Pradyumna Defeats Shalva

Verse 1 (3.19.1)

एवमुक्तस्तु कौन्तेय सूतपुत्रस्ततो मृधे । प्रद्युम्नमब्रवीच्छ्लक्ष्णं मधुरं वाक्यमञ्जसा ॥

evamuktastu kaunteya sūtaputrastato mṛdhe | pradyumnamabravīcchlakṣṇaṃ madhuraṃ vākyamañjasā

Spoken to in this way in the battle, son of Kunti, the charioteer's son then answered Pradyumna at once in gentle, sweet words:

Verse 2 (3.19.2)

न मे भयं रौक्मिणेय संग्रामे यच्छतो हयान् । युद्धज्ञोऽस्मि च वृष्णीनां नात्र किंचिदतोऽन्यथा ॥

na me bhayaṃ raukmiṇeya saṃgrāme yacchato hayān | yuddhajño'smi ca vṛṣṇīnāṃ nātra kiṃcidato'nyathā

"Son of Rukmini, I feel no fear in battle as I drive the horses, and I know the Vrishnis' way of war; there is nothing other than this in it.

Note on the text: Corrected युद्धज्ञोस्मि → युद्धज्ञोऽस्मि (misprint in Wikisource; missing avagraha).

Verse 3 (3.19.3)

आयुष्मन्नुपदेशस्तु सारथ्ये वर्ततां स्मृतः । सर्वार्थेषु रथी रक्ष्यस्त्वं चापि भृशपीडितः ॥

āyuṣmannupadeśastu sārathye vartatāṃ smṛtaḥ | sarvārtheṣu rathī rakṣyastvaṃ cāpi bhṛśapīḍitaḥ

But, long-lived one, remember the teaching on a charioteer's duty: the warrior must be protected in every situation, and you were badly hurt.

Verse 4 (3.19.4)

त्वं हि साल्वप्रयुक्तेन शरेणाभिहतो भृशम् । कश्मलाभिहतो वीर ततोऽहमपयातवान् ॥

tvaṃ hi sālvaprayuktena śareṇābhihato bhṛśam | kaśmalābhihato vīra tato'hamapayātavān

You had been struck hard by the arrow Shalva loosed, and you had fainted, O hero; that is why I withdrew.

Verse 5 (3.19.5)

स त्वं सात्वतमुख्याद्य लब्धसंज्ञो यदृच्छया । पश्य मे हयसंयाने शिक्षां केशवनन्दन ॥

sa tvaṃ sātvatamukhyādya labdhasaṃjño yadṛcchayā | paśya me hayasaṃyāne śikṣāṃ keśavanandana

Now that you have by good fortune come to your senses, chief of the Satvatas, see my training in handling horses, son of Keshava.

Note on the text: Corrected सत्वं → स त्वं (word division in Wikisource; run together it reads as sattvam).

Verse 6 (3.19.6)

दारुकेणाहमुत्पन्नो यथावच्चैव शिक्षितः । वीतभीः प्रविशाम्येतां साल्वस्य महतीं चमूम् ॥

dārukeṇāhamutpanno yathāvaccaiva śikṣitaḥ | vītabhīḥ praviśāmyetāṃ sālvasya mahatīṃ camūm

I am Daruka's son, and I have been properly trained. Without fear I will now drive into Shalva's great army."

Verse 7 (3.19.7)

एवमुक्त्वा ततो वीरो हयान्संचोद्य संगरे । रश्मिभिस्तु समुद्यम्य जवेनाभ्यपतत्तदा ॥

evamuktvā tato vīro hayānsaṃcodya saṃgare | raśmibhistu samudyamya javenābhyapatattadā

Having said this, the hero urged on the horses in the battle, drew them up with the reins, and charged swiftly forward.

Verse 8 (3.19.8)

मण्डलानि विचित्राणि यमकानीतराणि च । सव्यानि च विचित्राणि दक्षिणानि च सर्वशः ॥

maṇḍalāni vicitrāṇi yamakānītarāṇi ca | savyāni ca vicitrāṇi dakṣiṇāni ca sarvaśaḥ

He drove them in wondrous circles, some matched and some unmatched, turning to the left and to the right in every direction.

Verse 9 (3.19.9)

प्रतोदेनाहता राजन्रश्मिभिश्च समुद्यताः । उत्पतन्त इवाकाशं विबभुस्ते हयोत्तमाः ॥

pratodenāhatā rājanraśmibhiśca samudyatāḥ | utpatanta ivākāśaṃ vibabhuste hayottamāḥ

Struck with the goad and held up by the reins, O king, those splendid horses seemed almost to fly into the sky.

Verse 10 (3.19.10)

ते हस्तलाघवोपेतं विज्ञाय नृप दारुकिम् । उह्यमाना इव तदा नास्पृशंश्चरणैर्महीम् ॥

te hastalāghavopetaṃ vijñāya nṛpa dārukim | uhyamānā iva tadā nāspṛśaṃścaraṇairmahīm

Knowing the son of Daruka to be quick of hand, O king, they ran as if borne along, and their hooves did not touch the ground.

Verse 11 (3.19.11)

सोऽपसव्यां चमूं तस्य साल्वस्य भरतर्षभ । चकार नातियत्नेन तदद्भुतमिवाभवत् ॥

so'pasavyāṃ camūṃ tasya sālvasya bharatarṣabha | cakāra nātiyatnena tadadbhutamivābhavat

With little effort he wheeled around Shalva's army, keeping it on his right, O bull of the Bharatas; it was like a marvel.

Note on the text: Corrected सोपसव्यां → सोऽपसव्यां (misprint in Wikisource; missing avagraha, which changes the sense).

Verse 12 (3.19.12)

अमृष्यमाणोऽपसव्यं साल्वः समितिदारुणः । यन्तारमस्य सहसा त्रिभिर्बाणैः समार्दयत् ॥

amṛṣyamāṇo'pasavyaṃ sālvaḥ samitidāruṇaḥ | yantāramasya sahasā tribhirbāṇaiḥ samārdayat

Unable to bear being circled in this way, Shalva, terrible in battle, suddenly struck Pradyumna's charioteer with three arrows.

Note on the text: Corrected अमृष्यमाणोपसव्यं → अमृष्यमाणोऽपसव्यं (misprint in Wikisource; missing avagraha).

Verse 13 (3.19.13)

दारुकस्य सुतस्तं तु बाणवेगमचिन्तयन् । भूय एव महाबाहो प्रययावपसव्यतः ॥

dārukasya sutastaṃ tu bāṇavegamacintayan | bhūya eva mahābāho prayayāvapasavyataḥ

But Daruka's son paid no heed to the force of the arrows, mighty-armed one, and drove on again, keeping the enemy on his right.

Verse 14 (3.19.14)

ततो बाणान्बहुविधान्पुनरेव स सौभराट् । मुमोच तनये वीर मम रुक्मिणिनन्दने ॥

tato bāṇānbahuvidhānpunareva sa saubharāṭ | mumoca tanaye vīra mama rukmiṇinandane

Then the lord of Saubha again loosed arrows of many kinds at my son, O hero, the son of Rukmini.

Verse 15 (3.19.15)

तानप्राप्ताञ्शितैर्बाणैश्चिच्छेद परवीरहा । रौक्मिणेयः स्मितं कृत्वा दर्शयन्हस्तलाघवं ॥

tānaprāptāñśitairbāṇaiściccheda paravīrahā | raukmiṇeyaḥ smitaṃ kṛtvā darśayanhastalāghavaṃ

Smiling, the son of Rukmini, slayer of enemy heroes, cut them down with sharp arrows before they reached him, showing the quickness of his hand.

Note on the text: Corrected ब्राणैः → बाणैः (misprint in Wikisource; intrusive र).

Verse 16 (3.19.16)

छिन्नान्दृष्ट्वा तु तान्बाणान्प्रद्युम्नेन च सौभराट् । आसुरीं दारुणीं मायामास्थाय व्यसृजच्छरान् ॥

chinnāndṛṣṭvā tu tānbāṇānpradyumnena ca saubharāṭ | āsurīṃ dāruṇīṃ māyāmāsthāya vyasṛjaccharān

Seeing those arrows cut down by Pradyumna, the lord of Saubha resorted to a dreadful demonic illusion and loosed his arrows.

Verse 17 (3.19.17)

प्रयुज्यमानमाज्ञाय दैतेयास्त्रं महाबलम् । ब्रह्मास्त्रेणान्तरा च्छित्त्वा मुमोचान्यान्पतत्रिणः ॥

prayujyamānamājñāya daiteyāstraṃ mahābalam | brahmāstreṇāntarā cchittvā mumocānyānpatatriṇaḥ

Seeing the mighty weapon of the Daityas being launched, he cut it apart in mid-air with the Brahma weapon and loosed other winged arrows.

Note on the text: Corrected च्छित्त्वामुमोचान्यन्पतस्त्रिणः → च्छित्त्वा मुमोचान्यान्पतत्रिणः (misprints in Wikisource: word division, अन्यन् for अन्यान्, and पतस्त्रिणः for पतत्रिणः; the critical edition reads mumocānyān patatriṇaḥ).

Verse 18 (3.19.18)

ते तदस्त्रं विधूयाशु विव्यधू रुधिराशनाः । शिरस्युरसि वक्त्रे च स मुमोह पपात च ॥

te tadastraṃ vidhūyāśu vivyadhū rudhirāśanāḥ | śirasyurasi vaktre ca sa mumoha papāta ca

Those blood-drinking arrows swiftly scattered that weapon and pierced Shalva in the head, the chest and the face; he swooned and fell.

Note on the text: Corrected वक्रे → वक्त्रे (misprint in Wikisource; वक्र 'crooked' for वक्त्र 'face'; the critical edition reads vaktre).

Verse 19 (3.19.19)

तस्मिन्निपतिते क्षुद्रे साल्वे बाणप्रपीडिते । रौक्मिणेयोऽपरं बाणं संदधे शत्रुतापनः ॥

tasminnipatite kṣudre sālve bāṇaprapīḍite | raukmiṇeyo'paraṃ bāṇaṃ saṃdadhe śatrutāpanaḥ

When the base Shalva had fallen, tormented by the arrows, the son of Rukmini, scorcher of foes, fitted another arrow to his bow.

Note on the text: Corrected शत्रतापनः → शत्रुतापनः (misprint in Wikisource; dropped u-sign).

Verse 20 (3.19.20)

तमर्चितं सर्वदाशार्हपूगै- । राशीर्भिरर्कज्वलनप्रकाशम् । दृष्ट्वा शरं ज्यामभिनीयमानं । बभूव हाहाकृतमन्तरिक्षम् ॥

tamarcitaṃ sarvadāśārhapūgai- | rāśīrbhirarkajvalanaprakāśam | dṛṣṭvā śaraṃ jyāmabhinīyamānaṃ | babhūva hāhākṛtamantarikṣam

When they saw that arrow being drawn to the bowstring, honoured by all the hosts of the Dasharhas with blessings and blazing like the sun and fire, a cry of dismay rose through the sky.

Verse 21 (3.19.21)

ततो देवगणाः सर्वे सेन्द्राः सहधनेश्वराः । नारदं प्रेषयामासुः श्वसनं च मनोजवम् ॥

tato devagaṇāḥ sarve sendrāḥ sahadhaneśvarāḥ | nāradaṃ preṣayāmāsuḥ śvasanaṃ ca manojavam

Then all the hosts of the gods, with Indra and with the Lord of Wealth, sent Narada and the Wind god, swift as thought.

Note on the text: Corrected प्रेषयामासु- → प्रेषयामासुः (misprint in Wikisource; hyphen in place of visarga).

Verse 22 (3.19.22)

तौ रौक्मिणेयमागम्य वचोऽब्रूतां दिवौकसाम् । नैव वध्यस्त्वया वीर साल्वराजः कथंचन ॥

tau raukmiṇeyamāgamya vaco'brūtāṃ divaukasām | naiva vadhyastvayā vīra sālvarājaḥ kathaṃcana

The two came to the son of Rukmini and gave him the message of the heaven-dwellers: "O hero, King Shalva must on no account be killed by you.

Verse 23 (3.19.23)

संहरस्व पुनर्बाणमवध्योऽयं त्वया रणे । एतस्य च शरस्याजौ नावध्योऽस्ति पुमान्क्वचित् ॥

saṃharasva punarbāṇamavadhyo'yaṃ tvayā raṇe | etasya ca śarasyājau nāvadhyo'sti pumānkvacit

Take the arrow back again; he is not to be slain by you in battle. Yet there is no man anywhere in battle whom this arrow could not kill.

Note on the text: Corrected नावध्योस्ति → नावध्योऽस्ति (misprint in Wikisource; missing avagraha).

Verse 24 (3.19.24)

मृत्युरस्य महाबाहो रणे देवकिनन्दनः । कृष्णः संकल्पितो धात्रा तन्मिथ्या न भवेदिति ॥

mṛtyurasya mahābāho raṇe devakinandanaḥ | kṛṣṇaḥ saṃkalpito dhātrā tanmithyā na bhavediti

The Creator has ordained that his death in battle shall come from Krishna, son of Devaki, mighty-armed one, and that cannot be made false."

Verse 25 (3.19.25)

ततः परमसंहृष्टः प्रद्युम्नः शरमुत्तमम् । संजहार धनुःश्रेष्ठात्तूणे चैव न्यवेशयत् ॥

tataḥ paramasaṃhṛṣṭaḥ pradyumnaḥ śaramuttamam | saṃjahāra dhanuḥśreṣṭhāttūṇe caiva nyaveśayat

Then, greatly delighted, Pradyumna took that excellent arrow back from his fine bow and laid it in his quiver.

Verse 26 (3.19.26)

तत उत्थाय राजेन्द्र साल्वः परमदुर्मनाः । व्यपायात्सबलस्तूर्णं प्रद्युम्नशरपीडितः ॥

tata utthāya rājendra sālvaḥ paramadurmanāḥ | vyapāyātsabalastūrṇaṃ pradyumnaśarapīḍitaḥ

Then, O king of kings, Shalva rose, deeply dejected, and, tormented by Pradyumna's arrows, quickly withdrew with his army.

Verse 27 (3.19.27)

स द्वारकां परित्यज्य साल्वो वृष्णिभिरर्दितः । सौभमास्थाय राजेन्द्र दिवमाचक्रमे तदा ॥

sa dvārakāṃ parityajya sālvo vṛṣṇibhirarditaḥ | saubhamāsthāya rājendra divamācakrame tadā

Harried by the Vrishnis, Shalva abandoned Dvaraka, and mounting Saubha, O king of kings, he rose into the sky.

Note on the text: Corrected वृष्णिभिरार्दितः → वृष्णिभिरर्दितः (misprint in Wikisource; the participle is अर्दित, as in the critical edition's arditaḥ).