Markandeya on the Fruits of Deeds

Verse 1 (3.186.1)

तं विवक्षन्तमालक्ष्यकुरुराजो महामुनिम् । कथासंजननार्थाय चोदयामास पाण्डवः ॥

taṃ vivakṣantamālakṣyakururājo mahāmunim | kathāsaṃjananārthāya codayāmāsa pāṇḍavaḥ

Seeing that the great sage was about to speak, the Pandava king of the Kurus urged him on, to set the tale in motion:

Verse 2 (3.186.2)

भवान्दैवतदैत्यानामृषीणां च महात्मनाम् । राजर्षीणां च सर्वेषां चरितज्ञः पुरातनः ॥

bhavāndaivatadaityānāmṛṣīṇāṃ ca mahātmanām | rājarṣīṇāṃ ca sarveṣāṃ caritajñaḥ purātanaḥ

You are the ancient one who knows the deeds of the gods and the daityas, of the great-souled seers and of all the royal sages.

Verse 3 (3.186.3)

सेव्यश्चोपासितव्यश्च मतो नः काङ्क्षितश्चिरम् । अयं च देवकीपुत्रः प्राप्तोऽस्मानवलोककः ॥

sevyaścopāsitavyaśca mato naḥ kāṅkṣitaściram | ayaṃ ca devakīputraḥ prāpto'smānavalokakaḥ

We hold you worthy of service and attendance, and we have long desired your coming. And here the son of Devaki too has come to see us.

Note on the text: Corrected उपासितव्यश् → उपासितव्यश्च (misprint in Wikisource; च dropped, leaving the line a syllable short; the critical edition reads upāsitavyaś ca).

Verse 4 (3.186.4)

भ्रमत्येव हि मे बुद्धिर्दृष्ट्वाऽऽत्मानं सुखाच्च्युतम् । धार्तराष्ट्रांश्च दुर्वृत्तानृद्ध्यतः प्रेक्ष्य सर्वशः ॥

bhramatyeva hi me buddhirdṛṣṭvā''tmānaṃ sukhāccyutam | dhārtarāṣṭrāṃśca durvṛttānṛddhyataḥ prekṣya sarvaśaḥ

My mind reels when I see myself fallen from happiness, and see the wicked sons of Dhritarashtra prospering in every way.

Note on the text: Corrected रदुर्त्तानृद्ध्यतः → दुर्वृत्तानृद्ध्यतः (misprint in Wikisource; stray र and lost व; the critical edition reads durvṛttān).

Verse 5 (3.186.5)

कर्मणः पुरुषः कर्ता शुभस्याप्यशुभस्य वा । स्वफलं तदुपाश्नाति कथं कर्ता स्विदीश्वरः ॥

karmaṇaḥ puruṣaḥ kartā śubhasyāpyaśubhasya vā | svaphalaṃ tadupāśnāti kathaṃ kartā svidīśvaraḥ

A man is the doer of his deeds, whether good or bad, and he himself enjoys their fruit. How then is God the doer?

Note on the text: Corrected तदुपाश्नापि → तदुपाश्नाति (misprint in Wikisource; प for त; the critical edition reads upāśnāti).

Verse 6 (3.186.6)

अथवा सुखदुःखेषु नृणां ब्रह्मविदांवर । इह वा कृतमन्वेति परदेहेऽथवा पुनः ॥

athavā sukhaduḥkheṣu nṛṇāṃ brahmavidāṃvara | iha vā kṛtamanveti paradehe'thavā punaḥ

Or else, best of those who know Brahman, in the joys and sorrows of men, does what was done follow a man here, or again in another body?

Verse 7 (3.186.7)

देही च देहं संत्यज्य मृग्यमाणः शुभाशुभैः । कथं संयुज्यतेप्रेत्य इह वा द्विजसत्तम ॥

dehī ca dehaṃ saṃtyajya mṛgyamāṇaḥ śubhāśubhaiḥ | kathaṃ saṃyujyatepretya iha vā dvijasattama

And when the embodied soul has left the body, how is it joined to its good and bad deeds as they seek it out, after death or here, best of the twice-born?

Verse 8 (3.186.8)

ऐहलौकिकमेवैतदुताहो पारलौकिकम् । क्व वा कर्माणि तिष्ठन्ति जन्तोः प्रेतस्य भार्गव ॥

aihalaukikamevaitadutāho pāralaukikam | kva vā karmāṇi tiṣṭhanti jantoḥ pretasya bhārgava

Does this belong to this world or to the next? And where do the deeds of a creature remain once it has died, O Bhargava?

Verse 9 (3.186.9)

त्वद्युक्तोऽयमनुप्रश्नो यथावद्वदतांवर । विदितं वेदितव्यं ते स्थित्यर्थं त्वं तु पृच्छसि ॥

tvadyukto'yamanupraśno yathāvadvadatāṃvara | viditaṃ veditavyaṃ te sthityarthaṃ tvaṃ tu pṛcchasi

This question is worthy of you, best of speakers, and rightly asked. You know what is to be known; you ask only to uphold the order of the world.

Verse 10 (3.186.10)

अत्र ते कथयिष्यामि तदिहैकमनाः शृणु । यथेहामुत्र च नरः सुखदुःखमुपाश्नुते ॥

atra te kathayiṣyāmi tadihaikamanāḥ śṛṇu | yathehāmutra ca naraḥ sukhaduḥkhamupāśnute

On this I shall tell you; listen with an undivided mind: how a man experiences joy and sorrow, here and in the world beyond.

Note on the text: Corrected नर → नरः (misprint in Wikisource; the visarga of the subject of उपाश्नुते was dropped; the critical edition reads naraḥ).

Verse 11 (3.186.11)

निर्मलानि शरीराणि विशुद्धानि शरीरिणाम् । ससर्ज धर्मतन्त्राणि पूर्वोत्पन्नः प्रजापतिः ॥

nirmalāni śarīrāṇi viśuddhāni śarīriṇām | sasarja dharmatantrāṇi pūrvotpannaḥ prajāpatiḥ

Prajapati, the first-born, created for embodied beings bodies that were stainless and pure, instruments of dharma.

Note on the text: Corrected धऱ्मतन्त्राणि → धर्मतन्त्राणि (misprint in Wikisource; the Marathi eyelash ऱ in place of र).

Verse 12 (3.186.12)

अमोघफलसंकल्पाः सुव्रताः सत्यवादिनः । ब्रह्मभूता नराः पुण्याः पुराणाः कुरुसत्तम ॥

amoghaphalasaṃkalpāḥ suvratāḥ satyavādinaḥ | brahmabhūtā narāḥ puṇyāḥ purāṇāḥ kurusattama

The men of old, best of the Kurus, were holy; their resolves bore unfailing fruit; they kept good vows, spoke the truth and had become one with Brahman.

Verse 13 (3.186.13)

सर्वे देवैः समायान्ति स्वच्छन्देन नभस्तलम् । ततश्च पुनरायान्ति सर्वे स्वच्छन्दचारिणः ॥

sarve devaiḥ samāyānti svacchandena nabhastalam | tataśca punarāyānti sarve svacchandacāriṇaḥ

All of them went up to the sky with the gods at will, and all came back again, moving freely as they pleased.

Verse 14 (3.186.14)

स्वच्छन्दमरणाश्चासन्नराः स्वच्छन्दजीविनः । अल्पबाधा निरातङ्काः सिद्धार्था निरुपद्रवाः ॥

svacchandamaraṇāścāsannarāḥ svacchandajīvinaḥ | alpabādhā nirātaṅkāḥ siddhārthā nirupadravāḥ

Those men died when they chose and lived as long as they chose; they had few troubles and no fears, their aims were fulfilled and no calamity touched them.

Note on the text: Corrected स्वच्चन्द → स्वच्छन्द (misprint in Wikisource; च for छ).

Verse 15 (3.186.15)

द्रष्टारोदेवसङ्घानामृषीणां च महात्मनाम् । प्रत्यक्षाः सर्वधर्माणां दान्ता विगतमत्सराः ॥

draṣṭārodevasaṅghānāmṛṣīṇāṃ ca mahātmanām | pratyakṣāḥ sarvadharmāṇāṃ dāntā vigatamatsarāḥ

They saw the hosts of the gods and the great-souled seers; all the dharmas were plain before their eyes; they were self-controlled and free from envy.

Verse 16 (3.186.16)

आसन्वर्षसहस्राणि तथा पुत्रसहस्रिणः । ततः कालान्तरे तस्मिन्पृथिवीतलचारिणः ॥

āsanvarṣasahasrāṇi tathā putrasahasriṇaḥ | tataḥ kālāntare tasminpṛthivītalacāriṇaḥ

They lived for thousands of years and had thousands of sons. Then, in the course of time, those who walked the surface of the earth

Verse 17 (3.186.17)

कामक्रोधाभिभूतास्ते मायाव्याजोपजीविनः । लोभमोहाभिभूताश्च त्यक्ता देवैस्ततो नराः ॥

kāmakrodhābhibhūtāste māyāvyājopajīvinaḥ | lobhamohābhibhūtāśca tyaktā devaistato narāḥ

were overcome by desire and anger and lived by trickery and deceit; overcome by greed and delusion, those men were then abandoned by the gods.

Verse 18 (3.186.18)

अशुभैः कर्मभिः पापास्तिर्यङ्निरयगामिनः । संसारेषु विचित्रेषु पच्यमानाः पुनः पुनः ॥

aśubhaiḥ karmabhiḥ pāpāstiryaṅnirayagāminaḥ | saṃsāreṣu vicitreṣu pacyamānāḥ punaḥ punaḥ

Through their evil deeds those sinners went to animal births and to hell, cooked again and again in the many and various rounds of rebirth.

Note on the text: Corrected तिर्यङ्गिरयगामिनः → तिर्यङ्निरयगामिनः (misprint in Wikisource; ग for न in तिर्यङ् + निरय; the critical edition reads tiryaṅ narakagāminaḥ).

Verse 19 (3.186.19)

मोघेष्टा मोघसंकल्पा मोघज्ञाना विचेतसः । काङ्क्षिणः सर्वकामानां नास्तिका भिन्नसेतवः ॥

mogheṣṭā moghasaṃkalpā moghajñānā vicetasaḥ | kāṅkṣiṇaḥ sarvakāmānāṃ nāstikā bhinnasetavaḥ

Their wishes were vain, their resolves vain, their knowledge vain, their minds senseless; they craved every pleasure, denied the hereafter and broke every bound.

Note on the text: Removed stray quote marks around the second line (wiki marks in Wikisource). The first line is critical edition 3.181.19a; the second is not in its constituted text but appears in its apparatus as 3.181.19*0898 (found in the vulgate recension).

Verse 20 (3.186.20)

सर्वाभिशङ्किनश्चैव संवृत्ताः क्लेशदायिनः । अशुभैः कर्मभिश्चापि प्रायशः परिचिह्निताः ॥

sarvābhiśaṅkinaścaiva saṃvṛttāḥ kleśadāyinaḥ | aśubhaiḥ karmabhiścāpi prāyaśaḥ paricihnitāḥ

Suspicious of everyone, they became bringers of distress, and for the most part they were marked out by their evil deeds.

Note on the text: Corrected सर्वाभिशङ्खिनः → सर्वाभिशङ्किनः (misprint in Wikisource; ख for क — "suspicious of all"; the critical edition reads sarvātiśaṅkinaḥ) and क्लेदायिनः → क्लेशदायिनः (misprint; श dropped, leaving the line a syllable short; the critical edition reads kleśabhāginaḥ, and the smallest fix gives "causing distress"). The verse corresponds to critical edition 3.181.19c–e.

Verse 21 (3.186.21)

दौष्कुल्या व्याधिबहुला दुरात्मानोऽभितापिनः । भवन्त्यल्पायुषः पापा रौद्रकर्मफलोदयाः । नाथन्तः सर्वकामानां नास्तिका भिन्नचेतसः ॥

dauṣkulyā vyādhibahulā durātmāno'bhitāpinaḥ | bhavantyalpāyuṣaḥ pāpā raudrakarmaphalodayāḥ | nāthantaḥ sarvakāmānāṃ nāstikā bhinnacetasaḥ

Born in low families, beset by many diseases, evil-hearted and tormenting others, those sinners become short-lived and reap the fruit of their cruel deeds; they beg for every pleasure, deny the hereafter and have unsteady minds.

Verse 22 (3.186.22)

जन्तोः प्रेतस्य कौन्तेय गतिः स्वैरिह कर्मभिः । प्राज्ञस्य हीनबुद्धेश्च कर्मकोशः क्व तिष्ठति ॥

jantoḥ pretasya kaunteya gatiḥ svairiha karmabhiḥ | prājñasya hīnabuddheśca karmakośaḥ kva tiṣṭhati

You ask, son of Kunti, about the course of a creature after death, shaped here by its own deeds: where the store of deeds of the wise man and of the dull-witted abides,

Verse 23 (3.186.23)

क्वस्थस्तत्समुपाश्नाति सुकृतं यदि वेतरत् । इति ते दर्शनं यच्च तत्राप्यनुनयं शृणु ॥

kvasthastatsamupāśnāti sukṛtaṃ yadi vetarat | iti te darśanaṃ yacca tatrāpyanunayaṃ śṛṇu

and where he dwells while he enjoys his good deeds or the other kind. Such is your view; now hear the settled answer to it as well.

Verse 24 (3.186.24)

अयमादिशरीरेण देवसृष्टेन मानवः । शुभानामशुभानां च कुरुते संचयं महत् ॥

ayamādiśarīreṇa devasṛṣṭena mānavaḥ | śubhānāmaśubhānāṃ ca kurute saṃcayaṃ mahat

With this first body, created by the gods, a man gathers a great store of good and bad deeds.

Verse 25 (3.186.25)

आयुषोऽन्ते प्रहायेदं क्षीणप्रायं कलेबरम् । संभवत्येव युगपद्योनौ नास्त्यन्तराऽभवः ॥

āyuṣo'nte prahāyedaṃ kṣīṇaprāyaṃ kalebaram | saṃbhavatyeva yugapadyonau nāstyantarā'bhavaḥ

At the end of his life he gives up this body, now all but worn out, and is born at once into a womb; there is no state of existence in between.

Verse 26 (3.186.26)

तत्रास्य स्वकृतं कर्म च्छायेवानुगतं सदा । फलत्यथ सुखार्हो वा दुःखार्होवाऽथ जायते ॥

tatrāsya svakṛtaṃ karma cchāyevānugataṃ sadā | phalatyatha sukhārho vā duḥkhārhovā'tha jāyate

There the deeds he himself has done follow him always like his shadow and bear fruit, and so he is born deserving either happiness or sorrow.

Verse 27 (3.186.27)

कृतान्तविधिसंयुक्तः स जन्तुर्लक्षणैः शुभैः । अशुभैर्वा निरादानो लक्ष्यते ज्ञानदृष्टिभिः ॥

kṛtāntavidhisaṃyuktaḥ sa janturlakṣaṇaiḥ śubhaiḥ | aśubhairvā nirādāno lakṣyate jñānadṛṣṭibhiḥ

Bound by the ordinance of fate, that creature, unable to cast it off, is seen by those with the eye of knowledge to bear auspicious or inauspicious marks.

Verse 28 (3.186.28)

एषा तावदबुद्धीनां गतिरुक्ता युधिष्ठिर । अतः परं ज्ञानवतां निबोध गतिमुत्तमाम् ॥

eṣā tāvadabuddhīnāṃ gatiruktā yudhiṣṭhira | ataḥ paraṃ jñānavatāṃ nibodha gatimuttamām

This, Yudhishthira, is the course of those without understanding. Now learn the highest course, that of those who have knowledge.

Verse 29 (3.186.29)

मनुष्यास्तप्ततपसः सर्वागमपरायणाः । स्थिरव्रताः सत्यपरा गुरुशुश्रूषणे रताः ॥

manuṣyāstaptatapasaḥ sarvāgamaparāyaṇāḥ | sthiravratāḥ satyaparā guruśuśrūṣaṇe ratāḥ

Men who have practised austerity, given to all the scriptures, firm in their vows, intent on truth and devoted to serving their teachers,

Verse 30 (3.186.30)

सुशीलाः शुक्लजातीयाः क्षान्ता दान्ताः सुतेजसः । शुचियोन्यन्तरगताः प्रायशः शुभलक्षणाः ॥

suśīlāḥ śuklajātīyāḥ kṣāntā dāntāḥ sutejasaḥ | śuciyonyantaragatāḥ prāyaśaḥ śubhalakṣaṇāḥ

of good character and pure birth, forbearing, self-restrained and full of radiance, who pass through pure wombs and for the most part bear auspicious marks,

Verse 31 (3.186.31)

जितेन्द्रियत्वाद्वशिनः सत्कृत्यान्मन्दरागिणः । अल्पाबाधपरित्रासा भवन्ति निरुपद्रवाः ॥

jitendriyatvādvaśinaḥ satkṛtyānmandarāgiṇaḥ | alpābādhaparitrāsā bhavanti nirupadravāḥ

self-mastered because their senses are conquered, of little passion because of their good deeds, with few troubles and few fears, live free from calamity.

Note on the text: Corrected जितेनद्रियत्वाद् → जितेन्द्रियत्वाद् (misprint in Wikisource; broken conjunct न्द्र).

Verse 32 (3.186.32)

च्यवन्तं जायमानं च गर्भस्थं चैव सर्वशः । स्वमात्मानं परं चैव बुध्यन्ते ज्ञानचक्षुषः ॥

cyavantaṃ jāyamānaṃ ca garbhasthaṃ caiva sarvaśaḥ | svamātmānaṃ paraṃ caiva budhyante jñānacakṣuṣaḥ

With the eye of knowledge they know their own self and that of others in every state: as it passes away, as it is born and as it lies in the womb.

Note on the text: Corrected गर्भस्यं → गर्भस्थं (misprint in Wikisource; य for थ; the critical edition reads garbhastham). The verse is critical edition 3.181.31a–c.

Verse 33 (3.186.33)

ऋषयस्ते महात्मानः प्रत्यक्षागमबुद्धयः । कर्मभूमिमिमां प्राप्य पुनर्यान्ति सुरालयम् । कृत्वा शुभानि कर्माणि ज्ञानेन भरतर्षभ ॥

ṛṣayaste mahātmānaḥ pratyakṣāgamabuddhayaḥ | karmabhūmimimāṃ prāpya punaryānti surālayam | kṛtvā śubhāni karmāṇi jñānena bharatarṣabha

Those great-souled seers, whose understanding rests on direct perception and scripture, having reached this land of action, go again to the abode of the gods, having done good deeds with knowledge, bull of the Bharatas.

Note on the text: Removed stray quote marks around the last line (wiki marks in Wikisource). Only the second line is in the critical edition's constituted text (3.181.31e); the first and third lines appear in its apparatus as 3.181.31*0901 and 3.181.31*0902 (found in the vulgate recension).

Verse 34 (3.186.34)

किंचिद्दैवाद्धठात्किंचित्किंचिदेव स्वकर्मभिः । प्राप्नुवन्ति नरा राजन्मा तेऽस्त्वन्याविचारणा ॥

kiṃciddaivāddhaṭhātkiṃcitkiṃcideva svakarmabhiḥ | prāpnuvanti narā rājanmā te'stvanyāvicāraṇā

Men obtain some things by fate, some by chance and some through their own deeds, O king. Let there be no other thought in your mind.

Verse 35 (3.186.35)

इमामत्रोपमां चापि निबोध वदतांवर । मनुष्यलोके यच्छ्रेयः परंमन्ये युधिष्ठिर ॥

imāmatropamāṃ cāpi nibodha vadatāṃvara | manuṣyaloke yacchreyaḥ paraṃmanye yudhiṣṭhira

Learn also this illustration on the matter, best of speakers, concerning what I hold to be the highest good in the world of men, Yudhishthira.

Verse 36 (3.186.36)

इहैवैकस्य नामुत्र अमुत्रैकस्य नो इह । इह चामुत्र चैकस्य नामुत्रैकस्य नो इह ॥

ihaivaikasya nāmutra amutraikasya no iha | iha cāmutra caikasya nāmutraikasya no iha

For one there is this world and not the next; for another the next and not this; for one both this world and the next; for another neither the next nor this.

Note on the text: Corrected चैकस् → चैकस्य (misprint in Wikisource; य dropped, leaving the line a syllable short; the critical edition reads caikasya).

Verse 37 (3.186.37)

धनानि येषां विपुलानि सन्ति । नित्यंरमन्ते सुविभूषिताङ्गाः । तेषामयं शत्रुवरघ्नलोको । नासौ सदा ग्राम्यसुखे रतानाम् ॥

dhanāni yeṣāṃ vipulāni santi | nityaṃramante suvibhūṣitāṅgāḥ | teṣāmayaṃ śatruvaraghnaloko | nāsau sadā grāmyasukhe ratānām

Those who have abundant wealth and take their pleasure always with their limbs finely adorned: theirs is this world, slayer of mighty foes, and not the other, for they delight always in low pleasures.

Verse 38 (3.186.38)

ये योगयुक्तास्तपसि प्रसक्ताः । स्वाध्यायशीला जरयन्ति देहान् । जितेन्द्रिया भूतहिते निविष्टा । स्तेषामसौ नायमरिघ्नलोकः ॥

ye yogayuktāstapasi prasaktāḥ | svādhyāyaśīlā jarayanti dehān | jitendriyā bhūtahite niviṣṭā | steṣāmasau nāyamarighnalokaḥ

Those who are joined in yoga, intent on austerity and given to sacred study, who wear out their bodies, conquer their senses and devote themselves to the welfare of all beings: theirs is the other world and not this one, slayer of foes.

Verse 39 (3.186.39)

ये धर्ममेव प्रथमं चरन्ति । धर्मेण लब्ध्वा च धनानि काले । दारानवाप्य क्रतुभिर्यजन्ते । तेषामयं चैव परश्च लोकः ॥

ye dharmameva prathamaṃ caranti | dharmeṇa labdhvā ca dhanāni kāle | dārānavāpya kratubhiryajante | teṣāmayaṃ caiva paraśca lokaḥ

Those who practise dharma first of all, gain wealth through dharma in due time, take wives and worship with sacrifices: theirs is both this world and the next.

Verse 40 (3.186.40)

ये नैव विद्यां न तपो न दानं । न चापि मूढाः प्रजने यतन्ते । न चापिगच्छन्ति शुभान्यभाग्या- । स्तेषामयं चैव परश्च नास्ति ॥

ye naiva vidyāṃ na tapo na dānaṃ | na cāpi mūḍhāḥ prajane yatante | na cāpigacchanti śubhānyabhāgyā- | steṣāmayaṃ caiva paraśca nāsti

Those fools who strive neither for learning, nor austerity, nor charity, nor even for offspring, and who, ill-fated, attain nothing good: for them there is neither this world nor the next.

Verse 41 (3.186.41)

सर्वे भवन्तस्त्वतिवीर्यसत्वा । दिव्यौजसः संहननोपपन्नाः । लोकादमुष्मादवनिं प्रपन्नाः । स्वधीतविद्याः सुरकार्यहेतोः ॥

sarve bhavantastvativīryasatvā | divyaujasaḥ saṃhananopapannāḥ | lokādamuṣmādavaniṃ prapannāḥ | svadhītavidyāḥ surakāryahetoḥ

All of you are of surpassing valour and strength, of divine vigour and mighty frame; you have come down to earth from the other world for the work of the gods, well schooled in learning.

Verse 42 (3.186.42)

कृत्वैव कर्माणि महान्ति शूरा- । स्तपोदमाचारविहारशीलाः । देवानृषीन्प्रेतगतांश्च सर्वा- । न्संतर्पयित्वा विधिना परेण ॥

kṛtvaiva karmāṇi mahānti śūrā- | stapodamācāravihāraśīlāḥ | devānṛṣīnpretagatāṃśca sarvā- | nsaṃtarpayitvā vidhinā pareṇa

Heroes given to austerity, self-restraint, good conduct and right living, you will do great deeds, and when you have satisfied the gods, the seers and all the departed with the highest rites,

Note on the text: Corrected कर्माणइ → कर्माणि (misprint in Wikisource; independent इ for the vowel sign ि) and प्रेतगतांसच् → प्रेतगतांश्च (misprint; garbled sandhi of प्रेतगतान् च; the critical edition reads pretagaṇāṃś ca).

Verse 43 (3.186.43)

स्वर्गं परं पुण्यकृतां निवासं । क्रमेण संप्राप्स्यथ कर्मभिः स्वैः । माभूद्विशङ्का तव कौरवेन्द्र । दृष्ट्वाऽऽत्मनः क्लेशमिमं सुखार्थम् ॥

svargaṃ paraṃ puṇyakṛtāṃ nivāsaṃ | krameṇa saṃprāpsyatha karmabhiḥ svaiḥ | mābhūdviśaṅkā tava kauravendra | dṛṣṭvā''tmanaḥ kleśamimaṃ sukhārtham

you will in due course reach heaven, the highest dwelling of those who do good, through your own deeds. Let there be no doubt in you, lord of the Kauravas, at the sight of this hardship you bear for the sake of happiness.