The Storm on Gandhamadana

Verse 1 (3.145.1)

ते शूराः सज्जधन्वानस्तूणवन्तः समार्गणाः । बद्धगोधाङ्गुलित्राणाः खड्गवन्तोऽमितौजसः ॥

te śūrāḥ sajjadhanvānastūṇavantaḥ samārgaṇāḥ | baddhagodhāṅgulitrāṇāḥ khaḍgavanto'mitaujasaḥ

Vaishampayana said: Those heroes, with bows strung, with quivers and arrows, wearing finger guards of iguana skin and carrying swords, of boundless might,

Note on the text: Corrected शूरा → शूराः (the visarga was dropped) and खङ्गवन्तो → खड्गवन्तो (ङ्ग for ड्ग) (misprints in Wikisource; the critical edition reads śūrās … khadgavanto).

Verse 2 (3.145.2)

परिगृह्य द्विजश्रेष्ठाञ्ज्येष्ठाः सर्वधनुष्मताम् । पञ्चालीसहिता राजन्प्रययुर्गन्धमादनम् ॥

parigṛhya dvijaśreṣṭhāñjyeṣṭhāḥ sarvadhanuṣmatām | pañcālīsahitā rājanprayayurgandhamādanam

the foremost of all bowmen, taking the best of the Brahmins with them, set out with Pancali for Gandhamadana, O king.

Verse 3 (3.145.3)

सरांसि सरितश्चैव पर्वतांश्च वनानि च । वृक्षांश्च बहुलच्छायान्ददृशुर्गिरिमूर्धनि ॥

sarāṃsi saritaścaiva parvatāṃśca vanāni ca | vṛkṣāṃśca bahulacchāyāndadṛśurgirimūrdhani

On the mountain heights they saw lakes and rivers, hills and forests, and trees with abundant shade,

Note on the text: Corresponds to 3.143.3a–c of the critical edition (the CE prints 3.143.3 and 4 as six-line verses, so the automatic alignment missed them).

Verse 4 (3.145.4)

नित्यपुष्पफलान्देशान्देवर्षिगणसेवितान् । आत्मन्यात्मानमाधाय वीरा मूलफलाशिनः ॥

nityapuṣpaphalāndeśāndevarṣigaṇasevitān | ātmanyātmānamādhāya vīrā mūlaphalāśinaḥ

and regions where flowers and fruit never fail, frequented by hosts of gods and seers. Fixing their minds within themselves, the heroes lived on roots and fruit

Note on the text: Line 1 is 3.143.3e and line 2 is 3.143.4a of the critical edition.

Verse 5 (3.145.5)

चेरुरुच्चावचाकारान्देशान्विषमसंकटान् । पश्यन्तो मृगजातानि बहूनि विविधानि च ॥

ceruruccāvacākārāndeśānviṣamasaṃkaṭān | paśyanto mṛgajātāni bahūni vividhāni ca

and roamed through regions of every shape, rugged and hard to pass, seeing many and various kinds of beasts.

Note on the text: Corresponds to 3.143.4c–e of the critical edition.

Verse 6 (3.145.6)

ऋषिसिद्धामरयुतं गन्धर्वाप्सरसां प्रियम् । विविशुस्ते महात्मानः किन्नराचरितं गिरिम् ॥

ṛṣisiddhāmarayutaṃ gandharvāpsarasāṃ priyam | viviśuste mahātmānaḥ kinnarācaritaṃ girim

Those great-souled ones entered the mountain, the haunt of seers, Siddhas and immortals, dear to the Gandharvas and Apsarases, and roamed by Kinnaras.

Verse 7 (3.145.7)

प्रविशत्स्वथ वीरेषु पर्वतं गन्धमादनम् । चण्डवातं महद्वर्षं प्रादुरासीद्विशांपते ॥

praviśatsvatha vīreṣu parvataṃ gandhamādanam | caṇḍavātaṃ mahadvarṣaṃ prādurāsīdviśāṃpate

As the heroes were entering Mount Gandhamadana, a fierce wind and a great rain arose, lord of the people.

Note on the text: Corrected चणअडवातं → चण्डवातं (misprint in Wikisource; broken conjunct; the critical edition reads caṇḍavātaṃ).

Verse 8 (3.145.8)

ततो रेणुः समुद्भूतः सपत्रबहुलो महान् । पृथिवीं चान्तरिक्षं च द्यां चैव सहसाऽवृणोत् ॥

tato reṇuḥ samudbhūtaḥ sapatrabahulo mahān | pṛthivīṃ cāntarikṣaṃ ca dyāṃ caiva sahasā'vṛṇot

Then a great cloud of dust arose, thick with leaves, and suddenly covered the earth, the middle air and the sky.

Verse 9 (3.145.9)

न स्म प्रज्ञायते किंचिदावृते व्योम्नि रेणुना । न चापि शेकुस्तत्कर्तुमन्योन्यस्याभिभाषणम् ॥

na sma prajñāyate kiṃcidāvṛte vyomni reṇunā | na cāpi śekustatkartumanyonyasyābhibhāṣaṇam

With the sky covered by dust nothing could be made out, and they could not even speak to one another.

Verse 10 (3.145.10)

न चापश्यंस्ततोऽन्योन्यं तमसाऽऽवृतचक्षुषः । आकृष्यमाणा वातेन साश्मचूर्णेन भारत ॥

na cāpaśyaṃstato'nyonyaṃ tamasā''vṛtacakṣuṣaḥ | ākṛṣyamāṇā vātena sāśmacūrṇena bhārata

Their eyes covered by the darkness, they could not see one another, Bharata, as they were dragged along by the wind laden with powdered stone.

Verse 11 (3.145.11)

द्रुमाणां वातरुग्णानां पततां भूतलेऽनिशम् । अन्येषां च महीजानां शब्दः समभवन्महान् ॥

drumāṇāṃ vātarugṇānāṃ patatāṃ bhūtale'niśam | anyeṣāṃ ca mahījānāṃ śabdaḥ samabhavanmahān

A great noise arose from the trees broken by the wind, falling to the ground without end, and from the other trees.

Note on the text: Corrected वातरुग्णआनां → वातरुग्णानां (misprint in Wikisource; a broken vowel sign (ण + अ for णा)).

Verse 12 (3.145.12)

द्यौः स्वित्पतति किं भूमिर्दीर्यते पर्वतो नु किम् । इति ते मेनिरे सर्वे पवनेन विमोहिताः ॥

dyauḥ svitpatati kiṃ bhūmirdīryate parvato nu kim | iti te menire sarve pavanena vimohitāḥ

"Is the sky falling? Is the earth splitting? Is the mountain bursting?" So they all thought, bewildered by the wind.

Note on the text: Corrected पर्वतोनु → पर्वतो नु and सर्वेपवनेन → सर्वे पवनेन (word division only).

Verse 13 (3.145.13)

ते पथाऽनन्तरान्वृक्षान्वल्मीकान्विषमाणि च । पाणिभिः परिमार्गन्तो भीता वायोर्निलिल्यिरे ॥

te pathā'nantarānvṛkṣānvalmīkānviṣamāṇi ca | pāṇibhiḥ parimārganto bhītā vāyornililyire

Groping with their hands for the nearest trees along the path, for anthills and hollows, they hid in fear from the wind.

Note on the text: Corrected अनन्तरांन्वृक्षान् → अनन्तरान्वृक्षान् (misprint in Wikisource; a stray anusvara before न्).

Verse 14 (3.145.14)

ततः कार्मुकमादाय भीमसेनो महाबलः । कृष्णामादाय संगम्य तस्थावाश्रित्य पादपम् ॥

tataḥ kārmukamādāya bhīmaseno mahābalaḥ | kṛṣṇāmādāya saṃgamya tasthāvāśritya pādapam

Then mighty Bhimasena took up his bow, went to Krishna and took hold of her, and stood sheltering against a tree.

Verse 15 (3.145.15)

धर्मराजश्च धौम्यश्च निलिल्याते महावने । अग्निहोत्राण्युपादाय सहदेवस्तु पर्वते ॥

dharmarājaśca dhaumyaśca nililyāte mahāvane | agnihotrāṇyupādāya sahadevastu parvate

The King of Dharma and Dhaumya hid in the great forest; Sahadeva, carrying the sacred fires, sheltered on the mountain.

Note on the text: Corrected धौम्यश् → धौम्यश्च (misprint in Wikisource; the akshara च was dropped; the critical edition reads dhaumyaś ca).

Verse 16 (3.145.16)

नकुलो ब्राह्मणाश्चान्ये लोमशश्च महातपाः । वृक्षानासाद्य संत्रस्तास्तत्रतत्र निलिल्यिरे ॥

nakulo brāhmaṇāścānye lomaśaśca mahātapāḥ | vṛkṣānāsādya saṃtrastāstatratatra nililyire

Nakula, the other Brahmins and Lomasha of great austerity, terrified, reached trees and hid here and there.

Verse 17 (3.145.17)

मन्दीभूते तु पवने तस्मिन्रजसि शाम्यति । महद्भिर्जलधारौघैर्वर्षमभ्याजगाम ह ॥

mandībhūte tu pavane tasminrajasi śāmyati | mahadbhirjaladhāraughairvarṣamabhyājagāma ha

When the wind had slackened and the dust was settling, rain came on in great floods of streaming water.

Note on the text: Corrected जलधारौर्घर्वर्षम् → जलधारौघैर्वर्षम् (misprint in Wikisource; the letters of ओघैः were jumbled). The critical edition has a different line here (mahadbhiḥ pṛṣatais tūrṇaṃ), so the smallest fix giving the evident word was made.

Verse 18 (3.145.18)

भृशं चटचटाशब्दो वज्राणां क्षिप्यतामिव । ततस्ताश्चञ्चलाभासश्चेरुरभ्रेषु विद्युतः ॥

bhṛśaṃ caṭacaṭāśabdo vajrāṇāṃ kṣipyatāmiva | tatastāścañcalābhāsaścerurabhreṣu vidyutaḥ

There was a violent crackling, as of thunderbolts being hurled, and flickering lightning flashed among the clouds.

Note on the text: Not in the critical edition's text (found in the vulgate recension); the CE records it in its apparatus as star passage 682, after 3.143.16.

Verse 19 (3.145.19)

ततोऽश्मसहिता धाराः संवृण्वन्त्यः समन्ततः । प्रपेतुरनिशं तत्र शीघ्रवातसमीरिताः ॥

tato'śmasahitā dhārāḥ saṃvṛṇvantyaḥ samantataḥ | prapeturaniśaṃ tatra śīghravātasamīritāḥ

Then torrents mixed with hailstones fell there without ceasing, covering everything around, driven by the swift wind.

Verse 20 (3.145.20)

तत्र सागरगा ह्यापः कीर्यमाणाः समन्ततः । प्रादुरासन्सकलुषाः फेनवत्यो विशांपते ॥

tatra sāgaragā hyāpaḥ kīryamāṇāḥ samantataḥ | prādurāsansakaluṣāḥ phenavatyo viśāṃpate

There, lord of the people, waters running to the sea sprang up on every side, muddy and foaming,

Verse 21 (3.145.21)

वहन्त्यो वारि बहुलं फेनोडुपपरिप्लुतम् । परिसस्रुर्महाशब्दाः प्रकर्षन्त्यो महीरुहान् ॥

vahantyo vāri bahulaṃ phenoḍupapariplutam | parisasrurmahāśabdāḥ prakarṣantyo mahīruhān

carrying abundant water flecked with rafts of foam, and they streamed on with a great roar, dragging trees along with them.

Note on the text: Corrected परिसमस्रुर् → परिसस्रुर् (misprint in Wikisource; a stray म; not a valid verb form; the critical edition reads parisasrur).

Verse 22 (3.145.22)

तस्मिन्नुपरते शब्दे वाते च समतां गते । गते ह्यम्भसि निम्नानि प्रादुर्भूते दिवाकरे ॥

tasminnuparate śabde vāte ca samatāṃ gate | gate hyambhasi nimnāni prādurbhūte divākare

When the noise had ceased and the wind had grown calm, when the water had run off into the low ground and the sun had appeared,

Note on the text: Corrected शब्देबाते → शब्दे वाते (misprint in Wikisource; ब for व and a missing word break; the critical edition reads vāte).

Verse 23 (3.145.23)

निर्जग्मुस्ते शनैः सर्वे समाजग्मुश्च भारत । प्रतस्थिरे पुनर्वीराः पर्वतं गन्धमादनम् ॥

nirjagmuste śanaiḥ sarve samājagmuśca bhārata | pratasthire punarvīrāḥ parvataṃ gandhamādanam

they all came out slowly and gathered together, Bharata, and the heroes set out once more for Mount Gandhamadana.