Nahusha Is Freed from the Curse

Verse 1 (3.183.1)

भवानेतादृशो लोके वेदवेदाङ्गपारगः । ब्रूहि किं कुर्वतः कर्म भवेद्गतिरनुत्तमा ॥

bhavānetādṛśo loke vedavedāṅgapāragaḥ | brūhi kiṃ kurvataḥ karma bhavedgatiranuttamā

"You are such a one in the world, versed in the Vedas and their auxiliary sciences. Tell me: by doing what deeds does one reach the highest destination?"

Verse 2 (3.183.2)

पात्रे दत्त्वा प्रियाण्युक्त्वा सत्यमुक्त्वा च भारत । अहिंसानिरतः स्वर्गं गच्छेदिति मतिर्मम ॥

pātre dattvā priyāṇyuktvā satyamuktvā ca bhārata | ahiṃsānirataḥ svargaṃ gacchediti matirmama

"By giving to a worthy recipient, speaking kindly and speaking the truth, and by devotion to non-violence, one goes to heaven — that is my view, Bharata."

Verse 3 (3.183.3)

दानाद्वा सर्प सत्याद्वा किमतो गुरु दृश्यते । अहिंसाप्रिययोश्चैव गुरुलाघवमुच्यताम् ॥

dānādvā sarpa satyādvā kimato guru dṛśyate | ahiṃsāpriyayoścaiva gurulāghavamucyatām

"Which is seen to weigh more, serpent, giving or truth? And between non-violence and kind speech, tell me which is heavier and which lighter."

Verse 4 (3.183.4)

दानं च सत्यं तत्त्वं वा अहिंसा प्रियमेव च । एषां कार्यगरीयस्त्वाद्दृश्यते गुरुलाघवम् ॥

dānaṃ ca satyaṃ tattvaṃ vā ahiṃsā priyameva ca | eṣāṃ kāryagarīyastvāddṛśyate gurulāghavam

"Giving and truth, or indeed non-violence and kind speech — which of them weighs more and which less is seen from the greater importance of the purpose served.

Verse 5 (3.183.5)

क्वचिद्दानप्रयोगाद्धि सत्यमेव विशिष्यते । सत्यवाक्याच्च राजेन्द्र क्वचिद्दानं विशिष्यते ॥

kvaciddānaprayogāddhi satyameva viśiṣyate | satyavākyācca rājendra kvaciddānaṃ viśiṣyate

Sometimes truth outranks an act of giving; and sometimes, king of kings, giving outranks a truthful word.

Note on the text: Corrected राजेनद्र → राजेन्द्र (misprint in Wikisource; a broken conjunct; the critical edition reads rājendra).

Verse 6 (3.183.6)

एवमेव महेष्वास प्रियवाक्यान्महीपते । अहिंसा दृश्यते गुर्वी ततश्च प्रियमिष्यते ॥

evameva maheṣvāsa priyavākyānmahīpate | ahiṃsā dṛśyate gurvī tataśca priyamiṣyate

In the same way, great archer, lord of the earth, non-violence is seen to weigh more than kind speech, and at other times kind speech is preferred.

Verse 7 (3.183.7)

एवमेतद्भवेद्राजन्कार्यापेक्षमनन्तरम् । यदभिप्रेतमन्यत्ते ब्रूहि यावद्ब्रवीम्यहम् ॥

evametadbhavedrājankāryāpekṣamanantaram | yadabhipretamanyatte brūhi yāvadbravīmyaham

So it is, king, according to the matter at hand. If there is anything else you wish to know, ask, and I will answer."

Verse 8 (3.183.8)

कथं स्वर्गे गतिः सर्प कर्मणां च फलं ध्रुवम् । अशरीरस्य दृश्येत प्रब्रूहि विषयांश्च मे ॥

kathaṃ svarge gatiḥ sarpa karmaṇāṃ ca phalaṃ dhruvam | aśarīrasya dṛśyeta prabrūhi viṣayāṃśca me

"How does one go to heaven, serpent, and how is the sure fruit of deeds seen for one who has no body? Tell me too about the objects of the senses."

Verse 9 (3.183.9)

तिस्रो वै गतयो राजन्परिदृष्टाः स्वकर्मभिः । मानुषं स्वर्गवासश्च तिर्यग्योनिश्च तत्त्रिधा ॥

tisro vai gatayo rājanparidṛṣṭāḥ svakarmabhiḥ | mānuṣaṃ svargavāsaśca tiryagyoniśca tattridhā

"Three destinations are seen, king, according to one's own deeds: the human state, dwelling in heaven, and birth among animals — it is threefold.

Note on the text: Corrected तत्रिधा → तत्त्रिधा (misprint in Wikisource; a dropped त् in tat tridhā; the critical edition reads tat tridhā).

Verse 10 (3.183.10)

तत्र वै मानुषाल्लोकाद्दानादिभिरनादिभिः । अहिंसार्थसमायुक्तैः कारणैः स्वर्गमश्नुते ॥

tatra vai mānuṣāllokāddānādibhiranādibhiḥ | ahiṃsārthasamāyuktaiḥ kāraṇaiḥ svargamaśnute

Of these, from the world of men one attains heaven through giving and the other virtues, and through deeds joined with non-violence.

Verse 11 (3.183.11)

विपरीतैश्च राजेन्द्र कारणैर्मानुषो भवेत् । तिर्यग्योनिस्तथा तात विशेषश्चात्र वक्ष्यते ॥

viparītaiśca rājendra kāraṇairmānuṣo bhavet | tiryagyonistathā tāta viśeṣaścātra vakṣyate

Through the opposite causes, king of kings, one is born human again, or among animals, my son; the particulars of this will now be told.

Verse 12 (3.183.12)

कामक्रोधसमायुक्तो हिंसालोभसमन्वितः । मनुष्यत्वात्परिभ्रष्टस्तिर्यग्योनौ प्रसूयते ॥

kāmakrodhasamāyukto hiṃsālobhasamanvitaḥ | manuṣyatvātparibhraṣṭastiryagyonau prasūyate

One who is possessed by desire and anger, given to violence and greed, falls from the human state and is born among animals.

Note on the text: Corrected क्रामक्रोध → कामक्रोध, समनवितः → समन्वितः and परिब्रष्टः → परिभ्रष्टः (misprints in Wikisource; a stray र, a broken conjunct, and ब for भ; the critical edition reads kāmakrodha-, samanvitaḥ, paribhraṣṭaḥ).

Verse 13 (3.183.13)

तिर्यग्योन्याः पृथग्भावो मनुष्यार्थे विधीयते । गवादिभ्यस्तथाऽश्वेभ्यो देवत्वमपि दृश्यते ॥

tiryagyonyāḥ pṛthagbhāvo manuṣyārthe vidhīyate | gavādibhyastathā'śvebhyo devatvamapi dṛśyate

From the animal state a separate passage to the human condition is ordained; and from cattle and horses even godhood is seen to be reached.

Verse 14 (3.183.14)

सोयमेता गतीस्तात जन्तुश्चरति कार्यवान् । निम्ने महति चात्मानमवस्थाप्य च वै नृप ॥

soyametā gatīstāta jantuścarati kāryavān | nimne mahati cātmānamavasthāpya ca vai nṛpa

Thus, my son, a creature bound by its deeds wanders through these destinations, setting itself now in a low state and now in a great one, O king.

Verse 15 (3.183.15)

जातो जातश्च बलवान्भुङ्क्ते नाम्नाऽथ देहवान् । फलार्थस्तात निष्पृक्तः प्रजालक्षणभावनः ॥

jāto jātaśca balavānbhuṅkte nāmnā'tha dehavān | phalārthastāta niṣpṛktaḥ prajālakṣaṇabhāvanaḥ

Each time it is born, the powerful embodied one enjoys the fruits of its acts under some name; seeking fruit, my son, yet in itself untouched, it shapes the marks of its births."

Verse 16 (3.183.16)

शब्दे स्पर्शे च रूपे च तथैव रसगन्धयोः । तस्याधिष्ठानमव्यग्रो ब्रूहि सर्प यथातथम् ॥

śabde sparśe ca rūpe ca tathaiva rasagandhayoḥ | tasyādhiṣṭhānamavyagro brūhi sarpa yathātatham

"Tell me truly and clearly, serpent, what the self rests on in sound, touch and form, and likewise in taste and smell.

Verse 17 (3.183.17)

किं न गृह्णासि विषयान्युगपत्त्वं महामते । एतावदुच्यतां चोक्तं सर्वं पन्नगसत्तम ॥

kiṃ na gṛhṇāsi viṣayānyugapattvaṃ mahāmate | etāvaducyatāṃ coktaṃ sarvaṃ pannagasattama

And why, great-minded one, do you not grasp the objects of sense all at once? Tell me all this, best of serpents."

Verse 18 (3.183.18)

तदात्मद्रव्यमायुष्मन्देहसंश्रयणान्वितम् । करणाधिष्ठितं भोगानुपभुङ्क्ते यथाविधि ॥

tadātmadravyamāyuṣmandehasaṃśrayaṇānvitam | karaṇādhiṣṭhitaṃ bhogānupabhuṅkte yathāvidhi

"That substance, the self, long-lived one, dwelling in the body and presiding over the instruments of sense, enjoys its experiences in due order.

Note on the text: Corrected यथाविथि → यथाविधि (misprint in Wikisource; थ for ध; the critical edition reads yathāvidhi).

Verse 19 (3.183.19)

ज्ञानं चैवात्र बुद्धिश्च मनश्च भरतर्षभ । तस्य भोगाधिकरणे करणानि निबोध मे ॥

jñānaṃ caivātra buddhiśca manaśca bharatarṣabha | tasya bhogādhikaraṇe karaṇāni nibodha me

Knowledge, intellect and mind, best of the Bharatas — learn from me that these are its instruments for experiencing.

Note on the text: Corrected कमश्च → मनश्च (misprint in Wikisource; क for न gives no word, and the next verses speak of the mind; the critical edition reads manaś ca).

Verse 20 (3.183.20)

मनसा तात पर्येति क्रमशो विषयानिमान् । विषयायतनत्वेन भूतात्मा क्षेत्रविष्ठितः ॥

manasā tāta paryeti kramaśo viṣayānimān | viṣayāyatanatvena bhūtātmā kṣetraviṣṭhitaḥ

Through the mind, my son, the self of beings, set within the field of the body, goes over these objects one after another by way of the senses, their seats.

Verse 21 (3.183.21)

तत्रचापि नरव्याघ्र मनो जन्तोर्विधीयते । तस्माद्युगपदत्रास्य ग्रहणं नोपपद्यते ॥

tatracāpi naravyāghra mano jantorvidhīyate | tasmādyugapadatrāsya grahaṇaṃ nopapadyate

And there too, tiger among men, it is the creature's mind that governs; that is why it cannot grasp them all at once.

Verse 22 (3.183.22)

स आत्मा पुरुषव्याघ्र भ्रुवोरन्तरमाश्रितः । बुद्धिं द्रव्येषु सृजति विविधेषु परावराम् ॥

sa ātmā puruṣavyāghra bhruvorantaramāśritaḥ | buddhiṃ dravyeṣu sṛjati vividheṣu parāvarām

That self, tiger among men, resting between the brows, sends forth the intellect, high and low, toward the various objects.

Verse 23 (3.183.23)

बुद्धेरुत्तरकालं च वेदना दृश्यते बुधैः । एष वै राजशार्दूल विधिः क्षेत्रज्ञभावनः ॥

buddheruttarakālaṃ ca vedanā dṛśyate budhaiḥ | eṣa vai rājaśārdūla vidhiḥ kṣetrajñabhāvanaḥ

After the intellect, the wise observe, comes feeling. This, tiger among kings, is the process that makes the knower of the field known."

Verse 24 (3.183.24)

मनसश्चापि बुद्धेश्च ब्रूहि मे लक्षणं परम् । एतदध्यात्मविदुषां परं कार्यं विधीयते ॥

manasaścāpi buddheśca brūhi me lakṣaṇaṃ param | etadadhyātmaviduṣāṃ paraṃ kāryaṃ vidhīyate

"Tell me the highest distinguishing mark of mind and of intellect; this is held to be the chief task of those who know the self."

Verse 25 (3.183.25)

बुद्धिरात्मानुगाऽतीव उत्पातेन विधीयते । तदाश्रिता हि सा ज्ञेया बुद्धिस्तस्यैषिणी भवेत् ॥

buddhirātmānugā'tīva utpātena vidhīyate | tadāśritā hi sā jñeyā buddhistasyaiṣiṇī bhavet

"The intellect closely follows the self and arises from some impulse. It is known to depend on the self, and it is the intellect that seeks the self out.

Verse 26 (3.183.26)

बुद्धिरुत्पद्यते कार्यान्मनस्तूत्पन्नमेव हि । बुद्धेर्गुणविधानेन मनस्तद्गुणवद्भवेत् ॥

buddhirutpadyate kāryānmanastūtpannameva hi | buddherguṇavidhānena manastadguṇavadbhavet

The intellect arises from the task at hand, whereas the mind is already there; and through the working of the intellect's qualities the mind takes on those qualities.

Note on the text: A variant of CE 3.178.26, which gives the lines in the opposite order and reads buddher guṇavidhir nāsti manas tu guṇavad bhavet for the second line.

Verse 27 (3.183.27)

एतद्विशेषणं तात मनोबुद्ध्योर्मयेरितम् । त्वमप्यत्राभिसंबुद्धः कथं वा मन्यसे स्वयम् ॥

etadviśeṣaṇaṃ tāta manobuddhyormayeritam | tvamapyatrābhisaṃbuddhaḥ kathaṃ vā manyase svayam

This, my son, is the difference between mind and intellect that I have described. You too are awakened in this; what do you yourself think?"

Verse 28 (3.183.28)

अहो बुद्धिमतांश्रेष्ठ शुभा बुद्धिरियं तव । विदितं वेदितव्यं ते कस्मान्नहुष पृच्छसि ॥

aho buddhimatāṃśreṣṭha śubhā buddhiriyaṃ tava | viditaṃ veditavyaṃ te kasmānnahuṣa pṛcchasi

"Ah, best of the wise, this understanding of yours is excellent. You know all that is to be known — why do you ask, Nahusha?

Verse 29 (3.183.29)

सर्वज्ञं त्वां कथं मोह आविशत्स्वर्गवासिनम् । एवमद्भुतकर्माणमिति मे संशयो महान् ॥

sarvajñaṃ tvāṃ kathaṃ moha āviśatsvargavāsinam | evamadbhutakarmāṇamiti me saṃśayo mahān

How did delusion take hold of you — all-knowing, a dweller in heaven, a doer of such marvellous deeds? This is my great doubt."

Verse 30 (3.183.30)

सुप्रज्ञमपि चेच्छूरमृद्धिर्मोहयते नरम् । वर्तमानः सुखे सर्वो नावैतीति मतिर्मम ॥

suprajñamapi cecchūramṛddhirmohayate naram | vartamānaḥ sukhe sarvo nāvaitīti matirmama

"Prosperity deludes a man, even one who is wise and brave. No one living in comfort sees clearly — that is my view.

Verse 31 (3.183.31)

सोहमैश्वर्यमोहेन मदाविष्टो युधिष्ठिर । पतितः प्रतिसंबुद्धस्त्वां तु संबोधयाम्यहम् ॥

sohamaiśvaryamohena madāviṣṭo yudhiṣṭhira | patitaḥ pratisaṃbuddhastvāṃ tu saṃbodhayāmyaham

So I, Yudhishthira, possessed by the delusion of power and drunk with pride, fell; now that I have awoken, I am awakening you.

Verse 32 (3.183.32)

कृतंकार्यं महाराज त्वया मम परंतप । क्षीणः शापः सुकृच्छ्रो मे त्वया संभाष्य साधुना ॥

kṛtaṃkāryaṃ mahārāja tvayā mama paraṃtapa | kṣīṇaḥ śāpaḥ sukṛcchro me tvayā saṃbhāṣya sādhunā

You have done what I needed, great king, scorcher of foes. By speaking with you, a virtuous man, my grievous curse has come to an end.

Note on the text: Corrected शाप → शापः (misprint in Wikisource; the dropped visarga turns the subject "curse" into a vocative; the critical edition reads śāpaḥ).

Verse 33 (3.183.33)

अहं हि दिवि दिव्येन विमानेन चरन्पुरा । अभिमानेन मत्तः सन्कंचिन्नान्यमचिन्तयम् ॥

ahaṃ hi divi divyena vimānena caranpurā | abhimānena mattaḥ sankaṃcinnānyamacintayam

Long ago I roamed the sky in a celestial chariot, and, drunk with pride, I gave no thought to anyone else.

Note on the text: Corrected विमानन → विमानेन (misprint in Wikisource; a dropped e-sign; the critical edition reads vimānena).

Verse 34 (3.183.34)

ब्रह्मर्षिदेवगन्धर्वयक्षराक्षसपन्नगाः । वरं मम प्रयच्छन्ति सर्वे त्रैलोक्यवासिनः ॥

brahmarṣidevagandharvayakṣarākṣasapannagāḥ | varaṃ mama prayacchanti sarve trailokyavāsinaḥ

Brahmin seers, gods, Gandharvas, Yakshas, Rakshasas and serpents — all who dwell in the three worlds — brought me gifts.

Note on the text: Corrected देघ → देव (misprint in Wikisource; घ for व; the critical edition reads -deva-).

Verse 35 (3.183.35)

चक्षुषा यं प्रपश्यामि प्राणिनं पृथिवीपते । तस्य तेजो हराम्याशु तद्धि दृष्टेर्बलं मम ॥

cakṣuṣā yaṃ prapaśyāmi prāṇinaṃ pṛthivīpate | tasya tejo harāmyāśu taddhi dṛṣṭerbalaṃ mama

Whatever living being I looked upon, lord of the earth, I at once robbed of its vigour; such was the power of my gaze.

Verse 36 (3.183.36)

ब्रह्मर्षीणां सहस्रं हि उवाह शिबिकां मम । स मामपनयो राजन्भ्रंशयामास वै श्रियः ॥

brahmarṣīṇāṃ sahasraṃ hi uvāha śibikāṃ mama | sa māmapanayo rājanbhraṃśayāmāsa vai śriyaḥ

A thousand brahmin seers carried my litter; that offence, king, cast me down from my glory.

Note on the text: Corrected सरस्रं → सहस्रं and कस मामपनयो → स मामपनयो (misprints in Wikisource; र for ह, and a stray क that makes the line a syllable too long; the critical edition reads sahasraṃ and sa mām apanayo).

Verse 37 (3.183.37)

तत्र ह्यगस्त्यः पादेन वहन्स्पृष्टो महामुनिः । अगस्त्येन ततोस्म्युक्तो ध्वंस सर्पेति वै रुषा ॥

tatra hyagastyaḥ pādena vahanspṛṣṭo mahāmuniḥ | agastyena tatosmyukto dhvaṃsa sarpeti vai ruṣā

There, as he carried me, the great sage Agastya was touched by my foot, and Agastya said to me in anger, "Fall, become a serpent!"

Note on the text: Corrected the word division वैरुषा → वै रुषा (misprint in Wikisource; two words run together; the critical edition reads vai ruṣā).

Verse 38 (3.183.38)

ततस्तस्माद्विमानाग्र्यात्प्रच्युतश्च्युतलक्षणः । प्रपतन्बुबुधेऽऽत्मानं व्यालीभूतमधोमुखम् ॥

tatastasmādvimānāgryātpracyutaścyutalakṣaṇaḥ | prapatanbubudhe''tmānaṃ vyālībhūtamadhomukham

Then, my royal marks gone, I fell from that splendid chariot, and as I fell I found myself turned into a serpent, head downward.

Verse 39 (3.183.39)

अयाचं तमहं विप्रं शापस्यान्तो भवेदिति । प्रमादात्संप्रमूढस्य भगवन्क्षन्तुमर्हसि ॥

ayācaṃ tamahaṃ vipraṃ śāpasyānto bhavediti | pramādātsaṃpramūḍhasya bhagavankṣantumarhasi

I begged that brahmin to set an end to the curse: "Lord, you should forgive one who was bewildered by heedlessness."

Verse 40 (3.183.40)

ततः स मामुवाचेदं प्रपतन्तं कृपान्वितः । युधिष्ठिरो धर्मराजः शापात्त्वां मोक्षयिष्यति ॥

tataḥ sa māmuvācedaṃ prapatantaṃ kṛpānvitaḥ | yudhiṣṭhiro dharmarājaḥ śāpāttvāṃ mokṣayiṣyati

Then, moved by compassion, he said this to me as I fell: "Yudhishthira, the King of Dharma, will free you from the curse.

Note on the text: Corrected कृपानवितः → कृपान्वितः (misprint in Wikisource; a broken conjunct; the critical edition reads kṛpānvitaḥ).

Verse 41 (3.183.41)

अभिमानस्य वै तस्य बलस्य च नराधिप । फले क्षीणे महाराज फलं पुण्यमवाप्स्यसि ॥

abhimānasya vai tasya balasya ca narādhipa | phale kṣīṇe mahārāja phalaṃ puṇyamavāpsyasi

When the fruit of that pride and that power of yours is spent, great king, you will regain the fruit of your merit."

Verse 42 (3.183.42)

ततो मे विस्मयो जातस्तद्दृष्ट्वा तपसो बलम् । ब्रह्म च ब्राह्मणत्वं च येन त्वाऽहमचूचुदम् ॥

tato me vismayo jātastaddṛṣṭvā tapaso balam | brahma ca brāhmaṇatvaṃ ca yena tvā'hamacūcudam

Then wonder arose in me at the sight of the power of his austerity; that is why I questioned you about brahman and the nature of a brahmin.

Verse 43 (3.183.43)

सत्यं दमस्तपो योगमहिंसा ज्ञाननित्यता । साधकानि सतां पुंसां न जातिर्नकुलं नृप ॥

satyaṃ damastapo yogamahiṃsā jñānanityatā | sādhakāni satāṃ puṃsāṃ na jātirnakulaṃ nṛpa

Truth, self-control, austerity, yoga, non-violence and constant devotion to knowledge — these bring the good to their goal, king, not birth and not family.

Verse 44 (3.183.44)

अरिष्ट एष ते भ्राता मुक्तो भीमो महाभुज । स्वस्ति तेऽस्तु महाराज गमिष्यामि दिवं पुनः ॥

ariṣṭa eṣa te bhrātā mukto bhīmo mahābhuja | svasti te'stu mahārāja gamiṣyāmi divaṃ punaḥ

Here is your brother Bhima, mighty-armed one, released unharmed. Good fortune to you, great king; I shall go back to heaven.

Note on the text: Corrected कएष → एष and बीमो → भीमो (misprints in Wikisource; a stray क, and ब for भ; the critical edition reads ariṣṭa eṣa … bhīmo).

Verse 45 (3.183.45)

स चायं पुरुषव्याघ्र कालः पुण्य उपागतः । तदस्मात्कारणात्पार्थ कार्यं तन्मे महत्कृतम् ॥

sa cāyaṃ puruṣavyāghra kālaḥ puṇya upāgataḥ | tadasmātkāraṇātpārtha kāryaṃ tanme mahatkṛtam

And now this holy hour has come, tiger among men; and so, son of Pritha, you have done me a great service."

Note on the text: Removed the quote marks (` ') around the verse. Not in the critical edition's text (found in the vulgate recension); its apparatus has it as 3.178.44d*0889.

Verse 46 (3.183.46)

ततस्तस्मिन्मुहूर्ते तु विमानं कामगामि वै । अवपातेन महता तत्रावाप तदुत्तमम् ॥

tatastasminmuhūrte tu vimānaṃ kāmagāmi vai | avapātena mahatā tatrāvāpa taduttamam

Then at that very moment a celestial chariot that went wherever it wished came swooping down, and there he received that excellent car.

Note on the text: Removed the quote marks (` ') around the verse. Not in the critical edition's text (found in the vulgate recension); its apparatus has it as 3.178.45*0890, which reads tatrāvāpatad uttamam for तत्रावाप तदुत्तमम्.

Verse 47 (3.183.47)

इत्युक्त्वाऽऽजगरं देहं मुक्त्वा स नहुषो नृपः । दिव्यं वपुः समास्थाय गतस्त्रिदिवमेव ह ॥

ityuktvā''jagaraṃ dehaṃ muktvā sa nahuṣo nṛpaḥ | divyaṃ vapuḥ samāsthāya gatastridivameva ha

Having said this, King Nahusha cast off the python's body, took on a celestial form and went to heaven.

Verse 48 (3.183.48)

युधिष्ठिरोपि धर्मात्मा भ्रात्रा भीमेन संगतः । धौम्येन सहितः श्रीमानाश्रमं पुनरागमत् ॥

yudhiṣṭhiropi dharmātmā bhrātrā bhīmena saṃgataḥ | dhaumyena sahitaḥ śrīmānāśramaṃ punarāgamat

The glorious and righteous Yudhishthira, reunited with his brother Bhima, returned with Dhaumya to the hermitage.

Verse 49 (3.183.49)

ततो द्विजेभ्यः सर्वेभ्यः समेतेभ्यो यथातथम् । कथयामास तत्सर्वं धर्मराजो युधिष्ठिरः ॥

tato dvijebhyaḥ sarvebhyaḥ sametebhyo yathātatham | kathayāmāsa tatsarvaṃ dharmarājo yudhiṣṭhiraḥ

Then Yudhishthira, the King of Dharma, told the whole story, just as it had happened, to all the brahmins gathered there.

Verse 50 (3.183.50)

तच्छ्रुत्वा ते द्विजाः सर्वे भ्रातरश्चास्य ते त्रयः । आसन्सुव्रीडिता राजन्द्रौपदी च यशस्विनी ॥

tacchrutvā te dvijāḥ sarve bhrātaraścāsya te trayaḥ | āsansuvrīḍitā rājandraupadī ca yaśasvinī

Hearing it, all those brahmins, his three brothers and the glorious Draupadi were deeply abashed, O king.

Verse 51 (3.183.51)

ते तु सर्वेद्विजश्रेष्ठाः पाण्डवानां हितेप्सया । मैवमित्यब्रुवन्भीमं गर्हयन्तोऽस्य साहसम् ॥

te tu sarvedvijaśreṣṭhāḥ pāṇḍavānāṃ hitepsayā | maivamityabruvanbhīmaṃ garhayanto'sya sāhasam

Wishing the Pandavas well, all those excellent brahmins rebuked Bhima for his rashness, saying, "Do not act like this."

Note on the text: Corrected गर्हयन्तोऽस् → गर्हयन्तोऽस्य (misprint in Wikisource; a dropped akshara; the critical edition reads garhayanto 'sya sāhasam).

Verse 52 (3.183.52)

पाण्डवास्तु भयान्मुक्तं प्रेक्ष्य भीमं महाबलम् । हर्षमाहारयांचक्रुर्विजह्रुश्च मुदा युताः ॥

pāṇḍavāstu bhayānmuktaṃ prekṣya bhīmaṃ mahābalam | harṣamāhārayāṃcakrurvijahruśca mudā yutāḥ

And the Pandavas, seeing mighty Bhima freed from danger, were filled with delight and passed their time in joy.

Note on the text: Corrected भयान्पुक्तं → भयान्मुक्तं (misprint in Wikisource; प for म; the critical edition reads bhayān muktaṃ).