Vali Slain; Trijata Comforts Sita

Verse 1 (3.281.1)

ततोऽविदूरे नलिनीं प्रभूतकमलोत्पलाम् । सीताहरणदुःखार्तः पम्पां रामः समासदत् ॥

tato'vidūre nalinīṃ prabhūtakamalotpalām | sītāharaṇaduḥkhārtaḥ pampāṃ rāmaḥ samāsadat

Then, not far off, Rama, stricken with grief at the abduction of Sita, came to Pampa, a lotus lake crowded with lotuses and water-lilies.

Note on the text: Wikisource prints the heading "मार्कण्डेय उवाच" as a numbered row (3-281-1x), which the extraction took as a separate verse also numbered 1; it is made the speaker here and the row dropped (the stray <spn> wiki mark went with it). Corrected रप्रभूत → प्रभूत (misprint in Wikisource; stray र; critical edition prabhūtakamalotpalām).

Verse 2 (3.281.2)

मारुतेन सुशीतेन सुखेनामृतगन्धिना । सेव्यमानो वने तस्मिञ्जगाम मनसा प्रियाम् ॥

mārutena suśītena sukhenāmṛtagandhinā | sevyamāno vane tasmiñjagāma manasā priyām

Fanned in that forest by a cool and pleasant breeze, fragrant as nectar, he went in his mind to his beloved.

Verse 3 (3.281.3)

विललाप सराजेन्द्रस्तत्रकान्तामनुस्मरन् । कामबाणाभिसंतप्तं सौमित्रिस्तमथाब्रवीत् ॥

vilalāpa sarājendrastatrakāntāmanusmaran | kāmabāṇābhisaṃtaptaṃ saumitristamathābravīt

There that king of kings lamented, remembering his beloved. Then Saumitri spoke to him, tormented as he was by the arrows of love.

Note on the text: Corrected कान्तानुस्मरन् → कान्तामनुस्मरन् (misprint in Wikisource; a dropped akshara leaves the quarter a syllable short; critical edition kāntām anusmaran).

Verse 4 (3.281.4)

न त्वामेवंविधो भावः स्प्रष्टुमर्हति मानद । आत्मवन्तमिव व्याधिः पुरुषंवृद्धसेविनम् ॥

na tvāmevaṃvidho bhāvaḥ spraṣṭumarhati mānada | ātmavantamiva vyādhiḥ puruṣaṃvṛddhasevinam

"O giver of honour, such a state of mind should not touch you, just as illness does not touch a self-possessed man who serves his elders.

Note on the text: No speaker heading in Wikisource; the whole verse is Lakshmana's direct speech, so it is assigned to Lakshmana.

Verse 5 (3.281.5)

प्रवृत्तिरुपलब्धा ते वैदेह्या रावणस्य च । तां त्वं पुरुषकारेण बुद्ध्या चैवोपपादय ॥

pravṛttirupalabdhā te vaidehyā rāvaṇasya ca | tāṃ tvaṃ puruṣakāreṇa buddhyā caivopapādaya

You have news of Vaidehi and of Ravana. Now bring it to fruit by your own effort and your intelligence.

Verse 6 (3.281.6)

अभिगच्छाव सुग्रीवं शैलस्थं हरिपुङ्गवम् । मयि शिष्ये च भृत्ये च सहाये च समाश्वस ॥

abhigacchāva sugrīvaṃ śailasthaṃ haripuṅgavam | mayi śiṣye ca bhṛtye ca sahāye ca samāśvasa

Let us go to Sugriva, the bull among monkeys, who lives on the mountain. Take heart: in me you have a disciple, a servant and a helper."

Verse 7 (3.281.7)

एवं बहुविधैर्वाक्यैर्लक्ष्मणेन स राघवः । उक्तः प्रकृतिमापेदे कार्ये चानन्तरोऽभवत् ॥

evaṃ bahuvidhairvākyairlakṣmaṇena sa rāghavaḥ | uktaḥ prakṛtimāpede kārye cānantaro'bhavat

Spoken to by Lakshmana with many such words, Raghava returned to his natural self and turned wholly to the task at hand.

Verse 8 (3.281.8)

निषेव्य वारि पम्पायास्तर्पयित्वा पितॄनपि । प्रतस्थतुरुभौ वीरौ भ्रातरौ रामलक्ष्मणौ ॥

niṣevya vāri pampāyāstarpayitvā pitṝnapi | pratasthaturubhau vīrau bhrātarau rāmalakṣmaṇau

Having drunk the water of Pampa and offered libations to their ancestors, the two heroic brothers, Rama and Lakshmana, set out.

Note on the text: Corrected पितृनपि → पितॄनपि (misprint in Wikisource; the accusative plural needs ॄ; critical edition pitṝn api). Corrected प्रतस्थतुरभौ → प्रतस्थतुरुभौ (misprint in Wikisource; the word is ubhau, "both"; critical edition pratasthatur ubhau).

Verse 9 (3.281.9)

तावृश्यमूकमभ्येत्य बहुमूलफलद्रुमम् । गिर्यग्रे वानरान्पञ्च वीरौ ददृशतुस्तदा ॥

tāvṛśyamūkamabhyetya bahumūlaphaladrumam | giryagre vānarānpañca vīrau dadṛśatustadā

Reaching Rishyamuka, rich in trees bearing roots and fruits, the two heroes then saw five monkeys on the summit of the mountain.

Note on the text: Corrected पञ्वीरौ → पञ्च वीरौ (misprint in Wikisource; a dropped akshara; critical edition pañca vīrau).

Verse 10 (3.281.10)

सुग्रीवः प्रेषयामास सचिवं वानरं तयोः । बुद्धिमन्तं हनूमन्तं हिमवन्तमिव स्थितम् ॥

sugrīvaḥ preṣayāmāsa sacivaṃ vānaraṃ tayoḥ | buddhimantaṃ hanūmantaṃ himavantamiva sthitam

Sugriva sent to them his minister, the monkey Hanuman, wise and as steady as the Himalaya.

Verse 11 (3.281.11)

तेन संभाष्य पूर्वं तौ सुग्रीवमभिजग्मतुः । सख्यं वानरराजेन चक्रे रामस्तदा नृप ॥

tena saṃbhāṣya pūrvaṃ tau sugrīvamabhijagmatuḥ | sakhyaṃ vānararājena cakre rāmastadā nṛpa

After first speaking with him, the two went to Sugriva, and then, O king, Rama made friendship with the king of the monkeys.

Note on the text: Corrected रसख्यं → सख्यं (misprint in Wikisource; stray र; critical edition sakhyaṃ).

Verse 12 (3.281.12)

ततः सीतां हृतां श्रुत्वा सुग्रीवो वालिना कृतम् । दुःखमाख्यातवान्सर्वं रामायामिततेजसे ॥

tataḥ sītāṃ hṛtāṃ śrutvā sugrīvo vālinā kṛtam | duḥkhamākhyātavānsarvaṃ rāmāyāmitatejase

Then, hearing that Sita had been carried off, Sugriva told Rama of boundless splendour all the suffering that Vali had caused him.

Note on the text: Not in the critical edition's constituted text; it appears in the apparatus as star passage 1265 after 3.264.11 (found in the vulgate recension). Removed the wiki marks ` and ' that flag it as an addition.

Verse 13 (3.281.13)

तद्वासो दर्शयामास तस्य कार्ये निवेदिते । वानराणां तु यत्सीता ह्रियमाणा व्यपासृजत् ॥

tadvāso darśayāmāsa tasya kārye nivedite | vānarāṇāṃ tu yatsītā hriyamāṇā vyapāsṛjat

When Rama had made his purpose known, Sugriva showed him the garment that Sita had let fall among the monkeys as she was being carried away.

Note on the text: Corrected तस् → तस्य (misprint in Wikisource; a dropped akshara; critical edition tasya).

Verse 14 (3.281.14)

तत्प्रत्ययकरं लब्ध्वा सुग्रीवं प्लवगाधिपम् । पृथिव्यां वानरैश्वर्ये स्वयंरामोऽभ्यषेचयत् ॥

tatpratyayakaraṃ labdhvā sugrīvaṃ plavagādhipam | pṛthivyāṃ vānaraiśvarye svayaṃrāmo'bhyaṣecayat

Having received that token of proof, Rama himself consecrated Sugriva, lord of the leaping monkeys, to sovereignty over the monkeys of the earth.

Verse 15 (3.281.15)

प्रतिजज्ञे चकाकुत्स्थः समरे वालिनो वधम् । सुग्रीवश्चापि वैदेह्याः पुनरानयनं नृप ॥

pratijajñe cakākutsthaḥ samare vālino vadham | sugrīvaścāpi vaidehyāḥ punarānayanaṃ nṛpa

Kakutstha vowed to slay Vali in battle, and Sugriva, O king, vowed to bring Vaidehi back.

Verse 16 (3.281.16)

इत्येवं समयं कृत्वाविश्वास्य च परस्परम् । अभ्येत्य सर्वे किष्किन्धां तस्थुर्युद्धाभिकाङ्क्षिणः ॥

ityevaṃ samayaṃ kṛtvāviśvāsya ca parasparam | abhyetya sarve kiṣkindhāṃ tasthuryuddhābhikāṅkṣiṇaḥ

Having made this pact and gained each other's trust, they all went to Kishkindha and stood there, eager for battle.

Note on the text: Corrected सर्वकिष्किन्धां → सर्वे किष्किन्धां (misprint in Wikisource; the vowel sign े is lost; the subject is "all of them", critical edition sarve kiṣkindhāṃ).

Verse 17 (3.281.17)

सुग्रीवः प्राप्यकिष्किन्धां ननादौघनिभस्वनः । नास्य तन्ममृषे वाली तारा तं प्रत्यषेधयत् ॥

sugrīvaḥ prāpyakiṣkindhāṃ nanādaughanibhasvanaḥ | nāsya tanmamṛṣe vālī tārā taṃ pratyaṣedhayat

Reaching Kishkindha, Sugriva roared with a sound like a rushing flood. Vali could not bear it, but Tara held him back.

Note on the text: Corrected नसाय् → नास्य (misprint in Wikisource; garbled letters; critical edition nāsya).

Verse 18 (3.281.18)

यथानदतिसुग्रीवो बलवानेष वानरः । मन्ये चाश्रयवान्प्राप्तो न त्वं निष्क्रान्तुमर्हसि ॥

yathānadatisugrīvo balavāneṣa vānaraḥ | manye cāśrayavānprāpto na tvaṃ niṣkrāntumarhasi

"From the way Sugriva is roaring, this monkey is strong. I think he has come with someone to back him. You should not go out."

Note on the text: No speaker heading in Wikisource; the whole verse is Tara's direct speech, so it is assigned to Tara.

Verse 19 (3.281.19)

हेममाली ततो वाली तारां ताराधिपाननाम् । प्रोवाच वचनं वाग्मी तां वानरपतिः पतिः ॥

hemamālī tato vālī tārāṃ tārādhipānanām | provāca vacanaṃ vāgmī tāṃ vānarapatiḥ patiḥ

Then Vali, the eloquent lord of the monkeys, who wore a golden garland, spoke to Tara, his wife, whose face was like the moon.

Verse 20 (3.281.20)

सर्वभूतरुतज्ञा त्वं पश्य बुद्ध्या समन्विता । केन चाश्रयवान्प्राप्तो ममैष भ्रातृगन्धिकः ॥

sarvabhūtarutajñā tvaṃ paśya buddhyā samanvitā | kena cāśrayavānprāpto mamaiṣa bhrātṛgandhikaḥ

"You understand the cries of all creatures; use your intelligence and see: who has given backing to this one, who is my brother only in name?"

Note on the text: Restored from the critical edition (3.264.19ab): Wikisource lost त्वं and printed "शृणु सर्वं कपीश्वर", a repeat of the next verse's second quarter, in place of "पश्य बुद्ध्या समन्विता"; the line now reads as in the critical edition. Corrected ममैप → ममैष (misprint in Wikisource; प for ष; critical edition mamaiṣa). The second line's केन चाश्रयवान् (critical edition kenāpāśrayavān) is a recension variant and is kept. No speaker heading in Wikisource; the whole verse is Vali's direct speech, so it is assigned to Vali.

Verse 21 (3.281.21)

चिन्तयित्वा मुहूर्तं तु तारा ताराधिपप्रभा । पतिमित्यब्रवीत्प्राज्ञा शृणु सर्वं कपीश्वर ॥

cintayitvā muhūrtaṃ tu tārā tārādhipaprabhā | patimityabravītprājñā śṛṇu sarvaṃ kapīśvara

Tara, wise and radiant as the moon, reflected for a moment and said to her husband: "Hear it all, lord of the monkeys.

Verse 22 (3.281.22)

हृतदारो महासत्वोरामो दशरथात्मजः । तुल्यारिमित्रतां प्राप्तः सुग्रीवेण धनुर्धरः ॥

hṛtadāro mahāsatvorāmo daśarathātmajaḥ | tulyārimitratāṃ prāptaḥ sugrīveṇa dhanurdharaḥ

Rama, the mighty son of Dasharatha, a bearer of the bow whose wife has been carried off, has entered into a pact with Sugriva to share the same foes and the same friends.

Note on the text: Corrected रतुल्यारिमित्रतां → तुल्यारिमित्रतां (misprint in Wikisource; stray र; critical edition tulyārimitratāṃ). Tara's speech, begun at the end of the previous verse, fills this and the next three verses, so they are assigned to her.

Verse 23 (3.281.23)

भ्राता चास्य महाबाहुः सौमित्रिरपराजितः । लक्ष्मणो नाम मेधावी स्थितः कार्यार्थसिद्धये ॥

bhrātā cāsya mahābāhuḥ saumitriraparājitaḥ | lakṣmaṇo nāma medhāvī sthitaḥ kāryārthasiddhaye

His brother too, the mighty-armed and unconquered son of Sumitra, the wise Lakshmana, stands by to see the task accomplished.

Verse 24 (3.281.24)

मैन्दश्च द्विविदश्चापि हनूमांश्चानिलात्मजः । जाम्बवानृक्षराजश्च सुग्रीवसचिवाः स्थिताः ॥

maindaśca dvividaścāpi hanūmāṃścānilātmajaḥ | jāmbavānṛkṣarājaśca sugrīvasacivāḥ sthitāḥ

Mainda and Dvivida, Hanuman the son of the Wind, and Jambavan the king of the bears stand by as Sugriva's ministers.

Verse 25 (3.281.25)

सर्व एते महात्मानो बुद्धिमन्तो महाबलाः । अलं तव विनाशाय रामवीर्यव्यपाश्रयाः ॥

sarva ete mahātmāno buddhimanto mahābalāḥ | alaṃ tava vināśāya rāmavīryavyapāśrayāḥ

All of them are great-souled, intelligent and immensely strong, and, relying on Rama's valour, they are enough to destroy you."

Verse 26 (3.281.26)

तस्यास्तदाक्षिप्य वचो हितमुक्तं कपीश्वरः । पर्यशङ्कत तामीर्षुः सुग्रीवगतमानसाम् ॥

tasyāstadākṣipya vaco hitamuktaṃ kapīśvaraḥ | paryaśaṅkata tāmīrṣuḥ sugrīvagatamānasām

The lord of the monkeys brushed aside those well-meant words of hers and, in his jealousy, suspected that her heart had gone over to Sugriva.

Verse 27 (3.281.27)

तारां परुषमुक्त्वा तु निर्जगाम गुहामुखात् । स्थितं माल्यवतोऽभ्याशे सुग्रीवं सोभ्यभाषत ॥

tārāṃ paruṣamuktvā tu nirjagāma guhāmukhāt | sthitaṃ mālyavato'bhyāśe sugrīvaṃ sobhyabhāṣata

Speaking harshly to Tara, he went out from the mouth of the cave and addressed Sugriva, who stood near Mount Malyavat.

Verse 28 (3.281.28)

असकृत्त्वं मया क्लीव निर्जितो जीवितप्रियः । मुक्तो गच्छसि दुर्बुद्धे कथंकारं रणे पुनः ॥

asakṛttvaṃ mayā klīva nirjito jīvitapriyaḥ | mukto gacchasi durbuddhe kathaṃkāraṃ raṇe punaḥ

"Coward, again and again I have beaten you, and you, who cling to life, were let go. So how is it, fool, that you come back to battle?"

Note on the text: Matches critical edition 3.264.27 (listed there among the unmatched verses); the second line differs (critical edition "mukto jñātir iti jñātvā kā tvarā maraṇe punaḥ", and क्लीव for mūḍha in the first) — a recension variant, kept. No speaker heading in Wikisource; the whole verse is Vali's direct speech, so it is assigned to Vali.

Verse 29 (3.281.29)

इत्युक्तः प्राहसुग्रीवो भ्रातरं हेतुमद्वचः । प्राप्तकालममित्रघ्नं रामं सम्बोधयन्निव ॥

ityuktaḥ prāhasugrīvo bhrātaraṃ hetumadvacaḥ | prāptakālamamitraghnaṃ rāmaṃ sambodhayanniva

Thus addressed, Sugriva spoke to his brother words full of reason and fitting to the moment, as though to rouse Rama, the slayer of foes.

Verse 30 (3.281.30)

हृतराज्यस्य मे राजन्हृतदारस्य च त्वया । किं मे जीवितसामर्थ्यमिति विद्धि समागतम् ॥

hṛtarājyasya me rājanhṛtadārasya ca tvayā | kiṃ me jīvitasāmarthyamiti viddhi samāgatam

"O king, you have taken my kingdom and taken my wife; what strength have I left to live? Know that this is why I have come."

Note on the text: No speaker heading in Wikisource; the whole verse is Sugriva's direct speech, so it is assigned to Sugriva.

Verse 31 (3.281.31)

एवमुक्त्वाबहुविधं ततस्तौ सन्निपेततुः । समरे वालिसुग्रीवौ सालतालशिलायुधौ ॥

evamuktvābahuvidhaṃ tatastau sannipetatuḥ | samare vālisugrīvau sālatālaśilāyudhau

Having said much of this kind, the two, Vali and Sugriva, then fell upon each other in combat, with sala trees, palms and rocks for weapons.

Verse 32 (3.281.32)

उभौ जघ्नतुरन्योन्यमुभौ भूमौ निपेततुः । उभौ ववल्गतुश्चित्रं मुष्टिभिश्च निजघ्नतुः ॥

ubhau jaghnaturanyonyamubhau bhūmau nipetatuḥ | ubhau vavalgatuścitraṃ muṣṭibhiśca nijaghnatuḥ

Both struck each other, both fell to the ground; both leapt about in wondrous ways and pounded each other with their fists.

Verse 33 (3.281.33)

उभौ रुधिरसंसिक्तौ नखदन्तपरिक्षतौ । शुशुभाते तदा वीरौ पुष्पिताविव किंशुकौ ॥

ubhau rudhirasaṃsiktau nakhadantaparikṣatau | śuśubhāte tadā vīrau puṣpitāviva kiṃśukau

Both drenched in blood and torn by nails and teeth, the two heroes shone then like two kimshuka trees in flower.

Verse 34 (3.281.34)

न विशेषस्तयोर्युद्धे यदा कश्चन दृश्यते । सुग्रीवस्य तदा मालां हनुमान्कण्ठ आसजत् ॥

na viśeṣastayoryuddhe yadā kaścana dṛśyate | sugrīvasya tadā mālāṃ hanumānkaṇṭha āsajat

When no difference at all could be seen between them in the fight, Hanuman then hung a garland on Sugriva's neck.

Note on the text: Corrected सुग्रीवस् → सुग्रीवस्य (misprint in Wikisource; a dropped akshara; critical edition sugrīvasya).

Verse 35 (3.281.35)

स मालया तदा वीरः शुशुभे कण्ठसक्तया । श्रीमानिव महाशैलो मलयो मेघमालया ॥

sa mālayā tadā vīraḥ śuśubhe kaṇṭhasaktayā | śrīmāniva mahāśailo malayo meghamālayā

With the garland hanging at his throat, the hero shone like the great and splendid mountain Malaya wreathed in a garland of clouds.

Verse 36 (3.281.36)

कृतचिह्नं तु सुग्रीवं रामो दृष्ट्वा महाधनुः । विचकर्ष धनुःश्रेष्ठं वालिमुद्दिश्य लक्षयन् ॥

kṛtacihnaṃ tu sugrīvaṃ rāmo dṛṣṭvā mahādhanuḥ | vicakarṣa dhanuḥśreṣṭhaṃ vālimuddiśya lakṣayan

Seeing Sugriva marked by the sign, Rama the great archer drew his finest of bows, taking aim at Vali.

Verse 37 (3.281.37)

विष्फारस्तस्य धनुषो यन्त्रस्येव तदा बभौ । वितत्रास तदा वाली शरेणाभिहतो हृदि ॥

viṣphārastasya dhanuṣo yantrasyeva tadā babhau | vitatrāsa tadā vālī śareṇābhihato hṛdi

The twang of his bow rang out then like the noise of an engine, and Vali shuddered, struck in the heart by the arrow.

Note on the text: Corrected तस् → तस्य (misprint in Wikisource; a dropped akshara; critical edition tasya).

Verse 38 (3.281.38)

स भिन्नहृदयो वाली वक्त्राच्छोणितमुद्वमन् । ददर्शावस्थितं रामं ततः सौमित्रिणा सह ॥

sa bhinnahṛdayo vālī vaktrācchoṇitamudvaman | dadarśāvasthitaṃ rāmaṃ tataḥ saumitriṇā saha

His heart pierced, Vali, vomiting blood from his mouth, then saw Rama standing there with Saumitri.

Note on the text: Corrected वक्राच्छोणितम् → वक्त्राच्छोणितम् (misprint in Wikisource; vaktra, "mouth", has lost its त; critical edition vaktrāc choṇitam).

Verse 39 (3.281.39)

गर्हयित्वास काकुत्स्थं पपात भुवि मूर्च्छितः । तारा ददर्श तं भूमौ तारापतिमिव च्युतम् ॥

garhayitvāsa kākutsthaṃ papāta bhuvi mūrcchitaḥ | tārā dadarśa taṃ bhūmau tārāpatimiva cyutam

Reproaching Kakutstha, he fell senseless to the ground. Tara saw him lying on the ground like the moon fallen from the sky.

Verse 40 (3.281.40)

हते वालिनि सुग्रीवः किष्किन्धां प्रत्यपद्यत । तां च तारापतिमुखीं तारां निपतितेश्वराम् ॥

hate vālini sugrīvaḥ kiṣkindhāṃ pratyapadyata | tāṃ ca tārāpatimukhīṃ tārāṃ nipatiteśvarām

With Vali slain, Sugriva took possession of Kishkindha, and of moon-faced Tara as well, whose lord had fallen.

Note on the text: Corrected तां तारापतिमुखीं → तां च तारापतिमुखीं (misprint in Wikisource; a dropped च leaves the quarter a syllable short; critical edition tāṃ ca tārāpatimukhīṃ).

Verse 41 (3.281.41)

रामस्तु चतुरो मासान्पृष्ठे माल्यवतः शुभे । निवासमकरोद्धीमान्सुग्रीवेणाभ्युपस्थितः ॥

rāmastu caturo māsānpṛṣṭhe mālyavataḥ śubhe | nivāsamakaroddhīmānsugrīveṇābhyupasthitaḥ

The wise Rama, attended by Sugriva, made his dwelling for four months on the fair slope of Malyavat.

Verse 42 (3.281.42)

रावणोऽपिपुरीं गत्वालङ्कां कामबलात्कृतः । सीतां निवेशयामास भवने नन्दनोपमे ॥

rāvaṇo'pipurīṃ gatvālaṅkāṃ kāmabalātkṛtaḥ | sītāṃ niveśayāmāsa bhavane nandanopame

Ravana, for his part, driven by desire, went to his city of Lanka and lodged Sita in a mansion like the garden of Nandana,

Note on the text: Wikisource divides the critical edition's two six-quarter verses 3.264.41–42 into three verses: this one is 3.264.41ab (listed among the unmatched critical-edition verses).

Verse 43 (3.281.43)

अशोकवनिकाभ्यासे तापसाश्रमसन्निभे । भर्तृस्मरणतन्वङ्गी तापसीवेषधारिणी ॥

aśokavanikābhyāse tāpasāśramasannibhe | bhartṛsmaraṇatanvaṅgī tāpasīveṣadhāriṇī

near the Ashoka grove, a place like a hermitage of ascetics. Grown thin with longing for her husband, wearing the garb of an ascetic woman,

Note on the text: This verse is critical edition 3.264.41ef + 42ab. Corrected तापसास्रमसन्निभे → तापसाश्रमसन्निभे (misprint in Wikisource; स्र for श्र; critical edition tāpasāśramasaṃnibhe).

Verse 44 (3.281.44)

उपवासतपःशीला ततः सा पृथुलेक्षणा । उवास दुःखवसतिं फलमूलकृताशना ॥

upavāsatapaḥśīlā tataḥ sā pṛthulekṣaṇā | uvāsa duḥkhavasatiṃ phalamūlakṛtāśanā

given to fasting and austerity, the large-eyed one lived there in sorrow, eating fruits and roots.

Note on the text: This verse is critical edition 3.264.42cdef.

Verse 45 (3.281.45)

दिदेश राक्षसीस्तत्ररक्षणे राक्षसाधिपः । प्रासासिशूलपरशुमुद्गरालातधारिणीः ॥

dideśa rākṣasīstatrarakṣaṇe rākṣasādhipaḥ | prāsāsiśūlaparaśumudgarālātadhāriṇīḥ

The lord of the rakshasas set rakshasis there to guard her, carrying darts, swords, spears, axes, maces and firebrands:

Verse 46 (3.281.46)

द्व्यक्षीं त्र्यक्षीं ललाटाक्षीं दीर्घजिह्वामजिह्विकाम् । त्रिस्तनीमेकपादां च त्रिजटामेकलोचनाम् ॥

dvyakṣīṃ tryakṣīṃ lalāṭākṣīṃ dīrghajihvāmajihvikām | tristanīmekapādāṃ ca trijaṭāmekalocanām

one with two eyes, one with three eyes, one with an eye in her forehead, one with a long tongue, one with no tongue, one with three breasts, one with a single foot, one with three braids of hair (Trijata), and one with a single eye.

Note on the text: Corrected ललाटक्षीं → ललाटाक्षीं (misprint in Wikisource; lalāṭa + akṣī joins as ललाटाक्षी; critical edition lalāṭākṣīṃ).

Verse 47 (3.281.47)

एताश्चान्याश्च दीप्ताक्ष्यः करभोत्कटमूर्धजाः । परिवार्यासते सीतां दिवारात्रमतन्द्रिताः ॥

etāścānyāśca dīptākṣyaḥ karabhotkaṭamūrdhajāḥ | parivāryāsate sītāṃ divārātramatandritāḥ

These and others, with blazing eyes and hair as coarse and bristling as a camel's, sit round Sita day and night, never flagging.

Verse 48 (3.281.48)

तास्तु तामायतापाङ्गीं पिशाच्यो दारुणस्वराः । तर्जयन्ति सदा रौद्राः परुषव्यञ्जनस्वराः ॥

tāstu tāmāyatāpāṅgīṃ piśācyo dāruṇasvarāḥ | tarjayanti sadā raudrāḥ paruṣavyañjanasvarāḥ

Those she-demons, fierce, with savage voices and harsh, grating speech, keep threatening the woman with the long, wide eyes:

Verse 49 (3.281.49)

खादाम पाटयामैनां तिलशः प्रविभज्यताम् । येयं भर्तारमस्माकमवमत्येह जीवति ॥

khādāma pāṭayāmaināṃ tilaśaḥ pravibhajyatām | yeyaṃ bhartāramasmākamavamatyeha jīvati

"Let us eat her! Let us tear her apart! Let her be cut up into pieces as small as sesame seeds, this woman who lives here scorning our master!"

Note on the text: No speaker heading in Wikisource; the whole verse is the Rakshasis' direct speech, so it is assigned to the Rakshasis.

Verse 50 (3.281.50)

इत्येवं परिभर्त्सन्तीस्त्रासयानाः पुनः पुनः । भर्तृशोकसमाविष्टा निःश्वस्येदमुवाच ताः ॥

ityevaṃ paribhartsantīstrāsayānāḥ punaḥ punaḥ | bhartṛśokasamāviṣṭā niḥśvasyedamuvāca tāḥ

As they kept threatening and terrifying her again and again in this way, she, overwhelmed by grief for her husband, sighed and said to them:

Verse 51 (3.281.51)

आर्याः खादत मां शीघ्रं न मे लोभोस्ति जीविते । विना तं पुण्डरीकाक्षं नीलकुञ्चितमूर्धजम् ॥

āryāḥ khādata māṃ śīghraṃ na me lobhosti jīvite | vinā taṃ puṇḍarīkākṣaṃ nīlakuñcitamūrdhajam

"Noble ladies, eat me quickly. I have no desire for life without him, the lotus-eyed one with dark, curling hair.

Note on the text: No speaker heading in Wikisource; the whole verse is Sita's direct speech, so it is assigned to Sita.

Verse 52 (3.281.52)

अद्यैवाहं निराहारा जीवितप्रियवर्जिता । शोषयिष्यामि गात्राणि बल्ली तलगता यथा ॥

adyaivāhaṃ nirāhārā jīvitapriyavarjitā | śoṣayiṣyāmi gātrāṇi ballī talagatā yathā

This very day, taking no food and parted from him who is dear as life, I will let my limbs wither, like a creeper fallen to the ground.

Verse 53 (3.281.53)

न त्वन्यमभिगच्छेयं पुमांसं राघवादृते । इति जानीत सत्यं मेक्रियतां यदनन्तरम् ॥

na tvanyamabhigaccheyaṃ pumāṃsaṃ rāghavādṛte | iti jānīta satyaṃ mekriyatāṃ yadanantaram

But I will never go to any man other than Raghava. Know this to be the truth, and do whatever must come next."

Verse 54 (3.281.54)

तस्यास्तद्वचनं श्रुत्वा राक्षस्यस्ताः खरस्वनाः । आख्यातुं राक्षसेन्द्राय जग्मुस्तत्सर्वमादितः ॥

tasyāstadvacanaṃ śrutvā rākṣasyastāḥ kharasvanāḥ | ākhyātuṃ rākṣasendrāya jagmustatsarvamāditaḥ

Hearing these words of hers, the harsh-voiced rakshasis went off to tell the lord of the rakshasas all of it from the beginning.

Note on the text: Corrected जन्मुस् → जग्मुस् (misprint in Wikisource; न्म for ग्म; the verb is jagmuḥ, "they went", as in the critical edition).

Verse 55 (3.281.55)

गतासु तासु सर्वासु त्रिजटा नाम राक्षसी । सान्त्वयामास वैदेहीं धर्मज्ञा प्रियवादिनी ॥

gatāsu tāsu sarvāsu trijaṭā nāma rākṣasī | sāntvayāmāsa vaidehīṃ dharmajñā priyavādinī

When they had all gone, a rakshasi named Trijata, who knew dharma and spoke kindly, comforted Vaidehi.

Verse 56 (3.281.56)

सीते वक्ष्यामि ते किंचिद्विश्वासं कुरु मे सखि । भयं त्वं त्यज वामोरु शृणु चेदं वचो मम ॥

sīte vakṣyāmi te kiṃcidviśvāsaṃ kuru me sakhi | bhayaṃ tvaṃ tyaja vāmoru śṛṇu cedaṃ vaco mama

"Sita, I will tell you something; trust me, my friend. Put aside your fear, lovely one, and listen to what I say.

Note on the text: Corrected करु → कुरु (misprint in Wikisource; the imperative is kuru; critical edition kuru me sakhi). No speaker heading in Wikisource; the whole verse is Trijata's direct speech, so it is assigned to Trijata. Her speech runs to verse 73.

Verse 57 (3.281.57)

अविन्ध्यो नाम मेधावी वृद्धो राक्षसपुङ्गवः । स रामस्य हितान्वेषी त्वदर्थे मामचूचुदत् ॥

avindhyo nāma medhāvī vṛddho rākṣasapuṅgavaḥ | sa rāmasya hitānveṣī tvadarthe māmacūcudat

There is a wise and aged chief among the rakshasas named Avindhya. He seeks Rama's good, and he has charged me on your behalf:

Verse 58 (3.281.58)

सीता मद्वचनाद्वाच्या समाश्वास्य प्रसाद्य च । भर्ता तेकुशली रामोलक्ष्मणानुगतो बली ॥

sītā madvacanādvācyā samāśvāsya prasādya ca | bhartā tekuśalī rāmolakṣmaṇānugato balī

Comfort Sita and cheer her, he said, and tell her from me: your husband Rama is safe and strong, with Lakshmana at his side.

Verse 59 (3.281.59)

सख्यं वानरराजेन शक्रप्रतिमतेजसा । कृतवान्राघवः श्रीमांस्त्वदर्थे च समुद्यतः ॥

sakhyaṃ vānararājena śakrapratimatejasā | kṛtavānrāghavaḥ śrīmāṃstvadarthe ca samudyataḥ

Glorious Raghava has made friends with the king of the monkeys, whose splendour equals Shakra's, and he is ready to act for your sake.

Verse 60 (3.281.60)

मा च ते भूद्भयं भीरु रावणाल्लोकगर्हितात् । नलकूबरशापेन रक्षिता ह्यसि नन्दिनि ॥

mā ca te bhūdbhayaṃ bhīru rāvaṇāllokagarhitāt | nalakūbaraśāpena rakṣitā hyasi nandini

And do not be afraid, timid one, of Ravana, whom the world despises; you are protected, dear girl, by Nalakubara's curse.

Verse 61 (3.281.61)

शप्तो ह्येष पुरा पापो वधूं रम्भां परामृशन् । न शक्नोत्यवशां नारीमुपैतुमजितेन्द्रियः ॥

śapto hyeṣa purā pāpo vadhūṃ rambhāṃ parāmṛśan | na śaknotyavaśāṃ nārīmupaitumajitendriyaḥ

For this wicked one was cursed long ago when he laid hands on Rambha, his daughter-in-law. With his senses unmastered, he cannot approach a woman against her will.

Note on the text: Corrected शक्रोति → शक्नोति (misprint in Wikisource; क्र for क्न; the verb is śaknoti, "is able").

Verse 62 (3.281.62)

क्षिप्रमेष्यति ते भर्ता सुग्रीवेणाभिरक्षितः । सौमित्रिसहितो धीमांस्त्वां चेतो मोक्षयिष्यति ॥

kṣiprameṣyati te bhartā sugrīveṇābhirakṣitaḥ | saumitrisahito dhīmāṃstvāṃ ceto mokṣayiṣyati

Your husband will come soon, protected by Sugriva; with Saumitri beside him, the wise one will set you free from here.

Verse 63 (3.281.63)

स्वप्ना हि सुमहाघोरा दृष्टा मेऽनिष्टदर्शनाः । विनाशायास्य दुर्बुद्धेः पौलस्त्यस्य कुलस्य च ॥

svapnā hi sumahāghorā dṛṣṭā me'niṣṭadarśanāḥ | vināśāyāsya durbuddheḥ paulastyasya kulasya ca

For I have seen dreams, most terrible and ill-omened, foretelling the destruction of this evil-minded one and of the race of Pulastya.

Verse 64 (3.281.64)

दारुणो ह्येष दुष्टात्मा क्षुद्रकर्मा निशाचरः । स्वभावाच्छीलदोषेण सर्वेषां भयवर्धनः ॥

dāruṇo hyeṣa duṣṭātmā kṣudrakarmā niśācaraḥ | svabhāvācchīladoṣeṇa sarveṣāṃ bhayavardhanaḥ

This night-walker is cruel, wicked-souled and base in his deeds; by his very nature and his corrupt conduct he spreads fear among all.

Verse 65 (3.281.65)

स्पर्धते सर्वदेवैर्यः कालोपहतचेतनः । मया विनाशलिङ्गानि स्वप्ने दृष्टानि तस्य वै ॥

spardhate sarvadevairyaḥ kālopahatacetanaḥ | mayā vināśaliṅgāni svapne dṛṣṭāni tasya vai

He, whose mind Time has struck down, vies with all the gods. In a dream I have seen the signs of his destruction.

Note on the text: Corrected विनासलिङ्गानि → विनाशलिङ्गानि (misprint in Wikisource; स for श; critical edition vināśaliṅgāni).

Verse 66 (3.281.66)

तैलाभिषिक्तो विकचो मज्जन्पङ्के दशाननः । असकृत्खरयुक्ते तु रथे नृत्यन्निव स्थितः ॥

tailābhiṣikto vikaco majjanpaṅke daśānanaḥ | asakṛtkharayukte tu rathe nṛtyanniva sthitaḥ

The ten-headed one, smeared with oil and shaven, sinking in mud; and again and again standing in a chariot yoked to donkeys, as though dancing.

Note on the text: Corrected मज्जनप्के → मज्जन्पङ्के (misprint in Wikisource; garbled letters; critical edition majjan paṅke). Corrected स्वरयुक्ते → खरयुक्ते (misprint in Wikisource; स्व for ख; a chariot "yoked with donkeys", critical edition kharayukte).

Verse 67 (3.281.67)

कुम्भकर्णादयश्चेमे नग्नाः पतितमूर्धजाः । गच्छन्ति दक्षिणामाशां रक्तमाल्यानुलेपनाः ॥

kumbhakarṇādayaśceme nagnāḥ patitamūrdhajāḥ | gacchanti dakṣiṇāmāśāṃ raktamālyānulepanāḥ

Kumbhakarna and these others, naked, their hair fallen out, wearing red garlands and red unguents, were going toward the southern quarter.

Verse 68 (3.281.68)

श्वेतातपत्रः सोष्णीषः शुक्लमाल्यानुलेपनः । श्वेतपर्वतमारूढ एक एव विभीषणः ॥

śvetātapatraḥ soṣṇīṣaḥ śuklamālyānulepanaḥ | śvetaparvatamārūḍha eka eva vibhīṣaṇaḥ

Vibhishana alone, under a white parasol and wearing a turban, with white garlands and unguents, had climbed a white mountain.

Verse 69 (3.281.69)

सचिवाश्चास्य चत्वारः शुक्लमाल्यानुलेपनाः । श्वेतपर्वतमारूढा मोक्ष्यन्तेऽस्मान्महाभयात् ॥

sacivāścāsya catvāraḥ śuklamālyānulepanāḥ | śvetaparvatamārūḍhā mokṣyante'smānmahābhayāt

His four ministers too, with white garlands and unguents, had climbed the white mountain; they will free us from this great fear.

Verse 70 (3.281.70)

रामस्यास्त्रेण पृथिवी परिक्षिप्ता ससागरा । यशसा पृथिवीं कृत्स्नां पूरयिष्यति ते पतिः ॥

rāmasyāstreṇa pṛthivī parikṣiptā sasāgarā | yaśasā pṛthivīṃ kṛtsnāṃ pūrayiṣyati te patiḥ

The earth with its oceans was covered by Rama's weapon; your husband will fill the whole earth with his fame.

Verse 71 (3.281.71)

हस्तिसक्थिसमारूढो भुञ्जानो मधुपायसम् । लक्ष्मणश्च मया दृष्टो दिधक्षुः सर्वतो दिशम् ॥

hastisakthisamārūḍho bhuñjāno madhupāyasam | lakṣmaṇaśca mayā dṛṣṭo didhakṣuḥ sarvato diśam

And I saw Lakshmana seated on an elephant's thigh, eating honey and rice cooked in milk, as if eager to burn up every quarter.

Note on the text: हस्तिसक्थिसमारूढो and दिधक्षुः सर्वतो दिशम् differ from the critical edition (asthisaṃcayam ārūḍho … nirīkṣan sarvatodiśaḥ); recension variants, kept.

Verse 72 (3.281.72)

रुदती रुधिरार्द्राङ्गी व्याघ्रेण परिरक्षिता । असकृत्त्वं मया दृष्टा गच्छन्ती दिशमुत्तराम् ॥

rudatī rudhirārdrāṅgī vyāghreṇa parirakṣitā | asakṛttvaṃ mayā dṛṣṭā gacchantī diśamuttarām

And again and again I saw you, weeping, your limbs wet with blood, guarded by a tiger, going toward the northern quarter.

Verse 73 (3.281.73)

हर्षमेष्यसि वैदेहि क्षिप्रं भर्त्रा समन्विता । राघवेण सहभ्रात्रा सीते त्वमचिरादिव ॥

harṣameṣyasi vaidehi kṣipraṃ bhartrā samanvitā | rāghaveṇa sahabhrātrā sīte tvamacirādiva

Soon, Vaidehi, you will know joy, united with your husband; before long, Sita, you will be with Raghava and his brother."

Verse 74 (3.281.74)

इत्येतन्मृगशावाक्षी तच्छ्रुत्वा त्रिजटावचः । बभूवाशावती बाला पुनर्भर्तृसमागमे ॥

ityetanmṛgaśāvākṣī tacchrutvā trijaṭāvacaḥ | babhūvāśāvatī bālā punarbhartṛsamāgame

Hearing these words of Trijata, the fawn-eyed young woman grew hopeful once more of being reunited with her husband.

Verse 75 (3.281.75)

तावदभ्यागता रौद्र्यः पिशाच्यस्ताःसुदारुणाः । ददृशुस्तां त्रिजटया सहासीनां यथापुरम् ॥

tāvadabhyāgatā raudryaḥ piśācyastāḥsudāruṇāḥ | dadṛśustāṃ trijaṭayā sahāsīnāṃ yathāpuram

Then the fierce and dreadful she-demons came back, and saw her sitting with Trijata as before.