Skanda Slays Mahisha

Verse 1 (3.232.1)

यदाऽभिषिक्तो भगवान्सैनापत्ये तु पावकिः । तदा संप्रस्थितः श्रीमान्हृष्टो भद्रवटं हरः ॥

yadā'bhiṣikto bhagavānsaināpatye tu pāvakiḥ | tadā saṃprasthitaḥ śrīmānhṛṣṭo bhadravaṭaṃ haraḥ

When the blessed son of Pavaka had been consecrated as commander of the army, the glorious Hara set out in delight for Bhadravata,

Note on the text: This verse is CE 3.221.1a–c; the critical edition's third line (3.221.1e) opens Wikisource's verse 2. सैनापत्ये तु for senāpatyena is a recension variant.

Verse 2 (3.232.2)

रथेनादित्यवर्णेन पार्वत्या सहितः प्रभुः । अनुयातः सुरैः सर्वैः सहस्राक्षपुरोगमैः ॥

rathenādityavarṇena pārvatyā sahitaḥ prabhuḥ | anuyātaḥ suraiḥ sarvaiḥ sahasrākṣapurogamaiḥ

the lord with Parvati, in a chariot the colour of the sun, followed by all the gods with thousand-eyed Indra at their head.

Note on the text: Removed the stray wiki marks (` and ') that Wikisource uses to set off an added line. The first line is CE 3.221.1e; the second is not in the critical edition's text (found in the vulgate recension; its apparatus gives it as 3.221.1f*1082).

Verse 3 (3.232.3)

सहस्रं तस्य सिंहानां तस्मिन्युक्तं रथोत्तमे । उत्पपात दिवं शुभ्रं कालेनाभिप्रचोदितम् ॥

sahasraṃ tasya siṃhānāṃ tasminyuktaṃ rathottame | utpapāta divaṃ śubhraṃ kālenābhipracoditam

A thousand lions were yoked to that splendid chariot; urged on by Time, it flew up into the bright sky.

Verse 4 (3.232.4)

ते पिबन्त इवाकाशं त्रासयन्तश्चराचरान् । सिंहा नभस्यगच्छन्त नदन्तश्चारुकेसराः ॥

te pibanta ivākāśaṃ trāsayantaścarācarān | siṃhā nabhasyagacchanta nadantaścārukesarāḥ

Roaring, the lions with their beautiful manes went through the sky as if they were drinking up the heavens, terrifying all things moving and unmoving.

Note on the text: Corrected त्रासयन्तक्षराचरान् → त्रासयन्तश्चराचरान् (misprint in Wikisource; "terrifying the moving and unmoving", as the critical edition's trāsayantaś carācarān). Also restored a word space (तेपिबन्त → ते पिबन्त).

Verse 5 (3.232.5)

तस्मिन्रथे पशुपतिः स्थितो भात्युमया सह । विद्युता सहितः सूर्यः सेन्द्रचापे घने यथा ॥

tasminrathe paśupatiḥ sthito bhātyumayā saha | vidyutā sahitaḥ sūryaḥ sendracāpe ghane yathā

Standing on that chariot with Uma, Pashupati shone like the sun with lightning in a cloud that bears Indra's bow.

Verse 6 (3.232.6)

अग्रतस्तस्य भगवान्धनेशो गुह्यकैः सह । आस्थाय रुचिरं याति पुष्पकं नरवाहनः ॥

agratastasya bhagavāndhaneśo guhyakaiḥ saha | āsthāya ruciraṃ yāti puṣpakaṃ naravāhanaḥ

Ahead of him went the blessed lord of wealth, who is borne by men, with his guhyakas, riding the lovely Pushpaka.

Verse 7 (3.232.7)

ऐरावतं समास्थाय शक्रश्चापि सुरैः सह । पृष्ठतोऽनुययौ यान्तं वरदं वृषभध्वजम् ॥

airāvataṃ samāsthāya śakraścāpi suraiḥ saha | pṛṣṭhato'nuyayau yāntaṃ varadaṃ vṛṣabhadhvajam

Shakra too, mounted on Airavata with the gods, followed behind the bull-bannered giver of boons as he went.

Verse 8 (3.232.8)

जृम्भकैर्यक्षरक्षोभिः स्रग्विभिः समलंकृतः । यात्यमोघो महायक्षो दक्षिणं पक्षमास्थितः ॥

jṛmbhakairyakṣarakṣobhiḥ sragvibhiḥ samalaṃkṛtaḥ | yātyamogho mahāyakṣo dakṣiṇaṃ pakṣamāsthitaḥ

Adorned with garlands, the great yaksha Amogha went on the right flank, with the jrimbhakas and the yakshas and rakshasas.

Verse 9 (3.232.9)

तस्य दक्षिणतो देवा बहवश्चित्रयोधिनः । गच्छन्ति वसुभिः सार्धं रुद्रैश्च सह संगताः ॥

tasya dakṣiṇato devā bahavaścitrayodhinaḥ | gacchanti vasubhiḥ sārdhaṃ rudraiśca saha saṃgatāḥ

To his right went many gods who fight in wondrous ways, together with the Vasus and joined by the Rudras.

Verse 10 (3.232.10)

यमश्च मृत्युना सार्धं सर्वतः परिवारितः । घोरैर्व्याधिशतैर्याति घोररूपवपुस्तथा ॥

yamaśca mṛtyunā sārdhaṃ sarvataḥ parivāritaḥ | ghorairvyādhiśatairyāti ghorarūpavapustathā

Yama went with Death, surrounded on every side by hundreds of dreadful diseases, his form terrible.

Verse 11 (3.232.11)

यमस्य पृष्ठतश्चैव घोरस्त्रिशिखरः शितः । विजयो नाम रुद्रस्य याति शूलः स्वलंकृतः ॥

yamasya pṛṣṭhataścaiva ghorastriśikharaḥ śitaḥ | vijayo nāma rudrasya yāti śūlaḥ svalaṃkṛtaḥ

Behind Yama went Rudra's dreadful, sharp, three-pointed spear named Vijaya, finely adorned.

Note on the text: Corrected रघोरस् → घोरस् (misprint in Wikisource; a stray akshara; "dreadful", as the critical edition's ghoras, which also restores the metre).

Verse 12 (3.232.12)

तमुग्रपाशो वरुणो भगवान्सलिलेश्वरः । परिवार्य शनैर्याति यादोभिर्विविधैर्वृतः ॥

tamugrapāśo varuṇo bhagavānsalileśvaraḥ | parivārya śanairyāti yādobhirvividhairvṛtaḥ

Varuna, the blessed lord of the waters, holder of the fierce noose, went slowly, keeping close about it, surrounded by sea creatures of many kinds.

Verse 13 (3.232.13)

पृष्ठतोविजयस्यापि याति रुद्रस्य पट्टसः । गदामुसलशक्त्याद्यैर्वृतः प्रहरणोत्तमैः ॥

pṛṣṭhatovijayasyāpi yāti rudrasya paṭṭasaḥ | gadāmusalaśaktyādyairvṛtaḥ praharaṇottamaiḥ

Behind Vijaya went Rudra's pattisa, surrounded by the finest weapons: maces, clubs, spears and others.

Verse 14 (3.232.14)

पट्टसं त्वन्वगाद्राजंश्छत्रं रौद्रं महाप्रभम् । कमण्डलुश्चाप्यनु तं महर्षिगणसेवितः ॥

paṭṭasaṃ tvanvagādrājaṃśchatraṃ raudraṃ mahāprabham | kamaṇḍaluścāpyanu taṃ maharṣigaṇasevitaḥ

After the pattisa, O king, came Rudra's umbrella, of great radiance, and after it his water-pot, attended by hosts of great sages.

Verse 15 (3.232.15)

तस्य दक्षिणतो भाति दण्डो गच्छञ्श्रिया वृतः । भृग्वङ्गिरोभिः सहितो दैवतैश्चानुपूजितः ॥

tasya dakṣiṇato bhāti daṇḍo gacchañśriyā vṛtaḥ | bhṛgvaṅgirobhiḥ sahito daivataiścānupūjitaḥ

To its right shone the Staff, moving along wrapped in splendour, accompanied by the Bhrigus and Angirases and honoured by the gods.

Note on the text: Corrected दैधतैश् → दैवतैश् (misprint in Wikisource; "by the gods"; the critical edition reads devaiś cāpy abhipūjitaḥ).

Verse 16 (3.232.16)

एषां तु पृष्ठतो रुद्रो विमले स्यन्दने स्थितः । याति संहर्षयन्सर्वांस्तेजसा त्रिदिवौकसः ॥

eṣāṃ tu pṛṣṭhato rudro vimale syandane sthitaḥ | yāti saṃharṣayansarvāṃstejasā tridivaukasaḥ

Behind these went Rudra, standing in a spotless chariot, gladdening all the dwellers of heaven with his radiance.

Verse 17 (3.232.17)

ऋषयश्चापि देवाश्च गन्धर्वा भुजगास्तथा । नद्यो ह्रदाःसमुद्राश्चतथैवाप्सरसां गणाः ॥

ṛṣayaścāpi devāśca gandharvā bhujagāstathā | nadyo hradāḥsamudrāścatathaivāpsarasāṃ gaṇāḥ

The sages and the gods, the gandharvas and the serpents, the rivers, lakes and oceans, and the hosts of apsarases,

Verse 18 (3.232.18)

नक्षत्राणि ग्रहाश्चैवदेवानां शिशवश्च ये । स्त्रियश्च विविधाकारा यान्ति रुद्रस्य पृष्ठतः ॥

nakṣatrāṇi grahāścaivadevānāṃ śiśavaśca ye | striyaśca vividhākārā yānti rudrasya pṛṣṭhataḥ

the stars and the planets, the children of the gods, and women of many forms went behind Rudra.

Note on the text: This verse is CE 3.221.17a–c; the critical edition's third line (3.221.17e) opens Wikisource's verse 19.

Verse 19 (3.232.19)

सृजन्त्यः पुष्पवर्षाणि चारुरूपा वराङ्गनाः । पर्जन्यश्चाप्यनुययौ नमस्कृत्य पिनाकिनम् ॥

sṛjantyaḥ puṣpavarṣāṇi cārurūpā varāṅganāḥ | parjanyaścāpyanuyayau namaskṛtya pinākinam

Lovely women of beautiful form went scattering showers of flowers. Parjanya too followed, after bowing to the bearer of Pinaka.

Note on the text: The first line is CE 3.221.17e and the second is CE 3.221.18a (Wikisource divides the lines differently).

Verse 20 (3.232.20)

छत्रं च पाण्डुरं सोमस्तस्य मूर्धन्यधारयत् । चामरे चापि वायुश्च गृहीत्वाऽग्निश्च विष्ठितौ ॥

chatraṃ ca pāṇḍuraṃ somastasya mūrdhanyadhārayat | cāmare cāpi vāyuśca gṛhītvā'gniśca viṣṭhitau

Soma held a white umbrella over his head, and Vayu and Agni stood by, holding the two yak-tail whisks.

Note on the text: Corrected धिष्ठितौ → विष्ठितौ (misprint in Wikisource; "stood by", as the critical edition's viṣṭhitau). This verse is CE 3.221.18c–e (Wikisource divides the lines differently).

Verse 21 (3.232.21)

शक्रश्च पृष्ठतस्तस्य याति राजञ्छ्रिया वृतः । सहराजर्षिभिः सर्वैः स्तुवानो वृषकेतनम् ॥

śakraśca pṛṣṭhatastasya yāti rājañchriyā vṛtaḥ | saharājarṣibhiḥ sarvaiḥ stuvāno vṛṣaketanam

Behind him went Shakra, O king, wrapped in splendour, with all the royal sages, praising the bull-bannered god.

Verse 22 (3.232.22)

गौरी विद्याऽथ गान्धारी केशिनी मित्रसाह्वया । सावित्र्या सह सर्वास्ताः पार्वत्या यान्ति पृष्ठतः ॥

gaurī vidyā'tha gāndhārī keśinī mitrasāhvayā | sāvitryā saha sarvāstāḥ pārvatyā yānti pṛṣṭhataḥ

Gauri, Vidya, Gandhari, Keshini and the one called Mitra, together with Savitri: all of these went behind Parvati.

Verse 23 (3.232.23)

तत्र विद्यागणाः सर्वेये केचित्कविभिः स्मृताः । तस्य कुर्वन्ति वचनं सेन्द्रा देवाश्चमूमुखे ॥

tatra vidyāgaṇāḥ sarveye kecitkavibhiḥ smṛtāḥ | tasya kurvanti vacanaṃ sendrā devāścamūmukhe

There went all the hosts of the sacred lores that the poets have handed down; and the gods with Indra carried out his command at the head of the host.

Verse 24 (3.232.24)

गृहीत्वा तु पताकां वै यात्यग्रे राक्षसो ग्रहः । व्यापृतस्तु श्मशाने यो नित्यं रुद्रस्य वै सखा । पिङ्गलो नाम यक्षेन्द्रो लोकस्यानन्ददायकः ॥

gṛhītvā tu patākāṃ vai yātyagre rākṣaso grahaḥ | vyāpṛtastu śmaśāne yo nityaṃ rudrasya vai sakhā | piṅgalo nāma yakṣendro lokasyānandadāyakaḥ

Holding the banner, the rakshasa Graha went in front: he who is ever busy in the cremation ground and is Rudra's friend, the lord of yakshas named Pingala, who brings joy to the world.

Note on the text: Corrected रुद्रस् → रुद्रस्य (misprint in Wikisource; a dropped akshara, as the critical edition's rudrasya).

Verse 25 (3.232.25)

एभिश्च सहितो देवस्तत्रयाति यथासुखम् । अग्रतः पृष्ठतश्चैवं न हि तस्य गतिर्ध्रुवा ॥

ebhiśca sahito devastatrayāti yathāsukham | agrataḥ pṛṣṭhataścaivaṃ na hi tasya gatirdhruvā

With these the god went there at his ease, now ahead and now behind, for his course is never fixed.

Note on the text: Corrected एबिश्च → एभिश्च and पृष्ठतस्चैवं → पृष्ठतश्चैवं (misprints in Wikisource; "with these" and a broken sandhi, as the critical edition's ebhiḥ and pṛṣṭhataś).

Verse 26 (3.232.26)

रुद्रं सत्कर्मभिर्मर्त्याः पूजयन्तीह दैवतम् । शिवमित्येव यं प्राहुरीशं रुद्रं पिनाकिनम् ॥

rudraṃ satkarmabhirmartyāḥ pūjayantīha daivatam | śivamityeva yaṃ prāhurīśaṃ rudraṃ pinākinam

Mortals here worship Rudra as their god with good deeds: he whom they call Shiva, the Lord, Rudra, the bearer of Pinaka.

Note on the text: This verse is CE 3.221.24a–c; the critical edition's third line (3.221.24e) closes Wikisource's verse 27.

Verse 27 (3.232.27)

एवं सर्वे सुरगणास्तदा वै प्रीतमानसाः । भावैस्तु विविधाकारैः पूजयन्ति महेश्वरम् ॥

evaṃ sarve suragaṇāstadā vai prītamānasāḥ | bhāvaistu vividhākāraiḥ pūjayanti maheśvaram

So all the hosts of the gods, glad at heart, then worshipped Maheshvara with devotions of many kinds.

Note on the text: Removed the stray wiki marks (` and ') that Wikisource uses to set off an added line. The first line is not in the critical edition's text (found in the vulgate recension; its apparatus gives it as 3.221.24d*1084); the second is CE 3.221.24e.

Verse 28 (3.232.28)

देवसेनापतिस्त्वेवं देवसेनाभिरावृतः । अनुगच्छति देवेशं ब्रह्मण्यः कृत्तिकासुतः ॥

devasenāpatistvevaṃ devasenābhirāvṛtaḥ | anugacchati deveśaṃ brahmaṇyaḥ kṛttikāsutaḥ

And so the commander of the gods' army, surrounded by the divine hosts, the son of the Krittikas, devoted to the brahmins, followed the lord of the gods.

Note on the text: Corrected कदेवसेनापतिस्त्वं → देवसेनापतिस्त्वेवं and अनुदच्छति → अनुगच्छति (misprints in Wikisource; a stray initial क and a garbled त्वेवं "and so", and "follows", as the critical edition's devasenāpatis tv evaṃ … anugacchati).

Verse 29 (3.232.29)

अथाब्रवीन्महासेनं महादेवो बृहद्वचः । सप्तमं मारुतस्कन्धं रक्ष नित्यमतन्द्रितः ॥

athābravīnmahāsenaṃ mahādevo bṛhadvacaḥ | saptamaṃ mārutaskandhaṃ rakṣa nityamatandritaḥ

Then Mahadeva spoke weighty words to Mahasena: "Guard the seventh region of the winds always, without wearying."

Verse 30 (3.232.30)

सप्तमं मारुतस्कन्धं पालयिष्याम्यहं प्रभो । यदन्यदपि मे कार्यं देव तद्वद माचिरम् ॥

saptamaṃ mārutaskandhaṃ pālayiṣyāmyahaṃ prabho | yadanyadapi me kāryaṃ deva tadvada māciram

I will guard the seventh region of the winds, my lord. Tell me at once, O god, whatever other task there is for me.

Verse 31 (3.232.31)

कार्येष्वहं त्वया पुत्र संद्रष्टव्यः सदैव हि । दर्शनान्मम भक्त्या च श्रेयः परमवाप्स्यसि ॥

kāryeṣvahaṃ tvayā putra saṃdraṣṭavyaḥ sadaiva hi | darśanānmama bhaktyā ca śreyaḥ paramavāpsyasi

In all your tasks, my son, you must always look to me. Through seeing me and through devotion you will gain the highest good.

Verse 32 (3.232.32)

इत्युक्त्वा विससर्जैनं परिष्वज्य महेश्वरः । स्कन्दं सहोमया प्रीतो ज्वलन्तमिव तेजसा ॥

ityuktvā visasarjainaṃ pariṣvajya maheśvaraḥ | skandaṃ sahomayā prīto jvalantamiva tejasā

Having said this, Maheshvara embraced him and, pleased, together with Uma, sent off Skanda, who blazed as if on fire with energy.

Note on the text: Corrected परिष्यज्य → परिष्वज्य (misprint in Wikisource; "embracing", as the critical edition's pariṣvajya). Removed the stray wiki marks (` and ') that Wikisource uses to set off an added line. The first line is CE 3.221.29a; the second is not in the critical edition's text (found in the vulgate recension; its apparatus gives it as 3.221.29b*1085).

Verse 33 (3.232.33)

विसर्जिते ततः स्कन्दे बभूवौत्पातिकं महत् । सहसैव महाराजदेवान्सर्वान्प्रमोहयत् ॥

visarjite tataḥ skande babhūvautpātikaṃ mahat | sahasaiva mahārājadevānsarvānpramohayat

As soon as Skanda had been sent off, a great portent arose all at once, O great king, which bewildered all the gods.

Note on the text: This verse is CE 3.221.29c–e (Wikisource divides the lines differently).

Verse 34 (3.232.34)

जज्वाल खं सनक्षत्रं प्रमूढं भुवनं भृशम् । चचाल व्यनदच्चोर्वी तमोभूतं जगत्प्रभो ॥

jajvāla khaṃ sanakṣatraṃ pramūḍhaṃ bhuvanaṃ bhṛśam | cacāla vyanadaccorvī tamobhūtaṃ jagatprabho

The sky with its stars blazed; the world was utterly confounded; the earth shook and roared, and the universe turned to darkness, my lord.

Note on the text: Corrected स्वं → खं (misprint in Wikisource; "the sky", as the critical edition's khaṃ; स्व and ख are a common confusion).

Verse 35 (3.232.35)

ततस्तद्दारुणं दृष्ट्वा क्षुभितः शंकरस्तदा । उमा चैवमहाभाग देवाश्च समहर्षयः ॥

tatastaddāruṇaṃ dṛṣṭvā kṣubhitaḥ śaṃkarastadā | umā caivamahābhāga devāśca samaharṣayaḥ

Seeing that dreadful sight, Shankara was shaken, and so was Uma, O fortunate one, and the gods with the great sages.

Verse 36 (3.232.36)

ततस्तेषु प्रमूढेषु पर्वताम्बुदसन्निभम् । नानाप्रहरणं घोरमदृश्यत महद्बलम् ॥

tatasteṣu pramūḍheṣu parvatāmbudasannibham | nānāpraharaṇaṃ ghoramadṛśyata mahadbalam

Then, while they were bewildered, a great and dreadful army appeared, like mountains and clouds, bearing weapons of many kinds.

Verse 37 (3.232.37)

तद्वै घोरमसङ्ख्येयं गर्जच्च विविधा गिरः । अभ्यद्रवद्रणे देवान्भगवन्तं च शंकरम् ॥

tadvai ghoramasaṅkhyeyaṃ garjacca vividhā giraḥ | abhyadravadraṇe devānbhagavantaṃ ca śaṃkaram

That dreadful, countless host, roaring in many voices, rushed in battle upon the gods and upon blessed Shankara.

Note on the text: Corrected रणए → रणे (misprint in Wikisource; "in battle", as the critical edition's raṇe).

Verse 38 (3.232.38)

तैर्विसृष्टान्यनीकेषु बाणजालान्यनेकशः । पर्वताश्च शतघ्न्यश्च प्रासासिपरिघा गदाः ॥

tairvisṛṣṭānyanīkeṣu bāṇajālānyanekaśaḥ | parvatāśca śataghnyaśca prāsāsiparighā gadāḥ

Upon the ranks they loosed nets of arrows again and again, and rocks and shataghnis, darts, swords, iron bars and maces.

Verse 39 (3.232.39)

निपतद्भिश्च तैर्घोरैर्देवानीकं महायुधैः । क्षणेन व्यद्रवत्सर्वं विमुखं चाप्यदृश्यत ॥

nipatadbhiśca tairghorairdevānīkaṃ mahāyudhaiḥ | kṣaṇena vyadravatsarvaṃ vimukhaṃ cāpyadṛśyata

As those dreadful great weapons fell, the whole army of the gods fled in a moment and was seen turned in flight.

Verse 40 (3.232.40)

निकृत्तयोधनागाश्वं कृत्तायुधमहारथम् । दानवैरर्दितं सैन्यं देवानां विमुखं बभौ ॥

nikṛttayodhanāgāśvaṃ kṛttāyudhamahāratham | dānavairarditaṃ sainyaṃ devānāṃ vimukhaṃ babhau

Its warriors, elephants and horses cut down, its weapons and great chariots shattered, the army of the gods, harried by the danavas, was seen in rout.

Verse 41 (3.232.41)

असुरैर्वध्यमानं तत्पावकैरिव काननम् । अपतद्दग्धभूयिष्ठं महाद्रुमवनं तथा ॥

asurairvadhyamānaṃ tatpāvakairiva kānanam | apataddagdhabhūyiṣṭhaṃ mahādrumavanaṃ tathā

Slaughtered by the asuras, it fell like a forest of great trees mostly burnt up by fires.

Verse 42 (3.232.42)

ते विभिन्नशिरोदेहाः प्राद्रवन्तो दिवौकसः । न नाथमधिगच्छन्ति वध्यमाना महारणे ॥

te vibhinnaśirodehāḥ prādravanto divaukasaḥ | na nāthamadhigacchanti vadhyamānā mahāraṇe

The dwellers of heaven, their heads and bodies split, ran away; being slain in that great battle, they found no protector.

Verse 43 (3.232.43)

अथ तद्विद्रुतं सैन्यं दृष्ट्वा देवः पुरंदरः । आश्वासयन्नुवाचेदं बलभिद्दानवार्दितम् ॥

atha tadvidrutaṃ sainyaṃ dṛṣṭvā devaḥ puraṃdaraḥ | āśvāsayannuvācedaṃ balabhiddānavārditam

Then, seeing that army in flight, harried by the danavas, the god Purandara, the slayer of Bala, spoke these words to comfort it:

Verse 44 (3.232.44)

भयं त्यजत भद्रं वः शूराः शस्त्राणि गृह्णत । कुरुध्वंविक्रमे बुद्धिं मा वः काचिद्व्यथा भवेत् ॥

bhayaṃ tyajata bhadraṃ vaḥ śūrāḥ śastrāṇi gṛhṇata | kurudhvaṃvikrame buddhiṃ mā vaḥ kācidvyathā bhavet

"Cast off fear, heroes, and good fortune be with you; take up your weapons! Set your minds on valour; let no distress come upon you.

Note on the text: Speaker: Indra's speech, introduced in verse 43, fills this whole verse (no heading in Wikisource, which carries on मार्कण्डेय). Corrected भद्रं व → भद्रं वः (misprint in Wikisource; a dropped visarga, as the critical edition's bhadraṃ vaḥ).

Verse 45 (3.232.45)

जयतैनान्सुदुर्वृत्तान्दानवान्घोरदर्शनान् । अभिद्रवत भद्रं वो मया सह महासुरान् ॥

jayatainānsudurvṛttāndānavānghoradarśanān | abhidravata bhadraṃ vo mayā saha mahāsurān

Conquer these utterly wicked danavas of dreadful aspect! Charge with me against the great asuras, and good fortune be with you!"

Note on the text: Speaker: Indra's speech, introduced in verse 43, fills this whole verse (no heading in Wikisource, which carries on मार्कण्डेय). Corrected जयतैनाम् → जयतैनान् (misprint in Wikisource; "conquer these", as the critical edition's jayatainān).

Verse 46 (3.232.46)

शक्रस्य वचनं श्रुत्वा समाश्वस्ता दिवौकसः । दानवान्प्रत्ययुध्यन्त शक्रं कृत्वा व्यपाश्रयम् ॥

śakrasya vacanaṃ śrutvā samāśvastā divaukasaḥ | dānavānpratyayudhyanta śakraṃ kṛtvā vyapāśrayam

Hearing Shakra's words, the dwellers of heaven took heart, and, making Shakra their refuge, fought back against the danavas.

Note on the text: Corrected शक्रस् → शक्रस्य (misprint in Wikisource; a dropped akshara, as the critical edition's śakrasya).

Verse 47 (3.232.47)

ततस्ते त्रिदशाः सर्वेमरुतश्च महाबलाः । प्रत्युद्ययुर्महाभागाः साध्याश्च वसुभिः सह ॥

tataste tridaśāḥ sarvemarutaśca mahābalāḥ | pratyudyayurmahābhāgāḥ sādhyāśca vasubhiḥ saha

Then all the thirty gods and the mighty Maruts, and the illustrious Sadhyas with the Vasus, advanced to meet them.

Verse 48 (3.232.48)

तैर्विसृष्टान्यनीकेषु क्रुद्धैः शस्त्राणि संयुगे । शराश्च दैत्यकायेषु पिबन्ति रुधिरं बहु ॥

tairvisṛṣṭānyanīkeṣu kruddhaiḥ śastrāṇi saṃyuge | śarāśca daityakāyeṣu pibanti rudhiraṃ bahu

The weapons they loosed in anger on the enemy ranks in battle, and their arrows, drank much blood from the bodies of the daityas.

Verse 49 (3.232.49)

तेषां देहान्विनिर्भिद्य शरास्ते निशितास्तदा । निपतन्तोऽभ्यदृश्यन्त नगेभ्य इव पन्नगाः ॥

teṣāṃ dehānvinirbhidya śarāste niśitāstadā | nipatanto'bhyadṛśyanta nagebhya iva pannagāḥ

Piercing through their bodies, those sharp arrows were seen falling out of them like serpents from mountains.

Verse 50 (3.232.50)

तानि दैत्यशरीराणि निर्भिन्नानिस्म सायकैः । अपतन्भूतलेराजंश्छिन्नाभ्राणीव सर्वशः ॥

tāni daityaśarīrāṇi nirbhinnānisma sāyakaiḥ | apatanbhūtalerājaṃśchinnābhrāṇīva sarvaśaḥ

The bodies of the daityas, pierced by the shafts, fell to the ground on every side, O king, like clouds torn apart.

Verse 51 (3.232.51)

ततस्तद्दानवं सैन्यं सर्वैर्देवगणैर्युधि । त्रासितं विविधैर्बाणैः कृतंचैव पराङ्मुखम् ॥

tatastaddānavaṃ sainyaṃ sarvairdevagaṇairyudhi | trāsitaṃ vividhairbāṇaiḥ kṛtaṃcaiva parāṅmukham

Then all the hosts of the gods terrified the danava army in battle with arrows of many kinds and put it to flight.

Note on the text: Corrected पराङ्युखम् → पराङ्मुखम् (misprint in Wikisource; "turned away", as the critical edition's parāṅmukham).

Verse 52 (3.232.52)

अथोत्क्रुष्टं तदा हृष्टैः सर्वैर्देवैरुदायुधैः । संहतानि च तूर्याणि प्रावाद्यन्त ह्यनेकशः ॥

athotkruṣṭaṃ tadā hṛṣṭaiḥ sarvairdevairudāyudhaiḥ | saṃhatāni ca tūryāṇi prāvādyanta hyanekaśaḥ

Then all the gods, their weapons raised, shouted in joy, and the massed instruments were sounded again and again.

Verse 53 (3.232.53)

एवमन्योन्यसंयुक्तं युद्धमासीत्सुदारुणम् । देवानां दानवानां च मांसशोणितकर्दमम् ॥

evamanyonyasaṃyuktaṃ yuddhamāsītsudāruṇam | devānāṃ dānavānāṃ ca māṃsaśoṇitakardamam

So the battle between the gods and the danavas, locked together, became most dreadful, a mire of flesh and blood.

Note on the text: Corrected अन्योन्र → अन्योन्य (misprint in Wikisource; "with one another", as the critical edition's anyonya).

Verse 54 (3.232.54)

अनयो देवलोकस्य सहसैवाभ्यदृश्यत । तथा हि दानवा घोरा विनिघ्नन्ति दिवौकसः ॥

anayo devalokasya sahasaivābhyadṛśyata | tathā hi dānavā ghorā vinighnanti divaukasaḥ

Suddenly ruin for the world of the gods came into view, for the dreadful danavas were slaughtering the dwellers of heaven.

Note on the text: Corrected तथहि → तथा हि (misprint in Wikisource; "for so", as the critical edition's tathā hi).

Verse 55 (3.232.55)

ततस्तूर्यप्रणादाश्च भेरीणां च महास्वनाः । बभूवुर्दानवेन्द्राणां सिंहनादाश्च दारुणाः ॥

tatastūryapraṇādāśca bherīṇāṃ ca mahāsvanāḥ | babhūvurdānavendrāṇāṃ siṃhanādāśca dāruṇāḥ

Then came the blare of trumpets and the great booming of kettledrums, and the dreadful lion-roars of the danava lords.

Verse 56 (3.232.56)

अथ दैत्यबलाद्घोरान्निष्पपात महाबलः । दानवो महिषो नाम प्रगृह्य विपुलं गिरिम् ॥

atha daityabalādghorānniṣpapāta mahābalaḥ | dānavo mahiṣo nāma pragṛhya vipulaṃ girim

Then from the dreadful daitya host there leapt out a mighty danava named Mahisha, grasping a huge mountain.

Verse 57 (3.232.57)

ते तं घनैरिवादित्यं दृष्ट्वासंपरिवारितम् । तमुद्यतगिरिं राजन्व्यद्रवन्त दिवौकसः ॥

te taṃ ghanairivādityaṃ dṛṣṭvāsaṃparivāritam | tamudyatagiriṃ rājanvyadravanta divaukasaḥ

Seeing him with the mountain raised, like the sun hemmed in by clouds, the dwellers of heaven fled, O king.

Note on the text: Corrected धनैरिव → घनैरिव (misprint in Wikisource; "as by clouds", as the critical edition's ghanair iva).

Verse 58 (3.232.58)

अथाभिद्रुत्य महिषो देवांश्चिक्षेप तं गिरिम् । महाकायं महाराज सतोयमिव तोयदम् ॥

athābhidrutya mahiṣo devāṃścikṣepa taṃ girim | mahākāyaṃ mahārāja satoyamiva toyadam

Charging, Mahisha hurled that mountain at the gods, a huge one, O great king, like a cloud full of rain.

Note on the text: Removed the stray wiki marks (` and ') that Wikisource uses to set off an added line. The first line is CE 3.221.54a; the second is not in the critical edition's text (found in the vulgate recension; its apparatus gives it as 3.221.54b*1086).

Verse 59 (3.232.59)

पतता तेन गिरिणा देवसैन्यस्य पार्थिव । भीमरूपेण निहतमयुतं प्रापतद्भुवि ॥

patatā tena giriṇā devasainyasya pārthiva | bhīmarūpeṇa nihatamayutaṃ prāpatadbhuvi

Struck down by that falling mountain of fearful form, ten thousand of the army of the gods fell to the ground, O lord of the earth.

Note on the text: Corrected देवसैन्यस् → देवसैन्यस्य (misprint in Wikisource; a dropped akshara, as the critical edition's devasainyasya). This verse is CE 3.221.54c–e (Wikisource divides the lines differently).

Verse 60 (3.232.60)

अथ तैर्दानवैः सार्धं महिषस्त्रासयन्सुरान् । अभ्यद्रवद्रणे तूर्णं सिंहः क्षुद्रमृगानिव ॥

atha tairdānavaiḥ sārdhaṃ mahiṣastrāsayansurān | abhyadravadraṇe tūrṇaṃ siṃhaḥ kṣudramṛgāniva

Then Mahisha, with those danavas, terrifying the gods, charged swiftly in battle, like a lion upon small deer.

Verse 61 (3.232.61)

तमापतन्तं महिषं दृष्ट्वा सेन्द्रा दिवौकसः । व्यद्रवन्तरणे भीता विकीर्णायुधकेतनाः ॥

tamāpatantaṃ mahiṣaṃ dṛṣṭvā sendrā divaukasaḥ | vyadravantaraṇe bhītā vikīrṇāyudhaketanāḥ

Seeing Mahisha bearing down on them, the dwellers of heaven with Indra fled the field in fear, their weapons and banners scattered.

Note on the text: Corrected बीता → भीता (misprint in Wikisource; "afraid", as the critical edition's bhītā).

Verse 62 (3.232.62)

ततःस महिषः क्रुद्धस्तूर्णं रुद्ररथं ययौ । अभिद्रुत्य च जग्राह रुद्रस्य रथकूवरम् ॥

tataḥsa mahiṣaḥ kruddhastūrṇaṃ rudrarathaṃ yayau | abhidrutya ca jagrāha rudrasya rathakūvaram

Then that Mahisha, enraged, went swiftly to Rudra's chariot, and rushing at it seized the pole of Rudra's chariot.

Note on the text: Corrected रुद्रस् → रुद्रस्य (misprint in Wikisource; a dropped akshara, as the critical edition's rudrasya).

Verse 63 (3.232.63)

यदा रुद्ररथं क्रुद्धो महिषः सहसा गतः । रेसतू रोदसी गाढं मुमुहुश्च महर्षयः ॥

yadā rudrarathaṃ kruddho mahiṣaḥ sahasā gataḥ | resatū rodasī gāḍhaṃ mumuhuśca maharṣayaḥ

When Mahisha in his rage had suddenly reached Rudra's chariot, heaven and earth groaned deeply and the great sages fainted.

Note on the text: Corrected मुमुहुश् → मुमुहुश्च (misprint in Wikisource; a dropped akshara, as the critical edition's mumuhuś ca).

Verse 64 (3.232.64)

अनदंश्चमहाकाया दैत्या जलधरोपमाः । आसीच्चनिश्चितं तेषां जितमस्माभिरित्युत ॥

anadaṃścamahākāyā daityā jaladharopamāḥ | āsīccaniścitaṃ teṣāṃ jitamasmābhirityuta

The huge daityas, like rain clouds, roared, and they were sure that "We have won."

Verse 65 (3.232.65)

तथाभूते तु भगवानाहूय गुहमात्मजम् । दौरात्म्यं पश्य पुत्र त्वं दानवस्य दुरात्मनः । जहि शीघ्रं दुराचारं द्रष्टुमिच्छामि ते बलम् ॥

tathābhūte tu bhagavānāhūya guhamātmajam | daurātmyaṃ paśya putra tvaṃ dānavasya durātmanaḥ | jahi śīghraṃ durācāraṃ draṣṭumicchāmi te balam

At that pass the blessed lord called his son Guha: "See, my son, the wickedness of this evil-minded danava. Kill the villain quickly; I wish to see your strength."

Note on the text: Removed the stray wiki marks (` and ') that Wikisource uses to set off an added line. Corrected पुतर् → पुत्र (misprint in Wikisource; "son", as the critical edition's apparatus reads putra). Not in the critical edition's text (found in the vulgate recension); its apparatus gives it as 3.221.60a*1087, lines 1 and 3–4 (the first line shares tathābhūte tu bhagavān with CE 3.221.60a, where the critical edition continues nāvadhīn mahiṣaṃ raṇe).

Verse 66 (3.232.66)

इत्युक्त्वा भगवान्स्कन्दं परिपूज्य महेश्वरः । अयोजयन्निग्रहार्थं महिषस्य गतायुषः । सस्मार च तदा स्कन्दं मृत्युं तस्य दुरात्मनः ॥

ityuktvā bhagavānskandaṃ paripūjya maheśvaraḥ | ayojayannigrahārthaṃ mahiṣasya gatāyuṣaḥ | sasmāra ca tadā skandaṃ mṛtyuṃ tasya durātmanaḥ

Having said this, the blessed Maheshvara honoured Skanda and appointed him to subdue Mahisha, whose life was spent; and then he called Skanda to mind as the death of that wicked one.

Note on the text: Corrected इत्युक्ताव → इत्युक्त्वा and महिषस् → महिषस्य (misprints in Wikisource; "having said" and a dropped akshara, as the critical edition's apparatus reads ity uktvā … mahiṣasya). Removed the closing wiki mark ('). The first two lines are not in the critical edition's text (found in the vulgate recension; its apparatus gives them as 3.221.60a*1087, lines 5–6, where परिपूज्य reads pariṣvajya); the third line is CE 3.221.60c.

Verse 67 (3.232.67)

महिषोऽपि रथं दृष्ट्वा रौद्रं रुद्रस्य चानदत् । देवान्संत्रासयंश्चापि दैत्यांश्चापिप्रहर्षयत् ॥

mahiṣo'pi rathaṃ dṛṣṭvā raudraṃ rudrasya cānadat | devānsaṃtrāsayaṃścāpi daityāṃścāpipraharṣayat

Mahisha too, seeing Rudra's fearsome chariot, roared, terrifying the gods and delighting the daityas.

Note on the text: Corrected रुद्रस् → रुद्रस्य and दैत्यांस्चापि → दैत्यांश्चापि (misprints in Wikisource; a dropped akshara and a broken sandhi, as the critical edition's rudrasya and daityāṃś cāpi).

Verse 68 (3.232.68)

ततस्तस्मिन्भये घोरे देवानां समुपस्थिते । आजगाम महासेनः क्रोधात्सूर्य इव ज्वलन् ॥

tatastasminbhaye ghore devānāṃ samupasthite | ājagāma mahāsenaḥ krodhātsūrya iva jvalan

Then, when that dreadful peril had come upon the gods, Mahasena arrived, blazing with wrath like the sun.

Note on the text: Corrected तस्मिनभये → तस्मिन्भये (misprint in Wikisource; "in that peril", a dropped virama, as the critical edition's tasmin bhaye).

Verse 69 (3.232.69)

लोहिताम्बरसंवीतो लोहितस्रग्विभूषणः । लोहिताश्वो महाबाहुर्हिरण्यकवचः प्रभुः ॥

lohitāmbarasaṃvīto lohitasragvibhūṣaṇaḥ | lohitāśvo mahābāhurhiraṇyakavacaḥ prabhuḥ

Clad in red garments, adorned with red garlands, with red horses, the mighty-armed lord wore armour of gold.

Verse 70 (3.232.70)

रथमादित्यसंकाशमास्थितः कनकप्रभम् । तं दृष्ट्वा दैत्यसेना सा व्यद्रवत्सहसा रणे ॥

rathamādityasaṃkāśamāsthitaḥ kanakaprabham | taṃ dṛṣṭvā daityasenā sā vyadravatsahasā raṇe

He rode a chariot bright as the sun and gleaming like gold. At the sight of him the daitya army fled the field at once.

Verse 71 (3.232.71)

स चापि तां प्रज्वलितां महिषस्य विदारिणीम् । मुमोच शक्तिं राजेन्द्र महासेनो महाबलः ॥

sa cāpi tāṃ prajvalitāṃ mahiṣasya vidāriṇīm | mumoca śaktiṃ rājendra mahāseno mahābalaḥ

And mighty Mahasena, O king of kings, loosed his blazing spear, which was to rend Mahisha apart.

Note on the text: Corrected महिषस् → महिषस्य and राजेनद्र → राजेन्द्र (misprints in Wikisource; a dropped akshara and a broken conjunct, as the critical edition's mahiṣasya and rājendra).

Verse 72 (3.232.72)

सा मुक्ताऽभ्यहरत्तस्य महिषस्य शिरो महत् । पपात भिन्ने शिरसि महिषस्त्यक्तजीवितः ॥

sā muktā'bhyaharattasya mahiṣasya śiro mahat | papāta bhinne śirasi mahiṣastyaktajīvitaḥ

Once released, it carried off Mahisha's great head; his head split, Mahisha fell, his life gone.

Verse 73 (3.232.73)

पतता शिरसा तेन द्वारं षोडशयोजनम् । पर्वताभेन पिहितं तदाऽगम्यं ततोऽभवत् । उत्तराः कुरवस्तेन गच्छन्त्यद्य यथासुखम् ॥

patatā śirasā tena dvāraṃ ṣoḍaśayojanam | parvatābhena pihitaṃ tadā'gamyaṃ tato'bhavat | uttarāḥ kuravastena gacchantyadya yathāsukham

That falling head, like a mountain, blocked a pass sixteen yojanas wide, so that from then on it could not be crossed; because of it the Northern Kurus now move about at their ease.

Note on the text: Corrected यथासुम् → यथासुखम् (misprint in Wikisource; "at their ease", as the critical edition's apparatus reads yathāsukham). Not in the critical edition (found in the vulgate recension); the critical edition records it in its apparatus as 3.221.66d*1088.

Verse 74 (3.232.74)

क्षिप्ताक्षिप्ता तु सा शक्तिर्हत्वा शत्रून्सहस्रशः । स्कन्दहस्तमनुप्राप्ता दृश्यते देवदानवैः ॥

kṣiptākṣiptā tu sā śaktirhatvā śatrūnsahasraśaḥ | skandahastamanuprāptā dṛśyate devadānavaiḥ

Hurled again and again, the spear killed foes by the thousand and was seen by gods and danavas returning to Skanda's hand.

Verse 75 (3.232.75)

प्रायः शरैर्विनिहता महासेनेन धीमता । शेषा दैत्यगणा घोरा भीतास्त्रस्ता दुरासदैः । स्कन्दपारिषदैर्हत्वा भक्षिताश्च सहस्रशः ॥

prāyaḥ śarairvinihatā mahāsenena dhīmatā | śeṣā daityagaṇā ghorā bhītāstrastā durāsadaiḥ | skandapāriṣadairhatvā bhakṣitāśca sahasraśaḥ

Most were slain by the arrows of wise Mahasena; the dreadful daityas who were left, frightened and terrified, were killed by Skanda's unassailable attendants and devoured by the thousand.

Verse 76 (3.232.76)

दानवान्भक्षयन्तस्ते प्रपिबन्तश्च शोणितम् । क्षणान्निर्दानवं सर्वमकार्षुर्भृशहर्षिताः ॥

dānavānbhakṣayantaste prapibantaśca śoṇitam | kṣaṇānnirdānavaṃ sarvamakārṣurbhṛśaharṣitāḥ

Devouring the danavas and drinking their blood, those attendants, in great delight, cleared the whole place of danavas in a moment.

Note on the text: Corrected दनवान् → दानवान् (misprint in Wikisource; "the danavas", as the critical edition's dānavān).

Verse 77 (3.232.77)

तमांसीवयथा सूर्यो वृक्षानग्निर्घनान्खगः । तथास्कन्दोऽजयच्छत्रून्स्वेन वीर्येण कीर्तिमान् ॥

tamāṃsīvayathā sūryo vṛkṣānagnirghanānkhagaḥ | tathāskando'jayacchatrūnsvena vīryeṇa kīrtimān

As the sun conquers darkness, fire the trees and the wind the clouds, so glorious Skanda conquered his foes by his own valour.

Verse 78 (3.232.78)

संपूज्यमानस्त्रिदशैरभिवाद्य महेश्वरम् । शुशुभे कृत्तिकापुत्रः प्रकीर्णांशुरिवांशुमान् ॥

saṃpūjyamānastridaśairabhivādya maheśvaram | śuśubhe kṛttikāputraḥ prakīrṇāṃśurivāṃśumān

Honoured by the thirty gods, he saluted Maheshvara; the son of the Krittikas shone like the sun spreading out its rays.

Note on the text: Corrected कृतिकापुत्रः → कृत्तिकापुत्रः and प्रकीरणांशुर् → प्रकीर्णांशुर् (misprints in Wikisource; "son of the Krittikas" and "with rays spread out", as the critical edition's kṛttikāputraḥ and prakīrṇāṃśuḥ).

Verse 79 (3.232.79)

नष्टशत्रुर्यदा स्कन्दः प्रयातस्तु महेश्वरम् । तदाऽब्रवीन्महासेनं परिष्वज्य पुरंदरः ॥

naṣṭaśatruryadā skandaḥ prayātastu maheśvaram | tadā'bravīnmahāsenaṃ pariṣvajya puraṃdaraḥ

When Skanda, his enemies destroyed, had gone to Maheshvara, Purandara embraced Mahasena and said:

Verse 80 (3.232.80)

ब्रह्मदत्तवरः स्कन्द त्वयाऽयं महिषो हतः । अजय्यो युधि देवानां दानवः स महाबलः ॥

brahmadattavaraḥ skanda tvayā'yaṃ mahiṣo hataḥ | ajayyo yudhi devānāṃ dānavaḥ sa mahābalaḥ

"Skanda, you have killed this Mahisha, who held a boon from Brahma, that mighty danava whom the gods could not conquer in battle,

Note on the text: Speaker: Indra's speech, introduced in verse 79, fills this whole verse (no heading in Wikisource, which carries on मार्कण्डेय). Removed the stray wiki marks (` and ') that Wikisource uses to set off an added line. Corrected हजय्यो → अजय्यो (misprint in Wikisource; "unconquerable", as the critical edition's apparatus reads ajayyo). The first line is CE 3.221.73a; the second is not in the critical edition's text (found in the vulgate recension; its apparatus gives it as 3.221.73b*1090).

Verse 81 (3.232.81)

देवास्तृणसमा यस्य बभूवुर्जयतांवर । सोऽयं त्वया महाबाहो शमितो देवकण्टकः ॥

devāstṛṇasamā yasya babhūvurjayatāṃvara | so'yaṃ tvayā mahābāho śamito devakaṇṭakaḥ

before whom the gods were like straw, O best of victors. You, mighty-armed one, have quelled this thorn in the side of the gods.

Note on the text: Speaker: Indra's speech, introduced in verse 79, fills this whole verse (no heading in Wikisource, which carries on मार्कण्डेय). Corrected वबूवुर् → बभूवुर् (misprint in Wikisource; "were", as the critical edition's babhūvur). This verse is CE 3.221.73c–e (Wikisource divides the lines differently).

Verse 82 (3.232.82)

शतं महिषतुल्यानां दानवानां त्वया रणे । निहतंदेवशत्रूणां यैर्वयं पूर्वतापिताः ॥

śataṃ mahiṣatulyānāṃ dānavānāṃ tvayā raṇe | nihataṃdevaśatrūṇāṃ yairvayaṃ pūrvatāpitāḥ

In battle you have killed a hundred danavas equal to Mahisha, enemies of the gods, by whom we were tormented before.

Note on the text: Speaker: Indra's speech, introduced in verse 79, fills this whole verse (no heading in Wikisource, which carries on मार्कण्डेय). Corrected त्वय → त्वया (misprint in Wikisource; "by you", as the critical edition's tvayā).

Verse 83 (3.232.83)

तावकैर्भक्षिताश्चान्ये दानवाः शतसङ्घशः । अजेयस्त्वं रणेऽरीणामुमापतिरिव प्रभुः ॥

tāvakairbhakṣitāścānye dānavāḥ śatasaṅghaśaḥ | ajeyastvaṃ raṇe'rīṇāmumāpatiriva prabhuḥ

Your followers have devoured other danavas by the hundreds. You are invincible to your foes in battle, like the lord, Uma's husband.

Note on the text: Speaker: Indra's speech, introduced in verse 79, fills this whole verse (no heading in Wikisource, which carries on मार्कण्डेय).

Verse 84 (3.232.84)

एतत्ते प्रथमं देव ख्यातं कर्म भविष्यति । त्रिषु लोकेषु कीर्तिश्च तवाक्षय्या भविष्यति । वशगाश्च भविष्यन्ति सुरास्तव महाभुज ॥

etatte prathamaṃ deva khyātaṃ karma bhaviṣyati | triṣu lokeṣu kīrtiśca tavākṣayyā bhaviṣyati | vaśagāśca bhaviṣyanti surāstava mahābhuja

This will be renowned as your first deed, O god, and your fame will be undying in the three worlds. The gods will be at your command, mighty-armed one."

Note on the text: Speaker: Indra's speech, introduced in verse 79, fills this whole verse (no heading in Wikisource, which carries on मार्कण्डेय). Corrected भविष्यनति → भविष्यन्ति (misprint in Wikisource; "will be", as the critical edition's bhaviṣyanti).

Verse 85 (3.232.85)

महासेनमेवमुक्त्वा निवृत्तः सह दैवतैः । अनुज्ञातो भगवता त्र्यम्बकेण शचीपतिः ॥

mahāsenamevamuktvā nivṛttaḥ saha daivataiḥ | anujñāto bhagavatā tryambakeṇa śacīpatiḥ

Having spoken thus to Mahasena, the lord of Shachi turned back with the gods, given leave by the blessed three-eyed god.

Verse 86 (3.232.86)

गतो भद्रवटंरुद्रो निवृत्ताश्च दिवौकसः । उक्ताश्च देवा रुद्रेण स्कन्दं पश्यत मामिव ॥

gato bhadravaṭaṃrudro nivṛttāśca divaukasaḥ | uktāśca devā rudreṇa skandaṃ paśyata māmiva

Rudra went to Bhadravata and the dwellers of heaven turned back; and Rudra told the gods, "Look upon Skanda as you would upon me."

Verse 87 (3.232.87)

स हत्वा दानवगणान्पूज्यमानो महर्षिभिः । एकाह्नैवाजयत्सर्वं त्रैलोक्यं वह्निनन्दनः ॥

sa hatvā dānavagaṇānpūjyamāno maharṣibhiḥ | ekāhnaivājayatsarvaṃ trailokyaṃ vahninandanaḥ

Having slain the hosts of danavas, and honoured by the great sages, the son of Agni conquered all the three worlds in a single day.

Verse 88 (3.232.88)

स्कन्दस्य य इदं विप्रः पठेज्जन्म समाहितः । शृणुयाद्ब्राह्मणेभ्यो यः श्रावयेद्वाविचेतनम् ॥

skandasya ya idaṃ vipraḥ paṭhejjanma samāhitaḥ | śṛṇuyādbrāhmaṇebhyo yaḥ śrāvayedvāvicetanam

The brahmin who reads this birth of Skanda with a collected mind, or who hears it from brahmins, or recites it to one who does not know it,

Note on the text: Corrected स्कन्दस् य → स्कन्दस्य य (misprint in Wikisource; a dropped akshara, "of Skanda", as the critical edition's skandasya). Removed the opening wiki mark (`). The first line answers to CE 3.221.80a (which reads janma paṭhate susamāhitaḥ, without विप्रः); the second is not in the critical edition's text (found in the vulgate recension; compare the close of Appendix I.22, line 61, which reads śrāvayed brāhmaṇebhyo yaḥ śṛṇuyād vā dvijeritam).

Verse 89 (3.232.89)

धनमायुर्यशो दीप्तिं पुत्राञ्शत्रुजयंतथा । सपुष्टिमिहसंप्राप्य स्कन्दसालोक्यमाप्नुयात् ॥

dhanamāyuryaśo dīptiṃ putrāñśatrujayaṃtathā | sapuṣṭimihasaṃprāpya skandasālokyamāpnuyāt

gains wealth, long life, fame, radiance, sons and victory over his enemies; and having won prosperity here, he reaches the world of Skanda.

Note on the text: Removed the closing wiki mark ('). The first line is not in the critical edition's text (found in the vulgate recension; compare Appendix I.22, line 62); the second line is CE 3.221.80c (स पुष्टिमिह संप्राप्य; Wikisource's स्कन्दसालोक्यमाप्नुयात् for skandasālokyatām iyāt is a recension variant).