौ च मया समेतौ । वसन्त्यरण्ये सह सोदरीयै- । स्त्रैलोक्यनाथानभिगम्य पार्थाः ॥

kasmādimau rāmajanārdanau ca | pradyumnasāmbau ca mayā sametau | vasantyaraṇye saha sodarīyai- | strailokyanāthānabhigamya pārthāḥ

Then why, when these two, Rama and Janardana, are here, and Pradyumna and Samba together with me, do the Parthas live in the forest with their brothers, though they have found protectors who are lords of the three worlds?

Verse 5 (3.121.5)

निर्यातु साध्यद्य दशार्हसेना । प्रभूतनानायुधचित्रवर्मा । यमक्षयं गच्छतु धार्तराष्ट्रः । सबान्धवो वृष्णिबलाभिभूतः ॥

niryātu sādhyadya daśārhasenā | prabhūtanānāyudhacitravarmā | yamakṣayaṃ gacchatu dhārtarāṣṭraḥ | sabāndhavo vṛṣṇibalābhibhūtaḥ

Let the Dasharha army march out today in good order, with its many kinds of weapons and bright armour. Let Dhritarashtra's son, overwhelmed by the might of the Vrishnis, go with his kinsmen to the abode of Yama.

Verse 6 (3.121.6)

त्वं ह्येव कोपात्पृथिवीमपीमां । संवेष्टयेस्तिष्ठतु शार्ङ्गधन्वा । स धार्तराष्ट्रं जहि सानुबन्धं । वृत्रं यथा देवपतिर्महेन्द्रः ॥

tvaṃ hyeva kopātpṛthivīmapīmāṃ | saṃveṣṭayestiṣṭhatu śārṅgadhanvā | sa dhārtarāṣṭraṃ jahi sānubandhaṃ | vṛtraṃ yathā devapatirmahendraḥ

You alone, in your wrath, could encompass even this whole earth. Let Krishna, who bears the Sharnga bow, stand aside. Slay Dhritarashtra's son with all his followers, as Mahendra, lord of the gods, slew Vritra.

Note on the text: Corrected शार्ह्गधन्वा → शार्ङ्गधन्वा (misprint in Wikisource; broken conjunct in the name of Krishna's bow Sharnga).

Verse 7 (3.121.7)

भ्राता च मे यः स सखा गुरुश्च । जनार्दनस्यात्मसमश्च पार्थः । तदर्थमेको हि य उद्यमन्वै । करोति कर्णोऽस्त्रमवारणीयम् ॥

bhrātā ca me yaḥ sa sakhā guruśca | janārdanasyātmasamaśca pārthaḥ | tadarthameko hi ya udyamanvai | karoti karṇo'stramavāraṇīyam

Let Partha too stand aside, he who is my brother, my friend and my teacher, and Janardana's second self. For it is against him that Karna alone is striving, preparing a weapon that cannot be warded off.

Note on the text: Lines 1–2 = CE 3.120.7ab. Lines 3–4 (तदर्थमेको … कर्णोऽस्त्रमवारणीयम्) are not in the critical edition, whose 3.120.7cd corresponds to the last two lines of the next verse.

Verse 8 (3.121.8)

यदर्थमैच्छन्मनुजाः सुपुत्रं । शिष्यं गुरुं चाप्रतिकूलवादम् । यदर्थमभ्युद्यतमुत्तमं त- । त्करोति कर्माग्र्यमपारणीयम् ॥

yadarthamaicchanmanujāḥ suputraṃ | śiṣyaṃ guruṃ cāpratikūlavādam | yadarthamabhyudyatamuttamaṃ ta- | tkaroti karmāgryamapāraṇīyam

It is for this that men long for a worthy son, a pupil, and a teacher who never speaks against them; and it is for this that, ready and resolved, one performs the foremost deed that no one can thwart.

Note on the text: Removed the square brackets and the extra double danda with which Wikisource encloses this verse. Lines 1–2 are not in the critical edition (found in the vulgate recension); lines 3–4 = CE 3.120.7cd.

Verse 9 (3.121.9)

तस्यास्त्रवर्षाण्यहमुत्तमास्त्रै- । र्विहत्य सर्वाणि रणेऽभिभूय । कायाच्छिरः सर्पविषाग्निकल्पैः । शरोत्तमैरुन्मथिताऽस्मि राम ॥

tasyāstravarṣāṇyahamuttamāstrai- | rvihatya sarvāṇi raṇe'bhibhūya | kāyācchiraḥ sarpaviṣāgnikalpaiḥ | śarottamairunmathitā'smi rāma

With my finest weapons I shall destroy all his showers of missiles and overpower him in battle, and with excellent arrows like serpent's venom and fire I shall strike his head from his body, O Rama.

Note on the text: Corrected सर्वाणइ → सर्वाणि (misprint in Wikisource; broken vowel sign).

Verse 10 (3.121.10)

खड्गेन चाहं निशितेन सङ्ख्ये । कायाच्छिरस्तस्य बलात्प्रमथ्य । ततोऽस्य सर्वाननुगान्हनिष्ये । दुर्योधनं चापि कुरूश्च सर्वान् ॥

khaḍgena cāhaṃ niśitena saṅkhye | kāyācchirastasya balātpramathya | tato'sya sarvānanugānhaniṣye | duryodhanaṃ cāpi kurūśca sarvān

Or with a sharp sword in battle I shall hew his head from his body by force; then I shall kill all his followers, and Duryodhana too, and all the Kurus.

Note on the text: Corrected खङ्गेन → खड्गेन, प्रमत्य → प्रमथ्य and ततोऽस् → ततोऽस्य (misprints in Wikisource; wrong or dropped aksharas, cf. CE khaḍgena, pramathya, tato 'sya).

Verse 11 (3.121.11)

आत्तायुधं मामिह रौहिणेय । पश्यन्तु भैमा युधि जातहर्षाः । निघ्नन्तमेकं कुरुयोधमुख्या- । नग्निं महाकक्षमिवान्तकाले ॥

āttāyudhaṃ māmiha rauhiṇeya | paśyantu bhaimā yudhi jātaharṣāḥ | nighnantamekaṃ kuruyodhamukhyā- | nagniṃ mahākakṣamivāntakāle

O son of Rohini, let the Bhaimas, rejoicing in battle, watch me here, weapons in hand, alone slaying the foremost Kuru warriors as fire consumes a great dry thicket at the end of time.

Note on the text: Corrected रौहिणएय → रौहिणेय (misprint in Wikisource; broken vowel sign).

Verse 12 (3.121.12)

प्रद्युम्नमुक्तान्निशितान्न शक्ताः । सोढुं कृपद्रोणविकर्णकर्णाः । जानासि वीर्यं च तवात्मजस्य । कार्ष्णिर्भवत्येव यथा रणस्थः ॥

pradyumnamuktānniśitānna śaktāḥ | soḍhuṃ kṛpadroṇavikarṇakarṇāḥ | jānāsi vīryaṃ ca tavātmajasya | kārṣṇirbhavatyeva yathā raṇasthaḥ

Kripa, Drona, Vikarna and Karna cannot withstand the sharp arrows loosed by Pradyumna. You know the valour of your son: standing in battle, Krishna's son is just like his father.

Note on the text: Corrected पीर्यं → वीर्यं (misprint in Wikisource; cf. CE vīryaṃ).

Verse 13 (3.121.13)

साम्बः ससूतं सरथं भुजाभ्यां । दुःशासनं शास्तु बलात्प्रमथ्य । न विद्यते जाम्बवतीसुतस्य । रणेऽविषह्यं हि रणोत्कटस्य ॥

sāmbaḥ sasūtaṃ sarathaṃ bhujābhyāṃ | duḥśāsanaṃ śāstu balātpramathya | na vidyate jāmbavatīsutasya | raṇe'viṣahyaṃ hi raṇotkaṭasya

Let Samba, with his own two arms, crush Duhshasana by force together with his charioteer and chariot, and so chastise him. For the son of Jambavati, fierce in battle, nothing in war is too hard to bear.

Note on the text: Separated विद्यतेजाम्बवतीसुतस्य → विद्यते जाम्बवतीसुतस्य (words run together in Wikisource).

Verse 14 (3.121.14)

एतेन बालेन हि शम्बरस्य । दैत्यस्य सैन्यं सहसा प्रणुन्नम् । हतः स पापो युधि केवलेन । युद्धेऽद्वितीयो हरितुल्यवीर्यः ॥

etena bālena hi śambarasya | daityasya sainyaṃ sahasā praṇunnam | hataḥ sa pāpo yudhi kevalena | yuddhe'dvitīyo haritulyavīryaḥ

It was this youth who swiftly routed the army of the Daitya Shambara; matchless in war and equal to Hari in valour, he alone slew that wicked one in battle.

Note on the text: Removed the quote marks (`…') with which Wikisource marks lines 3–4. Lines 1–2 = CE 3.120.13ab; lines 3–4 are not in the critical edition (found in the vulgate recension).

Verse 15 (3.121.15)

वृत्तोरुरत्यायतपीनबाहु- । रेतेन सङ्ख्ये निहतोऽश्वचक्रः । को नाम साम्बस्य महारथस्य । रणे समक्षं रथमभ्युदीयात् ॥

vṛttoruratyāyatapīnabāhu- | retena saṅkhye nihato'śvacakraḥ | ko nāma sāmbasya mahārathasya | raṇe samakṣaṃ rathamabhyudīyāt

By him Ashvachakra, round-thighed and with long, massive arms, was slain in battle. Who would dare to advance face to face against the chariot of Samba, the great chariot-warrior, in battle?

Note on the text: Lines 1–2 = CE 3.120.13cd. Lines 3–4 differ from CE 3.120.13ef (ko nāma sāmbasya raṇe manuṣyo / gatvāntaraṃ vai bhujayor dhareta), a recension variant.

Verse 16 (3.121.16)

यथा प्रविश्यान्तरमन्तकस्य । काले मनुष्यो न विनिष्क्रमेत । तथा प्रविश्यान्तरमस्य सङ्ख्ये । को नाम जीवन्पुनराव्रजेच्च ॥

yathā praviśyāntaramantakasya | kāle manuṣyo na viniṣkrameta | tathā praviśyāntaramasya saṅkhye | ko nāma jīvanpunarāvrajecca

As a man who has entered the jaws of Death when his time has come does not come out again, so who, having come within his reach in battle, would return alive?

Verse 17 (3.121.17)

द्रोणं च भीष्मं च महारथौ तौ । सुतैर्वृतं चाप्यथ सोमदत्तम् । सर्वाणि सैन्यानि च वासुदेवः । प्रधक्ष्यते सायकवह्निजालैः ॥

droṇaṃ ca bhīṣmaṃ ca mahārathau tau | sutairvṛtaṃ cāpyatha somadattam | sarvāṇi sainyāni ca vāsudevaḥ | pradhakṣyate sāyakavahnijālaiḥ

Vasudeva will burn up with nets of fiery arrows Drona and Bhishma, those two great chariot-warriors, and Somadatta surrounded by his sons, and all their armies.

Note on the text: Corrected कच → च and सर्वाणइ → सर्वाणि (misprints in Wikisource; a stray akshara and a broken vowel sign).

Verse 18 (3.121.18)

किंनाम लोकेषु विषह्यमस्ति । कृष्णस्य सर्वेषु सदेवकेषु । आत्तायुधस्योत्तमबाणपाणे- । श्चक्रायुधस्याप्रतिमस्य युद्धे ॥

kiṃnāma lokeṣu viṣahyamasti | kṛṣṇasya sarveṣu sadevakeṣu | āttāyudhasyottamabāṇapāṇe- | ścakrāyudhasyāpratimasya yuddhe

What is there in all the worlds, the gods included, that can stand against Krishna when he has taken up his weapons, Krishna with the finest arrows in hand, the wielder of the discus, matchless in battle?

Note on the text: Corrected विषह्मम् → विषह्यम् (misprint in Wikisource; ह्म for ह्य) and removed a stray line-end hyphen (no word runs across this line).

Verse 19 (3.121.19)

ततोऽनिरुद्धोऽप्यसिचर्मपाणि- । र्महीमिमां धार्तराष्ट्रैर्विसंज्ञैः । हृतोत्तमाङ्गैर्निहतैः करोतु । कीर्णाङ्कुशैर्वेदिमिवाध्वरेषु ॥

tato'niruddho'pyasicarmapāṇi- | rmahīmimāṃ dhārtarāṣṭrairvisaṃjñaiḥ | hṛtottamāṅgairnihataiḥ karotu | kīrṇāṅkuśairvedimivādhvareṣu

Then let Aniruddha too, sword and shield in hand, cover this earth with the sons of Dhritarashtra, slain, senseless and headless, as the altar at a sacrifice is strewn with kusha grass.

Note on the text: Corrected ततो निरुद्धो → ततोऽनिरुद्धो (misprint in Wikisource; the missing avagraha turns the name Aniruddha into निरुद्ध 'restrained', cf. CE tato 'niruddho).

Verse 20 (3.121.20)

गदोल्मुकौ बाहुकभानुनीथाः । शूरश्च सङ्ख्ये निशठः कुमारः । रणोत्कटौ सारणचारुदेष्णौ । कुलोचितं विप्रथयन्तु कर्म ॥

gadolmukau bāhukabhānunīthāḥ | śūraśca saṅkhye niśaṭhaḥ kumāraḥ | raṇotkaṭau sāraṇacārudeṣṇau | kulocitaṃ viprathayantu karma

Gada and Ulmuka, Bahuka, Bhanu and Nitha, the young Nishatha, valiant in battle, and Sarana and Charudeshna, fierce in combat: let them all display deeds worthy of their lineage.

Note on the text: Corrected शूरश्र → शूरश्च (misprint in Wikisource; र for च).

Verse 21 (3.121.21)

सवृष्णिभोजान्धकयोधमुख्या । समागता सात्वतशूरसेना । हत्वा रणे तान्धृतराष्ट्रपुत्रा- । न्लोके यशः स्फीतमुपाकरोतु ॥

savṛṣṇibhojāndhakayodhamukhyā | samāgatā sātvataśūrasenā | hatvā raṇe tāndhṛtarāṣṭraputrā- | nloke yaśaḥ sphītamupākarotu

Let the assembled army of Satvata heroes, with the foremost warriors of the Vrishnis, Bhojas and Andhakas, slay those sons of Dhritarashtra in battle and win wide fame in the world.

Verse 22 (3.121.22)

ततोऽभिमन्युः पृथिवीं प्रशास्तु । यावद्व्रतं धर्मभृतांवरिष्ठः । युधिष्ठिरः पारयते महात्मा । द्यूते यथोक्तं कुरुसत्तमेन ॥

tato'bhimanyuḥ pṛthivīṃ praśāstu | yāvadvrataṃ dharmabhṛtāṃvariṣṭhaḥ | yudhiṣṭhiraḥ pārayate mahātmā | dyūte yathoktaṃ kurusattamena

Then let Abhimanyu rule the earth for as long as great-souled Yudhishthira, best of those who uphold dharma, is completing his vow, as the best of the Kurus agreed at the dice game.

Verse 23 (3.121.23)

अस्मत्प्रमुक्तैर्विशिखैर्जितारि- । स्ततो महीं भोक्ष्यति धर्मराजः । निर्धार्तराष्ट्रां हतसूतपुत्रा- । मेतद्धि नः कृत्यतमं यशस्यम् ॥

asmatpramuktairviśikhairjitāri- | stato mahīṃ bhokṣyati dharmarājaḥ | nirdhārtarāṣṭrāṃ hatasūtaputrā- | metaddhi naḥ kṛtyatamaṃ yaśasyam

Then, his enemies conquered by arrows loosed by us, the King of Dharma will enjoy the earth, rid of Dhritarashtra's sons, with the Suta's son slain. This, surely, is our foremost duty and the path to glory.

Verse 24 (3.121.24)

असंशयं माधव सत्यमेत- । द्गृह्णीम ते वाक्यमदीनसत्व । स्वाभ्यां भुजाभ्यामजितां तु भूमिं । नेच्छेत्कुरूणामृषभः कथंचित् ॥

asaṃśayaṃ mādhava satyameta- | dgṛhṇīma te vākyamadīnasatva | svābhyāṃ bhujābhyāmajitāṃ tu bhūmiṃ | necchetkurūṇāmṛṣabhaḥ kathaṃcit

No doubt, Madhava, this is true, and we accept your words, you of undaunted spirit. But the bull of the Kurus would never in any way wish for land that he has not won with his own two arms.

Verse 25 (3.121.25)

न ह्येष कामान्न भयान्न लोभा- । द्युधिष्ठिरो जातु जह्यात्स्वधर्मम् । भीमार्जुनौ चातिरथौ यमौ च । तथैव कृष्णा द्रुपदात्मजेयम् ॥

na hyeṣa kāmānna bhayānna lobhā- | dyudhiṣṭhiro jātu jahyātsvadharmam | bhīmārjunau cātirathau yamau ca | tathaiva kṛṣṇā drupadātmajeyam

Never would Yudhishthira abandon his own dharma, whether from desire, fear or greed; nor would Bhima and Arjuna, those peerless chariot-warriors, nor the twins, nor Krishna here, the daughter of Drupada.

Verse 26 (3.121.26)

उभौ हि युद्धेऽप्रतिमौ पृथिव्यां । वृकोदरश्चैव धनंजयश्च । कस्मान्न कृत्स्नां पृथिवीं प्रशासे- । न्माद्रीसुताभ्यां च पुरस्कृतोऽयम् ॥

ubhau hi yuddhe'pratimau pṛthivyāṃ | vṛkodaraścaiva dhanaṃjayaśca | kasmānna kṛtsnāṃ pṛthivīṃ praśāse- | nmādrīsutābhyāṃ ca puraskṛto'yam

Vrikodara and Dhananjaya are both unrivalled in battle on earth. Why then should he not rule the whole earth, with these two and the two sons of Madri at his side?

Verse 27 (3.121.27)

यदा तु पाञ्चालपतिर्महात्मा । सकेकयश्चेदिपतिर्वयं च । युध्येम विक्रम्य रणे समेता- । स्तदैव सर्वे रिपवो हि न स्युः ॥

yadā tu pāñcālapatirmahātmā | sakekayaścedipatirvayaṃ ca | yudhyema vikramya raṇe sametā- | stadaiva sarve ripavo hi na syuḥ

When the great-souled lord of the Panchalas, with the Kekaya, the lord of the Chedis and ourselves, join together and fight with all our valour in battle, then indeed all their enemies will cease to be.

Note on the text: Lines 1–2 = CE 3.120.25ab. Lines 3–4 differ from CE 3.120.25cd (yotsyāma vikramya parāṃs tadā vai / suyodhanas tyakṣyati jīvalokam), a recension variant.

Verse 28 (3.121.28)

नेदं चित्रं माधव यद्ब्रवीषि । सत्यं तु मे रक्ष्यतमं न राज्यम् । कृष्णस्तु मां वेद यथावदेकः । कृष्णं च वेदाहमथो यथावत् ॥

nedaṃ citraṃ mādhava yadbravīṣi | satyaṃ tu me rakṣyatamaṃ na rājyam | kṛṣṇastu māṃ veda yathāvadekaḥ | kṛṣṇaṃ ca vedāhamatho yathāvat

What you say, Madhava, is no wonder; but it is truth that I must guard above all, not the kingdom. Krishna alone knows me truly, and I in turn know Krishna truly.

Verse 29 (3.121.29)

यदैव कालं पुरुषप्रवीरो । वेत्स्यत्ययं माधव विक्रमस्य । तदा रणे त्वं च शिनिप्रवीर । सुयोधनं जेष्यसि केशवश्च ॥

yadaiva kālaṃ puruṣapravīro | vetsyatyayaṃ mādhava vikramasya | tadā raṇe tvaṃ ca śinipravīra | suyodhanaṃ jeṣyasi keśavaśca

When this foremost of men judges, Madhava, that the time for valour has come, then you, hero of the Shinis, and Keshava will defeat Suyodhana in battle.

Verse 30 (3.121.30)

प्रतिप्रयान्त्वद्य दशार्हवीरा । दृष्टोऽस्मि नाथैर्नरलोकनाथैः । धर्मेऽप्रमादं कुरुताप्रमेया । द्रष्टाऽस्मि भूयः सुखिनः समेतान् ॥

pratiprayāntvadya daśārhavīrā | dṛṣṭo'smi nāthairnaralokanāthaiḥ | dharme'pramādaṃ kurutāprameyā | draṣṭā'smi bhūyaḥ sukhinaḥ sametān

Let the Dasharha heroes return home today. I have been visited by my protectors, the protectors of the world of men. Be watchful in dharma, you of boundless might; I shall see you again, happy and all together.

Note on the text: Added the missing avagraha: दृष्टोस्मि → दृष्टोऽस्मि (misprint in Wikisource). The critical edition reads dṛḍho 'smi, a different word; Wikisource's reading is kept.

Verse 31 (3.121.31)

तेऽन्योन्यमामन्त्र्य तथाऽभिवाद्य । वृद्धान्परिष्वज्य शिशूंश्च सर्वान् । यदुप्रवीराः स्वगृहाणि जग्मु- । स्ते चापि तीर्थान्यनुसंविचेरुः ॥

te'nyonyamāmantrya tathā'bhivādya | vṛddhānpariṣvajya śiśūṃśca sarvān | yadupravīrāḥ svagṛhāṇi jagmu- | ste cāpi tīrthānyanusaṃviceruḥ

Then, taking leave of one another and exchanging greetings, embracing the elders and all the children, the Yadu heroes went to their homes, and the Pandavas too went on travelling among the sacred fords.

Note on the text: Corrected तीर्थान्यमुसंविचेरुः → तीर्थान्यनुसंविचेरुः (misprint in Wikisource; म for न). The last line differs from CE 3.120.29d (rājāpi tīrthāny anusaṃcacāra), a recension variant.

Verse 32 (3.121.32)

विसृज्य वृष्णीननु धर्मराजो । विदर्भराजोपचितां सुतीर्थाम् । जगाम पुण्यां सरितं पयोष्णीं । सभ्रातृभृत्यः सह लोमशेन ॥

visṛjya vṛṣṇīnanu dharmarājo | vidarbharājopacitāṃ sutīrthām | jagāma puṇyāṃ saritaṃ payoṣṇīṃ | sabhrātṛbhṛtyaḥ saha lomaśena

Having sent off the Vrishnis, the King of Dharma went with his brothers and attendants, and with Lomasha, to the holy river Payoshni, with its fine bathing places, adorned by the king of Vidarbha.

Note on the text: Corrected धर्मराजौ → धर्मराजो (misprint in Wikisource; a dual for the singular subject, cf. CE dharmarājo). Lines 1–2 correspond to CE 3.120.30ab; lines 3–4 are not in the critical edition (found in the vulgate recension).

Verse 33 (3.121.33)

सुतेन सोमेन विमिश्रतोयां । पयः पयोष्णीं प्रति सोऽध्युवास । द्विजातिमुख्यैर्मुदितैर्महात्मा । संस्तूयमानः स्तुतिभिर्वराभिः ॥

sutena somena vimiśratoyāṃ | payaḥ payoṣṇīṃ prati so'dhyuvāsa | dvijātimukhyairmuditairmahātmā | saṃstūyamānaḥ stutibhirvarābhiḥ

There, at the Payoshni, whose water is mingled with pressed Soma, the great-souled king lived on its water alone, praised with excellent hymns by the joyful foremost of the twice-born.

Note on the text: Added the missing avagraha: सोध्युवास → सोऽध्युवास (misprint in Wikisource; cf. the Wikisource commentary पयोमात्रमध्युवास). Lines 1–2 correspond to CE 3.120.30cd; lines 3–4 are not in the critical edition (found in the vulgate recension).