Jayadratha Routed and Put to Flight

Verse 1 (3.272.1)

संतिष्ठध्वं प्रहरत तूर्णं विपरिधावत । इति स्म सैन्धवो राजा चोदयामास तान्नृपान् ॥

saṃtiṣṭhadhvaṃ praharata tūrṇaṃ viparidhāvata | iti sma saindhavo rājā codayāmāsa tānnṛpān

"Hold your ground! Strike! Charge at them, quickly!" So did the king of Sindhu urge on those kings.

Note on the text: Corrected तान्नृपन् → तान्नृपान् (misprint in Wikisource; accusative plural needs the long ā, as in the critical edition's tān nṛpān).

Verse 2 (3.272.2)

ततो घोरतमः शब्दोरणे समभवत्तदा । भीमार्जुनयमान्दृष्ट्वा सैन्यानां सयुधिष्ठिरान् ॥

tato ghoratamaḥ śabdoraṇe samabhavattadā | bhīmārjunayamāndṛṣṭvā sainyānāṃ sayudhiṣṭhirān

Then a most terrible clamour rose on the battlefield, as the soldiers saw Bhima, Arjuna and the twins, with Yudhishthira.

Verse 3 (3.272.3)

शिबिसिंधुत्रिगर्तानां विषादश्चाप्यजायत । तान्दृष्ट्वापुरुषव्याघ्रान्व्याघ्रानिव बलोत्कटान् ॥

śibisiṃdhutrigartānāṃ viṣādaścāpyajāyata | tāndṛṣṭvāpuruṣavyāghrānvyāghrāniva balotkaṭān

Dismay seized the Shibis, the Sindhus and the Trigartas as well, when they saw those tigers among men, fierce in strength like tigers.

Verse 4 (3.272.4)

हेमबिन्दुं महोत्सेधां सर्वशैक्यायसीं गदाम् । प्रगृह्याभ्यद्रवद्भीमः सैन्धवं कालचोदितम् ॥

hemabinduṃ mahotsedhāṃ sarvaśaikyāyasīṃ gadām | pragṛhyābhyadravadbhīmaḥ saindhavaṃ kālacoditam

Grasping his towering mace, studded with gold and made wholly of Shaikya iron, Bhima rushed at the king of Sindhu, whom Death was driving on.

Verse 5 (3.272.5)

तदन्तरमथावृत्य कोटिकाश्योऽभ्यहारयत् । महता रथवंशेन परिवार्य वृकोदरम् ॥

tadantaramathāvṛtya koṭikāśyo'bhyahārayat | mahatā rathavaṃśena parivārya vṛkodaram

But Kotikashya wheeled round and struck in between them, surrounding Vrikodara with a great host of chariots.

Note on the text: Corrected वृकोधरम् → वृकोदरम् (misprint in Wikisource; the name is Vrikodara, as in the critical edition).

Verse 6 (3.272.6)

शक्तितोमरनाराचैर्वीरबाहुप्रचोदितैः । कीर्यमाणोपि बहुभिर्न स्म भीमोऽभ्यकम्पत ॥

śaktitomaranārācairvīrabāhupracoditaiḥ | kīryamāṇopi bahubhirna sma bhīmo'bhyakampata

Though many showered him with spears, lances and iron arrows hurled by the arms of heroes, Bhima did not waver.

Verse 7 (3.272.7)

गजं तु सगजारोहं पदातींश्च चतुर्दश । जघान गदया भीमः सैन्धवध्वजिनीमुखे ॥

gajaṃ tu sagajārohaṃ padātīṃśca caturdaśa | jaghāna gadayā bhīmaḥ saindhavadhvajinīmukhe

At the head of the Sindhu king's army, Bhima killed with his mace an elephant together with its rider, and fourteen foot soldiers.

Note on the text: Corrected सैन्धवध्वजंनीमुखे → सैन्धवध्वजिनीमुखे (misprint in Wikisource; anusvara for the vowel sign ि; critical edition saindhavadhvajinīmukhe).

Verse 8 (3.272.8)

पार्थः पञ्चशताञ्शूरान्पार्वतीयान्महारथान् । परीप्समानः सौवीरं जघान ध्वजिनीमुखे ॥

pārthaḥ pañcaśatāñśūrānpārvatīyānmahārathān | parīpsamānaḥ sauvīraṃ jaghāna dhvajinīmukhe

Partha, seeking to capture the Sauvira king, killed at the head of the army five hundred brave mountain warriors, all great chariot-fighters.

Verse 9 (3.272.9)

राजा स्वयं सुवीराणां प्रवराणां प्रहारिणाम् । निमेषमात्रेण शतं जघान समरे तदा ॥

rājā svayaṃ suvīrāṇāṃ pravarāṇāṃ prahāriṇām | nimeṣamātreṇa śataṃ jaghāna samare tadā

The king himself killed a hundred of the foremost Sauviras, hard-hitting warriors, in the battle then, in the twinkling of an eye.

Verse 10 (3.272.10)

ददृशे नकुलस्तत्ररथात्प्रस्कन्द्य खड्गधृत् । शिरांसि पादरक्षाणां बीजवत्प्रवपन्मुहुः ॥

dadṛśe nakulastatrarathātpraskandya khaḍgadhṛt | śirāṃsi pādarakṣāṇāṃ bījavatpravapanmuhuḥ

Nakula was seen there, leaping down from his chariot sword in hand, sowing the heads of the foot-guards again and again like seed.

Note on the text: Corrected खङ्गधृत् → खड्गधृत् (misprint in Wikisource; ङ्ग for ड्ग; critical edition khaḍgadhṛk).

Verse 11 (3.272.11)

सहदेवस्तु संयाय रथेन गजयोधिनः । पातयामास नाराचैर्द्रुमेभ्य इव बर्हिणः ॥

sahadevastu saṃyāya rathena gajayodhinaḥ | pātayāmāsa nārācairdrumebhya iva barhiṇaḥ

Sahadeva, driving forward in his chariot, brought down the elephant-fighters with iron arrows, as one brings down peacocks from the trees.

Verse 12 (3.272.12)

ततस्त्रिगर्तः सधनुरवतीर्य महारथात् । गदया चतुरो वाहान्राज्ञस्तस्य तदाऽवधीत् ॥

tatastrigartaḥ sadhanuravatīrya mahārathāt | gadayā caturo vāhānrājñastasya tadā'vadhīt

Then the Trigarta king, bow in hand, came down from his great chariot and with his mace killed the four horses of King Yudhishthira.

Note on the text: Corrected राज्ञस्तस् → राज्ञस्तस्य (misprint in Wikisource; a dropped akshara; critical edition rājñas tasya).

Verse 13 (3.272.13)

तमथाभ्यागतं राजा पदातिं कुन्तिनन्दनः । अर्धचन्द्रेण बाणेन विव्याधोरसि धर्मराट् ॥

tamathābhyāgataṃ rājā padātiṃ kuntinandanaḥ | ardhacandreṇa bāṇena vivyādhorasi dharmarāṭ

As he came on foot, the king, Kunti's son, the King of Dharma, pierced him in the chest with a crescent-headed arrow.

Note on the text: Corrected बाणएन → बाणेन (misprint in Wikisource; a broken vowel sign; critical edition bāṇena).

Verse 14 (3.272.14)

स भिन्नहृदयो वीरो वक्त्राच्छोणितमुद्वमन् । पपाताभिमुखं प्राप्तश्छिन्नमूल इव द्रुमः ॥

sa bhinnahṛdayo vīro vaktrācchoṇitamudvaman | papātābhimukhaṃ prāptaśchinnamūla iva drumaḥ

His heart split open, the hero fell face forward where he had come, vomiting blood from his mouth, like a tree cut at the root.

Note on the text: Corrected वक्राच्छोणितम् → वक्त्राच्छोणितम् ("from the mouth"; a dropped त्; critical edition vaktrāc choṇitam) and प्राप्तश्चिन्नमूल → प्राप्तश्छिन्नमूल (च for छ; critical edition chinnamūla) — misprints in Wikisource.

Verse 15 (3.272.15)

इन्द्रसेनद्वितीयस्तु रथात्प्रस्कन्द्य धर्मराट् । हताश्वः सहदेवस्य प्रतिपेदे महारथम् ॥

indrasenadvitīyastu rathātpraskandya dharmarāṭ | hatāśvaḥ sahadevasya pratipede mahāratham

His horses slain, the King of Dharma leapt down from his chariot with Indrasena and mounted Sahadeva's great chariot.

Verse 16 (3.272.16)

नकुलं त्वभिसंवार्य क्षेमंकरमहामुखौ । उभावुभयतस्तीक्ष्णैः शरवर्षैरवर्षताम् ॥

nakulaṃ tvabhisaṃvārya kṣemaṃkaramahāmukhau | ubhāvubhayatastīkṣṇaiḥ śaravarṣairavarṣatām

Kshemankara and Mahamukha closed in on Nakula and, from both sides, poured sharp showers of arrows upon him.

Note on the text: Corrected उभावुभतस्तीक्ष्णैः → उभावुभयतस्तीक्ष्णैः (misprint in Wikisource; a dropped akshara that leaves the quarter a syllable short; critical edition ubhāv ubhayatas tīkṣṇaiḥ).

Verse 17 (3.272.17)

तौ शरैरभिवर्षन्तौ जीमूताविव वार्षिकौ । एकैकेन विपाठेन जघ्ने माद्रवतीसुतः ॥

tau śarairabhivarṣantau jīmūtāviva vārṣikau | ekaikena vipāṭhena jaghne mādravatīsutaḥ

As the two rained arrows on him like the clouds of the rainy season, the son of Madravati killed each of them with a single vipatha arrow.

Verse 18 (3.272.18)

त्रिगर्तराजः सुरथस्तस्याथ गजधूर्गतः । रथमाक्षेपयामास गजेन गजयानवित् ॥

trigartarājaḥ surathastasyātha gajadhūrgataḥ | rathamākṣepayāmāsa gajena gajayānavit

Then Suratha, king of the Trigartas, a master of elephant-riding, seated on the forepart of his elephant, made the elephant hurl Nakula's chariot aside.

Note on the text: Corrected गजूर्गतः → गजधूर्गतः (misprint in Wikisource; a dropped akshara — गजूर्गतः is not a word and leaves the quarter a syllable short). The critical edition reads rathadhūrgataḥ; Wikisource's गज- is kept as a recension variant.

Verse 19 (3.272.19)

नकुलस्त्वपभीस्तस्माद्रथाच्चर्मासिपाणिमान् । उद्भ्राम्य स्थानमास्थाय तस्थौ गिरिरिवाचलः ॥

nakulastvapabhīstasmādrathāccarmāsipāṇimān | udbhrāmya sthānamāsthāya tasthau giririvācalaḥ

Fearless, Nakula sprang from that chariot with shield and sword in hand and, whirling his blade, took his stand and stood unmoving as a mountain.

Note on the text: Corrected उद्धाम्य → उद्भ्राम्य ("whirling", ध for भ्र), स्तानम् → स्थानम् (त for थ) and गिरिवाचलः → गिरिरिवाचलः (a dropped akshara; critical edition girir ivācalaḥ) — misprints in Wikisource. The critical edition reads udbhrāntaṃ for उद्भ्राम्य.

Verse 20 (3.272.20)

सुरथस्तं गजवरं वधाय नकुलस्य तु । प्रेषयामास सक्रोधमत्युच्छ्रितकरं ततः ॥

surathastaṃ gajavaraṃ vadhāya nakulasya tu | preṣayāmāsa sakrodhamatyucchritakaraṃ tataḥ

Then Suratha furiously drove that fine elephant, its trunk raised high, at Nakula to kill him.

Verse 21 (3.272.21)

नकुलस्तस्य नागस्य समीपपरिवर्तिनः । सविषाणं भुजं मूले खड्गेन निरकृन्तत ॥

nakulastasya nāgasya samīpaparivartinaḥ | saviṣāṇaṃ bhujaṃ mūle khaḍgena nirakṛntata

As the elephant came close, Nakula with his sword cut off its trunk at the root, tusks and all.

Note on the text: Corrected खङ्गेन → खड्गेन (misprint in Wikisource; ङ्ग for ड्ग; critical edition khaḍgena).

Verse 22 (3.272.22)

स विनद्यमहानादं गजः किङ्किणिभूषणः । पतन्नवाक्शिरा भूमौ हस्त्यारोहमपोथयत् ॥

sa vinadyamahānādaṃ gajaḥ kiṅkiṇibhūṣaṇaḥ | patannavākśirā bhūmau hastyārohamapothayat

The elephant, hung with little bells, let out a great scream and fell head-first to the ground, crushing its rider.

Verse 23 (3.272.23)

स तत्कर्म महत्कृत्वा शूरो माद्रवतीसुतः । भीमसेनरथं प्राप्य शर्म लेभे महारथः ॥

sa tatkarma mahatkṛtvā śūro mādravatīsutaḥ | bhīmasenarathaṃ prāpya śarma lebhe mahārathaḥ

Having done that great deed, the brave son of Madravati, a great chariot-warrior, reached Bhimasena's chariot and found shelter there.

Verse 24 (3.272.24)

भीमस्त्वापततो राज्ञः कोटिकाश्यस्य संगरे । सूतस्य नुदतो वाहान्क्षुरेणापाहरच्छिरः ॥

bhīmastvāpatato rājñaḥ koṭikāśyasya saṃgare | sūtasya nudato vāhānkṣureṇāpāharacchiraḥ

As King Kotikashya charged in the fight, Bhima struck off with a razor-headed arrow the head of his charioteer, who was driving the horses.

Note on the text: Corrected कोटिकाश्यस् → कोटिकाश्यस्य (misprint in Wikisource; a dropped akshara; critical edition koṭikāśyasya).

Verse 25 (3.272.25)

न बुबोध हतं सूतं स राजा बाहुशालिना । तस्याश्वा व्यद्रवन्सङ्ख्ये हतसूतास्ततस्ततः ॥

na bubodha hataṃ sūtaṃ sa rājā bāhuśālinā | tasyāśvā vyadravansaṅkhye hatasūtāstatastataḥ

The king did not notice that the strong-armed hero had killed his charioteer; with their driver dead, his horses bolted this way and that across the field.

Note on the text: Corrected हतमसूताः → हतसूताः (misprint in Wikisource; a stray म that overfills the quarter; critical edition hatasūtās).

Verse 26 (3.272.26)

विरथं हतसूतं तं भीमः प्रहरतांवरः । जघान तलयुक्तेन प्रासेनाभ्येत्य पाण्डवः ॥

virathaṃ hatasūtaṃ taṃ bhīmaḥ praharatāṃvaraḥ | jaghāna talayuktena prāsenābhyetya pāṇḍavaḥ

Bhima the Pandava, best of fighters, closed in on him, now without chariot or charioteer, and killed him with a dart gripped in his fist.

Verse 27 (3.272.27)

द्वादशानां तु सर्वेषां सौवीराणां धनंजयः । चकर्त निशितैर्भल्लैर्धनूंषि च शिरांसि च ॥

dvādaśānāṃ tu sarveṣāṃ sauvīrāṇāṃ dhanaṃjayaḥ | cakarta niśitairbhallairdhanūṃṣi ca śirāṃsi ca

Dhananjaya, with sharp broad-headed arrows, cut off both the bows and the heads of all twelve Sauvira warriors.

Verse 28 (3.272.28)

शिबीनिक्ष्वाकुमुख्यांश्च त्रिगर्तान्सैन्धवानपि । जघानातिरथः सङ्ख्ये बाणगोचरमागतान् ॥

śibīnikṣvākumukhyāṃśca trigartānsaindhavānapi | jaghānātirathaḥ saṅkhye bāṇagocaramāgatān

That peerless chariot-warrior killed in battle the Shibis, the leading Ikshvakus, the Trigartas and the Sindhus too, all who came within range of his arrows.

Verse 29 (3.272.29)

सूदिताः प्रत्यदृश्यन्त बहवः सव्यसाचिना । सपताकाश्च मातङ्गाः सध्वजाश्च महारथाः ॥

sūditāḥ pratyadṛśyanta bahavaḥ savyasācinā | sapatākāśca mātaṅgāḥ sadhvajāśca mahārathāḥ

Many were seen struck down by Savyasachin: elephants with their banners, and great chariots with their standards.

Verse 30 (3.272.30)

प्रच्छाद्य पृथिवीं तस्थुः सर्वमायोधनं प्रति । शरीराण्यशिरस्कानि विदेहानि शिरांसि च ॥

pracchādya pṛthivīṃ tasthuḥ sarvamāyodhanaṃ prati | śarīrāṇyaśiraskāni videhāni śirāṃsi ca

Headless bodies and bodiless heads lay covering the earth over the whole field of battle.

Verse 31 (3.272.31)

श्वगृध्रकङ्ककाकोलभासगोमायुवायसाः । अतृप्यंस्तत्रवीराणां हतानां मांसशोणितैः ॥

śvagṛdhrakaṅkakākolabhāsagomāyuvāyasāḥ | atṛpyaṃstatravīrāṇāṃ hatānāṃ māṃsaśoṇitaiḥ

Dogs, vultures, herons, ravens, bhasa birds, jackals and crows gorged themselves there on the flesh and blood of the slain heroes.

Note on the text: Corrected मासशोणितैः → मांसशोणितैः (misprint in Wikisource; the anusvara of मांस is lost; critical edition māṃsaśoṇitaiḥ). The verse is the critical edition's 3.255.31 (unmatched by the automatic alignment).

Verse 32 (3.272.32)

एवं तीक्ष्णशरज्वालैर्गाण्डीवानिलचोदितैः । सेनेन्धनं ददाहाशु सरोषः पार्थपावकः ॥

evaṃ tīkṣṇaśarajvālairgāṇḍīvānilacoditaiḥ | senendhanaṃ dadāhāśu saroṣaḥ pārthapāvakaḥ

Thus the fire that was Partha, in his wrath, swiftly burned up the fuel of the army with flames of sharp arrows fanned by the wind of Gandiva.

Note on the text: Removed a stray wiki quote mark (`) before the first line. Not in the critical edition (found in the vulgate recension); the CE gives it only in Appendix I.26 (inserted after 3.255.31), lines 1–2 (with the variants गाण्डीवानिलचोदितैः for gāṇḍīvāgnipracoditaiḥ and पार्थपावकः for pārthayājakaḥ).

Verse 33 (3.272.33)

चक्राणां पतितानां च युगानां च महीपते । तूणीराणां पताकानां ध्वजानां च रथैः सह ॥

cakrāṇāṃ patitānāṃ ca yugānāṃ ca mahīpate | tūṇīrāṇāṃ patākānāṃ dhvajānāṃ ca rathaiḥ saha

Of fallen wheels and yokes, O lord of the earth, of quivers, flags and standards together with chariots,

Note on the text: Corrected तूणीराणआं → तूणीराणां (misprint in Wikisource; a broken vowel sign). Not in the critical edition (found in the vulgate recension); the CE gives it only in Appendix I.26 (inserted after 3.255.31), lines 3–4.

Verse 34 (3.272.34)

ईषाणामनुकर्षाणां त्रिवेणूनां तथैव च । अक्षाणामथ योक्त्राणां प्रतोदानां च राशयः ॥

īṣāṇāmanukarṣāṇāṃ triveṇūnāṃ tathaiva ca | akṣāṇāmatha yoktrāṇāṃ pratodānāṃ ca rāśayaḥ

of chariot-poles and under-beams and triple bamboo frames, of axles, yoke-straps and goads, there lay heaps;

Note on the text: Corrected योक्राणां → योक्त्राणां (misprint in Wikisource; a dropped त्; yoktra, "yoke-strap", as in the critical apparatus). Not in the critical edition (found in the vulgate recension); the CE gives it only in Appendix I.26 (inserted after 3.255.31), lines 5–6 (with ईषाणाम् for śarāṇām).

Verse 35 (3.272.35)

शिरसां पतितानां च कुण्डलोष्णीषधारिणाम् । भुजानां मकुटानां च हाराणामङ्गदैः सह ॥

śirasāṃ patitānāṃ ca kuṇḍaloṣṇīṣadhāriṇām | bhujānāṃ makuṭānāṃ ca hārāṇāmaṅgadaiḥ saha

of fallen heads still wearing earrings and turbans, of arms, of crowns, of necklaces together with armlets,

Note on the text: Not in the critical edition (found in the vulgate recension); the CE gives it only in Appendix I.26 (inserted after 3.255.31), lines 7–8.

Verse 36 (3.272.36)

छत्राणां व्यजनानां च चर्मणां वर्मणां तथा । छिन्नानां कार्मुकाणां च पट्टसानां तथैव च ॥

chatrāṇāṃ vyajanānāṃ ca carmaṇāṃ varmaṇāṃ tathā | chinnānāṃ kārmukāṇāṃ ca paṭṭasānāṃ tathaiva ca

of parasols and fans, of shields and armour, of broken bows and of pattisha blades as well,

Note on the text: Corrected चर्मणआं → चर्मणां (misprint in Wikisource; a broken vowel sign). Not in the critical edition (found in the vulgate recension); the CE gives it only in Appendix I.26 (inserted after 3.255.31), lines 9–10 (with वर्मणां तथा for caiva rāśayaḥ).

Verse 37 (3.272.37)

शक्तीनामथ खड्गानां दण्डानां सह तोमरैः । राशयश्चात्रदृश्यन्ते तत्रतत्र विशांपते ॥

śaktīnāmatha khaḍgānāṃ daṇḍānāṃ saha tomaraiḥ | rāśayaścātradṛśyante tatratatra viśāṃpate

of spears and swords, of staves together with lances: such heaps were seen there, here and there, O lord of the people.

Note on the text: Corrected तेमरैः → तोमरैः (े for ो; the apparatus reads tomaraiḥ) and खङ्गानां → खड्गानां (ङ्ग for ड्ग; the apparatus reads khaḍgānāṃ) — misprints in Wikisource. Not in the critical edition (found in the vulgate recension); the CE gives it only in Appendix I.26 (inserted after 3.255.31), lines 11–12.

Verse 38 (3.272.38)

पतितैश्चैव मातङ्गैः सयोधैः पर्वतोपमैः । हयैर्द्विधाकृतैः सार्धं सादिभिः सायुधैस्तथा ॥

patitaiścaiva mātaṅgaiḥ sayodhaiḥ parvatopamaiḥ | hayairdvidhākṛtaiḥ sārdhaṃ sādibhiḥ sāyudhaistathā

With fallen elephants like mountains, their warriors still upon them, and horses hewn in two along with their armed riders,

Note on the text: Not in the critical edition (found in the vulgate recension); the CE gives it only in Appendix I.26 (inserted after 3.255.31), lines 13–14 (with द्विधाकृतैः … तथा for nipatitaiḥ … tadā).

Verse 39 (3.272.39)

विप्रविद्धै रथैश्चैव निहतैश्चपदातिभिः । अगम्यरूपा पृथिवी मांसशोणितकर्दमा ॥

vipraviddhai rathaiścaiva nihataiścapadātibhiḥ | agamyarūpā pṛthivī māṃsaśoṇitakardamā

with shattered chariots and slain foot soldiers, the earth became impassable, a mire of flesh and blood.

Note on the text: Removed a stray wiki quote mark (') at the end of the second line. Not in the critical edition (found in the vulgate recension); the CE gives it only in Appendix I.26 (inserted after 3.255.31), lines 15–16 (with विप्रविद्धैः for vipraviṣṭaiḥ).

Verse 40 (3.272.40)

हतेषु तेषु वीरेषु सिन्धुराजो जयद्रथः । विमुच्य कृष्णां संत्रस्तः पलायनपरोऽभवत् ॥

hateṣu teṣu vīreṣu sindhurājo jayadrathaḥ | vimucya kṛṣṇāṃ saṃtrastaḥ palāyanaparo'bhavat

When those heroes had been slain, Jayadratha, king of Sindhu, terrified, let Krishna go and set his mind on flight.

Verse 41 (3.272.41)

स तस्मिन्संकुले सैन्ये द्रौपदीमवतार्य ताम् । प्राणप्रेप्सुरुपाधावद्वनं तत्र नराधमः ॥

sa tasminsaṃkule sainye draupadīmavatārya tām | prāṇaprepsurupādhāvadvanaṃ tatra narādhamaḥ

In the turmoil of the army, that vilest of men set Draupadi down and ran off into the forest there, desperate to save his life.

Verse 42 (3.272.42)

द्रौपदीं धर्मराजस्तु दृष्ट्वा धौम्यपुरस्कृताम् । माद्रीपुत्रेण वीरेण रथमारोपयत्तदा ॥

draupadīṃ dharmarājastu dṛṣṭvā dhaumyapuraskṛtām | mādrīputreṇa vīreṇa rathamāropayattadā

The King of Dharma, seeing Draupadi coming with Dhaumya before her, had the heroic son of Madri lift her onto his chariot.

Verse 43 (3.272.43)

ततस्तद्विद्रुतं सैन्यमपयाते जयद्रथे । आदिश्यादिश्य नाराचैराजघान वृकोदरः ॥

tatastadvidrutaṃ sainyamapayāte jayadrathe | ādiśyādiśya nārācairājaghāna vṛkodaraḥ

Then, with Jayadratha gone, Vrikodara cut down that fleeing army with iron arrows, singling out his targets one after another.

Verse 44 (3.272.44)

सव्यसाची तु तं दृष्ट्वा पलायन्तं जयद्रथम् । वारयामास निघ्नन्तं भीमं सैन्धवसैनिकान् ॥

savyasācī tu taṃ dṛṣṭvā palāyantaṃ jayadratham | vārayāmāsa nighnantaṃ bhīmaṃ saindhavasainikān

But Savyasachin, seeing Jayadratha in flight, held back Bhima, who was slaughtering the Sindhu soldiers.

Verse 45 (3.272.45)

यस्यापचारात्प्राप्तोऽयमस्मान्क्लेशो दुरासदः । तमस्मिन्समरोद्देशे न पश्यामि जयद्रथम् ॥

yasyāpacārātprāpto'yamasmānkleśo durāsadaḥ | tamasminsamaroddeśe na paśyāmi jayadratham

Jayadratha, through whose offence this unbearable misery came upon us, I do not see anywhere on this field of battle.

Verse 46 (3.272.46)

मूढं नैकृतिकं दुष्टं द्रौपद्याः क्लेशकारिणम् । तमेवान्विष भद्रं ते किं ते योधैर्निपातितैः । अनामिषमिदं कर्म कथं वा मन्यते भवान् ॥

mūḍhaṃ naikṛtikaṃ duṣṭaṃ draupadyāḥ kleśakāriṇam | tamevānviṣa bhadraṃ te kiṃ te yodhairnipātitaiḥ | anāmiṣamidaṃ karma kathaṃ vā manyate bhavān

Seek him out and him alone, that deluded, deceitful villain who brought such suffering on Draupadi. Bless you! What do you gain by cutting down these soldiers? This work brings no reward. Or how do you see it?

Note on the text: Removed stray wiki quote marks (` and ') around the first line. The first line is not in the critical edition (found in the vulgate recension; it appears nowhere in the CE text or its apparatus here); lines 2–3 are the critical edition's 3.255.38 (unmatched by the automatic alignment).

Verse 47 (3.272.47)

इत्युक्तो भीमसेनस्तु गुडाकेशेन धीमता । युधिष्ठिरमभिप्रेत्य वाग्मी वचनमब्रवीत् ॥

ityukto bhīmasenastu guḍākeśena dhīmatā | yudhiṣṭhiramabhipretya vāgmī vacanamabravīt

Thus addressed by the wise Gudakesha, the eloquent Bhimasena turned to Yudhishthira and spoke these words:

Verse 48 (3.272.48)

हतप्रवीरा रिपवो भूयिष्ठं विद्रुता दिशः । गृहीत्वा द्रौपदीं राजन्निवर्ततु भवानितः ॥

hatapravīrā ripavo bhūyiṣṭhaṃ vidrutā diśaḥ | gṛhītvā draupadīṃ rājannivartatu bhavānitaḥ

The enemy's champions are slain, and most of them have fled in every direction. Take Draupadi, O king, and go back from here.

Note on the text: Speaker set to Bhima: verses 48–50 are his direct speech, announced in verse 47, with no printed heading.

Verse 49 (3.272.49)

यमाभ्यां सह राजेन्द्र धौम्येन च महात्मना । प्राप्याश्रमपदं राजन्द्रौपदीं परिसान्त्वय ॥

yamābhyāṃ saha rājendra dhaumyena ca mahātmanā | prāpyāśramapadaṃ rājandraupadīṃ parisāntvaya

Go with the twins, O king of kings, and with the great-souled Dhaumya; reach the hermitage, O king, and comfort Draupadi.

Verse 50 (3.272.50)

न हि मे मोक्ष्यतेजीवन्मूढः सैन्धवको नृपः । पातालतलसंस्थोपि यदि शक्रोस्य सारथिः ॥

na hi me mokṣyatejīvanmūḍhaḥ saindhavako nṛpaḥ | pātālatalasaṃsthopi yadi śakrosya sārathiḥ

That foolish king of Sindhu shall not escape me alive, not though he hide in the depths of Patala, not though Shakra himself were his charioteer.

Verse 51 (3.272.51)

न हन्तव्यो महाबाहो दुरात्माऽपि स सैन्धवः । दुःशलामभिसंस्मृत्य गान्धारीं च यशस्विनीम् ॥

na hantavyo mahābāho durātmā'pi sa saindhavaḥ | duḥśalāmabhisaṃsmṛtya gāndhārīṃ ca yaśasvinīm

Mighty-armed one, wicked as he is, that king of Sindhu must not be killed. Remember Duhshala, and the illustrious Gandhari.

Note on the text: Corrected अपिस सैन्धवः → अपि स सैन्धवः (misprint in Wikisource; a misplaced word space; critical edition durātmāpi sa saindhavaḥ).

Verse 52 (3.272.52)

तच्छ्रुत्वा द्रौपदी भीममुवाच व्याकुलेन्द्रिया । कुपिता ह्रीमती प्राज्ञा पती भीमार्जुनावुभौ ॥

tacchrutvā draupadī bhīmamuvāca vyākulendriyā | kupitā hrīmatī prājñā patī bhīmārjunāvubhau

Hearing this, Draupadi, her senses in turmoil, angry, yet modest and wise, spoke to her two husbands, Bhima and Arjuna:

Verse 53 (3.272.53)

कर्तव्यं चेत्प्रियं मह्यं वध्यः स पुरुषाधमः । सैन्धवापशदः पापो दुर्मतिः कुलपांसनः ॥

kartavyaṃ cetpriyaṃ mahyaṃ vadhyaḥ sa puruṣādhamaḥ | saindhavāpaśadaḥ pāpo durmatiḥ kulapāṃsanaḥ

If you would do what pleases me, that vilest of men must die: that outcast of Sindhu, sinful, evil-minded, the disgrace of his line.

Note on the text: Speaker set to Draupadi: verses 53–54 are her direct speech, announced in verse 52, with no printed heading.

Verse 54 (3.272.54)

भार्याभिहर्ता वैरी यो यश्च राज्यहरो रिपुः । याचमानोऽपिसंग्रामे न मोक्तव्यः कथंचन ॥

bhāryābhihartā vairī yo yaśca rājyaharo ripuḥ | yācamāno'pisaṃgrāme na moktavyaḥ kathaṃcana

An enemy who carries off a man's wife, and a foe who seizes his kingdom, must never be let go in battle, even if he begs for mercy.

Verse 55 (3.272.55)

इत्युक्तौ तौ नरव्याघ्रौ ययतुर्यत्र सैन्धवः । राजा निववृतेकृष्णामादाय सपुरोहितः ॥

ityuktau tau naravyāghrau yayaturyatra saindhavaḥ | rājā nivavṛtekṛṣṇāmādāya sapurohitaḥ

Thus addressed, the two tigers among men set off for where the king of Sindhu was, while the king turned back with Krishna and his priest.

Verse 56 (3.272.56)

स प्रविश्याश्रमपदमपविद्धवृसीकटम् । मार्कण्डेयादिभिर्विप्रैरनुकीर्णं ददर्श ह ॥

sa praviśyāśramapadamapaviddhavṛsīkaṭam | mārkaṇḍeyādibhirviprairanukīrṇaṃ dadarśa ha

Entering the hermitage, he found the sages' seats and mats scattered about, and the place thronged with Markandeya and the other brahmins.

Verse 57 (3.272.57)

द्रौपदीमनुशोचद्भिर्ब्राह्मणैस्तैः समाहितैः । समेयाय महाप्राज्ञः सभार्यो भ्रातृमध्यगः ॥

draupadīmanuśocadbhirbrāhmaṇaistaiḥ samāhitaiḥ | sameyāya mahāprājñaḥ sabhāryo bhrātṛmadhyagaḥ

The very wise king, with his wife and in the midst of his brothers, joined those composed brahmins, who had been grieving for Draupadi.

Note on the text: Corrected सभार्य → सभार्यो (misprint in Wikisource; the sandhi vowel ो of sabhāryaḥ before भ is lost; critical edition sabhāryo).

Verse 58 (3.272.58)

ते स्म तं मुदिता दृष्ट्वा पुनरप्यागतं नृपम् । जित्वा तान्सिन्धुसौवीरान्द्रौपदीं चाहृतां पुनः ॥

te sma taṃ muditā dṛṣṭvā punarapyāgataṃ nṛpam | jitvā tānsindhusauvīrāndraupadīṃ cāhṛtāṃ punaḥ

They rejoiced to see the king come back once more, having defeated those Sindhus and Sauviras and brought Draupadi home again.

Note on the text: Corrected सिनधुसौवीरान् → सिन्धुसौवीरान् (misprint in Wikisource; a broken conjunct; critical edition sindhusauvīrān).

Verse 59 (3.272.59)

स तैः परिवृतो राजातत्रैवोपविवेश ह । प्रविवेशाश्रमं कृष्णा यमाभ्यां सह भामिनी ॥

sa taiḥ parivṛto rājātatraivopaviveśa ha | praviveśāśramaṃ kṛṣṇā yamābhyāṃ saha bhāminī

Surrounded by them, the king sat down right there, and the lovely Krishna went into the hermitage with the twins.

Verse 60 (3.272.60)

भीमसेनार्जुनौ चापि श्रुत्वा क्रोशगतं रिपुम् । स्वयमश्वांस्तुदन्तौ तौ जवेनैवाभ्यधावताम् ॥

bhīmasenārjunau cāpi śrutvā krośagataṃ ripum | svayamaśvāṃstudantau tau javenaivābhyadhāvatām

Meanwhile Bhimasena and Arjuna, hearing that the enemy was a krosha ahead, drove their horses on themselves and raced after him.

Verse 61 (3.272.61)

इदमत्यद्भुतं चात्र चकारातिरथोऽर्जुनः । क्रोशमात्रगतानश्वान्सैन्धवस्य जघान यत् ॥

idamatyadbhutaṃ cātra cakārātiratho'rjunaḥ | krośamātragatānaśvānsaindhavasya jaghāna yat

And here Arjuna, the peerless chariot-warrior, did a most wondrous thing: he killed the Sindhu king's horses, though they were a full krosha away.

Verse 62 (3.272.62)

स हि दिव्यास्त्रसंपन्नः कृच्छ्रकालेऽप्यसंभ्रमः । अकरोद्दुष्करं कर्म शरैरस्त्रानुमन्त्रितैः ॥

sa hi divyāstrasaṃpannaḥ kṛcchrakāle'pyasaṃbhramaḥ | akarodduṣkaraṃ karma śarairastrānumantritaiḥ

For, master of divine weapons and unshaken even in a time of crisis, he performed this hard feat with arrows charged by the spells of his weapons.

Verse 63 (3.272.63)

ततोऽभ्यधावतां वीरावुभौ भीमधनंजयौ । हताश्वं सैन्धवं भीतमेकं व्याकुलचेतसम् ॥

tato'bhyadhāvatāṃ vīrāvubhau bhīmadhanaṃjayau | hatāśvaṃ saindhavaṃ bhītamekaṃ vyākulacetasam

Then the two heroes, Bhima and Dhananjaya, ran at the king of Sindhu, who stood alone, frightened, his horses dead and his mind in turmoil.

Verse 64 (3.272.64)

सैन्धवस्तु हतान्दृष्ट्वा तथाऽश्वान्स्वान्सुदुःखितः । रथात्प्रस्कन्द्य पद्भ्यां वै पलायनपरोऽभवत् ॥

saindhavastu hatāndṛṣṭvā tathā'śvānsvānsuduḥkhitaḥ | rathātpraskandya padbhyāṃ vai palāyanaparo'bhavat

Seeing his horses killed, the king of Sindhu, in deep distress, leapt down from his chariot and fled on foot.

Note on the text: Removed stray wiki quote marks (` and ') around the second line. Line 1 is the critical edition's 3.255.56ab; line 2 is not in the critical text but appears in its apparatus (3.255.56b*1216).

Verse 65 (3.272.65)

दृष्ट्वा विक्रमकर्माणि कुर्वाणं च धनंजयम् । पलायनकृतोत्साहः प्राद्रवद्येन वै वनम् ॥

dṛṣṭvā vikramakarmāṇi kurvāṇaṃ ca dhanaṃjayam | palāyanakṛtotsāhaḥ prādravadyena vai vanam

Seeing Dhananjaya performing feats of valour, he set all his heart on escape and ran for the forest.

Note on the text: Corrected रविक्रमकर्माणि → विक्रमकर्माणि (misprint in Wikisource; a stray र; the Wikisource commentary glosses विक्रमयुक्तानि कर्माणि, and the critical edition reads vikramakarmāṇi). The verse is the critical edition's 3.255.56cdef (unmatched by the automatic alignment).

Verse 66 (3.272.66)

सैन्धवं त्वभिसंप्रेक्ष्यपराक्रान्तं पलायने । अनुयाय महाबाहुः फल्गुनो वाक्यमब्रवीत् ॥

saindhavaṃ tvabhisaṃprekṣyaparākrāntaṃ palāyane | anuyāya mahābāhuḥ phalguno vākyamabravīt

Seeing the king of Sindhu straining every nerve to flee, mighty-armed Phalguna went after him and said:

Note on the text: Corrected त्वमिसंप्रेक्ष्य → त्वभिसंप्रेक्ष्य (misprint in Wikisource; म for भ; critical edition tv abhisaṃprekṣya).

Verse 67 (3.272.67)

अनेन वीर्येण कथं स्त्रियं प्रार्थयसे बलात् । राजपुत्र निवर्तस्व न ते युक्तं पलायनम् ॥

anena vīryeṇa kathaṃ striyaṃ prārthayase balāt | rājaputra nivartasva na te yuktaṃ palāyanam

Is this the valour with which you would carry off a woman by force? Turn back, prince! Running away does not become you.

Note on the text: Corrected अनन → अनेन (misprint in Wikisource; a lost vowel sign; critical edition anena). Speaker set to Arjuna: the verse is wholly his direct speech, announced in verse 66, with no printed heading. The verse is the critical edition's 3.255.58abcd (unmatched by the automatic alignment).

Verse 68 (3.272.68)

कथं ह्यनुचरान्हित्वा शत्रुमध्ये पलायसे । इत्युच्यमानः पार्थेन सैन्धवो न न्यवर्तत ॥

kathaṃ hyanucarānhitvā śatrumadhye palāyase | ityucyamānaḥ pārthena saindhavo na nyavartata

"How can you abandon your followers and flee in the midst of your enemies?" But though Partha called to him thus, the king of Sindhu did not turn back.

Note on the text: Line 1 (Arjuna's words) is the critical edition's 3.255.58ef (with ह्यनुचरान् for cānucarān); line 2 (narration) is its 3.255.59ab. Unmatched by the automatic alignment. The verse is left with the narrator because it closes in narration.

Verse 69 (3.272.69)

तिष्ठतिष्ठेति तं भीमः सहसाऽभ्यद्रवद्बली । मा वधीरिति पार्थस्तं दयावान्प्रत्यभाषत ॥

tiṣṭhatiṣṭheti taṃ bhīmaḥ sahasā'bhyadravadbalī | mā vadhīriti pārthastaṃ dayāvānpratyabhāṣata

Then mighty Bhima, shouting "Stop! Stop!", suddenly rushed at him, but compassionate Partha said to him, "Do not kill him."

Note on the text: The critical edition's 3.255.59cdef (with प्रत्यभाषत for abhyabhāṣata); unmatched by the automatic alignment.