Yudhishthira Longs to See Arjuna

Verse 1 (3.143.1)

भीमसेनयमौ चोभौ पाञ्चालि च निबोधत । नास्ति भूतस्य नाशो वै पश्यतास्मान्वनेचरान् ॥

bhīmasenayamau cobhau pāñcāli ca nibodhata | nāsti bhūtasya nāśo vai paśyatāsmānvanecarān

Yudhishthira said: Bhimasena, and you twins, and you, Pancali, listen. What has been done before is never undone; look at us, wanderers in the forest.

Verse 2 (3.143.2)

दुर्बलाः क्लेशिताः स्मेति यद्ब्रुवामेतरेतरम् । अशक्येऽपि व्रजामो यद्धनंजयदिदृक्षया ॥

durbalāḥ kleśitāḥ smeti yadbruvāmetaretaram | aśakye'pi vrajāmo yaddhanaṃjayadidṛkṣayā

We tell one another, "We are weak and worn out," and yet we keep going even where it seems impossible, out of longing to see Dhananjaya.

Note on the text: Corrected यद्नंजय… → यद्धनंजय… (misprint in Wikisource; the ध of धनंजय was dropped; the critical edition reads dhanaṃjayadidṛkṣayā).

Verse 3 (3.143.3)

तन्मे दहति गात्राणि तूलराशिमिवानलः । यच्च वीरं न पश्यामि धनंजयमुपान्तिके ॥

tanme dahati gātrāṇi tūlarāśimivānalaḥ | yacca vīraṃ na paśyāmi dhanaṃjayamupāntike

It burns my limbs as fire burns a heap of cotton, that I do not see the hero Dhananjaya near me.

Verse 4 (3.143.4)

तस्यादर्शनतप्तं मां सानुजं वनमास्थितम् । याज्ञसेन्याः परामर्शः स च वीर दहत्युत ॥

tasyādarśanataptaṃ māṃ sānujaṃ vanamāsthitam | yājñasenyāḥ parāmarśaḥ sa ca vīra dahatyuta

I am tormented by not seeing him as I live in the forest with my younger brothers, and the memory of Yajnaseni being seized by the hair burns me too, hero.

Verse 5 (3.143.5)

नकुलात्पूर्वजं पार्थं न पश्याम्यमितौजसम् । अजेयमुग्रधन्वानं तेन तप्ये वृकोदर ॥

nakulātpūrvajaṃ pārthaṃ na paśyāmyamitaujasam | ajeyamugradhanvānaṃ tena tapye vṛkodara

I do not see Partha, Nakula's elder brother, of boundless might, unconquerable, with his fierce bow. That is why I burn, Vrikodara.

Verse 6 (3.143.6)

तीर्थानि चैव रम्याणि वनानि च सरांसि च । चरामि सह युष्माभिस्तस्य दर्शनकाङ्क्षया ॥

tīrthāni caiva ramyāṇi vanāni ca sarāṃsi ca | carāmi saha yuṣmābhistasya darśanakāṅkṣayā

I wander with you through lovely sacred fords, forests and lakes, longing to see him.

Verse 7 (3.143.7)

पञ्चवर्षाण्यहं वीरं सत्यसन्धं धनंजयम् । यन्न पश्यामि बीभत्सुं तेन तप्ये वृकोदर ॥

pañcavarṣāṇyahaṃ vīraṃ satyasandhaṃ dhanaṃjayam | yanna paśyāmi bībhatsuṃ tena tapye vṛkodara

For five years I have not seen the hero Dhananjaya, Bibhatsu, true to his word. That is why I burn, Vrikodara.

Verse 8 (3.143.8)

तं वै श्यामं गुडाकेशं सिंहविक्रान्तगामिनम् । न पश्यामि महाबाहुं तेन तप्ये वृकोदर ॥

taṃ vai śyāmaṃ guḍākeśaṃ siṃhavikrāntagāminam | na paśyāmi mahābāhuṃ tena tapye vṛkodara

I do not see that dark, mighty-armed Gudakesha, who walks with a lion's stride. That is why I burn, Vrikodara.

Verse 9 (3.143.9)

कृतास्त्रं निपुणं युद्धेऽप्रतिमानं धनुष्मताम् । न पश्यामि कुरुश्रेष्ठ तेन तप्ये वृकोदर ॥

kṛtāstraṃ nipuṇaṃ yuddhe'pratimānaṃ dhanuṣmatām | na paśyāmi kuruśreṣṭha tena tapye vṛkodara

Master of weapons, skilled in battle, without equal among bowmen: I do not see him, best of the Kurus. That is why I burn, Vrikodara.

Note on the text: Corrected युद्देऽव्रतिमानं → युद्धेऽप्रतिमानं (misprint in Wikisource; द for ध and व for प; the commentary glosses अप्रतिमानम्; the critical edition reads yuddhe pratimānaṃ).

Verse 10 (3.143.10)

चरन्तमरिसङ्घेषु क्रुद्धं कालमिवानघ । प्रभिन्नमिव मातङ्गं सिंहस्कन्धं धनंजयम् ॥

carantamarisaṅgheṣu kruddhaṃ kālamivānagha | prabhinnamiva mātaṅgaṃ siṃhaskandhaṃ dhanaṃjayam

Dhananjaya, who moves among the hosts of his enemies like Death in anger, sinless one, like an elephant in rut, with shoulders like a lion's;

Verse 11 (3.143.11)

यः स शक्रादनवरो वीर्येण च बलेन च । यमयोः पूर्वजः पार्थः श्वेताश्वोऽमितविक्रमः ॥

yaḥ sa śakrādanavaro vīryeṇa ca balena ca | yamayoḥ pūrvajaḥ pārthaḥ śvetāśvo'mitavikramaḥ

who is not inferior to Shakra in valour and strength, the elder of the twins, Partha of the white horses, of boundless prowess;

Verse 12 (3.143.12)

नारायणसमो युद्धे सत्यसन्धो दृढव्रतः । तं ममापश्यतो भीम न शान्तिर्हृदयस्य वै ॥

nārāyaṇasamo yuddhe satyasandho dṛḍhavrataḥ | taṃ mamāpaśyato bhīma na śāntirhṛdayasya vai

equal to Narayana in battle, true to his word, firm in his vows: not seeing him, Bhima, my heart has no peace.

Note on the text: Removed the wiki quote marks (` and ') that Wikisource uses to bracket an inserted passage. Not in the critical edition's text (found in the vulgate recension); the CE records it in its apparatus as star passage 681, after 3.142.11.

Verse 13 (3.143.13)

दुःखेन महताऽऽविष्टश्चिन्तयामि दिवानिशम् । अजेयमुग्रधन्वानं तेन तप्ये वृकोदर ॥

duḥkhena mahatā''viṣṭaścintayāmi divāniśam | ajeyamugradhanvānaṃ tena tapye vṛkodara

Overcome by great sorrow I brood on him day and night: that unconquerable one with the fierce bow. That is why I burn, Vrikodara.

Note on the text: Corresponds to 3.142.12 of the critical edition, which reads a different second half of line 1 and of line 2 (svakṛtenānivartinā … taṃ na paśyāmi phalgunam); the automatic alignment missed it. Wikisource's reading is kept.

Verse 14 (3.143.14)

सततं यः क्षमाशीलः क्षिप्यमाणोऽप्यणीयसा । ऋजुमार्गप्रपन्नस्य शर्मदाताऽभयस्य च ॥

satataṃ yaḥ kṣamāśīlaḥ kṣipyamāṇo'pyaṇīyasā | ṛjumārgaprapannasya śarmadātā'bhayasya ca

He is always forbearing, even when insulted by the least of men, and to one who keeps to the straight path he gives shelter and freedom from fear;

Note on the text: Corrected शर्मदाता भयस्य → शर्मदाताऽभयस्य (misprint in Wikisource; the missing avagraha turned "giver of freedom from fear" into "giver of fear"; the critical edition reads śarmadātābhayasya).

Verse 15 (3.143.15)

स तु जिह्मप्रवृत्तस्य माययाऽभिजिघांसतः । अपि वज्रधरस्यापि भवेत्कालविषोपमः ॥

sa tu jihmapravṛttasya māyayā'bhijighāṃsataḥ | api vajradharasyāpi bhavetkālaviṣopamaḥ

but to one who acts crookedly and seeks to kill him by deceit he would be like deadly poison, even were it the wielder of the thunderbolt himself.

Verse 16 (3.143.16)

शत्रोरपि प्रपन्नस्य सोऽनृशंसः प्रतापवान् । दाताऽभयस्य बीभत्सुरमितात्मा महाबलः ॥

śatrorapi prapannasya so'nṛśaṃsaḥ pratāpavān | dātā'bhayasya bībhatsuramitātmā mahābalaḥ

Even to an enemy who seeks his protection that mighty one is merciful; great-souled and very strong, Bibhatsu grants freedom from fear.

Note on the text: Corrected दाताऽभयस् → दाताऽभयस्य (misprint in Wikisource; the final akshara य was dropped) and महाहलः → महाबलः (misprint; ह for ब). The critical edition reads dātābhayasya … mahābalaḥ.

Verse 17 (3.143.17)

सर्वेषामाश्रयोऽस्माकं रणेऽरीणां प्रमर्दिता । आहर्ता सर्वरत्नानां सर्वेषां नः सुखावहः ॥

sarveṣāmāśrayo'smākaṃ raṇe'rīṇāṃ pramarditā | āhartā sarvaratnānāṃ sarveṣāṃ naḥ sukhāvahaḥ

He is the refuge of us all, the crusher of enemies in battle, the one who brought in every kind of treasure, the bringer of happiness to us all.

Verse 18 (3.143.18)

रत्नानि यस्य वीर्येण दिव्यान्यासत्पुरा मम । बहूनि बहुजातीनि यानि प्राप्तः सुयोधनः ॥

ratnāni yasya vīryeṇa divyānyāsatpurā mama | bahūni bahujātīni yāni prāptaḥ suyodhanaḥ

Through his valour I once had many heavenly jewels of many kinds, which Suyodhana has now taken.

Verse 19 (3.143.19)

यस्य बाहुबलाद्वीर सभा चासीत्पुरा मम । सर्वरत्नमयी ख्याता त्रिषु लोकेषु पाण्डव ॥

yasya bāhubalādvīra sabhā cāsītpurā mama | sarvaratnamayī khyātā triṣu lokeṣu pāṇḍava

Through the strength of his arms, hero, I once had an assembly hall made of every kind of jewel, famed in the three worlds, son of Pandu.

Verse 20 (3.143.20)

वासुदेवसमं वीर्ये कार्तवीर्यसमं युधि । अजेयममितं युद्धे तं न पश्यामि फल्गुनम् ॥

vāsudevasamaṃ vīrye kārtavīryasamaṃ yudhi | ajeyamamitaṃ yuddhe taṃ na paśyāmi phalgunam

Equal to Vasudeva in valour, equal to Kartavirya in war, unconquerable and unmatched in battle: that Phalguna I do not see.

Verse 21 (3.143.21)

संकर्षणं महावीर्यं त्वां च भीमापराजितम् । अनुयातः स्ववीर्येण वासुदेवं च शत्रुहा ॥

saṃkarṣaṇaṃ mahāvīryaṃ tvāṃ ca bhīmāparājitam | anuyātaḥ svavīryeṇa vāsudevaṃ ca śatruhā

That slayer of foes matches by his own valour mighty Sankarshana, and you, unconquered Bhima, and Vasudeva.

Verse 22 (3.143.22)

यस्य बाहुबले तुल्यः प्रभावे च पुरंदरः । जवे वायुर्मुखे सोमः क्रोधे मृत्युः सनातनः ॥

yasya bāhubale tulyaḥ prabhāve ca puraṃdaraḥ | jave vāyurmukhe somaḥ krodhe mṛtyuḥ sanātanaḥ

Purandara is his equal in strength of arm and in power; in speed he is the wind, in face the moon, in anger everlasting Death.

Note on the text: Corrected यस् → यस्य (misprint in Wikisource; the final akshara य was dropped; the critical edition reads yasya).

Verse 23 (3.143.23)

ते वयं तं नरव्याघ्रं सर्वे वीर दिदृक्षवः । प्रवेक्ष्यामो महाबाहो पर्वतं गन्धमादनम् ॥

te vayaṃ taṃ naravyāghraṃ sarve vīra didṛkṣavaḥ | pravekṣyāmo mahābāho parvataṃ gandhamādanam

Eager to see that tiger among men, hero, we will all enter Mount Gandhamadana, mighty-armed one,

Note on the text: Corrected सर्वेवीर → सर्वे वीर (word division only; misprint in Wikisource).

Verse 24 (3.143.24)

विशाला बदरी यत्र नरनारायणाश्रमः । तं सदाऽध्युषितं यक्षैर्द्रक्ष्यामो गिरिमुत्तमम् ॥

viśālā badarī yatra naranārāyaṇāśramaḥ | taṃ sadā'dhyuṣitaṃ yakṣairdrakṣyāmo girimuttamam

where Vishala Badari stands with the hermitage of Nara and Narayana. We shall see that finest of mountains, always inhabited by Yakshas.

Note on the text: Corrected यत्रनरनारायणाश्रमः → यत्र नरनारायणाश्रमः (word division) and गिरिसुत्तमम् → गिरिमुत्तमम् (misprint in Wikisource; स for म; the critical edition reads girim uttamam).

Verse 25 (3.143.25)

कुबेरनलिनीं रम्यां राक्षसैरभिसेविताम् । पद्भिरेव गमिष्यामस्तप्यमाना महत्तपः ॥

kuberanalinīṃ ramyāṃ rākṣasairabhisevitām | padbhireva gamiṣyāmastapyamānā mahattapaḥ

We shall go on foot, practising great austerity, to Kubera's lovely lotus lake, frequented by Rakshasas.

Note on the text: Corrected तप्यभाना → तप्यमाना (misprint in Wikisource; भ for म; the critical edition reads tapyamānā).

Verse 26 (3.143.26)

नातप्ततपसा शक्यो गन्तुं देशो वृकोदर । न नृशंसेन लुब्धेन नाप्रशान्तेन भारत ॥

nātaptatapasā śakyo gantuṃ deśo vṛkodara | na nṛśaṃsena lubdhena nāpraśāntena bhārata

That region cannot be reached by one who has not practised austerity, Vrikodara, nor by one who is cruel, greedy or restless, Bharata.

Verse 27 (3.143.27)

तत्र सर्वे गमिष्यामो भीमार्जुनपदैषिणः । सायुधा बद्धनिस्त्रिंशाः सार्धं विप्रैर्महाव्रतैः ॥

tatra sarve gamiṣyāmo bhīmārjunapadaiṣiṇaḥ | sāyudhā baddhanistriṃśāḥ sārdhaṃ viprairmahāvrataiḥ

There we shall all go, Bhima, following Arjuna's footsteps, armed and with swords girded on, together with the Brahmins of great vows.

Note on the text: Corrected सर्वेगमिष्यामो → सर्वे गमिष्यामो (word division) and भीमार्जुपदैषिणः → भीमार्जुनपदैषिणः (misprint in Wikisource; the akshara न was dropped; the critical edition reads bhīmārjunapadaiṣiṇaḥ).

Verse 28 (3.143.28)

मक्षिकादंशमशकान्सिंहान्व्याघ्रान्सरीसृपान् । प्राप्नोत्यनियतः पार्थ नियतस्तान्न पश्यति ॥

makṣikādaṃśamaśakānsiṃhānvyāghrānsarīsṛpān | prāpnotyaniyataḥ pārtha niyatastānna paśyati

One who is not self-controlled meets flies, gadflies and mosquitoes, lions, tigers and snakes, Partha; one who is self-controlled does not see them.

Verse 29 (3.143.29)

ते वयं नियतात्मानः पर्वतं गन्धमादनम् । प्रवेक्ष्यामो मिताहारा धनंजयदिदृक्षवः ॥

te vayaṃ niyatātmānaḥ parvataṃ gandhamādanam | pravekṣyāmo mitāhārā dhanaṃjayadidṛkṣavaḥ

So we, self-restrained and eating sparingly, will enter Mount Gandhamadana, eager to see Dhananjaya.

Note on the text: Corresponds to 3.142.28 of the critical edition (identical text); the automatic alignment missed it because the CE file appends Appendix I.16 to that verse.